Elektrolito-disoluzioen eroaletasuna elektrikoa: industria ... - Euskara

_____________________________________________ Garapen enpirikoa
datuak erabili ditugu, beste aldetik. De Diego-k [de Diego, 1997 a] eta
Cairns-ek [Cairns, 1967] proposatutako (κ, cHBF 4 , T) eta (κ, cHF, T) datuak
erabili ditugu, hurrenez hurren. Gogoratu, H2TiF6-HF-H2O sistema
elektrolitikoaren azterketan HF-aren datu berdinak erabili ditugula. H3BO3-
aren kasua berezia da, disoluzioan bakarrik dagoenean eta elektrolito
ahula izanik, apenas disoziatuta ageri baita eta, ondorioz, ur-disoluzioan
erakusten duen eroaletasun elektrikoa oso baxua da, HBF4-arenarekin
konparatuta, erabat arbuiagarria. Bibliografian, ondorioz, ez dago H3BO3-
H2O sistemaren eroaletasun-daturik ematen duen lanik.
I.7.3.1.- Datuen lehen tratamendua.
HBF4-HF-H2O sistemaren datu esperimentalen tratamenduaren lehen
urratsan, nahastearen elektrolito bakoitzari dagokion eredu polinomikorik
egokiena finkatu da. Hainbat froga desberdin egin ondoren (R 2 min eta
Prob(lim)-aren balioak aldatuz eta pisuak erabili edo erabili gabe eredu
desberdinak saiatu ondoren), HBF4 elektrolitoaren eroaletasun-datuak
azaltzeko laugarren maila polinomikoa beharrezkoa dela ondorioztatu da;
HF-aren kasuan, berriz, lehengo mailako polinomioa aukeratu da (H2TiF6-HF-
H2O sistema kimikoaren antzera). Bestalde, ai0k eta a0jk parametroen balioak
ere finkatu dira urrats honetan. Proposatutako ereduak lortzeko erabili
ditugun baldintza estatistikoak I.7.4. Taulan bildu ditugu. Pisu estatistikoak
erabili direnean, neurketa esperimentalean gehienez espero daitekeen
doitasuna (% 2a) erabiliz estimatu dira.
HBF4-HF-H2O nahastearen eroaletasun-datu esperimentalak (hots, (κ,
cHBF 4 , cHF, T) datuak) kontzentrazioarekiko eta tenperaturarekiko doitzeko
141