Il-Qdusija Tiegħu l-Papa jilqa` t-talba tal-Kunsill Lokali Mellieħa

More documents

Recommendations

Info

Flimkien qed inkomplu nġibu r-riżultati b`risq il-Mellieħa mis-Sindku Robert Cutajar L-ewwel xhur tas-sena 2010 għall-Kunsill Lokali Mellieħa kompliet bl-istess ritmu kif intemmet l-2009. Ħidma kontinwa b`risq il-komunita’ kollha tagħna, ħidma li kompliet tagħti sodisfazzjonijiet lilna bħala poplu wieħed Mellieħi magħqud. Fuq fronti differenti komplejna naħdmu flimkien u naħtfu l-opportunitajiet biex dan il-proġett għażiż għalina lkoll, li jismu Mellieħa, komplejna ntuh dak li jixraqlu l-aqwa u l-aħjar. Impenn b`Risq il-Familja Melleħija u tal-Manikata Li l-Mellieħa mxiet `l quddiem fl-aħħar snin żgur li huwa fatt li ma jista` jiċħdu ħadd. Sensiela ta` proġetti mwettqa fil- Mellieħa mill-Gvern Ċentrali mgħejjuna wkoll f`ħafna każijiet mill-Kunsill Lokali huma xhieda għal dan. Proġetti li swew miljuni kbar ta` ewro. Hija fin-natura tagħna li kultant ninsew dak li seħħ madwarna fl-aħħar snin. Tajjeb wieħed ifakkar minn dak li gawdiet l-komunita’ tal-Mellieħa fl-aħħar snin bħal ngħidu aħna toroq bit-tarmak, il-bini ta` Dar il-Madonna tal-Mellieħa, berġa ġdida li minnha qed jagħmlu użu mijiet ta` Melleħin, il-grawnd tal-futbol bit-turf artifiċjali li apparti l-isportivi qed jagħmlu użu minnu wkoll it-tfal li jattendu fl-iskola primarja tal-Mellieħa, proġett ta` tisfija tad-drenaġġ fil-Qammieħ, ftuħ ta` uffiċċju ta` informazzjoni għat-turisti kif ukoll l-għażla tal-ispiżerija tiegħek fejn wieħed b`kumdita’ jista jġib il-mediċina tiegħu mill-ispiżerija fil-Mellieħa. Minkejja dan kollu aħna nibqgħu impenjati li nkomplu naħdmu ħalli nġibu lejn il-Mellieħa u l-Manikata aktar proġetti u inizjattivi ta` fejda. Hekk ser inkunu qed nagħmlu fil-jiem li ġejjin meta ser inkunu qed nżidu ħolqa oħra ma` din il-katina twila ta` proġetti mwettqa fil-Mellieħa. Dan meta ser inkunu qed niftħu fil- Mellieħa Ċentru ta` Matul il-Jum għall- Anzjani tagħna, post attrezzat li ser ikun qed jikkumplimenta sew mal-bini eżistenti tad-dar tal-Anzjani. 2 Mill-Qieg˙a | Mejju 2010 | Óar©a Nru. 42 Turiżmu Minkejja l-kriżi ekonomika mondjali l-Mellieħa kompliet tattira aktar investiment fl-aħħar ġimgħat b`rabta mas-settur tat-turiżmu, settur vitali għallpajjizna. L-investimenti li tħabbru fl-aħħar ġimgħat bil-bini tal-kumpless ta` Ħal Ferħ u l-estensjoni tal-lukanda RIU Seabank ser ikunu ifissru investimenti b`valur ta` 75 miljun ewro kif ukoll żieda ta` 400 impjieg ġdid. Il-kampanja ta` reklamar li qed nagħmlu bħala Kunsill barra minn xtutna bdiet tagħti r-riżultati pożittivi wkoll tant li l-bookings għax-xhur tas-sajf fillukandi kollha fil-Mellieħa għax-xhur li ġejjin huwa inkoraġġanti. Wieħed jinnota ukoll b`sodisfazzjon li fil-jiem tal-Għid il- Mellieħa kienet l-aktar lokalita’ li l-poplu Malti għażel biex iqatta jiem ta` mistrieħ mal-familja tant li kważi l-lukandi kollha kienu mimlijin. Biż-żieda ta` turisti li żaru Malta fl-ewwa tliet xhur ta` din is-sena bi pjaċir ninnutaw ukoll li anke l-Mellieħa gawdiet. Il-ħidma kontinwa tal-kunsill fl-immaniġġjar aħjar tal-bajjiet flimkien mal-Gvern Ċentrali wkoll qiegħda fuq l-aġenda tal-ħidma tagħna u konvinti li ser tkun qed tagħti r-riżultati mixtieqa bil-prijorita’ ewlenija tkun li l-bajja tal- Għadira tingħata l-istatus ta` Blue Flag. Ċertifikat li jkun ifisser li l-isbaħ u l-ikbar bajja f`pajjiżna tkun tal-ogħla kwalita’. Il-Mellieħa u l-Unjoni Ewropea Minkejja ‘l ftit li forsi setgħu kienu xettiċi dwar is-sħubija ta` Malta fl-Unjoni Ewropea llum lkoll naqblu li dan kien pass għaqli li għażel il-poplu Malti. Il- Kunsill Lokali Mellieħa qed ikun minn ta` quddiem nett biex jaħtaf l-opportunitajiet li din l-esperjenza qiegħda tagħtina. Fl-aħħar tnax-il xahar il-Kunsill Lokali Mellieħa applika għal 14-il programm bilħsieb li nġibu finanzjament mill-Unjoni Ewropea. Applikazzjonijiet fi programmi li jvarjaw minn turiżmu, kultura, letteratura, skultura kif ukoll l-ambjent b`aċċenn fuq il-qasam rurali. Ikompli f'paġna 5 ‣ Aktar f'din il-Ħarġa Mill-Qiegħa Jinfetaħ f'Ġunju li ġej iċ-Ċentru ta' Matul il-Jum għall-Anzjani fil-Mellieħa. Open weekend fl-aħħar ta' Mejju. Il-Kunsill Lokali Mellieħa jibqa' ffukat fuq il-Manikata ukoll fil-ħidma tiegħu. Jum il-Kunsill 2010. Tliet ijiem attivitajiet denji ta' komunita maqgħuda u attiva. 19 L-isports jibqa jingħata l-attenzjoni li jixraqlu mill-Kunsill Lokali. 6 8 9
Esperjenza ta' żgħażagħ Melleħin u mill-Manikata fil-Polonja Proġett ieħor iffinanzjat mill-Unjoni Ewropea Kien it-tmintax ta’ Marzu meta sittax -il żagħżugħ u żagħżugħa Melleħin bdew avventura ta’ għaxart’ijiem fil-Polonja. Ilkoll konna entużjasti għal dak li kien qed jistenniena f’Stuzzwok, il-Polonja. Minkejja li l-vjaġġ kien twil, dan ma naqqasx mill- entużjażmu, la tagħna u lanqas tal-leaders Emvin Bartolo, Hilary Fenech u Nella Van Der Weerden. It-Tema ta’ dan il-proġett kienet il-konservazzjoni tal-ambjent u l-ekoloġija taħt l-isem ta’ Two coasts One Europe. Matul dawn l-għaxart ijiem kulħadd ħadem fuq xi proġett li fl-aħħar ġew esebiti għall-pubbliku fi skola tal-lokal. Dawn il-proġetti jittrattaw ir-riċiklaġġ, l-edukazzjoni informali u l-baħar Mediterran u dak Baltiku. Fuq it-tema tal-baħar u tar-riċiklaġġ, ħloqna xenarju bil-krejaturi li jgħixu fil-baħar magħmula minn biċċiet ta’ drapp mormija. Attivita` oħra kienet meta ppreparajna ikla b’ikel tradizzjonali taI-pajjiżi rispettivi tagħna. Dawn l-attivitajiet servew biex aħna nsiru ħbieb taż-żgħażagħ Pollakki li kienu qegħdin jospitawna. Iddiskutejna sehem Malta u l-Polonja fittieni Gwerra Dinjija. Apprezzajna aktar din id-diskussjoni meta żorna l-kamp tal-konċentrament Stutthof u Sztutowie. L-istruttura u l-klima umda li tinsab f’dan il-post qisha tieħdok lura fiż-żmien meta dan il-post kien jiġi użat min Nażisti biex jeħilsu min-numru kbir ta’ Lhud. Ilgwida daħħalna iktar f’din l-atmosfera bir-rakkont dettaljat u passjonali tiegħu filwaqt li dawwarna mal-istruttura ta dan il-kamp tal-konċentrament. Fl-aħħar indunajna l-għala r-rakkont tiegħu kien daqshekk passjonali, għax hu stess kien priġunier f’dan il-kamp u kien wieħed millftit li ħareġ ħaj. Ilkoll ħrigna bid-dmugħ f’għajnejna u b’apprezzament kbir għallħajja komda tagħna. Iż-żgħażagħ Maltin flimkien maż-żgħażagħ Pollakki waqt iż-żjara tagħhom fil-kamp ta' konċentrament ta' Stutthof. Żorna l-belt qadima ta’ Stutthof li hija karatterizzata minn bini gotiku. Intwerejna wkoll razza tal-fossila ta’ l-amber li tinsab matul il-kosta Pollakka. Din tiddistingwi ruħha bil-kulur partikolari u l-isbuħija naturali tagħha. Il-klima Pollakka għalina kienet esperjenza ġdida, li tqum f’temperatura qrib iż-żero u sħab griż. Għalinqas din kienet skuża tajba għall-piż żejjed li kellna fil-bagalji. Għalkemm il-lingwa Pollakka hija waħda Slava, għalhekk ferm differenti mil-lingwa tagħna, xorta waħda rnexxielna nitgħallmu xi frażijiet u kanzunetti bil-Pollakk. F’isem kulħadd nixtiequ nieħdu din l-opportunita` biex nirringrazzjaw lill- Kunsill Lokali Mellieħa li għamel possibli din il-‘youth exchange’ indimentikabbli. Sirna qisna familja waħda iżda aktar minn hekk, għenitna nikbru bħala individwi u nkabbru l-għarfien tagħna. Ringrazzjament ieħor imur għall-familji tagħna li bħal dejjem tawna s-sapport kollu tagħhom. Minn hawn inħeġġu liż-żgħażagħ biex jaħtfu kull opportunita` li jintaqgħu magħha biex b’hekk huma wkoll jagħtu kontribut lis-soċjeta’ bis-sehem tagħhom. Nistennew l-ewwel ta Ġunju meta sħabna l-Pollakki jiġu jżuru dan ir-raħal meraviljuż tagħna. Stephanie Caruana u Rebecca Galea Il-Kunsill Lokali jkompli jaħdem biex flimkien noħolqu ambjent aħjar Tqassim ta’ Boroż Griżi għal-użu tas- Separazzjoni ta’ Skart Riċiklabbli:- Mellieħa Is-Sibt 15 u 22 ta’ Mejju 2010 – 8am - 12pm Misraħ iż-Żjara tal-Papa (ħdejn l-għassa) Manikata Is-Sibt 22 ta’ Mejju 2010 – 2pm - 5pm Misraħ il-Paroċċa (fejn il-knisja) Importanti: Ġib miegħek l-I.D. Card In collaboration with the Mellieħa Local Council we can have a better a better environment Distribution of Grey bags to be used Only for recyclable Waste:- Mellieħa Saturday 15 and 22 May 2010 – 8am - 12pm Misraħ iż-Żjara tal-Papa (near police station) Manikata Saturday 22th May 2010 – 2pm - 5pm Parish Square (near church) Important: Bring your I.D. Card Recycle today . . . Enjoy tomorrow!! Mill-Qieg˙a | Mejju 2010 | Óar©a Nru. 42 3
Page 1: Mill-Qieg˙a Mejju 2010 | Óar©a N
Page 5 and 6: Ikompli minn paġna 2 ‣ Fl-aħħa
Page 7 and 8: Il-Patrijarka ta` Damascus fil-Mell
Page 9 and 10: JUM IL-KUNSILL 2010 Tlitt ijiem att
Page 11 and 12: Jum il-Kunsill 2010 Mill-Album ta'
Page 13 and 14: Aktar korsijiet b'risq il-komunita
Page 15 and 16: Attivitajiet organizzati mill-Għaq
Page 17 and 18: Membri mill-Art Club 2000 u Student
Page 19 and 20: Kompetizzjoni American Pool - Snook

Il-Qdusija Tiegħu l-Papa jilqa` t-talba tal-Kunsill Lokali Mellieħa

Create successful ePaper yourself

Delete template?

Save as template?