ProAgri uitgawe 141

More documents

Recommendations

Info

Jannie en Jan Erasmus by die MacDon FD70 Flexdraper-stropertafel wat hulle beskryf as die beste ding wat hulle ooit gekoop het. Kyk net die tafel se vernuftige eie wiele vir padvervoer. k sal nooit weer met iets anders “Estroop nie.” So sê Jan Erasmus van Jan Erasmus Boerdery naby Koppies in die Vrystaat, van die voortreflike MacDon FD70 Flexdraper-stropertafel wat hy by Vitamech aangeskaf het om nuwe hoogtes van produktiwiteit, doeltreffendheid, graanherwinning, betroubaarheid en werkgerief te bereik. Jan en sy twee seuns, Jan-Louis en Jannie, sorg vir die saaiboerdery, hoofsaaklik sorghum en soja, en ma Gloria sit hand by met die skaap- en beesboerdery. Maar sedert die manne die FD70 vir die eerste keer aan hulle Case 8120-stroper gekoppel het, is daar nie meer ’n pit vir die skape op die land oor nadat gestroop is nie. Jan het van die MacDon-stropertafel gelees en besef dat hy homself binne twee seisoene kan betaal met die 5 tot 10 persent besparing wat hy in die boer se sak sit. Ons almal weet dat ’n gewone stropertafel afgesnyde materiaal hardhandig met twee awegaarwurms na die stroper se bek toe boelie. In die proses word die materiaal geknoop en gewring en mishandel en jy sien net pitte spat, sodat ’n aansienlike deel van jou graan op die land agterbly. Dis nie hoe die MacDon werk nie. Hy sny die plante netjies af, so kort as wat jy wil, sodat hulle omkantel en op die vervoerbande gaan lê, wat hulle sagkens en galant, maar in onverbiddelik netjiese gelid, almal kop eerste, na die stroper se bek begelei. Nie ’n pit gaan verlore nie. Die stroper word gelykmatig gevoer sodat hy nooit wurg en met rukke en stote hoef te werk nie. Dit is baie goed 6 ProAgri 141 – November 2011 vir die doeltreffendheid van die dorsproses en vir die stroper se lewensduur. Dit beteken ook dat jy heelwat vinniger kan stroop en ’n wyer tafel kan gebruik om hope diesel te bespaar. Die uiteinde van die saak is dat jy heelwat vinniger, heelwat vollediger en heelwat lekkerder stroop – en aan die einde van die seisoen heelwat meer geld in jou sak steek. Dit is ’n reuse verbetering op die ou wurmvoertafels, sê Jan. Die FD70 kom saam met ’n koppelstuk om aan enige stroper te pas. Die tafel beweeg onafhanklik van die stroper om die grondglooiinge te volg. Selfs wanneer die stroper in ’n gat trap, hou die FD70 nog ewe luiters kop bo water. Meganisasie Vitamech MacDon FD70 Flexdraper-stropertafel: Boonop is hy in drie seksies verdeel, Wen meer graan, spaar meer tyd, maak meer wins! wat onafhanklik kan beweeg om grondkontoere getrou te volg. As jy nou jou outomatiese tafelhoogtebeheer en outo-stuur aanskakel, hoef die operateur nie die heeltyd die hoogte te verstel en te stuur nie. Dit maak sy werklas ook heelwat ligter, sodat hy lang ure sonder uitputting kan werk. Die Erasmusse stroop lag-lag so 70 hektaar per dag met hulle MacDon en Case. Selfs om die FD70 te vervoer, is pure plesier. Jy het nie ’n stropertafelkarretjie nodig nie – hy het sy eie uitswaaiwiele en jy sleep hom met ’n trekker of met die stroper self. Binne tien minute nadat jy die land bereik het, is jy volstoom aan die stroop. ’n Kenmerk waarvan Jan baie hou, is dat die FD70 sy eie hidrouliese olie in sy raam saamdra. Dit beteken dat hy net vir sekere funksies van die stroper se hidroliese olie afhanklik is. Moenie skrik vir die prys nie, sê Jan. Die MacDon FD70 betaal homself met sy volledige graanherwinning en flink afhandeling van die stroopproses binne twee seisoene. Die FD70 is ’n toonbeeld van meesterlike vakmanskap en die diens wat Vitamech se bekwame mense oral in die land lewer, is ’n bate vir die boer, sê Jan. Hy beveel dié stropertafel vir enige boer aan. Die MacDon FD70 is in 9,1 meter, 10,7 meter en 13,7 meter beskikbaar. Vir meer inligting, ook oor Vitamech se wye reeks ander staatmakerwerktuie, praat met Jurie Swart by 083-375-8840 of Louis van der Merwe by 072-626-8409 asook Shaun Fourie by 021-907-8000, 082-803-1014 of e-pos shaun@vitamech.co.za. Besoek ook www.vitamech.co.za. Die MacDon FD70 Flexdraper-stropertafel stoot jou graanherwinning drasties op en voer jou stroper gelykmatiger en netjieser om jou opbrengs te verhoog, jou strooptyd te verminder en jou stroper se lewe te verleng. www.proagri.co.za
Onkruid- en plaagbeheerwerktuie: So werk ’n kousbalkspuit www.proagri.co.za Meganisasie ’n Degania-kousbalkspuit in aksie. JP le Roux, opsteller van die nuttige Meganisasiegids, vertel van die Lugondersteunde balkspuite/ Kousbalkspuite Die lugondersteunde balkspuite of kortweg genoem kousbalkspuite het in die negentigjare in Suid-Afrika begin kop uitsteek, alhoewel die beginsel reeds vroeër in die buiteland bekend gestel is. Die werkbeginsel Die trekker dryf ’n waaier aan en die lugstroom word in ‘n versterkte PVCkous geblaas. Hierdie lug word dan deur ’n reeks gate aan die onderkant van die kous uitgeblaas. Die lugspoed by die uitlate is ongeveer 50 meter per sekonde. Die hoeveelheid lug en die lugspoed is dieselfde by elke uitlaat dwarsoor die lengte van die kous. Die spuitbalk is onder die kous gemonteer en die spuitstukke is 250 mm van mekaar gemonteer teen ’n hoek van 30° na die vertikale windstroom. Die lugstroom vervoer die spuitdruppels na die plant of grond. Lugdwarreling verseker dat die spuitstof ook doeltreffend aan die onderkant van blare beland. Die uitstaande kenmerk: In plaas van hoë volumes water (250 liter/ha en meer) en groot druppels soos by konvensionele balkspuite, gebruik die spuit laer volumes water (30 tot 75 liter/ha) en kleiner druppels wat deur ’n sterk vertikale lugstroom grondwaarts gevoer word. Van die boere wat die spuite aangeskaf het, is tevrede dat die spuite doeltreffend werk vir onkruiddoder- en plaagbeheerbespuiting. Die volgende voordelige eienskappe van die spuit en die spuitbeginsel het hulle veral beïndruk: moets en moenies van spuittoerusting. Hierdie artikel, die derde van vier in die reeks, vertel meer oor lugondersteunde balkspuite of kousbalkspuite. Die laaste artikel volgende maand sal vertel hoe om ’n spuit te kalibreer. Laer volumes water Teen 50 tot 75 liter water per hektaar wat algemeen by die kousbalkspuite gebruik word, word die knelpunt van die aanry van skoon water na die lande dadelik verlig. Indien ’n vergelyking tussen die waterbehoefte van ’n kousbalkspuit en ’n konvensionele spuit vir 500 hektaar gemaak word, is die resultaat soos volg: Kousbalkspuit (75 liter/ha) – 37 500 liter vir 500 hektaar. Konvensionele spuit (250 liter/ha) – 125 000 liter vir 500 hektaar. Die besparing in die hoeveelheid water wat by die lande verskaf moet word is voor-die-hand-liggend, veral waar water oor lang afstande na lande aangery moet word. Vermindering van wegdryf Wanneer daar in winderige toestande gespuit word, verseker die afwaartse windstroom dat minder spuitstof as gevolg van die heersende wind sal wegdryf. ’n Groter spuitdoeltreffendheid is dan moontlik. Hidroulies beheerde balk Die spuit beskik oor ’n goed ontwerpte, hidroulies beheerde spuitbalk wat die hantering van die spuit vergemaklik. Ten slotte ’n Goeie spuit is onmisbaar vir ’n suksesvolle gewasboerdery. Waar boere al hoe meer na geenbewerking neig, is ’n goeie spuit deurslaggewend vir die suksesvolle toepassing van die metode. Volgende keer praat ons oor die kalibrasie van spuite. Hierdie kousbalkspuit word deur Rovic Leers in Suid-Afrika beskikbaar gestel. Skakel gerus vir Marius Ras by 082-453-4808 met enige navrae oor die spuit. ProAgri 141 – November 2011 7
Page 1: ProAgri tegnologie vir die boer tec
Page 4 and 5: Tata wys alles an die stylvolle nuw
Page 7: Boer oor FAW: “Nooit weer ’n an
Page 13: aal word dus deur die dier verbruik
Page 17: y doen nie vir 50 jaar lank sake me
Page 20 and 21: Agrikyk Meatmaster Sheep: Breed est
Page 22 and 23: Vermillian Verf se nanotegnologie:
Page 24 and 25: Staalmeester sny skoon en droog fli
Page 26 and 27: Pediram (voor) Pedi-ooi van agter k
Page 28 and 29: ns is almal deeglik bewus daarvan O
Page 30 and 31: 28 ProAgri 141 - November 2011 Beso
Page 32 and 33: AgriGids Jy kan nie dag en nag jou
Page 34: AgriGids 32 ProAgri 141 - November

ProAgri uitgawe 141

You also want an ePaper? Increase the reach of your titles

Delete template?

Save as template?