Magazine
Create successful ePaper yourself
Turn your PDF publications into a flip-book with our unique Google optimized e-Paper software.
Toortsie se<br />
Bantingboerekos<br />
‘n banting<br />
reisverhaal<br />
Deur Madele Burger<br />
My naam is Madelé Burger,<br />
maar almal ken my as<br />
Toortsie. In Julie 2014 was ek<br />
moedeloos! Ek het alreeds elke moontlike<br />
gewigsverliesprogram probeer,<br />
baie goed daarmee gedoen, net om die<br />
oomblik as ek my doelgewig bereik het,<br />
weer alles en nog meer op te tel. Ken<br />
jy daardie gevoel? ‘n Skaal wat wipplank<br />
ry. Die een oomblik lyk jy mooi<br />
en seksie, net om die volgende oomblik<br />
uit jou nate te bars, van die een nommer<br />
na die volgende te spring, sonder<br />
beheer.<br />
Al hoe meer is gepraat van die ‘Tim<br />
Noakes Dieet’ waar jy nie meer stysels<br />
en suiker inneem nie, maar eerder die<br />
vetter kosse, saam met groente natuurlik.<br />
Ek was nog só gekondisioneer deur<br />
die ou skool, ‘n mens moet net matig<br />
en gebalanseerd eet, dat ek aanvanklik<br />
nie wou byt aan hierdie nuwe idee nie.<br />
Die probleem is, ek hét gebalanseerd<br />
geëet, net om vetter en vetter te word!<br />
Op 27 Julie 2014, met ‘n gewig van<br />
96.7 kg het ek die groot besluit geneem<br />
om hierdie eetplan te volg en sedertdien<br />
het ek nog nooit teruggekyk nie.<br />
Tans weeg ek 81 kg.<br />
Ek besef dat daar baie interpretasies<br />
is van hierdie eetplan, party sê jy<br />
mag vrugte eet, die ander een sê nee.<br />
Sommiges sê, tel jou koolhidrate, die<br />
ander sê dis nie nodig nie. Party ‘skole’<br />
sê dat jy vir die eerste week geen groente<br />
moet eet nie, ander sê eet groente<br />
by elke ete. Ek glo dat ‘n mens moet<br />
‘kies’ watter een van die baie skole jy<br />
gaan volg en dan daarby hou. Op ‘n<br />
blad soos hierdie wat graag vir die wye<br />
groep ‘lowcarbers’ wil diens, kan dit<br />
verwarrend raak as mense van verskillende<br />
skole hulle menings gee. Daarom<br />
is dit so belangrik dat jy die skool wat jy<br />
volg, se reëls goed sal ken. Ekself volg<br />
Banting soos beskryf deur Prof Tim<br />
Noakes in The Real Meal Revolution en<br />
dis met dít in gedagte en hoe ekself dit<br />
interpreteer, wat ek sal skryf.<br />
In die volgende paar maande gaan<br />
ek skryf hoe ekself Banting ervaar<br />
het, wat vir my moeilik was, watter<br />
raad ek voel ek graag vir mense wil<br />
gee. As ek iemand kan inspireer, sal<br />
dit ‘n groot geskenk wees. Ek skryf<br />
ook op my blog, toortsie.com, oor my<br />
Bantingreis. Ek het die boek, Toortsie<br />
leefstyl<br />
se Bantingboerekosboek uitgegee<br />
waarin maklike kos vir gewone kombuise<br />
saamgevat is. My Bantingreis is<br />
ook daarin beskryf. U kan op hierdie<br />
skakel kliek as u dit sou wou bestel:<br />
www.toortsie.com/bestel-toortsie-sebantingboerkos-hier<br />
Met hierdie eerste<br />
uitgawe wil ek graag vir<br />
Esther Möller besonder<br />
geluk toewens met<br />
haar nuwe webblad en<br />
tydskrif. Mag jy groot<br />
hoogtes bereik!<br />
Jy is vir ons<br />
‘n inspirasie!
Change language