Elektrolito-disoluzioen eroaletasuna elektrikoa: industria ... - Euskara

______________________________________________ Garapen teorikoa
Honek kalitatezko doitzeak eta parametroen kalkulu zehatzak
lortzea oztopatzen du.
2.- Azterketa honetan erabili diren eroaletasun-datuen kalitatea
kontrastatzeko modurik ez dago. Orokorrean, 1:1 elektrolitoen
kasuan, datuak askoz ugariagoak izanik, egile batek baino
gehiagok proposatutako datuak elkarren artean konpara
daitezke, datuon onargarritasun-maila estimatuz.
3.- Eroaletasun-datu bakoitzaren kontzentrazioari dagokion
aktibitate-koefizientea kalkulatu egin da koerlazio-eredu
matematiko baten bidez [Borge, 1996 b; c]. Esperimentalki
neurtutako aktibitate-koefizientea erabili ordez, kalkulatutako
koefizientea erabiltzeak errore handiagoa ekartzen dio Atal
honetan deskribatutako kalkulu-prozesuari.
4.- Datuen doitzea errore absolutu karratuen minimizazioan
oinarrituta egin izanak errore erlatiboen distribuzioan
nolabaiteko distortsioa eragiten du.
5.- Aztertutako kasu gehienetan eredu hedatuak Falkenhagen-en
ekuazio originalak [Falkenhagen, 1952] baino askoz hobeto
azaltzen du sistema kimikoaren eroaletasun-portaera, batez ere
kontzentrazio altuei dagokionez. Hau erakusteko Mg(ClO4)2-a
aukeratu da adibide bezala, gatz honen kasuan lortutako bi
ereduen arteko konparaketa II.2.8. Irudian ikus daitekelarik.
Elektrolito bakan batzuen kasuan, berriz, kontzentrazioaren
ordez aktibitatearen erabilpenak ez du hobekuntza nabarmenik
ekarri.
203