+ Descargar revista nº 1 (PDF) - Centro Gallego de Vitoria

4
PRESENTACIÓN
Nace Raiola e o simple feito deste acontecemento debe ser motivo de alegría para a
comunidade galega de Vitoria e máis concretamente para todos aqueles que dun xeito
ou doutro están relacionados co Centro Galego.
Unha vez inaugurado o novo asentamento do Centro Galego, todos os socios, e outros
que non o eran pero que agardaban ese momento, penso que exclamaron: “¡Ó fin!
temos ese algo de noso, un lugar espacioso e moderno, que nos sirva de referencia
para manter e preservar a nosa galeguidade. Onde parolar en galego, comer un polbiño
á feira, beber uns grolos de ribeiro...” Algúns pensamos que eso estaba moi ben,
pero o novo Centro ficaría coxo sen ter unhas follas para ir plasmando nelas inquedanzas,
feitos, historias das nosas xentes e da nosa terra..., e concibimos a idea de
amañar unha revista, sen grandes pretensións, con escasos medios e feita á nosa
maneira; pouco a pouco aquela idea foise facendo realidade.
Alberto foi o padriño da criatura, quen tivo o acerto e o privilexio de atopar un nome
para ela: Raiola.
Raiola pareceunos unha sinxela e fermosa verba.
Na escuridade, na ténebra, de súpeto un feixe de luz chega a se pousar sobre da natureza,
é dicir, de nós, e case sempre nos parece máxica e descoñecida.