Mei 2012 - Murraysburg
Mei 2012 - Murraysburg
Mei 2012 - Murraysburg
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Tuinbou op De Vlei<br />
Met Paasfees nog vars in die geheue was die opening van die<br />
tuinbouvergadering uit Johannes 19: 38,39 baie gepas. Die<br />
Aprilvergadering is op die plaas van Jos en Ida Cloete gehou en daar is<br />
weer eens baie moeite gedoen om 'n interessante en aangename<br />
vergadering suksesvol aan te bied.<br />
Ter inleiding wys Karin Reynolds, wat onlangs in Israel was, foto’s van<br />
allerlei plante, waarvan ons in die Bybel lees en vertel een en ander oor<br />
hulle. Mirre word byvoorbeeld van boombas gemaak en het 'n<br />
deurdringende lekker reuk. Dit is saam met aalwyn, waarvan die<br />
poeiervorm van gedroogde aalwynsap verkry is, gebruik om die doeke<br />
waarin Sy liggaam na die kruisiging gedraai is, te deurweek.<br />
Ida Cloete wys die lede om 'n hangende voëltjiedrinkbottel te maak en die<br />
gelukkige verjaarsdagdames ontvang dan ook elkeen een as geskenk.<br />
Sodra die grond soveel afgekoel het, dat dit koud voel wanneer jy daarop<br />
sit (die kaalbastoets aldus Cloete), kan bolle in goed voorbereide grond<br />
geplant word. Hoe meer kompos en organiese material soos blaremolm<br />
ingewerk is, hoe beter. Bolplante vertoon beter wanneer hulle in groepe<br />
van 12-15 geplant word en moet twee keer per week soveel water kry dat<br />
die grond ongeveer 15 cm diep nat is. Wanneer bolle in potte geplant<br />
word, kan steenkool, wat poreus is, onder in die potte vir die nodige dreinering sorg.<br />
Dit is nou tyd om daglelies, wat 4 500 jaar gelede reeds in Asië en China gekweek is, maklik groei en besonder mooi<br />
vertoon, te verdeel. Die kleur van die blomme bepaal hoeveel son of skadu hulle benodig. Donkerrooi en wynrooi<br />
lelies verkies meer skadu as dié met ligter kleure.<br />
Bome en struike kan ook nou verplant word aangesien daar nog genoeg warmte is vir die plante om hulle voor die<br />
ergste koue te vestig. Die reghoekige gat sowel as die boom of struik, wat verplant moet word, moet beide baie goed<br />
natgemaak word.<br />
Ida Cloete wys damesvriendelike tuingereedskap vir die lede. Dit is<br />
besonder lig, het vlymskerp lemme en tande asook gemaklike handvatsels,<br />
wat die kleiner en minder sterk dameshande nie moeg maak nie en boonop<br />
maklik skoongemaak en geberg kan word.<br />
Die lede is voordat hulle huiswaarts gekeer het, versterk met geurige, groen<br />
sop en broodjies met olyfolie. Aangesien die sop nie net mooi gelyk het<br />
nie, maar ook heerlik was, moes Cloete op versoek die resep daarvoor<br />
verskaf. Groot was die dames se verbasing dat lusern een van die<br />
bestanddele is! Die sop se mooi kleur is afkomstig van 1 brokkoli ( klein<br />
gesny), 1 k pietersielie, 2 k sprietuie en 2 k gekapte lusern. Twee koppies<br />
uie word in 'n k olyfolie gebraai tot deursigtig en dan word 2 k seldery<br />
asook 3 k gerasperde patat en die groen bestanddele (afgesien van die<br />
pietersielie) bygevoeg en gesmoor. Daarna word 2 ryk hoenderaftreksel,<br />
1 k bruin lensies, seesout, swart peper na smaak en die sap van twee<br />
suurlemoene bygevoeg en prut dit vir ongever tien minute totdat die sop<br />
gereed is. Die pietersielie word dan voor opdiening oorgesprinkel.<br />
Melbabroodjies kan daarmee saam bedien word.<br />
Die lede het die besoek aan De Vlei baie geniet en gaan beslis Ida se groen<br />
sop aan hulle volgende gaste voorsit!<br />
-9-