L'americano di San Giacomo - La Contrada

SERGIO Cussì, senza processo?
GIUSTO Ben, se fa per dir. Xe la lege del taglione, no?
Scoppiando a ridere per la propria sortita, mentre Sergio resta interdetto, Giusto
sembra incerto sul da fare e non posa le valigie.
Adesso tu mare quando che la me vedi ghe beca un colpo. Fame far el conto,
semo nel ’49, twentyseven years, xe vintisete ani che me la son mocàda coi
fassisti che me coreva drio col manganel.
Mette giù le valigie.
Tuta l’Europa me son fata clandestin nei cessi dei treni, el record mondiale
dei viagi in condoto. E po’, nel porto de Hamburg, de note gò podesto
sconderme nela stiva de un cargo tedesco, “Brehmen Freiheit”. Senza bilieto,
senza passaporto, gnente. Ma quando dò setimane dopo gò ficà la testa fòra e
gò visto la Statua de la Libertà, Dio che momento, gò tirà un gran respiro, me
son cavà la giaca e le scarpe e me son butà in acqua.
SERGIO Ma la saveva nudàr?
GIUSTO E come fazevo se no? Nela vita, sta ’tento, più dela scola me gà servì far
bagno sui scòi a Barcola co la muleria. Come un pesse nudavo e quel me gà
salvà. In camisa, senza scarpe, ma nela Merica nissun te bada. Nudo ala meta.
Guarda qualche foto appesa al muro.
Magari no la me conossi gnanca più Mafalda, Mafaldina. Za ghe piasevo
poco co’ jero giovinoto, figuremose ’desso.
È sempre in piedi, come indeciso se restare o andarsene.
SERGIO Ma la se senti, zio. La se meti comodo.
Giusto si siede, tirandosi vicino le valigie.
GIUSTO Ringrazio fora de modo.
SERGIO La vol qualcossa? No so, un cafè, un bicier de acqua?
GIUSTO Vojo che te me dìa del ti. Fa el bravo, domandime: te vol qualcossa, zio?
SERGIO Va ben: te vol qualcossa? Un bicièr de acqua?
GIUSTO … zio!
SERGIO Zio!
GIUSTO L’acqua servi per i cristeri. Altro che acqua, un whisky sour ghe volessi
per tirarme su. E mama dove xe?
SERGIO Zò in botega. Vado ciamarla?
GIUSTO Speta un fiatìn, va. No tuti ’nsieme, un per volta. Calma e gesso. Cossa
la vendi in ’sta botega che no me ricordo?
SERGIO Xe una drogheria.
GIUSTO Speta, cossa sarìa? Tipo grocery?
SERGIO No savessi. La vendi detersivi, soda, straze per palcheti.
GIUSTO No roba magnativa?
SERGIO Citrato, bomboni.
GIUSTO Nela Merica xe diferente. In una grocery te pol comprar de tuto. Basta
to have the money, eh? Come se disi qua a Trieste? Chi no gà bori no gà
remission. Nela Merica xe compagno.
SERGIO Senza un bel xe bruto anca qua.
GIUSTO Scoltime mi, de dove che vegno xe pezo. Chi xe cista, xe mejo che ’l se
buti zò de l’Empire State Building. Te sa, xe vero, coss’che xe? El grataciel più
alto de Nova York, skyscrapers i ghe ciama. Roba de far girar la testa. E mi so
45