Create successful ePaper yourself
Turn your PDF publications into a flip-book with our unique Google optimized e-Paper software.
S. Silvestri I Papæ et Conf.. 41<br />
Tempore autem Pascháli omit titur Graduale,<br />
et ejus loco dicitur:<br />
Allelúja, allelúja. ℣. Ps. 109,<br />
4. Tu es sacérdos in ætérnum,<br />
secúndum órdinem Melchísedech.<br />
Allelúja, ℣. Hic est sacérdos,<br />
quem coronávit Dóminus.<br />
Allelúja.<br />
✠ Sequéntia sancti Evangélii<br />
secundum Lucam.<br />
Luc. 12, 35-40.<br />
In illo témpore: Dixit Jesus discípulis<br />
suis: Sint lumbi vestri<br />
præcíncti, et lucérnæ ardéntes<br />
in mánibus vestris, et vos símiles<br />
homínibus exspectántibus<br />
dóminum suum, quando<br />
revertátur a núptiis: ut, cum<br />
vénerit et pulsáverit, conféstim<br />
apériant ei. Beáti servi illi, quos,<br />
cum vénerit dóminus, invénerit<br />
vigilántes: amen, dico vobis,<br />
quod præcínget se, et fáciet<br />
illos discúmbere, et tránsiens<br />
ministrábit illis. Et si vénerit in<br />
secúnda vigília, et si in tértia<br />
vigília vénerit, et ita invénerit,<br />
beáti sunt servi illi. Hoc autem<br />
scitóte, quóniam, si sciret paterfamílias,<br />
qua hora fur veníret,<br />
vigiláret útique, et non síneret<br />
pérfodi domum suam. Et vos<br />
estóte paráti, quia, qua hora non<br />
putátis, Fílius hóminis véniet.<br />
Credo, ratione Octavæ.<br />
Offertorium. Ps. 88, 21-22. Invéni<br />
David servum meum, óleo sancto<br />
meo unxi eum: manus enim<br />
mea auxiliábitur ei, et bráchium<br />
meum confortábit eum.<br />
Secreta.<br />
Sancti tui nos, Dómine, quǽsumus,<br />
úbique lætíficent: ut,<br />
dum eórum mérita recólimus,<br />
patrocínia sentiámus. Per Dóminum.<br />
Pro Octava Nativitatis.<br />
Secreta.<br />
Obláta, Dómine, múnera, nova<br />
Unigéniti tui Nativitáte<br />
sanctífica: nosque a peccatórum<br />
nostrórum máculis emúnda.<br />
Per eúndem Dóminum.<br />
Præfatio et Communicáníes de Nativitate,<br />
ratione Octavæ.<br />
Communio. Matth. 24,46-47. Beátus<br />
servus, quem, cum vénerit<br />
dóminus, invénerit vigilántem:<br />
amen, dico vobis, super ómnia<br />
bona sua constítuet eum.<br />
Postcommunio.<br />
Præsta, quǽsumus, omnípotens<br />
Deus: ut, de percéptis<br />
munéribus grátias exhibéntes,<br />
intercedénte beáto Silvéstro<br />
Confessóre tuo atque Pontífice,<br />
benefícia potióra sumámus. Per<br />
Dóminum nostrum.<br />
Pro Octava Nativitatis.<br />
Postcommunio.<br />
Præsta, quǽsumus, omnípotens<br />
Deus: ut natus hódie<br />
Salvátor mundi, sicut divínæ nobis<br />
generatiónis est auctor; ita et<br />
immortalitátis sit ipse largítor:<br />
Qui tecum vivit et regnat.<br />
Diocese <strong>of</strong> Texas North American Old Catholic Church www.Global.org
Change language