HAITIAN CREOLE D-BASE: HAITI PROGRÈS (2004 ... - Potomitan

Nan sans sa a plis pase 15 mil moun manifeste yon lòt fwa ankò nan kapital la jounen
vandredi 18 jen an Yo te pran lari pou denonse manèv sèten dirijan pati a ap fè pou yo al
patisipe nan KEP la epi montre detèminasyon yo nan lit y ap mennen pou retou fizik
prezidan konstitisyonèl la Jean-Bertrand Aristide Manifestasyon yo ki pase nan plizyè
katye popilè ak sant vil la lanse divès eslogan pou denonse gouvènman defakto a avèk fòs
okipasyon an Fòk Boniface ak Latortue kite pouvwa a Nou pa prale nan eleksyon avèk
defakto Aba okipasyon viv retou Aristide san konte ke yo kontinye mande liberasyon
militan pati a tankou Sò Ann ak anpil lòt Manifestan yo pwofite yo tou bay pozisyon yo
klèman sou kesyon eleksyon malatchonn ke otorite defakto yo vle òganize nan peyi a an
konplisite avèk okipan yo e yo fè konnen ke yo pap patisipe nan eleksyon san retou
prezidan Aristid Kontrèman a sèten dirijan pati Fanmi Lavalas ki te kòmanse ap prepare
pou voye reprezantan yo nan KEP la yon fason pou yo te lejitime koudeta 29 fevriye a
Dayè pèsòn nan dirijan sa yo pa janm pale pawòl kidnapin ke prezidan an di li sibi anba
men Lèzetazini ak Lafrans Mobilizasyon sa a montre volonte mas pèp la pou l pa aksepte
politik gwo ponyèt ke lennmi chanjman yo ap fè nan peyi a Donk baz yo ap koninye
goumen sou kesyon prensip yo Se pou yo kontinye nan sans sa a e refize patisipe nan
okenn maskarad elektoral Se òganizasyon ak mobilizasyon jiska laviktwa final Vol 22
#14 Nouyòk bay Latòti monnen pyès li Lendi 4 jen an depi vè 2h konsa moun te kòmanse
rasanble devan Konsila a nan Manhatan Se konsa plis pase 50 moun te kanpe yon picket
line devan konsila Ayisyen an jounen jodi a nou kapab menm di Konsila makout paske se
yon makout ki konsil jeneral la Picket line sa a se Kowalisyon pou reziste kont koudeta
28 fevriye an Ayiti a ki te rele li pou denonse visit Premye minis defakto a Gerard
Latortue Dèyè banyè kowalisyon an manifestan yo te reponn avèk anpil fòs yo te mete
tout kouray yo nan batay la kont pwovokasyon ak menas toutous ak flatè restavèk ki t ap
defann Latòti yo t ap fè Depi 3h30 jiska 9h nan aswè beton an te cho devan konsila
Ayisyen kou etranje ki te la yo pat met dlo nan bouch yo Yo te lanse kèk bonjan eslogan
malouk bay Latòti tankou Bare yo Mare yo Veye yo N ap veye anwo ak anba Latòti vann
peyi a pou l al manje Akra Latoti Mèsenè Latòti se la torture Vol 22 #11 Deklarasyon
piblik Annette Auguste Penitansye Petyonvil Ayiti 23 me 2004 Jodi a m ap pale ak
lemonn antye kòm yon moun ki nan prizon ann Ayiti pou konsyans mwen pou lide m ak
konviksyon politik mwen Militè ameriken te arete mwen nan dat 10 me 2004 nan Komin
Dèlma Vè minwi edmi militè sa yo te atake kay mwen ak vyolans Yo te sèvi ak eksplozif
epi gwo zam lagè pou panike tout moun nan kay la san bliye timoun yo ti katkat ki t ap
domi ak kè poze Pou antre nan lakou a yo te kraze baryè a avèk yon eksplozif Yo touye
de (2) chen ki te nan lakou a sèl pwoteksyon kay la te genyen Mwen pap janm bliye chòk
mesye sa yo te fè nan lespri timoun yo ki nan fanmi an Twa (3) moun nan kay la ki pa te
jwenn arestasyon akòz yo te lage ko yo anba nan yon balkon lè yo tande bri gwo zam nan
lakou a Yo te tonbe sou do yon kay nan vwazinay la tòl la te fann epi yo tonbe andedan
kay vwazen an Youn ladan yo yon tifi trèz ane te blese grav nan janm li te al koud nan sal
ijans lopital Okenn nan nou pap janm ka bliye move trètman nou te sibi pandan
operasyon militè sa a Yon operasyon ki te fèt nan non administrasyon Bush la ak nan non
ideyoloji l ap klaksonnen ki se konstwi demokrasi nan peyi a Verite a se kay mwen militè
ameriken anvayi yo mete mwen nan prizon epi kle liberasyon m nan men yo Yo pretann
kache deyè do systèm jistis ayisyen an pou kouvri zak yo fè a Se militè ameriken ki te
anvayi kay mwen ak lafòs san yon manda lajistis Yo minote mwen pandan polisye
ayisyen yo te rete chita kèpòpòz nan machin ap tann deyò a Militè sa yo di rezon ki lakòz
HAITIAN CREOLE D-BASE: HAITI PROGRÈS (2004) – E. W. Védrine 18