(des)penjant Anna Hernández-Turné -2007- - OC Revista

jorge-luis borges
28
LO SUD
D'una de tas corts aver gaitat
las anticas estelas,
del banc capelat d'ombra aver gaitat
aquels lums esparsits
que mon ignorància a pas aprés a nommar
ni mai a apariar en constellacions,
aver sentit lo cèrcle de l'aiga
dins la sèrva esconduda,
l'audor del jansemin e de la litsa-craba,
lo silenci de l'ausèl endormit,
l'arcada del pòrge, l'imor
- aquels afars, benlèu, son lo poëma.
Revirada de l'espanhòl de Joan-Pèire Tardiu