Il-Qdusija Tiegħu l-Papa jilqa` t-talba tal-Kunsill Lokali Mellieħa

Jibda l-proċess għall-permess tal-kamra tan-nar
Joe Aquilina Segretarju Għaqda tan-Nar Maria Bambina
L-isem tal-Għaqda
tagħna bla dubju hu
sinonimu mal-Festa
għażiża tar-raħal
tagħna, il-festa ta’
‘Marija Bambina’.
Għalkemm l-akbar
importanza tal-festa
għandu jingħata lill-
Festi nterni, konvint
li festa bla nar
tiddiżappunta lil ħafna
nies. Din is-sena,
x-xogħol tal-għaqda hu doppju. Irridu nagħmlu ġbir u fund
raising għall-programmi tan-nar tal-festa, u qegħdin naħdmu
biex fil-Mellieħa jkollna kamra tan-nar tagħna, fejn ikun jista’ jiġi
ppreparat in-nar għall-festa.
B’sodisfazzjon kbir nixtieq ngħidilkom li l-ewwel pass sar. Ilħsieb
ilu jberren mill-kumitati ta’ qabilna, u l-Perit Joseph
Attard, ingħata l-inkarigu sabiex jipprepara l-pjanti u dokumenti
sabiex issir l-applikazzjoni mal-Awtorita’ ta’ Malta dwar
l-Ambjent u l-Ippjanar. Mal-applikazzjoni ġiet l-ewwel biċċa
wġigħ ta’ ras, dik li biex tiġi validata l applikazzjoni, trid titħallas
is-somma ta 13,324 Ewro. Morna u ktibna lil xi nies u għaqdiet
Melleħin, u hawn sibna nies, li għamlulna kuraġġ qawwi, u
tawna kontribuzzjonijiet bħala għajnuna. Bid-donazzjonijiet,
u bi ftit self minn xi benefatturi, ħallasna l-ammont meħtieġ
biex nivvalidaw l-applikazzjoni. Issa nistennew, u nkomplu
naħdmu sabiex din il-ħolma tagħna l-Melleħin forsi ssir realta’.
Jekk naslu, fi ftit żmien nkunu f’pożizzjoni li nerġgħu nibdew
nagħtukom dawk il-programmi ta’ nar li konna lkoll imdorrijin
bihom.
Min-naħa tiegħek, int ukoll tista’ tagħti l-ftit tiegħek għal din ilħolma.
Dan billi tattendi għal xi attivitajiet ta’ Fund Raising tal-
Għaqda, tibgħatilna donazzjoni żgħira kemm hi żgħira, u billi
waqt il-ġabriet tal-envelopes, tgħin mill-aħjar li tista’. L-ewwel
ġabra tal- envelopes ser isir għal Mejju, fejn ukoll mal-ġabra
ser titqassam kopja tal-ewwel rivista tal-Għaqda, li ser ikun
jisimha “IL-MURTAL”. Aħna qegħdin nagħmlu l-almu tagħna
kollu imma mingħajr l-għajnuna tagħkom ma nistgħux naslu.
Jekk hawn xi persuni li jixtiequ jagħtu xi donazzjoni biex
naqtgħu s-self li għamilna biex jitħallas il-permess, dan jista’
jibgħat id-donazzjoni tiegħu lis-Segretarju tal-Għaqda Nar
Marija Bambina, c/o 77, ‘Bella Vista’, Triq l-Iżbark tal-Franċiżi
Mellieħa u jagħmel il-pagament pagabbli lill-“Għaqda Nar
Marija Bambina 1989”.
Fl-aħħar ma nistax nispiċċa mingħajr ma ngħid grazzi lil sħabi
kollha tal-kumitat u sotto kumitati, lill-Kappillan, lill-benefatturi
li tawna flus biex nivvalidaw l-applikazzjoni, lil dawk li tawna
reklami għall-kalendarju u għal tazzi għal fund raising, u lil
dawk li qegħdin jagħtuna sponsors għan-nar tal-art u l-ajru.
Nagħlaq bl-aħħar grazzi tiegħi lis-Sindku s-Sur Robert Cutajar
u l-membri kollha tal-Kunsill Lokali, tal-appoġġ tagħhom lejn
dak li l-għaqda tagħna qiegħda tagħmel, kif ukoll għal permess,
sabiex inkunu nistgħu nwasslulkom dan il-messaġġ minn fuq
dan il-fuljett tal-Kunsill Lokali.
‘Mellieħa Stage Friends’ tfakkar il-35 anniversarju
Nhar is-Sibt, 10 ta’ April 2010 ġewwa s-sala tal-Iskola Primarja tal-Mellieħa, l-Għaqda Teatrali ‘Mellieħa Stage Friends’ tellgħu
operetta ‘Maxina’, b’kollaborazzjoni mal-Kunsill Lokali Mellieħa. Din l-attivita’ ġiet organizzata fl-okkażjoni tal-35 sena mittwaqqif
ta’ din l-għaqda. Għal din l-attivita' attendiet udjenza numeruża.
Il-President tal-Mellieħa Stage Friends Anthony Cutajar jippreżenta tifkira
tal-okkażjoni lis-Sindku tal-Mellieħa Robert Cutajar.
16 Mill-Qieg˙a | Mejju 2010 | Óar©a Nru. 42
Il-kast kollu li ħa sehem fl-Operetta 'Maxina'.