Convocatoria - Servizos de Persoal - Universidade de Vigo

PROFESORADO AXUDANTE DOUTOR
INSTRUCIÓNS PARA A PRESENTACIÓN DE DOCUMENTACIÓN
BLOQUE II: MÉRITOS E PROXECTO DOCENTE.
a) Curriculum vitae segundo o modelo que figura a continuación (anexo IV). Non serán
valorados méritos que non estean detallados en dito modelo de curriculum vitae.
b) Copia simple da certificación académica na que consten as cualificacións obtidas nos
estudos universitarios e a data das mesmas, así como o número de convocatorias utilizadas
para superar cada materia.
c) Copia simple dos xustificantes de todos os méritos alegados, incluído o do coñecemento da
lingua galega (só se valorarán os méritos suficientemente acreditados).
Os documentos acreditativos dos méritos alegados terán que estar estruturados
consonte ao modelo do currículo, numerados en cada unha das súas páxinas e
encadernados, ou suxeitos de calquera outro modo que os manteña unidos de maneira
sólida e permanente, e que garanta que se impida a posterior inclusión ou perda de
documentación.
No suposto de presentar libros e outros materiais non encadernables deberán
presentarse en arquivadores tipo A-Z ou similar, identificados con número de orde, número
de concurso, referencia da praza e nome da persoa concursante.
d) Proxecto docente referido ao perfil que se indica para cada praza no anexo II. Cando o
perfil sexa “docencia en materias da área” será suficiente con presentar un proxecto
docente de calquera das materias da área.
Non serán valorados méritos que non figuren expresamente no curriculum.
Todos os méritos alegados deberán posuírse con referencia á data de remate do prazo de
presentación de solicitudes.
Toda a documentación acreditativa dos méritos, incluído o proxecto docente, deberá aportarse
dentro do prazo de presentación de solicitudes. Non se admitirá ningunha documentación
adicional rematado dito prazo.
Para a devolución da documentación presentada estarase ao disposto na base novena da
convocatoria.
Páxina 16 de 26