plata dla cüra dles comunites da corvara y calfosch

INFORMAZIUNS PUR CORVARA Y CALFOSCH:
Festa de S.Ujöp: düc i ëi da Corvara y Calfosch è dër bel invià a tò pert ala festa de
S.Ujöp, patron di omi y di peresc in mertesc, ai 19 de merz 2013 a Corvara dales 19.30
ala s.mëssa. L’oferta va ala uniun di ëi. Dedô te salf de calonia por düc valch da mangé y
da bëire
Homeopathie für Gross und Klein: referat in mertesc, ai 19.03.13 dales 20.30 te ciasa
dles uniuns a Calfosch cun la referënta Annelies Obermann.
I Crejimandi: à in l’ultima sabeda y dumënia venü ca. 100 ciandëres che an po’ indô
adorè in la Sabeda Santa por ciandëra da Pasca. Al la déss ince impié a ciasa. In Sabeda
Santa gnarâl indô venü de chëstes ciandëres, 4,00 di 7,00 Euro va in beneficiënza.
Comun: L’aministraziun de comun é tl laûr da arjignè le plann dles zones de prigo por
identifiché y cataloghè i prighi naturai da roes, eghes y lovines. Le laûr de proietaziun ti é
gnü surandè al stüde assozié Geoconsulting int. Ti proscimi mëisc fajarà l’ tecnic
relevaziuns söl teritore de comun y coiará adöm informaziuns y dać desvalis. Important é
inće relevè fenomenns che é sozedüs plü dadî. La popolaziun é porchël inviada da
colaurè te chësta racoiüda de informaziuns y da ti comuniché ai ofizi comunai evënć
eventuai da plü dadî interessanć por l’elauraziun dl stüde. Implü é la popolaziun inće
periada de ti dè al tecnic che fajará la relevaziun, les informaziuns eventuales do chëres
ch'ai damanarà.
Dal KVW Badia vëgnel metü a jì – sciöche bel plö iadi – cursc de inglesc cun la maestra
Lalena Stull partis sö te 5 livì che mët man ai 25 de merz y spo inće ćiamò de auri 2013.
Prenotaziuns o informaziuns al nr. 0471/839657 o 333/1591599 (Cristina).
Informaziun por ponsioná y atri : l' INPS ne mëna nia plö le Mod. CUD por posta !
Sciöche scrit dant dala lege „salvaitalia ?!?“ ne mëna l' INPS da chësc ann inant nia plö
fora i mod. CUD por posta, mo al vëgn ma plö metü a desposiziun tres internet. Porchël
mëss düc chi che á ciafè paié fora valch l' ann denant dal INPS o atri istituc previdenziai
por ponsiuns, indenité de dejocupaizun, maternité o maratia, se stampè fora chësc
documënt da internet. Por fá chësc mëss l' interessè denant se lascè gni, tres por
internet, en codesc PIN, por podëi avëi l' azes a sü dac. Chi che ne á nia en computer
cun internet o che se stënta cun chësta prozedöra plötosc complicada, pò ince ji tl ufize dl
K.V.W. a Badia – Ciasa de Comun (vigni lünesc dales 09.00 ales 11.00) a se lascè
stampè fora chësc documënt.
Preparaziun al Bato: la proscima preparaziun al Bato gnarà fata ai 23 de merz dales
15.00 ales 17.00 a La Ila. Prenotazions al nr. 0471 – 839571.
Les iscriziuns ala Scora de Musiga Val Badia : por l'ann de scora 2013/2014 vëgn
tutes sö tratan döt le meis de merz 2013. I formulars ciafun tles scores, te internet y tl
secretariat dla Scora de Musiga a La Ila. Por informaziuns cherdè sö le nr. 0471/847748.
"CURS DE PREPARAZIUN AL MARIDÈ: ince in chësc ann organisëia le Sorvisc ai
jogn Val Badia le "Curs de preparaziun al maridé", plü avisa dal vëndres 19 ala
dumënia 21 d´aurí 2013. Chi co é enterescià al curs é perià da se tigní lëde chësc
fin dal edema.Plü informaziuns gnará ciamó lasciades alsavëi sön les plates dla
Cöra y tla USC les edemes co vëgn."