Create successful ePaper yourself
Turn your PDF publications into a flip-book with our unique Google optimized e-Paper software.
<strong>Nozze</strong> in Tipasa<br />
contru à tutti sti preghjudizii, di compie una verità chì<br />
ghjè quella di u sole è chì serà dinù quella di a mo morte.<br />
In un sensu, hè a vita chì si ghjoca quì, una vita à tastu di<br />
petra calda, ripiena di i suspiri di u mare è di e cicale chì<br />
attaccanu avà u so cantu. Hè frescu u marinu è turchinu<br />
u celu. Mi piace sta vita cun abbandonu è ne vogliu parlà<br />
cù libertà : mi dà l’orgogliu di a mo cundizione d’omu.<br />
Eppuru, m’hè stata detta aspessu : ùn ci hè laziu d’esse<br />
ne fieru. Ma l’asgiu ci hè : stu sole, stu mare, u mo core<br />
salterinu di ghjuventù, a mo persona à tastu salinu, è u<br />
decoru immensu duve a tennerezza è a gloria si scontranu<br />
in u giallu è u turchinu. Mi strappu, per cunquistà tuttu<br />
què. Quì, tuttu mi lascia sanu, ùn abbanduneghju<br />
nunda di mè stessu, ùn portu nisuna mascara : mi basta<br />
à amparà pianu pianu a scenza difficiule di u campà chì<br />
vale bè tuttu u so sapè campà.<br />
Mancu toccu meziornu, vultemu per e ruvine versu un<br />
picculu caffè nant’à u portu. U capu intrunatu da i cimbali<br />
di u sole è da i culori, poca accolta fresca chè quella d’una<br />
sala à umbria, di u bichjerone di menta verde ghjacciata !<br />
Fora, hè u mare è a strada ardente di pulvariccia. Pusatu<br />
di punta à u tavulinu, a mi provu à chjappà cù e mo ciglie<br />
sbattulente, l’abbaccinu variupintu di u celu di calore<br />
biancu. U visu intintu di sudore cù a pelle fresca vestuta<br />
di tela legera, palisemu tutta a stanchezza felice d’un<br />
ghjornu di nozze incù u mondu.<br />
Si manghja male in stu caffè, ma ci hè assai frutta<br />
– sopratuttu persiche ch’omu si manghja à murzichera,<br />
di modu à fà corre u suchju nant’à u bavellu. I denti<br />
chjosi nant’à a persica, ascoltu e mo sanguinicce cullà<br />
finu à e mo arechje, guardu da tutti i mo ochji. Nant’à u<br />
15