Elektrolito-disoluzioen eroaletasuna elektrikoa: industria ... - Euskara

____________________________________________________ Sarrera
kargatuen) eroaletasunen batura sinpleak ematen dituenak baino
baxuagoak izaten dira.
1.4.- ELEKTROLITO-DISOLUZIOEN EROALETASUN ELEKTRIKOA:
TENPERATURAREKIKO ETA KONPOSIZIOAREKIKO MENPEKO-
TASUNA.
1.3. Atalean azaldu denez, elektrolito-disoluzioen ezaugarriak
tenperaturaren, presioaren eta konposizioaren menpekoak dira (ik. 1.3.
ekuazioa). Lan honen helburua kontuan izanik, halabaina, presioak
elektrolito-disoluzioen eroaletasunaren gainean duen eragina ez dugu
aztertuko.
Arestian ere aipatu denez, elektrolito disoluzioen eroaletasunaren
konposizioarekiko menpekotasuna oso garrantzitsua da, grafikoki argi ikus
daitekenez HCl-H2O sistema elektrolitikoari 25°C-tan dagokion eroaletasuna
[Haase, 1965] errepresentatzen badugu (ik. 1.1. Irudia).
Oso kontzentrazio baxutan, c < 10 -6 mol·dm -3 , ioiak modu
independientean mugitzen direla esan daiteke, hots, ioi - ioi elkarrekintzen
eragina guztiz arbuiagarria da. Behin kontzentrazio hori gaindituta, ioien
arteko elkarrekintzak kontuan hartu behar dira. Honela, oso disoluzio
diluituetan molekula - molekula eta ioi - molekula elkarrekintzak dira nagusi
eta kontzentrazio altuagotan ioi - molekula eta ioi - ioi elkarrekintzak dira
garrantzi gehien dutenak [Horvath, 1985]. Kontzentrazioak gora egitean
disoluzioan gertatzen diren elkarrekintzen arteko konpetentziaren ondorioz,
21