Itinéraire en souvenir de la Résistance - Echternach

32
Zu Bäerdref huet d'Gestapo an der Woch virum Raymond sengem Dout e puer Mol zougeschloen. De Paschtouer Keup, dem
Raymond säi Cousin Robert an zwee aner LPL- Memberen goufe kuerz noenee verhaft. Während seng Kollegen esou séier wéi méiglech
eng nei Stopp fir de Petit am Marscherwald virbereet hunn, an déi hien an der Nuecht vum 21. Abrëll sollt verluecht ginn, gouf
weider intensiv no LPL-Leit gesicht.
Den Dënschdeg 21. Abrëll owes, huet d’Gestapo zu Bäerdref d’Haus fonnt, wou de Raymond sech opgehalen huet: a Peiffesch.
D'Madame Schmartz huet sech fir d'éischt geweigert d’Gestapo eranzelossen. Et gouf hart geschwat a vill Uerder si gefall.
Duerch dee Kaméidi ass de Petit opmierksam ginn an hat nach just genuch Zäit fir d’Haus durch e Gank ze verloossen a sech an der
Scheier op der Gänn ze verstoppen. E bësse méi spéit wollt d’Gestapo och d'Scheier duerchsichen an huet do Geräischer am Stréi
héieren, si hunn dorausser geschloss dass et de Raymond war. Si hunn d'Scheier ëmzéngelt an hie bedréit.
D'Haus an deem sech de Raymond Petit erschoss huet
1945
(Foto : Helga Scharff )
De Raymond hat e Revolver bei sech an huet op seng Verfolger geschoss. Zwee Männer goufe liicht getraff. Fir sech ze schützen, hunn
d'Gestapoleit dunn de Jong vum Haus, den Théid, als Geisel viru sech gestallt, esou dass de Raymond Petit net méi konnt schéissen.
Hien huet relativ schnell agesinn, dass hie keng Chance hätt. Mat der leschter Kugel huet de Raymond sengem Liewen en Enn gemat.
Hie wosst all Detailer vun der LPL an wollt mat alle Mëttele verhënneren, dass eppes duerch hien erauskéim. Dee Moment, wou hien
huet misse wielen tëschent verhaft ginn a stierwen, huet hie sech fir den Dout entscheed. Doduerch dass hie säi Liewen geaffert
huet, wollt hien dat vun deenen aneren LPL-Memberen retten.
Seng Frënn huet dës Haltung net iwwerrascht, well hien ëmmer gesot huet: « Meng lescht Kugel ass fir mech ». Hien huet Wuert gehalen.
(Dokument : État civil de la Mairie d'Echternach)
D'Scheier vum Peiffesch Haus haut
(Fotoen : N. Medernach/ Lena Wagner)
32