Murga Bohigas, Antonio - Paseo Virtual por Extremadura

¿PREMISO?
iFresna, chacho, fresna!... No debí uno enfrascase venga dali letura al mi librino lo mesmo que
si hubiás salió de juitiva dendi la Puerta'l So y enfilao la verea los Conquistaore to seguío, escapás
d'arrematá arrupuertao (1), abocao pa jondeá con él pa'l escupiero.
Habemos endirgao pa las tus mano una miaja Ciclopedia cutaína (2) enjaretá con es-
crepulosidá ensotao (3) al cazumbo (4) n'amás enfrontilá qu'esi palrá de tos los jombris
canguero (5) espena poquino a poquino enchamborcao (6) del pogreso y los ansionis pa dise ampié
los Irune u los Berline ande suá tal cuá los negro u espená de labutá, a contino.
Cuantis que jice conocencia d'esti ramajeo (7), maleto del aginaero que me se prevocó, fuí y me
ije pa mí mesmo: iTonio! ... tú que tiés unos prencipios castúo deprendíos pa Valencia de
Alcántara; que las tus querencias aterminaste pa esa Estremaúra ande hubon nacencia los diose y
jizón curtura el personá más prencipá de las España ¿no vas a tené asaúras pa barbeá (8)
emburacao, prencipiá a dali al paliyero y ensartá concetos y concetos d'esi «Habla Popular de
Extremadura» de tos los descrebíos «EXTREMEÑIDAD»?
Queé simismao; malincólico y asín, asín acagazao. En concencia, uno es mu fabeto en toas las
maturrangas fisiológica, y ¿pueo, un servidó rundí (9) a la mi tierra una mijinina las halbeliás
ispiertás en el mi caletre? ... ¿Pueo yo jacé argo dino?
iiQué córcio!! ... Bragao, ajorrando de costana lo del Grabié y Galán esi de pa la Granaiya; el
Chamizo de pa Guareña; el Reyes Güerta, y tal y má, nos habemos trasconejao los ratino
desempeditos (I0) de jondeá muelinas coquerosa u dientinos falagaos p'al sumiero; mos
ensenrreamos ajecha (11) p'aquí, espurga p'ayá juroneando el palrá castúo y habemos descrebío
sin rengaero; esgarrao papé y papé venga desatortojá (12) precurando ispiertá querencias pa
ronearvos (13) la musiquina linguá y dejaivos lo desaminao con desigencias.
Queo, pué, andaná de concetos u palabros poníos pa cerculá sin derrengueta, jerre que jerre, pa
que to'l personá uropeo haigan de vesi sabeore del disconcierto musicá escapás de prevocá el palrá
laguiñoso de pa la Vera y Arañuelo; Las Jurde, Siberia y Tierra de Barros.
Con Dió...
EL AUTOR
(1( Abobado. (2) Pobrecita. (3) Que no sale de casa. (4) Albergue rústico (5). Labrador modesto. (6) Arruinado.
(7) Moverse; aparecer con frecuencia. (8) Apropiarse de pequeñas cosas sin permiso. (9) Rendir, producir. (10)
Desocupados. (11) Cribar. (12) Espabilar. (13) Enamoraros.