Valgreinar_2016-17_9.__10.__bekkur uppfært

VALGREINAR Í 9.-10. BEKK
Skólaárið
2016-2017

Nemendur velja valgreinar eftir áhugasviði eða með tilliti til framtíðaráforma. Mjög
mikilvægt er að nemendur og aðstandendur þeirra lesi vel lýsingar á valgreinum og
vandi valið. Nemendur þurfa að velja greinar til vara því kennslukvóti skólans leyfir
ekki að hafa námshópa með færri en tólf nemendum. Ætlast er til að nemendur velji
í samráði við foreldra sína. Val nemenda samsvarar 6 stundum á ári.
Rétt er að taka fram að val nemenda er bindandi og því er ekki
gert ráð fyrir að nemendur breyti vali að hausti.
Aðstoð við heimanám – 2 stundir á viku
Almenn aðstoð við nám fyrir þá nemendur sem þurfa mikla hjálp við námið. Kennari
getur aðstoðað nemendur við að ná betri skilningi á því efni sem fagkennarar hafa
þegar farið yfir.
Málmsmíði (Borgarholtsskóli) – 3 stundir á viku
Í samvinnu við Borgarholtsskóla býður Rimaskóli upp á athyglisvert nám sem byggist
upp á fjórum meginþáttum: rennismíði, málmsuðu, vélfræði og handavinnu. Í upphafi
námsins verður farið vandlega yfir öryggismál. Nemendur smíða marga eigulega
hluti.. Námið nýtist þeim nemendum sem hyggja á nám í Borgarholtsskóla sem ein
eining í ótilteknu vali.
Fótbolti – 2 stundir á viku hálft árið
Fótbolti er sérstaklega fyrir þá sem hafa mikið áhuga á knattspyrnu. Farið verður í
ýmsa knattspyrnu tækniatriði, bæði bóklega og verklega (3 verklegir svo 1 bóklegur
tími). Einnig verður farið yfir helstu hugtök innan hugmyndafræði þjálfunar í
fótbolta.
Golf – 2 stundir á viku hálft árið
Nemendum kennd undirstöðuatriði og tækni golfíþróttarinnar. Gert er ráð fyrir að
nemendur séu algjörir byrjendur í golfi. Kennsla er bæði verkleg og í formi
fyrirlestra og kynninga. Námsmat byggist á virkni og vinnu nemenda í tímum.
- 1 -

Íþróttafræði – 2 stundir á viku hálft árið
Íþróttafræðin er sérstaklega fyrir þá nemendur sem hafa áhuga á íþróttum,
hreyfingu, leikjum og hreysti.
Markmiðið er að nemendur fræðist um hreyfingu og hreysti og þekki áhrif þjálfunar
á líkamann. Tímarnir eru bæði bóklegir og verklegir.
Námsmat byggist á virkni og vinnu nemenda í tímum.
Stuttmyndagerð – 2 stundir á viku hálft árið
Unnið verður með handrit- mynd-hljóð og alla þá þætti sem
snúa að stuttmyndagerð. Einnig lögð áhersla á leik og
leikstjórn í kvikmyndum. Lokaverkefnið er að gera
stuttmynd allt að 15-20 mín að lengd.
Tekið er mið af sjálfstæði, frumkvæði. sköpun, vinnusemi og
virkni í tímum.
Ævintýri og vísindaskáldskapur I – 2 stundir á viku
Í námskeiðinu verður farið í heim ævintýrasagna og ævintýraspila. Fjallað verður um
hina ýmsu ævintýraheima á borð við Hringadrottinssögu Tolkiens, Hungurleikana,
Harry Potter, Game of Thrones, ofl. Einnig verður horft á valdar myndir úr þessum
flokki. Spiluð verða borðspil sem innihalda þetta þema.
Ævintýri og vísindaskáldskapur II – 2 stundir á viku
Í námskeiðinu verður haldið áfram að fara í heim ævintýrasagna og ævintýraspila.
Fyrir þá nemendur sem voru í áfanganum í 9. bekk skólaárið 2015-2016.
Leiklist – 2 stundir á viku hálft árið
Þar verður lögð áhersla á að hópurinn semji saman eitt leikverk fyrir vorið
Annað í boði er m.a. Sviðsbardaganámskeið, grímuleikur, trúðsleikur, óvissuferð í
leikhúsheiminn og síðast en ekki síst er farið á einhverja valda leiksýningu.
Ath! Valáfanginn er hugsaður fyrir áhugasama leiklistarunnendur.
- 2 -

Förðun I – 2 stundir á viku hálft árið
Markmið áfangans er að nemendur læri mikilvægi þess að hugsa
vel um húðina, almenna snyrtingu og undirbúning fyrir förðun.
Nemendur teikna á blað og lita andlitsþætti svo sem augu, varir
og nef. Jafnframt skiptast nemendur á að farða hver annan í
kennslustundum til þess að fá verklega reynslu.
Förðun II – 2 stundir á viku hálft árið
Framhaldsáfangi, förðun II er fyrir þá nemendur sem voru í förðun I skólaárið
2015-2016 eða haust 2016.
Textílmennt – 2 stundir á viku hálft árið
Textílmennt er yfirgripsmikil námsgrein sem felur í sér
þátt hönnunar og handverks ásamt þjálfun og verkfærni
á fjölbreyttum sviðum. Textílnám gefur nemandanum
tækifæri til að þroska samhæfingu hugar og handar,
upplifa, skapa og tjá sig og hafa á þann hátt áhrif á sitt
nánasta umhverfi og skapa sér sinn persónulega stíl.
Smíði – 2 stundir á viku hálft árið
Unnið í hóp eða einstaklingslega.
Eitt stórt hönnunar og smíðaverkefni. Nokkur lítil
skylduverkefni og æfingar.
Nemendur kynnist grunnteikningu og geti gert efnis- og
kostnaðaráætlun. Nemendur komi að vinnu við leikrit
skólans varðandi leikmynd. Nemendur geti hannað eigin hlut
úr hinum ýmsu efnum. Verkefni sem gerð hafa verið: stólar
borð, skákborð, hljóðfæri, snjóbretti o.s.frv.
- 3 -

Myndlist – 2 stundir á viku hálft árið
Námið er bæði bóklegt og verklegt. Kennd verður listasaga. Farið verður ítarlegar í
þau grunnatriði sem nemendur hafa áður fengist við í myndmennt. Áhersla er lögð á
sköpunargleði og að hugmyndaflug nemenda fái notið sín.
Leirmótun I – 2 stundir á viku fyrir jól
Nemendur kynnast möguleikum leirsins, hvernig hægt er að móta
úr honum nytjahluti jafnt sem listmuni. Unnið er með steinleir og
læra nemendur ýmsar aðferðir við að skreyta leirinn, teikna og
þrykkja mynstur í hann og glerja. Nemendur vinna hugmyndir
sínar í skissubók og að lokum útbúa þeir myndskreyttan hlut með
loki og skartgrip úr leir.
Áherslur verða á hugmyndavinnu í skissubók og leirmótun og
glerjun.
Leirmótun II – 2 stundir á viku eftir jól
Kenndar verða mismunandi aðferðir við leirvinnu og gerð einstakra hluta. Nemendur
hanna og búa til skartgripi af eigin vali og jafnframt krefjandi nytjahluta t.d. lampa,
vasa eða flautu. Áhersla er lögð á færni nemenda í að fullvinna hugmyndir sínar út
frá skissuteikningu. Stefnt er að því að fara í vettvangsferð í vinnustofu
listamanns. Áherslur verða á hugmyndavinnu í skissubók, hönnun og samþættingu við
önnur efni, leirmótun og glerjun og að lokum vettvangsferð.
Byggt er ofan á það sem kennt er í Leirmótun I (fyrir áramót) en ekki krafa að
nemendur hafi sótt þann áfanga.
Hundar sem gæludýr – 1 stund á viku hálft árið
Valáfanginn er fyrir þá nemendur sem hafa áhuga á því
að eiga hund sem gæludýr eða eiga hund sem gæludýr.
Farið verður yfir helstu eiginleika hunda og
mismunandi tegundir, hvernig hirða eigi hunda og hvers
beri helst að varast varðandi hundahald.
Einnig verður farið í göngutúra um hverfið með hunda í
bandi sem kennari og/eða nemendur eiga.
- 4 -

Heimilisfræði – 3 stundir á viku hálft árið
Nemendur læra að elda bæði einfalda og flókna rétti frá mörgum menningarheimum.
Kennsla er bæði verkleg og í formi fyrirlestra og kynninga.
Leið þín um lífið – 2 stundir á viku hálft árið
Í áfanganum er unnið með ýmsar æfingar sem eiga að efla og þroska nemendur.
Unnið verður með þætti eins og ábyrgð, ákvarðanir, samskipti, tilfinningar, að
byggja upp sjálfstraust og að setja sér markmið. Í hverjum tíma er unnið með
hugleiðslu og slökun sem á að efla innri frið. Einnig er markmiðið að nemendur nái að
upplifa líðandi stund hér og nú án þess að vera hugsa um fortíð eða framtíð.
Námsmat : Metið verður hversu virkir nemendur eru í kennslustundum og hvernig
þeim tekst að láta gott af sér leiða með því að útfæra verkefni sem unnið verður í
nærsamfélaginu. Verkefnið velja nemendur í samráði við kennara, eitt á haustönn og
annað á vorönn.
Yndislestur – 1 stund á viku hálft árið
Yndislestur nýtur sívaxandi vinsælda í skólanum og hefur því verið
ákveðið að stofna bókaklúbb.
Nemendur lesa áhugaverðar skáldsögur eftir íslenska og erlenda
höfunda valdar af kennara og nemendum. Bækurnar ræddar út frá
margbreytilegum og óvæntum sjónarhornum og jafnvel horft á
kvikmyndir ef sögurnar hafa verið kvikmyndaðar. Farið verður í
vettvangsferðir á bókasöfn og á bókakaffi.
Skólahreysti – 2 stundir á viku hálft árið
Valáfanginn er fyrir þá nemendur sem hafa áhuga á að
kynnast Skólahreysti og undirbúa nemendur fyrir keppni
í Skólahreysti 2015. Farið verður yfir reglur keppninnar
og greinarnar ásamt því að æfa nemendur fyrir þær.
Tímarnir verða að mestu leyti verklegir í íþróttahúsi
skólans en einnig verða nokkrir bóklegir tímar. Auk þess
verður farið í nokkrar vettvangsferðir og
heildarkostnaður fyrir þessar ferðir á skólaárinu væri ca. 3.000-5.000 kr og eru
þessar ferðir val nemanda. Námsmat byggir á vinnu nemenda í tímum ásamt
vettvangsferðum.
- 5 -

Ganga og útivist – 2 stundir á viku hálft árið
Markmið: Að nemendur kynnist útivist, jafnt fræðilega sem af eigin
raun.
Margskonar hreyfing og útivist verður kynnt og nemendur fá að
prófa ýmislegt sem tengist viðfangsefninu hverju sinni. Nemendur
ganga með kennara um nágrenni Grafarvogs og njóta útivistar
hvernig sem viðrar. Reynt verður að kynnast helstu gönguleiðum sem
taka ekki meira en 80 mínútur. Mikilvægt að nemendur læri að
klæða sig eftir veðri og hafi góða gönguskó. Á móti útivistartímum
eru síðan kynningar, fræðsla og verkefnavinna um útiveru.
Náms- og starfsfræðsla – 2 stundir á viku hálft árið
Í boði fyrir 10. bekk.
Nemendur fá fræðslu og upplýsingar um nám að loknum
grunnskóla og um mismunandi starfsvettvangi og
atvinnulíf. Nemendur skoða og læra að þekkja áhugasvið
sitt og hæfileika og hvar þeir fái best notið sín.
Nemendur kynnist námi og störfum með upplýsingaöflun
og heimsóknum í fyrirtæki og framhaldsskóla.
Fjarnám við Fjölbrautaskólann við Ármúla – 3 stundir á viku hálft árið
Í boði fyrir 10. bekk.
Ýmsar greinar í fjarnámi við Fjölbrautaskólann við Ármúla, t.d. stæ 203, ens 203,
dan 203, ísl 203 og fleira. Nemendur þurfa að hafa náð einkunninni 8 eða hærra í
viðkomandi grein í 9. bekk. Athugið að fjarnám krefst þess að nemandinn sýni mikinn
aga, kunni að skipuleggja sig og sé samviskusamur. Sjá nánar á
http://www.fa.is/fjarnam/afangar-fjarnam/ Fjarnámsgreinar veljist í samráði við
náms- og starfsráðgjafa.
Nemandi þarf sjálfur að standa straum af kostnaði við fjarnámið.
- 6 -

Íþróttaakademía Fjölnis – 2 stundir á viku
Á vegum Fjölnis
Markmiðið með íþróttaakademíunni er að hjálpa efnilegustu
íþróttamönnum Fjölnis auk þess að byggja upp stöðugt starf innan
félagsins og vera stoð í utanumhaldi íþróttamanna. Jafnframt er
markmiðið að stuðla að samvinnu, stolti og samkennd.
Skák – 2 stundir á viku
Valgreinin skák er hugsuð fyrir alla sem hafa áhuga og ánægju
af skák, og einkum þá sem æfðu skák einhvern tímann á
barnaskólastigi og hafa hug á að koma sér í æfingu að nýju.
Farið verður yfir öll helstu grunnatriði í taflmennsku, í þjálfun
skákbyrjana, miðtafls og endatafls. Einnig mun taflmennskan
ráða ríkjum undir kjörorðinu „æfingin skapar meistarann. Að jafnaði er ein
kennslustund í viku en auk þess er miðað við að þátttakendur taki þátt í viðburðum
skólans tengdum skákinni. Þeir tímar dragast frá kennslunni.
Tónlistarnám – 2 stundir á viku
Þeir nemendur sem stunda tónlistarnám við viðurkenndan
tónlistarskóla að lágmarki tvær stundir á viku eiga þess kost að
fá nám sitt metið til eininga og tímafjölda á töflu.
Íþróttir utan skóla – 2 stundir á viku
Þeir nemendur sem æfa íþróttir utan skóla að lágmarki tvær stundir á viku eiga
þess kost að fá nám sitt metið til eininga og tímafjölda á töflu.
Hægt er að fá tónlist eða íþróttir metnar inn á töflu sem tvær
stundir. Ath. íþróttatímar verða ekki teknir út fyrir aðra
íþróttaiðkun.
Að gefnu tilefni er það sérstaklega tekið fram að kort í líkamsræktarstöðvum
eru ekki tekin gild.
- 7 -