pedalangan jilid 2

398
pinggir. Ringgit begawan Kumbakinumba medal saking sisih tengen
sesarengan dawah gong, nuli tancep siti inggil tengen. Saking sisih
kiwa medal raden Wangsatanu, atur sembah nuli tancep paseban kiwa.
Raden Wangsajalma medal saking kiwa, atur sembah nuli tancep
paseban kiwa sak wingkingipun Raden Wangsatanu. Raden Kalakirna
(Resaseputra) medal saking sisih kiwa, atur sembah nuli tancep
paseban tengen sak ngajengipun begawan Kumbakinumba.
Gendhing sirep lajeng janturan.
Janturan Pertapaan Leburgangsa
Nenggih ta punika ingkang mapan wonten dhempok Jenang Gangsa.
Yen ta den leluri nyata punika putranipun Sang Kumbakarna. Ing
kalenggahan mangke sampun mapan lenggah sang hambeg pendhita,
Begawan Kumba-Kinumba. Nadyan ta wujude reksasa sagiri suta
agengira, nanging ora beda klawan ingkang rama Kumbakarna, watak
luhur ing budi estu anggenipun nggayuh kasampurnan jati mbenjang
sageta manitis dhateng jalma lumrah ingkang watak utama. Kaadhep
ingkang putra sekawan perkawis, ingkang pambajeng punika
sang Wangsatanu. Sawingkingipun Wangsatanu inggih punika sang
Wangsajalma miwah Kalakirna. Kalakirna benten lan sedherek-sedherekipun
mawa cacad kebak memala, bekonyoken udunen korengen
sasat ora ana wutuhe ragane. Nggennya sapejagong den
adhep ingkang putra ndadosaken bingahing penggalih sang wiku Begawan
Kumba Kinumba. Sigra andangu keng putra dene kok benten
kalayan adat sabenipun anggenipun anggubel dhateng piyambakipun.
Mangkana pandangunipun dhateng ingkang putra sekawan
perkawis : “He he…. anak-anakku ngger, Wangsatanu, Wangsajalma,
Kalakirna. Kono-kono ngger kepenakna anggonmu marak sowan
ana ngarsaku……..
Gendhing udhar nuli suwuk, kalajengaken sendon. Sak telase sendon
nuli ginem.
Sendon
1 1 1 1 1 1 61 32
Yana mandhap ing ngarsa, o
3 3 3 321 1 1 1 1 1 2-13
Bibrignya lir kala kasiku, O
2 2 2 2 2 2 2 2 2 2 1-6 3-21
Kolangkeyan anak-anak nir bi ta, O