Estrogel í skammtadælu inniheldur 0,6 mg - Besins Healthcare

Upplýsingar um
ESTROGEL HLAUP
ESTROGEL, hlaup 0,6 mg/g
HVAÐ INNIHELDUR ESTROGEL?
Estrogel í skammtadælu inniheldur 0,6 mg af estradíóli í hverju grammi af hlaupi sem
jafngildir 0,75 mg í hverjum skammti.
Hlaupið inniheldur auk þess hjálparefnin karbómer 980, trolamín, etanól 96% og hreinsað
vatn.
HVERNIG VERKAR ESTROGEL?
Estrogel er hlaup sem flytur líkamanum náttúrulegt kvenhormón um húð.
HVER BER ÁBYRGÐ Á ESTROGEL?
Handhafi markaðsleyfis
Oy Leiras Finland AB, Yliopistonkatu 34 A, FIN-20100 Turku, Finnlandi.
Framleiðandi
Oy Leiras Finland Ab, Pansiontie 47, FIN-20200, Finnlandi.
Umboðsmaður
Gróco ehf., Lynghálsi 13, 110 Reykjavík.
VIÐ HVERJU ER ESTROGEL NOTAÐ?
Estrogel er notað við óþægindum þegar estrógenframleiðsla er ófullnægjandi
(uppbótarmeðferð með hormónum). Auk þess er hægt að nota uppbótarmeðferð með
hormónum eftir tíðahvörf hjá konum sem er sérstaklega hætt við beinbrotum vegna
beinþynningar þegar önnur lyfjameðferð hentar ekki. Læknirinn veitir þér frekari upplýsingar
varðandi mögulega valkosti.
HVENÆR ÁTT ÞÚ EKKI AÐ NOTA LYFIÐ?
Estrogel má ekki nota, ef þú ert barnshafandi, ef þú ert með krabbamein í brjóstum eða
legslímhúð, alvarlega lifrarsjúkdóma, blæðingar frá legi af óþekktri orsök eða ef um er að
ræða blóðtappa í bláæðum, blóðsegasjúkdóma eða ef eitthvað í sjúkdómssögu þinni eða
fjölskyldunnar bendir til þessara kvilla.
HVAÐ ÞARFT ÞÚ AÐ VITA ÁÐUR EN ÞÚ BYRJAR AÐ NOTA ESTROGEL?
Vegna ábendingarinnar “Til varnar beinþynningu hjá konum eftir tíðahvörf” eiga eftirfarandi
upplýsingar að koma fram:
Erfitt er að tilnefna sjúklingahópa, þar sem hætta á beinþynningu á tímabilinu eftir tíðahvörf
eykst í þeim mæli, að ástæða þyki til þess að meðhöndla með estrógenum eða
estrógen/gestagen samsetningu með tilliti til hættu á aukaverkunum af völdum
meðferðarinnar. Þar til frekari vitneskja liggur fyrir falla eftirfarandi hópar undir þessa
ábendingu lyfsins:
1

Konur sem hafa gengist undir aðgerð til að fjarlægja eggjastokka, ótímabær tíðahvörf,
tilhneiging í fjölskyldu til beinþynningar, skert hreyfigeta og langvinn sængurlega, almenn
meðferð með nýrnahettubarkarhormónum, undirþyngd.
Langvarandi meðferð með estrógenum eykur að öllum líkindum hættu á illkynja æxlum í
legslímhúð og brjóstum. Áhættan getur hugsanlega minnkað við notkun estrógen/gestagen
samsettra lyfja þar sem verkun líkist tíðahringnum.
Sjúklinga á að skoða reglulega á meðan á meðferðinni stendur, einnig á að framkvæma
kvenskoðun t.d. einu sinni á ári og einnig ef blæðingatruflanir halda áfram.
Áhrif ýmissa hormóna á blóðfituefni eru óljós.
Rannsóknir er ákveða meðferðarlengd eru ekki fyrirliggjandi.
Meðan á meðferðinni stendur átt þú að fara reglulega í skoðun hjá lækni.
Uppbótarmeðferð með hormónum og blóðtappar
Blóðtappar eru kekkir storknaðs blóðs, sem geta lokað blóðæðum.
Blóðtappi getur stundum myndast í djúpum bláæðum í fótum (djúp segamyndun).
Ef þessi blóðtappi færist burt úr bláæðum, getur hann fest í lungnaslagæðum og valdið
lungnablóðreki. Rannsóknir benda til að uppbótarmeðferð með hormónum geti tengst aukinni
hættu á blóðtappamyndun í fótum, en hætta á hjartasjúkdómum með blóðþurrð minnkar.
Konur sem áður hafa fengið bláæðablóðtappa á ekki að meðhöndla með Estrogel.
Við langvarandi hreyfingarleysi (t.d. ef þú ert með annan eða báða fætur í gifsi eða spelkum),
stærri aðgerðir eða áverka getur hætta á blóðtappa í bláæðum aukist um sinn. Eftir aðstæðum
og eftir því hversu lengi hreyfingarleysið varir á að íhuga að hætta notkun hlaupsins um hríð.
GETA ÞUNGAÐAR KONUR OG KONUR MEÐ BARN Á BRJÓSTI NOTAÐ
ESTROGEL?
Estrogel má ekki nota, ef þú ert barnshafandi eða með barn á brjósti.
GETUR ESTROGEL HAFT ÁHRIF Á ÖNNUR LYF OG GAGNKVÆMT?
Ákveðin lyf eins og til dæmis barbitúröt, fenýtóín og karbamazepín (lyf gegn flogaveiki) eða
rífampicín (sýklalyf) geta aukið niðurbrot Estrogel og þar með skert verkunina.
Til þess að forðast milliverkanir við önnur lyf átt þú að láta lækninn vita ef þú notar önnur lyf
samhliða.
HVERNIG ÁTT ÞÚ AÐ NOTA ESTROGEL?
Fjarlægðu fyrst hettuna og öryggistappann. Haltu flöskunni í annarri hendi, þrýstu dælunni í
botn og láttu hlaupið renna í hinn lófann. Einn skammtur inniheldur 0,75 mg af estradíóli.
Settu hettuna og öryggistappann á eftir hverja notkun.
Þú átt að bera 2 til 4 skammta á húðina einu sinni á dag. Dreifðu úr hlaupinu með lófanum á
eins stórt svæði og hægt er. Það getur verið bæði á handleggi og axlir eða til dæmis læri eða
maga, annaðhvort að morgni eða að kvöldi.
2

Forðast skal að snerta brjóst eða svæðið í kringum kynfæri. Hlaupið má ekki nota beint á
slímhimnu. Ekki þarf að nudda hlaupinu inn í húðina. Láttu hlaupið þorna í u.þ.b. 3 mínútur
áður en þú klæðir þig. Hafi hlaupið ekki sogast inn í húðina eftir 2-3 mínútur, hefur því verið
dreift á of lítið svæði. Dreifðu þá hlaupinu á stærra svæði í næsta skipti.
Ef borið er of oft á húðina getur það valdið ertingu og þurri húð.
Þegar ný flaska með skammtadælu er tekin í notkun þarf kannski að þrýsta einu sinni eða
tvisvar sinnum, áður en hlaupið rennur út. Eftir að hlaupinu hefur verið dælt úr flöskunni 64
sinnum, getur magn hlaupsins sem fæst við hverja dælingu minnkað. Eftir það á ekki að nota
flöskuna.
Læknirinn getur ráðlagt aðra notkun eða aðra skammta. Í slíkum tilvikum á að fylgja
fyrirmælum læknisins.
Ofskömmtun
Þú getur fundið fyrir spennu í brjóstum og/eða milliblæðingum við ofskömmtun.
KOMA FRAM AUKAVERKANIR VIÐ NOTKUN ESTROGEL?
Einstaka kona getur fundið fyrir spennu í brjóstum, blæðingum frá leggöngum,
þyngdaraukningu, ógleði, bjúg (uppsöfnun vökva) og höfuðverk. Á notkunarstað getur komið
fram kláði og roði.
Þegar konur með leg eru meðhöndlaðar með estrógenum eingöngu, er hætta á oförvun
legslímhimnu og krabbameini í legi.
Ef þú færð aðrar aukaverkanir en hér eru nefndar átt þú að hafa samband við lækni.
HVERING Á AÐ GEYMA ESTROGEL?
Estrogel á að nota fyrir fyrningardagsetningu sem fram kemur á umbúðunum.
Geymið þar sem börn hvorki ná til né sjá.
DAGSETNING ENDURSKOÐUNAR FYLGISEÐILSINS
9. september 2004.
3