Create successful ePaper yourself
Turn your PDF publications into a flip-book with our unique Google optimized e-Paper software.
<strong>Nozze</strong> in Tipasa<br />
scopre l’arsura o u splendore, à rombu di guardà invece<br />
di vede. Ma tuttu u visu, per esse fecondu, deve esse<br />
rinnuvatu. È ci lagnemu d’esse troppu prestu ingaladiti<br />
quandu ci vuleria à cuntemplà lu ch’ellu ci parissi novu<br />
u mondu per esse solu statu dimenticatu.<br />
Di sera, mi n’andava versu una parte di u parcu,<br />
più assestata, accunciata in giardinu, vicinu à a strada<br />
naziunale. À l’usciu di u parapiglia è teni di i prufumi è<br />
di u sole, in l’aria oramai rinfriscata di a sera, s’achitava u<br />
spiritu, a persona stesa tastava u silenziu internu chì nasce<br />
da l’amore cumpiaciutu. M’era calatu nant’à un bancu.<br />
Guardava a campagna attundulisce si cù u ghjornu. Era<br />
saziu. Sopra à mè, un melangranu lasciava pende bocciuli<br />
da i so fiori, chjosi è custilati cum’è pugnucci strinti<br />
capaci à tene ci tutta a speranza di u veranu. Daretu à<br />
mè, c’era un rosumarinu, è ùn ne sentia chè u prufume di<br />
i vapori. S’inquadravanu pughjali trà l’arburi è ancu più<br />
luntanu, un frisgettu di mare sopra u quale u celu, cum’è<br />
una vela in panna, ripusava di tutta a so tennerezza. Avia<br />
in core una gioia strana, propiu quella chì nasce d’una<br />
cuscenza cheta. Ci hè un sintimu ch’elli cunoscenu bè<br />
l’attori quandu elli sò beati d’avè ghjucatu bè u so rollu,<br />
vole si dì à u sensu u più precisu, d’avè apparinatu i so<br />
gesti cun quelli di u persunaghju ideale ch’elli cercanu<br />
à incarnà, d’esse cum’è un disegnu fattu capunanzu è<br />
ch’elli facenu campà d’un colpu solu è batte cù u soiu<br />
u core. Hè propiu què ch’o risentia. L'aghju ghjucatu<br />
bè u mo rollu. L'aghju fattu u mo mistieru d’omu è<br />
d’avè cunisciutu a gioia una bella ghjurnata sana ùn mi<br />
paria micca ch’ella fussi una riescita singulare ma u finì<br />
cummossu d’una cundizione chì, in certe circunstanze,<br />
17