mimesis 2016 libro

III CLASSIFICATO Giuseppe Vultaggio
Lupu di mari
A Favignana 1 , ‘st jornu, c’è bunazza 2 ,
lu mari pari ogghiu, ‘un si rimìna,
lu suli nesci fora e si l’abbrazza…
‘na varchicedda nesci di bulìna.
‘Na riti, lentamenti, un vechhiu ‘ntrizza,
chi d’’a so’ vita, fu cumpagna e vantu,
nto mentri, l’aria, la risacca sbrizza,
d’’i tonnaroti 3 già, si senti ‘u cantu.
La menti scurri e si rivìri arzuni;
li verri cu diu Giovi e cu Nettunu
e poi, “lupu di mari”, a lu timùni,
fu cumannanti e “patri” p’ognerunu.
Ricorda quannu, un tempu, a lu scurari,
‘na fimmina, a lu portu, l’aspittava,
ricorda d’’i soi occhi lu brillari,
d’’u so’ caluri…quannu l’abbrazzava.
La persi un jornu e cu idda…la so’ vita,
fu un jornu malirittu, malandrinu;
abbrucia ancora forti dda ferita,
fu mala sorti o forsi…fu destinu!
Canciau lu ventu e ora…l’accarizza,
calau lu suli supra la banchina,
lu vecchiu lassa ‘n terra la so rizza…