Katekismo - Kristana Misio en Esperanto

NIA KONDUTO ANTAŬ ALIAJ HOMOJ
La 5-a ORDONO
Respektu vian patron kaj vian patrinon, por ke longe daŭru via
vivo sur la tero, kiun la Eternulo, via Dio, donas al vi.
84 Kion Dio postulas en tiu ĉi Ordono?
Ke mi prezentu al mia patro kaj patrino kaj al ĉiuj miaj
superuloj honoron, amon kaj fidelon kaj ke mi alprenu ĉiujn
bonajn instruojn kaj punojn per la obeo, kiun ili meritas.
Dio volas min direkti pere de ilia mano. Ankaŭ en la kazo ke ĉe
ili troviĝas mankoj kaj devojiĝoj, mi devas ilin toleri per
pacienco.
Biblia fundamento: 2Mos 21, 15-17; Kol 3, 20; Pro 15, 20;
Tit 2, 9.10; Heb 13, 17; 1Pet 5, 5; 1Pet 2, 13; 3Mos 19, 32
La 6-a ORDONO
Ne mortigu.
85 Kion Dio malpermesas en tiu ĉi Ordono?
Ke mi mian proksimulon en nenia okazo insultu, ofendu,
malamu aŭ eĉ mortigu, nek nur en pensoj nek en vortoj, gestoj
aŭ agoj.
Ke mi ne praktiku revenĝon. Tial ankaŭ la ŝtata povo portas la
glavon por malebligi la mortigadon kaj violenton.
Ankaŭ kontraŭ mi mem mi faru neniun damaĝon kaj mi ne
prenu min propravole en danĝeron (krom por en la spirito de
amo helpi al proksimulo kaj por atesti pri la fido je Jesuo
Kristo).
Biblia fundamento: 2Mos 21, 12.13; Mat 5, 21.22; 1Joh 3, 15;
Rom 12, 19; Rom 13, 14; Mat 4, 7
36