You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
<strong>Geagte</strong> <strong>Ouers</strong><br />
1. ALGEMENE INLIGTING<br />
OMSENDBRIEF 35<br />
18 Oktober 2012<br />
1.1 BEGROTING: 2013. Kennis geskied hiermee van ‘n algemene ouervergadering om die Begroting van<br />
2013 goed te keur. Die vergadering sal plaasvind op Maandag 12 November 2012 om 18:00 in die voorportaal<br />
van die skool. Alle ouers van kinders in Graad R tot Graad 6, word vriendelik versoek om hierdie vergadering by<br />
te woon. Die Begroting sal vanaf 29 Oktober vir besigtiging in die skoolhoof se kantoor beskikbaar wees.<br />
1.2 GRAAD 1-KUIERDAG. Inskrywings vir nuwe graad 1-leerders vir 2013 is reeds oop. Graad R-leerders<br />
wat tans in Kleuterkommando ingeskryf is, hoef nie weer ‘n toelatingsvorm te voltooi nie. Slegs nuwe kinders wat<br />
graag na ons skool toe wil kom, moet ingeskryf word.<br />
Kuierdag vir graad 1’s van 2013<br />
Vrydag 19 Oktober tussen 10:00 en 12:00<br />
1.3 HERREGISTRASIES VIR 2013. Elke kind wat tans in die Wieg, Kleuterskool of Primêre Skool is,<br />
sal ‘n herregistrasievorm ontvang waarop u kind se inligting reeds deur die rekenaar ingevul is. U moet dit asseblief<br />
kontroleer en indien daar enige veranderinge is, vra ons dat u dit asb met rooipen sal aandui, sodat ons die<br />
aanpassings op ons rekenaarstelsel kan doen. Alle herregistrasies moet aan die skool terugbesorg word voordat die<br />
skool aan die einde van die jaar sluit.<br />
1.4 VERANDERING: BELEID PRESTIGE-AAND. ‘n Verandering aan die Beleid is deur die BL<br />
goedgekeur tov die toekenning van ere-kleure onder Sport en Kultuur. Sport/Kultuur buite skoolverband sal in die<br />
toekoms soos volg hanteer word:<br />
* Tydens saalopening sal daar aan leerders erkenning gegee word vir hulle prestasies in sport/kultuur<br />
wat nie deur die skool aangebied word nie. Die onus rus op die onderskeie Liggame en ouers om die skool in kennis<br />
te stel van die leerders se prestasies. Sertifikate, medaljes ens. saam met ‘n kort beskrywing van prestasies wat<br />
behaal is, moet na die skool gestuur word.<br />
* Geen verdere erkenning word aan leerders gegee tydens die Prestige-aand vir prestasies in<br />
sport/kultuur buite skoolverband nie.<br />
1.5 WENBRIEF IN LANDBOUWEEKBLAD. Een van ons leerders, Jaap Erasmus, het die wenbrief in<br />
die Landbou Weekblad van 19 Oktober 2012 geskryf. Baie geluk, Jaap, ons is saam trots op jou mooi brief! Ons<br />
plaas die brief elders in die Omsendbrief.
2. SPORT<br />
2.1 TENNIS. Ons het die finale tenniswedstryde vir die o.14 Seuns op Woensdag 17 Oktober teen Sentrale<br />
Volkskool gespeel. Die uitslae is soos volg:<br />
Seuns o.14 A wen 36-19<br />
Seuns o.14 B wen 31-24<br />
Aangesien albei spanne hierdie wedstryde gewen het, kan ons aankondig dat die seuns o.14 A-, B- en C-spanne<br />
onoorwonne is en dus hulle liga’s gewen het. Baie geluk, seuns – ons is trots op julle Die Seuns o.14A-span<br />
kwalifiseer om op Vrydag 19 Oktober uit te speel op Sasolburg vir die NVS-wenners. Baie sterkte!<br />
2.2 KRIEKET. Die volgende ligawedstryde het vanaf 11 Oktober tot 17 Oktober plaasgevind:<br />
Donderdag 11 Oktober o.14A: KPS @ COE KPS wen met 289 lopies<br />
Maandag 15 Oktober o.14B1: KPS @ Eben Dönges A KPS wen met 94 lopies<br />
o.14B2: KPS @ SVS B SVS wen met 37 lopies<br />
Dinsdag 16 Oktober o.11A: KPS @ Eben Dönges KPS wen met 8 paaltjies<br />
o.11B: KPS @ SVS B KPS wen met 8 paaltjies<br />
Woensdag 17 Oktober o.9B: KPS @ SVS C KPS wen met 5 paaltjies<br />
o.9A: KPS @ Humansvlakte KPS wen met 6 paaltjies<br />
2.3 JUKSKEI. Tydens die Inter Provinsiale Jukskei Toernooi wat plaasgevind het op 13 Oktober 2012 in<br />
Bloemfontein, het leerders van ons skool soos volg presteer. Die provinsies wat deelgeneem het, is Noord-Kaap,<br />
Suid-Vrystaat, Oos-Vrystaat, Noord-Vrystaat en spanne van die Fezile Dabi-streek. Die volgende spelers se<br />
spanne het goue medaljes gewen: Gerhard du Preez, Petrus van der Linde, Joline Grobler, Suné Grobler, Su-ané<br />
Baumgarten, Niel du Preez en Meyer van der Merwe.<br />
5 Bestes wat aangewys is, is Suné Grobler en Su-ané Baumgarten (D o.13), Petrus van der Linde (S o.13), Joline<br />
Grobler (D o.16) en Gerhard du Preez (S o.16) Baie geluk!<br />
3. OMGEE<br />
In samewerking met KFC word ‘n omgeeprojek geloods op Vrydag 26 Oktober. Leerders kry die geleentheid om<br />
rooi of wit aan te trek en in ruil vir hierdie voorreg, word elke leerder versoek om ‘n nie-bederfbare produk (bv<br />
blikkieskos, soppoeier), skool toe te bring. Die doel van hierdie aksie is om te wys dat ons vir ons minderbevoorregtes<br />
binne ons skoolgemeenskap, omgee. Hierdie produkte sal gedurende Desember versprei word.<br />
4. DOELWIT VIR DIE WEEK<br />
RESPEK TEENOOR MY MEERDERES<br />
Rom 13:1-7 “Elke mens moet hom onderwerp aan die owerhede wat oor hom gestel is. Daar is immers<br />
geen gesag wat nie van God kom nie, en die owerhede wat daar is, is daar deur die beskikking van God<br />
…”<br />
Vers om te onthou: 1 Tim 2:1-2 Daar moet gebid word “vir alle mense, vir dié wat regeer en vir almal wat<br />
gesag uitoefen, sodat ons ‘n rustige en stil lewe kan lei in volkome toewyding aan God en in alle<br />
eerbaarheid.”<br />
Gebed: Here Jesus, help my om die nodige respek teenoor my meerderes te betoon.<br />
Vriendelike groete.<br />
JJ Geldenhuys<br />
SKOOLHOOF
Mamma ek wil Kleuterskool en Wieg toe gaan!<br />
Watter skool my liewe kind?<br />
Wil jy na KLEUTERKOMMANDO toe gaan?<br />
JA! Mamma JA!<br />
Want al my maats sê Kleuterkommando is die BESTE kleuterskool en wieg in die dorp<br />
en dit is ook nog by die<br />
HEEL BESTE laerskool in Kroonstad, naamlik<br />
KROONHEUWEL PRIMĒRE SKOOL!!<br />
Kleuterskool Bonuspunte:<br />
*8 gekwalifiseerde onderwyseresse<br />
*3 voltydse assistente<br />
*Beginner’s Booster (rekenaargesteunde leesvoorbereiding) 4-6<br />
jaar<br />
(ingesluit by die skoolgelde)<br />
*Fedukwas vir Graad R (ingesluit by die skoolgelde)<br />
*Skoolgereedheidstoetse en Ouditiewe Sifting kan afgeneem<br />
word<br />
*Ouderdomsgroepe 2-6 jaar<br />
*Skooltye: 07:15 – 13:30<br />
Opsioneel: Middagklas 13:30 tot 17:00<br />
Wieg Bonuspunte:<br />
*1 gekwalifiseerde onderwyseres<br />
*2 voltydse assistente<br />
*Ouderdomsgroepe 3 maande tot 2 jaar<br />
*Skooltye: 07:00 – 17:00<br />
*Oop gedurede die vakansie, behalwe Desember & Januarie<br />
*Playball, Monkeynastix, Ballet, Free Style, Kindermusik, Active English en Experi-maatjies (vir<br />
Graad R) word ook op die terrein aangebied<br />
Kom na ons ope dag, vertel u vriende!!<br />
Saterdag, 20 Oktober 2012, 08:00 tot 09:30<br />
Skoolsaal van Kroonheuwel Primêre Skool<br />
Kom kyk na ons geriewe. Kom maak gerus kennis met ons!<br />
Skakel ons by 056 – 2124863 vir enige verdere inligting!
Naamplakkers en aanstryketikette<br />
Finale bestel- en betaaldatum : Vrydag 19 Oktober<br />
Baie temas om van te kies!<br />
Koste: R50 vir 120 plakkers<br />
R50 vir 25 aanstryketikette<br />
Bestellings by registeronderwysers/skoolkantoor (Erine)<br />
Navrae: Carina Serfontein 083 635 2851<br />
U kan weer van die heerlike ‘muffin mix’ bestel. Voltooi asb onderstaande<br />
bestelling en stuur dit met u betaling terug na die Kleuterskool. Baie dankie
As gevolg van die feit dat die eksamen tot 30 November aanhou, was ons<br />
genoodsaak om die Kersmark na die eerste week in Desember te skuif. Ons vertrou<br />
dat u ons nog steeds sal kom ondersteun! Skakel Carina Serfontein indien u ‘n<br />
stalletjie wil bespreek by 083 635 2851.