versione pdf - Sardegna DigitalLibrary

In s’ortu b’hapo pinu e b’hat zipressu,già dent haer intesu sa notissia:non do niente mai a interessuca non timo gastaldu ne giustissia.Mancari parza un’homine cumbessuin me non b’hat ingannu ne malissia;dai cust’ortalissia cando mancunessi su fittu meu tenzo francu.S’hapo francu su fittu so attattue vivo a pan’intreu e no a fitta.Como chi ortulanu mi so fattuest fazzile bogare bon’impitta.Ogni ispezzia b’hapo ’e riccattu:fustinaja, aligarza e chibudditta,e sellaru biancu, porru e napa,caula in dogni tempus de sa guapa.Bei tenzo una caula a fiorech’est dai zente ona apprezziada,sol’a la ider est unu primore:forte, bianca, bella e auppada,nde solene leare sos segnore’chi nde faghent a suppa e insalada;e cando mandant issos sas teraccasnde lis pieno coas e busciaccas.Custas teraccas hant unu difettu:boza o non boza cherent a lis dare,ca sunt in unas domos de rispettu76 dd