Convocatoria - Servizos de Persoal - Universidade de Vigo

3. As solicitudes poderán recollerse no Rexistro xeral (Edificio Xerencia-Servizos Centrais,
Campus Universitario) e nos rexistros auxiliares dos campus de Ourense, Pontevedra e Vigo
(R/ Torrecedeira, 86), así como na páxina web da Universidade de Vigo:
http://persoal.uvigo.es/persoal_gl/PDI/emprego/, premendo no epígrafe «Convocatorias de
concursos de acceso».
As solicitudes deberán presentarse nos citados rexistros ou, consonte ao procedemento
establecido na Lei 30/1992, do 26 de novembro, do réxime xurídico das administracións públicas e
do procedemento administrativo común, remitirse por correo certificado ao seguinte enderezo
postal:
Rexistro Xeral da Universidade de Vigo
Edificio Xerencia-Servizos Centrais
Campus Lagoas-Marcosende, s/n
(36310) Vigo
As solicitudes remitidas a través dunha oficina de Correos presentaranse en sobre aberto para
que o persoal de Correos lle estampe a data de presentación na solicitude antes de ser
certificada.
As solicitudes remitidas dende o estranxeiro deberán cursarse a través das representacións
diplomáticas ou consulares españolas correspondentes, debendo figurar igualmente a data da
súa presentación na solicitude.
4. A publicación dos actos que integran este procedemento no taboleiro de anuncios do
Edificio de Xerencia-Servizos Centrais servirá de notificación para todos os efectos, de acordo co
previsto na Lei 30/1992.
Con independencia dos lugares nos que regulamentariamente deban publicarse, tanto a
convocatoria como os actos e acordos que integran este proceso selectivo se publicarán a título
divulgativo na páxina electrónica da Universidade de Vigo:
http://persoal.uvigo.es/persoal_gl/PDI/emprego/, premendo no epígrafe «Convocatorias de
concursos de acceso».
Terceira. Presentación de documentación.
1. As persoas que desexen participar no presente concurso farano utilizando o modelo de
solicitude e de curriculum que figuran como anexos III e IV respectivamente, por cada referencia
na que desexen participar.
2. A documentación entregarase para cada referencia, organizada da seguinte forma en
dous bloques separados:
2.1 BLOQUE I. Solicitude de participación e documentación acreditativa dos requisitos que
figuran na base primeira na seguinte:
a) Copia simple do documento acreditativo da identidade (DNI, NIE, pasaporte ...)
b) Copia simple do título académico esixido en cada praza, ou da certificación de
expedición do título, ou de ser o caso, da credencial de homologación ou o seu recoñecemento
para o exercicio como docente de universidade expedida polo Ministerio de Educación.
Páxina 3 de 26