kroonheuwel primêre skool beleid: prestige-aand inleiding 1 ...

KROONHEUWEL PRIMÊRE SKOOL
BELEID: PRESTIGE-AAND
INLEIDING
Die prestige-aand het ten doel om die beste presteerders op akademiese, sport-, en
kultuurgebied erkenning te gee vir hulle prestasies. Die skool besef terdeë dat ouers
wat positief betrokke is by hulle kinders ‘n baie groot rol speel in hulle prestasies.
Hierdie is dan ook ‘n geleentheid waar die skool die ouers van hierdie presterende
leerders kan bedank en gelukwensing kan oordra.
Die prestige-aand is ‘n geleentheid waartydens bogemiddelde prestasies erkenning kry.
Die skool het die verantwoordelikheid om ‘n meetinstrument daar te stel wat
bogemiddelde prestasies deur middel van geldige en betroubare kriteria te meet.
Alhoewel geen beleid volmaak is nie, moet daar na gestreef word om ‘n aanvaarbare
beleid daar te stel, met inagneming van ons skool se eie spesifieke behoeftes en kultuur.
1. AKADEMIE
GRONDSLAGFASE
- Die leerders van graad 1 tot 3 ontvang sertifikate vir die leerareas waarin
hulle 80% en hoër behaal het.
- Graad 1 – Slegs derde kwartaal se punte word in aanmerking geneem.
- Graad 2 en 3 – Tweede en derde kwartaal se punte word in berekening gebring.
- Indien ‘n leerder 80% en hoër behaal het in al 3 leerareas (Geletterdheid,
Gesyferdheid en Lewensvaardigheid), ontvang hy of sy ‘n goue sertifikaat.
INTERSENFASE
- Alle leerders van wie die gemiddeld van 8 leerareas (Lewensoriëntering
uitgesluit) 85% en hoër is, nadat die drie eerste kwartale se punte verwerk is
na ‘n jaarpunt, ontvang akademiese erekleure (blou staalbalkie).
- Alle leerders van wie die gemiddeld vir ‘n opeenvolgende jaar 85% en hoër is,
nadat die drie eerste kwartale se punte verwerk is na ‘n jaarpunt, ontvang ‘n
hertoekenning van akademiese erekleure (goue balkie).
- Die top 10-leerders van elke graad ontvang ‘n goue sertifikaat. ‘n Leerder kan
slegs in die top tien wees as sy of haar gemiddeld 80% en hoër is.
- Alle leerders wat vir ‘n leerarea 80% en hoër het (Lewensoriëntering
uitgesluit), ontvang ‘n sertifikaat vir daardie leerarea of leerareas.
- Die toppresteerder van elke graad ontvang ‘n wisseltrofee, en ‘n kleiner replika,
wat die leerder se eiendom bly.
- Die toppresteerder in graad 7 ontvang ‘n erepenning en is die Dux-leerder van
die jaar.
- Graad 7 leerders wat 4 jaar agtereenvolgens erekleure vir akademie (gr 4 tot
7) ontvang het, ontvang ‘n erepenning.

2. SPORT
SPORTSOORTE BUITE SKOOLVERBAND
- Daar word tydens saalopeninge aan leerders erkenning gegee vir hulle
prestasies in sportsoorte wat nie deur die skool aangebied word nie. Die
onus rus op die onderskeie Sportliggame en ouers om die skool in kennis te
stel van die leerders se prestasies. Sertifikate, medaljes ens. saam met ‘n
kort beskrywing van prestasies wat behaal is, moet na die skool gestuur
word.
- ‘n Erepenning word aan leerders oorhandig tydens die prestige-aand indien
hulle as individu of as deel van ’n span op nasionale kompetisies ‘n eerste,
tweede of derde plek behaal het.
SPORTSOORTE BINNE SKOOLVERBAND
- Daar is verskillende toekennings wat gemaak word afhangende van die
prestasie deur die leerder of span.
- Elke sportsoort is uniek ten opsigte van die samestelling van ligas,
streekspanne, provinsiale spanne en nasionale spanne. Die skool bevind hom
nie in ‘n posisie om besluite wat deur die sportsoort se Moederliggaam,
hetsy op provinsiale of nasionale vlak geneem, te verander nie. Ons skool
respekteer elke spesifieke sportsoort se reëls en regulasies en gebruik dit
as kriteria en rigtinggewers.
- Erkenning word gegee vir deelname op die volgende vlakke:
• Skoolvlak (deelname teen ander skole op ligavlak)
• Streeksvlak
• Provinsiale vlak (leerder of span moet ‘n provinsie
verteenwoordig op nasionale
kompetisies)
• Nasionale vlak (leerder moet verkies word tot ‘n
nasionale span)
• Internasionale vlak (leerders wat Suid-Afrika
verteenwoordig op ‘n internasionale
kompetisie)
- Daar word ook addisionele erkenning aan leerders of spanne gegee op
skoolvlak. Hier word ook kriteria gebruik wat meetbaar is. Daar moet
gewaak word teen toekennings wat deur subjektiewe menslike oordeel
beïnvloed word.

3. KULTUUR
Dieselfde kriteria wat vir sport gebruik is, sal so ver as moontlik ook
van toepassing gemaak word op kultuuraktiwiteite, buite en binne
skoolverband. Dieselfde erkenningsvlakke geld, maar inaggenome dat
elke kultuuraktiwiteit ook uniek is.
4. LEIERSKAP
Daar word ook erkenning gegee aan leerders wat hulle in ‘n
leiersposisie bevind het.
Die volgende leiersposisies word erken:
- Leerderraad en hoofleiers.
- Medialeiers (Graad 6-leerders).
- Verkeersleiers (Graad 6-leerders).
- Kaptein of kapteine en leiers van sport- en kultuuraktiwiteite.
ALGEMEEN
Daar word in die loop van die jaar reeds toekennings gemaak na afloop van ‘n
spesifieke sport- of kultuuraktiwiteit. Hierdie toekennings bied aan die graad 7leerders
die geleentheid om hulle erekleure so gou as moontlik te ontvang. By die
prestige-aand word daar melding gemaak en aan hierdie leerders weer erkenning
gegee.
Daar word ook aan leerders van die grondslagfase en intersenfase erkenning gegee
vir getroue skoolbesoek.
Toekennings word gegee in die vorm van die volgende:
- Sertifikate
- Trofees
- Erekleure
- Erepennings