Notes to the Financial Statements (cont'd) - Kenya Airways

KENYA AIRWAYS LIMITED | ANNUAL REPORT & FINANCIAL STATEMENTS 2011 KENYA AIRWAYS LIMITED | ANNUAL REPORT & FINANCIAL STATEMENTS 2011
Taarifa ya Mwenyekiti (unaendelea)
Taarifa ya Mwenyekiti (unaendelea)
cha asilimia 1.6. Ukuaji huo hasa ulitokana na kuimarika
kwa hali ya kiuchumi na kuzinduliwa kwa maeneo mapya
ya usafiri.
Maeneo yaliyorekodi upungufu wa kiwango cha mizigo ni
pamoja na Mashariki ya Kati (-11.2%), Mashariki ya Mbali
(-12.9%) na Afrika Kaskazini (-3.5%). Upungufu katika
maeneo hayo hasa ulikuwa mkubwa katika miezi mitatu
ya mwisho wa mwaka kutokana na misukosuko ya kisiasa
katika Mashariki ya Kati na Afrika Kaskazini. Kudidimia
huko pia kulitokana na ukosefu wa nafasi kutokana na
mizigo mingi kupitia kiasi.
Kiwango cha ubadilishanaji wa fedha
Dola ya Amerika iliimarika dhidi ya Shilingi ya Kenya
huku kiwango cha wastani cha ubadilishanaji kikiwa Dola1
kwa kila Ksh79.69 ikilinganishwa na kiwango cha mwaka
uliotangulia cha Dola1 kwa Sh76.67. Kuimarika kwa Dola
na kupungua kwa thamani ya Shilingi kulikuwa na matokeo
bora kwenye mapato yanayotokana na fedha za kigeni
yanapogeuzwa kwa Shilingi za Kenya. Matokeo hayo bora
hata hivyo yaliathiriwa kwa kiasi fulani na gharama ambazo
zililipiwa kwa kiwango kikubwa kwa fedha za kigeni.
Gharama
Gharama za mafuta
Gharama za mafuta, bila kujumuisha gharama za mkakati
wa kukabiliana na mabadiliko ya bei ya mafuta, ziliongezeka
kwa Ksh5.96bilioni au asilimia 31.7, ikilinganishwa na
mwaka uliotangulia. Nyongeza hii kubwa ilitokana hasa
na bei ya juu ya gharama ya mafuta ya ndege kutoka 216/
cag mnamo 2010 hadi 258/cag mnamo 2011, nyongeza
ya asilimia 19.4%. Shilingi ya Kenya iliyopungua thamani
hivyo basi, iliathiri gharama ya mafuta kwa asilimia 3.9.
Nyongeza iliyosalia ya asilimia 8.4 ilitokana na matumizi
zaidi kutokana na kuongezeka kwa shughuli zetu.
Gharama za uendeshaji
Gharama za uendeshaji zilipanda kwa Ksh 1.55billion au
asilimia 10.1. Matokeo yaliathiriwa vibaya na gharama za
wafanyikazi za Ksh1.022bilioni na Ksh532milioni katika
masuala ya jumla ya usimamizi na uzinduzi wa maeneo
mapya ya usafiri.
Matarajio ya baadaye
Kwa mujibu wa IATA, bei ya juu ya mafuta, iliyotokana
na misukosuko ya kisiasa Mashariki ya Kati na Afrika
Kaskazini zitapunguza faida za shirka hili 2011. Kutokana
na hali hiyo, makadirio ya faida katika mashirika ya ndege
kote duniani ambayo yalitarajiwa kuwa Dola 9.1bilioni
mnamo 2011 yatapungua hadi Dola8.6bilioni. Bodi imetilia
maanani nyongeza ya mahitaji ya usafiri yanayotarajiwa
kuongezeka na shinikizo kwa mapato kutokana na kupanda
kwa bei ya mafuta. Hii inamaanisha kuwa, Kenya Airways ni
lazima itekeleze mikakati ifaayo kuimarisha ukuaji na faida
yake. Vichocheo vikuu vya ukuaji ni idadi kubwa ya wasafiri,
mapato mazuri na mpango mahususi wa kupunguza
gharama. Hivyo basi, shirika hili litaendelea kufungua njia
mpya za kuhudumu kwa mpango, kununua ndege mpya,
kutoa mafunzo kwa wafanyikazi na kuimarisha mitambo
yake. Wasimamizi wanajitolea kutoa huduma zifaazo
kupitia, miongoni mwa mengine, utenda kazi kwa wakati ili
kutosheleza na kuzidisha matarajio ya wateja.
Faida ya Kenya Airways baada ya ushuru kwa 2010/11 ni
bora ikilinganishwa na faida ya mwaka uliotangulia. Bodi
ina matumaini kuwa matokeo ya kampuni yataendelea
kuimarika katika miaka ijayo.
Mikataba ya angani na kufikia masoko
Kenya Airways iliendeela kufungua Afrika kwa mataifa
mengine ya ulimwengu katika kipindi kinachotathminiwa.
Njia 6 mpya zilizinduliwa mwaka huo nazo ni: Muscat-
Oman, Juba – Kusini mwa Sudan, Luanda-Angola, Nampula
- Mozambique, Rome-Italia na Malindi. Safari hizo mpya
zimeongeza idadi ya maeneo tunakohudumu hadi 53
kutoka 47 mwaka uliotangulia.
Kwa kufungua maeneo mpya, Kenya Airways imeendelea
kuchangia katika ustawi wa Afrika wa kutegemewa
kwa kufanikisha utalii na biashara; kuchangia ukuaji
wa uchumi, kutoa nafasi za kazi na kuongeza mapato
kutokana na ushuru. Kundi la Pande mbili la Huduma za
Angani linaloongozwa na Wizara ya Uchukuzi lilijadiliana,
kutathmini na kupitisha mapatano kadha ya pande
mbili kuhusu huduma za angani (BASA) katika kipindi
kinachochunguzwa.
Serikali ya Nigeria ilichunguza mkataba wa sasa wa BASA
na kukubali kuanzishwa kwa safari za moja kwa moja
kutoka Nairobi hadi Abuja mara nne kwa wiki na Kenya
Airways, na nyongeza ya safari za kila wiki hadi Lagos
kutoka 10 hadi 14. Mapatano na Tanzania na Sudan pia
yalichunguzwa upya, na kuhusiana na Tanzania, idadi
ya safari kutoka Nairobi hadi Dar es Salaam ziliongezwa
kutoka safari 21 kwa wiki hadi 42 na za zile saba za kila wiki
kuelekea Sudan pia ziliongezwa bila kipimo na uwezo.
Ufanisi wa kihistoria ulipatikana kupitia kuanzishwa
kwa operesheni za Kenya Airways hadi Luanda, Angola.
Kenya Airways inaendelea kuchunguza makubaliano
yaliyopo na kutia sahihi ushirikiano wa kibiashara na
mashirika mengine, kwa lengo la kupanua mtandao wake
Afrika na kwingineko duniani.
Serikali na Shirika la Kusimamia Viwanja vya Ndege (KAA)
zinaendelea kuunga mkono mashirika ya ndege ya humu
nchini. Hasa katika kipindi kinachoangaziwa, shughuli za
upanuzi wa uwanja wa JKIA zilianza. Imebainika kuwa JKIA
inaendelea kuzidiwa, na miundomsingi inapasa kuimarishwa.
Mabadiliko hayo yatahakikisha JKIA inaimarisha hadhi yake
kama kitovu cha kibiashara katika eneo hili, pamoja na
kuwa na uwezo wa kuhudumia wasafiri zaidi.
Kutokana na utandawazi wa huduma za usafiri wa angani
katika Jumuiya ya Afrika Mashariki, Kenya Airways
inajiandaa kupanua mtandao wa maeneo inakohudumu
kwa ushirikiano na Precision Air na washirika wengine
katika sekta hiyo. Na katika sehemu zingine za Afrika,
licha ya Uamuzi wa Yamoussoukro, masoko mengi bado
yanadhibitiwa kupita kiasi na Kenya Airways kwa usaidizi
wa Serikali, inaendelea kufuatilia masoko hayo.
Wenyehisa
Idadi ya wenyehisa kwenye Sajili ya Wanachama kufikia
Machi 31, 2011 ni 73,249. Kati ya hizi, wenyehisa 32,923
wamekinda hisa zao dhidi ya hasara na kuchagua CDSC
Nominees Limited na kufungua akaunti kwenye Central
Depositary System. Maelezo kuhusu wenyehisa kufikia
Machi 31, 2011 yamo kwenye ukurasa 103.
Mgao wa faida wa mwisho
Bodi inapendekeza kuidhinishwa na wenyehisa mgao wa
mwisho wa Ksh1.50 kwa hisa, kulipwa kwa wenyehisa wa
kampuni walio kwenye Sajili ya Wanachama kufikia mwisho
wa shughuli za siku mnamo Oktoba 14, 2011 ambazo
zitalipwa mnamo au kufikia Novemba 16, 2011.
Shukrani
Ninachukua fursa hii kutoa shukrani zangu kwa wateja
wetu, wenyehisa, serikali, wasimamizi na wafanyikazi na
wakurugenzi wenzangu kwa ushirikiano wao wa kila mara.
Wakurugenzi
Wanachama wa Bodi waliohudumu mwaka uliomalizika
wamo kwenye ripoti kuhusu Wakurugenzi katika
ukurasa 56.
EVANSON MWANIKI
MWENYEKITI
20 21