12vTxtQh8

Núm. 72 Luns 14 de abril de 2014 Páx. 12
1º.—O Concello remitirá aos domicilios fiscais dos contribuíntes un aviso de pagamento co que se
poderá facer o ingreso en calquera entidade de depósito colaboradora na recadación municipal (a
práctica totalidade das mesmas), na oficina da entidade de depósito sita no interior da Casa Consistorial,
ou ben nos caixeiros automáticos das entidades financeiras colaboradoras na recadación municipal que
teñan habilitada esta opción, ata a data límite de ingreso que se sinala naquel, no horario de caixa
establecido por cada entidade para o pagamento dos recibos non domiciliados.
2º.—O ingreso tamén poderá efectuarse a través de INTERNET, mediante tarxeta de crédito ou débito,
dende a páxina web do Concello de Vigo (www.vigo.org), pulsando na pestana “trámites mais comúns”,
opción “pagamento de recibos”. Este servicio será totalmente gratuíto para os usuarios, calquera que
sexa a entidade financeira emisora da tarxeta coa que se efectúa o aboamento.
3º.—As/os contribuíntes que teñan domiciliado o tributo non recibirán o documento de pagamento,
cargándoselles na conta indicada o importe correspondente o último día do período voluntario. As
devolucións que se produzan causarán baixa automaticamente no ficheiro xeral de domiciliacións do
Concello para exercicios sucesivos.
4º.—As/os contribuíntes que tiveran os seus tributos domiciliados e aínda así reciban nos seus
domicilios o documento de pagamento, será porque a domiciliación é incorrecta. Deberán entregar o
xogo de documentos na entidade bancaria que o tratará como un cobro de ventá sen prexuízo de que,
unha vez asinada a autorización, sexa informatizada a citada domiciliación para exercicios posteriores.
5º-. As/os contribuíntes que por calquera causa deixen de recibir o documento de pagamento poderán
obter un duplicado a través de internet, dende a páxina web do Concello de Vigo (www.vigo.org),
pulsando na pestana “trámites mais comúns”, opción “impresión de recibos”, ou ben en calquera oficina
das entidades LA CAIXA ou NOVAGALICIA BANCO.
Vigo, 31 de marzo de 2014.—A Concelleira Delegada de Economía e Facenda, Raquel Díaz Vázquez.—
O Tesoureiro, Alberto Escariz Couso. 2014003264
CONTRATACIÓN DO SERVIZO DE SEGURO DE RESPONSABILIDADE CIVIL PATRIMONIAL DO
CONCELLO DE VIGO E OS SEUS ORGANISMOS AUTÓNOMOS.
1. Entidade que adxudica: organismo: Concello de Vigo. Dependencia: Patrimonio. Nº expediente:
250-242.
2. Obxecto do contrato: descrición: prestación do servizo de seguro de responsabilidade civil
patrimonial do Concello de Vigo e os seus organismos autónomos.
Lugar de execución: Vigo.
Prazo de execución: dous anos máis dúas prórrogas dun ano de duración cada unha.
3. Tramitación e procedemento.
Tramitación: Ordinaria.
Procedemento: Aberto.
4. Presuposto base: 888.660.—euros.
5. Garantías provisionais: non se esixe.
6. Obtención da documentación e información: www.vigo.org (perfil do contratante), teléfono (986)
810148 Fax: (986) 226206.
Data límite para solicitar documentación: ata o día de finalización do prazo de presentación de
proposicións.
7. Requisitos específicos do contratista: Clasificación: non se esixe.
8. Presentación de Ofertas: Prazo: o prazo rematará o día 16 de maio de 2014.
Documentación: a esixida nas cláusulas 12 e 13 do prego de condicións administrativas.
www.bop.depo.es ◆ bop@depo.es ◆ Dep. Legal: PO 1-1958