pedalangan jilid 2

360
bumi, surak wadya bala Purwacarita. Woo… sasat sinebit talingane
Patih Bramangkara. Ora kuwat ngengkrek hardane nafsu sakala
mundur saka palagan. Ora mundur kalah, emut ngembun dhawuh
saking bendara Prabu Jalawalikrama. Ora ditekati sarana amung lara
yen perlu nganti pecahe dhadha wutahing getih kang pungkasan.
Den rapal aji jaya kawijayane, den beber kanuragane, silem kebatinane
cukul kramate. Tandang Patih Bramangkara sajak sajagat pilih
tandhinge.
Gangsa mungel Alap-alapan laras Slendro pathet Wolu, sinaretan
patih Bramangkara dawah saking gegana, Patih Bramangkara bangkit
majeng perang malih. Ringgit sami adepan. Gendhing kasirep lajeng
tantangan.
Ginem.
151. Bramangkara : Pisan maneh kalah karo Patih Mangkupraja
tak guroni sak anak rabimu.
152. Mangkupraja : Ayo….ketogen karosanmu Bramangkara, suwe
mijet wohing ranti aku bakal nguntabna
nyawamu.
153. Bramangkara : Keparat…!!!
Gendhing wudhar lajeng perang malih, kalajengaken prang gada.
Patih Bramangkara kasoran, kawedalaken saking tengen dawah tengah
jagadan, ringgit marep manengen tancep paseban kiwa mengkurep.
Mujeni lan Mundu medal saking kiwa manengen, Mujeni tancep
paseban tengen marep mangiwa sak ngajengipun patih, Mundu
tancep paseban kiwa marep manengen sak wingkingipun patih. Gendhing
suwuk. Lajeng ginem.
Ginem.
154. Bramangkara : Pak Mujeni, oo…., mati aku kik…
155. Mujeni : Wau mpun kula aturi, ndara mboten dahar atur
kula, saapa Bramangkara, aja mapak siji wadya
bala Purwacarita, lek perlu sewu bareng
maju kroyoken Braamangkara. Sakniki yok’
napa.
156. Bramangkara : Iya kik ……, Patih Mangkupraja nyata sekti punakawaaan…
157. Mujeni : Pramila tiyang niku aja sok tebah jaja sapa sira
sapa ingsun, ngoten… eling wonten jaya wonten
apes, sakti jaya digdayane ndara Patih