ÇFARE DUHET TE DINI NESE MERRNI NJE KREDI HIPOTEKORE

KREDITE HIPOTEKORE NE SHQIPERI
7.
SI TE VEPROJME NE RAST PAMUNDESI SHLYERJE
Gjatë periudhës të shlyerjes së kredisë ju mund të përballeni me situata të vështira, si: përfitimi i pagës
jo në kohë, pushim nga puna, divorc apo ndonjë ngjarje jo e favorshme, të cilat do të bëheshin pengesë
në përmbushjen e detyrimeve ndaj huadhënësit.
Nëse ndodh diçka e tillë, mos zgjidhni “heshtjen”, por flisni hapur me huadhënësin.
Në situata të tilla, është mirë të aplikoni menjëherë për ristrukturim të kredisë. Në lidhje me këtë, ju
duhet të shkoni në bankë, të regjistroni aplikimin për ristrukturim (në përgjithësi aplikimi bëhet falas)
dhe shpjegoni arsyet oficerit të kredisë. Përderisa huadhënësit janë të interesuar të kenë huamarrës
të cilët pajtohen me programet e tyre të pagesës, ekziston mundësia që huadhënësi juaj të rishikojë
programin e ripagimit në mënyrë që të jetë i përshtatshëm për ju. Zakonisht, bankat e marrin vendimin
për ristrukturim brenda një kohe të shkurtër.
Të flasim hapur: ato nuk do të tregojnë keqardhje, sepse nuk janë institucione bamirësie, por mund të
tregojnë mirëkuptim dhe të jenë në gjendje t’ju ndihmojnë me ristrukturimin e pagesave. Nëse vendimi
i huadhënësit është pozitiv, do t’ju duhet të shkoni në bankë dhe të nënshkruani një kontratë shtesë.
Mos u habisni nëse huadhënësi ju ngarkon një pagesë përkatëse ose rrit lehtë normën e interesit, kjo
ndodh sepse bankës i kushton më shumë një kredi e ristrukturuar.
Për më tepër, nëse ndodheni në një situatë delikate, por ndërkohë e keni informuar huadhënësin tuaj
keni shpresë që ai të jetë më pak i vrazhdë me veprimet ligjore për të shlyer kredinë. Gjithashtu do të
keni më shumë mundësi të mbani shtëpinë dhe të shmangni ndonjë shënim negativ në historikun e
kredisë suaj.
16