Baldintza Orokorrak [PDF] - Iberdrola

BaIDINTZa OrOKOrraK
ENErGIa ElEKTrIKO HOrNIKUNTZa KONTraTUa
aZKEN BAlIaBIDEKO TarIFaN
1.- KONTRATUAREN HELBURUA
1.1.- Kontratu honen helburua IBERDROLA COMERCIALIZACIÓN DE ÚLTIMO RECURSO, S.A.U.
enpresak (IBERDROLA, aurrerantzean) energia elektrikoa hornitzea da, azken baliabideko tarifan
(ABT), hari heltzeko eskubidea duten kontsumitzaileei, aplika daitekeen araudiaren arabera,
Bezeroaren helbideari dagokion Hornikuntza Puntuan (CUPS).
1.2.- Izaera oso pertsonala du Hornikuntza-kontratu honek; beraz, Bezeroa izango da
Kontratuan adierazitako instalazioetan hornitutako energia elektrikoaren egitezko erabiltzailea
eta ezingo dio kontratatu ez den beste erabilera bat eman eta ezingo du eman, besterendu edo
hirugarrenen esku utzi.
1.3.- Kontratuan bertan adierazitako akordioek eta unean uneko indarreko araudiak zuzenduko
dute Kontratu hau.
2.- KONTRATUAREN IRAUPENA
2.1.- Kontratu honek urte beteko (1) iraupena izango du, hornidura hasten den egunetik aurrera.
2.2.- Bezeroak ez badu Kontratua aldatzeko nahirik agertzen, automatikoki luzatuko da iraupen
bereko epeetan. Aldatu nahi izanez gero, Kontratua edo edozein luzapen iraungi baino,
gutxienez, hamabost (15) egun natural lehenago adierazi behar da.
2.3.- Alabaina, Kontratu honen iraunaldia baldintzatzen duen Bezeroren kaudimen
egiaztatzearen menpe geratuko da aurrekoa. Kaudimenaren egiaztatze horren ondorioz, edo
ez ordaintzeagatik sortutako egoera baten ondorioz, ordainketa-bermea aurkezteko eska
diezaioke IBERDROLAK Bezeroari, lehenak hornitzen jarraitzeko. Kasu bakoitzean, IBERDROLAk
emandako ereduaren arabera, banku-gordailu edo banku-abal moduan aurkez daiteke
ordainketa-berme hori. Kontratua amaitu ondoren itzuliko dio jasotako bermea IBERDROLAk
Bezeroari. Eskubidea erreserbatuko du, ordea, ordaindu gabeko zordunketa horien zenbatekoa
beretzat hartzeko. Era berean, Bezeroak bete gabeko beste edozein baldintzen ondorioz
sortutako zordunketen zenbatekoa hartzeko eskubidea beretzat gordeko du. Kontratu hau
ebatzi egingo da IBERDROLAk Bezeroari eskatu dion egunetik hasi eta hilabeteko (1) epean
bermea ematen ez bada, eta IBERDROLAk ez du inolako kalte-ordainik emateko betebeharrik
izango.
3.- KONTRATUA AMAITZEA
3.1.- Iraupen-epea igarotakoan amaitzeaz gain, beste egoera hauetan ere amaituko da Kontratu
hau: bi alderdiek adostu dutelako, Kontratua ez delako bete, batez ere, Kontratu honek
adierazitakoagatik zor izandako edozein kopuru ez ordaintzeagatik, eta Bezeroak IBERDROLAri
jakinarazita uzteagatik, gutxieneko bost (5) egun balioduneko epea bete gabe. Hornikuntzari
baja eman nahi zaion eguna baino bost egun lehenago jakinarazi behar zaio IBERDROLAri,
interesdunaren nortasuna eta nahia jasota geratzeko bide ematen duen edozein modu erabilita.
Horrek guztiak ez du kaltetuko indarrean dagoen tarifa-araudia aplikatuta erator daitezkeen
baldintza ekonomikoak.
4.- BEZEROAREN ESKUMENAK
4.1.- Kontratu hau sinatuta, Bezeroak baimena ematen dio IBERDROLAri Kontratua behar bezala
betetzeko beharrezko instalazioetara sartzeko, Bezeroaren ordez Enpresa Banatzailearen
kontratuetara harpidetzeko. Beraz, helburu guztietarako, Bezeroaren postua izango du
IBERDROLAk sarbide-kontratuetan. Edonola ere, aplika daitekeen araudiarekin bat etorriz,
sarbide-kontratuari dagozkion eskubide guztiak mantenduko ditu Bezeroak Enpresa
Banatzailearekin. Kontratu hau ebatziz gero, berriz, Bezeroa izango da egon litekeen bermegordailuaren
titularra, baita instalaziorekin lotutako beste edozein eskubiderena ere. Enpresa
Banatzaileak, gainera, ezingo du inolako eguneratzerik eskatu, kontratua berritzeagatik.
Halaber, baimen hori betez eta baliozko araudia aplikatuz, Bezeroak ez dio sarbide-tarifarik
ordaindu behar Enpresa Banatzaileari; betiere, IBERDROLAri ezer zor ez bazaio.
4.2.- Kontratura harpidetuz gero, Bezeroak baimena ematen dio IBERDROLAri Enpresa
Banatzailearen aurrean jarduteko, hau da, hornikuntza ona izateko eta, Kontratu honen hasieraeguna
baino lehenago, beste merkaturatzaileren batekin ezarritako hornikuntza-kontratua
aldatzeko edo bertan behera uzteko behar adina kudeaketa egiteko.
5.- HORNIKUNTZAREN KALITATEA
5.1.- Indarrean den araudiak ezarritako kalitate-baldintzen arabera (1955/2000 Errege Dekretua,
101-103 artikuluak) edo beroriek ordezten edo aldatzen dituzten arauen arabera egingo da
hornikuntza. Arreta jarriko zaio, batez ere, hornikuntzaren jarraipenari (kopurua eta etenaldien
iraupena) eta produktuaren kalitateari (tentsio-uhinaren ezaugarriak).
5.2.- Inguruko Enpresa Banatzaileak izango du bitartekoaren eta hornikuntza-kalitatearen
ardura. Halaxe baitio indarrean dagoen araudiak.
5.3.- Kalitate-adierazleak betetzen ez badira, 1955/2000 Errege Dekretuaren 105. artikuluan edo
hura ordezkatzen edo garatzen duen araudian ezarritako deskontuak egingo dira fakturazioan.
IBERDROLAk bideratuko ditu Enpresa Banatzaileak Bezeroari eman beharreko hobarien eta
deskontuen erreklamazioak. Hornikuntza-kalitatea ez betetzeagatik egingo da azken hori eta,
onartu ondotik, fakturan islatuko dira.
6.- NEURGAILUAK
6.1.- Enpresa Banatzaileak konektatuko ditu instalazioak eta neurgailuak, arauz ezarritako
(1955/2000 Errege Dekretuaren 103. art. eta hurrengoak) edo hura ordezten edo aldatzen
duten arauek zehaztutako baldintzetan eta epeetan.
6.2.- Bezeroak baimena emango die IBERDROLAri eta Enpresa Banatzaileari neurketainstalazioetara
sartzeko, instalatze-, irakurtze-, ikuskatze-, mantentze- eta kontrol- eta
egiaztatze-lanetarako. Orobat, kontsumo-datuetarako sarbidea emango die.
6.3.- Instalatutako elektrizitate-kontagailua alokairu-erregimenean egonez gero, baliozko
araudian ezarritako alokairua fakturatuko da. Prezio horrek barne hartzen ditu: instalazioa,
mantentze-lana, kontsumoa irakurtzea eta balioztatzea eta, bere eskaeren arabera,
Elektrizitate-sistemaren Operadoreari bidaltzea. Elektrizitatea neurtzeko beste osagai
batzuk (adibidez, transformadorea) badaude eta alokairu-erregimenean badaude, fakturatu
beharreko alokairuaren prezioa unean uneko indarrekoa izango da, Enpresa Banatzaileak
merkaturatzaileari fakturatzen diona. Neurketa-zerbitzu osagarriak hitzartuz gero, Baldintza
Partikularretan edo Berezietan adieraziko dira euren prezioak. Prezio horrek barne hartzen ditu:
instalazioa, mantentze-lana, kontsumoa irakurtzea eta balioztatzea eta, bere eskaeren arabera,
sistemaren operadoreari bidaltzea.
7.- HORNIKUNTZAREN PREZIOA
7.1.- Horniduraren prezioa bat etorriko da Industria, Turismo eta Merkataritza Ministerioak une
bakoitzean ezarritako azken baliabideko tarifarekin (ABT).
7.2.- Bezeroak ordaindu beharko ditu hartune-eskubideak, krokadurak, egiaztatzea,
berme-gordailua eta, baliozko araudia betez, Enpresa Banatzaileak eskuratu beharreko
zerbitzuei dagozkien bestelako edozein zenbateko. IBERDROLAk araututako balio horiek
Enpresa Banatzaileari ordainduko dizkio eta Bezeroari ordaindu araziko, faktura bakarrean,
hornikuntzaren prezioaren barruan. Era berean IBERDROLAk Bezeroari jasanaraziko dio
Bezeroaren hornikuntza-puntuari dagokion Enpresak Banatzaileak birfakturazioaren edo
ikuskatze-akten emaitzen ondorioz eskatutako edozein zenbateko.
7.3.- Azken baliabideko tarifaren (ABT) aldaerak eta, Kontratu hau indarrean egongo den
bitartean, Administrazioak onar ditzakeen araututako gainerako kontzeptuen, jardueren eta
balioen beste edozein aldaera edo aldaketa automatikoki pasako dira hornikuntzen prezioetara
–betiere, aplikagarriak badira–, 14. baldintza zehaztutako kontratu-baldintzen aldaketatzat jo
gabe.
8.- FACTURACIÓN Y PAGO
8.1.- Fakturazioa: IBERDROLAk bezeroari fakturatuko dio, hilean behin, Enpresa Banatzaileak
egindako kontsumo-irakurketekin bat etorriz, indarrean den araudiaren arabera. Fakturazioaldi
baterako neurgailuen benetako irakurketa eskura egon ezean, Enpresa Banatzaileak
2009ko maiatzaren 14ko Energia eta Meatze Politika Zuzendaritza Nagusian aurreikusitako
energia elektriko kontsumoaren eta benetako irakurketekiko erregulazio-prozeduraren arabera
kalkulatuko du hileko fakturazioa. Fakturek kontsumoak zehaztuko dituzte, eta haien izaera
zenbatetsia adierazi; kasu horretan, ondorioztatuko diren ordainketak konturako ordainketatzat
hartuko dira. benetako irakurketa bidez egiten den lehen fakturazioan erregularizatuko dira.
Aplikatutako prezioak ere zehaztuko dira, baita gainerako fakturazio- eta zerga-kontzeptuak ere
eta prezioan jasotako gainordainak ere; honi, kasuan kasu, Kontratuak indarrean dirauen artean
Administrazioak onetsi ditzakeen gainontzeko guztiak ere gehituko zaizkio.
Baliozko araudian ezarritakoaren arabera egingo da energia erreaktiboaren fakturazioa,
bidezkoa denean.
Fakturazio elektronikoa: faktura elektronikoa jasotzeko nahia adierazi duen Bezeroaren kasuan,
Bezeroak emandako helbide elektronikoan dagokion fakturaren igorpen-oharra jasotakoan,
Bezeroaren Bulego Birtualean, www.iberdrola.com, deskarga ditzake fakturak.
Bezeroaren Bulego Birtualera sartzeko, IBERDROLAk emandako erabiltzaile-gakoekin eta
pasahitzarekin baimendu beharko du bere burua eta bertan adierazitako erabilera-baldintzen
arabera egingo du.
8.2.- Ordainketa: Ordaintzeko epea faktura eman eta hogei (20) egun naturaletan ezartzen
da. Ordaintzeko epearen azken eguna larunbata edo jai-eguna balitz, hurrengo lehendabiziko
lan-egunean amaituko da Ordaintzeko epearen barruan, Bezeroak fakturatutako zenbatekoak
Bezeroak adierazitako banku-kontuan ordaindu ahal izango ditu banku-helbideratze bidez,
edo IBERDROLAk ezarritako kontuen bitartez, IBERDROLAren kobrantza-bulegoetan edo
honek eskuordetutakoetan. Aurreko sistemak erabiltzeko arazorik eman dezaketen eskualde
geografikoetan, kontsumitzaileak fakturatutako zenbatekoa posta bidezko igorpen edo
antzeko bideren baten bitartez ordaindu ahal izango du.
Ordainketa hileroko kuota finko baten bidez ere egitea adostu daiteke; kontsumo historikoekiko
proportzionala izango da, edo estimatua halakorik ez balego, eta urtero benetako kontsumoaren
fakturazioarekin erregularizatua izango da.
8.3.- Ordainketarekin Atzeratzea: Bezeroaren aldetik ordainketa atzeratuz gero, osoa edo
zati bat, aldez aurreko errekerimendurik gabe, lege-interesari dagokion urteko atzerapenaren
interesa gehi portzentajezko bi (2) puntu sortuko ditu, ordainketa-epea amaitzeko dataren
hurrengo egunetik hasita. Aurrekoari kalterik egin gabe, ordaindu ez izaneko kasuan,
eta 1720/2007 Errege Dekretuan ezartzen diren betekizunekin bat, IBERDROLAk diruobligazioak
betetzeari buruzko informazio-zerbitzuei horren berri eman diezaieke, Bezeroari
aurretik eskakizuna eginda, 12. baldintzan jasotakoaren arabera. Halaber, ordaindu gabeko
kontsumitzaileei buruzko informazioa bakoitzaren Enpresa Banatzailearen Hornikuntza
Puntuen Informazio Sisteman sartuko da eta bertara sartzeko baimena izango dute Hornitzailez
Aldatzeko Bulegoak eta informazio hori eskatutako merkaturatzaileek.
8.4.- Hornikuntza Etetea: IBERDROLAk Enpresa Banatzaileari Bezeroaren hornidura eten
dezala eska diezaioke, indarrean den araudiaren arabera, ordainketa modu frogagarrian
eskatu eta bi (2) hilabetera gutxienez, ordainketa gauzatu ez bada. Hartara, eskakizuna
Kontratuan komunikazioetarako jasotako helbidera igorriz gauzatuko da, interesdunak edo
bere ordezkariak jaso egin duela, baita haren data, nortasun eta edukia frogatzeko modua
eman dezakeen edozein bideren bitartez; IBERDROLAk egindako jakinarazpenaren egiaztagiria
bere gain gorde behar izango du. Jakinarazpenari uko eginez gero, jakinarazpen saiakeraren
baldintzak zehaztu egingo dira eta tramitea egintzat hartuko da. Jakinarazpen horrek barne
hartu beharko du hornidura ez ordaintzeagatik eteteko tramitea, zein egunetik aurrera etengo
den zehaztuta, egun hori baino lehenago zor diren zenbatekoak ordaintzen ez badira.
Ez ordaintzeagatik hornidura eteteari ekiteko ezin izango da etendura jai-egun batean ezarri,
ezta, edozein arrazoi dela medio, bezeroarentzako arreta-zerbitzu komertzial zein teknikorik
ez dagoen egun bat ere, hornidura berrezartze aldera, ezta baldintza horietakoren bat eman
daitekeen egunen bezperan ere.
Hornikuntza eteteko IBERDROLAk duen eskubideak ez du libratzen Bezeroa ordaindu gabeko
fakturazioaren zenbatekoa ordaintzeko betebeharraz, Kontratuan zehaztutakoaren arabera.
Hornidura etenda, hauxe zorretan utzitako kantitatea osorik, sortutako berandutze-interesak
eta horniduraren etete eta balizko birkonexioak eragindako gastuak barne, ordaindu eta
hurrengo egunera berrezarriko da, gehienez ere. Halaber, egoera hauetan ere berehala etengo

da hornikuntza: zuzeneko edo iruzurrezko krokadura hautematen denean, Kontratuan aurreikusi
gabeko instalazio bat energiaz hornitzeko desbideratzen denean, neurgailua edo kontrolagailua
manipulatzean edo, instalazio arriskutsuen kasuan, ondo funtzionatzea eragozten denean
edo, lan-orduetan, IBERDROLAK ikuskatu behar dituen instalazioetarako lokalera edo lokaletara
sartzea eragozten denean. Kasu horiei gehitzen zaizkie segurtasunarentzako arrisku handiko
egoerak eta ezusteko eta ezinbesteko egoerak ere.
8.5.- Kontratua Desegitea: hornikuntza eten eta bi (2) hilabete igarota, Kontratua zuzenbide
osoz deuseztatu egingo da. Iruzur-kasuetan hornikuntza edo sarbidea eteteak berekin ekarriko
du, automatikoki, Kontratua deuseztatzea.
8.6.- Ordainketak Egoztea: ordainketa nagusia ordaindu aurretik, berandutze-interesak eta zor
dituen gainerako gastuak ordaindu behar ditu Bezeroak.
IBERDROLArekin beste hornikuntza eta zerbitzu batzuk ere kontratatuta baditu eta zatikako
ordainketak egiten baditu Bezeroak eskumena izango du zein zor ordaintzen ari den adierazteko,
Kode Zibilean zehaztutako baldintzetan. Bezeroak eskumen hori erabiltzen ez badu eta
dagoeneko interesak eta gastuak estali baditu, IBERDROLAk emandako edozein hornikuntzaren
edo zerbitzuren antzinatasun handieneko muga-eguna duen fakturak egotziko dira.
9.- ERANTZUKIZUNAK
9.1.- IBERDROLAk erantzungo du Bezeroaren energia elektrikoaren hornikuntza-kontratuaren
eta sarera sartzeko kontratuaren aurrean, baliozko araudian eta Kontratu honetan zehaztutako
baldintzetan.
9.2.- Bezeroak erantzungo du bere barneko instalazioen aurrean. Halaber, instalazio hartzaileak,
kontsumo-tresnak barne, kontserbazio-egoera bikainean mantentzeko azterketak egin eta
horiek behar bezala erabiliko ditu.
9.3.- Inguruko Enpresa Banatzaileak erantzungo du operazioen aurrean, sareen hornikuntzen
aurrean eta hornikuntzaren erabilgarritasunaren eta kalitatearen aurrean. Halaxe baitio indarrean
dagoen araudiak.
9.4.- Aldeek hitzartu dute ezinbesteko eta ezusteko kasuetan biak ala biak erantzukizun orotatik
libratuko direla.
10.- SUBROGAZIOA ETA EMATEA
10.1.- Kontratuaren eskubideak eta betebeharrak subrogatzeko, nahikoa izango da titulartasun
aldaketa IBERDROLAri modu frogagarrian jakinaraztea. Betiere, ordainketa guztiak eginda
egon behar dute. Bezero berriaren onespenaz gain, datu hauek izan behar ditu komunikazio
horrek: Bezero berriaren datu pertsonalak, fakturak bidaltzeko helbidea, IFK edo IFZ eta bankuhelbideratzearen
datuak.
10.2.- Kontratua edo bertatik eratorritako eskubideak eta betebeharrak IBERDROLAren edozein
elkarte parte-hartzaileri, harekin lotutakoari edo ondorengoari emateko ahalmena izango du
IBERDROLAk, etorkizunean Kontratuaren xedeko zerbitzua eskain badezake. Nahikoa izango da
Bezeroari dagokion jakinarazpena egitea.
11.- URRUTIKO KONTRATAZIOA
11.1.- Alderdiek adosten dute telefonoz edo bitarteko telematikoen bidez gauza daitezkeela
Kontratuaren garapenarekin lotutako auzi guztiak, jakinarazpenak barne, baita IBERDROLAk
Bezeroari eskain diezazkiokeen beste produktu eta zerbitzu batzuen kontratazioa ere.
IBERDROLAk eskainitako identifikazio-gakoen sistemak eta segurtasun-sistemak erabiliko dira
horietarako.
11.2.- Alderdiek adosten dute baliozkotasun juridiko osoa ematea Bezeroak, erabilerabaldintzetan
IBERDROLAk eskainitako gako eta/edo kode bidez, adierazitako onespenari,
horretarako identifikazio pertsonalak eskainitako moduan.
12.- BEZEROAK IBERDROLAREKIN DITUEN KONTRATU-HARREMANAK
KUDEATZEKO DATU PERTSONALEN TRATAERA
12.1.- Izaera Pertsonaleko Datuen Babeserako (DBLO) 15/1999 Lege Organikoan adierazitakoa
betez, Bezeroari jakinarazi zaio Kontratu honetan emandako datuak SDT bezeroen fitxategian
sartu direla, baita kontratuaren harremanetik geroago eratorritako datuak ere. IBERDROLA
COMERCIALIZACIÓN DE ÚLTIMO RECURSO, S.A.U. da fitxategiaren titular eta erantzule. Bere
IFK. zenbakia A-95554630 da eta egoitza soziala, berriz, Gardoki Kardenala kalea, 8, 48008
Bilbon du. Datuen segurtasuna eta tratamendu konfidentziala bermatzen du eta helburu du
IBERDROLArekin dituen kontratu-harremanak kudeatzea.
Bezeroa da IBERDROLAri aldi oro jakinarazitako datuen egiazkotasunaren arduradun. Gainera,
konpromisoa hartzen du, beharrezkoa den guztietan, datu horiek aldatzea eskatzeko,
kontratatutako zerbitzuak ondo emango direla ziurtatzeko.
12.2.- Kontratu hau kudeatzeko, kontratua egiten duen pertsona ez beste pertsona fisiko baten
izaera pertsonaleko datuak komunikatu behar badira, Bezeroak betebeharra du, aldez aurretik
eta berariaz, klausula honetako edukiaren datuak titularrari adierazteko eta haren onespena
lortzeko, beroriek komunikatzeko aldez aurreko izaerarekin. Halaxe eskatzen baita DBLOren 5.4.
artikuluan.
12.3.- Bezeroa ohartarazi da IBERDROLAk, interesdunaren kaudimen ekonomikoa epaitu behar
badu, balitekeela diru-betebeharrak ez betetzeari buruzko fitxategiak kontsultatzea. Ondoren,
kontsulta horietan oinarrituta, IBERDROLAk gaitasuna izango du ondorio juridikoko erabakiak edo
harengan eragina izango duten erabakiak hartzeko. Horren ondorioz, baliteke haren iraunaldia
baldintzatzeko ordainketa-berme bat eskatzea. Alabaina, IBERDROLAk beti emango dio Bezeroari
bere eskubideak edo interesak defendatzeko bidezko ikusten duen guztia alegatzeko aukera.
Bezeroari ohartarazi zaio diru-betebeharrak ez betetzeari buruzko fitxategietan sartu ahal izango
direla ez ordaintzeari buruzko datuak, baldin eta ordainketa ez bada Kontratu honetako 8.
baldintzan aurreikusitako moduan egiten eta ez badira 1720/2007 Errege Dekretuan eskatutako
betebehar guztiak betetzen.
12.4.- Bezeroa ohartarazi da Hornikuntza-kontratu honi buruzko datu guztiak eman ahal izango
zaizkiola Zerga Administrazioari, 58/2003 Zerga Lege Orokorrean eta/edo 36/2006 Legean,
iruzur fiskala prebenitzeko neurriei buruzkoan, aurreikusitako xedeetarako. Halaber, beste
edozein Administraziori ere bidaliko zaizkio datuak, legeak zehaztutako xederako. Halaber,
zera jakinarazi diogu: sarera sartzea kudeatzeko beharrezko datuen, Bezeroaren nortasunaren,
helbidearen, kontsumoaren eta ez ordaintzeagatiko egoeren berri emango zaiola Enpresa
Banatzaileari, eta Hornikuntza Puntuen Informazio Sistemaren fitxategian sartuko direla. Enpresa
Banatzailea da fitxategi horren erantzule eta sarbidea izango dute Hornitzailez Aldatzeko
Bulegoak eta hala eskatzen duten merkaturatzaileek. Bezeroak berariaz debeka dezake datu
horiek zabaltzea, Enpresa Banatzaileari idatziz jakinarazita. Haatik, ezingo da horrela jokatu ez
ordaintzeagatiko egoera batean egonez gero, bere CUPS eta egoera horren berri ematen duen
informazioa izango baita.
12.5.- Bezeroak ahalmena du datu pertsonaletara sartzeko, horiek zuzentzeko, horien aurka
egiteko eta ezerezteko eskubideak idatziz gauzatzeko. Horretarako, honako helbide honetara
zuzendu behar du: IBERDROLA COMERCIALIZACIÓN DE ÚLTIMO RECURSO, S.A.U. - Oficina del
Cliente, Apartado de Correos nº 1732, 28080 Madrid. Edo, IBERDROLAren beste edozein bide
erabil dezake: Bezeroaren Arretarako telefonoa, 902 20 15 20; posta elektronikoa: Bezeroaren
Arretarako telefonora 902 20 15 20 deitu, Oficina_cliente_DICOM@iberdrola.es helbide
elektronikora idatzi edo presentziazko arretarako edozein IBERDROLA Puntura ere jo dezake.
Identifikazio-datuak eta helbidea adierazi behar ditu bertan, baita bere nortasuna egiaztatzen
duen baliozko dokumentuak ekarri ere.
13.- MERKATARITZA-KOMUNIKAZIOAK BIDALTZEKO DATU PERTSONALEN
TRATAERA
13.1.- Bezeroak berariazko onespena adierazten du emandako datuak bezero potentzialen
fitxategian sartzeko. IBERDROLA COMERCIALIZACIÓN DE ÚLTIMO RECURSO, S.A.U. da fitxategi
horren titular eta erantzule. Bere I.F.K. zenbakia A-95554630. Egoitza soziala, berriz, Gardoki
Kardenala kalea, 8, 48008 Bilbon du. Fitxategiak helburu du IBERDROLAk berak edo hirugarrenen
bidez eskainitako produktuen eta zerbitzuen informazio banatua eta pertsonalizatua ematea.
Energiaren, telekomunikazioen, finantzen, etxearen eta aisialdiaren alorreko produktu edo
zerbitzu familiei buruzko informazioa jasoko du Bezeroak. IBERDROLAk datu horiek sustapen
xedeetarako erabiltzerik nahi ez badu Bezeroak, Kontratu honetako Merkataritza Komunikazioak
atalean, horretarako ezarritako laukitxoa markatu behar du edo IBERDROLAri azaldutako bideen
bitartez jakinarazi.
13.2.- Informazioaren Gizartearen eta Merkataritza Elektronikoaren Zerbitzuei buruzko 34/2002
Legean eta Telekomunikazioen 32/2003 Lege Orokorrean agindutakoa betetzeko xedearekin,
Bezeroari jakinarazi zaio eta berariaz bere onartzen du IBERDROLAk merkataritza-komunikazioak
bidaltzea, emandako bitarteko elektronikoen bidez. Baldintza honetako lehen paragrafoan
adierazitako sustapen-informazioa izango dute aipatu komunikazio horiek. Bezeroak ez badu
bitarteko elektronikoen bidez inolako merkataritza-komunikaziorik jaso nahi, Kontratu honetako
Baldintza Partikularren Merkataritza Komunikazioak atalean horretarako ezarritako laukitxoa
markatu behar du, edo IBERDROLAri adieraztiako bideen bitartez jakinarazi.
Bezeroa da IBERDROLAri aldi oro jakinarazitako datuen egiazkotasunaren arduradun. Gainera,
konpromisoa hartzen du, beharrezkoa den guztietan, datu horiek aldatzea eskatzeko, gure
komunikazioen kalitatea ziurtatzeko.
13.3.- Merkataritza-komunikazioak bidaltzeko baimena atzera bota dezake Bezeroak, bai
bitarteko elektronikoen bidez, bai ohiko bitartekoen bidez Bezeroaren Bulegora idatziz
zuzenduta: Apartado de Correos nº 1732, 28080 Madril, eta identifikazio datuak eta
helbidea adieraziz; edo IBERDROLAren edozein kanalen bidez: Bezeroaren Arretarako
telefonoa, 902 20 15 20; posta elektronikoa: lssi@iberdrola.es; presentziazko edozein
IBERDROLA Puntura ere jo dezake.
14.- KONTRATUKO BALDINTZEN ALDAKETA
14.1.- Kontratu honetako Baldintzak aldatuz gero, indarrean sartu baino, gutxienez, hilabete
(1) lehenago jakinaraziko zaio Bezeroari, baliozko araudiaren ondorio direnean izan ezik.
Aldaketarekin ados ez badago, zigorrik gabe Kontratua ebazteko eskubidearen berri emango
zaio orduan.
14.2.- Kontratuaren Baldintza Orokorren, Baldintza Partikularren eta Baldintza Berezien artean
alderik egonez gero, ordena honetan gailenduko dira: Bereziak, Partikularrak eta Orokorrak.
15.- ATZERA EGITEKO ESKUBIDEA
15.1- Kontratua urrutitik (telefonoz edo Internet bidez) kontratatuz gero edo IBERDROLAren
saltokietatik kanpo sinatuz gero, eta kontratazioa 1/2007 Legezko Errege Dekretuko,
azaroaren 16koa, Kontsumitzaileak eta Erabiltzaileak Defendatzeko Lege Orokorraren testu
bategina onartzen duenaren, 3. artikuluaren edo beste arau osagarrien arloan aplika badaiteke,
aplikagarria izango da aipatu arau horretan eta 7/1996 Legean, urtarrilaren 15ekoan, Txikizkako
Merkataritzaren antolamenduari buruzkoan, ezarritakoa. Beraz, Bezero kontsumitzaileak
eskubidea izango du Kontratu honetan atzera egiteko, bere erabakia arrazoitzeko beharrik gabe
eta inolako zigorrik gabe, Kontratua egindako egunetik hasi eta hurrengo, gehienez, zazpi (7)
egun balioduneko epean. Kontratuan atzera egiteko, IBERDROLAri Atzera Egite Dokumentua
bidali edo Bezeroaren Arretarako telefonoan, 902 20 15 20 jakinarazi behar du.
15.2.- Atzera egitearen erregimenari eta emandako hornikuntzaren eta ordaindutako
zenbatekoen elkarrekiko lehengoratzea lege hauetan zehaztukoaren araberakoa izango da:
1/2007 Errege Dekretu Legegilea (68-79 art.) eta 7/1996 Legea (44 eta 45. art.), baita Kode Zibila
eta indarrean den gainerako legeria ere. Atzera egite eskubidetik kanpo geratzen dira enpresajardueratik
edo jarduera autonomotik eratorritako hornikuntza-kontratuak.
16.- ERREKLAMAZIOAK, LEGERIA APLIKAGARRIA ETA ESKUMENA
16.1.- Kontratu honekin lotuta, egoki iritzitako erreklamazioak egin diezazkioke Bezeroak,
IBERDROLA COMERCIALIZACIÓN DE ÚLTIMO RECURSO, S.A.U.-ri helbide honetara bidalitako
idazki baten bitartez: 61090 Posta Kutxatila - 28080 Madril. Edo, IBERDROLAk Bezeroaren eskura
jarritako beste edozein bide erabil dezake: Bezeroaren Arretarako telefonoa, 902 20 15 20; posta
elektronikoa: clientes@iberdrola.es; www.iberdrola.com webgunearen bidez eta presentziazko
edozein IBERDROLA Puntura jota.
16.2.- Erreklamazio bat jarri ostean, hilabeteko (1) epean ebatzi ez bada edo, ebatzi bada ere,
ez bada aintzat hartu, Bezeroak eskubidea izango du erreklamazioa Autonomia Erkidegoetako
Kontsumoko Arbitraje Batzordean aurkezteko eta IBERDROLA aipatu arbitraje horren menpe jarri
duten hipotesietarako.
16.3.- Espainiako legeriak zuzentzen ditu Baldintza Orokor hauek. Zerbitzua ematen den tokiko
Epaitegien eta Auzitegien eraginpean jartzen dira alderdiak.

BaIDINTZa OrOKOrraK
aZKEN BalIaBIDEKO TarIfarI HelTzekO ESKUBIDErIK EZ DUTEN
KONTSUMITZaIlEENTZAKO ENErGIa ElEKTrIKO HOrNIKUNTZa KONTraTUa
1.- KONTRATUAREN HELBURUA
1.1.- Kontratu honen helburua IBERDROLA COMERCIALIZACIÓN DE ÚLTIMO RECURSO, S.A.U.
enpresak energia elektrikoa hornitzea da, azken baliabideko tarifari heltzeko eskubiderik izan
ez, aldi baterako merkaturatzaile batekin indarrean den hornikuntza-kontraturik izan ez eta
elektrizitatea kontsumitzen jarraitzen duten eta aurreko hornikuntza edo sarbide-kontratua
ordaindu ez izanagatik bertan behera utzi ez zaien kontsumitzaileei.
1.2.- Izaera oso pertsonala du Hornikuntza-kontratu honek; beraz, Bezeroa izango da
Kontratuan adierazitako instalazioetan hornitutako energia elektrikoaren egitezko erabiltzailea
eta ezingo dio kontratatu ez den beste erabilera bat eman eta ezingo du eman, besterendu edo
hirugarrenen esku utzi.
1.3.- Kontratuan bertan adierazitako akordioek eta unean uneko indarreko araudiak zuzenduko
dute Kontratu hau.
2.- KONTRATUAREN IRAUPENA
2.1.- Indarrean den araudiarekin bat, Kontratuak sei (6) hilabeteko iraupena izango du eta
automatikoki desegingo da Bezeroak ez badu, epe hori igarota, hornikuntza merkatu librean
kontratatu.
2.2.- Aurrekoaren kalterik gabe, Bezeroaren kaudimena egiaztatzearen emaitzak baldintzatuko
du Kontratu honen iraunaldia. Kaudimenaren egiaztatze horren ondorioz, edo ez ordaintzeagatik
sortutako egoera baten ondorioz, ordainketa-bermea aurkezteko eska diezaioke IBERDROLAK
Bezeroari, lehenak hornitzen jarraitzeko. Kasu bakoitzean, IBERDROLAk emandako ereduaren
arabera, banku-gordailu edo banku-abal moduan aurkez daiteke ordainketa-berme hori.
Kontratua amaitu ondoren itzuliko dio jasotako bermea IBERDROLAk Bezeroari. Eskubidea
erreserbatuko du, ordea, ordaindu gabeko zordunketa horien zenbatekoa beretzat hartzeko.
Era berean, Bezeroak bete gabeko beste edozein baldintzen ondorioz sortutako zordunketen
zenbatekoa hartzeko eskubidea beretzat gordeko du. Kontratu hau ebatzi egingo da
IBERDROLAk Bezeroari eskatu dion egunetik hasi eta hilabeteko (1) epean bermea ematen ez
bada, eta IBERDROLAk ez du inolako kalte-ordainik emateko betebeharrik izango.
3.- KONTRATUA AMAITZEA
3.1.- Iraupen-epea igarotakoan amaitzeaz gain, beste egoera hauetan ere amaituko da Kontratu
hau: bi alderdiek adostu dutelako, Kontratua ez delako bete, batez ere, Kontratu honek
adierazitakoagatik zor izandako edozein kopuru ez ordaintzeagatik, eta komunikatutako
Bezeroak IBERDROLA uzteagatik, gutxieneko bost (5) egun balioduneko epea bete gabe.
Hornikuntzari baja eman nahi zaion eguna baino bost egun lehenago jakinarazi behar zaio
IBERDROLAri, interesdunaren nortasuna eta nahia jasota geratzeko bide ematen duen edozein
modu erabilita. Horrek guztiak ez du kaltetuko indarrean dagoen tarifa-araudia aplikatuta erator
daitezkeen baldintza ekonomikoak.
4.- BEZEROAREN ESKUMENAK
4.1.- Kontratu hau sinatuta, Bezeroak baimena ematen dio IBERDROLAri Kontratua behar bezala
betetzeko beharrezko instalazioetara sartzeko, Bezeroaren ordez Enpresa Banatzailearen
kontratuetara harpidetzeko. Beraz, helburu guztietarako, Bezeroaren postua izango du
IBERDROLAk sarbide-kontratuetan. Edonola ere, aplika daitekeen araudiarekin bat etorriz,
sarbide-kontratuari dagozkion eskubide guztiak mantenduko ditu Bezeroak Enpresa
Banatzailearekin. Kontratu hau ebatziz gero, berriz, Bezeroa izango da egon litekeen bermegordailuaren
titularra, baita instalaziorekin lotutako beste edozein eskubiderena ere. Enpresa
Banatzaileak, gainera, ezingo du inolako eguneratzerik eskatu, kontratua berritzeagatik.
Halaber, baimen hori betez eta baliozko araudia aplikatuz, Bezeroak ez dio sarbide-tarifarik
ordaindu behar Enpresa Banatzaileari; betiere, IBERDROLAri ezer zor ez bazaio.
4.2.- Kontratura harpidetuz gero, Bezeroak baimena ematen dio IBERDROLAri Enpresa
Banatzailearen aurrean jarduteko, hau da, hornikuntza ona izateko eta, Kontratu honen hasieraeguna
baino lehenago, beste merkaturatzaileren batekin ezarritako hornikuntza-kontratua
aldatzeko edo bertan behera uzteko behar adina kudeaketa egiteko.
5.- HORNIKUNTZAREN KALITATEA
5.1.- Indarrean den araudiak ezarritako kalitate-baldintzen arabera (1955/2000 Errege Dekretua,
101-103 Artikuluak) edo beroriek ordezten edo aldatzen dituzten arauen arabera egingo da
hornikuntza. Arreta jarriko zaio, batez ere, hornikuntzaren jarraipenari (kopurua eta etenaldien
iraupena) eta produktuaren kalitateari (tentsio-uhinaren ezaugarriak).
5.2.- Inguruko Enpresa Banatzaileak izango du bitartekoaren eta hornikuntza-kalitatearen
ardura. Halaxe baitio indarrean dagoen araudiak.
5.3.- Kalitate-adierazleak betetzen ez badira, 1955/2000 Errege Dekretuaren 105. artikuluan edo
hura ordezkatzen edo garatzen duen araudian ezarritako deskontuak egingo dira fakturazioan.
IBERDROLAk bideratuko ditu Enpresa Banatzaileak Bezeroari eman beharreko hobarien eta
deskontuen erreklamazioak. Hornikuntza-kalitatea ez betetzeagatik egingo da azken hori eta,
onartu ondotik, fakturan islatuko dira.
6.- NEURGAILUAK
6.1.- Enpresa Banatzaileak konektatuko ditu instalazioak eta neurgailuak, arauz ezarritako
(1955/2000 Errege Dekretuaren 103. art. eta bat datozen art.) edo hura ordezten edo aldatzen
duten arauek zehaztutako baldintzetan eta epeetan.
6.2.- Bezeroak baimena emango die IBERDROLAri eta Enpresa Banatzaileari neurketainstalazioetara
sartzeko, instalatze-, irakurtze-, ikuskatze-, mantentze- eta kontrol- eta
egiaztatze-lanetarako. Orobat, kontsumo-datuetarako sarbidea emango die.
6.3.- Instalatutako argindar-kontagailua edo beste edozein osagai (transformadoreak, esaterako)
alokairu erregimenean badaude, etengabe indarrean dagoen araudian zehaztutako prezioa
fakturatuko da. Eta Enpresa Banatzaileak Merkaturatzaileari fakturatuko dion kopuru bera
izango da. Enpresa Banatzaileak egindako lan hauek sartzen dira prezioan: ekipoak instalatzea
edo egokitzea, mantentze-lana, egiaztatzea eta kontsumoak balidatzea. Merkaturatzaileak
zuzenean alokatuko balitu neurgailuak, edo neurketarako zerbitzu gehigarriak eskainiko balira,
Baldintza Partikularretan islatuko da hitzartutako prezioa. Prezio horrek barne hartzen ditu:
instalazioa, mantentze-lana, kontsumoa irakurtzea eta balioztatzea eta, bere eskaeren arabera,
sistemaren Operadoreari bidaltzea.
7.- HORNIKUNTZAREN PREZIOA
7.1.- Hornikuntzaren prezioa une bakoitzean eta konexio-tentsio bakoitzerako Industria, Turismo
eta Merkataritza Ministerioak ezartzen duena izango da, azken baliabideko tarifari heltzeko
eskubiderik izan ez eta aldi baterako merkaturatzaile batekin indarrean den hornikuntzakontraturik
izan gabe elektrizitatea kontsumitzen jarraitzen duten kontsumitzaileentzako.
7.2.- Bezeroak ordaindu beharko ditu hartune-eskubideak, krokadurak, egiaztatzea,
berme-gordailua eta, baliozko araudia betez, Enpresa Banatzaileak eskuratu beharreko
zerbitzuei dagozkien bestelako edozein zenbateko. IBERDROLAk araututako balio horiek
Enpresa Banatzaileari ordainduko dizkio eta Bezeroari ordainaraziko, faktura bakarrean eta
hornikuntzaren prezioaren barruan. Era berean, IBERDROLAk Bezeroari jasanaraziko dio
Bezeroaren hornikuntza-puntuari dagokion Enpresak Banatzaileak birfakturazioaren edo
ikuskatze-akten emaitzen ondorioz eskatutako edozein zenbateko.
7.3.- Hornikuntzari aplikatu beharreko prezioaren aldaerak eta, Kontratu hau indarrean egongo
den bitartean, Administrazioak onar ditzakeen araututako gainerako kontzeptuen, jardueren
eta balioen beste edozein aldaera edo aldaketa automatikoki pasako dira hornikuntzen
prezioetara –betiere, aplikagarriak badira–, 14. baldintza zehaztutako kontratu-baldintzen
aldaketatzat jo gabe.
8.- FAKTURAZIOA ETA ORDAINKETA
8.1.- Fakturazioa: Enpresa Banatzaileak egindako dagokion kontsumoaren irakurketen arabera
fakturatuko dio IBERDROLAk Bezeroari. Dena den, Enpresa Banatzaileak emandako estimatutako
kontsumo-datuekin fakturatzeko aukera erreserbatzen du, irakurketarik ez dagoen kasuetan.
Baina beti kontuan hartuko dira aurreko urteko epe bereko proportzionaltasun-irizpideak eta,
ez balego, irakurritako kontsumoa duten aurreko hilekoak. Aurreko hilekoetan kontsumorik ez
balego, ezaugarri bereko bezeroen proportzionaltasun-irizpideak erabiliko dira kontsumoak
balioesteko. Benetako kontsumoak ezagutu ostean, fakturazio osagarriak egiteko eskubidea
izango du IBERDROLAk. Horrelaxe baitio indarrean dagoen araudiak.
Kontratuan adieraziko da fakturazio-aldizkakotasuna. Edonola ere, Enpresa Banatzaileak
IBERDROLAri emandako kontsumo-irakurketen maiztasunaren araberakoa izango da.
Kontsumoak eta hitzartutako prezioak zehaztuko dira fakturetan, baita gainerako fakturaziokontzeptuak
ere. Prezioan sartutako zergak eta errekarguak zehaztuko dira fakturan eta, hala
balegokio, Kontratuak indarrean dirauen bitartean Administrazioak onartutako gainerako
zergak eta errekarguak ere sartuko dira.
Baliozko araudian ezarritakoaren arabera egingo da energia erreaktiboaren fakturazioa,
bidezkoa denean. Hilero edo bi hilez behin, dagokion faktura bidaliko zaie Bezeroei, eta
horrek ez dio eragingo, IBERDROLAren Interneteko orrialdean, beren kontsumo-xehetasunak
eskuratzeko aukerari.
Fakturazio elektronikoa: faktura elektronikoa jasotzeko nahia adierazi duen Bezeroaren kasuan,
Bezeroak emandako helbide elektronikoan dagokion fakturaren igorpen-oharra jasotakoan,
Bezeroaren Bulego Birtualean, www.iberdrola.com, deskarga ditzake fakturak.
Bezeroaren Bulego Birtualera sartzeko, IBERDROLAk emandako erabiltzaile-gakoekin eta
pasahitzarekin baimendu beharko du bere burua eta bertan adierazitako erabilera-baldintzen
arabera egingo du.
8.2.- Ordainketa: Bezeroak, ahal dela, hautatutako banku-kontuaren helbideratzen bidez
egingo da ordainketa eta bankuak fakturaren zenbatekoaren berri izaten duen datan egin
beharko da.
Fakturazio-epeari dagozkion kontsumo errealekin edo balioetsitakoekin bat etorriko da
ordainketa. Edo, hala hitzartuz gero, hileko kuota finkoarekin etorriko da bat. Kontsumo
historikoak aintzat hartuta finkatuko da hileko kuota finkoa. Sei hilero berrikusiko da eta urteko
kontsumo errealekin erregularizatuko da urtero.
8.3.- Ordainketarekin Atzeratzea: Bezeroak ordainketa atzeratuz gero, zenbateko osoa edo
zati bat delarik ere, berandutzeagatiko interesak eta merkataritzako eragiketen berandutzearen
aurkako abenduaren 29ko 3/2004 Legean jasotako kobrantza kostuengatiko kalte-ordaina
sortuko ditu, aldez aurreko errekerimendurik gabe. Ordainketak helbideratuta badaude,
fakturaren datatik hasi eta 7 egun naturaletik aurrera sortuko dira interesak. Helbideratu gabeko
ordainketen kasuan, aldiz, Baldintza Partikularretan adostutako ordainketa-epea amaitu eta
hurrengo egunetik hasiko dira interesak sortzen.
Aurrekoari kalterik egin gabe, ordaindu ez izaneko kasuan, eta 1720/2007 Errege Dekretuan
ezartzen diren betekizunekin bat, IBERDROLAk diru-obligazioak betetzeari buruzko informaziozerbitzuei
horren berri eman diezaieke, Bezeroari aurretik eskakizuna eginda, 12. baldintzan
jasotakoaren arabera. Halaber, ordaindu gabeko kontsumitzaileei buruzko informazioa
Enpresa Banatzailearen Hornikuntza Puntuen Informazio Sisteman sartuko da eta bertara
sartzeko baimena izango dute Hornitzailez Aldatzeko Bulegoak eta informazio hori eskatutako
merkaturatzaileek.
8.4.- Hornikuntza Etetea: IBERDROLAk eskubidea izango du Enpresa Banatzaileari
Bezeroaren hornikuntza etetea eskatzeko, baliozko araudiaren arabera, ordainketa-epea
amaitu eta IBERDROLAk aldez aurretik errekerimendua Bezeroari idatziz jakinarazita,
mugaeguna pasatako fakturak oso-osorik ordaindu ez badira.
Hornikuntza eteteko IBERDROLAk duen eskubideak ez du libratzen Bezeroa
ordaindu gabeko fakturazioaren zenbatekoa ordaintzeko betebeharraz, Kontratuan
zehaztutakoaren arabera.
Halaber, egoera hauetan ere berehala etengo da hornikuntza: zuzeneko edo iruzurrezko
krokadura hautematen denean, Kontratuan aurreikusi gabeko instalazio bat energiaz

hornitzeko desbideratzen denean, neurgailua edo kontrolagailua manipulatzean edo,
instalazio arriskutsuen kasuan, ondo funtzionatzea eragozten denean edo, lan-orduetan,
IBERDROLAK ikuskatu behar dituen instalazioetarako lokalera edo lokaletara sartzea
eragozten denean. Kasu horiei gehitzen zaizkie segurtasunarentzako arrisku handiko
egoerak eta ezusteko eta ezinbesteko egoerak ere.
8.5.- Kontratua Desegitea: hornikuntza eten ostean, eskubide guztiekin desegin dezake
kontratua IBERDROLAk, Bezeroari aldez aurretik jakinarazita. Zor dion guztia ordaindu arte,
baita berandutze-interesak eta hornikuntza eteteak eta berriro jartzeak sortutako gastuak
ordaindu arte ere, IBERDROLAk ez du Bezero horrekin kontratu berririk egingo. Ezta, hala
balegokio, eskatutako ordainketa egiteko bermea duela ikusi arte, IBERDROLAk 2.2. baldintzan
zehaztutakoak halaxe baitio.
8.6.- Ordainketak Egoztea: tronkoa ordaindu baino lehenago, Bezeroak berandutze-interesak
eta, hala badagokio, zorretan utzitako gainerako gastuak ordaindu beharko ditu. Bezeroak
IBERDROLArekin beste hainbat hornikuntza eta zerbitzu hitzartuta izango balitu eta ordainketa
partzialak egingo balitu, Bezeroak erabakiko du ordainketa zein zorrari aplikatuko zaion, Kode
Zibilak ezartzen duenaren arabera... Bezeroak eskumen hori erabiltzen ez badu eta dagoeneko
interesak eta gastuak estali baditu, edozein hornikuntzaren edo zerbitzuren antzinatasun
handieneko mugaeguna duen fakturak egotziko dira.
9.- ERANTZUKIZUNAK
9.1.- IBERDROLAk erantzungo du Bezeroaren energia elektrikoaren hornikuntza-kontratuaren
eta sarera sartzeko kontratuaren aurrean, baliozko araudian eta Kontratu honetan zehaztutako
baldintzetan.
9.2.- Bezeroak erantzungo du bere barneko instalazioen aurrean. Halaber, instalazio hartzaileak,
kontsumo-tresnak barne, kontserbazio-egoera bikainean mantentzeko azterketak egin eta
horiek egoki erabiliko ditu.
9.3.- Inguruko Enpresa Banatzaileak erantzungo du operazioen aurrean, sareen hornikuntzen
aurrean eta hornikuntzaren erabilgarritasunaren eta kalitatearen aurrean. Halaxe baitio indarrean
dagoen araudiak.
9.4.- Aldeek hitzartu dute ezinbesteko eta ezusteko kasuetan biak ala biak erantzukizun orotatik
libratuko direla.
10.- SUBROGAZIOA ETA EMATEA
10.1.- Kontratuaren eskubideak eta betebeharrak subrogatzeko, nahikoa izango da titulartasun
aldaketa IBERDROLAri modu frogagarrian jakinaraztea. Betiere, ordainketa guztiak eginda
egon behar dute. Bezero berriaren onespenaz gain, datu hauek izan behar ditu komunikazio
horrek: Bezero berriaren datu pertsonalak, fakturak bidaltzeko helbidea, IFK edo IFZ eta bankuhelbideratzearen
datuak.
10.2.- Kontratua edo bertatik eratorritako eskubideak eta betebeharrak IBERDROLAren edozein
elkarte parte-hartzaileri, harekin lotutakoari edo ondorengoari emateko ahalmena izango du
IBERDROLAk, etorkizunean Kontratuaren xedeko zerbitzua eskain badezake. Nahikoa izango da
Bezeroari dagokion jakinarazpena egitea.
11.- URRUTIKO KONTRATAZIOA
11.1.- Alderdiek adosten dute telefonoz edo bitarteko telematikoen bidez gauza daitezkeela
Kontratuaren garapenarekin lotutako auzi guztiak, jakinarazpenak barne, baita IBERDROLAk
Bezeroari eskain diezazkiokeen beste produktu eta zerbitzu batzuen kontratazioa ere.
IBERDROLAk eskainitako identifikazio-gakoen sistemak eta segurtasun-sistemak erabiliko dira
horietarako.
11.2- Alderdiek adosten dute baliozkotasun juridiko osoa ematea Bezeroak, erabilerabaldintzetan
IBERDROLAk eskainitako gako eta/edo kode bidez, adierazitako onespenari,
horretarako identifikazio pertsonalak eskainitako moduan.
12.- BEZEROAK IBERDROLAREKIN DITUEN KONTRATU-HARREMANAK
KUDEATZEKO DATU PERTSONALEN TRATAERA
12.1.- Izaera Pertsonaleko Datuen Babeserako (DBLO) 15/1999 Lege Organikoan adierazitakoa
betez, Bezeroari jakinarazi zaio Kontratu honetan emandako datuak bezeroen fitxategian
sartu direla, baita kontratuaren harremanetik geroago eratorritako datuak ere. IBERDROLA
COMERCIALIZACIÓN DE ÚLTIMO RECURSO, S.A.U. da fitxategiaren titular eta erantzule. Bere IFK.
zenbakia A-95554630 da eta egoitza soziala, berriz, Gardoki Kardenala kalea, 8, 48008 Bilbon du.
Datuen segurtasuna eta tratamendu konfidentziala bermatzen du eta helburu du IBERDROLArekin
dituen kontratu-harremanak kudeatzea. Bezeroa da IBERDROLAri aldi oro jakinarazitako datuen
egiazkotasunaren arduradun. Gainera, konpromisoa hartzen du, beharrezkoa den guztietan,
datu horiek aldatzea eskatzeko, kontratatutako zerbitzuak ondo emango direla ziurtatzeko.
12.2.- Kontratu hau kudeatzeko, kontratua egiten duen pertsona ez beste pertsona fisiko baten
izaera pertsonaleko datuak komunikatu behar badira, Bezeroak betebeharra du, aldez aurretik
eta berariaz, klausula honetako edukiaren datuak titularrari adierazteko eta haren onespena
lortzeko, beroriek komunikatzeko aldez aurreko izaerarekin. Halaxe eskatzen baita DBLOren 5.4.
artikuluan.
12.3.- Bezeroari ohartarazi zaio diru-betebeharrak ez betetzeari buruzko fitxategietan sartu ahal
izango direla ez ordaintzeari buruzko datuak, baldin eta ordainketa ez bada Kontratu honetako 8.
baldintzan aurreikusitako moduan egiten eta ez badira 1720/2007 Errege Dekretuan eskatutako
betebehar guztiak betetzen.
12.4.- Bezeroa ohartarazi da Hornikuntza-kontratu honi buruzko datu guztiak emango zaizkiola
Zerga Administrazioari, 58/2003 Zerga Lege Orokorrean eta/edo 36/2006 Legean, iruzur
fiskala prebenitzeko neurriei buruzkoan, aurreikusitako xedeetarako. Halaber, beste edozein
Administraziori ere bidaliko zaizkio datuak, legeak zehaztutako xederako. Halaber, zera jakinarazi
diogu: sarera sartzea kudeatzeko beharrezko datuen, bezeroaren nortasunaren, helbidearen,
kontsumoaren eta ez ordaintzeagatiko egoeren berri emango zaiola Enpresa Banatzaileari, eta
Hornikuntza Puntuen Informazio Sistemaren fitxategian sartuko direla. Enpresa Banatzailea da
fitxategi horren erantzule eta sarbidea izango dute Hornitzailez Aldatzeko Bulegoak eta hala
eskatzen duten merkaturatzaileek. Bezeroak berariaz debeka dezake datu horiek zabaltzea,
Enpresa Banatzaileari idatziz jakinarazita. Haatik, ezingo da horrela jokatu ez ordaintzeagatiko
egoera batean egonez gero, bere CUPS eta egoera horren berri ematen duen informazioa izango
baita.
12.5.- Bezeroak ahalmena du datu pertsonaletara sartzeko, horiek zuzentzeko, horien aurka
egiteko eta ezerezteko eskubideak idatziz gauzatzeko. Horretarako, honako helbide honetara
zuzendu behar du: IBERDROLA COMERCIALIZACIÓN DE ÚLTIMO RECURSO, S.A.U. - Oficina del
Cliente, Apartado de Correos nº 1732, 28080 Madrid. Edo, IBERDROLAren beste edozein bide
erabil dezake: Bezeroaren Arretarako telefonoa, 902 20 15 20; posta elektronikoa: Oficina_
cliente_DICOM@iberdrola.es helbide elektronikora idatzi edo presentziazko arretarako edozein
IBERDROLA Puntura ere jo dezake. Identifikazio-datuak eta helbidea adierazi behar ditu bertan,
baita bere nortasuna egiaztatzen duen baliozko dokumentuak ekarri ere.
13.- IZAERA PERTSONALEKO DATUEN TRATAMENDUA
MERKATARITZA-JAKINARAZPENAK BIDALTZEKO
13.1.- Bezeroak bere onespena adierazten du emandako datuak SDT bezeroen fitxategian
sartzeko. IBERDROLA COMERCIALIZACIÓN DE ÚLTIMO RECURSO, S.A.U. da fitxategi horren titular
eta erantzule. Bere I.F.K. zenbakia A95554630. Egoitza soziala, berriz, Gardoki Kardenala kalea, 8,
48008 Bilbon du. Fitxategiak helburu du IBERDROLAk berak edo hirugarrenen bidez eskainitako
produktuen eta zerbitzuen informazio banatua eta pertsonalizatua ematea. Energiaren,
telekomunikazioen, finantzen, etxearen eta aisialdiaren alorreko produktu edo zerbitzu familiei
buruzko informazioa jasoko du Bezeroak. IBERDROLAk datu horiek sustapen xedeetarako
erabiltzerik nahi ez badu Bezeroak, kontratu honen Baldintza Partikularren Merkataritza
Komunikazioak atalean, horretarako ezarritako laukitxoa markatu behar du edo IBERDROLAri
azaldutako bideen bitartez jakinarazi.
13.2.- Informazioaren Gizartearen eta Merkataritza Elektronikoaren Zerbitzuei buruzko 34/2002
Legean eta Telekomunikazioen 32/200 Lege Orokorrean agindutakoa betetzeko xedearekin,
Bezeroari jakinarazi zaio IBERDROLAk merkataritza-komunikazioak bidaltzerik izango duela,
emandako bitarteko elektronikoen bidez.
Baldintza honetako lehen paragrafoan adierazitako sustapen-informazioa izango dute aipatu
komunikazio horiek. Bezeroak ez badu bitarteko elektronikoen bidez inolako merkataritzakomunikaziorik
jaso nahi, Kontratu honetako Baldintza Partikularren Merkataritza Komunikazioak
atalean horretarako ezarritako laukitxoa markatu behar du.
Bezeroa da IBERDROLAri aldi oro jakinarazitako datuen egiazkotasunaren arduradun. Gainera,
konpromisoa hartzen du, beharrezkoa den guztietan, datu horiek aldatzea eskatzeko, gure
komunikazioen kalitatea ziurtatzeko.
13.3.- Merkataritza-komunikazioak bidaltzeko baimena atzera botatzeko eskubidea gauzatu
dezake Bezeroak, bai bitarteko elektronikoen bidez, bai ohiko bitartekoen bidez Bezeroaren
Bulegora idatziz zuzenduta: Apartado de Correos nº 1732, 28080 Madril, eta identifikazio
datuak eta helbidea adieraziz; edo IBERDROLAren edozein kanalen bidez: Bezeroaren Arretarako
telefonoa, 902 20 15 20; posta elektronikoa: lssi@iberdrola.es; presentziazko edozein
IBERDROLA Puntura ere jo dezake.
14.- KONTRATUKO BALDINTZEN ALDAKETA
14.1.- Kontratu honetako Baldintzak aldatuz gero, indarrean sartu baino, gutxienez, hilabete
(1) lehenago jakinaraziko zaio Bezeroari, baliozko araudiaren ondorio direnean izan ezik.
Aldaketarekin ados ez badago, zigorrik gabe kontratua ebazteko eskubidearen berri emango
zaio orduan.
14.2.- Kontratuaren Baldintza Orokorren, Baldintza Partikularren eta Baldintza Berezien artean
alderik egonez gero, ordena honetan gailenduko dira: Bereziak, Partikularrak eta Orokorrak.
15.- ATZERA EGITEKO ESKUBIDEA
15.1- Kontratua urrutitik (telefonoz edo Internet bidez) kontratatuz gero edo IBERDROLAren
saltokietatik kanpo sinatuz gero, eta kontratazioa 1/2007 Legezko Errege Dekretuko,
azaroaren 16koa, Kontsumitzaileak eta Erabiltzaileak Defendatzeko Lege Orokorraren testu
bategina onartzen duenaren, 3. artikuluaren edo beste arau osagarrien arloan aplika badaiteke,
aplikagarria izango da aipatu arau horretan eta 7/1996 Legean, urtarrilaren 15ekoan, Txikizkako
Merkataritzaren antolamenduari buruzkoan, ezarritakoa. Beraz, Bezero kontsumitzaileak
eskubidea izango du Kontratu honetan atzera egiteko, bere erabakia arrazoitzeko beharrik gabe
eta inolako zigorrik gabe, Kontratua egindako egunetik hasi eta hurrengo, gehienez, zazpi (7)
egun balioduneko epean. Kontratuan atzera egiteko, IBERDROLAri Atzera Egite Dokumentua
bidali edo Bezeroaren Arretarako telefonoan, 902 20 15 20 jakinarazi behar du.
15.2.- Atzera egitearen erregimenari eta emandako hornikuntzaren eta ordaindutako
zenbatekoen elkarrekiko lehengoratzea lege hauetan zehaztukoaren araberakoa izango da:
1/2007 Errege Dekretu Legegilea (68-79 art.) eta 7/1996 Legea (44 eta 45. art.), baita Kode Zibila
eta indarrean den gainerako legeria ere. Atzera egite eskubidetik kanpo geratzen dira enpresajardueratik
edo jarduera autonomotik eratorritako hornikuntza-kontratuak.
16.- ERREKLAMAZIOAK, LEGERIA APLIKAGARRIA ETA ESKUMENA
16.1.- Kontratu honekin lotuta, egoki iritzitako erreklamazioak egin diezazkioke Bezeroak,
IBERDROLA COMERCIALIZACIÓN DE ÚLTIMO RECURSO, S.A.U.-ri helbide honetara bidalitako
idazki baten bitartez: 61090 Posta Kutxatila - 28080 Madril. Edo, IBERDROLAk Bezeroaren eskura
jarritako beste edozein bide erabil dezake: Bezeroaren Arretarako telefonoa, 902 20 15 20; posta
elektronikoa: clientes@iberdrola.es; www.iberdrola.com webgunearen bidez eta presentziazko
edozein IBERDROLA Puntura jota.
16.2.- Erreklamazio bat jarri ostean, hilabeteko epean ebatzi ez bada edo, ebatzi bada ere, ez
bada aintzat hartu, Bezeroak eskubidea izango du erreklamazioa Autonomia Erkidegoetako
Kontsumoko Arbitraje Batzordean aurkezteko eta IBERDROLA aipatu arbitraje horren menpe jarri
duten hipotesietarako.
16.3.- Espainiako legeriak zuzentzen ditu Baldintza Orokor hauek. Zerbitzua ematen den tokiko
Epaitegien eta Auzitegien eraginpean jartzen dira alderdiak.