BOLETÍN2TRIM2021

educación
infantil
APADRIÑAMENTO DUN PINGÜÍN
Todos os cursos de infantil apadriñaron
un pingüín aproveitando unha campaña
que o exercito de terra fai cada ano
que coincide coa fase de despregamento
da XXXIV Campaña Antártica. Con
esta actividade quixemos concienciar
aos alumnos- as de que teñen que coidar
o medio ambiente. A actividade foi
acompañada de contos para coidar o
planeta, debuxos interactivos e decoración
de portas .
CLUB DAS VITAMINAS
En 4º de educación infantil comezamos
coa actividade do “Club das vitaminas”
para o fomento de hábitos saudables.
Coñecemos diferentes froitas , conseguimos
gomets para o noso “carné do
club das vitaminas”.
MENSAXES SECRETAS
Os nenos de 5 anos crearon en clase
un mural con sobres no que cada día
gardan mensaxes para os seus compañeiros,
para fomentar a unión do grupo
e a empatía.
AS NOSAS EMOCIÓNS
Os nenos- as de quinto de infantil trataron
o tema das emocións. Despois
da lectura do conto “O monstro de
cores” fóronse explicando as diferentes
emocións e que situacións nos fan
sentir dunha forma ou outra. Ante as
emocións de rabia e de enfado que estratexias
podemos facer para sentirnos
mellor.
32
BOLETÍN INFORMATIVO DO COLEXIO MONTESOL 33