ÇFARE DUHET TE DINI NESE MERRNI NJE KREDI HIPOTEKORE

KREDITE HIPOTEKORE NE SHQIPERI
4.
INFORMACION I NEVOJSHEM QE DUHET TE
KETE NJE KREDIMARRES POTENCIAL
Pas vetë-vlerësimit të aftësisë shlyese, ju do të jeni të ndërgjegjshëm për shumën maksimale të huasë
që mund t’ju akordohet, ndërkohë do të jeni gati të ndërmerrni hapin tjetër, d.m.th të vizitoni bankën që
ju përshtatet më mirë. Por, ndërkohe mos harroni këshillat tona.
Më poshtë do të gjeni disa nga pyetjet të konsideruara si më të rëndësishme kur kërkoni të merrni
kredi:
Cili duhet të jetë afati i shlyerjes për huanë tuaj hipotekore?
Shumica e kredive hipotekore janë krijuar në bazë të një plani shlyerje 20 vjeçar, por mund të variojnë
nga 10 deri 25 vjet. Pasi të përcaktoni afatin e përshtatshëm të shlyerjes, përcaktoni shumën që mund
të paguani çdo muaj. Sa më i shkurtër të jetë afati i maturimit, aq më i lartë do të jetë kësti mujor, por
në vlerë absolute do të paguani më pak interes gjatë ripagimit të kredisë. Për llogaritjen e skemës së
shlyerjes së kredisë, shihni shtojcën 2
Çfarë është norma e interesit të kredisë?
Interesi është kryesisht çmimi që ju i paguani institucionit huadhënës për përdorimin e parave të tyre.
Sigurisht, sa më e ulët të jetë norma e interesit (kur shuma dhe afati i kredisë mbetën të pandryshuar)
aq më të ulta do të jenë këstet mujore. Huadhënësit konkurojnë egërsisht në treg, kështu që kërkoni për
normat më të ulta të interesit që mund të përfitoni. Bëni kujdes në dallimin e ndryshimit midis normës
11