Adroddiad ar y Bil Rheoleiddio ac Arolygu Gofal Cymdeithasol (Cymru)

Adran 58 – Pennu meini prawf ar gyfer cymhwyso cyfundrefn
drosolwg o’r farchnad
Adran 60 – Asesu cynaliadwyedd ariannol darparwr gwasanaeth
101. Mae adran 58 yn gofyn i Weinidogion Cymru sefydlu meini prawf
a fydd yn cael eu defnyddio er mwyn nodi darparwyr a fydd yn
ddarostyngedig i ddarpariaeth ar gyfer trosolwg o'r farchnad yn y Bil.
Lle mae meini prawf yn gymwys ar gyfer darparwr penodol, mae adran
60(1) yn gofyn i Weinidogion Cymru asesu cynaliadwyedd ariannol
busnes darparwr gwasanaeth sy'n gweithredu gwasanaethau
rheoleiddiedig.
102. Mae adran 60(6) yn rhoi pŵer i Weinidogion Cymru er mwyn
iddynt gaffael, gan bobl maent yn eu hystyried yn briodol, ar
wybodaeth maent yn credu y bydd yn eu cynorthwyo i asesu
cynaliadwyedd ariannol darparwr gwasanaeth y mae adran 60 yn
gymwys ar ei gyfer.
103. Mae'r Memorandwm Esboniadol yn nodi bod gan y pwerau hyn y
potensial i gael eu defnyddio'n helaeth, ac o'r herwydd dylid
defnyddio'r weithdrefn gadarnhaol. 57
104. Pan holwyd y Gweinidog ynglŷn ag adran 60(6), dywedodd:
Ein barn ni
“I would remain to be convinced about the need for the
superaffirmative, given that these are new and significant
powers, if the committee felt that the duty to consult be on the
face of the Bill rather than in the statement of policy intent, I’d
be happy to look positively at that.” 58
105. O ystyried natur y pŵer i lunio rheoliadau yn adran 60(6), rydym
yn credu y dylai'r weithdrefn uwchgadarnhaol gael ei defnyddio.
Argymhelliad 10: rydym yn argymell y dylai'r Gweinidog gyflwyno
diwygiad i'r Bil er mwyn defnyddio gweithdrefn uwchgadarnhaol
wrth lunio rheoliadau o dan adran 60(6).
57
Memorandwm Esboniadol, Adran 5, tudalen 103
58
Y Pwyllgor Materion Cyfansoddiadol a Deddfwriaethol, Cofnod y Trafodion,
paragraff [64], 27 Ebrill 2015
32