Premio Valnerina - i 2 Colli

L’ultima ballata Antonio Giordano
Palermo
(Quinta e ultima della serie Mafia 2009)
Iu cca sugnu un artista chi canta
er aiu l’uocchi di lacrimi asciutti,
pi’stidari a ddu pezzu i novanta
ca ra genti ri ccà si nni futti.
Vui riciti ca io m’a scantari,
ca sintennumi a carni v’arrizza.
Abbannìu pi ffari trimari
Tutti chiddi chi sunnu munnizza.
E turnavi pi ffari sapiri
Ca ci su ancuora cani arraggiati,
ca si parri e fai u to duviri,
ti zittiscinu cu i scupittati.
Iddi un hanno unni sbattiri i cuorna
E si sientuno nfanfari, sparti.
E uora c’è cu minaccia e chi tuorna
Pi vagnarisi u pizzu nta l’arti.
Un rispiettano mancu i tiatri,
nta cultura iddi vuonnu addattari;
ca è di Diu e scantativi latri,
ca u Signuri v’avà castigari.
Mancu o’ Ntiernu vi vuoli u Signuri,
ca ammazzastivu ddi criaturieddi
ca squagghiasti nta l’àcitu nuri
ddi carnuzzi assai tenniri e beddi
Iu chi cantu e ca sugnu un artista,
sugnu ccà pi guidari a protesta
e si ccè un mafiusu ccà in vista,
si s’a fira, mi sparassi n’tiesta.
stu curnutu ammucciatu m’ha accisu...
Tu Signuri mi pruoi la To manu?
Staiu vinennu nto To Paraddisu...
25