Chapter 1 Koos.fm - PULP
Chapter 1 Koos.fm - PULP
Chapter 1 Koos.fm - PULP
Create successful ePaper yourself
Turn your PDF publications into a flip-book with our unique Google optimized e-Paper software.
Politokrasie<br />
’n Peiling van die dwanglogika van die territoriale staat<br />
en gedagtes vir ’n antwoord daarop<br />
KOOS MALAN<br />
2011
Politokrasie: ’n Peiling van die dwanglogika van die territoriale<br />
staat en gedagtes vir ’n antwoord daarop<br />
Gepubliseer deur:<br />
Pretoria Universiteitsregspers (Pretoria University Law Press — <strong>PULP</strong>)<br />
Die Pretoria Universiteitsregspers (<strong>PULP</strong>) is ’n uitgewer by die Regsfakulteit<br />
van die Universiteit van Pretoria, Suid-Afrika. <strong>PULP</strong> poog om innoverende,<br />
hoë-kwaliteit akademiese werke oor die reg in Afrika te publiseer en te<br />
versprei. <strong>PULP</strong> publiseer ook ’n reeks versamelings publiekreg-verwante<br />
regsdokumente in Afrika, sowel as ’n reeks regshandboeke uit verskeie<br />
Afrikastate.<br />
Hierdie boek is voor publikasie deur eweknieë gekeur.<br />
Vir meer inligting oor <strong>PULP</strong>, raadpleeg www.pulp.up.ac.za<br />
Gedruk en gebind deur:<br />
ABC Pers<br />
Kaapstad<br />
Vir bestellings, kontak:<br />
<strong>PULP</strong><br />
Fakulteit Regsgeleerdheid<br />
Universiteit van Pretoria<br />
Suid Afrika<br />
0002<br />
Tel: +27 12 420 4948<br />
Faks: +27 12 362 5125<br />
pulp@up.ac.za<br />
www.pulp.up.ac.za<br />
Omslag:<br />
Yolanda Booyzen, Sentrum vir Menseregte<br />
Kunswerk:<br />
Die Korporaalskap van Frans Banning Cocq en Luitenant Willem van<br />
Ruytenburch maak hulleself gereed, bekend as ‘Die Nagwag’ deur<br />
Rembrandt (1642)<br />
ISBN: 978-0-9869857-3-7<br />
© 2011<br />
THE WORLD BANK<br />
Washington, D.C.<br />
Hierdie titel is deel van die Oppergesag van die Reg in Afrika-reeks,<br />
gefinansier deur die Wêreldbank.
1<br />
2<br />
3<br />
4<br />
5<br />
6<br />
7<br />
INHOUD<br />
VOORWOORD v<br />
DANKBETUIGING vii<br />
STAATLIKHEID 1<br />
REPUBLICA CHRISTIANA - DIE VOORGANGER VAN 11<br />
STAATLIKHEID<br />
1 Godsdienstige identiteit 11<br />
2 Middeleeuse konstitusionalisme 21<br />
VERVAL EN WEGBEREIDING: DIE VERVAL VAN 33<br />
DIE REPUBLICA CHRISTIANA EN DIE NADERENDE<br />
KOMS VAN STAATLIKHEID<br />
1 Sekularisasie, Renaissance en Humanisme 33<br />
2 Politieke en regsdenke 36<br />
3 Staatsvorming 43<br />
4 Reformasie 51<br />
5 Impasse 57<br />
DIE GRONDLEGGING EN DIE GRONDLEGGERS VAN 65<br />
STAATLIKHEID<br />
1 Die Politiques, Michel de l’Hôpital en Jean Bodin 65<br />
2 Thomas Hobbes en die geboorte van Leviatan, 75<br />
die sterflike god<br />
3 John Locke, die konstitusionele voortsetting van 85<br />
Thomas Hobbes<br />
4 Interstaatlikheid en Hugo de Groot 94<br />
DIE STAATLIKE PARADIGMA 99<br />
1 Die hoofbakens van die staatlike paradigma 99<br />
2 Die dinamika van paradigmas 116<br />
STAATLIKE IDENTITEIT: DIE STERFLIKE GOD KRY 127<br />
’N GEMEENTE VAN AANBIDDERS – DIE NASIE<br />
1 Staatsbou gedrapeer as nasiebou - Hobbes, 127<br />
Rousseau en daarna<br />
2 Die dwanglogika van nasiebou 142<br />
3 Sagter vorme van nasiebou 153<br />
4 Staatsbou-regsdenke 155<br />
4.1 John Rawls 156<br />
4.2 Nasiebouregspraak, Ronald Dworkin en 165<br />
regsbeginsels<br />
STAATLIKE DEMOKRASIE 175<br />
1 Staatlike demokrasie - demokrasie mak gemaak 175<br />
deur die staatlike paradigma<br />
2 Demokrasie as legitimiteitsfiksie 190<br />
3 Prekariokrasie en gelykheid 193<br />
iii
8<br />
9<br />
10<br />
4 Massokrasie, die demokrasie van die territoriale 200<br />
staat<br />
MENSEREGTE – DIE SORGSAME STAAT 207<br />
1 Simbiose 207<br />
2 Op die spoor van die ontwikkeling van 209<br />
menseregte<br />
3 Die staatlik-paradigmatiese politiek van 217<br />
menseregte<br />
3.1 Die besondere posisie van sosiale en 222<br />
ekonomiese regte<br />
3.2 Horisontaliteit en die ideologiese ommekeer 225<br />
van menseregte<br />
3.3 Die disharmonie en agterdog van menseregte 228<br />
3.4 Die staatlike orde en die prominensie van die 230<br />
juristeklas<br />
3.5 Menseregte, bron van ʼn die ideologie van 235<br />
afhanklikheid<br />
GREPE UIT DIE REG KRAGTENS DIE 241<br />
STAATLIKE PARADIGMA<br />
1 Inleiding 241<br />
2 Die onskendbaarheid van die staat: Hoogverraad 242<br />
3 Die onskendbaarheid van die staat: 250<br />
(Territoriaal-) staatlike selfbeskikking<br />
3.1 Geskiedenis 253<br />
3.2 Ontleding 257<br />
3.3 Staatlike versus nasionale selfbeskikking: die 265<br />
domestiserende konsep van selfbeskikking<br />
POLITOKRASIE 273<br />
1 Inleiding 273<br />
2 Politokrasie 276<br />
2.1 Basiese grondslag 276<br />
2.2 Uiteensetting 280<br />
2.2.1 Die sentrale belang van gemeenskappe 280<br />
2.2.2 Meervoudige openbare identiteite en 284<br />
regeringsfere<br />
2.2.3 Subsidiariteit en Korreksie 285<br />
3 Res publica / Gemenebes 290<br />
3.1 Eienskappe van ʼn res publica 290<br />
3.2 Die res van die res publicae 293<br />
4 Burgers - politai 302<br />
4.1 Burgers teenoor individue; res publicae 302<br />
teenoor die private domein<br />
4.2 Burgerskap 306<br />
4.3 Burgerskaplike gelykheid 310<br />
4.4 Omvang 312<br />
BIBLIOGRAFIE 317<br />
GERAPPORTEERDE REGSPRAAK 342<br />
INTERNASIONALE EN REGIONALE 344<br />
REGSINSTRUMENTE<br />
INDEKS 347<br />
iv
VOORWOORD<br />
Deesdae is daar ʼn stortvloed voorspelbare en herhalende kommentaar<br />
oor sg. ‘good governance’ en staatsbestuur. Die meeste gedagtes wat<br />
kwytgeraak word, seil sorgeloos oor die Weste se eeuelange en<br />
boeiende geskiedenis, insluitende ʼn geskiedenis van regs- en politieke<br />
filosofie, en die meeste bydraes vertoon een bepaalde blindheid — die<br />
aanname dat die laaste eeue groot ‘vooruitgang’ vir die beskawing<br />
gebring het. Wat dan, kan belangriker vir ʼn denkende leser wees as ʼn<br />
volume wat met heldere objektiwiteit en treffende begrip,<br />
dieperliggende en ironiese terugslae in die geskiedenis van<br />
staatsbestuur blootlê, veral oor onlangse dekades? Prof <strong>Koos</strong> Malan se<br />
meesterlike en diepgaande ontleding vul ʼn gapende leemte in die<br />
beskikbare insigte oor staatsbestuurtradisies en -praktyke wat ons<br />
almal se lewens ten nouste raak.<br />
Sy werk word gelei deur ʼn kernvraag — in hoeverre is bevolkings<br />
werklik deur hervormings bevry en bemagtig? Is duistere beperkings<br />
en kragte van vervreemding, onderworpenheid en knegskap in die<br />
ontwikkelde wêreld werklik tot die geskiedenis verban of lê hulle<br />
slegs versluier deur die fatsoenlike skyn van vooruitgang? Prof Malan<br />
se penetrerende oorsig van bewindsvorme en publieke regsstelsels<br />
vanaf die Middeleeue tot die huidige era van menseregte en die<br />
burokraties-versorgende staat erken die vordering maar stel diep<br />
verontrustende vrae. Die Renaissance, die Reformasie, die inperking<br />
van die goddelike reg van konings, die erkenning van vryswewende<br />
indiwidualisme en uitkringende beginsels van ʼn sosiale kontrak wat ʼn<br />
bewind daarstel om onderling vyandiggesinde indiwidue teen mekaar<br />
en teen regeerders te beskerm het weliswaar die menslike kondisie in<br />
vele opsigte dramaties verbeter. Maar soos Prof Malan dit verhelder,<br />
het ʼn nuwe en veel kragtiger maar versluierde bedreiging in die<br />
nuutgevonde vryhede uitgebroei. Wat deur Thomas Hobbes as<br />
‘Leviatan’, die ‘sterflike god’ in die staat beskryf is, het sy dwangheerskappy<br />
meedoenloos uitgebrei. Terwyl die magte van konings en<br />
priesters uiteindelik as kwesbaar en wisselvallig bewys is, het die<br />
‘sterflike god’ van die staat sy greep binne die vesting van nasionale<br />
soewereiniteit verstewig. Malan beskryf hoe die ‘sterflike god’ sy<br />
oorspronklike leë eensaamheid gaandeweg gevul het met dankbare<br />
afhanklikheid, menseregte en welsyn. Bevolkings is met ‘nasiebou’<br />
oortuig om die jaloerse god te prys deur die homogene identiteit van<br />
die burokratiese nasiestaat te aanvaar. Die nasiestaat as hedendaagse<br />
vors kan binne sy vesting van internasionaal geoorloofde afdwingbare<br />
nasionale grense en soewereine status, ʼn sagte dog onaanvegbare<br />
nuwe absolutisme handhaaf, wat Malan as massokrasie beskryf.<br />
Is daar vir die mensdom ʼn beter keuse? Malan meen wel so, en duik<br />
ver terug na onder andere die klassieke Griekse Stadstaat as ʼn deel<br />
van die fondament vir ’n alternatief. Hy gee geen konstitusionele<br />
voorskrifte nie maar wel ʼn roerende beeld van ʼn mensdom wat sy<br />
volle potensiaal bereik binne ‘tuistelike’ gemeenskappe wat die<br />
beginsel van onderlinge verantwoordbaarheid kan herstel. Hierdie<br />
skerpsinnige werk — in Afrikaans — vervat in ‘Politokrasie: ʼn peiling<br />
v
van die dwanglogika van die territoriale staat en gedagtes vir ʼn<br />
antwoord daarop’, maak met reg aanspraak op ons noukeurige<br />
aandag.<br />
Lawrence Schlemmer<br />
vi
DANKBETUIGING<br />
Ek vertrou dat Politokrasie: ʼn Peiling van die dwanglogika van die<br />
territoriale staat en gedagtes vir ʼn antwoord daarop belangstelling<br />
en debat sal uitlok by diegene wat hulle krities en indringend met die<br />
dinamika tussen die eietydse staat — ook die Suid-Afrikaanse staat —<br />
en gemeenskappe bemoei. Hierby is ingebegrepe vakwetenskaplikes<br />
en belangstellendes in die reg, politieke wetenskap, geskiedenis en<br />
verskeie sosiale wetenskappe maar ook almal met ʼn belangstelling in<br />
die geskiedkundige en politiek-filosofiese agtergrond van die huidige<br />
territoriale staat en ʼn belang by die juridiese verrekening van die<br />
aansprake van veral kultuur- en taalgemeenskappe in die huidige<br />
politieke tydsgewrig.<br />
Uiteraard vervul die publikasie van hierdie boek my met<br />
genoegdoening. Terselfdertyd moet bygevoeg word dat die doek die<br />
produk van ʼn herhaalde gelukkige sameloop van omstandighede is,<br />
waarsonder dit nie kon verskyn nie. Ek was gelukkig om oor jare aan<br />
die kennis en insig van talle mense blootgestel te word. Daar is baie<br />
van hulle — vriende, kennisse, kollegas, dosente ens. Tog moet ek een<br />
persoon noodwendig by name vermeld, naamlik Danie Goosen, by wie<br />
se uitgebreide kennis en deurlugtige insig ek oor ʼn tydperk van etlike<br />
dekades ruim gebaat het. Ek was net so gelukkig om oor jare aan groot<br />
woordvoerders van en kommentators oor die Westerse politieke en<br />
regstradisie blootgestel te word. Dit is paslik om ʼn mens self daaraan<br />
te herinner dat ʼn werk van hierdie aard volkome onmoontlik sou wees<br />
sonder grondige en dankbare blootstelling aan hierdie tradisie. Graag<br />
bedank en ook my kollegas by die regsfakulteit van die Universiteit<br />
van Pretoria en in besonder by die departement publiekreg, wat<br />
kollektief sorg vir ʼn aangename en intellektueel prikkelende<br />
werksomgewing.<br />
Oorspronklik, voordat eers ietwat daaraan geskaaf en daarna<br />
heelwat daaraan toegevoeg is, was hierdie werk ʼn proefskrif wat<br />
onder die bekwame leiding van proff Adrienne van Blerk van die<br />
departement jurisprudensie aan die Universiteit van Suid-Afrika en<br />
Hennie Strydom, destyds nog verbonde van die Universiteit van die<br />
Oranje Vrystaat voltooi is.<br />
Verskeie mense, in die besonder Johan Scott en Johan Kok het die<br />
manuskrip taalkundig noukeurig onder oë gehad. Ek bedank hulle<br />
graag nie net daarvoor nie, maar boonop vir die vriendskapsbande wat<br />
ons gesmee het. Opregte dank aan Lizette Besaans van die<br />
Regsuitgewers van die Universiteit van Pretoria vir haar geduldige en<br />
noukeurige afronding van die manuskrip en so ook aan Yolanda<br />
Booyzen vir die buiteblad-ontwerp. Juanita Larkin, departemente<br />
administrateur van die departement publiekreg verdien eweneens<br />
besondere dank vir haar altyd bekwame en doeltreffende<br />
administratiewe bystand.<br />
<strong>Koos</strong> Malan<br />
Februarie 2011<br />
vii
HOOFSTUK<br />
1<br />
1<br />
STAATLIKHEID<br />
Toe Thomas Hobbes teen die middel van die sewentiende eeu oor die<br />
staat geskryf het, het hy met groot ontsag daarna as Leviatan en die<br />
sterflike god verwys. Op daardie stadium was die staat egter maar nog<br />
in sy kinderskoene. Later sou die staat oneindig kragtiger raak as wat<br />
ooit voorsien kon word. Mettertyd het dit duidelik geword dat die<br />
aliasse Leviatan en sterflike god geen melodrama was nie, maar ’n<br />
paslike beskrywing vir die staat wat later — en tans — so dominant in<br />
die lewens van individue en gemeenskappe geword het. Hierdie staat<br />
het ook ’n eie ideologie ontwikkel waarmee dit sy stempel op ons<br />
almal afdruk, afhanklikheid van die staat aankweek en geloof en<br />
getrouheid in hom inprent en afdwing. Hierdie werk handel juis met<br />
die staat en meer in die besonder met hierdie staatsideologie, wat ek<br />
hier staatlikheid noem. Wanneer van staatlikheid gepraat word, kom<br />
veral twee sake ter sprake:<br />
Eerstens is daar die treffende verskynsel wat tans bykans ’n<br />
universele gegewe is dat die staat die hoofbepaler van individue se<br />
openbare identiteit is. Die individu se openbare identiteit is<br />
staatsbepaald en is gevolglik dié van staatsburger. Individue het<br />
weens hulle geankerdheid in, hulle verbintenis met en lidmaatskap<br />
van ’n verskeidenheid van gemeenskappe en groepe ʼn variasie van<br />
ander kulturele, taal, godsdienstige, etniese, regionale en dergelike<br />
ander identiteite maar, dit alles is in finale instansie vanuit die<br />
oogpunt van staatlikheid nouliks meer as blote private identiteite. Die<br />
staat alleen is die eksklusiewe opeiser en afdwinger van ʼn staatlike<br />
openbare identiteit. Potensieel mededingende aanspraakmakers op<br />
openbare identiteit word konsekwent en energiek uit die openbare<br />
sfeer geweer. Gepas beskryf Bikuh Parekh hoe die staat ’n staatlike<br />
identiteit afdwing en ander identiteite marginaliseer wanneer hy sê:<br />
All its citizens are expected to privilege their territorial over their other<br />
identities; to consider that they share in common as citizens far more<br />
important than what they share with other members of their religious,<br />
cultural and other communities; to define themselves and relate to each<br />
other as individuals to abstract away their religious, cultural and other<br />
views when conducting themselves as citizens; to relate to the state in<br />
an identical manner; and to enjoy an identical basket of rights and
2 Hoofstuk 1<br />
obligations. In short, the state expects of all its citizens to subscribe to<br />
an identical way of defining themselves and relating to each other and<br />
the state. This shared political self-understanding is its constitutive<br />
principle and necessary presupposition. It can tolerate differences on all<br />
other matters but not this one, and uses educational, cultural, coercive<br />
and other means to secure that all its citizens share it. In this important<br />
sense it is a deeply homogenizing institution. 1<br />
Hier in Suid-Afrika het ons ook met die moeisame inprent van ’n<br />
staatlike identiteit te kampe. Veral sekere minderhede is hieraan<br />
blootgestel. Uit die bespreking later in hierdie boek blyk dit duidelik<br />
dat dit ’n wydlopende verskynsel is wat homself al op baie plekke<br />
voltrek het. Die inprent van ’n staatlike identiteit is die een sy van<br />
staatlikheid wat in hierdie werk behandel word.<br />
Tweedens verwys staatlikheid na neergelegde reëls van<br />
wetenskapsbeoefening — wetenskapsbeoefening aan die hand van die<br />
behoeftes van die staat en ter wille van die handhawing van die<br />
bestaande staatlike orde. Dit is wetenskapsbeoefening aan die hand<br />
van wat ek ’n staatlike paradigma noem. Die fokus van hierdie aspek<br />
van staatlikheid is dat daar ter wille van die beveiliging en<br />
voortsetting van die huidige staatlike orde en van staatlike identiteit<br />
voorskrifte, reëls en parameters vir geldige wetenskapsbeoefening en<br />
intellektuele aktiwiteit binne sekere dissiplines neergelê en<br />
afgedwing word, by name in die politieke teorie, die politieke<br />
wetenskap en die regswetenskap. Deur die aktiwiteite van die<br />
beoefenaars van verskeie wetenskaplike dissiplines word ’n ortodokse<br />
wetenskap beoefen wat op die beveiliging en voortsetting van die<br />
bestaande staatlike orde afgestem is. Ofskoon hierdie paradigma ’n<br />
besonder kragtige rol speel, is dit versweë. Daar word nie daaroor<br />
gepraat of gereflekteer nie. Dit word as ’n normale en<br />
vanselfsprekende gegewe van die werklikheid beleef en hanteer, byna<br />
asof dit ’n natuurlike gegewe is. Dit is natuurlik nie die geval nie. Dit<br />
is ’n historiese en dus ’n tydelike verskynsel. Dit het gekom en dit kan<br />
weer gaan, maar omdat dit as natuurlik beleef word — as ’n<br />
gereïfiseerde gegewe — word die verganklikheid daarvan nie oorweeg<br />
nie. Dit is juis die indruk van natuurlikheid en onverganklikheid wat<br />
die staatlike paradigma so gedug maak, want met die gevestigde<br />
wanindruk is daar per slot van sake net een realistiese reaksie daarop.<br />
Dit is om jou daarby neer te lê, dit te aanvaar en dus gelate aan die<br />
hand van sy voorskrifte op te tree.<br />
Daar is voortdurend ’n noue wisselwerking tussen hierdie twee<br />
aspekte van staatlikheid, dit wil sê tussen staatlike identiteit en die<br />
staatlike paradigma. Wetenskaplike arbeid ingevolge die staatlike<br />
1<br />
B Parekh Rethinking multiculturalism: Cultural diversity and political theory<br />
(2000) 185.
Staatlikheid 3<br />
paradigma word aangewend om staatlike identiteit te verskans en te<br />
bevorder, om potensieel mededingende identiteite te bestry, asook<br />
om individuele en groepsafhanklikheid van die staat te verstewig.<br />
Die patroon van wetenskapsbeoefening kragtens die staatlike<br />
paradigma is dus funksioneel omdat dit aangewend word om die<br />
bestaande orde te dien en teen verandering te beskerm. Waarmee ons<br />
hier te doen het, is dus ’n wesenlik konserwatief geneigde vorm van<br />
wetenskapsbeoefening, aangesien dit gemik is op die instandhouding<br />
van die staatlike status quo. Die oomblik wanneer ’n begrip soos<br />
konserwatief ter sprake kom, duik die vraag op of ons dan werklik met<br />
wetenskap te doen het en of ons ons nie eerder hiermee op die terrein<br />
van die politiek en ideologie begeef nie. Die antwoord is dat albei<br />
gelyktydig voorhande is: wetenskap sowel as ideologie. Ons het<br />
inderdaad met ’n grys veld, selfs ’n volledige konkurrensie van<br />
wetenskap en ideologie, te make. Dit is juis daarom dat ek<br />
staatlikheid as staatsideologie beskryf.<br />
Die staat in gedrang<br />
Dit mag vreemd voorkom dat dit nodig is om op staatlikheid te fokus,<br />
aangesien die staat tans toenemend in die gedrang is en die staat se<br />
posisie as sentrale politiek-juridiese instelling toenemend betwis<br />
word. Trouens, een van die gewildste — selfs opwindende — temas van<br />
ons tyd is om te fokus op die verskeidenheid van kragte wat die staat<br />
onder druk plaas.<br />
Die staat se gesag, so word gesê, het opwaarts, sywaarts en<br />
afwaarts weggesyfer. 2 Die staat verkeer onder druk van die politiek<br />
van kulturele identiteit, dié van nuwe nasionalisme aan die een kant 3<br />
en van internasionale ekonomiese integrasie — globalisering — aan die<br />
ander kant. 4 Die staat het soveel aan ekonomiese soewereiniteit<br />
ingeboet dat daar soms twyfel uitgespreek word of dit die<br />
hoofbousteen van regering sal bly. 5 Die tradisionele beginsel van<br />
staatlike soewereiniteit en die verbod op inmenging in die<br />
huishoudelike aangeleenthede van state, wat in artikel 2(7) van die<br />
Handves van die Verenigde Nasies vervat word, word deur sommiges<br />
as tans niks meer nie as ’n juridiese fiksie beskou. 6 Ook word die<br />
mening gehuldig dat die verwering van die staat so ver gevorder het<br />
2<br />
3<br />
S Strange ‘The defective state’ (1995) 125 Daedalus 56.<br />
V Cable ‘The diminished nation state: A study in the loss of economic power’<br />
4<br />
5<br />
6<br />
(1995) 125 Daedalus 23.<br />
Cable (n 3 hierbo).<br />
Cable (n 3 hierbo).<br />
Strange (n 2 hierbo) 66.
4 Hoofstuk 1<br />
dat die konsep van staatlike (nasionale) identiteit ’n anachronisme<br />
geword het. 7<br />
Ekonomiese globalisering het tot gevolg dat kapitaal in so ’n mate<br />
mobiel geraak het dat ’n terugkeer na valutabeheer nouliks denkbaar<br />
is. 8 Sommige multinasionale korporasies benut hierdie vrye vloei van<br />
kapitaal so doeltreffend deur wêreldwyd te investeer dat hulle<br />
beswaarlik meer gesien kan word as behorende tot ’n bepaalde staat.<br />
Hulle het tewens staatloos geraak 9 en daarmee gepaardgaande lyk die<br />
topbesture van hierdie korporasies ook toenemend na ’n staatlose<br />
elite. 10<br />
Globalisering bring ook ’n markgedwonge eendersheid van<br />
nasionale ekonomiese beleid mee. Alle state beleef die noodsaak vir<br />
belegging van multinasionale maatskappye en is almal gevolglik<br />
genoop tot fiskale, monetêre en arbeidsbeleid wat dergelike<br />
beleggings aantrek. 11 Dit verswak die beleidsvryheid van state en<br />
bring ook mee dat nasionale wetgewers slegs beperkte beweegruimte<br />
het met betrekking tot die formulering van ekonomiese beleid. 12<br />
Globalisering het ook tot gevolg dat tegnologiese, rekeningkundige en<br />
handelsregtelike standaarde wat eers volledig nasionaal vasgestel is,<br />
nou toenemend op globale of regionale skaal geharmonieer word, 13<br />
wat opsigself ’n verdere verwerende uitwerking op staatlike<br />
soewereiniteit het. 14<br />
Benewens globalisering, wat die staat op verdediging het, is daar<br />
die kragtige verskyning van die politiek van identiteit wat sigself al<br />
hoe sterker laat geld. Nuwe partye en bewegings wat die klem op<br />
partikuliere identiteit, hetsy ten aansien van taal, kultuur, godsdiens,<br />
gebied of watter ander partikuliere identiteit ook al plaas, is oral<br />
besig om veld te wen. 15 Die politiek van identiteit het inderdaad die<br />
ou ideologiese kategorieë van links na regs op ’n ideologiese spektrum<br />
heeltemal ontwrig 16 en plaas tegelyk ook baie state onder die druk<br />
van middelpuntvliedende kragte. Dienooreenkomstig het die afgelope<br />
twee dekades ’n beduidende toename in die ontstaan van nasiestate<br />
wat uit toenmalige multinasionale state ontstaan het, waargeneem.<br />
7<br />
B Turner ‘Outline of a theory of citizenship’ in C Mouffe (red) Dimensions of<br />
Radical Democracy (1992) 58.<br />
8 Cable (n 3 hierbo) 27.<br />
9<br />
Cable (n 3 hierbo) 30; VA Schmidt ‘The new world order incorporated’ (1995) 125<br />
Daedalus 79.<br />
10 Cable (n 3 hierbo) 36.<br />
11<br />
Cable (n 3 hierbo) 40.<br />
12 Schmidt (n 9 hierbo) 76.<br />
13 Cable (n 3 hierbo) 34.<br />
14<br />
Vgl in die algemeen TL Friedman The world is flat: The globalized world in the<br />
twenty first century (2005).<br />
15 Cable (n 3 hierbo) 44.<br />
16<br />
Cable (n 3 hierbo) 46; sien ook in die algemeen SP Huntington The Clash of<br />
Civilizations and the Remaking of World Order (1996).
Staatlikheid 5<br />
Ofskoon die staat onder druk verkeer, is die era van die staat<br />
klaarblyklik nog nie ’n gedane saak nie. Soos in hoofstukke 6 tot 9<br />
verduidelik word, bied die staat steeds hardnekkig en grootliks<br />
suksesvol weerstand teen nie-staatlike uitdagers. Die staatlike<br />
paradigma ondergaan deurlopend verfyning wat daarop gemik is om<br />
sekere konsepte en strominge wat die staatlike orde mag bedreig, te<br />
domestiseer — mak te maak — en dan tot voordeel van die staatlike<br />
orde aan te wend.<br />
Die staat is steeds die enkele konsep wat die politiek oorheers.<br />
Politiek is daar waar die staat is. 17 Op ’n praktiese vlak is dit<br />
heeltemal ondenkbaar om die lewe sonder die staat voor te stel. Die<br />
staat is steeds die voorste afdwinger van openbare identiteit en vir<br />
die individuele persoon is daar steeds geen heenkome buite en sonder<br />
die staat nie. 18 Die staat vervul so ’n sentrale rol in die daaglikse<br />
menslike bestaan dat ’n behoorlike begrip daarvan krities belangrik is<br />
vir die verstaan van die denke en politieke praktyk van die<br />
negentiende en twintigste eeue en van die huidige era.<br />
Die staat is die vertrekpunt vir bykans alle politieke en juridiese<br />
teoretisering. Konsepte soos die reg, regte, verpligtinge, vryheid,<br />
gesag en soewereiniteit is almal staatsverwant. Bykans alle probleme<br />
van die politiek en van die mees sentrale probleme van die reg is heg<br />
met die staat ineengestrengel en werk nolens volens met die staat as<br />
die uitdruklike of versweë grondslag en vertrekpunt. 19<br />
Voor die staat<br />
Die staat het natuurlik nie altyd hierdie dominante posisie beklee nie.<br />
Dit is voorafgegaan deur die rykskerklike wêreldgeheel van<br />
Middeleeuse Wes-Europa: die godsdienstige geheel georganiseer<br />
binne die Rooms-Katolieke Kerk en die gelyklopende politieke<br />
(wêreldlike) geheel georganiseer binne Heilige Romeinse ryk. Almal<br />
was lede van hierdie Republica Christiana. 20 Openbare identiteit is<br />
bepaal deur lidmaatskap van die Republica Christiana en nie deur<br />
burger te wees van ’n staat soos vandag nie. Binne hierdie<br />
godsdienstig bepaalde orde was politiek nie staatsgedrewe nie maar<br />
trouens ’n blote onderdeel van die teologie. 21<br />
17 A Vincent Theories of the State (1987) 5; FC Field Political Theor Methuen (1963)<br />
18<br />
54.<br />
Vincent (n 17 hierbo) 2; JR Strayer On the medieval origins of the modern state<br />
19<br />
20<br />
21<br />
(1970) 1.<br />
Vincent (n 17 hierbo) 3 en 5.<br />
Vincent (n 17 hierbo) 15.<br />
Vincent (n 17 hierbo) 15.
6 Hoofstuk 1<br />
In hierdie voor-staatlike era was die taak om die politiek-sosiale<br />
kohesie en eenheid in stand te hou grootliks ’n godsdienstige funksie.<br />
Lojaliteit en verpligtinge is deur ’n goddelik geïnspireerde gemeenskaplike<br />
Christelike burgerskap aangekweek. 22<br />
Vanaf die vyftiende eeu het ’n nuwe soort politieke assosiasie<br />
toenemend sy verskyning in Wes-Europa begin maak. 23 Dit was egter<br />
’n gestadigde proses. Die Kerkhervorming — die onherroeplike<br />
skeuring in die Republica Christiana — het die proses egter<br />
gefinaliseer en onomkeerbaar gemaak. Selfs aan die begin van die<br />
sewentiende eeu het lidmaatskap van die Christelike orde egter nog<br />
voorrang bo lojaliteit aan die nuwe state geniet. 24 Teen die einde van<br />
die sewentiende eeu is die tydvak van die Republica Christiana finaal<br />
tot die verlede toevertrou en het die era van staatlikheid aangebreek.<br />
Ons is vandag steeds in die staatlike tydvak.<br />
Die oorgang van ’n universele godsdienstige Republica Christiana<br />
na staatlikheid is treffend gedemonstreer met die ooreenstemmende<br />
wisseling van benamings vir Europa. Teen 1600 het Wes-Europa steeds<br />
as Christendom bekend gestaan. 25 Die begrip Europa is daarenteen<br />
met die verskynsels van sekularisering, soewereine state en<br />
godsdiensvryheid verbind en het daarmee saam ook die teenpool van<br />
’n uniforme Christelike politieke orde versinnebeeld. Teen 1680 was<br />
die ideaal van ’n universele monargie en ’n verenigde algemene<br />
Christendom egter reeds in so ’n mate van die baan dat dit deur die<br />
meer paslike begrip Europa vervang is. 26<br />
Die staat wat sy verskyning in hierdie tyd maak en teen die einde<br />
van die sewentiende eeu goed gevestig was, was ’n entiteit wat tot<br />
op daardie stadium ongekend was. Dit was ’n onpersoonlike,<br />
abstrakte en permanente konstitusionele entiteit wat beheer oor ’n<br />
gekonsolideerde grondgebied uitgeoefen het. 27 Dit was onpersoonlik<br />
en abstrak in die sin dat die staat na dese, anders as in die verlede,<br />
nie die verganklike vors aan wie persoonlike lojaliteit verskuldig was<br />
in die sentrum plaas nie; nee, die staat voer nou ’n outonome en<br />
blywende bestaan los van die tydelikheid en sterflikheid van die<br />
vors. 28 Die staat word onderskei van sy regeerders en sy amptenare<br />
22 JR Morral Political thought in medieval times (1958) 10; C Brooke Europe in the<br />
Central Middle Ages 962-1124 (1987) 39.<br />
23 KHF Dyson The State Tradition in Western Europe (1980) 25.<br />
24 H Kohn The idea of nationalism (1944) 187.<br />
25<br />
DH Pennington Seventeenth Century Europe (1970) 21; JM Roberts The Penguin<br />
History of Europe (1996) 172.<br />
26 HD Schmidt ‘The establishment of Europe as a Political Expression’ (1966) 9 The<br />
Historical Journal 172.<br />
27 Dyson (n 23 hierbo) 28; D Held et al ‘The State’ in T Ball et al (reds) States and<br />
Societies (1985) 1; Q Skinner Political innovation and conceptual change (1989)<br />
112.<br />
28 Skinner (n 27 hierbo) 112.
Staatlikheid 7<br />
wat tydelik met gesag beklee is, maar word ook onderskei van die<br />
samelewing of gemeenskap waaroor dit beheer uitoefen. Quentin<br />
Skinner stel dit soos volg:<br />
Rather the state must be acknowledged to be an entity with a life of its<br />
own, an entity which is at one distinct from both rulers and ruled and is<br />
able in consequence to call upon the allegiance of both parties. 29<br />
Die nuwe politieke entiteit van die staat bring mee dat die ou<br />
benaminge wat aangewend is om die Middeleeue en Renaissance se<br />
politieke entiteite te beskryf heeltemal verouderd geraak het. Vroeër<br />
is begrippe soos realm (ryk), body politic, commonwealth, common<br />
weal, civitas en republiek aangewend 30 as benaminge vir die talle<br />
Middeleeuse en Renaissance koninkrykies en klein republieke — almal<br />
klein politieke entiteite van beperkte tydruimtelike omvang.<br />
Die nuwe staat met sy outonome, permanente en onpersoonlike<br />
en abstrakte karakter verskil so drasties van sy voorgangers dat al<br />
hierdie terme mettertyd weens hulle ontoereikendheid om die nuwe<br />
entiteite te beskryf in onbruik verval. Daar was behoefte aan ’n nuwe<br />
begrip om die nuwe entiteit te beskryf. Die nuwe term is staat,<br />
(state/etat). Dit word vir die eerste maal in 1538 deur Thomas<br />
Starkey gebruik, maar vind nog nie werklik inslag nie. Later word dit<br />
gebruik deur Raleigh, Francis Bacon asook in die Engelse vertaling<br />
vroeg in die sewentiende eeu van Jean Bodin se werk. 31 Dit is egter<br />
veral by Thomas Hobbes dat begrip vir die koms van die nuwe<br />
politieke entiteit terminologies uitdruklik verreken word. Ofskoon<br />
Hobbes soms nog ander terme aanwend, behandel hy die staat<br />
eksplisiet as onpersoonlike, outonome en soewereine entiteit — die<br />
staat in sy nuwe gedaante. 32<br />
Die territoriale staat<br />
Hobbes gaan uit sy pad om die nuwe entiteit paslik te benoem. Hierdie<br />
kunsmatige, orde-stigtende en orde-handhawende entiteit is in<br />
Hobbes se oë die sterflike god, die staat, of waarvoor Hobbes by<br />
uitnemendheid bekend is, die Leviatan. Hierdie Leviatan, die staat,<br />
is sedert die dae van Hobbes die meesternaamwoord, die meesterkonsep<br />
van die openbare diskoers, 33 die inspirasie vir die staatlike<br />
paradigma sowel as die bron en afdwinger van staatlike identiteit.<br />
29<br />
Skinner (n 27 hierbo) 112.<br />
30 Skinner (n 27 hierbo) 121; Dyson (n 23 hierbo) 36.<br />
31 Skinner (n 27 hierbo) 120; Dyson (n 23 hierbo) 36.<br />
32<br />
Skinner (n 27 hierbo) 121.<br />
33 Skinner (n 27 hierbo) 123.
8 Hoofstuk 1<br />
Daar word vandag algemeen na die staat as die nasionale staat of<br />
die nasiestaat verwys. Dit is ’n verwarrende maar goedgevestigde<br />
wanbenaming. Dié wanbenaming gaan uit van die aanname dat state<br />
hulself onderskei deur die eiesoortige nasies wat in die verskillende<br />
state gehuisves word, oftewel dat dit ’n besondere eienskap van elke<br />
staat is dat elkeen deur ’n eiesoortig onderskeibare nasie bewoon<br />
word. Dit is natuurlik allermins die geval. Vir ’n entiteit om as staat<br />
te kwalifiseer, word nie vereis dat dit die politieke ordening van ’n<br />
bepaalde nasie moet wees nie. Om die staat dus juis as nasiestaat te<br />
beskryf, is misplaas en misleidend.<br />
Die wanbenaming is te wyte aan die vereenselwiging van nasie<br />
met staat. Die vermaarde historikus Hugh Seton-Watson lig hierdie<br />
wanbenaming en voortspruitende verwarring toe wanneer hy sê:<br />
The belief that every state is a nation, or that all sovereign states are<br />
national states, has done much to obfuscate human understanding of<br />
political realities. A state is a legal and political organization, with the<br />
power to require obedience with loyalty from its citizens. A nation is a<br />
community of people, whose members are bound together by a sense of<br />
solidarity, a common culture, a national consciousness. Yet in the<br />
common usage of English and other modern languages the two distinct<br />
relationships are frequently confused. 34<br />
Met die oog daarop om die huidige staat meer korrek te beskryf,<br />
behoort meer gepaste terme dus gebruik te word. Een alternatiewe<br />
moontlikheid is dié van soewereine staat, 35 maar die<br />
soewereiniteitsverlies waarna hierbo verwys is, diskwalifiseer dié<br />
benaming. Will Kymlicka se gebruik van die benaming multinasiestaat<br />
in plaas van nasiestaat het meriete omdat dit die valsheid<br />
dat ’n bepaalde nasie telkens sy eie staat bewoon eweneens aan die<br />
lig bring. 36 Micheal Walzer se keuse van putatiewe nasionale staat 37<br />
stel die onkritiese foutiewe gebruik van nasiestaat eweneens aan die<br />
kaak en is om daardie rede ook verdienstelik.<br />
In hierdie werk word nie by die wanbenaming nasiestaat gehou<br />
nie. Verskeie ander terme is meer gepas. Daar is verskeie teoretici<br />
34 H Seton-Watson Nations and States (1977) 1.<br />
35 Seton-Watson (n 34 hierbo) 2.<br />
36 W Kymlicka Liberalism, community and culture (1991) 239.<br />
37 M Walzer ‘Pluralism: A political perspective’ in W Kymlicka The Rights of<br />
Minorities (1995) 140.
Staatlikheid 9<br />
wat oortuigend eerder die begrip territoriale staat verkies. 38 Ek vind<br />
die begrip aantreklik, aangesien dit die aard van die staat veel<br />
getrouer raakvat as die begrip nasiestaat. Dit is ’n soewereine<br />
politieke organisasie binne ’n vasgestelde gebied, ongeag<br />
bevolkingshomogeniteit of heterogeniteit en ongeag of daar enige<br />
kulturele, linguistieke, godsdienstige of etniese gemeenskaplikheid of<br />
binding by die staatsbevolking aanwesig is. ’n Alternatiewe begrip wat<br />
nou by die term territoriale staat aansluiting vind, is dié van<br />
burgerstaat. 39 Die begrip gee te kenne dat die enigste<br />
gemeenskaplike faktor van die persone wat in ’n staat woon, hulle<br />
gemeenskaplike abstrak-juridiese verhouding met die staat is en dui<br />
nie op enige bykomende gemeenskaplikheid, byvoorbeeld uit hoofde<br />
van kultuur, taal, godsdiens of etnisiteit nie. Anders as nasiestaat wat<br />
verkeerdelik suggereer dat die hedendaagse staat gekenmerk word<br />
deur die gemeenskaplike kulturele aard van die persone wat die staat<br />
bewoon, is hierdie benaming vry van hierdie wanvoorstelling. Vir<br />
redes wat veral uit hoofstuk 6 blyk, verkies ek territoriale staat as die<br />
mees korrekte beskrywing en gebruik dit hierna deurlopend.<br />
Die hoofstukindeling sien vervolgens soos volg daaruit: In hoofstuk<br />
2 word die voorganger van die era van staatlikheid, die Republica<br />
Christiana, bespreek. Dié bespreking verhelder ’n begrip van die<br />
besonderse aard van die huidige staatlike tydvak. In hoofstuk 3 word<br />
die wegbereiding na die tydvak van staatlikheid bespreek. Hierin word<br />
die filosofiese en politieke erosie van die universele Christelike orde<br />
toegelig en word daar aangedui hoe ’n variasie van kragte en<br />
uiteindelik die Kerkhervorming — ’n epogmakende rewolusionêre<br />
politieke gebeurtenis — die Republica Christiana finaal onbestaanbaar<br />
gemaak het en die era van staatlikheid aangekondig het.<br />
In hoofstuk 4 word op die denkarbeid van die pioniers van<br />
staatlikheid gefokus. Daar is talle van hulle, maar pertinent onder<br />
bespreking is veral Jean Bodin, Thomas Hobbes, John Locke en Hugo<br />
de Groot.<br />
Hoofstuk 5 handel eerstens oor wat met die begrip paradigma<br />
bedoel word. Daarna word die parameters en die dissiplines van die<br />
staatlike paradigma in die besonder blootgelê. Hoofstuk 6 tot 9 fokus<br />
op verskeie aspekte van die staatlike paradigma en identiteit.<br />
38 Sien bv. die Engelse regshistorikus, W Holdsworth A History of English Law (1937)<br />
Vol VIII 310 asook R Falk ‘The Rights of Peoples (In particular indigenous peoples)’<br />
in J Crawford The rights of peoples (1988) 26; S Strange (n 2 hierbo) 70; JN Figgis<br />
Political thought from Gerson to Grotius, 1414-1625 (1960) 72; AB Bozeman<br />
Conflict in Africa (1976) 131; J Habermas ‘Law and Morality’ in M Mc Currin<br />
Stanley (red) The Tanner Lectures on Human Values Vol VIII (1988) 260; H Spruyt<br />
The sovereign state and its competitors: An analysis of systems change (1994) 3;<br />
HJ Berman Law and Revolution: The formation of the Western Legal Tradition<br />
(1983).<br />
39 NGS van der Walt Die Republikeinse Strewe (1969) 18-19.
10 Hoofstuk 1<br />
Hoofstuk 6 behandel staatsbou (nasiebou) as grondliggende strategie<br />
van staatlike identiteit en toon aan hoe juridiese kategorieë vir die<br />
doel aangewend word. Hoofstuk 7 fokus op demokrasie en<br />
demokratiese teorie en toon aan hoe demokrasie wat die vermoë het<br />
om die bestaande staatlike orde onder druk te plaas deur<br />
teoretisering volgens die staatlike paradigma kragteloos gemaak is en<br />
uiteindelik in diens van staatlike identiteit geplaas is. In hoofstuk 8<br />
kom menseregte aan die beurt. Daarin word aangetoon dat hoewel<br />
menseregte voorgee om die staat — in die vorm van die regering — aan<br />
bande te lê, dit uiteindelik meewerk tot die versterking van die staat<br />
en die bestendiging van individuele en groepsafhanklikheid van die<br />
staat. Hoofstuk 9 fokus op twee algemene regskonsepte wat tekenend<br />
is van hoe die regswetenskap die staatlike orde dien. Daar is talle<br />
regskonsepte en regsfigure van die aard maar in hoofstuk 9 word<br />
stilgestaan by twee van die treffendste daarvan — een op die<br />
huishoudelike terrein en die ander op die gebied van die<br />
internasionale reg. Gevolglik word eerstens stilgestaan by<br />
hoogverraad en dan by die internasionaalregtelike regsposisie<br />
rakende territoriale integriteit en die beperkings op selfbeskikking en<br />
sesessie.<br />
Daar word egter nie volstaan met ’n beskrywing en toeligting van<br />
die staatlike paradigma en die dwang van territoriaalstaatlike<br />
identiteit nie, want daar is ook ’n aantreklike ruimte anderkant die<br />
noutes van die territoriale staat. Waarvan hier gepraat word, is nie<br />
net van die globalisering nie, maar van ’n politiek-juridiese orde. Dit<br />
is waarna ek as politokrasie of dan ’n politokratiese orde verwys. Die<br />
besonderhede van politokrasie word in hoofstuk 10 toegelig.
HOOFSTUK<br />
2<br />
1 Godsdienstige identiteit<br />
REPUBLICA CHRISTIANA -<br />
DIE VOORGANGER VAN<br />
STAATLIKHEID<br />
Met die kroning van Karel die Grote deur pous Leo III as Imperator<br />
Christianissimus op Kersdag van die jaar 800 is die lang oorgang van<br />
die sekulêre Romeinse ryk tot ʼn nuwe universele Christelike<br />
gemenebes (commonwealth) finaal voltrek. Ofskoon Karel se ryk nie<br />
standhoudend was nie, het dit ʼn blywende nalatenskap gehad,<br />
naamlik die denkbeeld van ʼn verenigde Christendom binne ʼn<br />
verenigde ryk. Hierdie denkbeeld was in die daaropvolgende<br />
Middeleeue die spilpunt van politieke denke en praktyk 1 en was die<br />
primêre bron van openbare individuele identiteit van die Wes-<br />
Europese mens.<br />
Die wortels van die Middeleeuse Christelike orde is herleibaar na<br />
die afsluiting van die stadstaatlike (polis) orde van die Klassieke. 2 Die<br />
fokus van die antieke Griekse politiek en politieke filosofie was die<br />
polis-burger in noue samehang met sy mede-burgers, en hulle<br />
gesamentlike lotgevalle binne die allerbelangrike polis. Die<br />
vervanging van die polis met ʼn omvangryke wêreldstaat — ʼn<br />
kosmopolis — wat met die koms van die Masedoniese ryk van<br />
Alexander die Grote, en later die Romeinse ryk gevestig is, het die<br />
sentrale posisie wat polis-burgerskap in die politieke filosofie en die<br />
politiek gehad het aan die verlede toevertrou. Die nuwe tema wat<br />
met die koms van die kosmopolitiese orde op die voorgrond tree,<br />
fokus op die individu as losstaande en dikwels afsydige enkeling in ʼn<br />
universele kosmopolis, en nie meer op die individu as deelnemende<br />
polis-burger, soos tevore nie. 3<br />
1 T van Wyk en SB Spies Western Europe from the decline of Rome to the<br />
Reformation (1985) 88; H Kohn The Idea of Nationalism (1944) 78.<br />
2<br />
GH Sabine A History of Political Theory (1971) 159.<br />
3 WW Tarn Hellenistic Civilization (1952) 79.<br />
11
12 Hoofstuk 2<br />
Die Christelike universalisme van die Middeleeue is ʼn latere fase<br />
van hierdie epog. 4 Die filosofiese impetus van hierdie epog is deur die<br />
Stoïsynse filosofie verskaf wat omstreeks 300 v.C. ontstaan het. 5 Die<br />
Stoïsynse universalisme het die politieke en geesteswêreld van die<br />
Romeinse ryk grondig beïnvloed en ʼn onmiskenbare stempel op die<br />
Romeinse reg en politiek afgedruk. Hiervan getuig die verordening van<br />
die keiserlike edik, die Constitatio Antoniana, deur keiser Caracalla<br />
in die jaar 212. 6 Hierdie edik het Romeinse burgerskap geuniversaliseer<br />
deur dit na bykans alle inwoners van die Ryk uit te<br />
brei. 7<br />
Waar Rome in die Weste vir eeue lank die sentrum van die<br />
Romeinse ryk was, het politieke, ekonomiese en kulturele kragte<br />
mettertyd meegebring dat die swaartepunt van die Ryk gaandeweg na<br />
die oostelike Middellandse seegebied verskuif het. Dit het ʼn leemte in<br />
die Weste gelaat wat mettertyd deur die kerk en sy funksionarisse<br />
gevul is en wat aan Wes-Europa sy spesifiek godsdienstig gefundeerde<br />
universalisme en identiteit besorg het. 8<br />
Die vestiging van die swaartepunt van die Romeinse ryk in die<br />
oostelike Middellandse seegebied is onder meer gedemonstreer deur<br />
die filosofiese skole en regskole wat albei in die ooste tuistes vind:<br />
eersgenoemde in Athene en laasgenoemde in Beiroet. Na 200 n.C.<br />
kom al die vooraanstaande skrywers van die Ryk ook uit die ooste.<br />
Rome was ook nie meer die ekonomiese swaartepunt nie. Dié het ook<br />
ooswaarts verskuif. Nog belangriker was dat tweederdes van die<br />
bevolking van die Ryk in die oostelike deel gevestig was. 9 Die<br />
oostelike deel was ekonomies bedrywig en intellektueel<br />
gesofistikeerd; die weste daarenteen, het algaande meer landelik en<br />
ongesofistikeerd geword. 10 Die politieke sentrum was Konstantinopel<br />
en nie meer Rome nie.<br />
Die kerk en sy funksionarisse — sy biskoppe en later sy monnike —<br />
was egter steeds in die weste — in Italië en omstreke. Hier het die<br />
geleidelike mags- en invloedverlies van die Ryk deurlopend ook die<br />
mag- en invloedswins van die kerk beteken. Die agteruitgang van die<br />
staat was die vooruitgang van die kerk. Maatskaplike beskutting is<br />
toenemend deur die biskoppe verskaf en nie meer deur die magistrate<br />
van die Ryk soos tevore nie. Die kerk het die verskaffer van skole en<br />
4<br />
5<br />
6<br />
Sabibne (n 2 hierbo) 161.<br />
Sabibne (n 2 hierbo) 145.<br />
DH van Zyl Geskiedenis en beginsels van die Romeinse Reg (1977) 48; P van<br />
7<br />
Warmelo An introduction to the principles of Roman civil law (1976) 44.<br />
Van Zyl (6 hierbo) 81; Van Warmelo (n 6 hierbo) 44; WW Buckland A textbook of<br />
8<br />
9<br />
10<br />
Roman law: From Augustus to Justinian (1968) 98.<br />
JR Morral Political thought in medieval times (1958) 10.<br />
H Trevor-Roper The rise of christian Europe (1966) 47-8.<br />
H Trevor-Roper (n 9 hierbo) 49-50.
Republica Christiana - die voorganger van staatlikheid 13<br />
hospitale geword. Die kerk, in plaas van die staat, het ook toenemend<br />
die beskermer teen wanhoop en armoede geword. Sonder dat dit<br />
beplan is, het die biskop, met die goedkeuring van die bevolking, die<br />
funksies van die staatlike administrateur oorgeneem. 11 Die kerk het<br />
dus die vakuum wat weens die verbrokkeling van die staat gelaat is,<br />
gevul. 12<br />
Men were finding in membership of the Christian Church the sense of<br />
citizenship which neither Rome nor municipality could any longer offer<br />
them. 13<br />
Tot so laat as die vyfde eeu n.C. was die Wes-Romeinse samelewing<br />
egter steeds ʼn sekulêre gemeenskap met die Christelike godsdiens as<br />
staatsgodsdiens. Teen die agtste eeu het die prentjie egter heeltemal<br />
verander. Teen daardie tyd het dit ontwikkel tot ʼn wesenlik<br />
Christelike gemeenskap 14 waarin die kerk bykans alle lewenssfere<br />
oorheers het. Hierdie gemeenskap was, anders as sy sekulêre<br />
voorgangers wie se blik op die Middellandse See gerig was, toenemend<br />
op Noordwes-Europa gefokus. Dit is versinnebeeld deur Karel die<br />
Grote se besluit om sy hoofstad in Aachen naby Keulen in die huidige<br />
Duitsland te vestig.<br />
Een van die belangrikste gebeure wat die oorgang vanaf die<br />
Klassieke wêreld na die naderende godsdienstig gesentreerde<br />
Middeleeue aangekondig het, was die verskyning van die kerkvader,<br />
Augustinus se De Civitatis Dei aan die begin van die vyfde eeu. Daar<br />
word gesê dat hierdie werk so belangrik is, dat dit nie werklik<br />
moontlik is om die Middeleeue daarsonder te verstaan nie. 15<br />
Augustinus het beleef hoe die Wesgote onder die aanvoering van<br />
Alarik die ondenkbare vermag het deur Rome in 410 te plunder.<br />
Daarmee is die oënskynlik onvernietigbare Pax Romana tot die<br />
uiterste skok van Romeinse burgers tot in sy fondamente geskud. Dit<br />
was teen die agtergrond van hierdie traumatiese gebeure dat<br />
Augustinus probeer het om ʼn visie voor te hou van ʼn tydlose ryk van<br />
vrede en geregtigheid in die goddelike gemenebes — die Civitas Dei. 16<br />
Die latere totstandkoming van die Heilige Romeinse ryk het sy bestaan<br />
onder meer aan die hand van Augustinus se werk gelegitimeer. 17<br />
Trouens, De Civitatis Dei se invloed het slegs gegroei en lord Bryce het<br />
11<br />
12<br />
13<br />
14<br />
15<br />
16<br />
RH Barrow The Romans (1949) 191.<br />
Kohn (n 1 hierbo) 76.<br />
Barrow (n 11 hierbo) 190.<br />
Van Wyk & Spies (n 1 hierbo) 72-3.<br />
JN Figgis Political aspects of St Augustine’s City of God (1963) 1.<br />
W Ebenstein Great political thinkers: Plato to present (1969) 175; Figgis (n 15<br />
17<br />
hierbo) 6; 42.<br />
Figgis (n 15 hierbo) 85.
14 Hoofstuk 2<br />
— moontlik ietwat oordrewe — verklaar dat De Civitatis Dei die<br />
grondslag vir die Heilige Romeinse ryk gelê het. 18<br />
Augustinus het eerstens gepoog om die Christendom teen die<br />
verwyt dat dit die agteruitgang van die Romeinse ryk veroorsaak het<br />
te verdedig. Die Christendom is daarvan beskuldig dat dit weens die<br />
verwaarlosing van burgerlike waardes en republikeinse deugde die<br />
verwering van die inherente weefsel van die ryk veroorsaak en<br />
sodoende die weerstandsvermoë van die ryk terminaal verswak het. 19<br />
Augustinus se werk is egter allermins bloot defensief. Dit verskaf<br />
ook ʼn filosofies-teologiese apologie vir die Christelik gesentreerde<br />
politieke geheel wat in die eeue hierna die lotgevalle van Wes-Europa<br />
bepaal het.<br />
Vir Augustinus stu die geskiedenis voort na die finale<br />
verwesenliking van ʼn goddelike oogmerk. In hierdie proses is aardse<br />
state van verbygaande aard en van bloot vlietende belang. Hierdie<br />
state kom en gaan. Daarteenoor word daar ʼn permanente goddelike<br />
staat bereik wat ook in hierdie wêreld neerslag vind. Die Romeinse<br />
staat is ook so ʼn tydelike aardse orde wat nie oor die vermoë beskik<br />
om werklike blywende veiligheid, geregtigheid en vryheid te verseker<br />
nie. 20<br />
Teenoor die verganklike ordes van hierdie wêreld staan die<br />
goddelike gemenebes — die Civitas Dei. Dit versamel sy lede uit die<br />
totale mensdom. 21 Die Civitas Dei het lank gelede reeds sy goddelike<br />
beslag gekry en is vir ewige bestaan bestem. Die Civitas Dei staan<br />
absoluut sentraal in die verloop van die wêreldgeskiedenis.<br />
Augustinus se uitgangspunt is die eenheid en die sosialiteit van die<br />
mensdom. 22 Die geskiedenis beweeg dan ook nie as ʼn wisselende<br />
klomp partikulieres voort nie, maar as ʼn universele eenheid wat die<br />
mensdom as geheel insluit. 23 Hierdie eenheid, wat ʼn mistiese geheel<br />
is, is die ryk van Christus. Dié mistiese geheel vind uitdrukking in die<br />
reële corpus Christianum, wat in die gedaante van die kerk hier op<br />
aarde georganiseer is. 24 Na die verval van die Romeinse ryk, wat as ʼn<br />
menslike skepping noodwendig ook moes ondergaan, is die oog op die<br />
Civitas Dei as die enigste ware gemeenskap gerig. In die ondermaanse<br />
wêreld identifiseer die kerk die sterkste met die Civitas Dei. Die kerk<br />
is as’t ware die simbool van die Civitas Dei.<br />
18 Figgis (n 15 hierbo) 84.<br />
19 Figgis (n 15 hierbo) 9; 36; Ebenstein (n 19 hierbo) 171-172.<br />
20<br />
Figgis (n 15 hierbo) 32-36.<br />
21 Figgis (n 15 hierbo) 21.<br />
22 Figgis (n 15 hierbo) 38.<br />
23<br />
Figgis (n 15 hierbo) 43.<br />
24 JPA Mekkes Ontwikkeling der humanistische rechstaatsreorieën (1940) 78.
Republica Christiana - die voorganger van staatlikheid 15<br />
Wat Augustinus oor die kerk en oor die verhouding tussen die kerk<br />
en die politieke orde (die staat) leer, is van kardinale belang,<br />
aangesien dit die rigting na die Middeleeuse universele godsdienstige<br />
orde aandui. Die kerk is vir Augustinus noodwendig ʼn universele en<br />
imperiale organisasie. 25 Die kerk, wat die Civitatis Dei as model het<br />
en wat die gemeenskap van gelowiges op aarde moet wees, moet<br />
noodwendig algemeen, oftewel katoliek wees. Dit word uit al die<br />
gelowiges, ongeag hulle agtergronde, byeengebring en kan dus nooit<br />
ʼn partikuliere karakter hê nie. 26 Hiermee verleen Augustinus die<br />
apologie vir die universele kerk van die Middeleeue. Die idee en ook<br />
die praktyk van die eenheid en universaliteit van die kerk is in ruime<br />
mate aan Augustinus toe te skryf.<br />
Die rol van die politieke orde gedurende die Middeleeue kan ook<br />
na Augustinus teruggespeur word. Augustinus erken die politieke orde<br />
as ʼn natuurlike gegewe. 27 Waar universaliteit en eenheid absolute<br />
voorwaardes vir die kerk is, is Augustinus daarenteen ʼn voorstander<br />
van partikuliere politieke ordes van beperkte omvang, wat as ’t ware<br />
assosiasies van families is. Die hoofdoel van die politieke orde is egter<br />
bloot om aanvullend tot die kerk op te tree. Die politieke orde se<br />
primêre funksie is om mense se wandel na die uiteindelike<br />
bestemming van die Civitas Dei te vergemaklik. 28 Die politieke orde<br />
moet vir godsdienstige doelstellings en dus vir die kerk diensbaar<br />
wees. 29 Politieke ordes moet as opvoeders optree, moet kettery<br />
bestry en is verplig om die leiding wat die kerk daaroor gee te<br />
aanvaar. 30<br />
Die primêr godsdienstige identiteit van hierdie era is in die<br />
oorheersende rol van die kerk weerspieël. Ongeveer alle<br />
ontwikkelings op die gebied van die landbou, die nywerheid en die<br />
handel was aan die bedrywighede van die kloosters te danke. Die<br />
aktiwiteite van die kloosters het in die tiende en elfde eeue ʼn<br />
beduidende bydrae gelewer om na die wanorde weens die Arabiese,<br />
Noorse en Hongaarse invalle in Wes-Europa, opnuut ekonomiese en<br />
burgerlike orde te herstel. 31<br />
Die klooster was ook die sentrum van intellektuele aktiwiteit van<br />
die Middeleeue en was dikwels die enigste alternatief vir die<br />
25 Die standpunt word gehuldig dat Augustinus die grondslag vir pouslike heerskappy<br />
in die kerk en vir kerklike heerskappy oor die staat gelê het. Sien byvoorbeeld<br />
Figgis (n 15 hierbo) 77.<br />
26 Figgis (n 15 hierbo) 70-71.<br />
27 Figgis (n 15 hierbo) 58; Mekkes (n 24 hierbo) 78.<br />
28<br />
Figgis (n 15 hierbo) 15.<br />
29 Mekkes (n 24 hierbo) 78-79.<br />
30 Figgis (n 15 hierbo) 78.<br />
31<br />
G Miccodi ‘Monks’ in J le Goff J et al (reds) The medieval world (Engelse vertaling<br />
deur LG Cochrane) (1990) 51.
16 Hoofstuk 2<br />
krygsprofessie 32 waarvoor nie almal in die wieg gelê is nie. Op die<br />
politieke terrein het opeenvolgende swak keisers in die weste, tesame<br />
met die disintegrasie van die burokrasie, die ruimte geskep vir die<br />
groei van die politieke mag van die kerk. Teen die einde van die sesde<br />
eeu het die verdwyning van die Romeinse staatsadministrasie uit<br />
Gallië (Frankryk) en Spanje asook die ondoeltreffende administrasie<br />
in Italië daartoe gelei dat die kerklui toenemend die administratiewe<br />
funksies in hierdie gebiede begin oorneem het. 33 Met die Lombardiese<br />
bedreiging van Italië laat in die sesde eeu het die enigste<br />
doeltreffende politieke leiding van die kant van die kerk gekom. Pous<br />
Gregorius die Grote het die tipies politieke funksie vervul om in 595 ʼn<br />
vredesooreenkoms met die Lombardiese koning, Aglulf, te<br />
onderhandel. 34 In die daaropvolgende eeue het kerklui as die enigste<br />
geletterde segment in die samelewing deurlopend die politieke en<br />
administratiewe funksies behartig. 35<br />
Die ekonomiese vermoë van die kerk het eweneens uitgebrei. Die<br />
kerk het ʼn groot grondbesitter geword en het welvarend geraak uit die<br />
landbouprodukte wat daarop verbou is. Die kerk het ook dikwels<br />
plaaslike markte en die meulens beheer. Daarbenewens het die kerk<br />
ook heelwat verdien uit die verlening van geestelike dienste waarvoor<br />
die lekevolk die kerklui en die laer kerklui die hoëres moes vergoed.<br />
ʼn Belasting vir die instandhouding van kerkgeboue is gehef, terwyl<br />
gelde ook betaal moes word vir voltrekking van huwelike, deelname<br />
aan die mis en vir verhore deur die kerklike howe. 36 Teen die jaar<br />
1000 was die kerk stewig gevestig as regeerder, grondeienaar,<br />
verhuurder, oplegger van belastings, ekonomiese produsent,<br />
grootskaalse werkgewer, handelaar, ambagsman, bankier, verbandnemer,<br />
sedebewaker, onderwyser en afdwinger van die gewete. 37<br />
Die boonste stratum van die Middeleeuse sosiale piramide is deur<br />
kerklui gevul en oorheers. In die twaalfde en dertiende eeue in<br />
besonder was regters, regslui en professionele adviseurs en<br />
funksionarisse van sekulêre howe hoofsaaklik kerklui en as hulle nie<br />
in die kanonieke reg opgelei was nie, was hulle ten minste met die<br />
hooftrekke daarvan vertroud. 38 In die Middeleeuse sosiale orde is ’n<br />
drieledige onderskeid tussen die aanbidders (oratores), krygers<br />
(bellatores) en werkers (laboratores) getref. Die kerklui — vernaamlik<br />
32 Miccodi (n31 hierbo) 64.<br />
33 Van Wyk & Spies (n 1 hierbo) 6.<br />
34 Van Wyk & Spies (n 1 hierbo) 65.<br />
35<br />
Ebenstein (n 19 hierbo) 243. B Tierney ‘Medieval Canon Law and Western<br />
Constitutionalism’ (1966) 52(1966) 52 The Catholic Historical Review 8 wys<br />
daarop dat daar ’n gedurige interaksie van idees en personeel tussen kerklike en<br />
wêreldlike regerings was.<br />
36 H Heaton Economic History of Europe (1948) 83, 84.<br />
37 Heaton (n 36 hierbo) 84.<br />
38 HJ Berman Law and revolution: The formation of the Western legal tradition<br />
(1983) 274.
Republica Christiana - die voorganger van staatlikheid 17<br />
die monnike — as die aanbidders, het die boonste en mees<br />
gesaghebbende posisie in hierdie orde beklee. Die monnik is as<br />
intellektueel verhewe beskou en die kloosterlewe het ʼn keuse vir<br />
kultuur en kennis verteenwoordig. 39 Geleerdheid was iets wat in die<br />
Middeleeue feitlik uitsluitlik vir kerklui gereserveer is. 40 Die teologie<br />
is as die hoogste uitdrukking van kennis beskou. 41<br />
Die sentrale eienskap van die Middeleeuse filosofie was die<br />
dominasie daarvan deur die Christelike teologie. Die filosofiese<br />
diskoers is benader vanuit teologiese veronderstellings en filosofiese<br />
kwessies is altyd in ʼn teologiese konteks aan die orde gestel. 42 By<br />
wysgerige kwessies was godsdiens primêr en filosofie sekondêr. 43<br />
Middeleeuse denke is primêr gekenmerk deur die uitgangspunt dat<br />
elke persoon in die eerste plek moet probeer sorg vir die saligmaking<br />
van sy siel en dat die redding van die siel die hoofdoel van elke mens<br />
se bestaan is. Dít was nie ʼn abstrakte ideaal nie, maar ʼn praktiese<br />
taak waaraan elkeen deurentyd aandag moes gee. Hierdie opvatting<br />
het ʼn neerdrukkende uitwerking op ekonomiese aktiwiteit<br />
uitgeoefen, want iemand wat sy energie bestee aan die verwerwing<br />
van rykdom in plaas van persoonlike saligmaking kon God beswaarlik<br />
behaag. 44<br />
Die oorheersing van godsdienstige universaliteit is deur twee<br />
eweneens universaliserende kragte aangehelp.<br />
Eerstens was die Latynse taal die eenvormige medium van<br />
geleerdheid en letterkundige opvoeding, asook die taal van die<br />
amptenary en van die diplomasie. 45 Latyn was die heilige globale taal<br />
van die hele Christelike wêreld wat oor partikuliere grense heen<br />
gestrek het. Juis hierdie gemeenskaplikheid wat deur Latyn teweeg<br />
gebring is, het die idee van ʼn globale Christelike wêreld denkbaar<br />
gemaak 46 en konkrete inhoud aan die Christelike gemeenskapsidee<br />
gegee.<br />
Tweedens was daar die kerklui — in besonder die monnikedom —<br />
wat danksy ʼn netwerk van kloosters dwarsoor Europa ʼn goed<br />
39 Miccoli (n 31 hierbo) 53, 64.<br />
40 MFB Brocchieri ‘The Intellectual’ in J le Goff et al (reds) The medieval world<br />
(Engelse vertaling deur LG Cochrane) (1990) 182.<br />
41 Brocchieri (n 40 hierbo) 187.<br />
42 FC Copleston A history of medieval philosophy (1975) 5, 9; RN Berki The history<br />
of political thought: A short introduction (1975) hfst 4 beskryf die politieke<br />
filosofie van die middeleeue as politieke denke met ’n religieuse visie.<br />
43 Ebenstein (n 19 hierbo) 214.<br />
44<br />
S Viljoen Economic systems in world history (1974) 158.<br />
45 Kohn (n 1 hierbo) 83; Broccheri (n 40 hierbo)184.<br />
46 B Anderson Imagined communities: Reflections on the origins and spread of<br />
nationalism (1983) 20-2 Koran-Arabies het dieselfde rol vervul en vervul dit<br />
steeds vandag in die heilige Islam-gemeenskap.
18 Hoofstuk 2<br />
georganiseerde eenvormige entiteit uitgemaak het. 47 Die geleerdes<br />
van Wes-Europa het ’n enkele ongedifferensieerde kulturele eenheid<br />
gevorm. 48<br />
Godsdiens was ook die hoofbepaler van die Middeleeuse globale<br />
politiek. Internasionale betrekkinge was in die Middeleeue primêr die<br />
gespanne interaksie tussen die Westerse Christendom en die<br />
Islamitiese Nabye Ooste, in plaas van interstaatlike betrekkinge soos<br />
tans. Daar was weliswaar politieke grense tussen gefragmenteerde<br />
feodale eenhede en later tussen die opkomende monargieë, maar die<br />
grense wat in die eerste plek saak gemaak het, was die breuklyne<br />
tussen die Christelike gemenebes en die Moslemwêreld.<br />
Internasionale reg wat primêr beoog om die verhoudinge tussen state<br />
te reël, het in hierdie konteks nie voorgekom nie, eenvoudig omdat<br />
dit in die afwesigheid van state as die primêre subjekte van die<br />
internasionale reg onbestaanbaar was. Eers later, met die vestiging<br />
van die statestelsel in die sewentiende eeu, raak die ru-materiaal vir<br />
die funksionering van internasionale reg beskikbaar.<br />
Middeleeuse Europa was dus in die eerste plek ʼn Christelike<br />
gemenebes (commonwealth). Dit was inderdaad nie Europa nie, maar<br />
meer paslik Westerse Christendom, die Republica Christiana, die<br />
organiese geheel van ʼn republiek van gelowiges. In hierdie konteks<br />
was die kulturele, taal of staatkundige identiteit van die individu en<br />
die gemeenskap slegs van geringe, of van geen betekenis nie.<br />
Individuele identiteit was bo alles Christelik-godsdienstig van aard.<br />
Ingevolge die Middeleeuse antropologie is die vraag wie die mens dan<br />
eintlik is, beantwoord deur te verklaar dat hy die skepsel van God is. 49<br />
Nasionalisme was onbekend en partikuliere identiteit van minder<br />
belang. 50 Soos Hans Kohn verduidelik:<br />
People looked at everything not from the point of view of their<br />
‘nationality’ or ‘race’ but from the point of view of religion. Mankind<br />
was divided not into Germans and French and Slavs and Italians, but into<br />
Christians and Infidels and within Christianity into faithful sons of the<br />
Church and the heretics. 51<br />
Die mensdom is as ʼn eenheid gesien en moes ʼn enkele gemeenskap<br />
vorm, saamgevat in een ryk en een kerk. Om Kohn weer aan die woord<br />
te stel:<br />
47<br />
48<br />
Kohn (n 1 hierbo) 83; Broccheri (n 40 hierbo) 184.<br />
Sien die opmerkings van Berman (n 38 hierbo)161 met verwysing na David<br />
49<br />
Knowles.<br />
J le Goff ‘Introduction: Medieval Man’ in J le Goff et al (reds) The medieval world<br />
50<br />
51<br />
(Engelse vertaling deur LG Cochrane) (1990) 3.<br />
Kohn (n 1 hierbo) 78.<br />
Kohn (n 1 hierbo) 79.
Republica Christiana - die voorganger van staatlikheid 19<br />
Since Christendom in the Middle Ages was coextensive with humanity, at<br />
least as a goal, mankind was regarded as one people, a res republica<br />
genesis humani, one ecclesia universalis with one law and one<br />
government. 52<br />
Binne hierdie opset was godsdiens allermins ʼn blote persoonlike<br />
aangeleentheid. Godsdiens was die hoeksteen van politieke<br />
organisasie in die Middeleeue. Ondergrawing van die godsdienstige<br />
eenheid — ʼn vorm van kettery — was derhalwe absoluut ongehoord,<br />
aangesien dit die politieke (en religieuse) orde fundamenteel sou<br />
ontwrig.<br />
Godsdiens was ʼn volskaalse — indien nie die enigste nie —<br />
politieke kategorie. Die insigte van die Duitse politieke filosoof en<br />
juris, Carl Schmitt, oor die aard van die politiek en politieke<br />
verdelingslyne kom handig te pas by ʼn poging om die Middeleeue te<br />
begryp. Die onderskeidende kenmerk van politiek, sê Schmitt, is dat<br />
die politieke verdelingslyne (anders as ander verdelingslyne) so intens<br />
is dat die verhouding van groeperings aan weerskante daarvan een van<br />
vyandskap is. 53 Enige godsdienstige, morele, ekonomiese, etiese,<br />
taalkundige, etniese, kulturele of ander antitese sit om in ʼn politieke<br />
antitese, en word sodoende ʼn politieke kategorie sodra dit sterk<br />
genoeg is om menslike kollektiwiteite volgens die verhouding van<br />
vriend en vyand te verdeel. 54 ʼn Godsdienstige gemeenskap wat teen<br />
ʼn ander godsdienstige gemeenskap oorlog voer, is benewens die feit<br />
dat dit ʼn godsdienstige gemeenskap is, derhalwe ook ʼn politieke<br />
gemeenskap. 55<br />
Politieke verdelings en die ontwikkeling van politieke kategorieë<br />
kan weens ʼn verskeidenheid van menslike oortuigings en praktyke<br />
ontstaan, soos uit godsdienstige, morele, kulturele, asook ander<br />
oortuigings en praktyke. Die politiek beskik nie oor ʼn eiesoortige<br />
substansie losstaande van bovermelde aktiwiteite nie. Die verskynsel<br />
politiek tree op die voorgrond wanneer die godsdienstige, morele,<br />
kulturele, nasionale of ander spanninge so intens raak dat dit omsit in<br />
ʼn verhouding van wedersydse vyandskap. 56<br />
The real friend-enemy grouping is essentially so strong and decisive that<br />
the nonpolitical antithesis, at precisely the moment at which it becomes<br />
political, pushes aside and subordinates its hitherto purely religious,<br />
purely economic, purely cultural criteria and motives to the conditions<br />
and conclusions of the political situation at hand. 57<br />
52<br />
53<br />
Kohn (n 1 hierbo) 79.<br />
C Schmitt The Concept of the Political (vertaling, inleiding en notas deur George<br />
54<br />
55<br />
56<br />
57<br />
Schaab) (1996) 26, 63.<br />
Schmitt (n 53 hierbo) 37.<br />
Schmitt (n 53 hierbo) 37.<br />
Schmitt (n 53 hierbo) 38.<br />
Schmitt (n 53 hierbo) 38.
20 Hoofstuk 2<br />
In die Middeleeue vertoon godsdiens sigself juis as ʼn politieke<br />
krag. Godsdiens verleen aan die Middeleeuse politieke gemeenskap sy<br />
wesenskenmerk en identifiseer ook ʼn ander godsdienstige<br />
gemeenskap as sy ekstreme teenpool — sy vyand. Daarom dan dat die<br />
belangrikste politieke verdelingslyn deur godsdienstige identiteit<br />
bepaal is en daarom ook dat Middeleeuse Christelike Europa paslik as<br />
ʼn rykskerklike (politiek-godsdienstige) wêreldgeheel beskryf is.<br />
Net soos godsdiens op globale skaal tussen die Christelike<br />
gemenebes en die Islamitiese wêreld die primêre politieke kategorie<br />
was, was dit ook binne die Christelike wêreld die belangrikste<br />
politieke kategorie. Dit blyk uit die feit dat die strafreg aangewend is<br />
om die godsdienstige ortodoksie te handhaaf en om enige vorm van<br />
kettery wat die suiwer Christelike karakter van die Christelike ryk kon<br />
aantas, te vervolg. Dit word bevestig deur die hegte samewerking van<br />
die kerklike en wêreldlike gesagsfere in hierdie verband met die<br />
wêreldlike gesagsfeer wat ook sondes as strydig met die strafreg<br />
vervolg en bestraf het en sodoende die kerklik-godsdienstige sfeer<br />
onderskraag het. Ofskoon daar, soos in die tweede deel van hierdie<br />
hoofstuk verduidelik word, veral na die pouslike rewolusie van die<br />
laat elfde eeu duidelik tussen die kerklike en politieke gesagsfere<br />
onderskei is, het die politieke sfeer steeds ’n wesenlike rol gespeel<br />
om die kerklike orde in stand te hou. Kettery, wat deur die kerk bestry<br />
moes word, is ook deur die wêreldlike gesagsfeer (met die dood) as<br />
hoogverraad strafbaar gestel. Die kerk wat nie graag bloed wou stort<br />
deur dié straf nie, se werk is dus vir hom deur die wêreldlike<br />
gesagsfeer gedoen. 58<br />
Dit lyk oënskynlik onoortuigend om strafregtelike reëls as<br />
aanduiding van die bestaan van ʼn politieke kategorie voor te hou. Dit<br />
is egter niks vreemds nie, want wanneer die ortodoksie sterk genoeg<br />
is, maak dit van die strafreg gebruik om sy opvattings af te dwing.<br />
Wanneer die ortodoksie daarenteen verswak en deur ʼn alternatiewe<br />
godsdienstige denominasie uitgedaag word, skiet die meganismes van<br />
die strafreg tekort om ortodokse opvattings in stand te hou. Dan volg<br />
godsdienstig geïnspireerde burgeroorlog soos in sestiende-eeuse<br />
Frankryk. Dié soort burgeroorlog bring aan die lig dat godsdiens nog<br />
altyd ongesiens en onder die dekmantel van die strafreg as politieke<br />
kategorie gefunksioneer het. Godsdienstig gemotiveerde reëls van die<br />
strafreg aan die een kant en godsdienstig gedrewe burgeroorlog aan<br />
die ander kant is, ofskoon dit ingrypend verskillende verskynsels is,<br />
die strategiese en taktiese dienaars vir die instandhouding van<br />
godsdiens as ʼn politieke kategorie. Die strafreg verberg bloot retories<br />
sy politieke kwaliteite omdat daar ingevolge die strafreg gehandel<br />
word met ʼn (godsdienstige) misdadiger sonder vermelding van die feit<br />
58 Sien byvoorbeeld Berman (n 38 hierbo) 73, 186, 476.
Republica Christiana - die voorganger van staatlikheid 21<br />
dat daar in werklikheid gehandel word met ʼn politiek-godsdienstige<br />
vyand.<br />
Die ontwikkeling van staatlikheid as opvolger van die Republica<br />
Christiana gaan juis gepaard met die verwydering van die openbare<br />
politieke aard van godsdienstige identiteit en met die afskuif van<br />
godsdiens na die private sfeer.<br />
Die erosie van ʼn Christelik godsdienstige openbare identiteit het<br />
ingetree weens toenemende sekularisasie en het met die breuk in die<br />
Christelike eenheid weens die Kerkhervorming onherstelbaar geword.<br />
In hoofstuk 3 word daarop gefokus. Vir eers eis die Middeleeuse<br />
regsopvattings, en meer bepaald die Middeleeuse konsep van<br />
konstitusionalisme ons aandag. Dié opvattings is ʼn kernbestanddeel<br />
van die Middeleeuse politiek-juridiese denkwêreld. ʼn Goeie begrip<br />
daarvan stel ons in staat om by wyse van kontras die latere en<br />
hedendaagse staatlike opvattings beter te begryp.<br />
2 Middeleeuse konstitusionalisme<br />
Die term, konstitusionalisme is van betreklik onlangse oorsprong en<br />
het eers in die negentiende eeu ’n plek in die leksikon van die<br />
openbare diskoers verwerf. Die denkbeeld van konstitusionalisme is<br />
egter veel ouer as die term en het onder verskeie ander vaandels<br />
reeds oor baie eeue heen ʼn prominente plek in die openbare diskoers<br />
en in denke oor die politiek en regering ingeneem. 59 Dit is die rede<br />
waarom daar ook van Middeleeuse konstitusionalisme gepraat kan<br />
word. Die konstitusionalisme-begrip word in sy mees basiese vorm<br />
vereenselwig met beginsels en reëls waarkragtens openbare mag<br />
uitgeoefen moet word en is gemik op magsbeperking en die<br />
voorkoming van arbitrêre, lukrake en onvoorspelbare magsuitoefening.<br />
Kragtens die uitgangspunte van die konstitusionalisme<br />
word bindende beginsels en reëls vir regsgeldige openbare<br />
magsaanwending neergelê. Die integriteit van die beginsels word<br />
opsigself beskerm in die sin dat die wysiging of afskaffing daarvan<br />
buite die bereik van die politieke maghebbers geplaas word. Daardie<br />
beginsels geniet dus vanweë die onaantasbaarheid daarvan die status<br />
van hoër, oftewel fundamentele reg.<br />
Middeleeuse konstitusionalisme is om minstens twee redes ʼn<br />
moeilike saak:<br />
Eerstens is die tydperk wat met Middeleeuse konstitusionalisme<br />
verbind word, baie lank. Dit neem ʼn aanvang aan die begin van vroeë<br />
59 Berman (n 38 hierbo) 395-6.
22 Hoofstuk 2<br />
feodalisme, na die disintegrering van die ryk van Karel die Grote in die<br />
middel van die negende eeu en strek tot aan die einde van laat<br />
feodalisme teen die einde van die dertiende eeu, toe nuwe politieke<br />
magsentralisasie uit die gefragmenteerde feodale stelsel begin<br />
ontwikkel het. 60 Dit strek trouens tot nog veel later, aangesien<br />
wesenlik Middeleeuse politiek tot diep in die vroeg-moderne era van<br />
aansienlike praktiese belang was. Ofskoon die begrip Middeleeue dus<br />
ʼn enkele era suggereer, is meerdere historiese tydvakke ter sprake en<br />
daarmee gepaardgaande ook meerdere en verskillende politiekkonstitusionele<br />
reëlings. Veralgemenings oor Middeleeuse<br />
konstitusionalisme kan dus nie sonder meer gemaak word nie.<br />
Tweedens was die inhoud en implikasies van Middeleeuse<br />
konstitusionalisme en fundamentele reg gedurende die Engelse<br />
konstitusionele stryd van die sewentiende eeu die onderwerp van ʼn<br />
intense stryd. Edward Coke het byvoorbeeld swaar op die beweerde<br />
inhoud van Middeleeuse fundamentele reg gesteun as teenvoeter vir<br />
die groeiende vorstelike absolutisme van James I. 61<br />
Heelwat skeptiese stemme het aangevoer dat die geldigheid van<br />
die fundamenteelregtelike aansprake onder verdenking is en dat<br />
Middeleeuse konstitusionalisme mitologies voorkom, 62 of minstens<br />
dat oormatige gesag daaraan toegedig is. 63<br />
Met inagneming van hierdie waarskuwings blyk dit nogtans korrek<br />
te wees dat Middeleeuse konstitusionalisme die volgende opvattings<br />
behels het:<br />
• volksoewereiniteit;<br />
• regsoewereiniteit;<br />
• dat politieke bestuur sy bestaan en legitimiteit aan ʼn bona fide<br />
kontraktuele verhouding tussen die politieke leierskap en die volk<br />
te danke het;<br />
• dat reg, hetsy as natuurreg of as gewoonte (en later as<br />
gemenereg) ʼn permanente en onveranderlike, of ten minste<br />
stadig-bewegende gegewe is wat nie aktief gemaak word nie,<br />
maar wat bloot gevind en daarna geartikuleer of gepromulgeer<br />
word. 64<br />
60<br />
Van Wyk & Spies (n 1 hierbo) 147.<br />
61 Die aspek word meer breedvoerig in 8.3.4 behandel.<br />
62 JHM Salmon The French religious wars in English political thought (1979) 160<br />
verwys byvoorbeeld na die legende van die Gotiese konstitusie.<br />
63 JW Gough Fundamental law in English constitutional history (1955) 14-15, 17;<br />
Sien ook in die algemeen JGA Pocock The Ancient Constitution and the Feudal<br />
Law (1957).<br />
64<br />
Sien byvoorbeeld CH Mc Ilwain Constitutionalism: Ancient and Modern (1947) 67-<br />
123; AJ Carlyle A History of Medieval political theory in the West (1928) Vol III,<br />
IV, V, VI.; FB Artz The mind of the Middle Ages: An Historical Survey (1980) 270-<br />
280; Salmon (n 62 hierbo) 160-162; Gough (n 63 hierbo) 13-48; W Ullmann
Republica Christiana - die voorganger van staatlikheid 23<br />
Die vier opvattings is onderling verweef en kan sinvol gesamentlik<br />
bespreek word.<br />
Die mededelings van Tacitus oor sekere Germaanse gebruike<br />
bevat die eerste rapport oor volksoewereiniteit. Tacitus deel ons mee<br />
dat die Germaanse konings se gesag nie arbitrêr of absoluut was nie. 65<br />
Die verantwoordelikheid vir besluitneming oor minder belangrike<br />
aangeleenthede was op die skouers van hoo<strong>fm</strong>anne wat na bespreking<br />
besluite geneem het, maar by meer gewigtige aangeleenthede is die<br />
hele gemeenskap betrek. 66<br />
Volgens die Germaanse en vroeg-Middeleeuse opvattings kleef die<br />
reg aan die gemeenskap. Dit beteken egter nie dat die volk die<br />
aktiewe skepper van die reg was nie; inteendeel, die reg in die<br />
gestalte van die geykte volksgewoontes was eerder as’t ware ʼn<br />
eienskap van die volk. Die reg was inderwaarheid nie die produk van<br />
die volkswil nie. As ʼn inherente eienskap van die volk was die reg net<br />
so blywend soos die volk self. 67<br />
Die opvatting dat die reg ʼn eienskap van die volk is, gaan hand aan<br />
hand met die opvatting dat die reg wesenlik permanent is, asook met<br />
die oortuiging dat die reg nie geskep nie, maar bloot verklaar oftewel<br />
geartikuleer en gepromulgeer is. 68 Die reg word beleef as ʼn<br />
kultuurproduk wat heg met die volk self verweef is. Die verandering<br />
van die reg kom onbeplan en onopgemerk voor, net soos verandering<br />
en ontwikkeling van die volk self.<br />
Om te verklaar dat die reg soewerein is, impliseer dus tegelyk dat<br />
die volk ook soewerein is, 69 omdat die reg, soos vermeld, ’n eienskap<br />
van die volk is. Volksoewereiniteit impliseer uiteraard dat magsuitoefening<br />
in welke vorm ook al, aan die instemming van die volk<br />
onderworpe is. Die owerheid — in Middeleeuse terme die koning of die<br />
keiser in raadplegende verhouding met sy raad 70 — is verbind tot die<br />
toepassing van daardie reg waarop daar met die volk ooreengekom<br />
is. 71<br />
64 Medieval Political Thought (1965) 145-158; P Vonogradoff The legacy of the<br />
Middle Ages (1926) 287-319; JP Verloren van Themaat Staatsreg (1956) 18-25; CP<br />
Joubert ‘Die gebondenheid van die soewereine wetgewer aan die reg’ (1942 5<br />
THRHR 7, 33-41; JGA Pocock The Machiavellian Moment: Florentine Political<br />
Thought and the Atlantic Republican Tradition (1975)16-24; Sabine (n 2 hierbo)<br />
202-223; A Vincent Theories of the State Theories of the State (1987) 77-118;<br />
Sien ook verder in die algemeen Pocock (n 63 hierbo); O Gierke Political Theories<br />
of the Middle Ages (Engelse vertaling deur RW Maitland) (1938).<br />
65 Tacitus The Agricola and the Germania (1970) 107.<br />
66 Tacitus (n 65 hierbo) 101–2; Carlyle (n 64 hierbo) Vol III 41, 45-46,183-4.<br />
67<br />
Sabine (n 2 hierbo) 204.<br />
68 Verloren Vasn Themaat (n 64 hierbo) 19 voetnoot 10.<br />
69 Joubert (n 64 hierbo) 33.<br />
70<br />
Carlyle (n 64 hierbo) Vol III 67-9, 148, 154, Vol V 83<br />
71 Ullmann (n 64 hierbo) 152-3.
24 Hoofstuk 2<br />
Volksoewereine opvattings is oor die verloop van die Middeleeue<br />
oor die hele Europa en Engeland gehuldig en is onder andere in die<br />
sestiende eeu weer energiek herformuleer. Dit het later onder druk<br />
van opvattings oor die goddelike reg van konings en absolutistiese<br />
elemente van die Romeinse reg onder druk gekom. Hierdie<br />
absolutistiese tendense het in Engeland die geringste impak gehad,<br />
met die gevolg dat volksoewereiniteit daar die duursaamste was. In<br />
Engeland is die opvatting gehuldig dat die koning aan die common<br />
law, oftewel die algemene reg van die land, onderworpe was. Die<br />
oorsprong van die common law was die gewoontes van die volk. 72 Die<br />
Afrikaanse juris, CP Joubert, wys daarop dat die absolutistiese<br />
elemente van die Romeinse keiserlike reg nooit saam met die<br />
Romeinse privaatreg geresipieer is nie en verwys na die Romeins-<br />
Hollandse skrywer, Groenewegen, wat verklaar het dat die<br />
absolutistiese beginsel van princeps legibus solutus est nooit vanuit<br />
die Romeinse reg in die Nederlande opgeneem is nie. 73<br />
Dit is weliswaar so dat die Romeinse reg ʼn sterk absolutistiese<br />
inslag gehad het, en dat soos daar in hoofstuk 3 geargumenteer word,<br />
dit in latere Europa die ontwikkeling van absolutisme help stimuleer<br />
het. Daar is egter ook ʼn ander noemenswaardige tradisie in die<br />
regsontwikkeling sedert die Glossatore. 74 Daarvolgens is sekere tekste<br />
in die Corpus Iuris Civilis van Justinianus op so ʼn wyse vertolk dat dit<br />
die konsep van volksoewereiniteit ondersteun het.<br />
Volgens hierdie tradisie is die legitimiteitsbron van keiserlike<br />
heerskappy die volkswil, soos dit uitdrukking gevind het in ʼn kontrak<br />
waardeur die volk voorwaardelik sy gesag aan die keiser opgedra het<br />
en sigself voorwaardelik aan die keiser onderwerp het. 75 Die populus<br />
was steeds verhewe bo die imperator; die populus behou steeds sy<br />
soewereiniteit (imperium) en kon te eniger tyd weer self die<br />
uitoefening van gesag hervat. 76<br />
Otto Gierke verduidelik hoe sommige Glossatore ʼn suiwer vorm<br />
van volksoewereiniteit uit die Corpus Iuris Civilis gekonstrueer het.<br />
Die volk bly soewerein en staan ingevolge ʼn ooreenkoms met die<br />
keiser bloot die gebruik (usus) van sy soewereiniteit aan die keiser af.<br />
Wanneer die keiser sy kontrakverpligtinge versaak, verval die<br />
regsoorsaak van die usus, waarna die volk geregtig is om die<br />
72 Verloren Vasn Themaat (n 64 hierbo) 22-3.<br />
73 Joubert (n 64 hierbo) 47. Die resepsie het vernaamlik op die privaatreg (ook nie<br />
alles nie) betrekking gehad en het klaarblyklik nie die publiekreg ingesluit nie.<br />
Sien byvoorbeeld W de Vos Regsgeskiedenis (1992) 52 et seq.<br />
74 Die Glossatore neem die voortou met die hernude bestudering van die Romeinse<br />
reg van die Corpus Iuris Civilis in die tydperk 1100 tot 1260. Sien hieroor<br />
byvoorbeeld DH van Zyl Geskiedenis van die Romeins-Hollandse Reg (1983) 8 et<br />
seq.<br />
75 Gierke (n 64 hierbo) 40; Joubert (n 64 hierbo) 19-22.<br />
76 Gierke (n 64 hierbo) 43-44.
Republica Christiana - die voorganger van staatlikheid 25<br />
ooreenkoms met die keiser op te sê en die keiser van sy pligte te<br />
onthef. 77 Die oorsprong van soewereiniteit is die volk en daarom word<br />
die begrip volksoewereiniteit gebruik.<br />
Vervolgens word die sentrale begrip van Middeleeuse<br />
konstitusionalisme, naamlik regsoewereiniteit, van naderby beskou.<br />
Die opvatting dat politieke mag gedurende die Middeleeue arbitrêr<br />
uitgeoefen is, is geheel en al ongegrond. Carlyle verduidelik dat<br />
regsoewereiniteit so goed gevestig was dat politieke gesagsuitoefening<br />
daarsonder eenvoudig ondenkbaar was. 78 Die beginsel van<br />
regsoewereiniteit, oftewel oppergesag van die reg wat ook aan die<br />
Germane toegedig word, 79 beteken dat owerheidsgesag aan die reg<br />
ontleen word en dat alle gesagsuitoefening aan die<br />
geldigheidsmaatstawwe van die reg onderworpe is. Die maatstawwe<br />
is ook op die gesagsuitoefening van die pous van toepassing. 80<br />
Wat die strekking en inhoud van die soewereine reg betref, neig<br />
die Vastelandse en Engelsregtelike opvattings in ʼn mate in teenoorgestelde<br />
rigtings. Die Vastelandse opvattings is meer ideëel en<br />
rasionalisties omdat die soewereine regsbeginsels dikwels met die<br />
natuurreg vereenselwig is. Die rasionalisme moet egter ook nie te<br />
geredelik aanvaar word nie, aangesien ook die sogenaamde<br />
rasionalistiese natuurreg baie lank nie vanself uit die rede gespreek<br />
het nie maar wel met die volksgewoontes en oortuigings, of met<br />
alledaagse ervaring vereenselwig is. 81 Die Engelse spesie van<br />
regsoewereiniteit het op sy beurt baie sterk in die geykte gewoontes<br />
van die gemenebes (commonwealth), oftewel die common law of the<br />
land, neerslag gevind, en as die soewereine maatstaf vir die<br />
geldigheid van owerheidsoptrede gedien. 82<br />
Wat die Vastelandse stroming betref, siteer Gierke ʼn<br />
indrukwekkende hoeveelheid gesag, sowel uit die filosofie as uit werk<br />
van die Kommentatore van die Corpus Iuris Civilis. Daaruit blyk dit<br />
duidelik dat die hoofstroom van Middeleeuse regs/politieke teorie<br />
alle optrede van maghebbers wat strydig met die natuurreg was, as<br />
formeel nietig beskou het. 83 Regters moes statute en owerheids-<br />
77 Gierrke (n 64 hierbo) 45-46.<br />
78 Carlyle (n 64 hierbo)Vol III 38, 184; Vol V 36<br />
79 Verloren Van Themaat (n 64 hierbo) 24; Salmon (n 62 hierbo) 160. Gierke (n 64<br />
hierbo) sê dat die Germaanse staatsopvatting die van die regstaat was.<br />
80 Gierke (n 64 hierbo) 45-46.<br />
81 Vergelyk hieroor AP d’Entrèves Natural Law (1970) 52.<br />
82<br />
Vincent A 1987 77-80 verduidelik dat die ancient constitution ’n belangrike<br />
variant van die leerstuk van konstitusionalisme is. Dit funksioneer as ’n outonome<br />
konserwatisme wat sy gesag by uitstek aan die tradisies wat sedert menslike<br />
heugenis bestaan het, ontleen. Die opvatting is byvoorbeeld waarneembaar in die<br />
denke van Edmund Burke. Sien ook Pocock (n 63 hierbo) 16 ev wat beskryf hoe<br />
daar ingevolge die denkwyse kragtens die ancient constitution geredeneer is dat<br />
hoe meer antiek ’n reg is, des te beter dit teen skending verskans is.<br />
83 Gierke (n 64 hierbo) 84; 174 (nota 257); 179 (nota 273).
26 Hoofstuk 2<br />
optrede wat teenstrydig met die natuurreg was, as nietig behandel.<br />
Sodanige optrede was ook nietig met betrekking tot die individue wat<br />
deur die optrede geraak is. Indien owerheidsoptrede enigsins<br />
tiranniek van aard was, was individue wat daardeur gely het, geregtig<br />
om hulleself teen die owerheid te verset. 84 Die onderskeid tussen die<br />
tiran en die ware vors is trouens een van die mees geykte<br />
onderskeidinge van die Middeleeuse politieke en konstitusionele<br />
denke, met die vors wat per definisie onderdanig aan die reg, soos<br />
vervat in die volksgewoontes opgetree het — teenoor die tiran wat dit<br />
juis verontagsaam het. 85<br />
Die soewereine reg het nie bloot die status van etiese norme<br />
gehad nie. 86 Konstitusionele beginsels is as volwaardige reg beskou en<br />
kon daadwerklik teen onregmatige optrede gebruik word. Die<br />
voorkeurstatus van soewereine regsbeginsels is afgelei uit die<br />
oortuiging dat die beginsels ʼn outonome bestaan gevoer het en nie<br />
deur die politieke owerhede (die staat) daargestel is nie. Inteendeel,<br />
dit het die politieke owerheid voorafgegaan. 87<br />
In die praktyk het die beginsel van regsoewereiniteit in die<br />
kroningsede neerslag gevind. In dié eedsverklarings het die koning<br />
hom aan die reg, insluitende die gemenereg, onderwerp en hom<br />
daartoe verbind om die reg in stand te hou. 88 Met die beëindiging van<br />
die feodale era en die toenemende sentralisering van mag in die<br />
persoon van die monarg het dit nodig geword om nuwe maatreëls te<br />
tref om regsoewereiniteit te bestendig en om die opkomende vorste<br />
in weerwil van hulle relatief belangrike posisie teenoor die adel (en<br />
die volk) steeds aan die reg onderhewig te hou. Daarom is nie slegs<br />
die beroemde Magna Carta in 1215 in Engeland aangeneem nie, maar<br />
ook soortgelyke konstitusionele prototipes soos die Handves van Leon<br />
in 1188, die Kulmer Handveste in 1233, die Joyeusse Entrée in die<br />
Nederlande in 1356, 89 asook die Hongaarse Goue Bul in 1222. 90<br />
In Engeland is daar ʼn lang tradisie van pleitbesorgers vir die<br />
regsoewereiniteit van die common law wat figure soos Henry Bracton,<br />
84 Gierke (n 64 hierbo) 84; 143-144 (notas 129-130).<br />
85 Vgl. Carlyle (n 64 hierbo) Vol III 115-6, 184.<br />
86 Gierke (n 64 hierbo) Gierke (n 64 hierbo) 85.<br />
87 Gierke (n 64 hierbo) 74-75.<br />
88 Carlyle (n 64 hierbo) hoofstuk 20; Sabine (n 2 hierbo) 207-208; Artz (n 64 hierbo)<br />
278; Joubert (n 64 hierbo) 38. Die belang van die kroningsede blyk ook uit die<br />
feodale Sachsenspiegel in Duitsland (Carlyle (n 64 hierbo) 3; 40) waarin verklaar<br />
word dat die koning na sy verkiesing moet beloof om die reg van die koninkryk in<br />
stand te hou. Volgens Van Zyl (n 74 hierbo) 69 het die Sachsensopiegel wat die reg<br />
van die Saksiese stam weergegee het, omstreeks 1215-1235 verskyn, d.w.s. in<br />
dieselfde tydvak as waarin die reg van ander Germaanse stamme opgeteken is.<br />
89 K Stern ‘The genesis en evolution of European-American constitutionalism’ (1985)<br />
XVIII CILSA 187, 189.<br />
90 JH Mundy Europe in the High Middle Ages (1973) 405-6.
Republica Christiana - die voorganger van staatlikheid 27<br />
John Fortescue, Thomas Smith, Richard Hooker en, natuurlik, Edward<br />
Coke insluit.<br />
Die Engelse juris, Bracton (sterf 1268), skryf in tipies Middeleeuse<br />
en sterk godsdienstig geïnspireerde styl. Sy werk veroorsaak dikwels<br />
vertolkingsprobleme weens wat vir die moderne leser onverstaanbare<br />
teenstrydighede blyk te wees. 91 Hy maak enersyds sy beroemde<br />
stelling oor regsoewereiniteit en teen vorstelike absolutisme deur te<br />
verklaar dat die koning aan die reg onderworpe is.<br />
For the king has no other power in his hands since he is the minister and<br />
vicar of God save that alone which he has of right (de jure). Nor is that<br />
to the contrary when it is said quod principi placet legis habet vigorem,<br />
for there follows at the end of the law cum legis regia quae de imperio<br />
eius lata est (together with the lex regia which has been laid down<br />
concerning his authority). Therefore it is not anything rashly presumed<br />
by will of the king, that what has been rightly defined with the king’s<br />
authorization on the advice of his magnates after deliberation and<br />
conference concerning it. 92<br />
Daarenteen verklaar hy egter ook dat die koning aan geen menslike<br />
wil onderhewig is nie en kragtens sy eie oordeel mag regeer. 93<br />
McIlwain los die teenstrydigheid op deur te wys op twee basiese<br />
onderskeide wat in Middeleeuse konstitusionele denke getref is.<br />
Eerstens was daar die onderskeid tussen regering (gubernaculum) en<br />
jurisdiksie (jurisdictio); 94 tweedens was daar die onderskeid tussen<br />
verordeninge van administratiewe prosedure en die afbakening,<br />
oftewel die definiëring, van regte. 95 Regering het te make met die<br />
handhawing van orde in die gemeenskap. Dit is die raison d’être van<br />
koningskap. Binne die veld van regering mag die koning diskresionêr<br />
optree. 96 Met jurisdictio wat met die definiëring van die regte van die<br />
burgery te make het, is dit egter heel anders gesteld. In hierdie veld<br />
moet die koning kragtens die reg optree, anders is sy handelinge ultra<br />
vires en gevolglik nietig. Geen absolutisme geld by laasgenoemde nie<br />
en op hierdie terrein word die onderneming wat met die kroningseed<br />
gedoen word om die reg te eerbiedig, streng toegepas. 97 Met hierdie<br />
onderskeid wat herinner aan die moderne onderskeid tussen die<br />
wetgewende en uitvoerende gesag is die beginsel van<br />
regsoewereiniteit in stand gehou.<br />
91 Mc Ilwain (n 64 hierbo) 72.<br />
92 Mc Ilwain (n 64 hierbo) 70; Joubert (n 64 hierbo) 36.<br />
93 Mc Ilwain (n 64 hierbo) 72.<br />
94 Mc Ilwain (n 64 hierbo) 67-80.<br />
95 Mc Ilwain (n 64 hierbo) 82-83.<br />
96 Mc Ilwain (n 64 hierbo) 84.<br />
97 Mc Ilwain (n 64 hierbo) 85.
28 Hoofstuk 2<br />
Ofskoon hy ander terme gebruik, tref die Engelse juris, John<br />
Fortescue (1390-1479) inhoudelik dieselfde onderskeid as Bracton en<br />
deel ook laasgenoemde se standpunte. 98 JGA Pocock se oordeel, met<br />
uitvoerige verwysing na Fortescue, is dat die Middeleeuse opvattings<br />
oor konstitusionalisme sterk republikeins geneig het. Reg en regering<br />
is volgens hom gebaseer op die gewoontes en gebruike van die totale<br />
gemeenskap oor ʼn lang periode. Dit was nie gebaseer op ideëele rede,<br />
nie deduktief-rasionalisties bepaal nie, maar gefundeer in almal se<br />
gesamentlike ervaring. Hoe langer ʼn gewoonte bestaan, des te beter<br />
is die kwaliteit daarvan. Wetgewing (en regspraak) behoort nie binne<br />
die koning se bevoegdhede te val nie, omdat dit nie deur gewoonte en<br />
ervaring onderlê word nie. Ervaring en gewoonte is die grondslag van<br />
demokraties-republikeinse regering. 99 Dienooreenkomstig leer<br />
Fortescue dat die Engelse vors slegs met parlementêre instemming<br />
wette kan maak en belastings kan hef en dat die regters kragtens hulle<br />
eed verplig is om die reg toe te pas selfs al sou die koning uitdruklik<br />
anders gelas. 100<br />
Fortescue verwys in die besonder na die Romeinsregtelik<br />
gebaseerde wilsteorie wat in sy tyd in Europa opgang begin maak het.<br />
(Sien hoofstuk 3). Hierdie Romeinsgebaseerde beginsel dateer uit die<br />
Dominaat, dit wil sê die latere absolutistiese tydvak van die Romeinse<br />
ryk. Daarvolgens het dít wat die vors behaag die status van reg. (Quod<br />
principi placuit, legis habet vigorem). Die beginsel is egter nie in die<br />
Engelse staatsreg opgeneem nie en die Engelse vors is wel aan die reg<br />
gebonde. 101 Dit bly ʼn omstrede vraag in welke mate die Engelse<br />
common law inderdaad die status van fundamentele reg gehad het en<br />
as geldigheidsmaatstaf vir vorstelike optrede aangewend is. 102<br />
Desnieteenstaande is dit volgens Fortescue (en Bracton) duidelik dat<br />
die beginsels van volk- en regsoewereiniteit en die gepaardgaande<br />
regterlike hersieningsbevoegdheid (al is dit in ʼn rudimentêre vorm)<br />
reeds vroeg met groot deernis in die Engelse regsdenke gekoester is.<br />
Sir Thomas Smith (1542-1577), Richard Hooker (1553-1600) en sir<br />
Edward Coke (1552-1634) is latere eksponente van hierdie lang<br />
Engelse tradisie. 103<br />
ʼn Belangrike eienskap van die vroeg Middeleeuse<br />
konstitusionalisme is dat dit ʼn kontraktuele inslag gehad het. Daar het<br />
ʼn intieme verhouding van wedersydse afhanklikheid en hulpverlening<br />
tussen leenheer en leenmanne bestaan. Dit is by wyse van ʼn<br />
kontraktuele verhouding tussen hulle gereël. Met die eerste oogopslag<br />
98 Mc Ilwain (n 64 hierbo) 89-90.<br />
99 Pocock (n 64 hierbo) 9-30.<br />
100 Joubert (n 64 hierbo) 37.<br />
101 Joubert (n 64 hierbo) 38.<br />
102 Sien byvoorbeeld Gough (n 63 hierbo) 12-48 asook die bespreking van judisiële<br />
hersiening in hoofstuk 8.<br />
103 Joubert (n 64 hierbo) 38-41.
Republica Christiana - die voorganger van staatlikheid 29<br />
lyk ʼn persoonlike verhouding enersyds, teenoor ʼn kontraktuele reëling<br />
aan die ander kant, teenstrydig. 104 Feodale verhoudings was egter<br />
wesenlik kontraktueel van aard. Daarvolgens het die vasal sekere<br />
verpligtings teenoor die leenheer gehad, met dien verstande dat die<br />
leenheer ook sy verpligtinge teenoor die vasal gestand sal doen. 105<br />
Die een ding wat hierdie kontraktuele verhouding en volk- en<br />
regsoewereiniteit in gemeen het, is dat dit contra-absolutisties is.<br />
Ingevolge sy ooreenkoms met sy vasalle, staan dit die koning nie vry<br />
om te maak soos hy wil nie. Hy is onderhewig aan die ooreenkoms en<br />
sy vasalle is trou aan hom verskuldig, slegs vir sover hy die<br />
ooreenkoms eerbiedig. Indien die ooreenkoms deur die koning of die<br />
leenhere verbreek word, word die vasalle daarop geregtig om daaruit<br />
terug te tree. 106<br />
Hierdie feodale kontrakgedrewe koningskap is mettertyd deur ʼn<br />
absolutisties-teokratiese (vervat in denkbeelde soos die goddelike reg<br />
van konings en later in sekulêre vorstelike absolutisme) vorm van<br />
koningskap uitgedaag. Volgens eersgenoemde is die koning ʼn party tot<br />
ʼn regsverhouding met sy ondergeskiktes, waarvolgens hy alleen met<br />
hulle instemming reg kan skep. Volgens laasgenoemde staan die<br />
koning bo en buite die gemeenskap en kan hy onbelemmerd en na<br />
willekeur reg skep. 107 Die Magna Carta is tekenend van die<br />
kontraktueel gefundeerde feodale koningskap. 108 Dit is in die<br />
persoonlike aard van die verhouding tussen die vasal en die leenheer<br />
dat die verskil tussen die destydse feodale verhouding en die latere<br />
onpersoonlike legalistiese verhouding tussen trouverskuldigde en die<br />
staat lê. 109 Die feodale verhouding verskil ingrypend van die staatlike<br />
verhouding:<br />
It was an element that was very difficult to reconcile with the national<br />
idea and with the national constitution. 110<br />
Bykomend tot wat tot dusver aangeroer is, moet ons natuurlik ook na<br />
’n ander — waarskynlik die mees geformaliseerde — konstitusionele<br />
reëling van Middeleeuse Christendom in Wes-Europa verwys. Dit is die<br />
konstitusionele reëling 111 tussen die kerklike en wêreldlike<br />
gesagsfere: in die besonder die verhouding tussen die kerk en die ryk.<br />
Hierdie verhouding het geformaliseerde beslag gedurende die<br />
104 Carlyle (n 64 hierbo) 21.<br />
105 Carlyle (n 64 hierbo) 21<br />
106<br />
Ullmann (n 64 hierbo) 147.<br />
107 Ullmann (n 64 hierbo) 146-8.<br />
108 Ullmann (n 64 hierbo) 149-150.<br />
109<br />
Sien die bespreking van hoogverraad in hoofstuk 9.1.<br />
110 Carlyle (n 64 hierbo) 28.<br />
111<br />
Ek is dit heeltemal met Harold Berman eens dat ons hier inderdaad met ’n<br />
konstitusionele reëling te doen het. Nie net die gesagstoedeling binne die kerk<br />
(kragtens die kanonieke reg) nie, maar veral die verdeling van gesag tussen die
30 Hoofstuk 2<br />
pouslike rewolusie gekry. Dié rewolusie 112 het aan die begin van die<br />
pousdom van Gregorius VII (Hildebrand, pous: 1073-1085) ’n aanvang<br />
geneem en is uiteindelik in 1122 met die Konkordaat van Worms<br />
voltrek. Voor die pouslike rewolusie het keisers dikwels pouse<br />
aangestel en afgedank. Hulle het ook ander hoë kerklike ampsdraers<br />
aangestel. Hulle het kerklike sinodes belê en daarin voorgesit en van<br />
tyd tot tyd selfs kanons van sowel ’n teologiese as ’n juridiese aard<br />
neergelê. 113 Gedurende die middel van die elfde eeu het<br />
opeenvolgende keisers juis weer ’n stewige greep op die kerk<br />
uitgeoefen. Benewens die aanstel van die senior kerklike<br />
ampsbekleërs, waaroor die keisers teen daardie tyd reeds geruime tyd<br />
beslis het, is opeenvolgende pouse bowendien deur die keiser<br />
ontslaan en met pouse van sy eie keuse vervang. 114 Dit het die kerk<br />
toenemend ’n onderdeel van die ryk gemaak en sterk herinner aan die<br />
ondergeskikte posisie wat die Oosterse Ortodokse kerk van<br />
Konstantinopel jeens die ryk beklee het. In die jare voordat Gregorius<br />
pous geword het, het daar vanuit die kerk weerstand hierteen<br />
opgebou 115 en toe Gregorius uiteindelik pous word, het hy spoedig ’n<br />
pouslike dekreet (Dictatus Papae) uitgereik waarvolgens die kerk<br />
sigself van die ryk en die keiser bevry het. Volgens die dekreet sou die<br />
pous sonder keiserlike voorskrif deur die senior ampsdraers van die<br />
kerk aangewys word, terwyl die aanstelling van kerklike ampsbekleërs<br />
binne die jurisdiksie van die pous en pertinent buite die gesag van die<br />
keiser geplaas is. Met ’n beroep op wat die posisie van die kerk vroeër<br />
sou wees, 116 in teenstelling met die vryheid wat dit later teenoor die<br />
ryk prysgegee het, het die pous hiermee die integriteit van die kerk<br />
as ’n korporatiewe struktuur vry van wêreldlike gesag probeer vestig.<br />
Onder die aanvoering van keiser Hendrik IV het die ryk sigself teen<br />
hierdie dekreet verset en Gregorius onder meer as ’n vals pous<br />
afgemaak, waarop Gregorius op sy beurt met die ekskommunikering<br />
van Hendrik teruggeslaan het. Verswak deur bondgenote wat teen<br />
hom gedraai en hulle by die pous geskaar het, was Hendrik uiteindelik<br />
111 kerk en die ryk is ten gevolge van die pouslike rewolusie gereël. Elkeen se gesag is<br />
afgebaken en beperk. Dit dra al die eienskappe van ’n eg konstitusionele reëling.<br />
Soos Berman (n 38 hierbo) 213-214 sê: ‘The very separation between<br />
ecclesiastical and secular authority was a constitutional principle of the first<br />
magnitude, which permeated the entire system of the canon law.’<br />
112<br />
Berman (n 38 hierbo) 99 et seq verduidelik breedvoerig waarom dit inderdaad ’n<br />
volskaalse rewolusionêr was.<br />
113 Berman (n 38 hierbo) 484.<br />
114<br />
Trouens, in die honderd jaar voor 1059 toe die kerk vir die eerste maal teen lekeinvestituur<br />
vasgeskop het, het die keiser 21 van die 25 pouse van daardie era self<br />
aangestel en verskeie afgedank. Sien Berman (n 38 hierbo) 91.<br />
115<br />
’n Kerkvergadering, wat deur pous Nicolas II belê is, het in 1059 vir die eerste<br />
maal verklaar dat die pous deur die kardinale van die kerk verkies moet word.<br />
Sien Berman (n 38 hierbo) 94.<br />
116<br />
Baie tipies nie net van die pouslike rewolusie nie, maar ook van daaropvolgende<br />
rewolusies soos die Lutherse rewolusie, is die legitimiteit vir hierdie rewolusie in<br />
die praktyke van die verre verlede gesoek. Die rewolusie is derhalwe as ’n herstel<br />
van (en regstelling) van ’n eertydse orde regverdig. Sien Berman (n 38 hierbo)<br />
112-3.
Republica Christiana - die voorganger van staatlikheid 31<br />
verplig om bes te gee. Die stryd tussen pous en keiser — opvolgers van<br />
die twee aanvanklike teenstanders — het in 1122 met die Konkordaat<br />
van Worms op ’n kompromie uitgeloop. Dié kompromie het die<br />
vryheid van die kerk bevestig en finaal aan die konstitusionele reëling<br />
vir die Republica Christiana beslag gegee: daar sou na dese ’n duidelik<br />
omskrewe verdeling van gesag tussen ryk en kerk wees, ofskoon daar<br />
terselfdertyd ook hegte samewerking tussen die twee entiteite as<br />
komponente van een rykskerklike geheel sou wees. Die leerstuk van<br />
die twee swaarde het weliswaar reeds lank voor die pouslike<br />
rewolusie bestaan. Dit het nou egter ’n nuwe formulering gekry.<br />
Vroeër het dit te doen gehad met die verhouding tussen die aardse en<br />
hemelse sfere waarin Christene hulle bevind het. In dié verhouding<br />
was die kerk bloot die gemeente van (tydelike) pelgrims na<br />
uiteindelike ewige redding. Voortaan het dit ’n politieke en meer<br />
bepaald ’n konstitusionele karakter verwerf in die sin dat dit die<br />
aardse magsterreine tussen die kerk en die ryk — pous en keiser —<br />
gereël het. Die kerk as ’n aardse korporatiewe politieke en<br />
regsentiteit het die geestelike swaard gedra en dié swaard het nie net<br />
met die hiernamaals te doen gehad nie. Dit het daarbenewens ook<br />
gesag oor ’n klomp sake van hierdie wêreld, soos die beheer van<br />
kerkeiendom, die bedrywighede van kerklike ampsdraers,<br />
familieverhoudings, sakemoraliteit en dergelike ander sake<br />
uitgeoefen. 117<br />
Die kerk het hiermee sy posisie gekonsolideer en onder meer na<br />
aanleiding van die werk van Gratianus sy eie regstelsel — die<br />
kanonieke reg — gekry. Die vestiging van ’n eie regstelsel vir die kerk<br />
is die duidelike merkteken van die kerk se outonomie los van die<br />
ryk. 118 Aan die ander kant was die ryk. Hoewel dit as deel van die<br />
rykskerklike geheel uiteraard ’n Christelike ryk was, kon dit in die lig<br />
van die kerk se outonomie oor geestelike sake op die wêreldlike sy —<br />
die politiek — konsentreer. Op hierdie wyse is daar as ‘t ware ’n<br />
konstitusionele reëling tussen die kerk en die ryk getref. Dié reëling<br />
het met die opkoms van die dinastiese state onder druk gekom. Dit<br />
het uiteindelik met die vestiging van territoriale state en die Lutherse<br />
Hervorming, wat in hoofstuk 3 bespreek word, finaal verval.<br />
Gregorius VII het as deel van die kerk se aansprake teen die keiser<br />
ook verklaar dat die pous die bevoegdheid het om oor sowel kerklike<br />
as wêreldlike sake te oordeel. Innocentius III (pous: 1198-1216),<br />
waarskynlik die magtigste van al die pouse, hou vol dat die pous as<br />
opvolger van Petrus oor alle kerklike én wêreldlike sake waar die<br />
sonde ter sake is, jurisdiksie het. Hy beskou die wêreldlike mag van<br />
die keiser as heeltemal ondergeskik aan die mag van die pous want dit<br />
117 Berman (n 38 hierbo) 521.<br />
118 Berman (n 38 hierbo) 202-3.
32 Hoofstuk 2<br />
is die pous wat die imperiale kroon van Byzantium na die Weste<br />
verplaas het en wat meegebring het dat die keisers hulle mag deur die<br />
grasie van die pous uitgeoefen het. 119 Ofskoon die wêreldlike mag wat<br />
Innocentius III uitgeoefen het nooit deur enige ander pous oortref is<br />
nie, bereik die pouslike politieke aansprake met die promulgering van<br />
die Bul Unam Sanctum in 1302 ʼn teoretiese hoogtepunt gedurende die<br />
pousdom van Bonifacius VIII (pous: 1294-1303). Hiervolgens moes<br />
wêreldlike (politieke) mag onder die toesig van die pous uitgeoefen<br />
word. 120 Bowendien het die teologies dominante denkwyse van die<br />
Middeleeue die kerk se politieke magsaansprake ondersteun. Volgens<br />
hierdie denkwyse het God nie die mens vir die wêreld gemaak nie,<br />
maar vir die hiernamaals, en was dit die plig van die kerk om die<br />
verwesenliking van dié oogmerk te bewerkstellig. 121<br />
119 Copleston (n 42 hierbo) 294.<br />
120 Copleston (n 42 hierbo) 303.<br />
121 Copleston (n 42 hierbo) 295.
HOOFSTUK<br />
3<br />
VERVAL EN WEGBEREIDING:<br />
DIE VERTREK VAN DIE<br />
REPUBLICA CHRISTIANA<br />
EN DIE NADERENDE KOMS<br />
VAN STAATLIKHEID<br />
1 Sekularisasie, Renaissance en Humanisme<br />
Die pouslike rewolusie van die laat elfde eeu het, soos in hoofstuk 2<br />
verduidelik, die kerk van die ryk — van die wêreldlike politieke gesag<br />
— bevry. Dié rewolusie het by implikasie egter ook die saad van die<br />
bevryding van die ryk van die kerk gesaai en kan as die grondslag vir<br />
die sekularisering van die politiek beskou word, wat op sy beurt ’n<br />
bydraende faktor tot die ontwikkeling van die territoriale staat was. 1<br />
’n Gelyklopende proses van individualisering, sekularisasie,<br />
staatsvorming en merkantilisme het sigself egter veral vanaf die laat-<br />
Middeleeue met mening begin voltrek. 2 Die ontwikkeling van die staat<br />
en die gepaardgaande staatlike logika is die produk van sekularisasie, 3<br />
wat godsdienstige en kerklike onderhorigheid opsy geskuif en ʼn<br />
lewenswyse vry van godsdienstige voorskrif en kerklike beheer ingelui<br />
het. 4 Teen die agtergrond van die volslae religieuse lewensuitkyk en<br />
bestaanswyse van die Middeleeuse Republica Christiana, soos in<br />
hoofstuk 2 bespreek, spreek dit vanself dat die totstandkoming van<br />
staatlikheid noodwendig deur ʼn diepgaande proses van sekularisasie<br />
voorafgegaan moes word. Religie was gedurende die Middeleeue so<br />
omvattend en deurdringend dat ʼn blote konstitusionele aanpassing, in<br />
die sin van die meganiese wysiging van politiek-juridiese reëls,<br />
onvoldoende sou wees om die territoriale staat en staatlikheid tot<br />
stand te bring. Wat verder moes gebeur — en inderdaad gebeur het —<br />
was, soos E-W Böckenförde dit raakvat:<br />
... the detachment of the political order as such from its spiritual and<br />
religious origin and evolution; with its becoming temporal in the sense of<br />
quitting an ostensibly homogeneous and religious and political context to<br />
1 Sien in die algemeen HJ Berman Law and revolution: The formation of the<br />
Western legal tradition (1983).<br />
2 E Bodenheimer Jurisprudence: The philosophy and Method of Law (1962) 32–34.<br />
3 E-W Böckenförde State, Society and Liberty (vertaling uit die Duits deur JA<br />
Underwood) (1981) 26 et seq.<br />
4 Böckenförde (n 3 hierbo) 27.<br />
33
34 Hoofstuk 3<br />
find an aim and identity of its own, conceived in secular terms (a<br />
‘political’ aim and identity); and finally with the separation of the<br />
political order from Christian religion and from any specific religion as<br />
the foundation and haven. This development too, forms part of the<br />
emergence of the state. In fact, without this aspect of the process, it is<br />
impossible to understand the state as it has evolved and as we see it<br />
today, or to grasp the fundamental problems of political organization<br />
that face the present-day state. 5<br />
Die totstandkoming van die staat en die bereiking van die bestemming<br />
van staatlikheid loop dus langs die weg van sekularisasie. Die kragte<br />
wat die weg voorberei het, was die gees van die Renaissance en<br />
humanisme, die politieke filosofie van dié oorgangstydvak, die<br />
ontwikkeling van die absolutistiese stroming in die Romeinse reg, die<br />
agteruitgang van die politiek-verdeelde politieke orde van die<br />
feodalisme ten gunste van die sentraliserende dinastieë en die breuk<br />
in die kerklike eenheid (die Hervorming). Die gesamentlike effek van<br />
hierdie faktore is die half gesekulariseerde 6 dinastiese staat wat teen<br />
die middel van die sestiende eeu die lig sien.<br />
Gedurende die inkennige, die skugter en na-binne-gerigte<br />
Middeleeue was die menslike blik na bo gerig. Die menslike gemoed<br />
was oop en vatbaar vir goddelike openbaring. In die ekstrovertiese —<br />
die uitgaande — Renaissance verskuif die uitkyk horisontaal na die<br />
aarde en die wêreld. In ’n stemming van menslike selfvertroue<br />
verskuif die intellektuele fokus nou na wat die mens sê, in plaas van<br />
die goddelike openbaring soos tevore.<br />
While the medieval way taught the unimportance of life, stressed its<br />
snares and evils and smothered the individual with a host of confining<br />
rules and prohibitions, the Renaissance beckoned man to enjoy beauty,<br />
to savor the opportunities of this world and to be himself regardless of<br />
restrain. 7<br />
Die mens self word nou die onderwerp van belangstelling soos<br />
gedemonstreer deur die opkoms van allerlei nuwe genres in hierdie<br />
tyd: die biografie, poësie, geskiedskrywing en daarnaas ook die<br />
beeldende kunste. Presterende persoonlikhede tree ook in<br />
aansienlike getalle op die voorgrond. 8 Van besondere belang is dat die<br />
menslike lewe sy waarde en belangrikheid herwin het. Die<br />
Renaissance beleef ʼn optimistiese lewensvreugde in teenstelling met<br />
die Middeleeuse beheptheid met die dood. 9<br />
5<br />
6<br />
Böckenförde (n 3 hierbo) 27.<br />
Aan die einde van hierdie hoofstuk word beskryf waarom hierdie staat nog nie die<br />
volle sekulariseringspad bewandel het nie en wat kortgekom het om die roete te<br />
7<br />
8<br />
9<br />
voltooi.<br />
E Wallback et al Civilization past and present Vol VI (1981) 401.<br />
K Vorländer Gechiedenis van de wijsbegeerte Vol II (1955) 129.<br />
F Braudel A history of civilizations (vertaal uit Frans R Mayne) (1993) 348.
Verval en wegbereiding 35<br />
Daar was ook rede vir optimisme en opgewektheid, want die<br />
menslike prestasies van die tyd was ongekend en ongeëwenaard: ʼn<br />
seeweg is na Indië gevind, ʼn Nuwe Wêreld het met die Europese<br />
ontdekking van die Amerikas op die wêreldkaart verskyn, die<br />
natuurwetenskap het ontstaan, asook die beeldende kunste,<br />
opwindende Renaissance-argitektuur, en letterkunde in die nasionale<br />
tale.<br />
Die gees van die Renaissance word gelei deur drie dominante<br />
temas: die herontdekking van die Klassieke erfenis (van sowel<br />
Griekeland as Rome), sekularisasie en individualisme. 10 Die belangstelling<br />
in die Klassieke was die inspirasie van die nuwe gees;<br />
sekularisasie beskryf die aard van die nuut erkende waardes;<br />
individualisme gee uitdrukking aan die wyse waarop die nuwe waardes<br />
ervaar en nagejaag is. 11 Godsdiens het natuurlik nie eensklaps of<br />
geheel en al van die toneel verdwyn nie, maar het wel sy algeheel<br />
oorheersende posisie prysgegee. Die humanistiese mensgesentreerde<br />
en wêreld-sentriese stemming van die Renaissance het egter die<br />
godsdiens-geïnspireerde Middeleeuse eenheid en universaliteit, wat<br />
in die vorige hoofstuk aangeraak is, laat begin verbrokkel.<br />
Waarskynlik die belangrikste bydra van die Humanisme is dat dit ’n<br />
breuk met die skolastiese tradisies van opvoeding bewerkstellig het<br />
en die herontdekte Antieke in die Westerse kultuur geïnkorporeer<br />
het, en sodoende ook die weg na die suksesvolle deurvoer van die<br />
Hervorming help berei het. 12<br />
Die Renaissance en Humanisme wat die kulturele klimaat vanaf<br />
nagenoeg die tweede helfte van die veertiende eeu tot die middel van<br />
die sestiende eeu oorheers het, het die algemene raamwerk verskaf<br />
waarbinne die spesifieke aspekte van sekulariteit soos die territoriale<br />
staat en die staatlike logika verwesenlik kon word.<br />
Die wegbereiding na staatlikheid is aangehelp deur ʼn aantal<br />
belangrike sosiale veranderings gedurende die Renaissance: die<br />
ontwikkeling van die stede en die opkoms van die middelklas wat hulle<br />
dikwels in bondgenootskap met die staatlike vorste teen die kerk<br />
bevind het, die uitvind van die drukpers in die middel van die<br />
vyftiende eeu en die gepaardgaande massaverspreiding van idees. 13<br />
Daarmee saam beleef Europa van die middel van die vyftiende eeu die<br />
totstandkoming van ’n klomp universiteite wat mettertyd dien as die<br />
wieg van nuwe idees en van rewolusie. 14 Die godsdienstige<br />
10<br />
G Runkle A history of Western political theory (1968) 167-174.<br />
11 Runkle (n 10 hierbo) 174.<br />
12 GR Elton Reformation Europe (1963) 63.<br />
13<br />
P Smith The reformation in Europe (1962) 16-19.<br />
14 Smith (n 13 hierbo) 21.
36 Hoofstuk 3<br />
reformasies van Wyclife, Huss en van Martin Luther vind al drie hulle<br />
oorsprong in die nuwe universiteite.<br />
2 Politieke en regsdenke<br />
Die politieke denke en die regsteorie van die laat-Middeleeue en die<br />
Renaissance, wat nouliks van mekaar onderskeibaar is, lewer veral<br />
twee temas op wat hier van belang is. 15 Eerstens is daar in hierdie tyd<br />
met die magsverhouding tussen die staat en die kerk geworstel.<br />
(Wanneer daar in hierdie tyd van die staat gepraat word, word daar<br />
uiteraard na die staat in sy onderontwikkelde en rudimentêre<br />
gedaante verwys). Tweedens is die bykans absolutistiese magsposisie<br />
van die pous binne die kerk uitgedaag. Onder druk hiervan het die<br />
kerklike (pouslike) aanspraak op politieke mag begin meegee. Die<br />
staat het hierby gebaat, want die politieke magsprysgawe van die<br />
kerk het die politieke magswins vir die staat beteken. Terselfdertyd<br />
het die gedagte van populêre soewereiniteit binne die kerk beduidend<br />
op die voorgrond getree. Dit was in navolging van die stroming ten<br />
gunste van volksoewereiniteit wat, soos in hoofstuk 2 verduidelik is,<br />
deur die loop van die Middeleeue deurentyd sterk was.<br />
Bonifacius VIII (pous: 1294-1303) se Bul (sien hoofstuk 2.2.)<br />
verteenwoordig die draaipunt in pouslike (en kerklike) aansprake op<br />
politieke heerskappy. 16 Daarna het pouslike mag begin taan. Dit is<br />
teweeg gebring deur die pous se politieke neerlaag teen die Franse<br />
koning, Philip V, asook die kerklike skisma, die opkoms van die<br />
politieke filosofie van die Renaissance en natuurlik deur die vestiging<br />
van die politieke mag van die nuwe territoriale staat.<br />
Die herontdekking en populariteit van die politieke filosofie van<br />
Aristoteles was ’n sterk impetus vir die totstandkoming van ʼn<br />
politieke domein, vry van kerklike voorskrif. Vir Aristoteles was die<br />
mens ʼn politieke wese en die politiek ʼn natuurlike instelling,<br />
aangesien dit noodsaaklik vir menslike selfverwesenliking was. 17<br />
Dante Alighieri (1265-1321) of bloot Dante, soos hy algemeen<br />
bekend staan, se werk verteenwoordig ’n belangrike moment in die<br />
skep van ’n bevryde politieke domein. Dante, wat ook deur Aristoteles<br />
beïnvloed is, se ideale staat was van hierdie wêreld. Hy leer ook dat<br />
daar tot die heil van die burgery van die wêreldlike staat geregeer<br />
moet word. Wat noemenswaardig is, is dat Dante geensins werk met<br />
15<br />
Sien in die algemeen die toonaangewende werke van RW Carlyle A history of<br />
medieval political theory in the West Vols. IV, V, VI. (1928); Q Skinner The<br />
16<br />
17<br />
foundations of modern political thought (1978) Vol I.<br />
W Ebenstein Great political thinkers: Plato to present (1969) 261.<br />
FCA Copleston A history of medieval philosophy (1975) 298.
Verval en wegbereiding 37<br />
teologiese deug nie, 18 maar daarenteen die Antiekwêreldse politieke<br />
deug as uitgangspunt aanvaar. Dante rehabiliteer wêreldlike politieke<br />
aktiwiteit en verdiep sodoende die breuk met daardie tradisie in die<br />
Middeleeue, wat vyandig teenoor die wêreldse aard van die politiek<br />
gestaan het. 19 Oor die radikaliteit van Dante se breuk met die<br />
Middeleeue sê PB Clarke:<br />
Prior to Dante politics had been at best an evil necessity forced upon<br />
‘man’ by virtue of the expulsion from the paradisiacal condition and the<br />
necessities that followed from living in the fallen state. Dante turned<br />
this entire model on its head. The moment of expulsion which the<br />
Christian meta-narrative had made definitive of the human condition<br />
became a moment not of regret but of celebration. And at its centre was<br />
willing, acting, being political and enjoying that activity and condition<br />
for its own sake. 20<br />
Volgens Dante was ʼn wêreldlike politieke struktuur — vir Dante ʼn<br />
universele ryk — noodsaaklik vir die welsyn van die mens. ʼn<br />
Wêreldlike gesag moes die vrede handhaaf. Dante argumenteer —<br />
belangwekkend vir sy tyd — dat wêreldlike gesag regstreeks van God<br />
afkomstig is. Daar is gevolglik geen wêreldlike gesag bo die keiser nie<br />
en die keiser ontleen gevolglik nie sy gesag aan die pous wat tussen<br />
God en die keiser staan nie. 21 Dante is steeds ver van staatlikheid af.<br />
Gesag word nog aan God ontleen en religieus geregverdig. Bowendien<br />
dink hy nog in terme van ʼn universele ryk. Desondanks maak hy ʼn<br />
belangrike saak uit ten gunste van die outonomie van die politiek,<br />
bevry van die dissipline van die kerk, en dus in belang van sekulariteit.<br />
Dante se pleidooi vir die wêreldlike politiek is reëlreg in stryd met die<br />
verregaande kerklike magsaansprake van Bonifacius. Dit is<br />
aanduidend van ʼn diepgaande spanning tussen die kerk en die ‘staat’.<br />
Waar daar vroeër losweg van ʼn algemene Christendom gepraat is,<br />
sonder om duidelik tussen die staat en die kerk te onderskei, kon dit<br />
teen die veertiende eeu nie meer gedoen word nie. Die konsep van ʼn<br />
algemene Christendom was nou onder druk.<br />
Marsilius van Padua (1275-1343) voeg hom by Dante as deel van<br />
die oorgang van die Middeleeue na die moderne tyd. Marsilius is egter<br />
ʼn veel moderner figuur as Dante. 22 Marsilius, ʼn Florentyn, sluit ook by<br />
Aristoteles aan. Vir hom is die staat as politieke gemeenskap ook ʼn<br />
18 Runkle (n 10 hierbo) 147-150.<br />
19 PB Clarke Deep citizenship (1996) 64. Hierdie beskouing is waarskynlik ietwat<br />
oordrewe aangesien, dit nie Dante se oortuiging dat alle politieke mag van God<br />
afstam, verreken nie. Die demokratiese ondertoon in die stelling is moontlik ook<br />
nie heeltemal korrek nie, omdat dit nie met Dante se monargale oortuigings<br />
strook nie. Desnieteenstaande demonstreer dit die breuk met die godsdienstige<br />
hegemonie van die Middeleeue.<br />
20 Clarke (n 19 hierbo) 64.<br />
21<br />
Copleston (n 17 hierbo) 302.<br />
22 Ebenstein (n 16 hierbo) 265.
38 Hoofstuk 3<br />
natuurlike gegewe, terwyl die kerk in belang van vrede onder<br />
politieke gesag geplaas word. 23 Ofskoon Marsilius ook skriftuurlik<br />
gebaseerde argumente gebruik het, was sy fokus nie op teologiese<br />
bespiegeling nie, maar eerder op die algehele outonomie van die staat<br />
— van die politiek. Sy belang lê in die outonomie van die staat. Hierdie<br />
outonomie kon slegs verwesenlik word indien die kerk as supranasionale<br />
politieke instelling verwerp word en tot ʼn departement van<br />
die staat beperk word. 24 Marsilius is ʼn outentieke eksponent van die<br />
wêreldlike politiek aangesien hy die rol van die kerk afskaal tot weinig<br />
meer as voorsiener van gemeenskapsdiens en as die skepper van<br />
morele en geestelike omstandighede wat die politieke regeerplig kon<br />
vergemaklik. 25<br />
Binne die kerk het die pouslike plenitudo potestas (absolute<br />
gesag) ook teenstand ontlok wat uiteindelik in die veertiende eeu op<br />
die Konsiliebeweging uitgeloop het. Hierdie beweging kan beskou<br />
word as een van die prominentste uitdrukkings van Middeleeuse<br />
konstitusionalisme. 26 Soos uit die bespreking van die pouslike<br />
rewolusie in hoofstuk 2 blyk, kan ’n konstitusionele tradisie in die kerk<br />
na die laat-elfde eeu nagespeur word. Die Konsiliebeweging was<br />
derhalwe nie die oorsprong van konstitusionalisme in die kerk nie. Dit<br />
sluit aan by ’n tradisie wat reeds gevestig was. Die saak van die<br />
Konsiliebeweging was dat die kerk ʼn korporatiewe entiteit van die<br />
gemeenskap van gelowiges is, waarin almal — geestelikes en leke —<br />
gelyk gedeel het. Kerklike regering moet ook minstens gedeeltelik<br />
behartig word deur rade waarin die gewone kerkvolk verteenwoordig<br />
word. Die Konsiliebeweging is sterk beïnvloed deur die<br />
Romeinsregtelike juris en voorste geleerde onder die Kommentatore,<br />
Bartolus de Saxoferrato (1313–1357) wat aangevoer het dat die volk se<br />
magsoordrag aan die maghebbers nie absoluut was nie. Dit was nie<br />
onvoorwaardelik nie. Dit is juis voorwaardelik, wat beteken dat die<br />
volk steeds die resterende bevoegdheid behou het om weer self as<br />
gesagvoerder op te tree. 27 Hierdie populêre soewereiniteitsbeskouing<br />
is deur sowel die voorgangers as die belangrikste woordvoerders van<br />
die Konsiliebeweging soos Jean van Parys, William van Ockham,<br />
23 Copleston (n 17 hierbo) 309.<br />
24 Copleston (n 17 hierbo) 309.<br />
25<br />
Copleston (n 17 hierbo) 312-313. Heelwat ander geskrifte ter ondersteuning van<br />
die gesag van die koning verskyn in hierdie tyd, byvoorbeeld dié van Pierre du<br />
Bois (sterf: 1322) wat ten gunste van die superioriteit van sekulêre staatsgesag<br />
argumenteer. Sien Artz The mind of the Middle Ages: An historical survey (1980)<br />
126).<br />
26 JN Figgis Political thought from Gerson to Grotius, 1414-1625 (1960) 41, 47.<br />
27<br />
AJ Antonitus ‘Die filosofie van die konsilibeweging’ in AM Faure et al (reds) Die<br />
Westerse politieke tradisie (1981) 139.
Verval en wegbereiding 39<br />
Durandus, Pierre d’Ailly, Johannes Gerson, Zabarella en Nicolas de<br />
Cusa aangegryp. 28<br />
Die Konsiliebeweging het wat betref sy daadwerklike neerslag in<br />
konkrete strukture nie geslaag nie en pouslike absolutisme is weer<br />
grootliks herstel. Die mislukking van die Konsiliebeweging om die pous<br />
te weerstaan en ʼn mate van federalisme in die kerklike regering in te<br />
bou, het die gaping gelaat vir die latere Kerkhervorming met sy veel<br />
radikaler implikasies, naamlik om uiteindelik die Westerse kerklike<br />
eenheid heeltemal te vernietig en sodoende die weg te baan vir die<br />
vestiging van (sekulêre) staatsgesag. Soos Neville Figgis dit stel, het<br />
die mislukking van die konserwatiewe verandering soos bepleit deur<br />
Gerson, as woordvoerder van die Konsiliebeweging, die rewolusionêre<br />
opsie van Calvyn se hervorming genoodsaak en moontlik gemaak. 29<br />
Ten spyte van die politieke mislukking van die Konsiliebeweging<br />
binne die kerk het die beweging ʼn belangrike invloed op die<br />
verhouding tussen die staat en die kerk uitgeoefen. Dit het die kerk<br />
se posisie teenoor die van dié staat verswak.<br />
ʼn Verdere bydrae tot die stroming teen die wêreldlike gesag van<br />
die kerk kom vanuit die universiteite. Prominent in hierdie verband is<br />
die figure John Wyclife 30 (1320-1384) van Oxford en Johannes Huss<br />
(1369-1415) van Praag. Wyclife slaan die geestelike waardigheid van<br />
die kerk so hoog aan dat hy daarvan oortuig is dat die kerk sigself<br />
geensins met wêreldlike sake moet bemoei nie. Gebeur dit wel, moet<br />
die staat die beheer van sulke optrede oorneem. Die effek van hierdie<br />
waardigheidsleerstuk is dat die staat in die gestalte van die<br />
koningskap teen die politieke aansprake van die pous versterk is. 31<br />
Wyclife se afkeer van kerklike eiendomsbesit 32 het dieselfde effek.<br />
Wyclife bepleit voorts ʼn nasionale Engelse kerk wat outonoom van<br />
pouslike beheer funksioneer. 33 Die kerk moes volgens Wyclife en Huss<br />
ʼn inwaartse rol ter wille van die uitverkorenes speel, terwyl die<br />
uitwaartse politieke terrein vir die staat gereserveer moes word.<br />
Hierdie gedagterigting is die onmiskenbare voorloper van die breuk in<br />
die kerk deur die Kerkhervorming van die sestiende eeu. 34<br />
28<br />
29<br />
Antonitus (n 27 hierbo) 140-144; Figgis (n 26 hierbo) 41-71 en veral 67-68. ’n<br />
Vollediger lys van die belangrikste woordvoerders word op 55 deur Figgis<br />
weergegee.<br />
Figgis (n 26 hierbo) 42-43.<br />
30 Soms ook Wycliffe gespel. Sien byvoorbeeld Wallback (n 7 hierbo) 382.<br />
31 CJ Wanlass Gettel’s History of political thought (1953) 136-137.<br />
32<br />
T van Wyk en SB Spies Western Europe from the decline of Rome to the<br />
Reformation (1985) 298.<br />
33 Wanlass (n 31 hierbo) 137.<br />
34 O Gierke Political Theories of the Middle Ages (Engelse vertaling deur RW<br />
Maitland) (1938) 19.
40 Hoofstuk 3<br />
Wanneer die fokus meer na die kant van die regsdenke verskuif,<br />
vind ons dat daar vanaf die twaalfde eeu ʼn hernieude belangstelling<br />
in die Romeinse reg ontwikkel het, aanvanklik in Italië, 35 maar<br />
mettertyd in bykans die hele Wes-Europa. Inderwaarheid was dit net<br />
in Engeland waar die Romeinse reg tot die verligting van sommige<br />
Engelse kommentatore nooit ’n vastrapplek kon kry en ʼn beduidende<br />
invloed op die politiek en staatsregtelike instellings kon uitoefen nie.<br />
Die onbevatlikheid van die Romeinse reg in Engeland word juis beskou<br />
as die rede waarom absolutisme, anders as in Frankryk waar die<br />
invloed van die Romeinse reg diepgaande was, nooit blywend in<br />
Engeland posgevat het nie. 36<br />
Romeinsregtelike denkbeelde vanuit die Justiniaanse kodifikasie<br />
van die sesde eeu het ʼn belangrike invloed op die politieke denke van<br />
die Renaissance 37 en van die sestiende eeu 38 uitgeoefen. Die<br />
Romeinse reg was weliswaar nooit in hierdie tydperk (volledig)<br />
positiewe reg nie. Daarvoor het die gewoontereg nog te veel van ’n<br />
houvas gehad. Dit was egter wel ’n soort ideale reg waarmee die<br />
positiewe reg verkieslik in pas moes wees. 39 Die Romeinse keiserlike<br />
reg, soos vervat in die kodifikasie, verskaf nie ʼn ongekwalifiseerde<br />
grondslag vir keiserlike (of vorstelike) absolutisme nie. Op sterkte van<br />
tekste in die Corpus Iuris Civilis is argumente sowel vir as teen<br />
vorstelike absolutisme aangevoer. 40 Dit is desondanks wel so dat<br />
Romeinsregtelik gebaseerde argumente die saak vir vorstelike<br />
absolutisme, wetgewende bevoegdheid van die monarg en<br />
magsentralisme sterk ondersteun het. Saam met ander kragte wat in<br />
hierdie hoofstuk bespreek word, het dit die opkomende territoriale<br />
state met hulle toenemende sentrale gesagsuitoefening sterk<br />
onderskraag.<br />
Daar is veral drie tekste in die Corpus Iuris Civilis wat hulself by<br />
uitstek geleen het vir ʼn interpretasie ten gunste van monargale gesag<br />
en absolutisme. 41<br />
Eerstens reflekteer Digesta 42 1.4 Ulpianus se stelling dat die wil<br />
van die vors die gesag van wetgewing het: ʼn besluit van die koning het<br />
35<br />
36<br />
DH van Zyl Geskiedenis van die Romeins-Hollandse Reg (1983) 62.<br />
Sien byvoorbeeld W Ullmann Medieval Political Thought (1965) 154-155; JP<br />
37<br />
Verloren van Themaat Staatsreg (1956) 21; Q Skinner (n 15 hierbo) Vol II 54-55.<br />
Onder meer op die filosofie van die konsiliebeweging. Sien Antonitus (n 27 hierbo)<br />
38<br />
139.<br />
Sien byvoorbeeld JW Allen A History of Political Thought in the Sixteenth Century<br />
39<br />
40<br />
41<br />
(1928) 289 et seq.<br />
Berman (n 1 hierbo) 204, 471.<br />
Sien byvoorbeeld Skinner (n 15 hierbo) 129-133.<br />
CP Joubert ‘Die gebondenheid van die soewereine wetgewer aan die reg’ (1942) 5<br />
42<br />
THRHR 18 verwys ook na ’n aantal ander tekste met ’n soortgelyke impak.<br />
Die Digesta gee die standpunte van vernaamlik die juriste van die bloeitydperk<br />
van die Romeinse reg gedurende die tweede en derde eeu weer. Sien W Kunkel An<br />
Introduction to Roman Legal and Constitutional History (Engelse vertaling deur
Verval en wegbereiding 41<br />
die krag van ’n wet. Die keiser beskik oor hierdie wetgewende gesag<br />
op sterkte van die feit dat die volk die bevoegdheid aan hom oorgedra<br />
het. 43 Ulpianus se standpunt is as geldende reg in die tyd van die<br />
opstel van die Corpus Iuris Civilis net so weergegee in Institutiones 44<br />
1.2.6. 45 In die laaste en mees omstrede teks, Digesta 1.3.3.1. wat aan<br />
sowel Ulpianus as Papinianus toegedig word, word verklaar dat die<br />
keiser nie aan die reg gebonde is nie 46 — dat hy dus oor absolute mag<br />
beskik.<br />
Middeleeuse Romeinsregtelike juriste (aanvanklik die Glossatore<br />
maar veral die latere meer gesofistikeerde Kommentatore) het<br />
teenoorgestelde posisies ingeneem met betrekking tot die aard van<br />
die volk se magsoordrag aan die keiser. Sommiges het geargumenteer<br />
dat die magsoordrag nie onherroeplik was nie, maar bloot ’n<br />
concessio, oftewel ʼn voorwaardelike delegasie van die usus van gesag<br />
was. 47 Die effek daarvan is dat die volk steeds soewerein bly en enige<br />
tyd self weer die uitoefening van gesag kon hervat. 48 Wat egter van<br />
groot belang is, is dat die twee invloedrykste Kommentatore, Bartolus<br />
de Saxoferrato (1314-1357) en Baldus de Ubaldis (1327-1400) die<br />
Romeinsregtelike regsposisie uitgelê het as sou die volk onherroeplik<br />
gesag (soewereiniteit) aan die staatshoof afgestaan het en derhalwe<br />
die bevoegdheid om self wette te maak, onherroeplik prysgegee<br />
het. 49<br />
Baldus was die mees uitgesproke eksponent van die<br />
Romeinsregtelik gebaseerde absolutisme. Baldus redeneer dat dit op<br />
die weg van die vors lê om geregtigheid te laat geskied. Dit is egter ʼn<br />
morele verpligting en nie ʼn juridiese een nie. Sou die vors dus sy<br />
morele verpligting versaak, is daar geen juridiese sanksie om hom tot<br />
gepaste optrede te verplig nie. 50 Sowel Bartolus as Baldus leer dat die<br />
42 JM Kelly) (1973) 105, 169; DH van Zyl Geskiedenis en beginsels van die Romeinse<br />
Reg (1977) 31, 59. Ulpianus is een van die vyf mees toonaangewende juriste van<br />
die klassieke tydperk van die Romeinse reg, en sy menings geniet derhalwe<br />
beduidende gesag.<br />
43 Sien die oorspronklike Latyn en Engelse vertaling van Digesta 1.4 uit die Corpus<br />
Iuris Civilis van Justinianus Vol 1 (Latynse teks geredigeer deur T Mommsen en P<br />
Krueger en in Engels vertaal deur A Watson) (1990).<br />
44 Die Institutiones was ’n meer toeganklike studiehandboek wat ook deel van die<br />
Corpus Iuris Civilis was en wat aan studente ’n samevatting van die geldende reg<br />
van die Justiniaanse era gegee het. Sien Van Zyl ( n 42 hierbo) 62-63; JAC Thomas<br />
The Institutes of Justinian Text Translation and Commentary (1975) vii.<br />
45<br />
Sien die oorspronklike Latyn en Engelse vertaling van hierdie teks deur Thomas (n<br />
44 hierbo) 5-6.<br />
46 Sien die oorspronklike Latyn en Engelse vertaling van hierdie teks deur Mommsen<br />
& Krueger (n 43). Papinianus is, soos Ulpianus, een van die groot vyf juriste van<br />
die klassieke Romeinse reg.<br />
47 Gierke (n 34 hierbo) 43; 150 (Nota 159).<br />
48<br />
Joubert (n 41 hierbo) 20-21.<br />
49 Joubert (n 41 hierbo) 30; JA Wahl ‘Baldus de Ubaldis and the foundations of the<br />
nation state’ Manuscripta (1977) XXI 86 en veral 91;Gierke (n 34 hierbo) 39, 43,<br />
147 (Nota 142), 150 (Nota 158).<br />
50 Wahl (n 49 hierbo) 87, 89.
42 Hoofstuk 3<br />
vors die reg uit vrye wil volg. Daar rus egter geen juridiese verpligting<br />
op die vors om ingevolge die reg op te tree nie. 51 Die absolutisme wat<br />
deur Baldus geskets word, is dus ʼn vorm van verligte absolutisme,<br />
want ofskoon ʼn goeie vors op die stem van die volk ag sal slaan, 52 is<br />
daar geen regsverpligting tot die effek nie. 53 Baldus se uiteensetting<br />
van vorstelike absolutisme verskans die vors se magsposisie<br />
permanent. Die rede hiervoor is dat die vors nie sy mag uitoefen op<br />
grond van ʼn persoonlike (en inherent veranderlike) verhouding met sy<br />
onderdane nie, maar vanweë ʼn vaste, onbuigsame regsbeginsel. 54 Dit<br />
gaan vir Baldus dus nie oor die (inherent veranderlike) persoonlike<br />
verhouding van die vors met die volk en prestasies van die vors<br />
teenoor sy onderdane nie, maar om die vorstelike amp wat uiteraard<br />
ʼn blywende en onveranderlike juridiese gegewe is.<br />
Oënskynlik teenstrydig met wat tot dusver oor Baldus se<br />
standpunt oor vorstelike absolutisme gesê is, leer Baldus ook dat die<br />
vors regsgebonde is aan die ooreenkomste van sy voorgangers. 55 Die<br />
gevolg hiervan is egter dat die vors deur hierdie reëling regstreeks<br />
met die staat (die koninkryk) geassosieer word, met die implikasie dat<br />
die staat ook ʼn permanente karakter kry — iets wat sedert die finale<br />
val van die Wes-Romeinse ryk in 476 nie aan Wes-Europa bekend was<br />
nie. Bowendien is vorstelike gebondenheid aan ooreenkomste nie<br />
strydig met die konsep van absolutisme nie, aangesien absolutisme,<br />
soos aangedui, juis sy oorsprong in ʼn onherroeplike ooreenkoms het,<br />
waardeur die volk gesag aan die keiser oorgedra het. Absolutisme se<br />
juridiese oorsprong is kontraktueel van aard, en juis daarom is dit<br />
legitiem.<br />
Baldus leer ook dat die vors slegs aan God ondergeskik is. Hy is aan<br />
die pous verantwoording verskuldig slegs met betrekking tot<br />
geestelike aangeleenthede. 56 Die keiser beklee die hoogste<br />
gesagsposisie met betrekking tot wêreldlike aangeleenthede en<br />
beskik oor die bevoegdheid om enige amptenaar uit sy amp te<br />
onthef. 57<br />
Samevattend het die Romeinse Kommentatoriese reg op twee<br />
maniere as stimulus vir die opkomende territoriale staat en<br />
staatsgesag gedien:<br />
Eerstens het dit die posisie van die wêreldlike politieke gesag ten<br />
koste van pouslike (kerklike) politieke magsaansprake versterk. Dit<br />
51 Wahl (n 49 hierbo) 89-90.<br />
52 Wahl (n 49 hierbo 92.<br />
53 Wahl (n 49 hierbo) 93.<br />
54 Wahl (n 49 hierbo) 80.<br />
55 Wahl (n 49 hierbo) 80, 82-84, 87.<br />
56 Wahl (n 49 hierbo) 85.<br />
57 Wahl (n 49 hierbo) 86.
Verval en wegbereiding 43<br />
sluit aan by die sosiale, politieke en filosofiese strominge van die tyd,<br />
wat meewerk tot die versterking van die wêreldlike politieke gesag<br />
van die ontluikende territoriale state.<br />
Tweedens wys dit die vors (hetsy die keiser van die ryk, of vorste<br />
van die talle Middeleeuse politieke eenhede) as die locus van politieke<br />
soewereiniteit aan en verleen op hierdie wyse juridiese ondersteuning<br />
aan die gesagsaansprake van die vors. Sodoende word die staatlike<br />
aanspraak in die wedywering om politieke gesag teen die kerk<br />
bevorder.<br />
Die Germaanse opvatting dat reg nie uitdruklik verorden word nie,<br />
maar as soewereine reg soos vervat in die volksgewoontes nog altyd<br />
daar — in die volksgewoontes — was, en bloot daar gevind word, het<br />
ook veld verloor teen die Romeinse opvatting dat reg ooreenkomstig<br />
die wil van die vors gemaak kan word. Die Germaanse opvattings oor<br />
volksoewereiniteit was baie lank gedurende die Middeleeue, saam<br />
met opvattings oor regsoewereiniteit, toonaangewend. Mettertyd,<br />
onder meer weens kragte soos die Romeinsregtelik gebaseerde<br />
absolutisme, het dit egter grootliks hulle aanklank en gesag verloor.<br />
Die opvatting oor die goddelike reg van konings, wat in die vierde<br />
deel van hierdie hoofstuk aandag kry, met sy implisiet teologies<br />
gefundeerde ondersteuning vir vorstelike mag en absolutisme, vind in<br />
die Romeinsregtelike stroming ʼn sekulêre bondgenoot wat sy<br />
aansprake uit Antieke bronne put. Albei is boustene van die staat en<br />
van vorstelike absolutisme en albei is op hul eie manier ewe vyandig<br />
teen die politieke gesagsaansprake van die kerk. Die ontluikende<br />
territoriale state het beduidende krag hieruit geput.<br />
3 Staatsvorming<br />
Karel die Grote het weliswaar ’n ryk gehad, maar anders as die<br />
moderne territoriale staat het dit nie ’n duidelike sentrum en ’n<br />
hoofstad gehad nie. Dit het ook aan duidelik grense ontbreek. Anders<br />
as die kontemporêre territoriale staat was dit nie in die eerste plek ’n<br />
territoriale entiteit — ’n entiteit gekenmerk deur vaste grense nie. 58<br />
Dieselfde geld vir die ryk nadat dit in die tiende eeu herleef het. Die<br />
keiser het eerder oor mense regeer as wat sy regering oor ’n duidelik<br />
gedefinieerde gebied gestrek het. Voorts was regering natuurlik ook<br />
lukraak en vir lang tye afwesig. Sonder ’n vaste burokrasie soos met<br />
die hoogbloei van die Romeinse ryk of tans in die goed-funksionerende<br />
territoriale staat, was regering op losse skroewe en dikwels langdurig<br />
afwesig. Regering het afgehang van die vors — die keiser — se fisiese<br />
58 Berman (1 hierbo) 89; 483.
44 Hoofstuk 3<br />
teenwoordigheid, of van die teenwoordigheid van sy rondreisende<br />
afgevaardigdes (veldagente). Die keiser moes gedurig rondreis. Daar<br />
waar hy of sy afgevaardigdes was, het die keiser se gesag gegeld,<br />
opstand is onderdruk en geskille is besleg. Sodra hulle vertrek het, het<br />
regering vervaag. Sy vertrek het dikwels ook die vertrek van die ryk<br />
beteken. Die ryk, sê Harold Berman, was nie ’n geografiese entiteit<br />
nie maar eerder ’n militêre en geestelike gesag. 59 Dinastiese state,<br />
wat rondom vorste ontwikkel het en wat mettertyd die ryk sou<br />
vervang (en die universele kerk opsy sou skuif), het aan dieselfde<br />
gebreke gely. In die besonder was hulle ook nie territoriaal nie. 60 Dit<br />
was ook regering oor mense en nie soseer oor ’n duidelik afgebakende<br />
gebied nie.<br />
Die regering van die keiser en die dinastiese vorste was bowendien<br />
ook nie soseer oor alle mense nie. Binne die konteks van ’n feodale<br />
orde — die orde waarin die ryk vanaf die tiende eeu beslag gekry het<br />
en die state ontstaan het — was die vors se regering op die keper<br />
beskou regstreeks slegs oor sy onmiddellike vasalle, hertoë, grawe en<br />
dergelike adellikes en nie oor almal nie. Die vors het weliswaar<br />
onregstreeks ook oor die ondergeskiktes van sy vasalle regeer maar in<br />
praktiese terme was dit eintlik die vasalle self, wat oor húlle<br />
ondergeskiktes regeer het. Van soewereiniteit — kenmerkend van die<br />
latere territoriale staat — was daar nog nie sprake nie. Politieke<br />
gesagsuitoefening en soewereiniteit (as mens die woord geforseerd<br />
hier wil gebruik) was verdeel — diffuus — en onstabiel. Met die opkoms<br />
van die stede in Wes-Europa was politieke mag voordat die territoriale<br />
staat finaal as die dominante nuwe politieke ordening op die<br />
voorgrond getree het, voorlopig nog meer gefragmenteer. Dit het<br />
onder meer uitdrukking gevind in ’n hele stel parallelle regstelsels,<br />
insluitend feodale reg, landgoedreg (manoral law), stedelike<br />
regstelsels en vorstelike reg. 61<br />
Met die vyftiende eeu breek ’n era van versnelde staatsvorming<br />
aan. Weliswaar was daar reeds lank tevore ʼn stadige en nouliks<br />
merkbare proses van staatsvorming aan die gang toe die Franse<br />
monarge in die twaalfde en dertiende eeue mag begin sentraliseer,<br />
rudimentêre staatsdienste begin vorm en staande leërs begin<br />
ontwikkel het. 62 Trouens, daar word aangevoer dat die Normandiese<br />
koninkryk in Sicilië en Suid-Italië onder Roger II vanaf 1112 tot 1154,<br />
Engeland onder Hendrik II vanaf 1154 tot 1189, Frankryk onder Philip<br />
Augustus vanaf 1180 tot 1223 en enkele ander koninkryke reeds<br />
59<br />
60<br />
61<br />
Berman (1 hierbo) 89.<br />
Berman (1 hierbo) 297.<br />
Dit word breedvoerig deur Harold Berman uiteengesit. Sien Berman (1 hierbo)<br />
62<br />
273-519.<br />
Sien in die algemeen S Painter The Rise of the Feudal Monarchies (1951); RN Berki<br />
The History of Political Thought: A short introduction (1977) 116.
Verval en wegbereiding 45<br />
territoriale state was. 63 Ten minste sommige hiervan was nie<br />
standhoudend nie. Wat wel duidelik is, is dat lewensvatbare en<br />
standhoudende staatsvorming in vroeg-moderne Europa 64 volskaals op<br />
dreef was. Voor 1453 (die val van Konstantinopel voor die Ottomaanse<br />
aanslag en ’n datum wat dikwels as die einde van die Middeleeue<br />
aangedui word) was Europese state — en in hierdie tydvak was dit<br />
Engeland, Frankryk en Spanje — nog meer feodaal as soewerein en<br />
territoriaal. Na 1559 (die Vrede van Augsburg) was hulle egter meer<br />
soewerein as feodaal. Dié state kon voor 1453 nog as feodale<br />
monargieë getipeer word, maar die staat van na 1559 het reeds die<br />
eienskappe van ’n soewereine staat vertoon.<br />
65 66<br />
Waar daar gedurende die laat-Middeleeue ʼn magsewewig tussen<br />
feodale desentralisasie en monargale sentralisasie geheers het, het<br />
die ewewig tussen 1453 en 1559 skerp in die guns van die monarg<br />
geswaai. 67 Die monargale (of dinastiese) staat word in hierdie tyd die<br />
dominante rolvertolker in die globale politiek en in die inter-Europese<br />
staatsbestel en skuif sodoende die eertyds dominante Republica<br />
Christiana opsy. 68 ʼn Sprekende voorbeeld van die mate waarin die<br />
vors se gesag gegroei het, vind ons waar die president van die hoogste<br />
Franse geregshof in 1527 die destydse Franse koning, Francis I,<br />
daarvan verseker dat almal erken dat die princeps legibus solutus est,<br />
oftewel dat die koning bo die reg verhewe is. 69<br />
Ofskoon die Italiaanse Renaissance-state weens die sekulêre<br />
trekke wat hulle vertoon het, in sekere opsigte inleiers van die nuwe<br />
staatlike tydperk was, 70 is die Franse staat as ʼn groot geografiese<br />
eenheid met al die tipiese ontwikkelingspatrone van die destyds<br />
opkomende state, wat vervolgens bespreek word, die tipiese model<br />
63<br />
Vgl die breedvoerige bespreking van Berman (n 1 hierbo) 404-481.<br />
64 Hierdie tydperk is uiteraard nie met spesifieke jaartalle afbakenbaar nie maar dit<br />
is ongeveer die periode 1460 tot 1559 volgens die afbakening van EF Rice The<br />
Foundations of Early Modern Europe 1460-1559 (1971), of 1450 tot 1550 volgens<br />
die afbakening van Van Wyk en Spies (n 32 hierbo).<br />
65 Rice (n 64 hierbo) 92.<br />
66<br />
Die datums 1453 en 1559 is histories belangwekkend, onderskeidelik weens die<br />
val van die Oos Romeinse ryk en die Vrede van Augsburg.<br />
67 Rice (n 64 hierbo) 93.<br />
68<br />
Van Wyk & Spies (n 32 hierbo) 230; HG Koenigsberger en GL Mosse A general<br />
history of Europe in the sixteenth century (1968) 2.<br />
69 Rice (n 64 hierbo) 93.<br />
70<br />
Die Italiaanse stadstate was slegs vir ’n kortstondige episode op die historiese<br />
toneel. Voorts was hulle die produk van baie besondere historiese omstandighede<br />
wat buite die hooftendens van Europese staatsformasie gestaan het. Soos G Ritter<br />
‘Origins of the modern state’ in H Lubasz (red) The development of the Modern<br />
State (1964) 20 dit stel:<br />
The world of Italian Renaissance states is a freak, the product of unique<br />
political conditions and historical memories. The cradle of the great<br />
modern powers, of the modern national-power state is not Italy but<br />
Western Europe.
46 Hoofstuk 3<br />
vir die onplooiing van die staat. 71 Staatsvorming word ten grondslag<br />
gelê deur die ontwikkeling van ʼn permanente burokrasie, permanente<br />
weermag (of in die geval van Engeland, ʼn permanente vloot), ʼn<br />
algemene belastingstelsel, owerheidsbeleid ter ondersteuning van<br />
ekonomiese produksie en groei, die absorpsie van kleiner en swakker<br />
politieke eenhede in groteres en sterkeres, 72 die ontwikkeling van ’n<br />
algemene landsreg (gemenereg) as die dominante of selfs die enigste<br />
regstelsel in die plek van die verskeidenheid van regstelsels van<br />
weleer (feodale reg, landgoedreg — manoral law —, stedelike reg,<br />
benewens natuurlik die kanonieke reg). 73 Die territoriale staat<br />
veronderstel ook die vervanging van persoonlike lojaliteit teenoor die<br />
vors van weleer na ’n onpersoonlike abstrakte verhouding tussen die<br />
regering en die burgery.<br />
Die burokrasie wat begin ontwikkel het, was geen staatsdiens in<br />
die moderne sin van die woord nie, maar wel ’n koninklike burokrasie<br />
— the king’s officers. 74 Die monarg het self die aanstellings gemaak<br />
en hy kon na goeddunke ontslaan, net soos hy na goeddunke kon<br />
aanstel. Die burokrate, aan die ander kant, moes optree soos dit die<br />
koning behaag.<br />
Die koninklike burokrasie weerspieël die sosiale veranderings<br />
sowel as die politieke bondgenootskappe van die tyd. Belangrike<br />
ampte is naamlik nie deur die hoofde van prominente adellike families<br />
gevul nie, maar deur professionele administrateurs vanuit die<br />
opkomende middelklas waarvan die meeste universiteitsopleiding in<br />
die regte ondergaan het 75 en onder die invloed was van die<br />
absolutistiese opvattings wat uit die Justiniaanse kodifikasie<br />
gekonstrueer is.<br />
Daar was ’n strategiese bondgenootskap tussen die vorste van die<br />
opkomende territoriale state aan die een kant, en die burgery en die<br />
71 Dit word onder meer geïllustreer in die bespreking van F Chabod ‘Was there a<br />
Renaissance State?’ in H Lubasz (red) The development of the modern state 26-42<br />
waaruit dit blyk dat die Franse staat (en nie die noord-Italiaanse stadstate van die<br />
laat-Middeleeue en die Renaissance nie) die wegbereiders van die territoriale<br />
staat was.<br />
72<br />
J Anderson en S Hall ‘Absolutism and other ancestors’ in J Anderson (red) The rise<br />
of the modern state (1986) 32.<br />
73 Vergelyk in hierdie verband die breedvoerige bespreking van HJ Berman 1983 405-<br />
519.<br />
74 Rice (n 64 hierbo) 95-96.<br />
75 Ritter (n 70 hierbo) 21-22; Van Wyk & Spies (n 32 hierbo) 244, 248. Laasgenoemde<br />
verduidelik dat daar in daardie tyd ’n sameloop van belange tussen die monarg en<br />
die opkomende burgerklas was. Veral Louis XI van Frankryk het gemenesaak met<br />
die burgerklas gemaak. Die burgerklas het na die Honderdjarige Oorlog<br />
waartydens die laaste oorblyfsels van Engelse gesag uit Europa verdryf is, die<br />
noodsaak van sterk sentrale gesag ingesien, onder meer ten einde beskerming aan<br />
hulle te verleen teen die groeiende en rustelose proletariaat. Daarmee saam was<br />
die middelklas die bron van die koning se opgeleide en toegewyde<br />
administrateurs.
Verval en wegbereiding 47<br />
handelslui in die stede aan die ander kant. Hulle het ’n gedeelde<br />
belang gehad in die verswakking van die politieke mag van mindere<br />
vasalle en in die uitweer van ekonomiese fragmentasie wat deur die<br />
feodale orde se verskeidenheid van geldeenhede, die betaling van<br />
tolgeld, asook ’n verskeidenheid weeg- en meeteenhede en dergelike<br />
vorme van ekonomiese fragmentasie teweeg gebring is. Die burgers en<br />
die handelslui wou belastings aan mindere vasalle vermy, net soos<br />
hulle die koste en beslommernis van tolgelde en die genoemde vorme<br />
van ekonomiese fragmentasie wou vermy. Ter wille van<br />
doeltreffender handel en groter winste wou hulle die grootste<br />
moontlike ekonomiese eenhede gehad het. Die antwoord het vir hulle<br />
in die gesentraliseerde territoriale staat en dus in lojaliteit teenoor<br />
die vors, in plaas van allerlei mindere (feodale) adellikes gelê. Die<br />
vorste, aan die ander kant, het bondgenootskappe opgesoek met<br />
diegene wat juis staatsentralisasie wou hê en die fragmentasie van die<br />
feodale orde ’n steen des aanstoots gevind het. In die handelslui en<br />
die burgerklas van die stede het hulle hierdie bondgenote gevind. Dit<br />
is teen hierdie agtergrond dat die vorste van die opkomende<br />
territoriale state (veral Frankryk) se voorkeur vir die indiensneming<br />
van mense vanuit die stedelike burgerstand in die koninklike<br />
burokrasieë gesien moet word. 76<br />
Die burokrasie het so prominent geword dat dit mettertyd in ʼn<br />
vierde klas, naas die tradisionele Middeleeuse klasse, 77 ontwikkel het.<br />
Die ontwikkeling van hierdie klas verteenwoordig alreeds ʼn breuk met<br />
die Middeleeue. Veel belangriker was egter die professionele<br />
mentaliteit van hierdie klas. Hulle het aan die belange van die staat<br />
voorrang gegee en sodoende meegehelp tot die vestiging van ʼn<br />
staatlike logika waarvolgens die belange van die staat konsekwent die<br />
eerste prioriteit was. 78<br />
Wanneer van ʼn koninklike burokrasie gepraat word, moet dit nie<br />
vanuit ʼn eietydse perspektief verstaan word, naamlik as ʼn staatsdiens<br />
wat deel van die uitvoerende gesag is nie. Die burokrasie sluit die<br />
groeiende getal burokrate in wat vir die regspleging verantwoordelik<br />
was en in hierdie hoedanigheid bygedra het tot die vestiging van<br />
staatsgesag. By die burokrasie is ook ʼn vaste diplomatieke korps<br />
inbegryp wat, namate staatsvorming gevorder en interstaatlike<br />
verhoudings toegeneem het, al hoe noodsaakliker geraak het. 79<br />
76<br />
Hierdie dinamika word breedvoerig deur Hendrik Spruyt The sovereign state and<br />
its competitors: An analysis of systems change (1994) geskets.<br />
77 Sien die eerste gedeelte van hierdie hoofstuk.<br />
78<br />
Chabod (n 71 hierbo) 36.<br />
79 Die groeiende belangrikheid van die diplomaat kan nouliks beter gedemonstreer<br />
word as deur Machiavelli — die aankondiger van die nuwe staatlike era — wat<br />
onder andere die verteenwoordiger van Florence in die Franse hof was. Sien<br />
Skinner (n 15 hierbo) 4 et seq.
48 Hoofstuk 3<br />
Staatsvorming gaan hand aan hand met die vestiging van<br />
permanente leërs. Die staat verkry hierdeur ʼn monopolie op<br />
geweldsmiddele en geweldsuitoefening, anders as in die Middeleeue<br />
toe oorlogvoering in ʼn groot mate ʼn private aangeleentheid was. 80<br />
Ofskoon daar rudimentêre tekens van diensplig was, was die destydse<br />
leërs merendeels huurleërs. 81 Die leërs is deur die monarg in diens<br />
geneem en is deur sy onderdane, sowel as buitelanders beman. Die<br />
leërs het ook dikwels onder die aanvoering van buitelanders<br />
gefunksioneer. 82 Desondanks kon die sestiende-eeuse monarge<br />
staatmaak op veel groter en doeltreffender leërs as hul Middeleeuse<br />
voorgangers.<br />
Die groter, aktiewer en administratief doeltreffender staat het<br />
veel meer geld vereis. Daarom was ʼn drastiese breuk met die<br />
Middeleeuse beskouing oor belasting noodsaaklik en moes ʼn fiskale<br />
bedeling gevestig word met die vermoë om baie meer fondse te<br />
genereer. Volgens die Middeleeuse opvatting was die hef van<br />
regstreekse belastings onaanvaarbaar. Daar is geredeneer dat die<br />
koning op sy eie moes leef uit die opbrengs uit sy kroonlandgoed<br />
(royal demesne), aangevul deur lenings en indirekte belasting. 83 Die<br />
onderliggende gedagte was dat die koning oor politieke gesag<br />
(dominium) beskik het, terwyl privaat eiendom (proprietas) die<br />
onderdaan toekom. 84 Deur die hef van belasting, begeef die vors hom<br />
op die terrein van proprietas en word die onderskeid tussen die twee<br />
terreine misken.<br />
Weens die groter staatsbetrokkenheid by die daaglikse lewe van<br />
die onderdaan, wat deur die verbeterde staatsadministrasie teweeg<br />
gebring is, het die tradisionele houding teen die hef van belasting<br />
verval. Populêre instemming vir die hef van belastings het gegroei.<br />
Vroeër kon slegs die State-Generaal (in Frankryk, Spanje ens.) die hef<br />
van belastings gelas. Die situasie het egter verander en teen die<br />
middel van die sestiende eeu het die Franse konings, Francis I en Henri<br />
II, reeds oor die de facto bevoegdheid beskik om belastings te hef. 85<br />
Die ontwikkelende territoriale state het nie oor ‘nasionale’<br />
ekonomieë beskik nie. Weens tarie<strong>fm</strong>ure, tolgelde wat oral<br />
betaalbaar was, ’n verskeidenheid van geldeenhede, en net so ’n<br />
groot verskeidenheid van maat- en weegeenhede, was daar ʼn klomp<br />
80 Die staat is per definisie juis die enkele entiteit wat oor ’n monopolie oor<br />
legitieme huishoudelike en eksterne geweld beskik. Soos Hendrik Spruyt (n 76<br />
hierbo) 16 sê: ‘The state claims a domestic and external monopoly of force. As a<br />
consequence non-state actors are stripped of coercive means — mercenaries and<br />
privateers thus have disappeared.’<br />
81<br />
Rice (n 64 hierbo) 98.<br />
82 Anderson & Hall (n 72 hierbo) 35.<br />
83 H Heaton Economic history of Europe (1948) 70; Berman (n 1 hierbo) 484.<br />
84<br />
Rice (n 76 hierbo) 101-102; sien ook Ritter (n 70 hierbo) 21.<br />
85 Rice (n 76 hierbo)102-103; Koenigsberger & Mosse (n 68 hierbo) 228-231.
Verval en wegbereiding 49<br />
plaaslike ekonomieë. Staatsformasie moes en het derhalwe ook<br />
gepaard gegaan met die verstaatliking van ekonomieë wat later, veral<br />
in die sewentiende eeu, uitgeloop het op ʼn beleid van merkantilisme<br />
wat veral in Frankryk en meer bepaald onder die leiding van die<br />
Franse staatsman, Jean Baptiste Colbert (1619-1683) gevolg is.<br />
Merkantilisme, waarvan die eerste spore tot 1550 terug herlei word,<br />
was basies die beleid waarvolgens alle ekonomiese hulpbronne ter<br />
wille van die versterking van staatsmag gemobiliseer is. 86 Daarvolgens<br />
is ’n staats-algemene praktyk ingevoer met betrekking tot die hef van<br />
belastings en die geldeenheid, en is die betaling van tolgeld en<br />
doeane-heffings binne state uitgefaseer. 87<br />
Namate die opkomende vorste van die ontluikende territoriale<br />
state se gesag ten koste van die feodale eenhede uitgebrei het, het<br />
die verskeidenheid van regstelsels wat daar vroeër bestaan het ook<br />
toenemend plek gemaak vir ’n enkele gemenereg, oftewel landsreg<br />
wat oor die hele territoriale staat — aan die begin veral Engeland —<br />
gegeld het. Hand aan hand hiermee het tribunale wat die landsreg<br />
moes toepas ook hulle merk begin maak: in Engeland die Court of<br />
Common Pleas en die King’s Bench. 88 Die algemene landsreg het ook<br />
neerslag gevind in algemene werke wat daar oor die landsreg verskyn<br />
het. Die Treatise on the Laws and Customs of the Kingdom of England<br />
wat aan Glanville toegeskryf word, het reeds in 1187 verskyn en<br />
Bracton se Treatise on the Laws and Customs of England sowat vyftig<br />
jaar later. 89<br />
Engeland was teen die sestiende eeu lank reeds ʼn gevestigde<br />
geografiese eenheid. Frankryk het ook vinnig in die rigting van<br />
magsentralisasie beweeg. Verskeie (Franse) gebiede wat nie vroeër<br />
onder die beheer van die Franse monarg was nie, kom gedurende die<br />
vyftiende eeu onder sy gesag. In die regeringstydperk van Francis I<br />
(1515-1546) word die proses afgerond, sodat alle Franse grondgebied<br />
vir die eerste maal in die geheel onder die beheer van die Franse vors<br />
geplaas word. 90 Die Franse model word mettertyd in die hele Wes-<br />
Europa, met inbegrip van Skandinawië nagevolg. Na die Europese<br />
koloniale uitbreiding, vind die model van die omvangryke soewereine<br />
territoriale staat, volgens die Europese voorbeeld, wêreldwyd inslag.<br />
86 S Viljoen Economic systems in world history (1974) 143.<br />
87 Die beleid is ook toegepas met betrekking tot die verhouding tussen die koloniale<br />
moondhede en hul koloniale dominiums. Daarvolgens is die ekonomieë van die<br />
kolonies so ingerig dat dit die ekonomiese en politieke belange van die koloniale<br />
heerser ten beste sou dien. Die kolonies se produksie en handel is derhalwe<br />
ingerig volgens die behoeftes van die koloniale moondheid en nie volgens die<br />
behoeftes van die kolonie en sy bevolking nie. Viljoen (n 86 hierbo) 170 et seq.<br />
88 Berman (n 1 hierbo) 425-443.<br />
89<br />
Berman (n 1 hierbo) 457-9.<br />
90 Van Wyk & Spies (n 32 hierbo) 249.
50 Hoofstuk 3<br />
Internasionale betrekkinge ondergaan in die vroeg-Moderne<br />
tydperk eweneens wesenlike veranderings. Dit word toenemend<br />
interstaatlike verhoudings, wat aan die hand van ʼn staatlike logika<br />
(raison d’êtat) bestuur word. Die implikasie daarvan is dat waar<br />
godsdienstige waarheidsaansprake vroeër die kritiese faktor in<br />
globale verhoudings was, die beste belange van die staat voortaan die<br />
kritiese maatstaf in globale verhoudings word. Vroeër was die primêre<br />
spanningsveld in die globale politiek dié tussen die Wes-Europese<br />
Christelike ryk en die (sg. ongelowige) wêreld van Islam. Na dese lê<br />
die spanningslyne tussen die opkomende territoriale state.<br />
Karel V, koning van die Habsburgse gebiede (wat Spanje,<br />
Nederland, Oostenryk, Napels, Sisilië en die Spaanse oorsese gebiede<br />
ingesluit het) en keiser van die Heilige Romeinse ryk (1519-1556), 91<br />
was steeds besiel met die ideale van Christelike universalisme. Hy<br />
sien sy hooftaak steeds as die beskermer van die Christendom, die<br />
bestraffer van die ongelowige Ottomaanse Turk 92 en die uitroeier van<br />
die grootskaalse kettery wat deur die Kerkhervorming veroorsaak is.<br />
Soos in die Middeleeue was Karel se mentaliteit Christelikuniversalisties<br />
gedrewe. Hy het die ou era versinnebeeld. Teenoor<br />
Karel staan sy teenpool, Francis I, koning van Frankryk (regeer 1515-<br />
1546) wat in die sfeer van internasionale verhoudings politieke<br />
doelmatigheid van godsdienstige suiwerheid geskei het. Hy was ʼn<br />
realpolitikus by uitnemendheid wat, ongeag godsdienstige<br />
oorwegings, die belange van die Franse staat voorop gestel het. Binne<br />
die Europese konteks was die twee vorste teenstanders. In sy stryd<br />
teen Karel werp Francis die religieuse logika omver en sluit in 1525,<br />
gesien vanuit ʼn Middeleeuse perspektief, ʼn onheilige bondgenootskap<br />
met die (ongelowige Islamitiese) sultan teen sy (Francis se) Christelike<br />
(Habsburgse) broer. 93 Aan die einde van Karel se lewe was die ideaal<br />
van Christelike universalisme reeds aan die verlede toevertrou.<br />
Ofskoon die ideaal van Christelike universalisme in die<br />
internasionale sfeer verdwyn het, was godsdiens as politieke<br />
determinant binne die opkomende territoriale state egter steeds<br />
hardnekkig. Die staatlike logika het moeilik posgevat en godsdiens<br />
was nog vir ʼn ruk ʼn bepalende politieke faktor. Binne die state is daar<br />
min verdraagsaamheid vir godsdienstige pluralisme en dus vir ʼn<br />
verskeidenheid van godsdienstige denominasies wat naas mekaar in<br />
een staat bestaan openbaar. ʼn Wesenlike verandering het eers<br />
ingetree na die verskrikking van die Franse godsdiensoorloë, wat later<br />
bespreek word.<br />
91 Rice (n 64 hierbo) 107.<br />
92<br />
Rice (n 64 hierbo) 108; Koenigsberger & Mosse (n 68 hierbo) 178.<br />
93 Rice (n 64 hierbo) 120.
4 Reformasie<br />
Verval en wegbereiding 51<br />
Martin Luther het nie ʼn politieke rewolusie beplan nie en hy wou nie<br />
ʼn skeuring in die kerk veroorsaak nie. 94 Hy was ’n baie teësinnige<br />
rewolusionêr wat nooit enige tradisie wou laat vaar tensy die Skrif<br />
hom daartoe gebied het nie. 95 Toe die Hervorming en die<br />
gepaardgaande skeuring eintlik al ’n voldonge feit was, het hy steeds<br />
nie die breuk as finaal beskou nie en nog sy hoop op die interne<br />
hervorming van die een universele kerk geplaas. 96 Vir sover Luther<br />
wel iets beplan het, was dit daarop gerig om hervorming van die kerk<br />
te bewerkstellig. Maar soos onder andere Micheal Oakeshott<br />
insiggewend verduidelik, word die menslike geskiedenis nie voltrek<br />
ooreenkomstig menslike beplanning nie, maar wel op sterkte van<br />
menslike handeling. 97 Ofskoon Luther se oog na bo gerig was, was dit<br />
soos Neville Figgis dit stel, sy funksie, asook die van Zwingli, die<br />
Anglikane, Wyclife en Hooker, om al die belangrike elemente van<br />
gesag wat gedurende die Middeleeue in die kerk gesetel het, aan die<br />
staat oor te dra. 98 Figgis verklaar:<br />
... the medieval mind conceived of its universal Church-State, with<br />
power ultimately fixed in the Spiritual head bounded by no territorial<br />
frontier; the Protestant mind places all ecclesiastical authority below<br />
the jurisdiction and subject to the control of the ‘Godly prince.’ 99<br />
Elders, moontlik ietwat oordrewe, maar nie heeltemal van die merk<br />
af nie, som Figgis die argument dat die Protestantse rewolusie die<br />
noodsaaklike voorwaarde vir koninklike absolutisme was, so op:<br />
Had there been no Luther there could never have been a Louis XIV. 100<br />
Gesien vanuit ʼn politieke oogpunt, moet die Protestantse Reformasie<br />
eerder as ʼn rewolusie getipeer word. Die rykskerklike Middeleeuse<br />
universalisme — in die tyd van Luther reeds ʼn verweerde konsep — is<br />
met die Protestantse rewolusie opgehef. Die rewolusie is tweesydig:<br />
Eerstens is daar ʼn sekulêre sy wat behels het dat die kerk volledig van<br />
wêreldlike gesag gestroop is, wat na dese vir die (wêreldlike) politici<br />
gereserveer is. Met die Lutherse rewolusie word die kerk bloot ’n<br />
assosiasie binne die staat. Dit was nie meer langs die staat nie en dit<br />
was veral nie bokant die staat verhewe nie. 101 Tweedens het dit ʼn<br />
94<br />
95<br />
96<br />
97<br />
98<br />
99<br />
100<br />
Elton (n 12 hierbo) 13.<br />
Elton (n 12 hierbo) 17.<br />
Elton (n 12 hierbo) 54.<br />
M Oakeshott Rationalism in politics and other essays (1962) 1-36.<br />
Figgis (n 26 hierbo) 71.<br />
Figgis (n 26 hierbo) 71.<br />
Figgis (n 26 hierbo) 81. (Louis XIV van Frankryk word allerweë as die<br />
101<br />
verpersoonliking van vorstelike absolutisme beskou.)<br />
Berman (n 1 hierbo) 269.
52 Hoofstuk 3<br />
partikularisme-sy, wat beteken dat waar politieke gesag ten minste<br />
deels en soms grotendeels in die keiser van die universele ryk gesetel<br />
het in plaas van in die vorste van kleiner politieke eenhede, dit nou<br />
beslissend na die monarge van ʼn verskeidenheid van ontluikende<br />
territoriale state verskuif het.<br />
Die sukses van Luther se rewolusie was daaraan te danke dat die<br />
tyd ryp was vir ʼn figuur wat sy rol moes vertolk. Die intellektuele<br />
klimaat van die Renaissance, soos hierbo beskryf, was swaar teen die<br />
voortgesette mag van die kerk gelaai. Die intelligentsia van die tyd<br />
het begin bewus raak van hulle nasionale (of staatlike) identiteit en<br />
het dit toenemend moeilik gevind om hulle ongekwalifiseerd met die<br />
lidmaatskap van ʼn enkele Christelike gemeenskap te vereenselwig. 102<br />
Die uitdaging wat Luther aan die kerk gerig het, het die veranderde<br />
toestand wat reeds in die toentertydse gemeenskap vaardig was,<br />
weerspieël. Die Lutherse rewolusie was ook in ʼn natuurlike<br />
bondgenootskap met ʼn aansienlike getal Duitse prinsdomme en<br />
vrystede wat in die Lutherse rewolusie versterking vir hul politieke<br />
strewe na groter outonomie gevind het, en wat Lutheranisme as<br />
staatsgodsdiens aanvaar het. 103<br />
Latyn, die heilige taal van die Republica Christiana, 104 en een van<br />
die hoekstene van die Middeleeuse identiteit, het begin veld verloor<br />
teen die nuwe opkomende skryftale van Wes-Europa. 105 Die nuwe<br />
skryftale is veral aangewakker deur die drukkerskuns wat teen die<br />
middel van die vyftiende eeu begin ontwikkel het. Die mark vir<br />
Latynse geskrifte is vinnig uitgeput omdat slegs ’n fraks-persentasie<br />
van die bevolking Latynse literati was. Gevolglik is die boekemark<br />
vinnig gevul met groot hoeveelhede Duitse, Franse en Engelse<br />
geskrifte wat vir baie meer mense toeganklik was. 106 Benedict<br />
Anderson verduidelik dit soos volg:<br />
... the evolution of these vernaculars to the status of languages of<br />
power, where, in one sense, they were competitors with Latin ... made<br />
its own contribution to the decline of the imagined community of<br />
Christendom. 107<br />
Die verheffing van moedertale tot die status van skryftale en tale van<br />
geleerdheid het tot die aftakeling van die oorkoepelende Middeleeuse<br />
Christelike identiteit en tot die verskerpte bewuswording van nuwe<br />
identiteite bygedra. Juis die drukpers het die Lutherse rewolusie in<br />
102 Van Wyk & Spies (n 32 hierbo) 287.<br />
103 SJ Lee Aspects of European history 1494-1789 (1982) 18-25; Ebenstein (n 16<br />
hierbo) 304-5.<br />
104 B Anderson Imagined communities: Reflections on the origins and spread of<br />
nationalism (1983) 22.<br />
105 Anderson (n 104 hierbo) 25, 45.<br />
106 Anderson (n 104 hierbo) 42-43.<br />
107 Anderson (n 104 hierbo) 43-44.
Verval en wegbereiding 53<br />
staat gestel om, anders as vroeëre afwykings van die kerklike<br />
ortodoksie, ʼn voorsprong bo die Roomse Kerk te verkry. Luther se<br />
Duitse geskrifte het so vinnig versprei — hy word beskryf as die eerste<br />
skrywer van blitsverkopers 108 — dat die kerk se reaksionêre pogings<br />
om dit in toom te hou net eenvoudig te swak was.<br />
Die toestand in die kerk was eweneens ryp vir ʼn rewolusie. Die<br />
kerklike skisma (1378-1417) met sy twee en later drie pouse wat om<br />
mag meegeding het, is wel herstel, maar dit het die morele en<br />
geestelike leierskap van die kerk blywende skade berokken. 109 Die<br />
Renaissance-pousdom het voorts volskaals by die wispelturige<br />
Italiaanse stadstaatspolitiek van die tyd betrokke geraak. Die kerk het<br />
ʼn politieke en militêre rolspeler naas ander sodanige rolspelers<br />
geword. Die pouse het ook gekom vanuit die geledere van die<br />
destydse vooraanstaande dinastiese families in Italië. 110 Die optrede<br />
van die pouse in die tydperk net voordat Luther op die toneel verskyn<br />
het, is boonop gekenmerk deur morele verval, nepotisme en magslus<br />
wat die aansien van die kerk onberekenbaar benadeel het. 111<br />
In Martin Luther se teologie lê daar ook sy implisiete politieke<br />
teorie met verreikende politieke implikasies. Luther leer dat<br />
saligmaking alleen deur geloof — sola fide — en genade moontlik is. In<br />
hierdie teologie van solfidianisme lê daar vernietigende implikasies<br />
vir die kerk, want as die weg na saligmaking deur geloof en genade<br />
loop, is daar geen plek meer vir die ortodokse opvatting dat die kerk<br />
tussenbeide moet wees — moet bemiddel — tussen die individuele<br />
gelowige en God nie. 112 Die ware kerk is dus die congregatio fidelium<br />
— die onsigbare gemeenskap of gemeente van gelowiges wat in God<br />
se naam vergader, en nie die sigbare kerklike hiërargie nie. Die<br />
kerklike orde hier op aarde (mees prominent deur die Roomse Kerk<br />
beliggaam) word hiermee nie net irrelevant vir die doel van<br />
saligmaking nie, maar ook aan gelykmaking onderwerp, want almal<br />
het ʼn gelyke vermoë tot geloof en alle Christene vorm saam ʼn ware<br />
Christelike stand. Vir ʼn afsonderlike en verhewe priesterlike stand,<br />
wat lank die boonste stratum van die sosiale orde uitgemaak het, is<br />
daar dus geen plek meer nie. 113<br />
Alle kerklike instellings met inbegrip van die priesterdom en die<br />
monnikedom, wat gebaseer was op die aanname dat kerklui ʼn<br />
afsonderlike en verhewe klas met spesiale bevoegdhede en voorregte<br />
108 Anderson (n 104 hierbo) 43.<br />
109 Van Wyk & Spies (n 32 hierbo) 291.<br />
110 Van Wyk & Spies (n 32 hierbo) 293-4.<br />
111 Van Wyk & Spies (n 32 hierbo) 294; Smith (n 13 hierbo) 25-26.<br />
112 Skinner (n 15 hierbo) Vol II 10-11; Rice (n 64 hierbo) 127-128: Slegs deur geloof,<br />
die Skrif en deur genade — sola fide, sola Scriptura, sola gratia — kan die<br />
saligheid beërwe word.<br />
113 Skinner (n 15 hierbo) 11.
54 Hoofstuk 3<br />
was, het hiermee in die volle branding van Luther se aanslag<br />
beland. 114 Vir Luther was daar ook geen plek meer vir ʼn afsonderlike<br />
stelsel van kanonieke reg nie. 115 Die reg is staatlike reg — reg<br />
verorden deur die staat en deur die staat afgedwing. Teen die<br />
agtergrond kan daar met ’n beduidende mate van oortuiging<br />
aangevoer word dat Luther se rewolusie, net soos dit die deur vir die<br />
latere opkoms van staatlike absolutisme oopgemaak het, eweneens<br />
die veld vir die opkoms van ’n nuwe regsteorie, naamlik van<br />
regspositivisme, bemes het — ’n regsteorie wat die reg neutraal<br />
beskou en die reg as ’n middel tot ’n doel in plaas van ’n doel opsigself<br />
beskou; in die besonder ’n regsteorie waarvolgens die reg as ’n<br />
werktuig vir die beleid van die soewerein en ’n middel vir die afdwing<br />
daarvan gesien word. 116<br />
Vir die ideaal van ʼn kloosterbestaan — een van die outentieke<br />
manifestasies van die aanname dat kerklui ʼn eie afsonderlike stand<br />
was — was daar volgens Luther eweneens geen plek nie. 117 Die<br />
kloosterdom lê nie net evangeliese vryheid aan bande nie. Dit stry<br />
boonop teen die solfidianisme, want in plaas daarvan dat alleen<br />
geloof die weg na saligmaking is, misplaas dit die klem op goeie<br />
werke. 118<br />
In die lig van die feit dat die kerk as onsigbare geloofsgemeenskap<br />
geen hiërargiese orde of piramidale struktuur behoort te hê nie, het<br />
die kerk ook hoegenaamd geen politieke rol meer te speel nie. Die<br />
politiek word uitsluitlik vir die staat gereserveer. Dit is die rede<br />
waarom daar tereg gesê word dat die Reformasie ʼn aspek van die<br />
opkoms van die staat is. 119 Dit is die taak van die kerk om die Woord<br />
te verkondig. Daarenteen het God die domein van die wêreldlike<br />
gesag verordineer. Hiervolgens word politieke gesag deur die<br />
wêreldlike heersers uitgeoefen met die oog daarop om vrede tussen<br />
sondige mense te bewaar. 120 Gevolglik is pouslike en kerklike<br />
aansprake om wêreldlike mag uit te oefen, ʼn magsvergryp op die<br />
terrein van die wêreldlike gesagvoerders.<br />
Die politieke magsvakuum wat deur Luther se redenering teen<br />
kerklike magsaansprake teweeg gebring is, moet volgens Luther se<br />
argumentasie deur (wêreldlike) politici gevul word. Indien die kerk,<br />
volgens die Lutherse leer, slegs ʼn gemeenskap van gelowiges is,<br />
beteken dit dat die sekulêre ampsbekleërs die alleenreg op politieke<br />
gesag het. Wat meer is, is dat dit politieke gesag oor die kerk<br />
114 Skinner (n 15 hierbo) 13.<br />
115 Skinner (n 15 hierbo) 13.<br />
116 Berman (n 1 hierbo) 29.<br />
117 Skinner (n 15 hierbo) 13.<br />
118 Skinner (n 15 hierbo) 14.<br />
119 Ebensten (n 16 hierbo) 303; Rice (n 64 hierbo) 167.<br />
120 Skinner (n 15 hierbo) 14.
Verval en wegbereiding 55<br />
insluit. 121 In die lig van die feit dat die kerk slegs op geestelike terrein<br />
werk, maak hierdie (wêreldlike) politieke gesag van die staat egter<br />
geen inbreuk op die kerk nie. Tog is die implikasie steeds dat die<br />
sigbare kerk — die kerklike strukture — onder wêreldlike politieke<br />
gesag geplaas word. Luther stel dit duidelik dat daar geen plek vir die<br />
kerk op die wêreldlike en dus die politieke terrein is nie. Die idee van<br />
die pous en die keiser as parallelle universele magte word hiermee die<br />
nekslag toegedien. 122<br />
Die implikasie van Luther se argumentasie is dat die politieke<br />
domein van religieuse voorskrif bevry is en volledig ʼn sekulêre<br />
aangeleentheid geword het. Die politieke implikasies van Luther se<br />
arbeid strek egter nog verder, want waar die politieke gesag in die ou<br />
Middeleeuse orde by die keiser berus het, wat universele mag oor die<br />
Heilige Romeinse ryk uitgeoefen het, word dit nou afgewentel na ʼn<br />
verskeidenheid van nuwe opkomende territoriale state. Neville Figgis<br />
vat die twee aspekte van die omwenteling wat deur die Hervorming<br />
meegebring is, bondig saam wanneer hy verklaar:<br />
The change is a change from a world-empire to a territorial State, and<br />
from ecclesiastical to civil predominance. 123<br />
Luther keur die gedagte van opstand teen politieke gesag — in daardie<br />
stadium die gesag van die opkomende territoriale state (in Duitsland,<br />
die gesag van die prinsdomme) uitdruklik af. Die paslike oriëntasie<br />
van die Christen-gelowige jeens wêreldlike gesag behoort een van<br />
passiewe gehoorsaamheid te wees. 124 Die vors wie se gesag deur God<br />
verorden is en wat sy gesag regstreeks aan God ontleen, moet<br />
gehoorsaam word. Dit is weliswaar so dat die politieke maghebber nie<br />
oor grenslose gesag beskik nie en dat die verpligting om die vors te<br />
gehoorsaam nie so ver strek as om goddeloosheid van die vors te<br />
gehoorsaam nie. Die reaksie teen die politieke maghebber mag egter<br />
nooit sover as aktiewe verset teen die politieke maghebber gaan<br />
nie. 125 Hierdie politieke standpunt van Luther vloei regstreeks voort<br />
uit sy teologiese oortuiging dat die bestaande sosiale en politieke<br />
orde God se wil en voorsienigheid vergestalt. Diegene wat hierdie<br />
orde weerstaan, is dus opstandelinge teen God. 126 Hierdie opvatting<br />
wyk af van die Middeleeuse opvatting waarvolgens die volk altyd op<br />
verset geregtig was en die vors selfs regmatig kon ontsetel indien die<br />
121 Skinner (n 15 hierbo) 15.<br />
122 Skinner (n 15 hierbo) 15.<br />
123 Figgis (n 26 hierbo) 72.<br />
124 Figgis (n 26 hierbo) 74.<br />
125 Skinner (n 15 hierbo) 16-17.<br />
126 Skinner (n 15 hierbo) 18-19.
56 Hoofstuk 3<br />
vors strydig met sy regeer-ooreenkoms met die volk en die gevestigde<br />
gewoontes opgetree het. 127<br />
Die noue verband tussen Luther se teologie en die goddelike reg<br />
van konings blyk hieruit ook duidelik. 128 Trouens, Luther verskaf die<br />
mees ongekwalifiseerde teologiese basis vir hierdie absolute regeerreg<br />
van vorste. Waar die goddelike reg van konings gedurende die<br />
Middeleeue geen noemenswaardige ondersteuning geniet het nie en in<br />
hierdie tydperk slegs enkele male na verwys is, 129 tree dit met die<br />
Hervorming en in die besonder weens Luther se leringe sterk op die<br />
voorgrond.<br />
Die ontkoppeling van die politiek en die godsdiens en die<br />
meegaande erkenning van twee losstaande identiteite — ʼn<br />
godsdienstige en ʼn staatlike identiteit — waarvan die eerste tekens<br />
reeds by Dante, Marsilius, Wyclife en Huss waarneembaar was, word<br />
by Luther tot praktiese politiek ontwikkel. Na Luther het die<br />
opkomende territoriale staat nie net die onderskraging van die<br />
Renaissance-humanisme en die absolutistiese stroming in die<br />
Romeinse reg nie, maar ook die krities belangrike ondersteuning<br />
(ofskoon onbedoeld) van ʼn simpatieke teologie.<br />
Die Hervorming is ʼn bevestiging van die aanspraak om onafhanklik<br />
en los van die kerk aan alle vertakkinge van menslike aktiwiteite deel<br />
te neem. Die Hervorming verskaf ʼn kragtige impetus vir die vordering<br />
van die goddelike reg van konings 130 wat die politiek se<br />
selfstandigheid van die kerk bevestig en inderdaad as die politieke sy<br />
van die Reformasie beskou kan word. 131 Dié teorie plaas politieke mag<br />
stewig in die hande van die vors en laat die kerk sonder enige<br />
aanspraak hoegenaamd daarop. Die oorredingskrag van die teorie van<br />
die goddelike reg van konings was aansienlik aangesien dit<br />
doeltreffend ingespeel het op die intellektuele klimaat van daardie<br />
tyd, want ofskoon die effek van die goddelike reg van konings was om<br />
die wêreldlike politieke gesag te bevorder, is dit in teologiese terme<br />
geformuleer. Dit was in daardie tyd retories die oortuigendste en<br />
doeltreffendste. Die pous is as’t ware op sy eie terrein aangedurf en<br />
verslaan.<br />
The only way to escape from the fetters imposed by traditional methods,<br />
was to assert from the old standpoint of a scriptural basis and to argue<br />
by accustomed fashion of Biblical quotations, that politics must be free<br />
127 Vgl met betrekking tot die Middeleeuse opvatting Carlyle (n 15 hierbo) Vol III 21,<br />
39-40, 58, 59, 113, 130, 168; Vol V 112; Vol VI 396, 410; Ullmann (n 36 hierbo)<br />
147.<br />
128 Figgis (n 26 hierbo) 77-93.<br />
129 Carlyle Figgis (n 26 hierbo) Vol VI 185-7.<br />
130 JN Figgis The theory of the divine right of kings (1896) 257.<br />
131 Figgis (n 130 hierbo) 260.
Verval en wegbereiding 57<br />
from theology and that the Church must give up all attempts to control<br />
the State. 132<br />
ʼn Nie-teologiese politiek is dus op grond van teologiese sanksie<br />
bewerkstellig. 133 Die goddelike reg van konings was egter nie blywend<br />
nie. Dit was ʼn egte oorgangsteorie wat tussen die Middeleeuse en<br />
moderne mentaliteite lê. Sy oogmerk en bestemming was die<br />
moderne sekulêre staat, maar sy retoriek en logika was Middeleeusteologies.<br />
Dit maak daarop aanspraak dat die politiek — die outonome<br />
staat — ʼn legitieme funksie het, maar hierdie outonomie word<br />
voorgehou as deel van God se raadsplan met die mens. 134 Staatlike<br />
(en vorstelike) outonomie kon slegs doeltreffend opgeëis word, indien<br />
dit as goddelike reg voorgehou is. Volgens die goddelike reg van<br />
konings is sekulêre gesag dus deur God verorden. 135<br />
5 Impasse<br />
Binne die rykskerklike wêreldgeheel van die Middeleeue was<br />
godsdiens — Christenskap — die primêre politieke faktor. Christenskap<br />
het sy teenpool buite die Christelike wêreld in die Islam gehad, en<br />
binne die Christelike wêreld was kettery die teenpool van (ware)<br />
Christenskap. Kettery was dwaalleringe en afwykings wat deur klein<br />
groepies wat die spoor byster geraak het, aangehang is. Kettery is<br />
baie lank vanweë die geringe aanhang wat ketter-strominge geniet<br />
het, met gemak in toom gehou. Soos daar in hoofstuk 2 verduidelik is,<br />
is kettery in die rykskerklike wêreldgeheel as ʼn opstand teen sowel<br />
die kerk (en teen God) as die (Christelike) ryk beleef. Dit was nie slegs<br />
valse godsdiens nie, maar tegelyk ook ondermynende politiek.<br />
Die Kerkhervorming het die homogene Middeleeuse universum<br />
gebreek. Indien daar dus voortgegaan sou word om, soos in die<br />
Middeleeue, godsdiens as ʼn politieke aangeleentheid, in plaas van ʼn<br />
private aangeleentheid, te hanteer, sou dit onvermydelik tot<br />
grootskaalse konflik gelei het.<br />
Daar is na die Hervorming inderdaad voortgegaan om godsdiens as<br />
ʼn politieke aangeleentheid te hanteer en dit het inderdaad intense en<br />
bloedige konflik meegebring. Die era na die vestiging van die<br />
Protestantisme word inderdaad as die tydperk van godsdiensoorloë<br />
beskryf. 136<br />
132 Figgis (n 130 hierbo) 258-9.<br />
133 Figgis (n 130 hierbo) 259.<br />
134 Figgis (n 130 hierbo) 256.<br />
135 Figgis (n 130 hierbo) 257.<br />
136 Sien byvoorbeeld in die algemeen RS Dunn The age of religious wars 1559-1689<br />
(1970).
58 Hoofstuk 3<br />
Teenstanders aan albei kante van die godsdienstig-politieke<br />
verdelingslyn het godsdiens op die tipiese Middeleeuse manier as ʼn<br />
politieke kwessie hanteer. Die onwilligheid van politiek-godsdienstige<br />
antagoniste om godsdiens na afloop van die Reformasie op ʼn moderne<br />
wyse as ʼn nie-politieke en private saak te hanteer, is duidelik tydens<br />
die Ryksdagsitting op 18 en 19 April 1521 in Worms gedemonstreer<br />
tydens die dramatiese konfrontasie tussen Luther en die nuwe jong<br />
keiser van die Heilige Romeinse ryk (en hoof van die Habsburgse<br />
dinastie), Karel V. Luther het volstrek geweier om enige van sy<br />
Protestantse oortuigings terug te trek. Karel het op sy beurt<br />
onverbiddelik gereageer en onderneem om alles, insluitende homself,<br />
ter wille van die bekamping van Luther se kettery en vir die ware<br />
Christendom op die spel te plaas. 137 Karel V en sy opvolgers,<br />
waaronder Fillip II en Ferdinand II, sou in die daaropvolgende tyd,<br />
gedryf deur die vaste geloof in die waarheid van die Rooms-<br />
Katolisisme en afkeur van die goddelose Protestantse kettery, ’n<br />
kruistogtelike stryd vir die Katolisisme teen die Protestantisme voer.<br />
Die Godsdiensoorloë het die hele Wes- en Sentraal-Europa getref.<br />
Die eerste oorloë was in Duitsland en in die Switserse kantons. 138<br />
Daarna volg ʼn reeks oorloë met die Nederlanders se deels godsdienstig<br />
gemotiveerde opstand teen die Spaanse Katolieke Habsburgers, asook<br />
die burgeroorloë in Frankryk, Skotland en Ierland en natuurlik die<br />
Dertigjarige Oorlog (1618-1648) 139 wat hoofsaaklik op Duitse bodem<br />
gevoer is, maar wat weens die Habsburgse, Deense, Sweedse en<br />
Franse betrokkenheid daarby in werklikheid ʼn algemene Europese<br />
oorlog was.<br />
Godsdiens was weliswaar nie die enigste oogmerk waarvoor die<br />
godsdiensoorloë gevoer is nie. Die godsdienstige dryfveer het dikwels<br />
met ander oorlogsoorsake gepaard gegaan. Godsdiens was egter die<br />
gemene deler wat deurlopend teenwoordig was. 140 Die Nederlandse<br />
opstand teen Spanje was nie alleen godsdienstig nie, maar is ook deur<br />
nasionale sentiment geïnspireer. 141<br />
In Engeland wat deur die loop van bykans die hele sewentiende<br />
eeu ʼn konstitusionele stryd beleef het, was godsdiens benewens ander<br />
strydpunte ook deurlopend teenwoordig. Dit was veral opeenvolgende<br />
Engelse vorste wat gemoedere gaande gehad het met<br />
pogings om Engeland vir die Rooms-Katolisisme terug te wen. James<br />
I wat aan die begin van die sewentiende eeu aan bewind was, het<br />
137 Rice (n 64 hierbo) 160-161.<br />
138 P de Klerk et al Die opkoms van Europa (1977) 136; W Wallback et al Civilization<br />
past and present Vol VI (1981) 263.<br />
139 De Klerk (n 138 hierbo) 136<br />
140 Dunn (n 136 hierbo) ix.<br />
141 Dunn (n 136 hierbo) 32-33.
Verval en wegbereiding 59<br />
godsdienstige eenvormigheid nagestreef, 142 en James II (regeer 1685-<br />
1688) het gepoog om Engeland in die Katolieke kamp terug te kry. 143<br />
Hy het hom sodoende van die Engelse volk vervreem en sy uiteindelike<br />
afsetting is regstreeks aan sy Katoliek gedrewe optrede te wyte. 144<br />
Die Dertigjarige Oorlog (1618-1648) wat inderwaarheid vyf<br />
verskillende oorloë was, 145 is ook in ʼn mindere of meerdere mate om<br />
godsdienstige redes gevoer. Vir minstens keiser Ferdinand II was die<br />
bevordering van die Katolisisme die hoof oorlogsoogmerk. Dit het hy<br />
duidelik getoon toe hy by wyse van die Edik van Restitusie in 1629 die<br />
Calvinisme in die Heilige Romeinse ryk in die ban gedoen het en alle<br />
eiendom van die Rooms-Katolieke Kerk wat sedert 1552 gekonfiskeer<br />
is, weer in beslag geneem het en ʼn groot aantal gebiede weer onder<br />
Rome se kerklike beheer geplaas het. 146<br />
Ofskoon die agt Franse godsdiensoorloë wat periodiek vanaf 1562<br />
tot 1598 gewoed het, 147 oor meer as net godsdiens gegaan het, was<br />
die een saak wat primêr vir albei partye in dié reeks oorloë op die spel<br />
was, die godsdienstige karakter van die Franse staat. Dit blyk duidelik<br />
uit die politiek-godsdienstige geskrifte van daardie tyd. 148 Bowendien<br />
het die pous die godsdienstige aard van die konflik onteenseglik<br />
gedemonstreer met sy goedkeuring 149 van die massamoord op die<br />
Franse Protestante gedurende die Bartholomeusnag op 24 Augustus<br />
1572.<br />
142 De Klerk (n 138 hierbo) 193.<br />
143 Dunn (n 136 hierbo) 169.<br />
144 Die Bill of Rights wat in 1689 ten gevolge van die onttroning van James II as deel<br />
van die Glorious Revolution aanvaar is, reflekteer in paragraaf 2 van die eerste<br />
artikel ook uitdruklik die verset teen James se afkeurenswaardige godsdienstig<br />
geïnspireerde optrede.<br />
‘Whereas the late king James II by assistance of diverse evil counselors,<br />
judges and ministers imployed by him, did endeavour to subvert and<br />
extirpate the Protestant religion and the laws and liberties of this<br />
kingdom - ...’.<br />
145 SL Lee Aspects of European history 1494-1789 (1978) 106.<br />
146 Dunn (n 136 hierbo) 73. Aan die ander uiterste was Richelieu wat suiwer weens<br />
realpolitieke oorwegings, naamlik die belange van Frankryk, by die oorlog<br />
betrokke geraak het en die Lutheraanse Gustavus Adolphus van Swede teen sy<br />
Habsburgse politieke teenstanders (ondanks die Katolieke gemeenskaplikheid met<br />
die Habsburgers) ondersteun het (Dunn (n 136 hierbo) 74). Die Boheemse opstand<br />
wat die oorlog ingelui het, is gemotiveer deur ’n mengsel van Boheemse nasionale<br />
en godsdienstige dryfvere. (De Klerk (n 138 hierbo) 208). Die Deense<br />
betrokkenheid kan gewyt word aan ’n mengsel van Deense dinastiese en<br />
Protestants-godsdienstige motiewe. (Dunn (n 136 hierbo) 72; De Klerk (n 138<br />
hierbo) 210) Dieselfde geld vir die Sweedse betrokkenheid. ( Dunn (n 136 hierbo)<br />
73; De Klerk (n 138 hierbo) 213) Sien voorts oor die prominensie van die<br />
godsdienstige dryfveer in die Dertigjarige Oorlog TK Rabb The Thirty Years’ War<br />
(1972) 53-57.<br />
147 De Klerk (n 138 hierbo) 176-180; Dunn (n 136 hierbo) 20-29.<br />
148 JW Allen A history of political thought in the sixteenth century (1960) 280-366.<br />
149 De Klerk (n 138 hierbo) 1977-178; Ebenstein (n 16 hierbo) 306.
60 Hoofstuk 3<br />
Die eerste poging om die geweldige wanorde wat deur die<br />
godsdienstige breuk veroorsaak is, by te lê, was in die Heilige<br />
Romeinse ryk met die Vrede van Augsburg in 1555. Die formule van die<br />
Augsburgse vredesreëling was deels Middeleeus en deels modern. Dit<br />
aanvaar die godsdienstige skeuring as ʼn gegewe en poog nie om die<br />
Middeleeuse universele homogeniteit te herstel nie. Dit behou egter<br />
die grondliggend Middeleeuse beginsel om godsdiens steeds as ʼn<br />
politieke faktor en skeidslyn te hanteer, want in plaas daarvan dat<br />
godsdienstige denominasie as ʼn kwessie van private keuse hanteer<br />
word, is die Augsburgse beginsel dié van cuius regio eius religio,<br />
oftewel dat hy wat in ʼn bepaalde gebied regeer, die godsdienstige<br />
aard van die betrokke gebied bepaal. 150 Die vredesreëling ken dus ’n<br />
ius reformandi aan die vors toe, ingevolge waarvan hy oor die<br />
godsdienstige karakter van sy gebied mag beslis. Godsdiens bly dus,<br />
soos aangetoon, ʼn politieke aangeleentheid. Die politieke orde behou<br />
steeds sy openbare politieke karakter, net soos in die Middeleeue.<br />
Godsdiens word steeds nie na die private sfeer afgewentel nie. Anders<br />
as in die Middeleeue — en dit is waar Augsburg ʼn verskil meebring —<br />
kan politieke eenhede nou, afhangende van die beslissing van die<br />
betrokke vors, variërende godsdienstige karakters hê. Die<br />
godsdienstige karakter van die verskillende politieke eenhede word<br />
dus ʼn funksie van vorstelike soewereiniteit.<br />
Aangesien godsdiens steeds binne die openbare sfeer bly, word<br />
die keuse van godsdiens nie tot ’n individuele reg verhef nie. Die<br />
enigste individuele reg wat hierdie vredesreëling meebring, is die ius<br />
emirgandi, oftewel die reg van individuele burgers om na ’n gebied te<br />
emigreer waar die emigrant en die vors tot dieselfde godsdienstige<br />
denominasie behoort. 151 Met hierdie reëling word daar dus nie soseer<br />
individuele godsdienstige verdraagsaamheid meegebring nie, dog wel<br />
interstaatlike godsdienstige verdraagsaamheid. 152 Binne ’n staat het<br />
individue nie die vrye keuse om hulle godsdienstige voorkeure uit te<br />
oefen nie. Die bevoegdheid van politieke gesagvoerders om die<br />
godsdienstige karakter van hul onderskeie prinsdomme te bepaal, is<br />
egter wel erken.<br />
Onder meer die Dertigjarige Oorlog het getoon dat die Augsburgse<br />
verdrag nie standhoudend was nie en dat hierdie vredesreëling nie die<br />
volle implikasies van die breuk in die Westerse Christendom verreken<br />
het nie. Duitsland was weens sy politieke fragmentasie egter vatbaar<br />
vir die Augsburgse vredesreëling. Uiteenlopende keuses oor die<br />
150 Rice (n 64 hierbo) 165; Dunn (n 136 hierbo) 49; Smith (n 13 hierbo) 107<br />
verduidelik dat die beginsel van beperkte omvang was, nie op alle Duitse gebiede<br />
van toepassing was nie, en bowendien slegs vir Katolieke en Lutheraanse vorste<br />
gegeld het.<br />
151 Rice (n 64 hierbo) 165.<br />
152 Figgis (n 26 hierbo) 130.
Verval en wegbereiding 61<br />
godsdienstige karakter van sy prinsdom kon deur elke vors uitgeoefen<br />
word en onderdane kon, indien nodig, wel die ius emigrandi uitoefen<br />
indien hulle godsdienstige keuse van dié van die vors verskil het en na<br />
’n ander prinsdom padgee.<br />
Frankryk, daarenteen, was nie vatbaar vir ʼn kompromie van die<br />
aard van Augsburg nie. Dit was Frankryk wat blootgestel is aan die<br />
volle branding van die godsdienstige breuk. Dit was ook, soos in die<br />
vierde deel van hierdie hoofstuk verder bespreek word, Frankryk wat<br />
na 1598 die moderne staatlike formule daargestel het om<br />
godsdienstige konflik te hanteer. Die unieke posisie van Frankryk (in<br />
teenstelling met veral Duitsland) word só deur George H Sabine<br />
beskryf:<br />
In Germany divisions of territory made it a struggle between princes,<br />
with the result that the fundamental issue of religious freedom need not<br />
be pressed. In the Netherlands it took the form of a revolt against a<br />
foreign master. In England, as also in Spain, the supremacy of royal<br />
power prevented the outbreak of civil war during the sixteenth century.<br />
But in France and Scotland a factional struggle arose which threatened<br />
the stability of the nations. 153<br />
Die Franse staat was reeds lankal ʼn enkele territoriale eenheid. Die<br />
godsdienstige karakter van die Franse staat was egter omstrede en<br />
onbeslis. Vanaf 1562 tot 1598 was opeenvolgende godsdienstige<br />
burgeroorloë die bloedige metode wat aangewend is om dié<br />
omstredenheid uit die weg te ruim. Van besondere belang was die<br />
regs- en politieke filosofie van hierdie era in Frankryk — een van die<br />
mees betekenisvolle hoofstukke in die geskiedenis van die Franse<br />
openbare filosofie. 154<br />
Die treffendste eienskap van die politieke denke wat sowel die<br />
Rooms-Katolieke as die Calvinistiese partye opgelewer het, was die<br />
konserwatisme daarvan. Dit poog nie om ʼn modus vivendi te vind vir<br />
die bestaan van uiteenlopende godsdienstige oortuigings nie, maar<br />
kleef krampagtig vas aan die Middeleeuse ideaal van universele<br />
godsdienstige homogeniteit waarin daar geen ruimte vir godsdienstige<br />
verdraagsaamheid is nie. 155<br />
Die Hugenote-(Calvinistiese) party in Frankryk het hulle by hulle<br />
minderheidstatus aangepas en het nie na die eerste prys van ʼn<br />
totalitêre Calvinistiese staat na die voorbeeld van Calvyn se staat in<br />
Genève, gestreef nie. 156 Die Hugenote-party se politieke teorie was ʼn<br />
eklektiese sameflansing van dikwels onoortuigende beroepe op<br />
153 GH Sabine A History of Political Theory (1971) 372.<br />
154 Sabine (n 153 hierbo) 372.<br />
155 Dunn (n 136 hierbo) 4.<br />
156 Allen (n 145 hierbo) 304.
62 Hoofstuk 3<br />
populêre soewereiniteit, 157 voortspruitend uit die Middeleeuse<br />
antieke konstitusie. 158 Dit is deurtrek van Calvyn se aristokratiese<br />
oortuiging dat ʼn opstand teen die vors slegs regmatig is indien dit deur<br />
openbare ampsbekleërs of dergelike toonaangewende figure in die<br />
samelewing (magistrati) gelei word. 159 Vir die onderhawige<br />
bespreking is hierdie punt egter onbelangrik.<br />
Die kern van die gedagterigting van die Hugenote-party is dat die<br />
vors nie oor onbeperkte gesag beskik nie en dat die volk<br />
dienooreenkomstig ook nie ongekwalifiseerde trou aan die vors<br />
verskuldig is nie. Indien die vors tot nadeel van die volk handel,<br />
verbreek hy sy verbond met God en verbeur hy die volk se<br />
gehoorsaamheid. Die aartsonreg wat deur die vors gepleeg word, is<br />
wanneer hy strydig met die ware godsdiens — en volgens die Hugenote<br />
is dit die Calvinisme — handel. Dan word die vors ʼn tiran en kan daar<br />
regmatig teen hom in opstand gekom word. 160<br />
Die Katolieke Bond wat net so oortuig van húlle waarheid was, het<br />
op ʼn soortgelyke manier geargumenteer. Die Katolieke was egter die<br />
groot meerderheid van die Franse bevolking en daarom voer hulle aan<br />
dat die Franse staat ʼn ongekwalifiseerde Rooms-Katolieke karakter<br />
moet hê. Daar word aangevoer dat die vors geen kompromieë met die<br />
Hugenote, dit wil sê met kettery mag aangaan nie. 161 Soos in die<br />
Middeleeue, word daar geredeneer dat die kettery die wortel van alle<br />
kwaad is en dat die Franse volk juis daaronder ly. Kettery word egter<br />
nie net godsdienstig afwykend nie, maar ook as polities ondermynend<br />
beleef, want word gesê, kettery teen die kerk gaan altyd gepaard met<br />
rebellie teen die vors. 162 In hierdie opsig en gegewe die destydse<br />
politieke konteks in Frankryk was die Katolieke natuurlik reg, want die<br />
Hugenote het juis geleer dat opstand teen, en omverwerping van ʼn<br />
vors wat die ware godsdiens vervolg, regmatig is.<br />
Die noodsaak vir godsdienstige homogeniteit van ʼn staat (op<br />
dieselfde grondslag as die Middeleeuse rykskerklike homogeniteit) het<br />
vir die Katolieke Bond die hoogste voorrang geniet. Godsdienstige<br />
homogeniteit is die enigste soliede grondslag vir die Franse staat, en<br />
geen staat is sonder daardie eenheid bestaanbaar nie, redeneer die<br />
157 Allen (n 148 hierbo) 305; 309-310. Dit kom onder meer voor in die geskrifte van<br />
Hotman. Populêre soewereiniteit het egter by die Hugenote-party slegs ’n<br />
passiewe betekenis, naamlik dat die vors tot die voordeel van die volk moet<br />
regeer. Hierdie konsep van volksoewereiniteit stel egter nooit die volk in staat om<br />
self te rebelleer nie. Magistrate — lede van die regerende stand — moet altyd die<br />
opstand lei. Indien nie, moet die volk maar by die onregverdige heerskappy van<br />
die regering berus. Sien verder hieroor Allen (n 148 hierbo) 325.<br />
158 Sien hoofstuk 2.2.<br />
159 Allen (n 148 hierbo) 322-325.<br />
160 Allen (n 148 hierbo) 306, 314-318, 327.<br />
161 Allen (n 148 hierbo) 344.<br />
162 Allen (n 148 hierbo) 347.
Verval en wegbereiding 63<br />
Bond. Godsdiens verskaf die kohesie van die staatlike gemeenskap en<br />
dienooreenkomstig is dit die primêre plig van die vors om kettery wat<br />
daardie kohesie kan verswak, uit te roei. 163 Die Katolieke Bond het<br />
aangevoer dat die vors regmatig ontsetel kan word indien hy die staat<br />
benadeel — en die ergste nadeel wat die staat berokken kan word, is<br />
wanneer die vors meer as een godsdiens daarin toelaat. 164<br />
Aangesien godsdienstige eenstemmigheid die conditio sine qua<br />
non vir ʼn soliede staatsgemeenskap is, moet elke Fransman<br />
noodwendig Katoliek wees. Jean Boucher, een van die belangrikste<br />
woordvoerders van die Katolieke Bond, verklaar dan ook dat ʼn<br />
Hugenoot net so min ʼn Fransman is, as wat ʼn Turk ʼn Fransman is. 165<br />
Die stryd tussen die Katolieke en die Hugenote in Frankryk<br />
versinnebeeld die impasse waarin die godsdienstige breuk Europa laat<br />
beland het. Die voortgesette hantering van godsdiens as ʼn politieke<br />
aangeleentheid — die vereenselwiging van godsdiens met politiek —<br />
binne ʼn reeds gevestigde territoriale staat, verhoed enige vrede, orde<br />
en stabiliteit en verseker soos bloedig in die godsdiensoorloë<br />
gedemonstreer is, slegs ʼn uitmergelende stryd. Die funksionering van<br />
godsdiens as ʼn politieke kategorie, wat die fondament van die<br />
Middeleeuse rykskerklike geheel was, het Europa nou in ʼn politieke<br />
impasse laat beland. Die Christelike geheel van weleer het plek<br />
gemaak vir onherroeplike fragmentasie. Die drang na die politiek van<br />
waarheid, oftewel die vestiging van state op ʼn eenstemmige<br />
godsdienstige grondslag, was nie langer met orde en stabiliteit<br />
versoenbaar nie. Die enigste uitweg uit die impasse was ʼn keuse ten<br />
gunste van orde, bo godsdienstige waarheid en ʼn gepaardgaande<br />
verplasing van godsdiens vanaf die openbare domein as ʼn saak van die<br />
politiek na die private sfeer waar individue as ʼn persoonlike saak self<br />
daaroor besluit.<br />
163 Allen (n 148 hierbo) 347.<br />
164 Allen (n 148 hierbo) 348.<br />
165 Allen (n 148 hierbo) 352.
HOOFSTUK<br />
4<br />
DIE GRONDLEGGING EN DIE<br />
GRONDLEGGERS VAN<br />
STAATLIKHEID<br />
1 Die Politiques, Michel de l’Hôpital en Jean<br />
Bodin<br />
Die weg uit die impasse van die godsdiensoorloë is aangewys deur die<br />
Politiques, ʼn godsdienstig neutrale politieke groepering wat te midde<br />
van die bloedige chaos van die Franse godsdiensoorloë ontstaan het.<br />
Die Politiques en sy belangrikste woordvoerders, Michel de l’Hôpital<br />
en Jean Bodin, was Katoliek maar was nie bereid om die belange van<br />
die Franse staat aan die Rooms-Katolieke Kerk ondergeskik te stel nie.<br />
Vir die Politiques was die enigste tersaaklike politieke maatstaf ʼn<br />
persoon se staatsburgerskap en nie sy lidmaatskap van die een of<br />
ander godsdienstige denominasie nie. Waar sowel die Katolieke Bond<br />
as die Hugenoteparty aan godsdienstige waarheid prioriteit gegee<br />
het, ten einde aan die staat ʼn bepaalde godsdienstige karakter te<br />
verleen, en met die oog hierop tot burgeroorlog aangevuur is, verwerp<br />
l’Hôpital daarenteen godsdiens as ʼn politiek beslissende faktor.<br />
‘Lutheraan’, ‘pouslik’ of ‘Calvinis’ is vir hom politiek<br />
weersinswekkende begrippe. ʼn Persoon hou nie op om ʼn burger te<br />
wees wanneer hy geëkskommunikeer word nie. 1 ʼn Bepaalde<br />
godsdienstige karakter is derhalwe nie ʼn noodsaaklike voorvereiste vir<br />
die bestaan en stabiliteit van ʼn staat nie.<br />
Dit is weliswaar so dat godsdienstige eensgesindheid bevorderlik<br />
vir die staat is en dat die vors in belang van die staat moet poog om<br />
godsdienstige eenstemmigheid te bevorder, 2 maar sodanige<br />
eenstemmigheid is nie ʼn noodsaaklike voorwaarde vir die bestaan van<br />
die staat nie. Indien ʼn nuwe godsdiens reeds goed gevestig is, moet<br />
dit verdra word. Die bestaan van die staat enersyds, en godsdienstige<br />
pluraliteit andersyds, is derhalwe nie wedersyds uitsluitend nie.<br />
Anders as volgens die Middeleeuse beskouing hoef die staat nie ʼn<br />
Christelike republiek te wees nie.<br />
1<br />
W Ebensteuin Great political thinkers: Plato to present (1969) 350.<br />
2 JW Allen A history of political thought in the sixteenth century (1960) 349.<br />
65
66 Hoofstuk 4<br />
Sowel l’Hôpital as Bodin was intens by die Franse politiek van<br />
hulle tyd betrokke. 3 Hulle lewer hulle werk nie as afsydige teoretici<br />
nie maar wel met die konkrete oogmerk om die terminaal verdeelde<br />
Franse staat van hulle tyd te probeer red. 4 In Jean Bodin se werk is<br />
daar dus nie te soek vir teoretiese suiwerheid en konsekwentheid nie.<br />
Sy politieke teorie kan alleenlik verstaan word teen die agtergrond<br />
van die doel wat hy daarmee wou bereik, naamlik die vestiging van<br />
blywende openbare orde en vrede. 5<br />
L’Hôpital word beskou as die grondlegger van die Politiquesbeweging.<br />
6 Vir hom, anders as sy godsdienstig ekstremistiese<br />
opponente vir wie godsdienstige waarheid van primêre belang was, is<br />
interne vrede en stabiliteit die hoogste deug. Daarom moet<br />
godsdienstige faksies in die kiem gesmoor word, omdat dit andersins<br />
burgeroorlog kan ontketen. Volgens hom is dit nie die plig van die vors<br />
om ketters te bestraf nie, terwyl dit eweneens nie die funksie van die<br />
owerheid is om die ware godsdiens in stand te hou nie. Geregtigheid<br />
vereis nie dat persone wat te goeder trou volgens hulle gewete handel<br />
en niemand anders benadeel nie, vervolg word bloot omdat hulle<br />
bepaalde godsdienstige oortuigings huldig nie. Dit mag moontlik nie<br />
altyd verkeerd wees om godsdienstige oortuigings te kriminaliseer<br />
nie, maar sodanige kriminalisering en gepaardgaande vervolging is nie<br />
die owerheid se primêre plig nie. Die owerheid se primêre taak is wel<br />
om die vrede en orde in stand te hou. Dit is dáártoe en tot niks anders<br />
nie, waartoe die owerheid verbind moet wees. Die owerheid moet bo<br />
enige godsdienstige tweespalt uitstaan en nooit die bondgenoot van<br />
enige godsdienstige groepering wees nie. 7<br />
L’Hôpital staan nie onverskillig teenoor die politieke rol van<br />
godsdiens nie. Twee godsdienstige denominasies in een staat is<br />
volgens hom ʼn gevaarlike euwel, omdat niks mense so hewig verdeel<br />
as juis godsdiens nie. Dit sou volgens hom oneindig beter vir Frankryk<br />
gewees het as die land slegs een godsdiens gehad het. 8 Maar met die<br />
toedrag van sake soos in die destydse Frankryk was dit duidelik dat die<br />
toekenning van godsdiensvryheid die enigste metode was om vrede te<br />
handhaaf. Die tersaaklike vraag was nie wat die ware godsdiens is nie,<br />
maar hoe mense in vrede kan saambestaan. 9 Vervolging as ʼn metode<br />
om godsdienstige eenvormigheid te handhaaf, het misluk. Die prys<br />
3<br />
Sien byvoorbeeld Allen (n 2 hierbo) 292 asook O Ulph ‘Jean Bodin and the Estates-<br />
General of 1576’ (1947) XIX The Journal of Modern History 289.<br />
4 JU Lewis ‘Jean Bodin’s logic of sovereignty’ (1968) 16 Political Studies 210.<br />
5<br />
Lewis (n 4 hierbo) 213 Bodin se politieke teorie word saam met dié van<br />
Machiavelli en Hobbes paslik getipeer as die ideologie van orde. Sien byvoorbeeld<br />
P King The Ideology of Order: A comparative analysis of Jean Bodin and Thomas<br />
Hobbes (1974).<br />
6 Allen (n 2 hierbo) 292.<br />
7 Allen (n 2 hierbo) 293-295.<br />
8<br />
Allen (n 2 hierbo) 295.<br />
9 Allen (n 2 hierbo) 295.
Die Grondlegging en die grondleggers van staatlikheid 67<br />
wat vir die voortsetting van vervolging betaal sou moes word, was die<br />
potensiële vernietiging van die staat. Dié prys was vir l’Hôpital te<br />
hoog. In die omstandighede het godsdienstige verdraagsaamheid die<br />
enigste toevlug gebied. 10<br />
Vir l’Hôpital is verdraagsaamheid nie ʼn saak van teoretiese<br />
beginsel nie. Anders as by sommige tydgenote en by die proto-liberale<br />
teoretici van die sewentiende eeu, wat die erkenning van<br />
godsdienstige verdraagsaamheid as ʼn saak van beginsel bepleit het, 11<br />
gaan dit vir hom nie in die eerste plek oor godsdiensvryheid nie, maar<br />
oor die belang van die staat. Dit is dus ’n geval van godsdiensvryheid<br />
ter wille van ʼn eg sekulêre oorweging, naamlik die voortbestaan en<br />
stabiliteit van die (Franse) staat.<br />
Bodin se verdraagsaamheidsopvatting stem grootliks ooreen met<br />
die van l’Hôpital. Die hoofklem van Bodin se denkarbeid val egter op<br />
staatsoewereiniteit. Soewereiniteit is vir hom die onderskeidende<br />
eienskap van die staat en hierdie soewereiniteit moet in belang van<br />
die handhawing van die staat uitgeoefen word. Indien die<br />
instandhouding van die staat vereis dat ʼn sekere graad van<br />
godsdiensvryheid toegelaat moet word, moet die soewereine mag vir<br />
daardie doel aangewend word.<br />
Bodin bevind hom in die aanvangsfase van die lang geskiedenis van<br />
die politieke filosofie aan die begin van die moderne era. Hy lê die<br />
grondslag vir die politieke teorie van die moderne staat. 12 Wanneer<br />
die soort beperkings wat Bodin op soewereiniteit plaas egter oorweeg<br />
word, is dit duidelik dat hy steeds met een voet in die Middeleeuse<br />
regstradisie gestaan het.<br />
Vir Bodin is soewereiniteit, wat in die staatsowerheid — die vors<br />
— setel, die hoogste mag onder God. Soewereiniteit is die sleutel tot<br />
die bekamping en beheer van middelpuntvliedende kragte wat die<br />
voortbestaan van die staat bedreig. Soewereiniteit is die<br />
10 Allen (n 2 hierbo) 296.<br />
11<br />
Byvoorbeeld die humanistiese skeptici soos Castellio, Acontius, William Walwyn<br />
en Francis Osborne wat geredeneer het dat die waarheid al dan nie van sekere<br />
dinge in elk geval nie objektief vasstelbaar was nie en dat vervolging daarvoor<br />
onvanpas en wreed sou wees. Sien byvoorbeeld B Tierney ‘Religious rights: an<br />
historical perspective’ in J Witte & JD van der Vyver (reds) Religious rights in<br />
global perspective (1977) 18 et seq.<br />
12 MA Sheppard (1930) 45 ‘Sovereignty at the crossroads’ Political Science Quarterly<br />
591-596; Allen (n 2 hierbo) 416-423; M Wolfe ‘Jean Bodin on Taxes’ (1968) 83<br />
Political Science Quarterly 268; Lewis (n 4 hierbo) 215-218. In ’n sekere sin kan<br />
Machiavelli ’n sterker aanspraak hierop maak. Machiavelli was egter voor sy tyd,<br />
want hy worstel as Florentyn nie met die problematiek van die omvangryke<br />
territoriale staat nie, maar met dié van die stadstaat Florence. Voorts is hy,<br />
anders as Bodin, nog nie gekonfronteer met die breuk in die Wes-Europese<br />
Christendom nie.
68 Hoofstuk 4<br />
fundamentele bestaansvoorwaarde vir die staat. 13 Alle ander<br />
instellings in die staat dank hulle bestaan aan die grasie van die<br />
vors. 14 Vir Bodin is dit baie belangrik dat staatsgesag gesentraliseer<br />
moet wees ten einde te verseker dat algemeen geldende reg vir die<br />
staat in die geheel verorden kan word. Dit moet die vors vrystaan om<br />
onafhanklik van botsende aansprake van seksionele (territoriale en<br />
godsdienstige) entiteite algemene reg vir die staat daar te stel.<br />
Die modernisme van Bodin tree in hierdie opsig duidelik op die<br />
voorgrond, want hier is daar nie sprake dat die owerheid, soos in die<br />
Middeleeue, passief die reg waaraan hulle onderdane onderworpe is,<br />
bloot moet vind nie, maar daarenteen aktief te werk moet gaan om<br />
reg te skep. Die owerheid is ʼn aktiewe regskepper, dit wil sê die<br />
neerlegger van bevele. Die onmiskenbare voortekens van die latere<br />
denke van die groot woordvoeders van die soewereine territoriale<br />
staat, Hobbes en John Austin, is duidelik hieruit te bespeur. 15<br />
Bodin staan egter in twee belangrike opsigte van Hobbes<br />
verwyderd. Bodin se soewerein is nog geensins so oppermagtig soos<br />
Hobbes se soewerein nie. Hy is nog onderworpe aan ʼn aantal<br />
beperkings wat deur die goddelike en die natuurreg opgelê is. 16 Die<br />
vernaamste effek van die beperkings waaronder die soewerein moet<br />
handel, is dat die soewerein verhoed word om sekere privaatregtelike<br />
regte van die burgery aan te tas. 17 Die owerheid mag nie die burgery<br />
dwing om te kontrakteer nie, mag nie arbitrêr op eiendom beslag lê<br />
nie en mag die burgery slegs binne redelike perke belas. Daar blyk in<br />
hierdie opsig ʼn teenstrydigheid te wees, want hoe kan Bodin enersyds<br />
soewereiniteit wat tog onbeperkte magskapasiteit impliseer,<br />
beklemtoon en dit dan tegelyk met die gemelde beperkings afwater?<br />
Die antwoord hierop is dat Bodin in hierdie opsig nog tipies<br />
Middeleeus argumenteer, want die aard van die beperkings waarmee<br />
hy soewereiniteit kwalifiseer, is juis die soort beperkings wat kragtens<br />
die Middeleeuse reg op maghebbers geplaas is. In die Middeleeue was<br />
vorste se bevoegdhede om belastings te hef, baie beperk. 18 Die<br />
bevoegdheid om belastings te hef en die meegaande reg om regmatig<br />
op eiendomsreg inbreuk te maak, is alleenlik met die grootste moeite<br />
verwerf. Die beperking teen die inbreuk op eiendomsreg is, ofskoon<br />
dit met die eerste oogopslag lyk na ʼn stuk negentiende-eeuse liberale<br />
13<br />
14<br />
15<br />
King (n 5 hierbo) 75.<br />
King (n 5 hierbo) 98.<br />
Lewis (n 4 hierbo) 208 verklaar dat Bodin ’n breuk met die Middeleeue<br />
verteenwoordig in die sin dat hy die klem op wetgewing in plaas van gewoonte<br />
16<br />
17<br />
laat val.<br />
Sheppard (n 12 hierbo) 586-588.<br />
Sheppard (n 12 hierbo) 591-596; Allen (n 2 hierbo) 416-423; Wolfe (n 12 hierbo)<br />
18<br />
268; Lewis (n 4 hierbo) 215-218.<br />
Verder in hierdie hoofstuk in 3.6 bespreek.
Die Grondlegging en die grondleggers van staatlikheid 69<br />
kapitalisme, tog ook tipies Middeleeus. Eiendomsreg is in die<br />
Middeleeue veel enger omlyn as wat in die negentiende eeu die geval<br />
was, 19 en daarom kon daar nouliks nog verder daarop inbreuk gemaak<br />
word. Daar is dus slegs ʼn teenstrydigheid indien soewereiniteit vanuit<br />
ʼn moderne hoek beoordeel word. In die lig van Bodin se eie deels<br />
Middeleeus-gedrewe denke is daar egter geen teenstrydigheid nie.<br />
Volgens die Middeleeuse opvatting, wat nog deels Bodin se denke<br />
bepaal, val slegs die burgerlike reg binne die gesag van die vors;<br />
daarenteen val fundamentele reg (konstitusionele reg), wat onder<br />
meer as die terrein van die goddelike en die natuurreg beskou is, buite<br />
die grense van die vors se staatlike soewereiniteit. 20 Bowendien<br />
behandel Bodin soewereiniteit nie as ʼn rasioneel deurdagte logiese<br />
begrip nie, maar as ʼn funksionele instrument om staatlike orde en<br />
stabiliteit te bewerkstellig. Die omvang van soewereiniteit strek dus<br />
slegs sover as wat nodig is om vrede en openbare orde in die staat te<br />
verseker. Soewereiniteit funksioneer dus nie by Bodin as ʼn logies<br />
suiwer teorie nie, maar as ʼn strategie vir staatsbehoud. 21 Die<br />
beperkings wat in hierdie beskouing van soewereiniteit ingebou is,<br />
staan eweneens in diens van staatsorde en -stabiliteit. 22<br />
Die perke wat Bodin op die hef van belastings plaas, is soortgelyk<br />
verklaarbaar: privaat eiendom verskaf die lewensmiddele om gesinne<br />
te onderhou. Gesinne is die boustene van die staat. Oormatige<br />
belastings tref dus nie slegs individuele gesinne nie, maar uiteindelik<br />
ook die staat self. 23<br />
Wat sy soewereiniteitsteorie betref, bou Bodin voort op<br />
Middeleeuse voorlopers. 24 Wanneer die beperkings van Bodin se<br />
soewerein oorweeg word, is dit duidelik dat hy ʼn oorgangsfiguur was.<br />
Ofskoon soms aangevoer word dat daar ʼn regstreekse lyn vanaf Bodin<br />
deur Hobbes na John Austin en die moderne regspositivisme loop, 25 is<br />
daar ook enorme verskille. Waarskynlik die belangrikste is dat Bodin<br />
nie ʼn analitiese juris was, wat ʼn duidelike onderskeid tussen reg en<br />
moraliteit tref nie. Inteendeel, Bodin se denkarbeid word juis<br />
aangewend ter verwesenliking van Bodin en die Politiques se morele<br />
waarde-oordeel waarvolgens openbare vrede en orde voorkeur bo<br />
godsdienstige waarheid geniet.<br />
19 Sien oor die vroeëre (voor-kapitalistiese) eng omskrywing van eiendomsreg AJ van<br />
der Walt ‘Marginal notes on powerful legends: Critical perspectives on proprietary<br />
20<br />
21<br />
22<br />
23<br />
24<br />
25<br />
theory’ (1995) 58 Tydskrif vir Hedendaagse Romeins-Hollandse Reg 396 et seq.<br />
Sheppard (n 12 hierbo) 597-598; Lewis (n 4 hierbo) 216.<br />
Allen (n 2 hierbo) 422.<br />
Lewis (n 4 hierbo) 213.<br />
Wolfe (n 12 hierbo) 274-275.<br />
HF Jolowicz Lectures on Jurisprudence (1963) 64-68.<br />
Sien die skrywers aangehaal deur Lewis (n 4 hierbo) 214.
70 Hoofstuk 4<br />
Bodin is in ʼn tweede opsig ver van Hobbes verwyderd. Anders as<br />
Hobbes glo Bodin in ooreenstemming met die Klassieke oortuiging dat<br />
menslike gemeenskap natuurlik is. Vir Bodin is daar geen verskil<br />
tussen ʼn goeie burger en ʼn goeie mens nie. 26 Hobbes, soos verder uit<br />
hierdie hoofstuk sal blyk, is daarenteen volskaals modern en koester<br />
geen geloof in die natuurlikheid van menslike gemeenskap nie;<br />
inteendeel, individue is in ʼn onafgebroke stryd met mekaar gewikkel.<br />
Bodin se beskouings oor die kwaliteite van die soewerein en oor<br />
hoe godsdiens in die staat hanteer moet word, is net so pragmaties<br />
soos sy gekwalifiseerde soewereiniteitsbeskouing. Dit is ook daarop<br />
gemik om die eenheid van die staat en openbare stabiliteit te<br />
verseker.<br />
Sy pragmatiese benadering verklaar ook sy veranderde beskouings<br />
oor die Franse troonopvolging van Henri IV. Henri was Protestants en<br />
daarom het die Katolieke Bond sy troonbestyging teengestaan. Bodin<br />
het egter suiwer op sterkte van die troonopvolgingsreg aangevoer dat<br />
Henri vir troonopvolging kwalifiseer en het anders as die Katolieke<br />
Bond nie denominasie-lidmaatskap as ʼn politiek relevante en dus ʼn<br />
juridiese voorwaarde vir die Franse troonopvolging gestel nie. Tog het<br />
Bodin in 1589 sy standpunt verander en toe ook, net soos die Katolieke<br />
Bond ʼn denominasie-verandering van Henri vereis alvorens hy koning<br />
van Frankryk kon word. 27 Bodin se standpuntverandering was egter<br />
nie godsdienstig van aard nie, maar polities gemotiveerd, want hy het<br />
nie bepleit dat Henri ter wille van trou aan godsdienstige waarheid<br />
Katoliek moes word nie, maar dat hy van denominasie moes verander<br />
ter wille van Frankryk en ter wille van die beëindiging van die<br />
godsdienstige stryd wat die voortbestaan van die Franse staat bedreig<br />
het. 28 Hy handhaaf steeds sy basiese beskouings oor godsdiensvryheid<br />
en hy beskou steeds godsdienstige konflik as die primêre euwel. Hy<br />
bepleit bloot as ʼn ware Politique ʼn politiek berekende bekering ter<br />
wille van die Franse staat. 29<br />
Die optrede van die owerheid moet ook gelei word deur die beste<br />
belange van die staat, in plaas van deur godsdienstige<br />
waarheidsoorwegings. Die owerheid moet nie by godsdienstige<br />
geskille betrokke raak nie, en ook nie probeer om die een of ander<br />
godsdienstige oortuiging te bevorder nie. Indien dit moontlik is om in<br />
belang van eenheid godsdienstige eenstemmigheid te bevorder, moet<br />
die owerheid dit doen. Dit is verder volgens Bodin ook heeltemal<br />
gerade dat die owerheid nuwe en nog swak ontwikkelde godsdienstige<br />
26 Lewis (n 4 hierbo) 211-212.<br />
27<br />
PL Rose ‘The Politique and the Prophet: Bodin and the Catholic League 1589-1594’<br />
(1978) 2 Historical Journal 783 et seq.<br />
28 Rose (n 27 hierbo) 796-797.<br />
29<br />
Rose (n 27 hierbo) 807. Bodin was in hierdie opsig in pas met ander Politiques wat<br />
dieselfde standpunt gehuldig het. Sien hieroor verder (n 27 hierbo) 798-799.
Die Grondlegging en die grondleggers van staatlikheid 71<br />
strominge en denominasies vervolg. 30 Die rede daarvoor is egter nie<br />
dat so ʼn godsdiens vals is nie, maar dat indien dit toegelaat word om<br />
te groei, dit die eenheid en stabiliteit van die staat kan aantas. Die<br />
vervolging vind dus nie plaas omdat die godsdienstige dogmatiek en<br />
oortuigings van die nuwe godsdienstige stroming as polities relevant<br />
beskou word nie, maar suiwer met die oog op die verstewiging van die<br />
eensgesindheid van die staatlike bevolking en derhalwe die integriteit<br />
van die staat. 31 Sodra ʼn godsdienstige denominasie egter stewig<br />
gevestig is, sal daar ʼn te hoë prys, gemeet aan wanorde en<br />
onstabiliteit, betaal moet word, indien dit vervolg word. In so ʼn geval<br />
sal vervolging polities onverstandig wees. Gevolglik moet die<br />
owerheid dan liewers die ongestoorde beoefening van die nuwe<br />
godsdiens toelaat.<br />
Godsdienstige verdraagsaamheid is dus nie soseer ʼn beginsel,<br />
voortspruitend uit teoreties gefundeerde oortuigings nie. Dit is ʼn<br />
(politieke) strategie wat in belang van die staat soms gevolg kan word,<br />
net soos die teenoorgestelde — godsdienstige vervolging — in ander<br />
omstandighede meer gewens mag wees. 32 Dit is nie godsdiensvryheid<br />
nie, maar die staat wat konsekwent die hoogste deug is en wat die<br />
bepalende faktor by die vasstelling van beleid is. Dit is in belang van<br />
die staat dat godsdienstige eenheid prysgegee en godsdiensvryheid<br />
toegelaat word, en in ander omstandighede ook in belang van die<br />
staat dat godsdienstige vervolging binne sekere perke beoefen<br />
word. 33 Waarmee Bodin hier besig was, was ʼn strategie van staatsbou<br />
ter wille van die eenheid en integriteit van die staat.<br />
Die politieke teorie van die Politiques erken dat daar uit die<br />
enkele monolitiese gemeenskap van die Middeleeuse rykskerklike<br />
geheel twee kwalitatief uiteenlopende gemeenskappe ontstaan het:<br />
ʼn sekulêre (openbare) politieke gemeenskap georganiseer as die<br />
staat, teenoor private godsdienstige gemeenskappe georganiseer in<br />
die kerke.<br />
Staatsoewereiniteit het tot gevolg dat die wedywerende politieke<br />
aansprake van ʼn feodale of ʼn kerklike oorsprong irrelevant raak en<br />
opsy geskuif word. Spesifiek godsdiens word uit die openbare sfeer<br />
verwyder en na die private sfeer afgeskuif. Met die Politiques word<br />
godsdiens gevolglik ʼn private en persoonlik-individuele saak. 34<br />
Godsdiens verloor sy openbare aanspraak as ʼn politieke kategorie<br />
omdat dit moet bes gee vir die nuwe voorkeur-waarde, naamlik die<br />
eenheid en stabiliteit van die staat wat die primêre belang en hoogste<br />
30<br />
31<br />
Allen (n 2 hierbo) 429; Ebenstein (n 1 hierbo) 350.<br />
Bodin se Politiques-kollegas is in dié opsig kennelik Machiavelliaans. Sien JN Figgis<br />
32<br />
33<br />
34<br />
Political thought from Gerson to Grotius, 1414-1625 (1960) 133.<br />
Figgis (n 31 hierbo) 130-131.<br />
Figgis (n 31 hierbo) 133.<br />
Figgis (n 31 hierbo) 124.
72 Hoofstuk 4<br />
deug word. 35 Die territoriale staat as godsdienstig en andersins<br />
neutrale entiteit seëvier oor godsdiens in die sin dat die integriteit<br />
van die staat die primêre openbare politieke deug word, terwyl<br />
godsdiens, wat in die strewe na godsdienstige waarheid en suiwerheid<br />
die staat se stabiliteit mag ondermyn, geprivatiseer word. Aan die<br />
ander kant noodsaak die beste belang van die staat dat ʼn sekere graad<br />
van denominasie-pluraliteit en vrye godsdiensbeoefening toegelaat<br />
word. Indien nie, kan die stabiliteit en voortbestaan van die staat in<br />
die gedrang kom. Godsdiensvryheid — die produk van die denkarbeid<br />
van die Politiques — is nie aan die staat of aan die natuurreg te danke<br />
nie. Die omgekeerde is waar, naamlik dat die staat aan<br />
godsdiensvryheid te danke is en dat die voortbestaan van die staat<br />
daarvan afhang. Soos Mayo dit stel:<br />
Religious freedom and toleration appear to have been adopted or<br />
enforced for political reasons - ... a quiet life, raison d’êtat. 36<br />
In staatsdienende godsdiensvryheid vind ons dus die prototipiese<br />
moderne mensereg (fundamentele reg) en die prototipiese<br />
liberalisme. Hierdie reg is die voorwaarde vir die bestaan van die<br />
staat en is ook die reg wat die oer-wortel van die moderne liberalisme<br />
is. Maar meer as dit: die noodgedwonge erkenning van<br />
godsdiensvryheid as prototipiese liberale mensereg in dieselfde tyd<br />
waarin die moderne staat sy beslag gekry het, het ook daarvoor gesorg<br />
dat die liberalisme reg vanuit die staanspoor een van die<br />
grondliggende eienskappe van die staat geword het.<br />
Sedert die staat daarin geslaag het om godsdiens as die enigste<br />
politieke kategorie opsy te skuif, waak dit jaloers oor sy monopolie<br />
oor die openbare domein. Individue moet dus voorkeur aan hulle<br />
verbintenis met die staat gee en moet bowenal in die eerste plek<br />
staatsburgers wees. Dienooreenkomstig koester die staat ʼn diep<br />
afkeur van enige groepsvorming in die staat wat in die openbare<br />
domein ʼn beslag mag kry en dus aan die staat ʼn bepaalde identiteit<br />
eie aan ʼn groep (godsdienstig, taal, kultureel, etnies of dergelik) mag<br />
besorg, of wat ʼn verdelende effek mag hê. Die staat is sedert die dae<br />
van die Politiques op sy gemaklikste met individuele burgers, dit wil<br />
sê met ʼn aantal vryswewende individue wat nie die een of ander<br />
groepsverbintenis het wat dalk hegter as die verbintenis met die staat<br />
self mag wees nie en meer lojaal teenoor die groep as teenoor die<br />
staat is nie. Die staat is dus inherent ongemaklik — dikwels openlik<br />
vyandig — teenoor die verskynsel van pluraliteit binne die staat,<br />
omdat kultuur-, taal-, godsdienstige en dergelike groepe (anders as<br />
individue) in staat is om ʼn politiek beduidende krag te konstitueer, om<br />
sodoende individuele lojaliteit te genereer met die vermoë om die<br />
35<br />
Figgis (n 31 hierbo) 124.<br />
36 HB Mayo An introduction to democratic theory (1960) 145 voetnoot 3.
Die Grondlegging en die grondleggers van staatlikheid 73<br />
staat se monopolie op openbare identiteit in die vorm van<br />
staatsburgerskap uit te daag. Vir sover daar wel groepe is, moet hulle<br />
’n stil, private bestaan voer en hulle nougeset uit die openbare<br />
domein hou wat eksklusief deur die staat beset word.<br />
Die soort staat wat met die Politiques op die voorgrond tree, dra<br />
die stempel van ʼn neutrale staat wat mense binne sy territoriaal<br />
gedefinieerde grense onder die beheer van sy regsreëls het en wie se<br />
partikuliere groepaffiliasie geen impak op die karakter van die staat<br />
mag hê nie. Die Politiques se staatsdefinisie kom bloot neer op ʼn<br />
versameling van mense binne ʼn afgebakende gebied, wat in gemeen<br />
het dat hulle ʼn gemeenskaplike regering gehoorsaam.<br />
Die Politiques verwerp die kernbeginsel van die Middeleeuse<br />
staatsopvatting waarvolgens godsdienstige waarheid die fondament is<br />
waarop die politieke orde berus. In die plek daarvan word ʼn nuwe<br />
waarde voorop gestel, naamlik dié van formele vrede tussen die<br />
staatsburgery. Soos EW Böckenförde dit stel:<br />
For the Politiques, formal peace as opposed to the horrors and sufferings<br />
of civil war, was an independent inherently justified good. 37<br />
Dit was ingevolge hierdie nuwe waardekeuse nie meer soos vroeër die<br />
plig van die vors om die kerk se agent te wees ter bevordering van<br />
godsdienstige waarheid en ter onderdrukking van dwaling en kettery<br />
nie. Sy plig was om te verhoed dat sy onderdane mekaar in die najaag<br />
van die realisering van godsdienstige waarheid uitroei 38 en sodoende<br />
ook die staat vernietig. Die owerheid word hiermee die instandhouer<br />
van staatlike orde en vrede, in plaas van die waghond oor<br />
godsdienstige waarheid.<br />
Die neutrale Politiques-staat kom tot stand te midde van die<br />
radikale afwesigheid van daadwerklike bande wat die voorvereiste is<br />
vir menslike gemeenskap en teen die agtergrond van die<br />
oorweldigende probleem van aanhoudende en onbesliste konflik. In<br />
die lig hiervan is die bylê van konflik die raison d’ être van die staat.<br />
Die staat is nie ‘n res publica — die gemeenskaplike saak van ʼn<br />
gemeenskap van burgers — nie; dit gee ook nie uitdrukking aan ʼn<br />
reeds bestaande gemeenskap en van ʼn beduidende waardekonsensus<br />
nie. Tewens, die staat is die produk van ʼn gebrek aan gemeenskap en<br />
van ʼn waarde-dissensus. Dienooreenkomstig is die staat ʼn blote<br />
konflikreguleerder, die meganisme wat menslike optrede so moet<br />
bestuur dat die risiko van wedersydse verdelging verhoed word.<br />
37 EW Böckenförde State, society and liberty uit die Duits vertaal deur JA<br />
Underwood (1981) 36.<br />
38 Böckenförde (n 37 hierbo) 36.
74 Hoofstuk 4<br />
Hierdie soort staatsbeskouing wat met Hobbes sy volle sterkte bereik,<br />
lê die grondslag vir die kontemporêre liberale territoriale staat.<br />
By Bodin tree ʼn nuwe vorm van burgerskap na vore, wat ingrypend<br />
verskil van die soort burgerskap wat in die politieke filosofie van<br />
Aristoteles aangetref word. By Aristoteles behels burgerskap burgers<br />
se deurlopende deelname aan openbare politieke aangeleenthede.<br />
Die aktiewe burgerskap en betrokkenheid by die res publicae is hier<br />
van wesenlike belang. By Bodin, daarenteen, berus burgerskap daarop<br />
dat die individu hom neerlê by die reg van die staat, in ruil vir<br />
beskerming en die instandhouding van die openbare orde. 39 By die<br />
Klassieke beskouing van Aristoteles word daar met ʼn burger gewerk as<br />
’n entiteit met per definisie ’n hoë openbare profiel. Burgerskap word<br />
as ’t ware elke dag opnuut uitgeleef. ’n Persoon word elke dag weer<br />
’n burger wanneer hy hom aktief met die openbare sake van die staat<br />
(die polis in hierdie geval) bemoei. Burgerskap kry dus deurlopend<br />
inhoud deur deelname aan die sake van die polis. By Bodin beteken<br />
burgerskap nie daadwerklike deelname nie. Dit impliseer ’n passiewe<br />
juridiese status. By Aristoteles word die burger met die staat verbind<br />
deur sy daaglikse deelname aan die politiek. By Bodin verbind die<br />
juridiese status van burgerskap die individu met die staat. Burgerskap<br />
vereis in dié geval nie aktiewe openbare deelname aan die politiek<br />
nie; dit behels passiewe private gehoorsaamheid aan die reg.<br />
Die godsdienstige verdraagsaamheid wat met die Politiques sy<br />
verskyning maak, is ’n verdraagsaamheid van ’n besondere aard. Dié<br />
verdraagsaamheid tref ’n duidelike onderskeid tussen die openbare<br />
en private sfere en is slegs in die laasgenoemde sfeer van krag. Die<br />
individu kan binne die private sfeer die godsdiens van sy keuse<br />
beoefen. Sedertdien het hierdie vryheid uitgebrei: die vryheid om<br />
kulturele-, taal- en etniese identiteit uit te leef, vrye persoonlike<br />
uitdrukking ingevolge die reg op vryheid van uitdrukking, asook die<br />
vrye keuse met betrekking tot seksuele voorkeur en dies meer.<br />
Ofskoon die vryheid veel groter inhoud gekry het, bly die basiese<br />
beginsel egter steeds geld, naamlik dat vryheid tot die private sfeer<br />
beperk word. Dié vryheid is op die keper beskou egter nie werklik vir<br />
die openbare sfeer bedoel nie, want die openbare sfeer moet neutraal<br />
bly. Indien dit wel na die openbare sfeer uitgebrei word, tree die<br />
gevaar opnuut na vore dat die aard van die staat ’n geskilpunt word<br />
en dat konflik, wat so erg kan wees soos met die Franse<br />
godsdiensoorloë, weer kan ontstaan. Hierdie siening van individuele<br />
vryheid wat as liberale verdraagsaamheid 40 getipeer kan word, is tans<br />
nog steeds dominant. Deur hierdie verdraagsaamheid vrywaar die<br />
39 J Leca ‘Questions of citizenship’ in C Mouffe (red) Dimensions of radical<br />
40<br />
democracy (1992) 28.<br />
AE Galeotti ‘Citizenship and Equality: The place for toleration’ (1993) 21 Political<br />
Theory 588.
Die Grondlegging en die grondleggers van staatlikheid 75<br />
staat sy burgers van die potensieel nadelige gevolge van hulle<br />
onderlinge verskille, deur die verskille uit die openbare sfeer te<br />
hou. 41 Tegelykertyd het hierdie vryheid en verdraagsaamheid egter<br />
ook ’n nuwe openbare identiteit, naamlik dié van staatsburgerskap<br />
geskep. In die private sfeer is ’n persoon vry om die etniese,<br />
kulturele, taal of godsdienstige identiteit na gelang van sy persoonlike<br />
voorkeure uit te leef, maar in die openbare sfeer is slegs een<br />
identiteit toelaatbaar, naamlik dié van staatsburgerskap. AE Galeotti<br />
vat dié waarheid goed saam wanneer hy sê:<br />
Therefore whereas citizens are free to pursue their own ideals and<br />
practice their own culture and religion within civil society, in the public<br />
sphere they should disregard their special and particular membership<br />
and be ‘just citizens’ on an equal basis. 42<br />
By Bodin en later by Hobbes, Locke en andere is hierdie nuwe<br />
openbare identiteit naamlik die neutrale staatlike identiteit van<br />
staatsburgerskap wat die Middeleeuse openbare identiteit van<br />
Christenskap vervang het, ʼn passiewe identiteit. Rousseau en sy<br />
ideologiese volgelinge mobiliseer die passiewe identiteit in ʼn aktiewe<br />
republikanisme wat dikwels die totalitêre gevolg meebring dat die<br />
vryheid van die private domein vernietig word. 43 Vandag vind<br />
soortgelyke mobilisasie van die burgerskapsidentiteit uiting in<br />
sogenaamde nasiebouprogramme.<br />
2 Thomas Hobbes en die geboorte van Leviatan,<br />
die sterflike god<br />
Teen die laaste kwart van die sestiende eeu is die konsep van staatlike<br />
soewereiniteit in veral Frankryk en Engeland gevestig. In Frankryk in<br />
die besonder het staatlike soewereiniteit met monargale absolutisme<br />
gepaard gegaan. Ook in Engeland het die pro-absolutistiese stroming<br />
sterk stoom opgebou. Vorstelike absolutisme kom eenvoudig daarop<br />
neer dat die koning se gesag nie aan enige reëls gebonde was nie. Dit<br />
was absoluut (absoluta), aangesien dit aan geen juridiese geldigheidsmaatstawwe<br />
onderhewig was nie. 44<br />
Jean Bodin en Thomas Hobbes (1588-1679) was die prominentste<br />
apologete vir absolutisme. Hulle was egter ingebed in ’n breë<br />
Europese tendens ten gunste van absolutisme en teen wedywerende<br />
plaaslike (nie-sentralistiese) en kerklike aansprake op politieke gesag.<br />
41 Galeotti (n 40 hierbo) 590.<br />
42 Galeotti (n 40 hierbo) 591.<br />
43 Hierdie aspek word breedvoerig in hoofstuk 6 bespreek.<br />
44<br />
E Lousse ‘Absolutism’ in H Lubasz (red) The development of the Modern State<br />
(1964) 43.
76 Hoofstuk 4<br />
Quentin Skinner verduidelik byvoorbeeld dat die indruk wat soms<br />
gewek word dat Hobbes ’n ideologies geïsoleerde figuur was, nie<br />
korrek is nie. 45 Hobbesiaanse absolutisme het onder meer<br />
gekwalifiseerde ondersteuning van Samuel Pufendorf, een van die<br />
voorste internasionaalregtelike juriste van daardie tyd, geniet, 46<br />
terwyl Hobbes ook in Engeland dikwels — soms goedkeurend —<br />
aangehaal is.<br />
Die apologieë wat vir absolutisme aangevoer is, het egter wyd<br />
uiteengeloop. Sommige teoretici het hulle daarop toegespits om prokerklike<br />
magsaansprake teë te gaan en het hulle daarom daarop<br />
toegespits om vorstelike absolutisme op grond van die goddelike reg<br />
van konings te regverdig. Onder hulle tel William Barclay, 47 wat aan<br />
die begin van die sewentiende eeu ’n invloed op die absolutistiese<br />
oortuigings van die Engelse koning James I uitgeoefen het 48 en ook<br />
natuurlik James self, wat aanvanklik oor Skotland en later ook oor<br />
Engeland regeer het. James was sekerlik die bes gekwalifiseerde<br />
vorstelike eksponent van absolutisme. Hy was daarvan oortuig dat die<br />
vors aan geen wêreldlike gesag onderworpe was nie en dat die vors<br />
oor ’n onvervreembare reg op gesagsuitoefening beskik het, met<br />
inbegrip van die bevoegdheid om wette te maak. 49 James verwerp<br />
ook die gedagte dat die vors aan die gemenereg onderworpe is en kom<br />
juis as gevolg hiervan in hewige botsing met sommige Engelse<br />
gemenereg-juriste soos Edward Coke. Dié aspek kom in hoofstuk 8.3.4<br />
ter sprake.<br />
Bodin se invloed op James was veral sigbaar in laasgenoemde se<br />
beskouing oor godsdiensvryheid. Net soos Bodin was James ook van<br />
oortuiging dat godsdiensvryheid genoodsaak is deur die<br />
instandhouding van staatstabiliteit. 50 Juis op grond van hierdie<br />
beskouing het James enige politieke gesagsaansprake van die kerk —<br />
sowel Katoliek en Calvinisties — verwerp. 51 James was in dié opsig ook<br />
volledig in pas met sy gedeeltelike tydgenoot, Henri IV (van Navarre)<br />
van Frankryk.<br />
In Engeland het die regverdiging vir vorstelike absolutisme in die<br />
laaste kwartaal van die sestiende eeu met die werk van sir Thomas<br />
Smith begin stoom opbou. Aanvanklik is volskaalse absolutisme egter<br />
nie bepleit nie. In die tydperk vanaf James I tot met die ontseteling<br />
45 Q Skinner ‘The ideological context of Hobbes’ political thought’ (1966) 17<br />
46<br />
47<br />
48<br />
Historical Journal 286 et seq.<br />
Skinner (n 45 hierbo) 291.<br />
GH Sabine A History of Political Theory (1971) 93-394.<br />
HM Chew King James I in FJC Hearnshaw The social and political ideas of some<br />
49<br />
50<br />
51<br />
great thinkers of the sixteenth and seventeenth centuries (1967) 111.<br />
Chew (n 48 hierbo) 115-116.<br />
Chew (n 48 hierbo) 123, 129.<br />
Chew (n 48 hierbo) 112.
Die Grondlegging en die grondleggers van staatlikheid 77<br />
van Charles I, met ander woorde vir bykans die hele eerste helfte van<br />
die sewentiende eeu, het vorstelike absolutisme egter sterk op die<br />
voorgrond getree as ’n teorie van onbeperkte vorstelike gesag. Na die<br />
burgeroorlog was die rojaliste defensief en merkbaar minder<br />
absolutisties. 52 Robert Filmer 53 was die laaste om (op grond van<br />
hoofsaaklik historiese argumente) 54 ’n kragtige, maar grootliks<br />
anachronistiese pleidooi vir absolutisme te lewer. Dit was egter ’n<br />
laaste stuiptrekking want na die Glorious Revolution van 1689 het<br />
absolutisme geen beduidende aanhang meer in Engeland gehad nie. 55<br />
Hobbes het hom radikaal van al die ander rojaliste onderskei. Hy<br />
was geen gewone absolutis nie. Anders as die eksponente van die<br />
goddelike reg van konings, wat weens hulle fokus op kerklike<br />
aansprake op politieke mag noodwendig religieus moes<br />
argumenteer, 56 was Hobbes se benadering modern en sekulêr. Vir<br />
Hobbes kom die staat tot stand vanweë individue se behoefte aan<br />
vrede en stabiliteit. 57<br />
Hobbes se politieke uiteensettings bly vandag steeds van die<br />
allergrootste belang. Absolutisme was maar slegs ’n klein<br />
onderafdeling van Hobbes se opvattings. Die res van sy insigte en<br />
beskouings het sy oortuigings oor absolutisme eeue lank oorleef en is<br />
vandag nog daaglikse lewende praktyk.<br />
Anders as Bodin wat hom hoofsaaklik met die klaaglike<br />
onstabiliteit van die Franse staat van sy tyd bemoei het, gee Hobbes<br />
beslag aan ’n rasioneel ontwerpte en universeel geldende 58 teorie oor<br />
die ontstaansoorsaak en aard van die staat, asook oor die funksies van<br />
die owerheid in die staat. Hobbes se politieke teorie is derhalwe nie<br />
beperk tot die Engeland van sy tyd nie. Dit is ’n algemeen geldende<br />
politieke teorie wat die basiese karaktertrekke van die nuut<br />
ontstaande soewereine territoriale staat in perspektief stel. 59<br />
52 J Daly ‘The idea of absolute monarchy in seventeenth century England’ (1978) 21<br />
The Historical Review 235-239.<br />
53<br />
Sien onder andere JGA Pocock (1957) The Ancient Constitution and the Feudal<br />
Law 151-156; Daly (n 52 hierbo) 244-245; Sabine (n 47 hierbo) 512-514.<br />
54 WH Greenleaf ‘Filmer’s patriarchal history’ (1966) 9 The Historical Journal 157 et<br />
seq.<br />
55 Daly (n 52 hierbo) 244-245.<br />
56 Chew (n 48 hierbo) 127-128.<br />
57<br />
Böckenförde (n 37 hierbo) 39-40.<br />
58 Die breuk wat Hobbes in die staatsfilosofie meegebring het, strook met die breë<br />
filosofiese tendens van sy tyd waarvolgens die Middeleeuse Skolastiek finaal<br />
gediskrediteer is en die Rede as bron van menslike kennis sterk op die voorgrond<br />
getree het. Sien H-J Störig (1979) Geskiedenis van de Filosofie Vol I 302 en in die<br />
algemeen S Hampshire (1956) The age of reason: the seventeenth century<br />
philosophers.<br />
59 Soos Ebnestein (n 1 hierbo) 364 dit stel:<br />
The Leviatan is not an apology for the Stuart monarchy, nor a grammar of<br />
despotic government, but a first general theory of politics in the English<br />
language. (Eie beklemtoning).
78 Hoofstuk 4<br />
Hobbes is egter grondig deur die besonder dramatiese<br />
omstandighede van sy tyd beïnvloed. Die sewentiende-eeuse<br />
agtergrond waarteen Hobbes sy werk lewer, is een waarin<br />
individualisme toenemend op die voorgrond tree. Die antropologiese<br />
materiaal waarmee Hobbes, soos ander kommentators van sy tyd<br />
gehandel het, was nie die gemeenskap nie, maar wel soos Michael<br />
Oakeshott dit stel:<br />
... the independent, enterprising man out to seek his intellectual or<br />
material fortune, and the individual human soul responsible for his own<br />
destiny ... 60<br />
Bowendien kry Hobbes se opvattings beslag teen die agtergrond van<br />
die Engelse burgeroorlog, 61 wat sy mees oorheersende onmiddellike<br />
bekommernis was. 62 Ofskoon Hobbes se beskouings nie deur die<br />
oorlog veroorsaak is nie, is hy beslis daardeur beïnvloed. Ook ander<br />
invloede het op Hobbes ingewerk, soos die ontdekking van die<br />
Amerikas en die getuienis oor die leefwyse van die Amerikaanse<br />
Indiane. Dit het historiese ondersteuning aan Hobbes se beskouing oor<br />
die natuurstaat verskaf. 63 Ofskoon daar spesifiek histories gebonde<br />
invloede op Hobbes ingespeel het, is daar egter tereg oor sy werk<br />
opgemerk dat dit nie ʼn blote apologie vir die Stuart-monargie van die<br />
destydse Engeland, of vir despotiese regering was nie, maar die eerste<br />
volskaalse politiek-teoretiese werk in die Engelse taal. 64 Dit was die<br />
eerste politiek-teoretiese werk waarin die fundamentele aard van die<br />
moderne territoriale staat op ‘n rasionalistiese wyse blootgelê is. 65<br />
Hobbes breek met die Aristoteliese beskouing dat die mens<br />
grondliggend ʼn sosiale wese is. 66 In al drie sy politieke werke<br />
Elements of Law, De Cive en Leviathan begin hy met ʼn uiteensetting<br />
60 M Oakeshott Rationalism in politics and other essays (1962) 251.<br />
61 A Vincent Theories of the State (1987) 52; Sabine (n 47 hierbo) 456.<br />
62<br />
CB Macpherson Introduction to Thomas Hobbes’ Leviathan (1955) 9.<br />
63 R Ashcraft ‘Hobbes’ Natural Man: A Study in Ideology Formation’ (1971) 33<br />
Journal of Politics 1097.<br />
64<br />
Ebenstein (n 1 hierbo) 364.<br />
65 In hierdie wesenlike opsig sluit Hobbes aan by die rasionalistiese intellektuele<br />
klimaat van daardie tyd, soos dit veral uit die werk van René Descartes<br />
(1596–1650) blyk. Descartes, klaarblyklik diep geraak deur die ontwrigting van<br />
sluipmoord op Henri IV en die verwoesting van die Dertigjarige Oorlog, poog om<br />
’n onaanvegbare intellektuele strategie te vind wat sekerheid van kennis (in die<br />
wetenskap) kon bewerkstellig, maar wat vir die politiek wat juis op daardie<br />
stadium in ’n groot krisis verkeer en so aan bloedige konflik uitgelewer is, ewe<br />
belangwekkend is. Descartes vind hierdie onaanvegbare strategie nie in die<br />
tradisie van gemeenskapskennis en wysheid nie maar in net een ding wat volgens<br />
Descartes seker is, naamlik die individu se wete van die bestaan van sy eie<br />
verstand. Dit is vanuit die individuele verstand wat kennis rasioneel bedink kan<br />
word en by implikasie ’n openbare orde ook rasioneel ingerig kan word. Sien<br />
hieroor in die algemeen S Toulmin Cosmopolis: The hidden agenda of modernity<br />
66<br />
(1990) veral 45–88.<br />
CD Tarlton ‘The Creation and Maintenance of Government: A Neglected Dimension<br />
of Hobbes’ Leviathan’ (1978) 26 Political Studies 311.
Die Grondlegging en die grondleggers van staatlikheid 79<br />
van die menslike natuur. Die mens word in al drie die werke as ʼn<br />
vryswewende individu beskryf. Hobbes het algaande meer oortuig<br />
geraak dat individue ’n radikaal atomistiese en wedersyds afsydige<br />
bestaan voer en al hoe meer skepties oor die moontlikheid van<br />
daadwerklike menslike sosiale gemeenskap geraak. 67 Elke individu<br />
koester op selfstandige wyse die realisering van sy/haar persoonlike<br />
behoeftes en die vermyding van dit wat persoonlik onaanvaarbaar is.<br />
Die mees grondliggende beweegrede vir individuele optrede is juis<br />
hierdie botsende individuele appetites and aversions. Individue is<br />
eksistensieel van mekaar verwyder en is daarom nie in staat om<br />
grondig en betroubaar met mekaar te kommunikeer nie. Gevolglik<br />
beskik hulle ook nie oor die vermoë om hulle onderlinge botsende<br />
aansprake by te lê nie. Dit bring mee dat individue in ʼn atmosfeer van<br />
voortdurende wedersydse agterdog jeens mekaar lewe, en poog om<br />
fundamenteel botsende aansprake en behoeftes te verwesenlik. Alle<br />
mense tree so op. Dit lei tot ’n toestand van algemene konflik. Die<br />
enigste rasionele wyse om die konfliksituasie te hanteer is om na mag<br />
te streef. Deur in ’n gunstiger magsposisie as ander individue te<br />
verkeer, kan die verwesenliking van individuele behoeftes verseker<br />
word. Dit het natuurlik terselfdertyd die effek dat ander minder<br />
magtige individue daarvan weerhou word om hulle (botsende)<br />
aansprake en behoeftes te laat realiseer. Die aangewese handelswyse<br />
vir elke individu is om persoonlike mag te maksimaliseer ten einde<br />
ander individue te troef: mag moet opgebou word sodat botsende mag<br />
die hoof gebied kan word. Dienooreenkomstig beskryf Hobbes mag in<br />
dinamiese terme, naamlik mag in ’n deurlopend antagonistiese<br />
verhouding met botsende mag, en netto oormag in vergelyking met<br />
teenstrydige magsaansprake.<br />
And because the power of one man resisteth and hinderith the effects of<br />
the power of another; power simply is no more, but the excess of the<br />
power of one above that of another. 68<br />
Elke individu verkeer in ’n voortdurende stryd om oormag teen ander<br />
individue. Nou is dit ook so dat almal nie dieselfde behoeftes en<br />
aansprake het nie en dat baie mense heel gematig is. Aan die ander<br />
kant is daar egter ander mense wie se behoeftes so wydlopend is, dat<br />
hulle selfs op die basiese behoeftes van meer gematigde mense ’n<br />
kleim afsteek. Weens die algemene aanwesigheid van magsug by alle<br />
mense (ten einde persoonlike behoeftes te bevredig) en die<br />
67 B Missner ‘Skepticism and Hobbes’ political philosophy’ (1983) 44 Journal of the<br />
History of Ideas 407 et seq; Kommentare op Hobbes se werk wissel ook na gelang<br />
van welke werk die hoofbron/ne van die betrokke kommentaar is. Kommentare<br />
waarin hoofsaaklik op Elements of Law en De Cive gesteun word, soos dié van R<br />
Tuck Hobbes (1989) gee aanleiding tot dieselfde wederyds antagonistiese<br />
toestand waarin die mens in die natuurtstaat verkeer as kommentare wat swaar<br />
68<br />
op Leviathan steun nie.<br />
Thomas Hobbes The Elements of Law: Natural and Political (onder redaksie van F<br />
Tönnies (1969) Deel I hfst 8.4 34.
80 Hoofstuk 4<br />
uitermatige magsug van sommiges (ten einde hulle buitensporige<br />
behoeftes te bevredig), is die natuurlike situasie waarin die mens in<br />
die natuurstaat verkeer ’n algemene oorlogstoestand.<br />
I put for a generall inclination of all mankind, a perpetuall and restlesse<br />
desire of Power after power, that ceaseth only in Death. And the cause<br />
of this is not always that a man hopes for a more intensive delight, than<br />
he has already attained to, or that he cannot be content with a<br />
moderate power: but because he cannot assure the power and means to<br />
live well, which he hath present, without the acquisition of more. 69<br />
Wat die situasie in die natuurstaat des te meer onhoudbaar maak, is<br />
dat Hobbes leer dat mense nie net wat betref hulle behoeftes en<br />
verwagtings nie, 70 maar ook wat betref hulle vermoëns,<br />
fundamenteel gelyk is.<br />
For as to the strength of the body, the weakest has the strength enough<br />
to kill the strongest, either by secret machination, or by confederacy<br />
with them, that are in the same danger with himselfe. 71<br />
As die natuurlike situasie een van ongelykheid was, sou daar orde<br />
gewees het, al was dit ’n hiërargies gestruktureerde orde. Die<br />
toestand van gelykheid werk egter juis die impasse van ’n<br />
onophoudelike en onbesliste stryd in die hand, wat Hobbes in die<br />
volgende beroemde passasie in Leviathan so beskryf:<br />
In such condition, there is no place for Industry; because the fruit<br />
thereof is uncertain: and consequently no Culture of the Earth; no<br />
Navigation, nor use of the commodities that may be imported by Sea; no<br />
commodious Building, no Instruments of moving, and removing such<br />
things that require much force; no Knowledge of the face of the Earth;<br />
no account of Time; no Arts; no Letters; no Society; and which is worst<br />
of all continuall feare, and danger of violent death; And the life of man,<br />
solitary, poore, nasty, brutish and short. 72<br />
Hierdie voorstelling van die natuurstaat is somber, maar die rasioneel<br />
geïnspireerde uitvlug uit dié klaaglike toestand is ook latent in die<br />
voorstelling opgesluit. Die saak staan so: Die voortdurende doodsvrees<br />
wat die mens in die natuurstaat teister, noop hom om met die hulp<br />
van sy rasionele vermoëns na ’n beter toestand, naamlik dié van die<br />
staat — die commonwealth — te ontsnap. Die commonwealth word by<br />
wyse van ’n sosiale kontrak in die lewe geroep.<br />
69<br />
Thomas Hobbes Leviathan (1985) 161.<br />
70 Hobbes (n 69 hierbo) 184.<br />
71 Hobbes (n 69 hierbo) 183; Sien ook Hobbes (n 68 hierbo) Deel I hfst 14.1.2. 70.<br />
72<br />
Hobbes (n 69 hierbo) 186; die beskrywing van die natuurstaat is soortgelyk in<br />
Hobbes (n 68 hierbo) Deel I hfst 14.12 73.
Die Grondlegging en die grondleggers van staatlikheid 81<br />
Hobbes verduidelik die rasionele weg na die totstandkoming van<br />
die staat by wyse van die sosiale kontrak deur te verklaar dat elke<br />
mens oor sekere natuurlike regte beskik, naamlik die reg op lewe,<br />
liggaam en besittings. Elke mens het ook die onvervreembare reg ter<br />
verdediging van hierdie regsbelange. In die natuurstaat kan daar<br />
weens die onsekere toestand waarin mense verkeer — weens die<br />
bellum omnia contra omnes (die oorlog van almal teen almal) — nie<br />
na hierdie basiese belange omgesien word nie. Hobbes se skets van<br />
die mistroostige toestand wat in die natuurstaat heers, maak dit juis<br />
duidelik dat die natuurstaat die realisering van hierdie fundamentele<br />
regte verhoed. Vir die verwesenliking van hierdie regte is dit rasioneel<br />
gebiedend dat die commonwealth deur middel van die sosiale kontrak<br />
in die lewe geroep word.<br />
Alle individue is partye tot hierdie sosiale kontrak. Met hierdie<br />
kontrak kontrakteer alle individue onderling met alle ander individue.<br />
Die prestasies (optrede) waartoe elke individuele kontraktant<br />
ingevolge die kontrak verplig is, is dat elkeen sy natuurstaatlike reg<br />
om persoonlik oor sy eie belange te beskik en dit te beskerm, prysgee,<br />
met dien verstande dat elke ander kontraktant ook sy natuurstaatlike<br />
reg dienooreenkomstig opsê. Ingevolge die kontrak dra almal dan<br />
hulle natuurstaatlike regte tot persoonlike belangebeskerming (dit wil<br />
sê om eiereg te gebruik) aan ’n enkele persoon of ’n enkele<br />
vergadering van persone oor. 73 Daarna het hierdie persoon of<br />
vergadering die permanente verpligting om doeltreffend na die<br />
natuurlike regte van elke kontrakterende individu om te sien.<br />
Die totstandkoming van die staat (commonwealth) is uitsluitlik<br />
daarop gemik om die natuurlike individuele regte waaroor elke<br />
persoon beskik, naamlik om na sy voortbestaan en materiële welsyn<br />
om te sien, te bestendig en te stabiliseer. 74 Met die totstandkoming<br />
van hierdie commonwealth of, in Hobbes se woorde, die Mortall<br />
God, 75 word die veelheid van antagonistiese individuele wille wat die<br />
natuurstaat so miserabel gemaak het, gekondenseer tot ’n enkele wil.<br />
Dit is die magtige wil van die regering van die staat, die Leviatan,<br />
oftewel die sterflike god, synde die:<br />
... Mortall God to which we owe, under the Immortal God, our peace and<br />
defence. 76<br />
Die begrippe staat (commonwealth) en regering is vir Hobbes so heg<br />
verwant dat daar nie ʼn onderskeid tussen die twee getref kan word<br />
73 Hobbes (n 69 hierbo) 227.<br />
74<br />
T Nagel ‘Hobbes’ Concept of Obligation’ (1959) 68 The Philosophical Review 69,<br />
74, 91.<br />
75 Hobbes (n 69 hierbo) 227 (Die Latynse term civitas word as sinoniem vir<br />
commonwealth gebruik.)<br />
76 Hobbes (n 69 hierbo) 227.
82 Hoofstuk 4<br />
nie. Die staat is per definisie ’n entiteit met ’n enkele<br />
gesentraliseerde owerheid. Indien met laasgenoemde weggedoen<br />
word, is eersgenoemde ook onbestaanbaar. Die staat (en die regering)<br />
dank sy bestaan en sy legitimiteit aan die feit dat hy ’n doeltreffende<br />
beskermer van individuele regte is. Dit is immers die rede waarom dit<br />
tot stand gekom het. Leviatan is, ofskoon hy doeltreffend moet wees,<br />
egter geen tiran nie en hy kan ook nie maak soos hy wil nie. Die<br />
bestaansoorsaak van die staat is dat dit die ewige vreesteistering en<br />
belangeskendings van die natuurstaat moet verwyder en veiligheid en<br />
regsbeskerming in die plek daarvan moet plaas. 77 In die lig van die feit<br />
dat Hobbes se Leviatan hierdie verpligting het, is dit geensins so<br />
absolutisties soos daar dikwels geglo word nie. Leviatan — die<br />
sterflike god — moet sy plig tot belangebeveiliging nougeset nakom.<br />
Indien Leviatan buite die perke van sy pligte optree, verval die<br />
verpligting om Leviatan te gehoorsaam. Die soewerein kan ook nie die<br />
onderdaan verplig om tot sy eie nadeel op te tree nie. Daar is in<br />
Hobbes se denke egter geen meganismes waarmee die soewerein tot<br />
die uitvoer van sy pligte gedwing kan word nie. Hobbes wil trouens<br />
ook nie sulke meganismes hê nie, want hy vrees dat dit die integriteit<br />
van die soewereine regering tot nadeel van die onderdane kan<br />
ondermyn. Die soewereine mag van die staat is daargestel om die<br />
onderdane te beskerm. Indien dit deur kontrolemeganismes aan<br />
bande gelê word, kan dit tot nadeel van die bevolking strek. Om dié<br />
rede is die pligte van die regering ingevolge die sosiale kontrak ook<br />
nie uitgedruk in terme van ooreenstemmende regte wat in die<br />
onderdane setel nie. Dit word daarenteen eerder hanteer in terme<br />
van verpligtinge wat op die owerheid rus. Hobbes kom om hierdie<br />
rede moontlik ietwat onmodern voor. Hierdie indruk is egter<br />
verkeerd, want moderne (tweede-generasie) ekonomiese regte, soos<br />
dit byvoorbeeld in die Internasionale Verbond vir Ekonomiese, Sosiale<br />
en Kulturele Regte 78 en die Europese Sosiale Handves 79 vervat is,<br />
plaas ook nie die klem op die vestiging van regte in individue nie,<br />
maar eerder op verpligtinge wat op die staat rus.<br />
Volgens Hobbes moet die owerheid dit op hom neem om nie net<br />
vrede en veiligheid te waarborg nie maar om ook sekere stappe ter<br />
bevordering van sosio-ekonomiese belange te doen. 80<br />
77 MacPherson verduidelik dat die Hobbesiaanse politieke teorie in diens staan van<br />
die bourgeoisie-gemeenskap, wat by uitstek orde en stabiliteit behoef ten einde<br />
private belange so ongestoord as doeltreffend moontlik na te jaag. Sien<br />
Macpherson (n 62 hierbo) 51-63.<br />
78 Verenigde Nasies-konvensie wat kragtens resolusie 2200 van die Algemene<br />
Vergadering op 16 Desember 1966 aangeneem is en op 3 Januarie 1976 in werking<br />
getree het.<br />
79 Konvensie van die Europese Raad wat op 18 Oktober 1961 aangeneem is en op 26<br />
Februarie 1965 in werking getree het.<br />
80 Sien byvoorbeeld Tuck (n 67 hierbo) 70-72.
Die Grondlegging en die grondleggers van staatlikheid 83<br />
Die rasionele oogmerk waarvoor die staat tot stand kom, is om tot<br />
voordeel van individuele staatsonderdane mag uit te oefen. Ofskoon<br />
Hobbes se sterflike god weens die soewereine mag wat dit uitoefen<br />
kragtig is, is dit terselfdertyd ’n voordelige entiteit. In die lig hiervan<br />
is dit gepas om Hobbes as die wegbereider van verligte despotisme te<br />
tipeer, eerder as ’n pleitbesorger vir ongebreidelde absolutisme. Die<br />
voordele wat die owerheid vir die onderdane moet bewerstellig, plaas<br />
Hobbes ook in die utilitêre kader. Soos Ebenstein dit stel:<br />
The Hobbesian monarch cannot hide his ineffectiveness behind divine or<br />
traditional authority. He must ‘deliver the goods’ if he is to retain his<br />
regal office. 81<br />
Hobbes se verligte despotisme en sy (vermeende) absolutisme is ver<br />
verwyderd van enige vorm van staatstotalitarisme. Hy lewer sy werk<br />
voor die era van die totalitêre staat. 82 Sy Leviatan betrek nie die<br />
bevolking by ideologiese en sosio-ekonomiese programme nie.<br />
Totalitêre politiek behels dat die onderskeid tussen die burgerlike en<br />
private sfeer aan die een kant teenoor en die openbare domein aan<br />
die ander kant ontken word en dat die staat tot in die fynste<br />
besonderhede ook die gang van individue se private lewens en<br />
burgerlike bedrywigheid stuur. 83 Dit kom geensins by Hobbes voor nie.<br />
Hobbes se staat handhaaf vrede, orde en stabiliteit en hou hom binne<br />
die eng omskrewe parameters van die openbare terrein. 84 Die<br />
Hobbesiaanse staat reguleer en versag bloot individuele antagonisme<br />
en konflik en fasiliteer individuele verhoudings in die bourgeoisiestaat.<br />
Ofskoon Hobbes nie totalitêr is nie, gee hy sterk voorkeur aan die<br />
gedagte van die monistiese staat. Gevolglik is hy baie lugtig vir enige<br />
vorm van pluralisme. Hierdie sentiment is ʼn logiese uitvloeisel van sy<br />
hele staatsteorie: die staat kom tot stand met die oog daarop om<br />
vrede te bring en in stand te hou. Wanneer groeperinge ontstaan, tree<br />
die moontlikheid van onderlinge twis na vore, wat die staat in<br />
burgeroorlog kan dompel en trouens die gevaar meebring dat die<br />
voortbestaan van die staat in die gedrang kan kom. Die Engeland en<br />
Europa van Hobbes se tyd bied juis weens die intense konflik wat daar<br />
toe geheers het, oorvloedige getuienis van die gevaar verbonde aan<br />
verskillende groeperinge in een staat. Hobbes se oorheersende vrees<br />
was daarom juis dat burgeroorlog weer kon uitbreek. 85 Die wortel van<br />
die kwaad van burgeroorlog is die uiteenlopende opvattings en<br />
oortuigings van verskillende groepe in ’n plurale staat wat, indien dit<br />
81<br />
82<br />
Ebenstein (n 1 hierbo) 369.<br />
Vir ‘n onderskeid tussen die konsepte absolutisme en totalitarisme sien<br />
83<br />
84<br />
85<br />
byvooerbeeld Lousse (n 44 hierbo) 44-45.<br />
G Sartori Democratic Theory (1962) 146.<br />
Ebenstein (n 1 hierbo) 370.<br />
Aldus Macpherson (n 62 hierbo) 9.
84 Hoofstuk 4<br />
nie behoorlik beheer word nie, kan oorgaan tot daadwerklike konflik.<br />
Om vredesonthalwe moet die owerheid dus beheer uitoefen oor die<br />
wortel van die kwaad, naamlik oor die uiteenlopende oortuigings<br />
binne die staat. Sodoende kan burgeroorlog verhoed word.<br />
It belongeth therefore to him who hath the Sovereign Power, to be the<br />
Judge, or constitute all Judges of Opinions and Doctrines, as a thing<br />
necessary to Peace, thereby to prevent Discord and Civill Warre. 86<br />
Die vrees vir die konflikpotensiaal van antagonistiese oortuigings<br />
verklaar waarom Hobbes van mening was dat die staat doktrinêre<br />
beheer oor die kerk moes uitoefen. Sodoende moes die staat verhoed<br />
dat die kerk deur ondermynende leerstellings mense tot aktivisme<br />
beweeg wat die staat kon ondermyn en die openbare orde kon<br />
versteur. 87<br />
Ofskoon Hobbes en Bodin verskil oor die besonderhede van die<br />
presiese wyse waarop godsdiens en die kerke hanteer moes word, is<br />
hulle dit roerend eens oor die breë strategiese oogmerk, naamlik dat<br />
godsdienstige denominasies op so wyse hanteer moes word dat dit<br />
nooit die stabiliteit van die staat sal bedreig nie. Vir sowel Bodin as<br />
Hobbes is godsdienstige dogma irrelevant. Hulle benader die kwessie<br />
van godsdiens vanuit ’n strategiese oogpunt deur slegs te fokus op dit<br />
wat die beste vir die instandhouding en integriteit van die staat sal<br />
wees. Albei sien in pluraliteit ’n potensiële bedreiging vir die<br />
integriteit van die staat en die handhawing van die openbare orde.<br />
Net soos die Politiques, maak Hobbes ’n waardekeuse ten gunste van<br />
formele vrede (gehandhaaf deur Leviatan), en verwerp hy ook die<br />
gedagte dat die staat ’n karakter eie aan enige van die groeperinge in<br />
die staat moet hê. Hobbes sit die Politiques-geïnspireerde afkeur van<br />
groepvorming in die staat voort, en ook hy leer dat die beheer oor<br />
groepe en groepvorming volledig aan die oordeel van die soewerein<br />
oorgelaat moet word.<br />
Hobbes se afkeur van (potensieel ondermynende) pluraliteit bring<br />
mee dat die enigste entiteite waarvoor daar uiteindelik in sy<br />
staatsteorie plek is, die staat en die individu is. Vir groepe is daar<br />
ruimte, met dien verstande dat hulle die etiket streng privaat<br />
vertoon, en nougeset volgens dié etiket optree. Dit beteken dat<br />
groepe geen openbare politieke profiel mag hê en geen ingreep in die<br />
openbare domein mag maak nie. Leviatan moet daarvoor sorg.<br />
86 Hobbes (n 69 hierbo) 233.<br />
87 Sien hieroor in die algemeen EJ Eisenach ‘Hobbes on church, state and religion’<br />
(1982) in History of political thought (1982) 217 en veral ook 236-237; Tuck (n 67<br />
hierbo) 73-74; Tarlton (n 66 hierbo) 321-322.
Die Grondlegging en die grondleggers van staatlikheid 85<br />
Die belangrikste aspek van Hobbes se staatsteorie is dat hy<br />
uitgaan van die aanname van ’n radikale afwesigheid van enige<br />
daadwerklike menslike gemeenskap. Hy verteenwoordig die<br />
prototipiese antitese van ʼn kommunitêre sienswyse en politieke<br />
bestel. Vir hom is daar geen gemeenskap nie, maar slegs ’n klomp<br />
mense — a multitude of men — wat in wedersydse wantroue,<br />
agterdog, spanning en onverklaarde oorlog teen mekaar wedywer met<br />
die oog op die verwesenliking van antagonistiese individuele<br />
oogmerke. Die staat probeer ook nie gemeenskap skep nie en bepaal<br />
hom by sy hooftaak — eintlik sy enigste taak — naamlik om te sorg dat<br />
wedywerende individue mekaar nie uitroei nie. Die staat is nie die<br />
vergestalting van menslike gemeenskap, oftewel die burgery se res<br />
publica nie, maar is bloot die mag en die skeidsregter wat die<br />
antagonistiese optrede van kompeterende individue binne perke moet<br />
hou. Wanneer dié mag/skeidsregter onttrek, hervat die onbeheerste<br />
stryd van die natuurstaat in al sy felheid. Die staat is dus slegs ’n<br />
juridiese instelling; dit is geen gemeenskap nie.<br />
Die radikale afwesigheid van menslike gemeenskap en die<br />
hantering van die menslike samelewing as een van antagonistiese<br />
individuele atome wat vyandig teen mekaar meeding, is die<br />
grondliggende aanname van die Hobbesiaanse staat en die<br />
Hobbesiaanse staatsteorie.<br />
In die eeue sedert Hobbes het hierdie aanname dieselfde gebly. In<br />
die hedendaagse regsteorie en -praktyk word steeds, en grotendeels<br />
onnadenkend, met presies dieselfde aanname gewerk. Daar is, soos<br />
aanstons aangedui sal word, sekere kontemporêre instellings soos<br />
menseregte wat, ofskoon dit met die eerste aansien lyk asof dit ’n<br />
baie positiewer beskouing van die menslike samelewing het, tog<br />
steeds van dieselfde veronderstelling uitgaan.<br />
3 John Locke, die konstitusionele voortsetting<br />
van Thomas Hobbes<br />
John Locke (1632-1704), die voorste en bekendste woordvoerder —<br />
ten minste in die Engelse wêreld — van die liberale tradisie in die<br />
staats- en regsteorie, se denke oor die reg en die politiek is vervat in<br />
sy werke Two Treatises of Government en A Letter Concerning<br />
Toleration. Eersgenoemde werk bestaan uit twee volumes. In die<br />
eerste behandel Locke uitvoerig Robert Filmer se Patriarcha, waarin<br />
’n apologie vir vorstelike absolutisme gelewer word. Die tweede<br />
volume bevat Locke se uiteensetting van die beginsels van burgerlike<br />
regering. In die tweede Treatise antwoord Locke ook, sonder om<br />
êrens by name na hom te verwys, op die regspolitieke opvattings van
86 Hoofstuk 4<br />
sy groot teenstander, Thomas Hobbes. Hoe belangrik patriargie 88 in<br />
hierdie tyd was, blyk ook uit die tweede Treatise waarin Locke steeds<br />
met dié gedagterigting worstel. 89<br />
Locke se werk het ’n blywende invloed op die Westerse politieke<br />
denke uitgeoefen. Sy werk was egter daarop gemik om ’n konkrete<br />
uitwerking op die konstitusionele stryd wat in die destydse Engeland<br />
gewoed het, te hê. Locke was nou betrokke by die opposisiepolitiek 90<br />
teen die absolutistiese neigings van die Engelse koning, James II. Hy<br />
het trouens gedurende die 1680's ʼn lang tyd in ballingskap in<br />
Nederland deurgebring, terwyl daar teen die absolutistiese strategie<br />
van James gestry is. Na die ontseteling van James en die deurvoer van<br />
die Glorious Revolution van 1688-1689 keer Locke terug na ʼn<br />
Engeland wat hy begeer het, ʼn Engeland met ʼn gevestigde<br />
konstitusionele monargie.<br />
Locke het veral ’n diepgaande invloed op die Amerikaanse<br />
politieke en grondwetlike denkrigtings uitgeoefen. 91 Sy invloed is<br />
daarbenewens in die 18 de-eeuse Franse rewolusionêre denke<br />
gevoel. 92 Ook in Engeland het Locke sy merk gemaak, ofskoon dit<br />
blykbaar verkeerd is om te aanvaar dat sy werk reeds onmiddellik na<br />
die Glorious Revolution van besondere belang was. 93 In daardie tyd<br />
het ander liberale teoretici soos James Tyrell (1642-1718) en Samuel<br />
Pufendorf (1632-1694) veral groter aandag geniet. 94 Locke was ook<br />
allermins heeltemal oorspronklik. Baie van die gedagtes wat in die<br />
Treatises voorkom, het vroeër reeds wye aanhang geniet. 95<br />
Bowendien het Locke, ofskoon hy dikwels as rewolusionêr getipeer<br />
word, baie geput uit die opvattings oor die Middeleeuse<br />
konstitusionalisme. 96 Dit blyk onder andere uit sy herhaalde aanhaal<br />
van Richard Hooker (1554-1600).<br />
88<br />
MP Thompson ‘The Reception of Locke’s Two Treatises of Government 1690-1705’<br />
(1976). 24 Political Studies 189.<br />
89 Byvoorbeeld in J Locke Of Civil Government (Second Treatise) (1992) hoofstukke<br />
1, 6, 7 (paras 77 -80).<br />
90 J Dunn Locke (1984) 9-10.<br />
91 WT Bluhm Theories of the Political System (1984) 294; Sabine (n 47 hierbo) 539;<br />
Ebenstein (n 1 hierbo) 400.<br />
92 Sabine (n 47 hierbo) 539.<br />
93 Thompson (n 88 hierbo) 184 et seq; MP Thompson ‘Reception and Influence: A<br />
Reply to Nelson on Locke’s Two Treatises of Government’ (1980) 28 Political<br />
Studies 100 contra JM Nelson ‘Unlocking Locke’s legacy: A comment’ (1978) 26<br />
Political Studies 202 et seq. Tog het Locke se werk vandat dit gepubliseer is,<br />
vinnig aandag getrek. Dit blyk uit die spoedige verskyning van verdere uitgawes<br />
van sy Treatises asook uit die feit dat sy idees vinnig in meer populêre geskrifte<br />
neerslag gevind het. Sien byvoorbeeld R Ashcraft en MM Goldsmith ‘Locke,<br />
Revolution and Principles, and the Formation of Whig Ideology’ (1983) 26<br />
Historical Journal 772, 774, 786, 800.<br />
94 Thompson (n 88 hierbo) 184-85, 187.<br />
95<br />
(n 88 hierbo) 184.<br />
96 Sabine (n 47 hierbo) 524.
Die Grondlegging en die grondleggers van staatlikheid 87<br />
In sy denke verleen Locke ook verdere stukrag aan die<br />
ontwikkeling van die reg op godsdiensvryheid. Net soos Bodin<br />
ondersteun Locke ook godsdiensvryheid ter wille van die stabiliteit<br />
van die staat, maar anders as die grootliks pre-liberale Bodin voorsien<br />
Locke ’n veel meer individueelregtelike, oftewel liberale karakter aan<br />
die saak vir godsdiensvryheid. Godsdienstige oortuigings, volgens<br />
Locke, is ’n interne persoonlike aangeleentheid, 97 terwyl die<br />
commonwealth (die staat) sigself daarenteen met uitwendige sake<br />
bemoei. Uitwendige dwangmaatreëls wat daarop gemik is om<br />
persoonlike oortuigings te verander, is dus onvanpas. Dit is bowendien<br />
ook ondoeltreffend, omdat dit onmoontlik is om die sukses al dan nie<br />
van sodanige maatreëls met sekerheid te bepaal. 98 Daar moet ’n<br />
duidelike skeidslyn tussen die staat en die kerk wees. Stappe wat die<br />
kerk teen ’n lidmaat doen, byvoorbeeld ekskommunikering, mag nie<br />
met staatlike sanksies gepaard gaan nie. Die staat mag dus nie as ’n<br />
agent van die kerk optree nie. 99 Daarmee gepaardgaande is enige<br />
vorm van kerklike jurisdiksie oor staatlike aangeleenthede ook buite<br />
orde 100 en niemand mag weens godsdienstige oortuigings uit die staat<br />
gesluit word nie. 101 Met hierdie wyse van argumentasie is Locke<br />
modern-liberaal.<br />
Locke voer egter ook ’n ander argument vir godsdiensvryheid aan<br />
wat die ooreenkomste tussen hom en Bodin duidelik op die voorgrond<br />
plaas. Die wyse waarop godsdiensvryheid hanteer word, moet volgens<br />
Locke die noodsaak vir die stabiliteit van die staat nougeset in ag<br />
neem. Daarom argumenteer hy dat die staat tog jurisdiksie moet<br />
uitoefen oor godsdienstige aangeleenthede vir sover dit die stabiliteit<br />
en die belange van die staat kan beïnvloed. 102 In Locke se staat word<br />
daar geen vryheid gebied vir ’n godsdienstige leerstelling dat die vors<br />
weens godsdienstige dwaling ontsetel moet word nie. 103 Wat Locke<br />
dus doen, is om, net soos Bodin, staatlike orde bo (gewaande)<br />
godsdienstig-doktrinêre waarheid te stel. 104 Die slotsom van Hobbes<br />
se beskouing oor die verhouding tussen die staat en die kerk is dat die<br />
staat geen jurisdiksie het oor die (interne) geloofsoortuigings wat in<br />
die kerk gepredik en gehuldig word nie. Die staat het egter wel<br />
jurisdiksie oor die (eksterne) uitleef van godsdiensoortuigings vir<br />
97 Locke J A letter concerning toleration (onder redaksie van J Norton en S Mendes)<br />
(1991) 14, 18.<br />
98 Locke (n 97 hierbo) 18.<br />
99 Locke (n 97 hierbo) 23.<br />
100 Locke (n 97 hierbo) 25.<br />
101 Locke (n 97 hierbo) 51. Locke bly natuurlik ’n Christelike filosoof.<br />
Godsdiensvryheid strek vir hom so ver as die wyses waarop ’n persoon sy<br />
Christelike oortuigings kan uitleef. Dié reg is nie vir ateïste beskore nie. Sien n 47<br />
hierbo.<br />
102 Locke (n 97 hierbo) 37.<br />
103 Locke (n 97 hierbo) 46.<br />
104 Dunn (n 90 hierbo) 24.
88 Hoofstuk 4<br />
sover dit ’n uitwerking op die belange van die staat kan hê. 105 Ofskoon<br />
individue die reghebbendes van die reg op godsdiensvryheid is, bly die<br />
staat ’n belanghebbende party. Die individuele reg op godsdiensvryheid<br />
word ingekort in die mate waarin die belang van die staat dit<br />
vereis. Die slotsom is dat individue en die staat dus ’n ewe groot<br />
belang by godsdiensvryheid het, aangesien godsdiensvryheid sowel<br />
die individuele as die staatsbelang moet dien.<br />
Locke se algemene staats- en regsteorie is selfs meer insiggewend<br />
as sy beskouings oor godsdiensvryheid. Terugskouend was Locke die<br />
eerste om ’n omvattende apologie vir konstitusionele regering en ’n<br />
meegaande kritiek teen absolutisme te lewer. Hobbes het, soos<br />
hierbo verduidelik, nie ’n volledig vrye hand aan die owerheid gegee<br />
om te maak soos hy wil nie en het owerheidsoptrede tot die voordeel<br />
van die onderdane vereis. Locke se regverdiging vir konstitusionele<br />
regering het hom egter die primêre opponent van Hobbes en dié se<br />
absolutistiese neigings gemaak.<br />
Net soos Hobbes konstrueer Locke die commonwealth (die staat)<br />
uit die voor-burgerlike natuurstaat. Locke leer ook dat die<br />
natuurstaat by wyse van ’n sosiale kontrak tussen al die mense in die<br />
natuurstaat opgehef en met die commonwealth vervang is.<br />
Die Lockeaanse natuurstaat is een waarin daar volledige<br />
individuele vryheid 106 en gelykheid 107 heers. Locke was van mening<br />
dat daar historiese getuienis bestaan het dat die natuurstaat<br />
inderdaad die commonwealth voorafgegaan het. Die rede waarom die<br />
historiese rekord van die oorgang vanaf die natuurstaat na die<br />
commonwealth ontbreek, is eenvoudig omdat mense baie lank gelede<br />
reeds die wysheid van die vervanging van die natuurstaat met die<br />
commonwealth ingesien en dus reeds baie lank gelede die sosiale<br />
kontrak gesluit het. 108<br />
Die vryheid wat in die natuurstaat geheers het, het nie ’n volslae<br />
ongereguleerde losbandigheid behels nie. 109 In die natuurstaat het<br />
die natuurreg gegeld. Dié is weliswaar nie iets wat in die mens<br />
ingebore is nie, maar Locke leer dat die mens deur aktiewe rede<br />
kennis van die natuurreg kan bekom. 110<br />
105 Dunn (n 90 hierbo).<br />
106 J Locke Of Civil Government (Second Treatise) (1992) paras 4, 87, 95.<br />
107 Locke (n 106 hierbo) paras 4, 87, 123.<br />
108 Locke (n 106 hierbo) paras 100–106.<br />
109 Locke (n 106 hierbo) para 6.<br />
110 JW Yolton ‘Locke on the law of nature’ (1958) 67 The Philosophical Review 477 et<br />
seq, wys uit dat Locke se kennisleer en sy beskouing oor die natuurreg grootliks<br />
met mekaar ooreenstem. Die rede waardeur kennis van die natuurreg verkry<br />
word, is in werklikheid deel van die (empiriese) gereedskap waardeur kennis<br />
gevind word. Sien in die besonder 482.
Die Grondlegging en die grondleggers van staatlikheid 89<br />
Locke verwerp Hobbes se voorstelling van die klaaglike toestand<br />
van onophoudelike stryd waarin mense na bewering in die natuurstaat<br />
sou geleef het. Hy staan trouens ’n afsonderlike hoofstuk aan die staat<br />
van oorlog af, wat hy uitdruklik van die natuurstaat onderskei 111 en<br />
verwerp klaarblyklik met Hobbes in gedagte, ‘some men’ se<br />
gelykstelling van die staat van oorlog aan die natuurstaat. 112<br />
Die reg — die natuurlike regte — waaroor elkeen in die natuurstaat<br />
beskik, is die reg op eiendom (property), wat nie die moderne<br />
sakeregtelike betekenis het nie, maar wat die reg op lewe, vryheid en<br />
eiendom omvat. 113 Die fundamentele probleem in die natuurstaat,<br />
aldus Locke, uitgedruk in moderne terminologie, is nie<br />
materieelregtelik nie, maar van ‘n prosesregtelike aard. In die<br />
natuurstaat is die toepas en die afdwing van die reg almal se<br />
verantwoordelikheid. Elkeen het die reg om oortreders te straf. 114<br />
Almal is in hierdie opset waarin regstoepassing ’n kwessie van<br />
eierigting is, inderwaarheid lede van die uitvoerende en regsprekende<br />
gesag. 115 Ofskoon daar in hierdie toestand regsekerheid oor die<br />
materiële reg heers, is die regstoepassing gebrekkig. 116 Juis hierdie<br />
prosesregtelike wanfunksie is die rede vir die stig van die<br />
commonwealth. Die stigting van die commonwealth bring gevolglik<br />
nie nuwe regte tot stand nie, maar skep bloot ’n doeltreffende<br />
prosesregtelike reëling om die behoorlike afdwing van reeds<br />
bestaande (natuurlike) regte te verseker. Hierdie betoog is sentraal in<br />
die Lockeaanse konstitusionalisme. Dit verteenwoordig tegelyk Locke<br />
se kernverskil met Hobbes. Volgens Locke loop die natuurregtelike<br />
regte van die mens nie met die stig van die commonwealth ten einde<br />
nie. Inteendeel, in die commonwealth moet die regte juis bestendig<br />
word:<br />
... for truly so are a great part of the municipal laws of countries, which<br />
are only so far right as they are founded on the law of nature, by which<br />
they are to be regulated and interpreted. 117<br />
111 Hoofstuk 2 van die tweede Treatise (n 106 hierbo) handel oor die natuurastaat en<br />
hoofstuk 3 oor die staat van oorlog.<br />
112 Locke (n 106 hierbo) para 19.<br />
113 Locke (n 106 hierbo) para 87.<br />
114 Locke (n 106 hierbo) para 7.<br />
115 Locke (n 106 hierbo) paras 13, 125.<br />
116 Locke (n 106 hierbo) para 127. Die analitiese regsteorie van HLA Hart toon<br />
opvallende ooreenkomste met Locke se skets van die aard en die gebreke van die<br />
natuurstaat. Die probleem in die natuurstaat, oftewel in ‘n primitiewe opset<br />
voordat die burgerlike reg tot stand gekom het, is prosesregtelik van aard. Die<br />
problmeem word dan volgens Hart opgelos deur by die primêre reëls, wat reeds in<br />
‘n primitiewe opset geld, sekondêre reëls — rules of identification, change,<br />
adjudication — te voeg om sodoende ‘n behoorlik funksionerende regstelsel daar<br />
te stel. Sien hieroor HLA Hart The Concept of Law (1961) 77-96.<br />
117 Locke (n 106 hierbo) para 12.
90 Hoofstuk 4<br />
By Locke vind ons dus wat getipeer kan word as die<br />
konstitusionalisme van die natuurreg, 118 wat duidelik soos volg in<br />
Locke se eie woorde saamgevat word:<br />
Thus the law of nature stands as an eternal rule to all men, legislators as<br />
well as others. The rule that he makes for other men’s actions must, as<br />
well as their own, and other men’s actions be conformable to the law of<br />
nature ... 119<br />
Burgerlike regering — die commonwealth — verander niks aan die<br />
natuurstaatlike regsposisie nie. Burgerlike regering is slegs ’n gepaste<br />
remedie vir die (prosesregtelike) ongerief van die natuurstaat. 120<br />
Teen die hierdie agtergrond beskryf Locke die commonwealth soos<br />
volg:<br />
Wherever therefore, any number of men, so unite into one society, as to<br />
quit everyone his executive power of the law of nature, and to resign to<br />
the public, there, and then only, is a political, or civil society. And this is<br />
done wherever any number of men, in the state of nature, enter into<br />
society, to make one people, one body-politic, under one sovereign<br />
government ... 121 (eie beklemtoning)<br />
Die oogmerk en die resultaat van die daarstel van die commonwealth<br />
is die skep van doeltreffende prosesregtelike stelsel. Met die koms<br />
van burgerlike regering kom ’n skeidsregter — ’n geskilbeslegter — tot<br />
stand wat die geskille tussen individue oor botsende individuele<br />
belange moet bereg. Die oogmerk van die verbeterde regsorganisasie<br />
is die instandhouding en die beskerming van individuele<br />
regsbelange. 122 Trouens, die enigste rede waarom mense die<br />
natuurstaat ten gunste van die commonwealth ophef, is die meer<br />
doeltreffende wyse waarop laasgenoemde na die individuele belange<br />
van menslike lewe, persoonlike vryheid en eiendom kan omsien. 123<br />
Binne die historiese situasie waarin Hobbes en Locke hulle werk<br />
gelewer het, het hulle teenpole op die politieke spektrum<br />
verteenwoordig. Dit is so ondanks die feit dat Hobbes, soos hierbo<br />
geargumenteer, nie sonder meer as absolutisties beskou kan word nie.<br />
Gesien vanuit ’n breër historiese perspektief is daar egter<br />
wesenlike politiek-filosofiese ooreenkomste tussen die twee groot<br />
meesters. Trouens, hulle is mede-skeppers en mede-eksponente van<br />
dieselfde staatlike paradigma. Daar bestaan sleutel-ooreenkomste<br />
118 Sien onder andere Locke (n 106 hierbo) paras 131, 134, 202.<br />
119 Locke (n 106 hierbo) para 135.<br />
120 Locke (n 106 hierbo) paras 13, 90.<br />
121 Locke (n 106 hierbo) para 89.<br />
122 Locke (n 106 hierbo) paras 87-88, 124, 127; Locke (n 97) 17, 43, 44.<br />
123 Locke (n 106 hierbo) para 131.
Die Grondlegging en die grondleggers van staatlikheid 91<br />
tussen Hobbes en Locke wat van hulle mede-grondleggers van<br />
dieselfde staatlike paradigma maak.<br />
Eerstens: Hobbes se uiteensetting en taksering van die<br />
natuurstaat getuig van ’n radikaal atomistiese bestaan sonder enige<br />
menslike gemeenskap. Locke, soos gesê, beskryf weliswaar nie die<br />
natuurstaat in dieselfde mistroostige terme nie. Locke se<br />
antropologie, soos blyk uit sy beskrywing van die natuurstaat, getuig<br />
egter van dieselfde radikale gebrek aan menslike gemeenskap. In A<br />
Letter Concerning Toleration laat Locke hom soos volg hieroor uit:<br />
But the pravity of mankind being such, that they had rather injuriously<br />
prey upon the fruits of other men’s labours than take pains to provide<br />
for themselves; the necessity of preserving man in the possessions of<br />
what honest industry has already required, and also of preserving their<br />
liberty and strength, whereby they might acquire what they further<br />
want, obliges men to enter into society with one another; that by<br />
mutual assistance and joint force, they may secure unto each other their<br />
properties, in the things that contribute to the comforts and happiness<br />
of this life; leaving in the meanwhile to every man the care of his own<br />
eternal happiness, the attainment whereof can neither be facilitated by<br />
another man’s industry, nor can the loss of it turn to another man’s<br />
prejudice, nor the hope of it be forced from him by any external<br />
violence ... 124<br />
Hierdie stelling van Locke oor die menslike natuur en die gebrek aan<br />
menslike gemeenskap bring hom baie na aan Hobbes se pessimistiese<br />
skets van die toestand in die natuurstaat. In sy tweede Treatise gaan<br />
Locke op dieselfde trant voort. Op sy vraag waarom mense ondanks<br />
die vryheid wat hulle in die natuurstaat geniet, die commonwealth<br />
verkies, antwoord Locke soos volg:<br />
... though in the state of nature he hath such a right, yet the enjoyment<br />
of it is very uncertain, and constantly exposed to the invasions of others.<br />
For all being kings as much as he, every man his equal, and the greater<br />
part no strict observers of equality and justice, the enjoyment of the<br />
property he has in this state is very unsafe, very insecure. This makes<br />
him willing to quit this condition, which, however free, is full of fears<br />
and continual dangers. 125<br />
Ietwat verder 126 verwys Locke na die korrupsie en wreedaardigheid<br />
van verworde mense — corruption and viciousness of degenerated<br />
men — wat meebring dat mense die commonwealth bo die natuurstaat<br />
verkies. Weereens klink Locke net soos Hobbes en herinner die<br />
toestande in Locke se natuurstaat aan Hobbes se bellum omnia contra<br />
omnes.<br />
124 Locke (n 97 hierbo) 43.<br />
125 Locke (n 106 hierbo) para 123.<br />
126 Locke (n 106 hierbo) para 128.
92 Hoofstuk 4<br />
Die slotsom waartoe ons gebring word, is dat Hobbes en Locke<br />
grootliks dieselfde uitgangspunte deel. Albei glo dat mense<br />
vryswewende atome, ontdoen van enige daadwerklike menslike<br />
gemeenskap, is en dat hierdie menslike atome, as gevolg van<br />
fundamenteel botsende individuele belange, altyd potensieel en<br />
dikwels daadwerklik, met mekaar in stryd verkeer.<br />
Tweedens is diegene wat die commonwealth tot stand bring,<br />
eweneens nie ’n gemeenskap van mense nie, maar bloot enige klomp<br />
mense — ‘any number of men.’ Hierdie frase kom herhaaldelik in<br />
Locke se tweede Treatise voor. 127 Daar is nie ’n gemeenskap van<br />
mense wat ’n gemeenskaplike res publica stig nie, dog alleen maar ’n<br />
toevallige klomp mense wat slegs die verwesenliking van private<br />
individuele belange beoog. Die ooreenkoms met Hobbes is weereens<br />
op die voorgrond.<br />
Hierdie vertrekpunt het paradigmatiese implikasies gehad, want<br />
sedert Hobbes en Locke het liberale teoretici dit hulle taak gemaak<br />
om primêr op die verhouding tussen die individu en die staat te<br />
fokus. 128 Weens hulle individualistiese (atomistiese) vertrekpunte het<br />
die liberales feitlik deurlopend enige problematisering oor wie die<br />
burgery is, vermy. Vrae oor die relatiewe homogeniteit of<br />
heterogeniteit van die bevolking van die staat, of die staatsbevolking<br />
weens hulle heterogeniteit werklik sinvol burgers kan wees en werklik<br />
in een staat tuishoort en of die staatsgrense in die lig daarvan nie<br />
hertrek moet word nie, oor hoe die grondwetlike bestel van ʼn staat<br />
ingerig moet word ten einde ‘n diepverdeelde heterogene bevolking<br />
behoorlik gelykwaardig te akkommodeer en dies meer, word gewoon<br />
uit die oog verloor. Weens die bykans uitsluitlike beheptheid met die<br />
verhouding tussen slegs die staat en die individu kon daar ingevolge<br />
die liberale uitgangspunt nie werklik daarin geslaag word om ’n<br />
behoorlike konstitusionele teorie te ontwikkel nie. Vernon Van Dyke<br />
wys soos volg daarop:<br />
Hobbes speaks of a ‘multitude of men,’ and Locke of ‘any number of<br />
men’ making a covenant. Neither attempted to characterize the men —<br />
nor saying for example whether the men shared a common language or<br />
religion. 129<br />
Elders laat Van Dyke hom soos volg oor dieselfde kwessie uit:<br />
Leading British and French political philosophers took the same general<br />
view. Locke seems to have simply assumed that those who have joined in<br />
127 Locke (n 106 hierbo) paras 89, 95, 96.<br />
128 V Van Dyke ‘The individual the state and ethnic communities in political theory’<br />
(1976–77) 29 World Politics 343.<br />
129 Van Dyke (n 128 hierbo) 347; Sien ook W Connor ‘The Politics of Ethnonationalism’<br />
(1973) 27 Journal of International Affairs 5.
Die Grondlegging en die grondleggers van staatlikheid 93<br />
the social contract would be homogenous in a racial, linguistic and<br />
cultural sense. 130<br />
Liberale teoretici gaan met die staat ook net so onkrities om as wat<br />
hulle met mense (individue, groepe) omgaan. John Rawls, die groot<br />
liberale teoretikus van die tweede helfte van die twintigste eeu, is<br />
steeds in pas met Hobbes en Locke. Hy werk met die bestaande<br />
territoriale staat as ’n vaste vanselfsprekende gegewe, soos van Dyke<br />
dit stel ‘as a kind of happening’ 131 en gaan dan sonder ʼn oomblik se<br />
kritiese nadenke voort byna asof die staat die een of ander<br />
onveranderlike gegewe van die fisika is.<br />
Derdens is Locke dit ook eens met Hobbes dat die stigting van die<br />
commonwealth uitsluitlik plaasvind met die oog op die verwesenliking<br />
van persoonlik egoïstiese oogmerke en in die besonder, die<br />
verskansing van eiendom. 132 Locke verklaar in A Letter Concerning<br />
Toleration:<br />
The commonwealth seems to me to be a society of men constituted only<br />
for the procuring, preserving and advancing their own civil interests. 133<br />
Hobbes en Locke verskil oor die meganika van die staat: Locke is die<br />
streng konstitusionalis, terwyl Hobbes weer arbitrêr-absolutisties<br />
voorkom. Oor die grondslag van die staat is hulle dit egter eens: Die<br />
staat — commonwealth — spruit uit die radikale afwesigheid van<br />
menslike gemeenskap en die onsekerhede, gevare en konflik van die<br />
natuurstaat waarin die realisering van private individuele belange<br />
onmoontlik is. Die staat kom tot stand as ’n egoïstiese strategie van<br />
persoonlike belange-bevordering. Die staat sorg deur sy doeltreffende<br />
uitvoerende gesag en deur sy skeidsregtersfunksies dat individuele<br />
belange bevredig word. Die staat kom nie tot stand weens die realiteit<br />
van menslike gemeenskap of deur die belewenis van gemeenskap nie<br />
en die staat is ook nie die skepper van so ’n gemeenskap nie.<br />
Inteendeel, die staat kom juis tot stand weens die afwesigheid van<br />
gemeenskap. Die staat is slegs die fasiliteerder van die private<br />
individuele belange van ’n klomp losstaande en wedersyds<br />
antagonistiese individue wat niks met mekaar in gemeen het nie.<br />
Oor al hierdie dinge is Hobbes en Locke eenstemmig. Hulle is dus<br />
vertolkers van dieselfde atomisties individuele (proto-liberale) staat:<br />
Hobbes se mortal god en Locke se commonwealth.<br />
130 V Van Dyke ‘Human Rights and the Rights of Groups’ (1974) 18 American Journal<br />
of Political Science 726. Van Dyke wy verder in dieselfde trant oor Rousseau en<br />
Mill uit.<br />
131 Van Dyke (n 128 hierbo) 348.<br />
132 Locke (n 106 hierbo) para 88-90, 124, 128, 131; Locke (n 97 hierbo) 17, 43, 44.<br />
133 Locke (n 97 hierbo) 17.
94 Hoofstuk 4<br />
4 Interstaatlikheid en Hugo de Groot<br />
Jean Bodin, Thomas Hobbes en John Locke het die historiese<br />
omwenteling wat deur die Lutherse rewolusie — die Kerkhervorming<br />
— ingelui is, politiek-teoreties afgerond. Die universele godsdienstig<br />
gedrewe Republica Christiana het sy historiese posisie ontruim ten<br />
einde plek te maak vir die pluraliteit van territoriale state —<br />
commonwealths, of, in die dramatiese taal van Thomas Hobbes,<br />
Leviatan(s) of die sterflike gode (mortal gods). Na dese neem dít die<br />
plek van die universele Christelike republiek van weleer in as die<br />
sentrale tema van die politieke filosofie en van regsdenke. Dit word<br />
ook die primêre verskaffer van openbare identiteit, eers van die<br />
Westerse mens, en mettertyd van al die streke waar die Westerse<br />
wêreld sy invloed laat geld het.<br />
Die territoriale state het in die sewentiende eeu hulle beslag in<br />
Wes-Europa gekry. Daar moes egter nog duidelikheid kom oor die<br />
wyse waarop die onderlinge verhoudings tussen die state gereël moes<br />
word. Ons kan dit so stel: Die historiese gebeure sedert Luther en die<br />
teoretiese werk van veral Bodin, Hobbes en Locke het duidelikheid<br />
gebring oor die nuwe verskynsel van staatlikheid. Die wyse waarop die<br />
verhoudings tussen die state in ’n nou verdeelde Christelike wêreld<br />
gereël moes word, was egter nog onseker.<br />
Vroeër, gedurende die Middeleeue toe die Republica Christiana<br />
nog toonaangewend was, is die verhoudinge tussen die toe nog swak<br />
ontwikkelde rudimentêre state in die laaste instansie deur die kerk,<br />
en by name deur die pous, gereël. 134 Daar is wel vroeër oor sekere<br />
temas rakende die betrekkinge tussen politieke entiteite, soos<br />
byvoorbeeld oor oorlog en oor die behandeling van ambassadeurs,<br />
geskryf. Tipies van die godsdienstig gedrewe mentaliteit van die<br />
Middeleeue is die reg egter nie van die teologie en van etiese kwessies<br />
geskei nie. Daar is ook nie ’n duidelike onderskeid tussen<br />
huishoudelike en internasionale kwessies getref nie. 135 In ’n<br />
universele politiek-godsdienstige organisasie soos dié van die<br />
Middeleeue was dergelike onderskeidinge eenvoudig irrelevant en<br />
daarom het dit nie te berde gekom nie.<br />
Die Hervorming verander uiteindelik alles. In die godsdienstig<br />
verdeelde wêreld na die Hervorming het die kerk sy gesag prysgegee.<br />
In die Rooms-Katolieke gedeelte van Europa kon moontlik nog op die<br />
kanonieke reg teruggeval word as ’n grondslag vir die reëling van<br />
134 GN Barrie ‘Die betekenis van De Groot vir die Internasionale Reg’ (1983) 46<br />
Tydskrif vir Hedendaagse Romeins-Hollandse Reg 173.<br />
135 JL Brierly The Law of Nations: An Introduction to the International Law of Peace<br />
(onder redaksie van H Wadlock) (1963) 25.
Die Grondlegging en die grondleggers van staatlikheid 95<br />
interstaatlike betrekkings. Die Protestante het egter die gesag van die<br />
kanonieke reg verwerp. Hulle was in hul regsbeskouings daarop uit om<br />
’n sekulêre grondslag te vind waarop politieke organisasie<br />
gekonstrueer kon word. 136 Selfs in die Katolieke wêreld het die kerk<br />
grotendeels sy politieke gesag verloor. 137<br />
Benewens die godsdienstige breuk was die territoriale state ook<br />
lank reeds aan die ontwikkel. 138 Met die Vrede van Wesfale in 1648,<br />
na die Dertigjarige Oorlog, kry die permanente territoriale staat<br />
verdere formele erkenning. Dit het die aanvaarding van ’n nuwe<br />
politieke orde in Europa aangekondig, 139 waarin territorialiteit,<br />
oftewel die nuwe soewereine territoriale staat, finaal geseëvier het<br />
en waarin die gedagte van ʼn familie van territoriale state in plaas van<br />
’n kerklik gereguleerde verenigde Christendom die nuwe grondslag<br />
vir globale verhoudings geword het. 140 Veral die besondere<br />
brutaliteit van die godsdienstig gemotiveerde oorloë 141 wat op die<br />
Hervorming gevolg het, het dit noodsaaklik gemaak om in die plek van<br />
die ou onwerkbare teologiese regulering van globale verhoudings ’n<br />
nuwe werkbare stel reëls te vind.<br />
Wat nou nodig was, was ’n nuwe stel beginsels wat die<br />
godsdienstige breuk en tweespalt oorspan het, asook die vestiging van<br />
die nuwe territoriale state verreken het, wat met ander woorde wyd<br />
en soepel genoeg was om in die hele nuwe godsdienstig plurale en<br />
territoriaal gefragmenteerde wêreld gesaghebbend te wees. ’n Nuwe<br />
internasionale of, meer korrek, interstaatlike reg het op die<br />
voorgrond getree. Dit was op ’n sekulêre interpretasie van die<br />
natuurreg gebaseer en het sodoende aan die vereistes van die nuwe<br />
situasie voldoen. 142<br />
Die eksponente van die nuwe natuurreg sluit onder andere in:<br />
Francisco de Vitoria (1492-1546), Alberico Gentili (Gentilis) (1552-<br />
1608), Hugo de Groot (Grotius) (1583-1645), Richard Zouche (1590-<br />
1660), Samuel Pufendorf (1632-1694), Cornelius van Bynkershoek<br />
(1673-1743) en Emerich de Vattel (1714-1769). 143 Hulle het weliswaar<br />
onderlinge verskille gehad. Sommige, by name De Groot en Pufendorf,<br />
het die natuurreg aangehang, terwyl Van Bynkershoek meer<br />
positivisties geneig het en Zouche, wat staatspraktyk as die<br />
136 Sabine (n 47 hierbo) 416.<br />
137 Brierly (n 135 hierbo) 5.<br />
138 In hoofstuk 3.4 en 3.5 is die kwessie breedvoerig behandel.<br />
139 JA Walker A History of the Law of Nations Vol I (1899) 147.<br />
140 FJC Hearnshaw ‘Hugo Grotius’ in FJC Hearnshaw (red) The Social and Political<br />
Ideas of Some Great Thinkers of he Sixteenth and Seventeenth Centuries (1967)<br />
139; Walker (n 139 hierbo) 148; Jolowicz (n 24 hierbo) 50.<br />
141 De Groot was onder andere hewig ontsteld oor die ongekende brutaliteut van die<br />
oorloë. Sien Barrie (n 134 hierbo) 173.<br />
142 Hearnshaw (n 140 hierbo) 143.<br />
143 Brierly (n 135 hierbo) 25-40.
96 Hoofstuk 4<br />
belangrikste ontstaansbron van die reg beskou het. 144 Oor een<br />
kardinale saak was hulle dit egter eens: hulle het die reg en die<br />
teologie duidelik van mekaar geskei en het aan die teologie geen plek<br />
in die internasionale reg gegee nie. Sodoende was dit vir hulle<br />
moontlik om ’n interstaatlike reg te ontwikkel waarmee alle state<br />
hulself, in weerwil van hulle godsdienstige verskille, kon<br />
vereenselwig.<br />
De Groot was uiteindelik die invloedrykste eksponent van die<br />
ontluikende internasionale reg. Die effek van sy werk was om die<br />
internasionale reg van die teologie te emansipeer. 145<br />
De Groot se denke het sterk rasionalisties geneig. Hy het geglo in<br />
die bestaan van die sekulêre beginsels van die natuurreg, wat<br />
onafhanklik van godsdienstige waarheid bestaan. Met die rasionele<br />
kwaliteite waaroor elke mens beskik, kon kennis van die natuurreg<br />
verwerf word. 146 De Groot weerspieël die progressiewe intellektuele<br />
klimaat van na die Reformasie wanneer hy leer dat ofskoon Goddelike<br />
verordeninge met die natuurreg ooreenstem, die natuurreg selfs<br />
sonder God kon voortbestaan. 147 In hierdie opsig sluit De Groot en sy<br />
mede-juriste hulle aan by Bodin. Ofskoon Bodin nie die natuurreg as<br />
grondslag vir sy politieke filosofie en as basis vir politieke orde<br />
aanvaar het nie, het hy net soos die juriste ’n godsdienstig<br />
onpartydige mag as die sleutel tot politieke orde en sosiale vrede<br />
beskou. 148 Die gemeenskaplikheid bestaan daarin dat albei godsdiens<br />
as ’n geloofwaardige en werkbare politieke ordeningsinstrument laat<br />
vaar het. Hobbes en Locke deel natuurlik ook hierdie<br />
gemeenskaplikheid.<br />
De Groot het geput uit die breuk tussen die teologie en die<br />
politieke filosofie wat teen die begin van die sewentiende eeu feitlik<br />
reeds heeltemal voltrek was en wat gepaard gegaan het met die<br />
natuurreg se ontvoogding uit die teologie. 149 Die natuurreg het ’n ryk<br />
Klassieke tradisie met ’n sekulêre inhoud, wat geredelik in die<br />
godsdienstig heterogene wêreld van na die Hervorming toegepas kon<br />
word. Die Stoïsyne, wat die Romeinse regsopvattings beïnvloed het en<br />
wie se denke onder andere deur Cicero weerspieël is, 150 het geleer<br />
dat daar ’n universele reg is wat op alle mense van toepassing is en<br />
waartoe elke mens met die gebruik van sy rasionele vermoëns toegang<br />
het. Hierdie sekulêre universele reg het aan De Groot, Pufendorf en<br />
144 Brierly (n 135 hierbo).<br />
145 R Pound Theories of the Law (1912-13) 22 Yale Law Journal 124.<br />
146 Barrie (n 134 hierbo) 174.<br />
147 AduP Louw ‘Hugo de Groot of Grotius (1583-1645)’ in AM Faure et al (reds) Die<br />
Westerse politieke tradisie (1981) 204.<br />
148 Louw (n 147 hierbo) 205.<br />
149 Sabine (n 47 hierbo) 415 et seq.<br />
150 Sien in die algemeen Sabine (n 47 hierbo) 159–173.
Die Grondlegging en die grondleggers van staatlikheid 97<br />
ander eksponente van die natuurregskool die nodige intellektuele<br />
werktuig gebied vir die ontwerp van ’n interstaatlike reg in ’n supranasionale<br />
en godsdienstig heterogene wêreld. Met behulp van hierdie<br />
nuwe regulerende stelsel van internasionale reg kon De Groot<br />
uiteindelik, soos Neville Figgis gesê het, daarin slaag om Machiavelli<br />
(en ongebreidelde magspolitiek) te tem. 151<br />
Die besonderhede van die internasionale reg is nie in die<br />
onderhawige bespreking van belang nie. Wat wel belangwekkend is,<br />
is dat die territoriale staat sedert die sewentiende eeu die sentrale<br />
entiteit van die internasionale reg geword het, net soos dit ook die<br />
sentrale tema van die politieke filosofie en die politieke praktyk<br />
geword het. In hierdie verband merk JL Brierly op:<br />
But as a definite branch of jurisprudence the system which we now know<br />
as international law is modern, dating only from the sixteenth and the<br />
seventeenth centuries, for its special character has been determined by<br />
that of the modern European state system, which was itself shaped in<br />
the ferment of the renaissance and the reformation. 152<br />
Na Bodin, Hobbes, Locke en De Groot baken die staat die grense van<br />
groot dele van ons intellektuele arbeid af — reik die noodsaak vir die<br />
ongestoorde instandhouding van die staat ’n streng voorskrif uit van<br />
hoe verskeie wetenskaplike dissiplines beoefen moet word. Die<br />
territoriale staat het dus ’n epistemologiese uitwerking, aangesien dit<br />
ʼn mede-determinant geword het van wat relevante en geldige<br />
wetenskapsbeoefening in sekere dissiplines is, en wat nie. In hierdie<br />
opsig funksioneer die territoriale staat as paradigmabepaler.<br />
Sedertdien bepaal die staat ook individuele identiteit, net soos die<br />
Republica Christiana dit van tevore gedoen het. Individuele identiteit<br />
word afgedwing en aangepas na gelang van die vereistes van die staat.<br />
Nadat die grondleggers van staatlikheid hulle werk gedoen het, het<br />
ons almal dienaars van die sterflike god — die staat — geword.<br />
In hoofstuk 5 word die bestanddele van die staatlike paradigma<br />
uitgepluis. In hoofstukke 6, 7, 8 en 9 val die klem op<br />
wetenskapsbeoefening ingevolge die dissiplines van die staatlike<br />
paradigma en volgens die eise van konformering aan die staatlike<br />
identiteit.<br />
151 Figgis (n 31 hierbo) 246. In die lig van die ongekende onverdraagsaamheid en<br />
bloeddorstigheid van die godsdiensoorloë, is dit meer gepas om te sê dat De<br />
Groot nie soseer vir Machiavelli nie, maar eerder die pous en Jean Calvin getem<br />
het. Die bloedige gevolge van die optrede van dié geestelikes was veel veel erger<br />
as waarvan die wêreldlike Machiavelli ooit kon droom.<br />
152 Brierly (n 135 hierbo) 1.
HOOFSTUK<br />
5<br />
DIE STAATLIKE PARADIGMA<br />
1 Die hoofbakens van die staatlike paradigma<br />
In hoofstuk 3 is die koms van die territoriale staat as dominante<br />
politieke entiteit beskryf en in hoofstuk 4 is die grondliggende denke<br />
oor die nuwe territoriale staat nagegaan. In hierdie nadenke is die<br />
wesenlike eienskappe van die territoriale staat onder andere<br />
vasgestel, met ander woorde, wat die essensiële vereistes vir die<br />
bestaan van die (territoriale) staat is. Hierdie eienskappe en vereistes<br />
vind neerslag in die definisie van die staat. Die staatsdefinisie word<br />
algemeen in alle wetenskaplike dissiplines waar die staat op die een<br />
of ander wyse ter sprake mag wees, veral in die regswetenskap en die<br />
staatkunde aanvaar. Die staatsdefinisie geniet ewe algemene<br />
populêre aanvaarding in die daaglikse politieke diskoers.<br />
ʼn Definisie soos die definisie van die staat, wat sekere dinge as<br />
wesenlik vir die bestaan van die staat vereis, is egter nie net van<br />
belang weens die dinge wat dit as vereistes stel nie. Dit is net so<br />
belangrik weens die dinge wat dit nie as wesenlike eienskappe vir die<br />
bestaan van die staat vereis nie, met ander woorde weens die dinge<br />
wat dit verswyg. Deur sekere dinge juis nie te vereis nie en geen rol<br />
in die definisie van die staat te laat speel nie, word daardie uitgeslote<br />
dinge, wanneer dit by nadenke oor die staat kom irrelevant verklaar.<br />
Daar hoef dus nie daaroor gepraat te word nie, of, as daar wel iets<br />
daaroor te sê is, is dit ten minste só onbelangrik dat dit nie in die<br />
definisie van die staat vermelding verdien nie.<br />
Hierdie definiëring, eenstemmige aanwysing van die essensiële<br />
eienskappe en gepaardgaande uitsluiting van bepaalde temas as<br />
irrelevant, het die geldende paradigma van wetenskapsbeoefening<br />
oor die tema van die staat teweeg gebring. Dit beteken dat daar ’n<br />
dwingende konvensie van tersaaklike wetenskaplike arbeid geskep is,<br />
waarvolgens sekere temas en beskouings wat nie by die bestaande<br />
konvensie inpas nie, buite orde gereël word. In hierdie hoofstuk gaan<br />
die inhoud en werking van hierdie konvensie, wat die staatlike<br />
paradigma genoem word, uitgepluis word.<br />
99
100 Hoofstuk 5<br />
Daar val weliswaar verskillende klemtone op die staatsbegrip na<br />
gelang van die besondere dissipline waarin gewerk word, maar daar<br />
heers eenstemmigheid oor die definisie en die kerneienskappe van die<br />
staat. 1<br />
Artikel 1 van die Montevideo-Konvensie van 1933 oor die Regte en<br />
Verpligtinge van State bied egter ’n internasionaal gesaghebbende<br />
omskrywing van die staat, wat die bestaande eenstemmigheid<br />
daaroor weerspieël. Dit vind allerweë byval en word algemeen<br />
aangewend. Dit lui:<br />
The State as a person of international law should possess the following<br />
qualifications: (a) a permanent population; (b) a defined territory; (c) a<br />
government; and (d) a capacity to enter into relations with other States.<br />
Die rede vir die eenstemmigheid oor hierdie definisie is eenvoudig dat<br />
die vier vermelde eienskappe internasionaal in sowel die regs- as die<br />
politieke konteks as die geykte vereistes vir staatskap aangewend<br />
word. Die definisie gee dus voor om niks meer te doen nie as om op ’n<br />
neutrale en onpartydige wyse ’n bestaande situasie te beskryf. Met<br />
ander woorde, die definisie gee voor om sonder enige waarde-oordele<br />
of ideologiese en politieke voorkeure en vooroordele te wees. Volgens<br />
alle aanduidings is dit bloot ’n beskrywende weergawe van ’n reeds<br />
lank en goed gevestigde neutrale realiteit. Dit is egter nie neutraal en<br />
onpartydig nie. Tewens, dit weerspieël en verskans sekere voorkeure<br />
en kies gevolglik polities en ideologies kant.<br />
Dit is weliswaar so dat die Montevideo-Konvensie se<br />
staatsdefinisie nie in die eerste plek met die (interne) staatsreg te<br />
doen het nie, maar eerder poog om die behoeftes van die<br />
internasionale reg te verreken. Wat in die internasionale reg ten<br />
aansien van die kwessie van die staat van belang is, is die vraag aan<br />
welke vereistes ’n entiteit moet voldoen ten einde as regsubjek vir<br />
doeleindes van deelname aan internasionale betrekkinge erken te<br />
word. 2 Die primêre kwessie rakende die internasionaalregtelike<br />
omskrywing van die staat is dus die staat se regsubjektiwiteit. 3<br />
Dienooreenkomstig lui die omskrywing wat DW Greig aan die hand<br />
doen soos volg:<br />
1 Oor die variërende betekenisse van die staatsbegrip, sien LG Baxter ‘The State<br />
and other basic terms in public law’ (1982) 99 SALJ 212 et seq.<br />
2 DW Greig (1976) International Law Butterworths: Londen 93.<br />
3 Werke oor die internasionale reg het dit dus almal in gemeen dat hulle benewens<br />
die feit dat hulle dit eens is oor die vereistes van die Montevideo-Konvensie,<br />
deurlopend die klem op die regspersoonlikheid van die staat plaas. Sien<br />
byvoorbeeld MA Dixon (1990) Textbook on International Law Blackstone Press Ltd<br />
53-59; P Malanczuk (1997) Akehurst’s Modern Introduction to International Law<br />
Routledge: Londen 75-81; I Brownlie (1979) Principles of International Law<br />
Clarendon Press: Oxford 60 et seq; JG Starke (1989) Introduction to International<br />
Law Butterworth Londen 96; Booysen H (1989) Volkereg en sy verhouding tot die<br />
Suid-Afrikaanse reg Juta: Kaapstad120 et seq.
Die staatlike paradigma 101<br />
... a state for the purposes of international law is a territorial unit,<br />
containing a stable population, under the authority of its own<br />
government, and recognized as being capable of entering into relations<br />
with other entities with international personality. 4<br />
Ook in die staatsreg tref ons staatsomskrywings aan wat die<br />
regspersoonlikheid van die staat vir doeleindes van internasionale<br />
betrekkinge beklemtoon. 5 Ofskoon Oppenheim oor die internasionale<br />
reg, en nie soseer oor die staatsreg nie, skryf, plaas hy die klem op<br />
soewereiniteit as die onderskeidende kenmerk van staatskap wanneer<br />
hy die staat soos volg omskryf:<br />
A State proper — in contradiction to colonies — is in existence when the<br />
people is settled in a country under its own sovereign Government. 6<br />
In die staatsreg kom die omskrywing van die staat ook neer op ʼn<br />
beskrywing van die staat aan die hand van die geykte staatskenmerke<br />
van grondgebied, permanente bevolking, ʼn regering, wat ʼn regsorde<br />
administreer, waaraan die geheel van die bevolking onderworpe is, en<br />
ʼn sekere minimum-graad van politieke selfstandigheid (indien nie<br />
volledige soewereiniteit nie). 7 Dit is algemeen bekend dat die<br />
politieke wetenskap die staat ook hanteer aan die hand van dieselfde<br />
juridies geïnspireerde omskrywing. 8 Die enkele verwysings na<br />
definisies is simptomaties van ʼn algemene eenstemmigheid in die<br />
regsteorie, politieke wetenskap en die daaglikse praktyk oor wat die<br />
staat wesenlik is en ook nie is nie.<br />
Die herhaling van wesenlik dieselfde definisie van die staat deur<br />
vooraanstaande beoefenaars van ’n verskeidenheid van vakwetenskappe<br />
is om twee redes veelseggend, naamlik om uit te wys wat die<br />
definisies in werklikheid sê, sowel as vir wat dit nalaat om te sê.<br />
Wat die definisies herhaaldelik beklemtoon, is dat die staat ʼn<br />
entiteit met ʼn bepaalde regsaard is. 9 Dit word by uitnemendheid<br />
bevestig deur die internasionaalregtelike beklemtoning van die staat<br />
4 Greig (n 2 hierbo) 93.<br />
5 Byvoorbeeld M Wiechers (1981) Verloren van Themaat Staatsreg Butterworth<br />
Durban 6, 7.<br />
6 L Oppenheim (1974) International Law: A Treatise (onder redaksie van A<br />
Lauterpacht) Vol I Tiende druk Longman Londen para 64 118.<br />
7<br />
Sien byvoorbeeld G Carpenter (1987) Introduction to South African Constitutional<br />
Law Butterworths: Durban 5; DA Basson en HP Viljoen (1988) Suid-Afrikaanse<br />
Staatsreg Juta: Kaapstad 19-22; O Hood-Phillips en P Jenkins (1987)<br />
Constitutional and Administrative Law Sweet & Maxwell Ltd: Londen 4-5. Dit is<br />
standaard en talle ander werke kan ook hieroor aangehaal word.<br />
8 Sien byvoorbeeld J Frankel (1969) International Relations Oxford University Press:<br />
Londen 8; Q Wright (1955) The study of international relations Appleton-Century-<br />
Crofts Inc. New York 4; RN Gilchrist (1952) Principles of Political Science Orient<br />
Longmans Ltd: Mumbai 7.<br />
9<br />
HJ Laski (1951) An Introduction to Politics George Allen & Unwin Ltd: Londen 13;<br />
D Held et al (reds) (1985) States and Societies Basil Blackwell: Oxford 1.
102 Hoofstuk 5<br />
as regspersoon, asook deur die staatsregtelike beklemtoning van die<br />
staat as bekleër van die juridies gelade begrip van soewereiniteit. Dit<br />
tree ook op die voorgrond in wat getipeer kan word as die juridiesfunksionele<br />
definisie van die staat, in terme van wat die staat behoort<br />
te bewerkstellig. Harold Laski werk met so ’n definisie. Hy verklaar<br />
dat die staat ’n wyse is waarop menslike optrede gereguleer word 10<br />
en beskryf die staat daarom as:<br />
... a society of individuals submitted if necessary, by compulsion, to a<br />
certain way of life. 11<br />
Die juridiese ordeningsfunksie van die staat is na aanleiding van<br />
hierdie definisie daarop gemik om die onderlinge stryd tussen<br />
belangegroepe deur die positiewe reg te reguleer:<br />
The state seeks to direct the struggle of the interests groups into the<br />
channels of the positive law. 12<br />
Hans Kelsen benader die kwessie van die staat vanuit die oogpunt van<br />
sy welbekende (positivistiese) suiwere regsteorie. Daarvolgens moet<br />
regskonsepte uitsluitlik ingevolge die reg verklaar word.<br />
Dienooreenkomstig redeneer Kelsen dat slegs die positiewe reg as die<br />
ru-stof vir die ontwikkeling van regsteorie kwalifiseer. Enige buitejuridiese,<br />
byvoorbeeld morele oordele, politieke insigte, oorweging<br />
van veranderlike magsverhoudings, en dies meer (wat byvoorbeeld vir<br />
die sosiologiese regsleer of in die regsrealisme van groot belang is),<br />
word as irrelevante materiaal vir die doeleindes van regsondersoek<br />
beskou en gevolglik buite orde gereël. 13 In ooreenstemming hiermee<br />
lê hy hom in sy suiwere regsteorie daarop toe om die algemeen<br />
geldende formele essensies van die verskynsel, reg, te identifiseer en<br />
te ontleed.<br />
Die resultaat hiervan is dat hy die verskynsel norm as die<br />
grondliggende kenmerk van die reg identifiseer. Norme is die<br />
onderskeidende en essensiële eienskap van die reg. Norme is egter<br />
integrale elemente van ’n dinamiese geheel, in die sin dat alle norme<br />
hul geldigheid ontleen aan ’n hoër en meer algemene norm, tot die<br />
mees algemene en grondliggende norm — die grondnorm (grundnorm)<br />
10<br />
Laski (n 9 hierbo) 11.<br />
11 Laski (n 9 hierbo) 13.<br />
12 Aldus CJ Friedrich (1963) Man and his Government: An empirical Theory of<br />
Politics Mc Graw-Hill Inc: New York 550 na aanleiding van die insigte van Gustav<br />
Ratzenhofer<br />
13 Vir ʼn bondige samevatting van Kelsen se suiwere regsteorie, sien H Kelsen ‘The<br />
pure theory of law and analytical jurisprudence’ (1942) 55 Harvard Law Review<br />
44 et seq. Hy verklaar byvoorbeeld op 44 met betrekking tot sy eie suiwer<br />
regsteorie:<br />
‘It is called “pure” because it seeks to preclude from the cognition of<br />
positive law all elements foreign thereto.’
Die staatlike paradigma 103<br />
— uiteindelik bereik word. Hierdie norm is verantwoordelik vir die<br />
legitimering van die totale regsorde van ’n bepaalde staat. 14 (Die<br />
staatlike grondwet is gewoonlik die grundnorm wat in ’n bepaalde<br />
staat geld.) 15 Die staat met sy grondwet as mees algemene norm is vir<br />
Kelsen niks anders as ’n regsorde nie:<br />
One of the distinctive features of the pure theory of law is its<br />
recognition that the coercive order which constitutes the political<br />
community we call the state, is a legal order. What is usually called the<br />
legal order of the state, or the legal order set up by the state, is the<br />
state itself. 16<br />
Vir Kelsen is daar geen onderskeid tussen staat en reg nie:<br />
But if it be recognized that the state is by its very nature an ordening of<br />
human behavior, that the essential characteristic of this order, coercion,<br />
is at the same time the essential element of the law, this traditional<br />
dualism (tussen die reg en die staat) can no longer be maintained. 17<br />
Net so belangrik as wat dit is dat die staat in die eerste instansie ’n<br />
juridiese ordening is, is die feit dat die staat ook allereers ’n plek is. 18<br />
Al die vereistes vir staatskap is op die een of ander wyse geografies<br />
van aard. 19 Dit is daarom heeltemal korrek om te sê dat gebied só ’n<br />
sentrale komponent van die staat is, dat dit dikwels volledig met die<br />
staat gelykgestel — vereenselwig — word. Soos TW Bennet opmerk:<br />
Gebied is so ’n belangrike bestanddeel van staatskap dat dit in die<br />
algemene gebruik dikwels as metonimie vir staat gebruik word, dit wil sê<br />
gebied is staat. 20<br />
Die gebied van die staat is baie meer intiem met die staatsbegrip<br />
vereenselwig as wat die burgerskap van bepaalde individue met die<br />
staat verweef is. Enige optrede van welke geringe omvang ook al, wat<br />
die gebied van ’n staat mag raak, byvoorbeeld ’n eksterne militêre<br />
aanslag of grensskending of ’n intern gemotiveerde sesessie-poging,<br />
word sonder meer as ’n aanslag teen die staat self beskou.<br />
Daarenteen word optrede wat individuele burgers van ’n staat<br />
benadeel, glad nie noodwendig as ’n aanval op die staat self beskou<br />
nie.<br />
14 Kelsen (n 13 hierbo) 63.<br />
15 Dit hoef egter nie noodwendig die grondwet te wees nie. Sien AE van Blerk (1996)<br />
Jurisprudence: An Introduction Butterworth Durban 48 49, 52.<br />
16 Kelsen (n 13 hierbo) 64.<br />
17 Kelsen (n 13 hierbo) 65.<br />
18 MI Glassner et al (1980) Systematic Political Geography John Wiley & Sons: New<br />
York 43.<br />
19 Glassner (n 18 hierbo) 43.<br />
20<br />
TW Bennet ‘Elemente van die Staat’ in M Wiechers en F Bredenkamp (1996) Die<br />
Staat: Teorie en Praktyk JL van Schaik 73.
104 Hoofstuk 5<br />
Die slotsom van die bespreking hierbo is dat territoriale<br />
integriteit en nasionale soewereiniteit — dit wil sê, die gebieds- en<br />
die juridiese elemente — die twee grondliggende eienskappe van<br />
staatskap is. Volgens die klassieke reëls van die internasionale reg, sê<br />
Bennet weereens tereg, is die konsep van ’n staat allereers ’n<br />
voorstelling van ’n territorium. 21<br />
Teenoor die sentrale rol van territorium in die staatskonsep is<br />
bevolking, in die besonder die aard en samestelling van die bevolking,<br />
grootliks irrelevant. Op sy beste neem dit ʼn swak sekondêre posisie<br />
in. Daar word nie as voorvereistes gestel dat die bevolking van ’n staat<br />
onderlinge bande van kultuur, taal, godsdiens, of iets dergeliks hoef<br />
te hê nie. Die enigste vereiste met betrekking tot bevolking is dat dit<br />
betreklik permanent moet wees. Die bevolking hoef egter juis nie<br />
vooraf reeds ’n nasie, wat onderlinge noue bande en hegte<br />
gemeenskaplikhede impliseer, te wees nie. Dit is juis omdat gebied<br />
van sodanige sentrale belang is in vergelyking met bevolking wat ’n<br />
mindere rol speel, dat dit ooglopend onvanpas is om, soos dikwels<br />
gedoen word, na die staat as nasiestaat (of nasionale staat) te verwys.<br />
Dit is onder meer om hierdie rede dat die begrip territoriale staat<br />
duidelik as meer paslike beskrywende benaming kwalifiseer.<br />
Bevolking kom wel ter sprake by die vereiste dat die inwoners van die<br />
staat hulle moet aanpas om die territoriale integriteit van die staat<br />
ongeskonde te hou. Die ondergeskikte rol van die bevolking van die<br />
staat in teenstelling met die staatsgebied, kom in hierdie opsig weer<br />
na vore, want dit is die bevolking wat aan die eise van die gebied moet<br />
beantwoord, en nie andersom nie. (Dié aspek word in hoofstuk 6<br />
breedvoerig bespreek.)<br />
Die eenstemmige omskrywings van die staat vanuit die geledere<br />
van skrywers oor die internasionale reg, staatsreg en die staatkunde,<br />
asook Kelsen se voorstelling van die staat primêr as ’n regsordening,<br />
toon dat die staat bo alles as ’n regsverskynsel van territoriale aard<br />
beskou word. Dit is wat die definisies telkens sê. Die implikasie<br />
hiervan is dat sosiale en antropologiese kwessies soos die aard van die<br />
staatsbevolking nooit te berde gebring word nie. Die definisies reël<br />
sulke kwessies buite orde.<br />
Daar is geen fout te vind met die siening dat die staat ’n regsubjek<br />
is nie; ook nie met die voorstelling van die staat as ’n regsorde binne<br />
bepaalde territoriale grense nie. Dis is egter klaarblyklik waar dat dit<br />
nie al is wat die staat is nie — nie vanuit die oogpunt van die politieke<br />
teorie nie en ook nie vanuit die hoek van die regswetenskap nie.<br />
21 Bennet (n 20 hierbo) 73.
Die staatlike paradigma 105<br />
Bykomende vrae wat gestel kan word, is of die staatsgrense soos<br />
dit op ’n bepaalde stadium weens historiese gebeure vasgestel is, wel<br />
moet lyk soos dit lyk, en of die staatsbevolking gegewe die kulturele<br />
en linguistieke heterogeniteit daarvan werklik in dieselfde staat<br />
(territoriale regsordening) tuis hoort. Is die nie klaarblyklik meer<br />
gepas, selfs gebiedend, dat state behoort te fragmenteer ten einde<br />
die regsordenings in pas te bring met die taal- en kulturele<br />
werklikheid nie? Funksioneer baie state nie dalk vanweë die wyse<br />
waarop die grense histories vasgestel is, op die grondslag van ’n<br />
permanente ondemokratiese dominasie deur ’n meerderheid oor ’n<br />
minderheid nie, en behoort so ’n staat nie liefs omvorm te word ten<br />
einde hierdie wantoestand te beëindig nie? In die era van die<br />
kolonialisme is staatsgrense arbitrêr vasgestel volgens die grille en<br />
voorkeure van die koloniale moondhede en na gelang van die<br />
magsverhoudings tussen die koloniale moondhede. Die belange en<br />
voorkeure van die Afrika-bevolkings het hierin geen rol gespeel nie.<br />
Geen ag is op die etniese samestelling van die bevolkings geslaan in<br />
die proses van grensafbakening nie. Sodoende is kunsmatige state aan<br />
die hand van die wense en voorkeure en dikwels op grond van<br />
politieke mededinging van die koloniale moondhede tot stand<br />
gebring. 22 Die koloniaal afgebakende grense is ’n blywende koloniale<br />
letsel wat ons lank na die formele afloop van die kolonialisme elke dag<br />
steeds in die gesig staar. Behoort hierdie koloniaal geïnspireerde<br />
grense behou te word, of moet die plaaslike werklikheid in ag geneem<br />
word met die oog op ’n heroorweging van hierdie koloniale<br />
nalatenskap? Verskeie dissiplines kan hulle met hierdie vrae besig<br />
hou.<br />
Die noodsaak om hierdie soort vrae te stel, word beklemtoon deur<br />
die feit dat grense, soos gemeld, nie op sterkte van die een of ander<br />
ewewigtige proses van demokratiese raadpleging vasgestel is nie. As<br />
daar een ding is wat bo alle ander dinge ’n nalatenskap van arbitrêre<br />
en flagrant ondemokratiese dwingelandy is, is dit die bepaling van<br />
staatsgrense — in die besonder die staatsgrense in die eertydse<br />
koloniale wêreld, veral van Afrika. 23 Daarom is dit vreemd dat hierdie<br />
ondemokratiese nalatenskap met soveel deernis gekoester word.<br />
Staatsgrense is nie vasgestel uit hoofde van vrye politieke en<br />
staatsregtelike assosiasie nie. Die Britse historikus, JM Roberts,<br />
verduidelik byvoorbeeld met verwysing na sestiende en sewentiendeeeuse<br />
Wes-Europa:<br />
22 Makua wa Mutua ‘Why redraw the map of Africa: A moral and legal inquiry’ (1995)<br />
16 Michigan Journal of International Law 1113–1176.<br />
23 Makua wa Mutua (n 22 hierbo) Sien verder hieroor die breedvoerige bespreking<br />
van I Brownlie (1979) African Boundaries: a legal and diplomatic encyclopaedia<br />
University of California Press for the Royal Institute of International Affairs.
106 Hoofstuk 5<br />
Boundaries (which were often imprecisely drawn) continually changed as<br />
this or that portion of an inheritance passed from one ruler to another.<br />
The inhabitants had no more say in the matter than the peasants of a<br />
farm which changed hands. 24<br />
Baie van daardie grense wat, na gelang van die wil, wense en<br />
magsverhoudings van, en tussen dinastieë, of in ooreenstemming met<br />
die voorkeure en behoeftes van koloniale moondhede van bo<br />
afgedwing is, het politieke entiteite tot stand gebring wat steeds<br />
onveranderd voortbestaan. Die Europese politieke kaart is hoofsaaklik<br />
deur die oorloë tussen absolutistiese heersers getrek. 25 Die<br />
demografiese realiteit en uiteenlopende wil van die bevolkings het<br />
hierin nouliks enige rol gehad.<br />
Die Suid-Afrikaanse staat het te oordeel na die feit dat die<br />
onderhandelings voor Uniewording in 1910 vlot verloop het, 26<br />
oënskynlik vreedsaam en sonder haakplekke tot stand gekom. Dog,<br />
die unifikasie van Suid-Afrika het gevolg op Britse imperiale strategie<br />
teen die voortbestaan van die Boererepublieke, gevolg deur die<br />
imperiaal gemotiveerde Anglo-Boereoorlog van 1899-1902 met<br />
rampspoedige gevolge vir die Afrikaners. Die Suid-Afrikaanse staat is<br />
inderdaad ’n konstruksie van lord Alfred Milner, Britse Hoë<br />
Kommissaris in Suid-Afrika, wat eers na die bloedige onderwerping<br />
van die Boererepublieke moontlik was. 27<br />
Wanneer na die geskiedenis gekyk word, is daar inderdaad<br />
konkrete noodsaak om die vrae wat hierbo gevra is, te stel. Die<br />
afwysing van hierdie vrae is gebaseer op die argument dat sodanige<br />
vrae kwansuis nie-juridiese (en dus irrelevante) kwessies by die<br />
regsdiskoers betrek. Vir sover kwessies van hierdie aard moontlik wel<br />
ter sprake kom, hoort dit tuis by die geskiedenis, staatkunde,<br />
sosiologie, filosofie of bloot by die polemiese daaglikse politiek, en<br />
nie by die reg en die regswetenskap nie. Die reg (die suiwer reg, soos<br />
Kelsen sou sê) kan nie met sodanige kwessies opgehou word nie, want<br />
dit is nie relevante stof vir die doel van die regsdiskoers nie. Hiermee<br />
saam kom die wetenskaplike aanspraak dat die juridies geïnspireerde<br />
definisies van die staat wat hierbo behandel is, suiwer, neutrale en<br />
onbevooroordeelde reg weerspieël en dat die definisies dus vry van<br />
kontaminasie deur buite-juridiese politieke/ideologiese voorkeure en<br />
vooroordele of partydigheid is.<br />
24<br />
JM Roberts (1997) African boundaries: a legal and diplomatic encyclopaedia<br />
25<br />
University of California Press for the Royal Institute of International Affairs 287.<br />
J Anderson en S Hall ‘Absolutism and Other Ancestors’ in J Anderson (red) (1986)<br />
26<br />
The rise of the modern state Wheatleaf Books Ltd 31.<br />
FCJ Muller et al (1985) 500 Jaar Suid-Afrikaanse Geskiedenis Academica Pretoria<br />
27<br />
380-385.<br />
Muller (n 26 hierbo) 312-333; H Giliomee en L Schlemmer (1993) From Apartheid<br />
to Nation Building Oxford University Press 13.
Die staatlike paradigma 107<br />
So ’n aanspraak op politiek onpartydige en ideologies neutrale<br />
wetenskaplikheid is egter vals. Waarmee ons hier te doen het, is ’n<br />
tipiese geval van regspositivisme wat sy ideologiese voorkeure en<br />
partydigheid probeer verberg onder die vyeblaar dat dit na bewering<br />
net met die neutrale feite werk.<br />
Al hierdie staatsdefinisies reflekteer die staatsteorie van Hobbes<br />
en nog meer van Locke. Die staatsdefinisies is deurlopend geskoei op<br />
’n atomisties-liberale grondslag en neig sterk anti-kommunitêr. Soms<br />
is die ideologiese voorkeure wat in die staatsdefinisies vervat is<br />
bedek, maar ander kere skemer dit deur.<br />
Wanneer Oppenheim hom oor permanente bevolking as een van<br />
die bestanddele van ’n staat uitlaat, sê hy:<br />
There must, first, be a people. A people is an aggregate of individuals of<br />
both sexes who live together as a community in spite of the fact that<br />
they may belong to different races or creeds, or be of different colour. 28<br />
Frankel se bevolking lyk net soos Oppenheim s’n wanneer hy verklaar:<br />
The people are an aggregate of persons of both sexes living in a<br />
community which needs not to be homogeneous. 29<br />
Gilchrist se bevolking is ’n<br />
... number of people living in a definite territory ... 30<br />
Die aangehaalde voorbeelde van die wyse waarop die<br />
bevolkingselement van die staatsdefinisie behandel word, is<br />
verteenwoordigend van die geykte wyse waarop hierdie aspek van die<br />
staatsdefinisie hanteer word. Daar word deurlopend beklemtoon dat<br />
geen onderlinge bande van taal, etnisiteit, godsdiens, kultuur, of wat<br />
ook al vereis word nie. Al wat vereis word, is ’n klomp mense (an<br />
aggregate of people/a number of people) en dat die klomp mense<br />
permanent op ’n gedefinieerde grondgebied teenwoordig moet wees.<br />
Dis al.<br />
Dit is waar dat daar in hierdie konteks net ’n klomp mense vereis<br />
word, maar — en dit is die kern van die saak — dit is nie ’n neutrale<br />
en politiek-onbevooroordeelde wetenskaplike feit nie. Inteendeel,<br />
hierdie definisie is die staatsregtelike produk van die Hobbesiaanse en<br />
Lockeaanse staatsbeskouing. Daarvolgens is die staat bloot ’n<br />
juridiese konflikreguleringsinstelling wat die private behoeftes en<br />
28 Oppenheim (n 6 hierbo) par 64 118 (eie beklemtoning).<br />
29 Frankel (n 8 hierbo) 8 (eie beklemtoning).<br />
30 Gilchrist (n 4 hierbo)17; (eie beklemtoning) sien ook Wiechers & Bredenkamp<br />
(n 20 hierbo) 98.
108 Hoofstuk 5<br />
belange van atomistiese individue waaronder daar geen onderlinge<br />
bande van gemeenskaplikheid bestaan nie, reguleer. Die staat het ook<br />
die skeidsregtersfunksie om deur middel van die positiewe reg die<br />
belangebotsings wat tussen hierdie wedersyds afsydige individue<br />
voorkom, te besleg. Die heersende staatsdefinisie waarin die staat<br />
primêr voorgehou word as ’n regsordening wat binne ’n gedefinieerde<br />
gebied tussen ’n klomp afsydige individue van krag is, eggo die<br />
gedagtes van Hobbes en Locke in onder meer die volgende wesenlike<br />
opsigte:<br />
• die staat is ’n juridiese ordening;<br />
• die staatsbevolking is losstaande, afsydige individue wat in die<br />
afwesigheid van onderlinge bande geen daadwerklike gemeenskap<br />
konstitueer nie;<br />
• die staat is nie ’n res publica — ’n gemeenskaplike saak van alle<br />
burgers met hegte onderlinge bande nie — maar ’n blote middel<br />
van konflikregulering wat die realisering van private en dikwels<br />
antagonistiese doelwitte moet fasiliteer en bevorder.<br />
Hierdie staatsbeskouing is natuurlik nie die enigste beskouing wat<br />
oor die staat nagehou kan word nie. Hierdie staatsbeskouing is dus nie<br />
so wetenskaplik neutraal as wat dit voorgee om te wees nie;<br />
inteendeel, dit is politiek-ideologies partydig. Die aanspraak van ’n<br />
bloot neutrale (positivistiese) beskrywing wat met die behandelde<br />
staatsdefinisies gepaard gegaan het, is dus ongegrond. In hierdie<br />
definisies het ons met ’n ideologiese neerslag te doen, wat in die<br />
misleidende retoriek van neutrale wetenskap met ons kommunikeer.<br />
Dit is ’n kenmerk van die moderne politieke teorie (en soos uit die<br />
aangehaalde definisies van die staat blyk, ook van die<br />
regswetenskap), sê Larry Siedentop 31 tereg, om ’n omstrede konsep<br />
soos die staat te hanteer asof dit geheel en al nie-problematies en<br />
onomstrede is. Die staat word as ’n neutrale begrip van die politieke<br />
en regswetenskap behandel, sonder enige aanduiding dat dit<br />
ideologies gelaai mag wees. Weens die feit dat ideologies gelade<br />
begrippe onder oënskynlik bloot ’n beskrywende realiteit toegesmeer<br />
word, word belangrike ideologiese kwessies eenvoudig buite die debat<br />
geplaas.<br />
Die staat word feitlik konsekwent in beskrywende juridiese terme,<br />
soos die begrip, soewereiniteit, verklaar, terwyl potensieel<br />
ideologiese kwessies as irrelevant buite orde gereël word. Soos<br />
Siedentop sê:<br />
31<br />
... for the most part philosophical analyses of the concept of the state<br />
stopped there. Any remaining questions about the state are assigned to<br />
L Siedentop ‘Political theory and ideology: The case of the state’ in D Miller en L<br />
Siedentop (reds) (1983) The Nature of Political Theory Clarendon Press Oxford 53.
Die staatlike paradigma 109<br />
historical or sociological enquiry in general and to Marxism in<br />
particular. 32<br />
Die staatskonsep dra noodwendig sekere ideologiese voorkeure en<br />
partydigheid in sigself om. Nogtans word die staatskonsep hanteer<br />
asof dit bloot beskrywend en neutraal is. Sodoende word<br />
wetenskaplike ondersoek die werktuig en spreekbuis van ideologie. 33<br />
Met betrekking tot wetenskapsbeoefening in die besonder in die<br />
geesteswetenskappe word daarop gewys dat dit waarde-gebonde of<br />
waarde-gedrewe is. Dit behels ’n hegte samehang tussen die is en die<br />
behoort, oftewel dat daar ’n noue verband tussen oënskynlik<br />
waardevrye feite en waardes bestaan. Derhalwe is waardevoorkeure<br />
en –partydigheid opgeneem, en word dit weerspieël in wat as feite<br />
voorgehou word. 34 Gevolglik is die waardevryheid en objektiwiteit<br />
van die empiriese wetenskappe blote skyn. In werklikheid is die<br />
empiriese wetenskappe ook met waardevoorkeure deurspek. Dit sluit<br />
ook die oënskynlik mees empiries beskrywende aspekte in, waaronder<br />
die vermeende waarde-onpartydige definisie van die staat. Net so is<br />
wetenskaplike metodiek en tegniek eweneens nie neutraal nie.<br />
Metodiek en tegniek dra partydige waarde- en ideologiese voorkeure<br />
en vooroordele en in die onderrig hiervan word die ideologiese<br />
partydigheid ook aan die student oorgedra. 35<br />
Die regswetenskap is by uitnemendheid vatbaar vir die geruislose<br />
en onopmerklike oordrag van waardevooroordele en van ideologie.<br />
Die regswetenskap hou sigself altyd besig met institusionele feite, 36<br />
oftewel met die feite van ’n bepaalde maatskaplike orde. Voorts — en<br />
dit is baie belangrik — is die stof waarmee die juris en dergelike<br />
beoefenaars van die geesteswetenskappe werk, in plaas van ’n groter<br />
geheel, altyd episodies en fragmentaries van aard: 37 wetgewing,<br />
regulasies, regterlike beslissings, en dies meer. Gevolglik word die<br />
juris se aandag altyd deur fyn besonderhede in beslag geneem. Die<br />
onderwerpe waarmee juriste hulle bemoei, behoort tot ’n variasie<br />
van agendas van ander persone: politieke partye, regerings,<br />
drukgroepe, private gedingvoerders, ensovoorts. 38 Juriste staan in<br />
diens van hierdie agendas en is beswaarlik ooit in die posisie om eie<br />
32<br />
33<br />
34<br />
Siedentop (n 31 hierbo) 54.<br />
Siedentop (n 31 hierbo) 54-56.<br />
AM Faure (1981) ʼn Ondersoek na die Kenteoretiese Grondslae van die<br />
Vergelykende Politiek (1991) Ongepubliseerde doktorale proefskrif, Universiteit<br />
van Suid-Afrika 66. Faure vat die verbintenis tussen feite en waardes saam deur<br />
35<br />
te verklaar: ‘Om te ken is om te keur’.<br />
SS Wolin ‘Political theory as a vocation’ (1969) 63 American Political Science<br />
36<br />
Review 1063.<br />
N Mc Cormick ‘Reconstruction after deconstruction: A response to CLS’ (1990) 10<br />
37<br />
38<br />
Oxford Journal of Legal Studies 557.<br />
Mc Cormick (n 36 hierbo) 537.<br />
Mc Cormick (n 36 hierbo) 537.
110 Hoofstuk 5<br />
agendas te stel en te bevorder. Hulle moet partydige privaat en<br />
politieke belange bevorder en regverdig en is nouliks in ʼn posisie om<br />
objektief daarteenoor te staan of om gevolgtrekkings te maak wat<br />
teen hulle professionele opdrag indruis. 39<br />
Wanneer regswerk ter sprake is, bestaan daar altyd aan die een<br />
kant die agenda van ’n persoon of ’n instelling, of die agenda wat deur<br />
’n bepaalde orde wat byvoorbeeld kragtens ’n grondwet of wetgewing<br />
daargestel is. Aan die anderkant is daar weer regslui wie se dienste<br />
bekom word ten einde die agendas deur te voer. Op die mees<br />
elementêre vlak is daar die agenda van ’n eiser wat ’n bedrag van ’n<br />
verweerder eis, of die agenda van ’n verweerder wat hom teen die eis<br />
verweer, of die agenda van die vervolgingsgesag wat poog om die<br />
skuldigbevinding van ’n beweerde misdadiger te bewerkstellig, of van<br />
die beskuldigde wat hom teen die aanklag moet verweer. Op ’n meer<br />
algemene vlak is daar die agenda van ’n regering om ooreenkomstig<br />
’n ideologiese of belange-voorkeur wetgewing deur te voer waardeur<br />
daardie voorkeur in dwingende en oënskynlik onpartydige reg beslag<br />
kry. Ook is daar die politiek geïnspireerde agenda om ’n grondwet op<br />
te stel, wat eweneens belange en ideologies partydige voorkeure dien<br />
en ander belange teenwerk, en daardie belange in regsinstrumente<br />
verskans — en verdoesel. In die breedste sin is die totale regsorde<br />
natuurlik ook ’n agenda. ’n Regsorde veronderstel altyd die<br />
manifestasie van die een of ander politieke konsensus, of, meer<br />
gereeld, van die een of ander ideologiese dominasie of<br />
belangedominasie. Die regsorde gee deur regsinstrumente —<br />
konstitusies, wetgewing, administratiewe optrede, hofuitsprake,<br />
liggame, instellings, maatreëls en magte wat deur wetgewing en die<br />
grondwet geskep word — uitdrukking aan daardie belangedominasie,<br />
staan in die diens daarvan en poog om dit teen verandering te<br />
vrywaar. As die dienaars daarvan speel juriste ’n sleutelrol in die<br />
administrasie daarvan.<br />
Die dienste van juriste moet altyd verkry word om te help met die<br />
deurvoer van hierdie agendas en die juris tree dan op ter realisering<br />
van die oogmerke van die agendas en die outeurs daarvan. In die<br />
proses moet die juris dikwels die probleem wat hy moet hanteer en<br />
waarvoor sy dienste bekom word vanuit nie-juridiese taal, waarin dit<br />
aanvanklik aan hom gestel is, in regstaal vertaal ten einde die<br />
probleem juridies hanteerbaar te maak. Deur hierdie vertaling tree<br />
daar ’n retoriese verwydering in tussen die aanvanklike agenda<br />
waarvoor sy dienste bekom is en die nuut geformuleerde agenda. (Dit<br />
is nog dieselfde probleem wat hanteer word, maar dit is nou in<br />
juridies hanteerbare terme herformuleer). Sodoende kry die juris ook<br />
39 HJ Berman (1983) Law and Revolution: The formation of the Western Legal<br />
Tradition Harvard University Press: Cambridge, Massachusetts Berman 156, 157.
Die staatlike paradigma 111<br />
afstand van die aanvanklike agenda waarvoor sy dienste bekom is.<br />
Daarna funksioneer hy in die nuwe juridies herformuleerde wêreld. Hy<br />
werk byvoorbeeld nie meer met Jan Botha wat nie Piet Potgieter se<br />
motor behoorlik herstel het nie, maar met die verweerder wat<br />
kontrakbreuk by wyse van positiewe wanprestasie teen die eiser<br />
gepleeg het. Hy werk ook nie meer met die hewige politieke geskil oor<br />
beweerde rasgebaseerde afknouery met die indiensneming van ’n<br />
bepaalde persoon nie, maar met die neutrale formulerings van die<br />
Wet op Billike Werksgeleenthede uitgedruk in die ewe polities vergete<br />
terme van die Employment Equity Act. Die juris, wat betrokke is by<br />
insolvensieverrigtinge kragtens die Insolvensiewet werk ook nie met<br />
die instandhouding van ’n breë kapitalistiese orde, waarvan die wet<br />
juis ’n praktiese implikasie is nie, maar bloot met die juridiesgedefinieerde<br />
toepassing van die betrokke wet. Die juris wat hom met<br />
die grondwetlike reg besig hou, bemoei hom ook nie met die feit dat<br />
die grondwet dikwels die vergestalting van hegemoniese en<br />
hiërargiese politiek is nie. Daardie feit ontsnap gewoonlik sy aandag;<br />
hy hou hom daarenteen oënskynlik suiwer besig met argumentasie oor<br />
die korrekte toepassing en interpretasie van die besonderhede van die<br />
(grondwetlike) reg. Die politieke agtergrond en die magsverhoudings<br />
wat deur die grondwet in stand gehou word en die hegemonie wat dit<br />
skep en verskans, kom dus nouliks by hom op. Dit is grootliks vergete.<br />
Soms is die vertaling van die agenda in regstaal nie nodig nie.<br />
Wanneer daar binne ’n wetgewende raamwerk of binne ’n<br />
grondwetlike raamwerk gewerk word, is die ideologiese, politieke en<br />
belangevoorkeure en -partydigheid in diens waarvan die wetgewing of<br />
die grondwet staan, reeds in regstaal omgesit en onder die neutrale<br />
regsterme verberg. Die wetgewing of die grondwet het die<br />
belangebotsing wat met die aanvaarding van die grondwet of die<br />
wetgewing beslis is, reeds in regstaal vertaal. Daarna werk die juris<br />
met regstof en nie meer met die politieke keuses en<br />
belangevoorkeure wat die agterliggende motief vir die wetgewing of<br />
die grondwet is nie. Die juris werk in dié geval ter realisering van ’n<br />
politieke agenda, maar omdat dit in regstaal oorgesit is en in regstof<br />
omgesit is, is sy indruk dat hy die dienaar van ’n juridiese agenda is,<br />
vry van kontaminasie met die politiek of iets dergeliks wat buite die<br />
reg is.<br />
Sekere agendas is eenvoudig en duidelik, soos wanneer die agenda<br />
daarin bestaan om namens ’n eiser te dagvaar. Ander kere staan die<br />
breë agenda waarbinne die juris werk egter so ver op die agtergrond<br />
dat hy nouliks daarvan bewus is dat hy sy dienste vir ’n bepaalde<br />
agenda beskikbaar stel. Wanneer die juris betrokke is by ’n<br />
aangeleentheid waar voldoening aan die grondwet vereis word, of<br />
wanneer hy aan die opstel van ’n grondwet meewerk, is hy in<br />
werklikheid intiem met die deurvoer van ’n politieke agenda<br />
gemoeid. Die politieke agenda is egter onder die regsdiskoers
112 Hoofstuk 5<br />
verberg, met die gevolg dat die juris nie besef dat hy hom eintlik<br />
diensbaar stel vir die uitvoer van ander se politieke projek nie. Voorts<br />
is dit ook so dat wetgewing gewoonlik die een of ander politieke,<br />
ideologiese of ekonomiese voorkeur beliggaam. Weens die<br />
verbergende neutraliteit van regstaal 40 word die voorkeur egter nooit<br />
verraai nie. Inteendeel: dit word juis toegesmeer.<br />
Regsaktiwiteit — dit waarmee die juris hom bemoei — behels nooit<br />
self regstreeks die neerlê van die politieke agenda, waaraan die reg<br />
diensbaar moet wees nie, maar is daarenteen altyd gemoeid met die<br />
fyner besonderhede ten einde aan die agenda uitvoering te gee.<br />
Wanneer die agenda eenvoudig is in die sin dat dit duidelik is en min<br />
besonderhede bevat, is hy natuurlik van die bestaan daarvan bewus.<br />
Aan die ander kant kan die agenda kompleks wees. Dit kan breë<br />
algemene doelstellings hê wat ver verwyderd staan van die<br />
besonderhede oor die daadwerklike konkrete inwerkingstelling<br />
daarvan. Wanneer in besonderhede met hierdie fyner detail gewerk<br />
moet word, neem dit uiteraard die aandag van die juris in beslag, met<br />
die gevolg dat die juris onbewus is van die feit dat hy in werklikheid<br />
in diens staan van die deurvoer van ’n ander se projek. Die noodsaak<br />
van betrokkenheid by die detail vereng die horison eenvoudig in so ʼn<br />
mate dat die betrokkenheid by en diensbaarheid aan die groter projek<br />
nie raakgesien word nie en gevolglik ook nie ingesien word nie.<br />
Hoe breër en algemener die agendas en projekte van die persone<br />
of instellings waarbinne die juris werk en hoe fyner die besonderhede<br />
waarmee gewerk word om uitvoering aan die agenda te gee, des te<br />
sterker is die neiging om net op die besonderhede te konsentreer en<br />
die agenda as sodanig heeltemal uit die oog te verloor.<br />
Die grondliggende waarde-oordele en belange- en ideologiese<br />
voorkeure wat in die agenda vervat is, kom weens die feit dat die juris<br />
as ’t ware deur die gedetailleerde besonderhede van die uitvoer van<br />
die agenda in beslag geneem word, nooit by hom op nie. Die<br />
regsakademiese kurrikulum is ook nie so saamgestel dat dit die<br />
(voornemende) juris hoegenaamd bewus maak van die ideologiese<br />
waarde-universum waarbinne regsaktiwiteit plaasvind of hom bedag<br />
maak op die ideologiese voorkeure waarbinne regswerk gedoen word<br />
nie. Inteendeel, regsopleiding gee voor en word op die basis<br />
onderneem dat mens met outentieke akademiese temas — ware<br />
40 Dit is juis onder andere om hierdie rede dat die reg as ‘n doeltreffende hulpbron<br />
vir die uitoefening van mag beskou word. Sien byvoorbeeld AT Turk ‘Law as a<br />
weapon in social conflict’ (1976) 23 Social Problems 276 et seq.
Die staatlike paradigma 113<br />
regswetenskap (wat eintlik niks meer as regsdogma 41 of doktrine is<br />
nie) werk. Daarvan word die periferie-temas onderskei wat ideologies<br />
geïnspireer is en sodoende nie werklik die stempel van ware<br />
regswetensklap waardig is nie. 42 Die suggestie wat hiermee gepaard<br />
gaan, is dat die ware regswetenskap polities en ideologies neutraal<br />
is. 43<br />
Wanneer ons sê dat juriste deur die aanwending van die reg vir die<br />
uitvoer en vervulling van ander se agendas en projekte<br />
verantwoordelik is, sê ons in der waarheid daarmee saam dat die<br />
regswetenskap as ’n toegepaste wetenskap funksioneer. Die<br />
toegepaste wetenskappe, in teenstelling met die ‘suiwer’<br />
wetenskappe, is daarin onderskeibaar dat hulle ’n meer regstreekse<br />
verhouding met die samelewing — die sosiale werklikheid — het. 44 Dit<br />
geld veral vir die regswetenskap, wat juis op die regulering van<br />
menslike gedrag en die reëlmatige hantering en beslegting van<br />
menslike konflik gerig is.<br />
RF Beerling maak die insiggewende stelling dat wetenskap, en in<br />
die besonder toegepaste wetenskap, uit praktiese en ideologiese<br />
stelsels afgelei is. 45 In die lig van die bespreking van Bodin, Hobbes<br />
en Locke wat die bestaansoogmerke en funksies van die moderne<br />
staat teoreties verklaar het en die staat primêr as ’n geografies<br />
gebaseerde regsordening en ’n meganisme vir die regulering van<br />
menslike konflik beskryf het, is hierdie stelling juis vierkantig op die<br />
regswetensklap van toepassing. Regswetenskap, en by name die<br />
staatsreg waarvan die grondslae deur die genoemde teoretici gelê is,<br />
het ook sy ontstaan in praktiese situasies gehad. In hierdie geval was<br />
die praktiese situasie waarmee hierdie teoretici juis moes handel, dié<br />
van uiters traumatiese menslike konflik en die radikale afwesigheid<br />
van daadwerklike menslike gemeenskap. Die filosofiese grondlegging<br />
van die staat en van die staatsreg neem menslike atomisme en die<br />
anti-kommunitêre afwesigheid van menslike gemeenskap, as basiese<br />
vertrekpunt. Hierdie afwesigheid van gemeenskap is in die uitgerekte<br />
konflikte van die sestiende en sewentiende eeue daadwerklik beleef.<br />
41 Harold Berman (n 39 hierbo) 154 verduidelik dat die eietydse regswetenskaplike,<br />
net soos sy voorganger in die twaalfde eeu in Europa, hom met die regsdogmatiek<br />
bemoei, dit wil sê die sistematiese uitpluis van al die implikasies van regsreëls,<br />
hul onderlinge verhouding en hul aanwending in besondere situasies.<br />
42<br />
D Kennedy ‘The political significance of the structure of the law school<br />
curriculum’ (1983) 14 Seton Hall Review 1.<br />
43 Kennedy (n 42 hierbo) 8-9 wys byvoorbeeld uit dat daar geredeneer word dat die<br />
privaatreg (byvoorbeeld die kontraktereg) die sentrum van ware politiek<br />
ongekontamineerde regswetenskap is. Kennedy sê dat dié sentrum ook politiek<br />
gemotiveer is. Dit is ʼn vergestalting van die kapitalisme en liberale<br />
individualisme.<br />
44 RF Beerling et al (1970) Inleiding tot de Wetenschapsleer Bijleveld: Utrect 150.<br />
45 Beerling (n 44 hierbo). Die skrywers voeg dan by dat die wetenskaplike aansprake<br />
van so ʼn ideologies geïnspireerde wetenskap nie noodwendig minderwaardig is<br />
nie.
114 Hoofstuk 5<br />
Die filosofiese grondlegging van die staatsreg is as ’t ware veroorsaak<br />
deur hierdie konflikte en was by uitstek daarop gerig om ’n formule<br />
te vind waardeur blywende en doeltreffende vrede, ten spyte van die<br />
afwesigheid van menslike gemeenskap, verseker kon word. 46<br />
Die kern van die oplossing wat deur die denkarbeid van hierdie<br />
grondleggers gebied is, kan saamgevat word in die begrip<br />
staatlikheid. Dit is juis die staat as neutrale regsordening en<br />
konflikreguleerder wat die kernelement van die probleemoplossing is<br />
waarmee hierdie staatsfilosowe vorendag gekom het. Hierdie<br />
staatlikheid — die ideologies geïnspireerde konflikbeslegtingsformule<br />
van die sestiende en sewentiende eeue — is in die gedaante van die<br />
algemeen aanvaarde definisie van die staat in die moderne staatsreg,<br />
internasionale reg en die politologie ingebou. Anders gestel,<br />
staatlikheid verteenwoordig die paradigma 47 — die basisteorie — aan<br />
die hand waarvan hierdie dissiplines, en met name groot gedeeltes<br />
van die regswetenskap, beoefen word.<br />
Die vertrekpunte van die staatlike paradigma wat deur Bodin,<br />
Hobbes en Locke neergelê is, word vandag steeds vervat in die<br />
positivistiese definisie van die staat. Daardie paradigmatiese<br />
vertrekpunte is ideologies geïnspireerde feite wat die konsensusraamwerk<br />
verskaf vir eietydse wetensklapsbeoefening in die<br />
staatsreg, internasionale reg, ander regsdissiplines, sowel as die<br />
politologie. Daardie basisfeite van die paradigma lê nie net die<br />
raamwerk neer vir wetenskapsbeoefening nie. Dit sensureer ook<br />
gepoogde wetenskapsbeoefening wat buite die aannames van die<br />
paradigma probeer funksioneer, en wys dit af as sou dit<br />
onwetenskaplik wees.<br />
Die staatlike paradigma bevat die volgende vier ideologies<br />
gedrewe basisfeite of basiese uitgangspunte:<br />
• Die territoriale staat is die basiese ordening van politieke<br />
organisasie. Territorium is die vertrekpunt. Vanuit daardie hoek<br />
word die ander elemente van die staat benader. Vanaf territorium<br />
word na bevolking gewerk, nie andersom nie. Territorium geniet<br />
voorkeur bo bevolking. Die bevolkingselement word so hanteer<br />
dat dit by die territorium-element moet aanpas en inval, nie<br />
andersom nie. Territorium is nie slegs ’n feit nie. Weens die<br />
voorrang wat dit in vergelyking met die ander staatselemente<br />
geniet, is dit ook ’n ideologies gedrewe oordeel. (Die<br />
46 In hierdie opsig was Bodin, Hobbes, Locke en De Groot benewens, grondleggende<br />
politieke filosowe van die moderne era, ook die grondleggers van die staatsreg as<br />
toegepaste wetenskap. Beerling (n 44 hierbo) 151 sê juis dat toegepaste<br />
wetenskap gekenmerk word deur die feit dat dit nog meer as die suiwer<br />
wetenskappe op die verwesenliking van praktiese doelstellings gerig is.<br />
47 Die begrip word hieronder uitvoerig behandel.
Die staatlike paradigma 115<br />
aangeleentheid word in besonderhede in hoofstuk 6 behandel<br />
wanneer nasiebou of, meer gepas, staatsbou bespreek word. Dit<br />
kom weereens ter sprake in hoofstuk 9.3 waarin territoriale<br />
integriteit en selfbeskikking in die internasionale reg bespreek<br />
word.)<br />
• Die staat huisves ’n bevolking, nie ’n gemeenskap nie. Die<br />
bevolking is enige aantal mense (any number of persons), ongeag<br />
daar enige bande van taal, kultuur, etnisiteit, godsdiens, afkoms,<br />
of enigiets dergeliks tussen hulle hoef te bestaan. Die enigste<br />
twee gemeenskaplike faktore tussen die individue wat die<br />
staatsbevolking uitmaak, is dat hulle in dieselfde territorium<br />
teenwoordig is en aan dieselfde regsorde onderworpe is. Dit is die<br />
wesenlike elemente van die staatsgemeenskap. Waar dit betreklik<br />
algemeen geraak het om losweg van nasie(s) te praat, verwys dit<br />
eweneens nie na ’n gemeenskap wat deur hegte onderlinge bande<br />
aan mekaar gebind word nie, maar bloot die totaal van die<br />
staatsbevolking, ongeag die aan- of afwesigheid van enige<br />
onderlinge bande.<br />
• Die bevolking word hanteer as losstaande individue wat ’n<br />
atomistiese bestaan van die najaag van private persoonlike<br />
belange voer. Vir sover individue moontlik wel in ’n taal-,<br />
godsdienstige, etniese, kultuur- of dergelike groep ingebind is, is<br />
dit heeltemal toevallig en is dit bowendien juridies en polities ’n<br />
volkome irrelevante feit. Sodanige groeperinge is slegs van<br />
private betekenis en mag nooit as openbare realiteit hanteer en<br />
geakkommodeer word om sodoende die aard van die staat te<br />
bepaal nie. In die openbare orde — die reg en die politiek — is<br />
slegs twee entiteite relevant: die individu en die staat. 48 Weens<br />
die inhok van bovermelde groeperinge binne die private domein,<br />
is die staat neutraal, of gee die staat minstens voor om<br />
groepsneutraliteit te handhaaf.<br />
• Die staat funksioneer as regsordening. Dit verskaf fasiliteite vir<br />
die realisering van private belange en verseker met behulp van<br />
die regstelsel doeltreffende private geskilbeslegting. Sodoende<br />
bevorder dit private behoeftebevrediging en verseker tegelyk die<br />
stabiliteit van die staat. Om hierdie funksie te vervul, is die staat<br />
soewerein, wat inhou dat dit binne sy grense die hoogste gesag is<br />
en tegelyk ’n monopolie op wettige geweld het. Dit streef ook<br />
daarna om die enigste regskepper en beregter te wees.<br />
48<br />
Regte bestaan dus op net twee vlakke, naamlik op die vlak van die individu en die<br />
staat. Die staat is die enigste kollektiwiteit waarin regte setel. Geen ander<br />
kollektiwiteit kwalifiseer daarvoor nie. Vernon Van Dyke ‘Human Rights and the<br />
rights of groups’ (1974) 18 American Journal of Political Science 726 stel dit soos<br />
volg: The assumption was that rights exist at two levels, the level of the<br />
individual and the level of the nation state. Groups other than the nation<br />
or the population of the state could be ignored.
116 Hoofstuk 5<br />
Regskepping en beregting buite-om die formele instellings van die<br />
staat kan slegs voorkom vir sover die staat dit toelaat.<br />
Hierdie punte verteenwoordig die vier grondbeginsels van<br />
staatlikheid, die vier kernaannames van die staatlike paradigma. Die<br />
grondslag is deur Bodin, Hobbes en Locke gelê en hierdie grondslag<br />
dissiplineer steeds die wyse waarop ons vandag nog groot dele van ons<br />
wetenskaplike projek in die regsveld en die politiek onderneem asook<br />
die wyse waarop ons wetenskap en politiek beoefen.<br />
2 Die dinamika van paradigmas<br />
Thomas Kuhn is die persoon wat die begrip paradigma bekend en<br />
populêr gemaak het. 49 Sy werk het van hom ’n invloedryke, indien nie<br />
die mees invloedryke, wetenskapsfilosoof vir ’n lang tyd gemaak.<br />
Kuhn is vir die onderhawige bespreking van belang, onder meer<br />
aangesien sy insigte die neutraliteitsaansprake wat met<br />
wetenskapsbeoefening gepaard gaan, weerlê. Kuhn bring by<br />
implikasie korreksies aan in die werk van die positivisme (wat onder<br />
meer die werk van Kelsen onderlê) deurdat hy die ongegrondheid van<br />
die aansprake van waarde- en ideologiese neutraliteit aan die kaak<br />
stel. 50<br />
Kuhn se wetenskapsfilosofiese arbeid was in die eerste plek op die<br />
natuurwetenskappe afgestem. In sy wetenskapsteorie maak hy ook<br />
deurlopend van stawende voorbeelde uit die natuurwetenskappe<br />
gebruik. Sy werk is egter ook van groot betekenis vir die sosiale<br />
wetenskappe en veral vir die regswetenskap.<br />
49 Kuhn sit sy wetenskapsbeskouing in 1962 in sy hoofwerk, TS Kuhn (1970) The<br />
Structure of Scientific Revolutions University of Chicago Press: Londen uiteen.<br />
Sien ook verder in hierdie verband: Faure (n 34 hierbo) 69-73; SS Wolin<br />
‘Paradigms and political theories’ in P King en BC Parekh (reds) (1968) Politics and<br />
experience: Essays presented to professor Michael Oakeshott on the occasion of<br />
his retirement Cambridge University Press Cambridge 125-152; J Mouton ‘Thomas<br />
S Kuhn’ in S Snyman (red) (1995) Wetenskapsbeelde in die Geesteswetenskappe<br />
RGN Pretoria 65-92; PhJ Thomas ‘Wetenskapsfilosofie in die regswetenskap’<br />
(1995) 58 THRHR 38.<br />
50 Mouton (n 48 hierbo) 88; (a) Hans-Georg Gadamer se werk soos onder meer vervat<br />
in: H-G Gadamer, (1989) Truth and method (vertaling deur J Weinsheimer en DG<br />
Marshall) Sheet & Ward London 267-377; (b) H-G Gadamer ‘Truth in the human<br />
sciences’ (vertaal deur BR Wachetrhauser) in BR Wachetrhauser (red) (1994)<br />
Hermeneutics and truth North Western University Press: Evanston, Illinois 25-32;<br />
(c) H-G Gadamer ‘What is truth?’ (vertaal deur BR Wachetrhauser) in BR<br />
Wachetrhauser(red) Hermeneutics and truth North Western University Press:<br />
Evanston, Illinois 33-46 sluit hierby aan, aangesien dit die begrip waarheid in die<br />
geesteswetenskappe verbind met interpretasie deur interpretasiegemeenskappe<br />
aan die hand van basiese oortuigings wat deur dominante interpretasiegemeenskappe<br />
gedeel word. As sodanig is waarheid in die geesteswetenskappe<br />
kultureel van aard.
Die staatlike paradigma 117<br />
Kuhn verduidelik dat wetenskap nie gelykmatig groei nie.<br />
Tydperke van normale wetenskap word afgewissel met fases van<br />
wetenskaplike rewolusies, gevolg deur ’n nuwe tydperk van normale<br />
wetenskap. In die nuwe tydperk word wetenskaplike werk onderneem<br />
volgens ’n nuwe paradigma wat gedurende die wetenskaplike<br />
rewolusie geseëvier het.<br />
Die paradigmabegrip staan dus sentraal in die verstaan van Kuhn<br />
se wetenskapsfilosofiese insigte. ’n Paradigma is:<br />
universally recognized scientific achievements that for a time provide<br />
model problems and solutions to a community of practitioners. 51<br />
’n Paradigma skep ’n samehangende tradisie van wetenskaplike<br />
navorsing 52 en lê as sodanig die grondslag vir ’n tydvak van<br />
wetenskapsbeoefening. Die paradigma-begrip het ’n belangrike<br />
sosiologiese sy, aangesien dit die spelreëls neerlê waaraan die<br />
beoefenaars van ’n bepaalde wetenskaplike aktiwiteit moet voldoen<br />
ten einde wetenskaplik relevant te wees. 53 Kuhn sê met verwysing na<br />
die natuurwetenskappe dat die reëls wat die paradigma konstitueer<br />
ook kwasie-metafisiese reëls insluit. Dit is metafisies omdat dit aan<br />
wetenskaplikes voorskryf wat (welke entiteite) vir wetenskaplike<br />
ondersoek vatbaar is, en ook wetmatighede voorhou waarvolgens die<br />
blootlegging van die werklikheid moet plaasvind. 54<br />
Aansluitend hierby verduidelik Sheldon Wolin die sosiologiese<br />
implikasies van paradigmas. ’n Paradigma<br />
... is a community based on an agreement which extends not only to the<br />
rules governing inquiry and to the stipulations concerning what shall<br />
qualify as a scientific question and count as a scientific answer, but it<br />
extends as well to the particular theory which is accepted as true by the<br />
members in their research and investigation...From a sociological<br />
viewpoint, a paradigm provides a consensual basis which consolidates<br />
the loyalties and commitments of the members. 55<br />
Kuhn sê self in hierdie verband: ‘A paradigm governs in the first<br />
instance not a subject matter but a group of practitioners’ 56 en voeg<br />
51 Kuhn (n 49 hierbo) viii.<br />
52<br />
Kuhn (n 49 hierbo) 10.<br />
53 Hierdie punt is uitvoerig deur Stanley Fish (1980) Is There a text in this class? The<br />
authority of Interpretive communities Harvard University Press: Cambridge,<br />
Massachusetts 307-355 met betrekking tot interpretasie gemeenskappe in die<br />
besonder in die geesteswetenskappe uitgepluis.<br />
54 Kuhn (n 49 hierbo) 41.<br />
55<br />
Wolin (n 49 hierbo) 132.<br />
56 Kuhn (n 49 hierbo) 180.
118 Hoofstuk 5<br />
by dat wetenskaplikes ʼn dissiplinematriks deel. 57 Hierdie insigte van<br />
Kuhn strook met wat teoretici soos Hans Georg Gadamer en Stanley<br />
Fish wat later met uitdruklike verwysing na die geesteswetenskappe<br />
soortgelyke insigte ontwikkel het. Waarheid in die geesteswetenskappe<br />
word eweneens deur tradisie bepaal; dit word deur ’n<br />
dominante interpretasiegemeenskap bepaal wat konvensies van<br />
behoorlike interpretasie neerlê en gevolglik die waarheid van die<br />
geesteswetenswetenskappe, insluitende die regswetenskap, aan die<br />
hand van die interpretasievoorskrifte van die betrokke gemeenskap<br />
van wetenskaplikes bepaal. 58<br />
Normale wetenskap wat deur ’n paradigma fundeer en gelei word,<br />
kan dus geredelik vertolk word as ’n vorm van wetenskaplike<br />
dogmatisme en tirannie. 59 Kuhn verklaar dat wetenskaplike<br />
handboeke om daardie rede nie net beskrywend is nie, maar<br />
voorskriftelik en pedagogies. Die handboeke weerspieël die<br />
paradigma wat gedurende ’n vorige wetenskaplike rewolusie<br />
geseëvier het:<br />
... a concept of science drawn from them (van die handboeke) is no<br />
more likely to fit the enterprise that produced them than an image of a<br />
national culture drawn from a tourist brochure or a language text. 60<br />
Die talle handboeke waarin wesenlik dieselfde staatsdefinisie<br />
voorkom en wat die staatlike paradigma reflekteer en in diens<br />
daarvan staan, oorreed ook daagliks sy studentelesers tot die<br />
aanvaarding van die denkbeelde en waardes wat in die definisie<br />
vervat is. Binne die konteks van die regswetenskap (en ander<br />
geesteswetenskappe) het ons egter nie net te doen met oorreding tot<br />
die aanvaarding van waardes nie, maar ook met ideologiese<br />
oorreding. Ideologie probeer altyd om mense te beweeg tot politieke<br />
optrede, hetsy as konserwatiewe ideologie met die oog op die<br />
handhawing van ’n bestaande orde, of as rewolusionêre ideologie tot<br />
die omvorming van die bestaande orde:<br />
Ideology is a practice-directed system of ideas on the basis of which<br />
political action may be understood or judged. 61<br />
57 Kuhn (n 49 hierbo) 182: ‘Disciplinary because it refers to the common possession<br />
of the practitioner of a particular field; matrix because it is composed of ordered<br />
elements of various sorts each requiring further specialization.’<br />
58 Sien byvoorbeeld Fish (n 53 hierbo) 307-355; Gadamer (n 50b hierbo) 25-32.<br />
59<br />
Faure (n 34 hierbo) 72. Sien verder hier ook Fish (n 53 hierbo) 307-355.<br />
60 Kuhn (n 49 hierbo) 1.<br />
61 JJ Degenaar ‘Nationalism’ in DJ van Vuuren en DJ Kriek (reds) (1983) Political<br />
Alternatives for Southern Africa: Principles and Perspectives Butterworths:<br />
Durban 69.
Die staatlike paradigma 119<br />
Die handboeke waarna verwys is, is gevolglik ideologies<br />
konserwatief, aangesien dit poog om lesers tot die verdediging en<br />
handhawing van die heersende staatlike orde te oorreed.<br />
Normale wetenskap wat op ’n paradigma gebaseer is, is ’n streng<br />
en toegewyde poging om die werklikheid 62 aan die hand van die<br />
konseptuele raamwerk wat deur die paradigma verskaf is, te verstaan<br />
en desnoods af te dwing. 63 Normale wetenskap behels die<br />
onderneming van navorsing gegrond op een of meer wetenskaplike<br />
prestasies wat vroeër behaal is en wat deur ’n bepaalde akademiese<br />
gemeenskap as prestasies beskou word. 64<br />
In die onderhawige geval is die prestasies dié van die politiekteoretiese<br />
en juridiese insigte van Bodin, Hobbes, Locke en De Groot<br />
wat onder meer in die staatsdefinisie ingebou is.<br />
’n Vraag wat hieruit volg is: indien ’n paradigma reeds<br />
afgehandelde werk en reeds behaalde prestasies behels, watter<br />
sinvolle werk is daar dan nog te doen vir die wetenskaplikes wat binne<br />
die paradigma opereer? Kuhn verskaf ’n antwoord hierop wat by<br />
uitstek tot juriste spreek wanneer hy sê dat voortgesette werk wat<br />
binne die paradigma gedoen word, herinner aan die aanvaarding<br />
van — en optrede kragtens — ’n hofbeslissing wat in ’n common lawregstelsel<br />
gegee is. (Die common law-stelsels volg ’n<br />
presedentestelsel waarvolgens latere howe deur vroeëre hofuitsprake<br />
gebind word.) Dit is soortgelyk aan ’n paradigma in die sin dat die<br />
bedrywigheid wat na die vestiging van die paradigma volg, net soos<br />
die bedrywighede wat na ’n bindende uitspraak volg, nie op die<br />
verandering nie, maar slegs op die verdere artikulasie, verfyning en<br />
spesifisering van die paradigma gerig is. 65 Normale wetenskap is dus<br />
gerig op die voltrekking van die beloftes wat die paradigma inhou,<br />
oftewel die gedetailleerde uitwerk en toepas van die potensiële<br />
implikasies van die paradigma. 66 Die meeste wetenskaplikes bestee<br />
hul professionele energie aan hierdie opruimingswerk (mop up) soos<br />
Kuhn dit tipeer. Hierdie normale wetenskap bestaan in aansienlike<br />
mate daaruit dat die beoefenaars van die betrokke wetenskaplike<br />
gebied die stof waarmee hulle werk, inforseer in die dwangbuis wat<br />
deur die aannames van die paradigma geskep is. Soos Kuhn sê:<br />
Clearly examined, ... that enterprise seems to force nature into the<br />
preformed and relatively inflexible box that the paradigm supplies. No<br />
part of the aim of normal science is to call forth new sorts of<br />
62 Binne die konteks van die natuurwetenskappe verwys Kuhn nie na die werklikheid<br />
63<br />
64<br />
65<br />
66<br />
nie maar na die natuur.<br />
Kuhn (n 49 hierbo) 5.<br />
Kuhn (n 49 hierbo) 10.<br />
Kuhn (n 49 hierbo) 10.<br />
Kuhn (n 49 hierbo) 24.
120 Hoofstuk 5<br />
phenomena; indeed those that will not fit the box are often not seen at<br />
all. Nor do scientists normally aim to invent new theories and they are<br />
often intolerant of those invented by others. Instead, normal scientific<br />
research is directed to the articulation of those phenomena that the<br />
paradigm already supplies. 67<br />
Die voordeel van wetenskaplike navorsing ooreenkomstig normale<br />
wetenskap is dat dié navorsing, weens die beperkte en<br />
gekonsentreerde fokus daarvan daarin slaag om ’n gedetailleerde<br />
navorsingsresultaat te lewer wat andersins nie moontlik sou wees<br />
nie. 68 By normale wetenskap verskuif die fokus ook na die wyse van<br />
wetenskapsbeoefening. Die resultaat mag bekend wees, maar die<br />
manier waarop dit bereik word, kan elegant gemaak en verfyn word. 69<br />
Die treffendste kenmerk, en tegelyk die grootste nadeel, van<br />
normale wetenskaplike navorsing is die uiters geringe mate waarin dit<br />
op die verkenning van nuwe terreine gemik is. 70<br />
Dit is in ’n hoë mate inderdaad so dat die enigste probleme wat<br />
deur normale wetenskap as vatbaar vir wetenskaplike navorsing<br />
beskou word, die verdere detailverfyning en aanwending van die<br />
heersende paradigma is. Beoefenaars van die wetenskap word ook<br />
aangemoedig om hulle met hierdie probleme besig te hou. 71 Kuhn sê:<br />
Other problems, including many that had previously been standard, are<br />
rejected as metaphysical, as the concern of another discipline, or<br />
sometimes as just too problematic to be worth the time. 72<br />
Waar wetenskap behoort te mik op die verwerwing van nuwe kennis<br />
en insig, vind ons hier dat die getroue dien van die bestaande<br />
paradigma dikwels juis die teenoorgestelde uitwerking het:<br />
akademiese onverdraagsaamheid, tirannie en uiteindelik ’n kennis- en<br />
insigverstopping. ’n Paradigma funksioneer dus soos ’n ideologie<br />
aangesien dit die denkrigting en die strekking van die wetenskaplike<br />
werk van die beoefenaars van die betrokke wetenskap bepaal. Kuhn<br />
verwys ook na hierdie insigblokkasie wanneer hy sê:<br />
A paradigm can for that matter, even insulate the community from those<br />
socially important problems that are not reducible to the puzzle form, 73<br />
67 Kuhn (n 49 hierbo) 24.<br />
68<br />
Kuhn (n 49 hierbo) 24.<br />
69 Kuhn (n 49 hierbo) 35-36.<br />
70 Kuhn (n 49 hierbo) 35.<br />
71<br />
Kuhn (n 49 hierbo) 37.<br />
72 Kuhn (n 49 hierbo) 37.<br />
73 Puzzle solving — legkaartbou — is die bereik van ʼn reeds bekende antwoord deur<br />
middel van ʼn verskeidenheid van ander metodes. Volgens Kuhn (n 49 hierbo) 35-<br />
36 is dit die mees tipiese aktiwiteit van normale wetenskap.
Die staatlike paradigma 121<br />
because they cannot be stated in terms of the conceptual and<br />
instrumental tools the paradigm supplies. 74<br />
Die verfyning van ’n paradigma lei tot professionalisme, die<br />
ontwikkeling van esoteriese vaktaal, ’n ongekende beperking van die<br />
wetenskaplike se visie, asook tot weerstand teen paradigmaverandering.<br />
75<br />
Vanweë die feit dat die beoefenaars van wetenskap hulle met die<br />
fyn besonderhede van die paradigma besig hou, word die<br />
onderliggende aannames van die paradigma dikwels uit die oog<br />
verloor. Wetenskaplikes besef dikwels nie eens dat hulle die dienaars<br />
van ’n bepaalde paradigma (met ’n hele vrag waardes en ideologie) is<br />
nie:<br />
Though many scientists talk easily and well about the particular<br />
individual hypotheses that underlie a concrete piece of current<br />
research, they are little better than laymen at characterizing the<br />
established bases of their field, its legitimate problems and methods. 76<br />
Ofskoon die wetenskaplike in sy eie oë objektief en onpartydig te<br />
werk gaan, is hy in die laaste instansie die niksvermoedende herhaler<br />
van dogma en die verfyner en afronder van ideologie. 77<br />
Nuwe stof waarmee die wetenskaplike werk — nuwe ontdekkings 78<br />
en nuwe teorie 79 — bring aan die lig dat die heersende paradigma deur<br />
anomalieë geteister word, of anders gestel, dat die heersende<br />
normale wetenskap nie opgewasse is om nuwighede te hanteer en te<br />
verklaar nie. Indien gering, kan nuwe ontdekkings en teorie deur<br />
middel van geleidelike aanpassings in die bestaande paradigma<br />
geakkommodeer word.<br />
Die onvermoë van normale wetenskap om nuwe stof binne die<br />
bekende paradigma te hanteer, lei dikwels tot verklaarde<br />
74 Kuhn (n 49 hierbo) 37.<br />
75<br />
Kuhn (n 49 hierbo) 64.<br />
76 Kuhn (n 49 hierbo) 47.<br />
77 Basson en Viljoen (n 7 hierbo) 1-4 maak aanspraak op ʼn individuele hipotese<br />
ingevolge waarvan hulle wetenskap sou beoefen, deur te verklaar dat hulle<br />
waarde georiënteerde, in teenstelling met positivistiese staatsreg sou beoefen. In<br />
die eerste plek is die twee benaderings natuurlik nie teenoor mekaar te stel nie,<br />
omdat positivisme swaar aan sy eie waardes dra. Tweedens bring die waardes<br />
waarna die skrywers verwys hulle nie verder as kritiese opmerkings teen die<br />
destydse apartheidstelsel wat in Suid-Afrika toegepas is nie. Die res van die<br />
skrywers se arbeid is ʼn oefening in tipiese konserwatiewe normale wetenskap.<br />
Geen aanduiding is te vinde van enige besef — wat staan nog ongemak of kritiek —<br />
dat hulle getroue diensknegte van die staatlike paradigma is nie.<br />
78<br />
Kuhn bespreek die verskynsel van nuwe wetenskaplike ontdekkings uitvoerig. Hy<br />
toon aan dat dit nie eensklaps gemaak word nie en wys ook uit dat daar ʼn<br />
weerstand teen nuwe ontdekkings is omdat dit nie deur die bekende paradigma<br />
hanteer kan word nie. Sien Kuhn (n 49 hierbo) 53-55.<br />
79 Kuhn (n 49 hierbo) 66.
122 Hoofstuk 5<br />
professionele onveiligheid 80 en dompel die heersende paradigma en<br />
sy aanhangers in ’n wetenskaplike krisis. Vir solank daar nie ’n nuwe<br />
alternatiewe teoretiese raamwerk ontwikkel word aan die hand<br />
waarvan die nuwe stof wat die krisis veroorsaak het, hanteer kan word<br />
nie, vind ons die merkwaardige verskynsel dat die beoefenaars van<br />
normale wetenskap geensins op die krisis reageer nie. Die heersende<br />
paradigma bestaan eenvoudig voort op grond van sy historiese<br />
momentum, ten spyte van sy bewese onvermoë om nuwe teorie en<br />
ontdekkings te hanteer. Die beoefenaars van die normale wetenskap<br />
wat in gelid met die ou paradigma beweeg het, gaan ook soos tevore<br />
op die ou trant voort, in weerwil van die feit dat die ou paradigma nie<br />
meer geloofwaardig die pas kan aangee nie.<br />
Vir solank ’n plaasvervanger vir die bestaande paradigma nog nie<br />
na vore getree het nie, word daar eenvoudig aan die bestaande<br />
paradigma geklou ongeag die erns van die krisis waaraan dit<br />
uitgelewer is. Wetenskaplikes probeer in hierdie omstandighede om<br />
deur krisisbestuur die probleme van die bestaande paradigma te<br />
verlig.<br />
They will devise numerous articulations and ad hoc modifications of<br />
their theory in order to eliminate any apparent conflict. 81<br />
Die rede waarom dit gebeur is dat wetenskaplike navorsing sonder die<br />
aannames van ’n paradigma onmoontlik is. Daar moet dus in die<br />
afwesigheid van ’n nuwe paradigma noodwendig by die oue, hoe<br />
gebrekkig ook al, gehou word.<br />
Wanneer ’n basisteorie die status van ’n paradigma verwerf het,<br />
verbeur dit sy status eers wanneer ’n plaasvervanger beskikbaar is.<br />
Die besluit om een paradigma te verwerp, sê Kuhn, gaan altyd<br />
gepaard met die aanvaarding van ʼn nuwe: ‘The decision to reject one<br />
paradigm is always simultaneously the decision to accept another.’ 82<br />
Uiteraard lei nie alle anomalieë, teenstrydighede en die<br />
onvermoë van ’n paradigma om situasies te hanteer tot paradigmakrisisse<br />
nie. Sodra ’n anomalie egter eers beleef word as nie bloot een<br />
van die vrae van normale wetenskap nie, maar ’n vraag — ’n raaisel —<br />
wat nie kragtens die aannames van die heersende paradigma hanteer<br />
kan word nie, neem ’n krisis ’n aanvang en begin daar ’n proses van<br />
buitengewone wetenskap. Die anomalie se bestaan word dan wyd<br />
erken en toenemende aandag word ook deur die gewigtigste<br />
beoefenaars van die betrokke wetenskap aan die probleem gewy. Die<br />
80 Kuhn (n 49 hierbo) 67-68.<br />
81<br />
Kuhn (n 49 hierbo) 78.<br />
82 Kuhn (n 49 hierbo) 77.
Die staatlike paradigma 123<br />
oplossing van die anomalie kan selfs die hooftema van die betrokke<br />
wetenskap word. 83<br />
Wanneer ’n nuwe paradigma sy posisie gevestig het, het dit tot<br />
gevolg dat die substraat — die ru-stof — van die betrokke wetenskap<br />
herkonstrueer is en heeltemal nuut beskou word en ook dat sommige<br />
van die betrokke wetenskaplike dissipline se mees elementêre<br />
teoretiese veralgemenings, konsepte en toepassings ingrypend<br />
verander. Wanneer die paradigma-omwenteling voltooi is, sal die<br />
professie sy beskouing oor die veld, die metodes en die oogmerke van<br />
die wetenskap geheel en al verander het. Die vestiging van ’n nuwe<br />
paradigma bring mee, sê NR Hanson dat:<br />
... the handling of the same bundle of data as before, but placing them<br />
in a new system of relations with one another by giving then a different<br />
framework. 84<br />
Met die oorwinning van die nuwe paradigma is ’n wetenskaplike<br />
rewolusie voltrek. Die rewolusie behels ’n nie-kumulatiewe<br />
ontwikkelingsepisode waartydens ’n ou paradigma geheel of deels<br />
deur ’n nuwe vervang word. 85 Kuhn verdedig sy gebruik van die<br />
politieke metafoor van rewolusie in die onderhawige konteks deur die<br />
ooreenkoms tussen ’n wetenskaplike en ’n politieke rewolusie toe te<br />
lig. By albei is daar bestaande instellings wat verandering en die<br />
aankoms van ’n nuwe situasie probeer verhinder. Die sukses van die<br />
rewolusie hang dus af van die aftakeling van ’n aantal<br />
wanfunksionerende instellings en die vervanging daarvan met<br />
nuwes. 86 Die politieke metafoor is ook gepas vanweë die feit dat die<br />
wetenskaplike gemeenskap in twee partye verdeel is wat betref<br />
lojaliteit teenoor onderskeidelik die ou paradigma en die nuwe<br />
aanspraakmaker.<br />
Wat myns insiens egter die mees tersaaklike rede is vir die tipering<br />
van ’n wetenskaplike omwenteling as ’n rewolusie, is dat die<br />
verandering wat plaasvind geskied buite-om die reëls van die<br />
‘konstitusie’ van die bestaande paradigma. Soos Kuhn ons gepas<br />
herinner:<br />
Political revolutions aim to change political institutions in ways that<br />
those institutions themselves prohibit. 87<br />
83<br />
Kuhn (n 49 hierbo) 82-83.<br />
84 NR Hanson (1983) Patterns of Discovery aangehaal deur Kuhn (n 49 hierbo) 82.<br />
85 Kuhn (n 49 hierbo) 92.<br />
86<br />
Kuhn (n 49 hierbo) 92.<br />
87 Kuhn (n 49 hierbo) 93.
124 Hoofstuk 5<br />
’n Nuwe paradigma bring nuwe relevante wetenskaplike probleme<br />
na vore en beslis dat ander wat vroeër relevant was, nou verval. 88<br />
Paradigmadebatte handel ook oor welke probleme ter sake is en<br />
oplossings vereis. Dit is ’n waardekwessie wat slegs aan die hand van<br />
buite-wetenskaplike voorkeure en oordele beantwoord kan word. 89<br />
’n Wetenskaplike rewolusie bring mee dat die wetenskaplike die<br />
wêreld nou anders sien, dat die skille van sy oë afval, en dat daar vir<br />
die eerste maal vir hom lig opgaan. 90<br />
Die sukses van ’n wetenskaplike rewolusie word grootliks bepaal<br />
deur ’n klein aantal rewolusionêre wetenskaplikes wat hulle aandag<br />
intens toespits op die faktore wat tot die krisis in die bestaande<br />
paradigma gelei het. Hierdie wetenskaplikes is dikwels ook so jonk of<br />
so nuut in die betrokke dissipline dat hulle nog nie so stewig deur die<br />
reëls van die bestaande paradigma gebind word nie. 91<br />
Ondanks die feit dat ’n nuwe paradigma mag seëvier, word talle<br />
ortodokse wetenskaplikes nooit tot die nuwe paradigma oorreed nie.<br />
Daarom is dit ook so dat ’n nuwe paradigma dikwels nie die oorhand<br />
kry omdat ortodokse wetenskaplikes tot die nuwe paradigma<br />
oorgehaal word nie, maar bloot omdat die ortodokses mettertyd hulle<br />
posisies prysgee en met ’n nuwe geslag wetenskaplikes, wat die nuwe<br />
paradigma aanhang, vervang word. 92 Die ou generasie glo ook dikwels<br />
steeds vas dat die ou paradigma waarin hulle getoë is, tog nog daarin<br />
sal slaag om sy onbehendigheid, wat hom in die krisis laat beland het,<br />
te bowe te kom. ’n Ander manier waarop daar op so ’n paradigmakrisis<br />
reageer word (anders as om die beloftes van die nuwe<br />
paradigma aan te gryp), is dat die gevolgtrekking gemaak word dat die<br />
probleem waarmee die bestaande paradigma te kampe het so<br />
kompleks is, dat dit nie opgelos kan word nie en om dan die probleem<br />
op die rak te plaas sodat ’n toekomstige geslag daarmee kan handel. 93<br />
Dit beteken dat die probleem eenvoudig vermy word.<br />
Aan die ander kant is die aangryp van ’n nuwe paradigma dikwels<br />
’n geloofsdaad. Die nuwe paradigma word aangegryp nog voordat daar<br />
genoegsame bewyse vir die sukses daarvan bestaan, en bloot in die<br />
geloof dat dit daarin sal slaag om die probleme waardeur dit in die<br />
gesig gestaar word, die hoof sal bied. 94<br />
88<br />
89<br />
Kuhn (n 49 hierbo) 103.<br />
Kuhn (n 49 hierbo) 110. Beerling (n 44 hierbo) 152 verduidelik dat hierdie buitewetenskaplike<br />
waarde-oordele veral die rigting van die toegepaste wetenskappe<br />
90<br />
91<br />
92<br />
93<br />
94<br />
(en dus ook die regswetenskap) bepaal.<br />
Kuhn (n 49 hierbo) 122-123.<br />
Kuhn (n 49 hierbo) 144.<br />
Kuhn (n 49 hierbo) 150-151.<br />
Kuhn (n 49 hierbo) 84.<br />
Kuhn (n 49 hierbo) 158.
Die staatlike paradigma 125<br />
Sheldon Wolin meen dat daar ’n verskil tussen<br />
natuurwetenskaplike en politiekwetenskaplike paradigmas bestaan<br />
vir sover eersgenoemde geneig is om paradigmawisselings te verbloem<br />
en sodoende die indruk van kontinuïteit skep, in teenstelling met<br />
politiekwetenskaplike paradigmas waar die klem op neologismes en<br />
diskontinuïteit geplaas word. 95 Politieke teorie fokus dus nie op<br />
normale wetenskap, oftewel op die verfyning, uitwerk en toepas van<br />
’n bestaande teorie nie. 96<br />
Die regswetenskap, en by name die staatsreg en verwante<br />
dissiplines, is egter vanweë die feit dat dit toegepaste wetenskappe<br />
is, ingebed in ’n enkele politiek-teoretiese paradigma en is ingestel<br />
op die verfyning en benutting van die moontlikhede van daardie<br />
paradigma. Die staatlike paradigma wat weens die bespreekte<br />
politiek-teoretiese werk in die sestiende en sewentiende eeue beslag<br />
gekry het (sien hoofstuk 4), het, soos daar in die eerste gedeelte van<br />
hierdie hoofstuk verduidelik is, die grense van groot dele van die<br />
regswetenskap afgebaken. Die paradigma bepaal die doelstellings wat<br />
verwesenlik moet word en tegelyk plaas dit ’n verbod op ander<br />
doelstellings as wetenskaplik onverantwoordbaar en irrelevant. Die<br />
paradigma lê ook die reëls neer wat gevolg moet word om die<br />
doelstellings wat die paradigma daargestel het, te bereik. Die<br />
paradigma reël ook ander metodes om die doelstelling te bereik buite<br />
orde. Die beginsels wat in die paradigma vervat is, gee ook alreeds<br />
inhoud aan die antwoorde op die vrae wat binne die raamwerk van die<br />
paradigma gestel is.<br />
In die hoofstukke wat volg, kry kernaspekte van die staatlike<br />
paradigma aandag. Hoofstuk 6 behandel staatsbou wat onder die<br />
bedrieglike vaandel van nasiebou vaar. Staatsbou is ’n grondliggende<br />
strategie van die staatlike paradigma. Die doelwit daarvan is om<br />
individuele identiteit te verstaatlik. Daar word aangetoon hoe<br />
juridiese kategorieë vir hierdie doel aangewend word. Hoofstuk 7<br />
fokus op demokrasie en demokratiese teorie en verduidelik hoe<br />
demokrasie, wat die potensiaal het om die bestaande staatlike orde<br />
onder druk te plaas, met behulp van teoretisering volgens die<br />
staatlike paradigma in belang van staatlikheid mak gemaak<br />
(gedomestiseer) is en uiteindelik in diens van staatlike identiteit<br />
geplaas is. Teoretisering oor demokrasie ingevolge die staatlike<br />
paradigma het ’n eksklusiewe definisie aan demokrasie gegee om<br />
sodoende die vereistes van staatlikheid te dien. Daarenteen is ander<br />
inhoude wat aan demokrasie toegedig kan word, ofskoon dit ’n sterker<br />
aanspraak op outentieke demokrasie het, gesensureer omdat dit<br />
95 Wolin (n 49 hierbo) 141-142.<br />
96 Wolin se siening is m.i. aanvegbaar. Politieke filosofie vaar dikwels onder die<br />
vaandel van staatsfilosofie wat, ofskoon dit ʼn verskeidenheid van teorieë mag<br />
omvat, tog ’n enkele paradigmatiese fokuspunt, naamlik die staat, het.
126 Hoofstuk 5<br />
staatlikheid kan ontwrig. Hoofstuk 8 handel oor menseregte. Daarin<br />
word aangetoon dat ofskoon menseregte voorgee om die staat — in die<br />
vorm van die regering — aan bande te lê, dit uiteindelik meewerk tot<br />
die versterking van die staat en die verergering (en normalisering) van<br />
individuele en groepsafhanklikheid van die staat. In hoofstuk 9 word<br />
twee algemene regskonsepte behandel wat tekenend is van hoe daar<br />
binne die regswetenskap juridiese strategieë in werking gestel word<br />
ten einde die staatlike orde te dien. Eerstens word stilgestaan by<br />
hoogverraad en dan by die internasionaalregtelike regsposisie<br />
rakende territoriale integriteit en ooreenstemmende beperkings op<br />
selfbeskikking en sesessie. In hoofstuk 10, onder die opskrif<br />
Politokrasie, word gepoog om ʼn orde anderkant staatlikheid te<br />
bedink.
HOOFSTUK<br />
6<br />
STAATLIKE IDENTITEIT:<br />
DIE STERFLIKE GOD KRY<br />
’N GEMEENTE VAN<br />
AANBIDDERS - DIE NASIE<br />
1 Staatsbou gedrapeer as nasiebou – Hobbes,<br />
Rousseau en daarna<br />
Die universalisme van die Middeleeue 1 het nie vir nasionaliteit of<br />
nasionalisme plek gemaak nie. Trouens, nasionaliteit en nasionalisme<br />
was in die agtiende eeu nog nie ’n noemenswaardige faktor nie. Die<br />
universalisme het wel plek gemaak vir dinastiese state en hul vorste. 2<br />
Die dinastie het die politieke posisie wat vroeër deur godsdiens vervul<br />
is, ingeneem. Politieke lojaliteit is voortaan primêr aan die vors<br />
betoon. Hierdie lojaliteit was egter merkbaar swakker as die<br />
emosioneel gelaaide godsdienstige lojaliteit van weleer. Hans Kohn<br />
verduidelik in sy groot werk oor die nasionalisme:<br />
The new loyalty lacked the emotional fervor of religion; the State<br />
without the inner glow of religion or nationalism was a ‘cold monster.’<br />
Thus the century from 1650 to 1750 was deeply rationalistic in its<br />
politics. 3<br />
Die Hobbesiaanse staat van hierdie era — die Leviatan of sterflike god<br />
— is koud, terughoudend en afsydig. Hy tree na vore in die geval van<br />
individuele konflik, vervul sy skeidsregtersrol en tree daarna weer<br />
terug. Al wat hy van sy onderdane vereis, is om hulle te weerhou van<br />
pogings om hom te ontsetel en om relatiewe vrede met ander<br />
individue te handhaaf. Wat die onderdaan se identiteit is, hoe die<br />
onderdaan hom in afsondering gedra en wat sy oortuigings is, gaan<br />
Leviatan eintlik nie aan nie. Leviatan vereis nie van sy onderdane om<br />
na sy beeld herskep te word nie en hy lê ook nie in enige<br />
noemenswaardige mate reëls vir private individuele gedrag neer nie.<br />
Hy is ’n koue monster wat vrede met sy onderdane het, solank sy<br />
onderdane in vrede met hom en met sy ander onderdane leef.<br />
1 Hierdie aspek is in hoofstuk 2 behandel.<br />
2<br />
H Kohn The Idea of Nationalism (1944) 188.<br />
3 Kohn (n 2 hierbo) 188.<br />
127
128 Hoofstuk 6<br />
Teenoor sy onderdane is hy oorwegend passief en nie die drywer van<br />
enige ideologiese programme nie.<br />
Die konstruksie van die staat het die bou van die nasie (nasie hier<br />
natuurlik juis in die staatlike sin) voorafgegaan. 4 Die tipiese verloop<br />
van gebeure was dat die staat eerste ontstaan het en dat die nasie<br />
daarna binne die politieke raamwerk van die staat beslag gekry of<br />
wasdom bereik het. 5 Alternatiewelik, dat die staat en die nasie<br />
gelyktydig groei, maar dat die staat handelend deur sy organe die<br />
aktiewe agent in die groeiproses is. 6<br />
Dit was nie net in Europa waar state eerste tot stand gekom het<br />
en nasies daarna binne die staatsraamwerke gevorm is nie. Dieselfde<br />
proses het ook in ander dele van die wêreld — ook in Afrika —<br />
voorgekom. Die duidelikste en mees permanente nalatenskap van die<br />
Europese politieke heerskappy in Afrika is die voorkoms van die<br />
politieke kaart. Die staatsgrense in Afrika is feitlik deurgaans die<br />
produk van die koloniale moondhede se bedrywighede in Afrika in die<br />
19de en vroeg 20ste eeue. 7 Hierdie grense is arbitrêr ooreenkomstig<br />
die behoeftes en in ooreenstemming met die magsverhoudings tussen<br />
die eertydse koloniale meesters getrek, sonder inagneming van die<br />
wense van die inwoners van Afrika wat die intiemste deur die<br />
grensvasstellings getref is. Afrika se staatsgrense is tussen Europese<br />
moondhede uitbaklei, of in Westerse hoofstede by wyse van<br />
ooreenkomste tussen koloniale moondhede beklink. Afrika het niks<br />
daarmee te doen gehad nie. Dit is binne hierdie arbitrêre grense<br />
waarin steeds gewroeg word om nasies te probeer bou:<br />
The stabilization of the nation state (often built on old colonial<br />
bureaucratic infrastructures) occurred for the most part without grassroots<br />
participation or any form of democratic debate. 8<br />
Teen hierdie agtergrond is dit inderdaad korrek om te sê dat nasies in<br />
Afrika slegs in ’n geografiese sin bestaan en glad nie in ’n kulturele of<br />
taalkundige sin nie. 9<br />
4 CJ Friedrich Man and his Government: An empirical Theory of Politics (1963) 547.<br />
Daar is natuurlik uitsonderings soos die Duitse nasie wat die totstandkoming van<br />
die Duitse staat voorafgegaan het.<br />
5 Friedrich (n 4 hierbo) 547.<br />
6<br />
Friedrich (n 4 hierbo) 548.<br />
7 Makua wa Mutua ‘Why redraw the map of Africa: A moral and legal inquiry’ (1995)<br />
16 Michigan Journal of International Law 1113–1176. Sien in die algemeen ook I<br />
Brownlie African Boundaries: a legal and diplomatic encyclopaedia (1979).<br />
8 J Franco ‘The Nation as Imagined Community’ in HA Veeser (red) The New<br />
9<br />
Historicism Routledge (1989) 205; Raadpleeg verder Makua wa Mutua (n 7 hierbo).<br />
AJ Venter ‘Questions of National Identity in Post Apartheid South Africa’ Konrad<br />
Adenhauer Stiftung Occasional Papers (1998) 13.
Staatlike identiteit die Sterflike God kry ’n gemeente van aanbidders - Die Nasie 129<br />
Dieselfde geld vir Suid-Afrika wat met sy totstandkoming in 1910<br />
’n staat sonder ’n nasie was. 10 Die onderlinge hegte bande van<br />
gemeenskaplikheid wat betref taal, kultuur, afkoms, gemeenskaplike<br />
historiese bewussyn en dies meer, wat die noodsaaklike vereistes vir<br />
nasieskap behoort te wees, was daarvoor net te swak of glad nie<br />
bestaande nie. Daar is trouens nog steeds nie ’n Suid-Afrikaanse nasie<br />
nie. 11 Die benaming Suid-Afrika verwys ook nie na ’n nasie nie, maar<br />
is ’n blote geografiese aanduiding. 12 Die opwinding van die tydperk na<br />
die grondwetlike skikking in 1994 en die uitgelate we are one-diskoers<br />
van ’n enkele reënboognasie het geheel en al geswig voor die<br />
dwingende realiteite van Suid-Afrika as ʼn wesenlik diep verdeelde<br />
samelewing sonder hegte nasieskap. Die veel-geroemde Suid-<br />
Afrikaanse grondwet wat byna kleuterlik as die beste in die wêreld<br />
besing is, en wat die grondslag moes bied vir ’n gemeenskaplike<br />
nasieskap gebou op ’n grondwetlike patriotisme het eweneens nie die<br />
nasieskap opgelewer wat dit veronderstel was om te doen nie.<br />
In die afwesigheid van ’n nasie en ’n staatsbevolking wat lojaal<br />
teenoor die staat is en ook onderlinge bande van gemeenskaplikheid<br />
ervaar, is die staat slegs ’n meganistiese werktuig vir die doel van<br />
regering en vir die handhawing van vrede tussen individue. Staatlike<br />
denke vanaf die sestiende eeu maar veral sedert die agtiende eeu is<br />
egter nie met hierdie skugter en afsydige meganistiese staat tevrede<br />
nie. Dit poog naamlik om vir die staat ’n nuwe korporatiewe<br />
grondslag, ’n nuwe korporatiewe mistiek, as ’n heilige entiteit in eie<br />
reg te skep. Die nuwe korporatiewe grondslag is die nasie. 13<br />
Hiervolgens moet die staat nie net ’n institusionele struktuur, oftewel<br />
’n regeringswerktuig in ’n gedefinieerde gebied, wees nie, ook nie<br />
slegs die beskikker oor die hoogste legitieme mag binne ’n bepaalde<br />
gebied nie. Nee, die staat vereis ook ’n substruktuur — ’n sosiokulturele<br />
grondslag — ’n gemeenskaplike band of sentiment wat in die<br />
nasie gevind word. 14<br />
10 JJ Degenaar ‘Nations and nationalism: The myth of a South African nation’ (1993)<br />
40 Idasa Occasional Paper 4; J Gagiano J ‘The Contenders’ in WP Esterhuyse en P<br />
du Toit P (reds) The Myth Makers: The elusive bargain for South Africa’s future<br />
(1990) 32 verduidelik dat Suid-Afrika nie ʼn gemeenskap, hetsy pluraal of<br />
andersins is nie, dog eerder ʼn universum van gefragmenteerde groepe wat<br />
dieselfde politieke, sosiale en ekonomiese ruimte binne ʼn gemeenskaplike<br />
geografiese gebied beset.<br />
11 HB Giliomee ‘Nation-building: liberal, libertarian and pluralist approaches’<br />
Ongepubliseerde lesing (1990) 6. ’n Voormalige Suid-Afrikaanse staatshoof, Thabo<br />
Mbeki, verklaar op 29 Mei 1998 in ’n parlementêre toespraak dat Suid-Afrika nie<br />
een nie maar twee nasies het: ’n blanke en ’n swarte. Venter (n 9 hierbo) 1, 2<br />
gaan ook uit van die veronderstelling van die nie-bestaan van ’n Suid-Afrikaanse<br />
nasie.<br />
12 Venter (n 9 hierbo) 2.<br />
13<br />
Friedrich (n 4 hierbo) 554.<br />
14 Friedrich (n 4 hierbo) 555.
130 Hoofstuk 6<br />
Die Middeleeuse Republica Christiana het as politieke<br />
konfigurasie uiteindelik die knie voor die staat as die nuwe primêre<br />
politieke struktuur gebuig. Godsdiens het as primêre politieke<br />
identiteit binne die Republica Christiana egter nog nie binne die<br />
nuwe staatlike struktuur ’n alternatiewe identiteit opgelewer wat by<br />
die nuwe staatlike struktuur gepas het en die staatlike struktuur<br />
onderskraag het nie. Om dit anders te stel, Hobbes se sterflike god het<br />
nog nie ʼn gemeente van aanhangers en aanbidders gehad nie. Die<br />
sterflike god was nog eensaam en het nog nie ’n lojale en prysende<br />
volk gehad wat om hom heen versamel het nie.<br />
’n Staatsondersteunende burgerlike godsdiens, oftewel ideologie,<br />
het egter weldra, danksy die werk van onder andere Francois<br />
d’Aguesseau en Jean Jacques Rousseau, sy verskyning gemaak. Dit het<br />
konkrete beslag gekry in die Franse rewolusie rondom figure soos<br />
Sieyès en natuurlik die Jakobynse totalitarisme van Robespierre en<br />
Saint-Just. Dit leef vandag nog voort in grootliks gediskrediteerde 15<br />
nasiebouprojekte.<br />
Prototipiese nasiebouprojekte is ook gestimuleer deur<br />
veranderings in die sosiale werklikheid. Feodalisme was besig om<br />
onder die druk van sosiale en ekonomiese kragte te disintegreer. Die<br />
ou konsep en realiteit van die samelewing gebaseer op individuele<br />
immobiliteit en onveranderde status weens die permanente<br />
lidmaatskap van stande het begin plek maak vir die abstrakte<br />
individuele mens. 16 Vroeër was klein geografies gebonde groepe en<br />
feodale stande waarbinne ’n individu gebore is en sy hele lewe lank<br />
gebly het (saam met godsdiens) die primêre bron van individuele<br />
identiteit. Die situasie het egter verander en mettertyd was daar net<br />
een raamwerk vir menslike aktiwiteit beskikbaar, naamlik die nasie.<br />
Die agteruitgang van godsdiens en die bevryding van die menslike<br />
gewete het die noodsaak vir ’n nuwe sekulêre sosiale moraliteit<br />
opgeroep. Die staat was nou die enigste beskikbare bron en sanksie<br />
van openbare moraliteit. 17<br />
Nasiebouprojekte het ’n rewolusionêre breuk met die tradisionele<br />
politiek verteenwoordig. Vroeër — in die Middeleeue — was die<br />
politiek ’n saak wat ver van die gewone mense verwyder was. 18<br />
Nasiebouprojekte verander dit alles. Dit behels die ideologiese<br />
mobilisasie en dissiplinering van alle individue, ongeag of hulle daarby<br />
betrek wil wees al dan nie. Die nuwe ideologiese politiek is reeds met<br />
die Calvinistiese radikalisme ingelui, 19 wat daarop gerig was om<br />
15<br />
16<br />
17<br />
18<br />
Giliomee (n 11 hierbo) 1.<br />
Kohn (n 2 hierbo) 226.<br />
JL Talmon The origins of totalitarian democracy (1970) 3-4.<br />
M Walzer The Revolution of the Saints: A Study in the Origin of Radical Politics<br />
19<br />
(1966) 4-6.<br />
Walzer (n 18 hierbo) 10-11.
Staatlike identiteit die Sterflike God kry ’n gemeente van aanbidders - Die Nasie 131<br />
omvattende en radikale verandering in die samelewing te<br />
bewerkstellig en in die proses ook almal by die projek te betrek.<br />
Terwyl Calvinistiese nasiebou gerig was op die voorbereiding van die<br />
mens vir die wêreld van die hiernamaals, het nasiebou wat verder in<br />
hierdie hoofstuk onder die soeklig is, slegs ’n sekulêre heer: die staat.<br />
Die oorsprong van rasioneel deurdagte projekte van nasiebou gaan<br />
terug na ’n toespraak van die Franse juris, D‘Aguesseau in 1715 ter<br />
geleentheid van die afsterwe van Louis XIV, waarin hy betoog dat die<br />
gesag van die vors en die gehoorsaamheid van die volk op ’n<br />
gemeenskaplike band, naamlik almal se liefde vir die vaderland,<br />
berus. Elke onderdaan moet ’n aktiewe betrokkenheid by die<br />
vaderland beleef, wat weer ’n gevoel van onderlinge broederskap<br />
tussen alle onderdane sal aankweek, byna asof almal tot dieselfde<br />
familie behoort. Die vaderlandsliefde moet tegelyk ’n soort selfliefde<br />
wees wat so intens is dat dit mettertyd individue se selfliefde<br />
oortref. 20<br />
Dis egter in die werk van Rousseau waarin die grondslae van<br />
nasiebou in besonderhede uitgewerk word. Hierdie stelling moet<br />
egter onmiddellik gekwalifiseer word, want ofskoon nasiebou en<br />
staatsolidariteit Rousseau se hoogste prioriteit is, is hy geensins ’n<br />
politieke filosoof van die omvangryke moderne territoriale staat nie.<br />
Wanneer Rousseau verduidelik wat gedoen moet word om die<br />
onderlinge bande tussen burgers te versterk en om onbreekbare<br />
bande tussen die staat en die burgery te bou ten einde aan die<br />
algemene volkswil uitdrukking te gee, doen hy dit teen die agtergrond<br />
van ’n klein politieke eenheid soos ’n stadstaat. Sy verwysingsraamwerk<br />
is deurlopend sy geboorte-polis, Genève, en nie die<br />
uitgestrekte en bevolkingsryke, en destyds prima-territoriale staat,<br />
Frankryk nie. Rousseau se koestering was altyd die plaaslike, die<br />
homogene en die partikuliere.<br />
In sy Sosiale Kontrak verduidelik hy dat ekonomiese en<br />
administratiewe oorwegings dit noodsaaklik maak dat die staat van<br />
beperkte omvang moet wees. Veel belangriker, egter, is die politieke<br />
regverdiging vir die beperkte omvang van die staat. Rousseau sê:<br />
The same laws will not suit so many various provinces, which, with their<br />
different customs and contrasting climates, cannot tolerate the same<br />
kind of government. Having different laws only creates misunderstanding<br />
and confusion among peoples who live under the same<br />
governors and are in continuous communication with one another ...<br />
Talents are hidden, virtues are ignored and vices remain unpunished<br />
when such multitude of men, who do not know one another, is brought<br />
20 H Kohn (n 2 hierbo) 205.
132 Hoofstuk 6<br />
together in the same place by one single seat of supreme<br />
administration. 21<br />
Oor die noodsaak dat die staat homogeen en van beperkte omvang<br />
moet wees, brei Rousseau soos volg verder uit:<br />
Which people, then, is fit to receive laws? I answer: a people which<br />
finding itself already bound together by some union of origin, interest or<br />
conviction ... a people in which every member may be known to all;<br />
where there is no need to burden any man with more than he can bear;<br />
a people which can do without other peoples and which other peoples<br />
can do without. 22<br />
Rousseau se voorkeur vir die homogene en die partikuliere is selfs nog<br />
duideliker in sy geskrif oor Pole. Hierin betreur hy die agteruitgang<br />
van partikuliere identiteit wat hy meen in sy tyd te bespeur was. In ’n<br />
gedeelte wat klink asof dit kommentaar op die eietydse<br />
verbruikersamelewing lewer, laat hy hom skerp daaroor uit:<br />
Today, no matter what people might say, there are no longer any<br />
Frenchmen, Germans or Spaniards, or even Englishmen, there are only<br />
Europeans. All have the same tastes, the same passions, the same<br />
manners, for no one has been shaped along national lines by peculiar<br />
institutions. All in the same circumstances, will do the same things; all<br />
will call themselves unselfish and be rascals; all will talk about the<br />
public welfare, and think only of themselves; all will praise moderation,<br />
and wish to be as rich as Croesus. They have no ambition but for luxury,<br />
they have no passion but for gold; sure that money will buy them all<br />
their hearts desire, they all are ready to sell themselves to the first<br />
bidder. What do they care what master they obey, under the laws of<br />
what state they live? Provided that they can find money to steal and<br />
women to corrupt, they feel at home in any country. 23<br />
Dienooreenkomstig moedig hy die Pole aan om alles wat Pools is te<br />
koester en te vereer. 24 Ook hier betoog Rousseau dat ’n groot staat<br />
ongewens is, dat klein state vanweë hulle beperkte omvang voorspoed<br />
geniet en dat alle burgers mekaar behoort te ken. 25 Hy verduidelik<br />
ook aan sy Poolse lesers dat hulle staat heeltemal te groot is en dat<br />
dit vir administratiewe doeleindes in ’n aantal beheerbare republieke<br />
21 JJ Rousseau The Social Contract (Engelse vertaling en inleiding deur M Cranston)<br />
22<br />
23<br />
(1968) 91-92.<br />
Rousseau (n 21 hierbo) 95.<br />
JJ Rousseau Considerations on the government of Poland and on its proposed<br />
24<br />
25<br />
reformation (Engelse vertaling en redigering deur F Watkins) (1953) 168-169.<br />
Rousseau (n 23 hierbo) 171.<br />
Rousseau (n 23 hierbo) 181-182.
Staatlike identiteit die Sterflike God kry ’n gemeente van aanbidders - Die Nasie 133<br />
(onder die oorkoepelende maar indirekte gesag van die Poolse vors)<br />
verdeel moes word. 26<br />
In sy konstitusionele projek vir Korsika deel Rousseau sy lesers<br />
mee dat demokrasie — een van die sleutel-elemente van sy politieke<br />
werk — nie in ʼn omvangryke territoriale staat haalbaar is nie.<br />
Demokrasie, wat vir Rousseau per definisie direkte demokrasie<br />
beteken, is slegs in ’n klein politieke eenheid haalbaar waar al die<br />
burgers gelyktydig kan byeenkom. 27<br />
Dit is duidelik dat Rousseau allermins die filosoof van die<br />
territoriale staat is. Trouens, soos uit die aangehaalde gedeeltes blyk,<br />
stel hy homself juis teenoor die territoriale staat waarin burgerskap<br />
’n gebrekkige bestaan voer en waarin mense slegs as individue en juis<br />
nie as burgers nie, leef. Rousseau is by uitnemendheid die eksponent<br />
van ’n hegte, bykans intieme republikanisme geskoei op die lees van<br />
die antieke Griekse stadstaat, 28 of dan ten minste van Rousseau se<br />
geromantiseerde beeld van sy geboortestad, Genève. 29<br />
Ander politieke denkers en politici wat binne die staatlike<br />
paradigma gestaan het, en in ooreenstemming daarmee gedink het,<br />
was egter ywerig om Rousseau se werk vanuit die konteks van die klein<br />
homogene polis as’t ware op die territoriale staat oor te plant en dit<br />
te gebruik met die oog op die ontwikkeling van ’n burgerlike en<br />
individuele identiteit volgens die eise van die territoriale staat.<br />
Vir Rousseau is die staat — die res publica — die hoogste deug. Alle<br />
optrede moet daarop gerig wees om die staat (hier is dit die polis) te<br />
versterk. Private sake moet minimale aandag kry en individue moet<br />
hul energie inwerp ter bevordering van die gemeenskaplike belang<br />
soos vergestalt in die staat. Dienooreenkomstig is die primêre (en<br />
standhoudende) individuele identiteit en status dié van<br />
staats(polis)burgerskap. Vóór enigiets anders is individue allereers<br />
burgers van die staat, wat hul energie in die belang van openbare sake<br />
wat almal raak, beskikbaar moet stel. Patriotiese deugde moet<br />
gekoester word en burgers moet konstant met die sake van die staat<br />
besig gehou word. Die vaderland, wat vir Rousseau weereens die polis<br />
is, moet burgers se primêre belang wees en hulle moet die welsyn van<br />
die vaderland deurlopend voor oë hou. 30<br />
26 Rousseau (n 23 hierbo) 182-183; 233.<br />
27 JJ Rousseau Constitutional project for Corsica (Engelse vertaling en redigering<br />
deur F Watkins) (1953) 286-287.<br />
28 Sien byvoorbeeld R Wolker Rousseau (1995) 55.<br />
29 Al Rousseau se werke getuig van sy hoë agting vir die republikeinse kultuur van<br />
Genève. Hy dra byvoorbeeld sy essay oor die oorsprong van ongelykheid aan<br />
Genève op. Sien JJ Rousseau A Discourse: What is the origin of inequality among<br />
men and is it authorized by natural law (Engelse vertaling en inleiding deur GDH<br />
Cole) (1963) 144-153, veral 144.<br />
30 Rousseau (n 23 hierbo) 170.
134 Hoofstuk 6<br />
Net soos die Middeleeuse Republica Christiana deur ’n bypassende<br />
politieke identiteit, naamlik Christenskap, onderskraag is, so<br />
noodsaak die nuwe politieke struktuur van die staat ook sy eie<br />
ondersteunende identiteit, naamlik dié van staatsburgerskap. Vir<br />
Rousseau is daar nie plek vir laizes faire-politiek nie. Daar moet ’n<br />
volgehoue program in werking wees om die staatlike<br />
burgerskapsidentiteit te ontwikkel en in stand te hou en om enige<br />
verwering, ondermyning of uitdaging daarvan die hoof te bied. Al die<br />
dinge moet gebeur om die integriteit en stabiliteit van die staat in<br />
stand te hou.<br />
Rousseau sê dat ofskoon individue dikwels die goeie raaksien,<br />
verwerp hulle dit desondanks. Dit gebeur ook gereeld dat die publiek<br />
die goeie begeer, maar nie daarin slaag om dit te identifiseer nie. In<br />
albei gevalle is leiding nodig:<br />
Individuals must be obliged to subordinate their will to their reason; the<br />
public must be taught to recognize what it desires. 31<br />
Uiteraard sal nie almal daarmee gediend wees om staatsburgerskap as<br />
die primêre element van hulle identiteit te aanvaar nie. Dit is<br />
moontlik dat andersoortige identiteite verkies sal word. Dáárvoor het<br />
Rousseau egter ’n antwoord. Sy projek is dwingend van aard. Die<br />
individu moet verander word. Hy móét ’n nuwe identiteit aanneem.<br />
Die staat se soeke na ’n nasie moet bevredig word. Maar dit is darem<br />
nie so erg as wat dit klink nie, want, beloof Rousseau, uiteindelik baat<br />
die individu by sy identiteitsverandering:<br />
Whoever ventures on the enterprise of setting up a people must be<br />
ready, shall we say, to change human nature, to transform each<br />
individual, who by himself is entirely incomplete and salutary, into a<br />
part of a much more greater whole, from which that same individual will<br />
then receive, in a sense, his life and his being. 32<br />
Die staat moet voorts so ingerig word dat individuele burgers<br />
maksimaal van die staat afhanklik gemaak word ten einde te verseker<br />
dat die sterkste moontlike bande tussen die staat en sy burgers<br />
gesmee word.<br />
Rousseau spreek hom uit teen die konsep van verteenwoordiging,<br />
wat reeds gedurende die Middeleeuse politiek goed gevestig was, 33<br />
aangesien dit die burgers van die sake van die staat verwyder en hulle<br />
kan afstomp. Wanneer burgers verteenwoordig word, bring dit mee<br />
dat hulle te veel geleentheid kry om aan private sake aandag te gee,<br />
31 Rousseau (n 21 hierbo) 83.<br />
32 Rousseau (n 21 hierbo) 84.<br />
33<br />
RW Carlyle A History of Medieval political theory in the West (1928) Vol V: 129,<br />
139; Vol VI: 89–110.
Staatlike identiteit die Sterflike God kry ’n gemeente van aanbidders - Die Nasie 135<br />
met die gevolg dat die belange van die staat verwaarloos word. In ’n<br />
gesonde republiek het alle burgers ’n regstreekse belang by die sake<br />
van die staat en daarom moet hulle persoonlik betrokke wees. Hoe<br />
beter die staat georganiseer is, des te meer geniet openbare sake by<br />
individuele burgers voorkeur bo hul eie private sake. Die openbare<br />
welsyn moet die aandag van die burgery trouens dermate in beslag<br />
neem dat die najaag van private geluk byna ongesiens agterweë bly.<br />
In die goed regeerde staat haas alle burgers hulle na die openbare<br />
forums, in plaas daarvan om die staatsake aan verteenwoordigers oor<br />
te laat. 34<br />
’n Opvoedkundige program moet geloods word met die oog op die<br />
aankweek en instandhouding van burgerskap. Die program moet<br />
daarop afgestem wees om die vaderland — vir Rousseau natuurlik<br />
steeds die polis — as die primêre waarde te bevorder en om die<br />
individuele burger van jongs af te deurweek met lojaliteit vir die<br />
staat. 35 Nasionale karakter is vir Rousseau die hoeksteen vir ’n<br />
gesonde staat en hy sê reguit dat wanneer dit ontbreek, dit eenvoudig<br />
geskep moet word:<br />
... each people has, or ought to have a national character; if it did not,<br />
we should have to start by giving it one. 36<br />
Rousseau se koestering vir die staat bepaal ook sy godsdienstige en<br />
ekonomiese opvattings. In die laaste hoofstuk van sy Sosiale Kontrak<br />
onder die opskrif, Burgerlike godsdiens, betreur Rousseau die breuk<br />
tussen godsdiens en politiek wat deur die Christendom teweeg gebring<br />
is. Die breuk het tot gevolg gehad dat die godsdiens die politiek — die<br />
sake van die staat — ontheilig het. Voor die koms van die Christendom<br />
was godsdiens ’n partikuliere verskynsel wat gevarieerd by elke<br />
gemeenskap ingeweef was en wat elkeen van daardie gemeenskappe<br />
met sy eie godsdiens op ’n eiesoortige wyse onderskraag het. Die<br />
Christelike godsdiens het daarenteen ’n universele appèl en kan<br />
daarom juis nie hierdie partikuliere onderskraging verleen nie. Dit<br />
staan eerder in ’n spanningsverhouding met die partikuliere politieke<br />
gemeenskap. Dit staan vyandig teenoor die staat omdat dit ’n niepolitieke<br />
en ander-wêreldse orde dien. 37 In belang van die staat was<br />
dit vir Rousseau noodsaaklik dat die politiek — die sake van die staat<br />
— weer ’n heilige karakter moet kry. Met die oog hierop het die staat<br />
’n behoefte aan ’n burgerlike godsdiens, oftewel sy eie mite wat die<br />
staat kon dien:<br />
34 Carlyle (n 33 hierbo) Vol V: 140-141.<br />
35 Rousseau (n 23 hierbo) 176-177.<br />
36<br />
Rousseau (n 27 hierbo) 293.<br />
37 Rousseau (n 21 hierbo) 176-183.
136 Hoofstuk 6<br />
There is thus a profession of faith which is purely civil and of which it is<br />
the sovereign’s function to determine the articles, not strictly as<br />
religious dogmas, but as expression of social conscience, without which<br />
it is impossible to be either a good citizen or a loyal subject. 38<br />
Met die denkarbeid van Rousseau kry Hobbes se Leviatan aanbidders,<br />
wat dit in die sewentiende eeu nog nie gehad het nie. 39 En saam met<br />
die sterflike god se aanbidders kom ook ’n burgerlike godsdiens.<br />
Uiteraard maak dit Hobbes se Leviatan veel sterker as wat Hobbes self<br />
ooit kon voorsien het.<br />
Rousseau se ekonomiese politiek pas in by sy politieke denke. Dit<br />
was nie daarop gemik om die akkumulasie van privaat rykdom te<br />
bevorder nie, maar om ’n vry en selfstandige nasie te skep. 40<br />
Dienooreenkomstig moet die staatshuishouding so ingerig word dat<br />
die interne kohesie van die burgery hegter gemaak, en die staat<br />
versterk word. Liefde vir die vaderland moet die dominante hartstog<br />
wees. Die najaag van private rykdom, weelde en gemak is nadelig vir<br />
die versterking en verinniging van vaderlandsliefde omdat dit<br />
privatisme aanwakker. Dit fokus individue se aandag op privaat<br />
voordeel en isoleer hulle van die vaderland. Die najaag van private<br />
rykdom moet daarom ontmoedig word. 41 ’n Waardestelsel gebou op<br />
die weelde- en praalkultuur moet bekamp word. Pleks daarvan moet<br />
nuwe republikeinse waardes gevestig word, wat ’n lae premie op<br />
privaat rykdom plaas. Anti-praalwette moet dié waarde-ommekeer<br />
bewerkstellig, maar dit is nie genoeg nie. Daar moet veral ’n<br />
diepliggende hartsverandering intree, 42 sodat burgers uit vrye wil<br />
geen hunkering meer na weelde sal hê nie. In plaas daarvan moet<br />
burgers die hoogste republikeinse waarde, naamlik diens aan die<br />
staat, beoefen. Wanneer so ’n waardeverandering gevestig is, sal die<br />
skaarsheidsbelewenis van ekonomiese kommoditeite ook verdwyn.<br />
Wat vroeër deur mense as skaars ervaar is, sal voortaan nie meer as<br />
skaars beleef word nie. 43 Die drang na materiële dinge sal dus laat<br />
vaar word. Rousseau vat die verwerping van die ywer na rykdom en<br />
die aangryp van republikeinse waardes, soos volg saam:<br />
... it is sufficient here to explain my idea, which is not to destroy<br />
property absolutely, since that is impossible, but to confine it within the<br />
narrowest possible limits; to give it a measure, a rule, a rein that will<br />
38 Rousseau (n 21 hierbo) 186.<br />
39<br />
Rousseau het nie alleen gestaan in sy pleidooi vir ʼn burgerlike godsdiens nie. Dit<br />
was tipies van die Verligtingsfilosofie. Soos Rousseau het ander van sy tydgenote<br />
ook geleer dat ʼn mens nie gelyktydig ʼn goeie burger en ʼn Christen kon wees nie.<br />
Sien JL Talmon (n 17 hierbo) 21-24.<br />
40 Rousseau (n 23 hierbo) 224.<br />
41 Rousseau (n 23 hierbo) 174.<br />
42<br />
Rousseau (n 23 hierbo) 14-175.<br />
43 Rousseau (n 23 hierbo) 230.
Staatlike identiteit die Sterflike God kry ’n gemeente van aanbidders - Die Nasie 137<br />
contain, direct and subjugate it, and keep it ever subjugate to the<br />
public good. 44<br />
Wanneer hierdie waardeverandering eers voltrek is, sal die<br />
genoegdoening wat burgers uit die diens aan die staat verkry, burgers<br />
se rykste beloning wees. Die nuwe waardes sal meebring dat daar by<br />
die najaag van privaat rykdom geen baat meer gevind kan word nie.<br />
Die konsep waarvoor Rousseau waarskynlik die bekendste is, is die<br />
volente generale. Waar soewereiniteit vanaf die dae van Bodin in die<br />
vors setel, leer Rousseau dat die algemene (volks)wil soewerein moet<br />
wees. Besluite mag slegs op sterkte van die algemene wil geneem<br />
word, want die algemene wil is soewerein. 45<br />
Rousseau se opvatting oor die algemene wil is die sleutel tot sy<br />
beskouing oor gelykheid en verduidelik tegelyk sy hewige afkeur van<br />
enige sweem van pluralisme. Dit is ook Rousseau se algemene wil wat<br />
tot ’n volskaalse totalitarisme ontwikkel het.<br />
Die algemene wil is die uitdrukking van die gemeenskaplike<br />
openbare belang. Hierdie wil is altyd reg en regverdig en dien altyd<br />
die openbare belang. Die algemene wil is egter nie noodwendig uit die<br />
meerderheid se wil af te lei nie. Trouens, selfs al is daar volledige<br />
eenstemmigheid oor ’n bepaalde saak, beteken dit nog steeds nie dat<br />
dié eenstemmigheid noodwendig ’n uitdrukking van die algemene wil<br />
is nie, want, redeneer Rousseau, individue jaag altyd die<br />
verwesenliking van persoonlike voordeel na en besef dikwels nie dat<br />
hulle oorhoops met die algemene wil is nie. Dit kan gevolglik gebeur<br />
dat die eenstemmige wil bloot ’n versameling van individuele wille is<br />
wat individuele belang najaag en die algemene wil verwaarloos.<br />
Mense word dikwels mislei, sê Rousseau, en die gevolg daarvan is om<br />
die algemene wil te ontken en dan die slegte, in plaas van die goeie,<br />
te wil: 46<br />
There is often a great difference between the will of all (what all<br />
individuals want) and the general will; the general will studies only the<br />
common interest while the will of all studies private interest and is<br />
indeed no more than the sum of individual desires. 47<br />
Hieruit volg dat die algemene wil inderwaarheid ’n objektiewe en<br />
onafhanklike bestaan voer, wat moontlik selfs slegs deur ’n enkele<br />
persoon ingesien kan word, terwyl die res van die burgery, weens die<br />
najaag van private belange, dwaal oor wat die algemene wil (en<br />
belang) inhou.<br />
44 Rousseau (n 27 hierbo) 317.<br />
45 Rousseau (n 21 hierbo) 69.<br />
46<br />
Rousseau (n 21 hierbo) 72.<br />
47 Rousseau (n 21 hierbo) 72.
138 Hoofstuk 6<br />
Die algemene wil het nie soseer sy algemeenheid aan getalle te<br />
danke nie, maar eerder daaraan dat dit ’n getroue weergawe van die<br />
gemeenskaplike belang vergestalt. 48 Die algemene wil is die<br />
algemene wil, nie omdat dit ondersteun word nie, maar omdat dit reg<br />
is.<br />
Die partikuliere wille van individue verkeer altyd onder<br />
verdenking omdat dit strydig met die algemene wil kan wees. Die<br />
algemene wil beoordeel die individuele wille en is die eksklusiewe<br />
regter oor reg en verkeerd. 49<br />
Just as nature gives man an absolute power over all his limbs, the social<br />
pact (waardeur die staat in die lewe geroep word), gives the body politic<br />
an absolute power over all its members. And it is this same power which<br />
directed by the general will, bears as I have said, the name of<br />
sovereignty. 50<br />
Die knoop lê natuurlik by die vraag hoe die algemene wil gevind kan<br />
word. Rousseau kon nooit werklik ’n bevredigende antwoord hierop<br />
verstrek nie. As die meerderheid kan fouteer, wie moet dan die<br />
algemene wil verwoord? Rousseau se gemaklike, dog onoortuigende<br />
oplossing vir die probleem is dat die meerderheid na alles tóg<br />
gewoonlik die algemene wil sal artikuleer, met die gevolg dat die<br />
meerderheid dan altyd die res, wat uit pas met die algemene wil is,<br />
sal bind: 51<br />
When a law is proposed in the people’s assembly, what is asked of them<br />
is not precisely whether they approve of the proposition or reject it, but<br />
whether it is in conformity with the general will which is theirs; each by<br />
giving his vote gives his opinion on the question and the counting of the<br />
vote yields the declaration of the general will. When therefore, the<br />
opinion contrary to my own prevails, this proves only that I have made a<br />
mistake, and that what I believed to be the general will was not so. 52<br />
(Eie beklemtoning)<br />
Rousseau se volk is heeltemal monolities. Die volk spreek deur die<br />
algemene wil met die gevolg dat die volk slegs een stem het. Die volk<br />
is ’n eenheid en dit beweeg as ’n geheel. Die minderheidsmening wat<br />
nie met die algemene wil (soos vervat in die meerderheidsmening)<br />
strook nie, is nie bloot ’n ander mening nie. Dit is ’n verkeerde mening<br />
en diegene wat dit huldig is verplig om dit te laat vaar. By Rousseau<br />
is daar inderdaad geen agting en beskerming vir die<br />
minderheidsmening nie, want, soos Rousseau sê:<br />
48<br />
Rousseau (n 21 hierbo) 76.<br />
49 Talmon (n 17 hierbo) 41.<br />
50 Rousseau (n 21 hierbo) 74.<br />
51<br />
Rousseau (n 21 hierbo) 153.<br />
52 Rousseau (n 21 hierbo).
Staatlike identiteit die Sterflike God kry ’n gemeente van aanbidders - Die Nasie 139<br />
... whoever refuses to obey the general will shall be constrained to do so<br />
by the whole body, which means nothing other than that he shall be<br />
forced to be free. 53<br />
Rousseau het klaarblyklik met ’n yslike dilemma te kampe: hoe kan hy<br />
enersyds vryheid hartstogtelik bepleit en dan in dieselfde asem<br />
daardie vryheid soos uitgedruk in individuele en minderheidsmenings<br />
goedsmoeds onder die dwang van die meerderheidswil, gedrapeer in<br />
die gewaad van die algemene wil, plaas? Rousseau se uitweg hieruit is<br />
dat die minderheid hulle vryheid verspeel en misbruik het en dat die<br />
meerderheid die minderheid bloot bystaan deur aan die minderheid<br />
die ware vryheid soos vervat in die meerderheidswil voor te hou,<br />
waarby die minderheid dan moet inval. Daardeur kan die minderheid<br />
ook die ware vryheid smaak. 54<br />
Aangesien Rousseau se algemene wil juis algemeen moet wees,<br />
verdra dit geen pluraliteit, verskille, uiteenlopende menings, of<br />
onderlinge groeperings nie.<br />
Thus if the general will is to be clearly expressed, it is imperative that<br />
there should be no sectional associations in the state, and that every<br />
citizen should make up his own mind for himself. 55<br />
Rousseau se politiek werk dus met slegs twee entiteite in die<br />
konstruksie van die openbare orde, naamlik die staat en die individu<br />
(die individuele burger). Individue mag slegs binne die kollektiewe<br />
staatsverband georganiseer word en nie seksioneel in groeperings nie.<br />
Staatsburgerskap maak dus eksklusiewe aanspraak op individue se<br />
openbare identiteit. Binne die openbare sfeer mag individue slegs<br />
burgers wees en niks anders nie. Alle ander groepsidentiteite moet<br />
energiek bestry word, aangesien dit die staatlike identiteit van<br />
individue en hul lojaliteit jeens die staat in die gedrang kan bring. In<br />
moderne terme binne die konteks van die territoriale staat beteken<br />
dit dat die staatsnasie geen verdraagsaamheid teenoor enige taal-,<br />
etniese, kulturele, godsdienstige of enige ander nie-staatlike<br />
identiteit betoon nie. Vrye assosiasie en die gepaardgaande vestiging<br />
van ’n pluralistiese orde is heeltemal buite die kwessie. Die staat —<br />
in Hobbes se terme die sterflike god — word by Rousseau inderdaad<br />
’n jaloerse god. Hy versamel vir homself ’n nasie na sy beeld en vestig<br />
onbreekbare bande met die individuele burgers van die nasie. Hy duld<br />
geen verdeelde lojaliteit weens betrokkenheid by gemeenskappe en<br />
groepe anders as die staat self nie. Partikuliere belange en<br />
53 Rousseau (n 21 hierbo) 64.<br />
54<br />
Talmon (n 17 hierbo) 40.<br />
55 Rousseau (n 21 hierbo) 73.
140 Hoofstuk 6<br />
groepsvorming moet derhalwe energiek teëgegaan word. 56 Rousseau<br />
se oogmerk is om ’n nuwe identiteit en dus ’n nuwe mens te skep.<br />
The aim is to train men to ‘bear with docility the yoke of public<br />
happiness’, in fact to create a new type of man, a purely political<br />
creature, without any particular private or social loyalties ... 57<br />
Staatsburgerskap se monopolie op individuele identiteit is ook die<br />
sleutel tot die verstaan van Rousseau se welbekende beskouing oor<br />
gelykheid. Ongelykhede bring ekonomiese klasseverdeling en<br />
gevolglik pluraliteit van uiteenlopende klasse-identiteite mee.<br />
Rousseau redeneer dus dat aangesien dit noodsaaklik is dat<br />
burgerskap die enigste openbare identiteit moet wees, alle<br />
ongelykhede, byvoorbeeld die ongelykhede weens die bestaan van<br />
feodale strukture, uit die weg geruim moet word. 58 Almal moet op ’n<br />
gelyke voet staatsburgers wees. Die bestaan van stande is ongewens,<br />
want dit bring ’n stande-identiteit naas die identiteit van<br />
staatsburgerskap mee. Wanneer daar stande is, kan die burgers van<br />
die staat uiteraard nie uit een mond praat nie. Solank daar stande en<br />
groepe bestaan, is die algemene wil onbestaanbaar. Om die<br />
integriteit van die algemene wil te beskerm, moet groeps- en<br />
klasseverskeidenheid tot niet gemaak word. Daarom adviseer<br />
Rousseau die Korsikane soos volg:<br />
The fundamental law of your new constitution must be equality.<br />
Everything must be related to it, including even authority, which is<br />
established only to defend it. All should be equal by right and birth; the<br />
state should grant no distinctions save for merit, virtue and patriotic<br />
service ... 59<br />
Met die oog op die verwesenliking van gelykheid leer Rousseau ook dat<br />
die regstelsel só verander moet word dat dit vir die gewone burger<br />
toeganklik en verstaanbaar is. Daar moet dus ’n eenvoudige volksreg<br />
wees en die regters moet uit die geledere van die gewone burgery<br />
kom. Daar is geen noodsaak vir ingewikkelde regsreëls soos<br />
byvoorbeeld dié in die Corpus Iuris Civilis nie. In Rousseau se oë is dit<br />
eenvoudig snert.<br />
All the rules of natural law are better given in the hearts of people than<br />
in all the rubbish of Justinian. 60<br />
56 Rousseau (n 21 hierbo) 150. Sien verder Rousseau (n 23 hierbo) 199-203 waarin<br />
Rousseau in besonderhede ingaan op die stappe wat gedoen moet word om<br />
57<br />
58<br />
59<br />
60<br />
groepsvorming te verhoed.<br />
Talmon (n 17 hierbo) 42.<br />
Rousseau (n 27 hierbo) 287.<br />
Rousseau (n 27 hierbo) 289<br />
Rousseau (n 23 hierbo) 221.
Staatlike identiteit die Sterflike God kry ’n gemeente van aanbidders - Die Nasie 141<br />
Immanuel Joseph Sieyès (1748-1836) werk die implikasies van<br />
sekere dele van Rousseau se politieke filosofie in meer besonderhede<br />
uit. Hy het ook sy invloed in die Franse Rewolusie, waarin hy ’n<br />
belangrike rol gespeel het, laat geld.<br />
Sieyès is ’n groot voorstander van die gedagte van nasionale<br />
eenheid. Dit is nasionale eenheid wat die moontlikheid skep om die<br />
algemene wil te kan artikuleer. In navolging van Rousseau leer hy dat<br />
die groot euwel en die grootste struikelblok in die weg na die<br />
verwesenliking van nasionale eenheid esprit de corps is, oftewel<br />
partikuliere identiteite en lojaliteit teenoor groepe. Diegene wat<br />
hulle met partikuliere groepe vereenselwig, pleks van om hulle<br />
volledig en ongekwalifiseerd by ’n gemeenskaplike burgerskap in te<br />
werp, is bloot wederstrewige individue en groepe wat hulle eie<br />
private doelwitte nastreef en sodoende verseg om hulle by die<br />
algemene (openbare) wil neer te lê. 61 Waar daar sodanige<br />
uiteenlopende seksionele wille bestaan waardeur private belange<br />
geartikuleer word, kan daar geen algemene wil wees nie. Die<br />
oplossing is dus eenvoudig dat die seksionele wille ter wille van die<br />
algemene wil uitgeskakel moet word. Daardeur sal ’n monistiese orde<br />
van eenheid en gelykheid gevestig word. 62<br />
Die twee groot drywers van die Jakobynse projek, Robespierre en<br />
Saint-Just, glo net soos Rousseau en Sieyès dat die nasie slegs<br />
individue as konstituerende boustene erken. 63 Hulle koester dieselfde<br />
weersin in partikuliere groepsidentiteite.<br />
Wanneer Rousseau se werk met dié van Jean Bodin, wat in<br />
hoofstuk 4 bespreek is, vergelyk word, is dit ooglopend dat daar<br />
weens die feit dat hulle op verskillende vraagstukke reageer het,<br />
beduidende verskille tussen hulle bestaan. Desnieteenstaande is daar<br />
terselfdertyd ’n ewe opvallende konsekwentheid en kontinuïteit<br />
vanaf Bodin in die sestiende eeu tot Rousseau en sy navolgende<br />
staatsbouers van twee honderd jaar later — een onmiskenbare goue<br />
draad wat deur almal se denke loop. Bodin het naamlik ook ter wille<br />
van die staat groepe (in sy geval godsdienstige groepe) as die grootste<br />
euwel beskou. Net soos die latere staatsbouers was staatlike<br />
burgerskap ook vir hom die enigste openbare identiteit en net soos die<br />
latere staatsbouers moes alle ander identiteite uit die openbare sfeer<br />
geweer en binne die private domein vasgeketting word. Rousseau,<br />
Sieyès, Robespierre en Saint-Just waak net soos Bodin getrou oor die<br />
staat se monopolie op die openbare domein. Almal is ewe antipluralisties.<br />
Waarin Rousseau en sy volgelinge van Bodin verskil, is dat<br />
hulle ’n populêre projek loods. By Bodin en ook by Hobbes is die staat<br />
61 Talmon (n 17 hierbo) 73.<br />
62<br />
Talmon (n 17 hierbo) 74.<br />
63 Talmon (n 17 hierbo) 93.
142 Hoofstuk 6<br />
afsydig en op ’n afstand, maar by Rousseau en sy volgelinge word die<br />
publiek intiem by die staat betrek. Waar die staat by Bodin en by<br />
Hobbes bloot die vrede moes bewaar en behorende aan niemand,<br />
feitlik ’n res nullius was, word dit nou ’n volledige en ’n verpligte res<br />
publica.<br />
Rousseau verleen die teoretiese vonk vir die sogenaamde<br />
nasiebou-projekte wat tans steeds aan die orde van die dag is. Waar<br />
Rousseau, soos vroeër verduidelik is, egter nie binne die staatlike<br />
paradigma gedink het nie, het Sieyès, Robespierre en Saint-Just as ’t<br />
ware vir Rousseau in die staatlike paradigma ingetransformeer en in<br />
diens van die staatlike identiteit geplaas. Hiervolgens is die<br />
denkpatroon deurlopend soos volg: daar word van die veronderstelling<br />
uitgegaan dat die staat (byvoorbeeld die Suid-Afrikaanse staat) ’n<br />
permanente en onveranderlike gegewe is. Dit is ’n absoluut vaste<br />
vertrekpunt en is die onveranderlike raamwerk waarbinne alle<br />
teoretisering oor openbare aangeleenthede moet plaasvind. Dit is<br />
ongeag die historiese toevalligheid en kunsmatigheid daarvan nie vir<br />
debat vatbaar nie. Die bestaan van die staat as ’n onveranderlike<br />
gegewe lei tot die vraag wat gedoen moet word ten einde die staat te<br />
stabiliseer en sy bestaande vorm te verskans. Die antwoord word dan<br />
gevind in ’n staatsgeïnspireerde projek van social engineering, te<br />
wete staatsbou, wat vaar onder die misleidende vaandel van<br />
nasiebou. Hierdie projek behels dat daar, ten einde die staat te<br />
ondersteun, noodgedwonge ’n nasie vir die staat geskep moet word.<br />
Dit is nie die staat wat ter wille van die nasie moet bestaan nie.<br />
Inteendeel, daar moet ter wille van die staat ’n nasie in aanskyn<br />
geroep word. Die staat as die struktuur is dus die aktiewe agent wat<br />
die kultuur moet bepaal en wat die mense ter wille van die<br />
staatstruktuur moet verander. Dit is nie die struktuur wat na gelang<br />
van die kultuur, dit wil sê die identiteite (en behoeftes) van die<br />
mense, aangepas moet word nie. Inteendeel, die staat formeer vir<br />
hom ’n volk na sy wense en na sy beeld. Met staatsdienende nasiebou<br />
word die staat die mense se identiteitsbepaler en -wysiger. Hier sien<br />
ons die staatlike paradigma in volle vaart.<br />
2 Die dwanglogika van nasiebou<br />
Met die oorplant en aanwending van Rousseau se denke vanaf die<br />
oorspronklike raamwerk van die beperkte en homogene stadstaat na<br />
die omvangryke en heterogene territoriale staat is die grondslag vir<br />
totalitêre demokrasie, wat dikwels met ’n nasiebouprojek gepaard<br />
gaan, gelê. Totalitêre demokrasie staan vyandig teenoor pluralisme —<br />
’n veelheid van gemeenskappe en ’n verskeidenheid van politieke
Staatlike identiteit die Sterflike God kry ’n gemeente van aanbidders - Die Nasie 143<br />
denkrigtings — en wil daarenteen ’n enkele eksklusiewe (politieke)<br />
waarheid tot stand bring. 64<br />
Dit beteken dat slegs een openbare identiteit en leefwyse, een<br />
soort mens wat na die behoeftes van die staat uitgeknip is, een<br />
voorgeskrewe stel politieke opvattings en slegs instellings wat aan die<br />
voorskrifte van dié opvattings voldoen, geduld word. Dit is die<br />
openbare identiteit, leefwyse, opvattings en instellings soos gesien en<br />
afgedwing deur die dominante politieke krag — gewoonlik die<br />
meerderheidskomponent — in die territoriale staat. Logieserwys<br />
beteken dit terselfdertyd dat alle nie-konformerende opvattings,<br />
instellings en identiteite aktief uitgeweer word. Hierdie totalitêre<br />
demokrasie het volgens JL Talmon ’n messiaanse visie waarvolgens<br />
burgers van die staat, wat nog nie die nuwe identiteit aanvaar het nie,<br />
volgens die vooraf ontwerpte opvatting van die dominant kragte oor<br />
hoe alle inwoners behoort te wees, moet verander sodat hulle in gelid<br />
met die dominante kragte moet kom en sodat almal saam ’n<br />
harmonieuse en perfekte bestaan as nuwe nasie kan voer. ’n Politieke<br />
projek word gedryf om hieraan uitvoering te gee. 65 ’n Enkele<br />
omvattende politieke filosofie moet menslike optrede bepaal en<br />
uiteindelik moet die politieke werklikheid aan die voorskrifte van dié<br />
filosofie — op die keper beskou ’n ideologie — voldoen. 66 Daar word<br />
met mense omgegaan nie in terme van wat hulle is nie, maar van wat<br />
hulle moet en sal wees, sodra die ideale toestand van die nuwe nasie<br />
volgens die voorskrifte van die ideologie realiseer. 67 Die wense en<br />
oortuigings van diegene wat hulle nie met die gestelde ideaal<br />
vereenselwig nie kan maar geïgnoreer word. Hulle kan gedwing en<br />
geïntimideer word om uiteindelik by die gestelde ideaal in te val. 68<br />
Die aandrang dat mense moet verander, sodat hulle hulself met die<br />
eindbestemming vereenselwig en die voorgeskrewe identiteit van die<br />
nuwe nasie aanvaar, geskied vreemd genoeg in die naam van vryheid.<br />
Ware vryheid, aldus Rousseau, beteken dat mense die dwalinge van<br />
hul eiebelang insien en laat vaar en hulle sodoende by die algemene<br />
wil inwerp en daarmee konformeer.<br />
Hierdie verwronge beskouing van vryheid 69 skryf voor dat mense<br />
teen hulself in opstand kom en nuwe mense, gedryf deur ’n nuwe<br />
waarheid, moet word. Aan die een kant is daar mense as lede van<br />
partikuliere gemeenskappe met die daadwerklike belewenis van hulle<br />
eie identiteite, historiese agtergronde en geskiedsbeelde,<br />
sentimente, behoeftes en belange. Daarteenoor staan die ware en<br />
64 Talmon (n 17 hierbo) 1.<br />
65 Talmon (n 17 hierbo) 2.<br />
66<br />
Talmon (n 17 hierbo) 2.<br />
67 Talmon (n 17 hierbo) 3.<br />
68 Talmon (n 17 hierbo) 2.<br />
69<br />
I Berlin Four Essays on Liberty (Two Concepts of Liberty) (1969) 131 et seq verwys<br />
daarna as ‘positiewe vryheid’ en lewer dan skerp kritiek daarteen.
144 Hoofstuk 6<br />
bevryde mens, die mens wat verwesenlik word sodra hy homself aan<br />
die voorgeskrewe dominante opvatting onderwerp en met die<br />
vermeende hoër entiteit van die nasie vereenselwig het en sy<br />
eertydse identiteit laat vaar het. Mense moet van hul eie egoïsties<br />
geïnspireerde dwalings afsien sodat hulle harmonie binne die groter<br />
verhewe entiteit kan vind. 70 Die ‘ou’ mens moet sy verdwaalde<br />
skynself — sy verkeerde weë — afsweer, hom van sy dwaalweë bekeer<br />
en as ’n nuwe mens, in gelid met die vermeende hoër entiteit as ’t<br />
ware wedergebore word.<br />
In die geval van Rousseau en sy staatsbou-volgelinge moet<br />
individue en partikuliere gemeenskappe hulle wegkeer van die valse<br />
verleidinge wat met ’n voortgesette verbintenis met partikuliere<br />
entiteite en gemeenskappe gepaard gaan. In plaas daarvan moet hulle<br />
volledig aan die eise van die ware algemene wil, soos versinnebeeld<br />
in die nuwe nasie, voldoen. Hulle moet enige verbintenis met<br />
gemeenskappe laat vaar en hulle ongekwalifiseerd aan die<br />
monolitiese entiteit — die staat — onderwerp en hulle ewe<br />
ongekwalifiseerd met die gepaardgaande monolitiese identiteit van<br />
staatsburgerskap vereenselwig.<br />
Dit is teen hierdie agtergrond dat Isaiah Berlin sê dat Hobbes meer<br />
eerlikheid as Rousseau aan die dag gelê het. Hobbes, sê Berlin, gee<br />
nie voor dat sy soewerein nie outoritêr is nie. Hy probeer dit net<br />
regverdig. Rousseau, daarenteen, met sy verwronge vryheidsbeskouing,<br />
luidens Berlin, het die vermetelheid om die verslawing aan<br />
die soewerein (die algemene wil) as vryheid voor te hou. 71<br />
Rousseau se beskouing oor vryheid funksioneer op die keper<br />
beskou as verraderlike magstrategie: die strategie van magsverdoeseling.<br />
Despotiese mag word uitgeoefen, maar die magsgreep<br />
oor diegene op wie dit afgedwing word kom nooit aan die lig nie. Die<br />
onderdaniges word wysgemaak dat die aanvaarding van die<br />
dwangmaatreëls en die gepaardgaande verwerping van hul eie<br />
identiteite juis die omhelsing van vryheid impliseer. Berlin<br />
verduidelik dit soos volg:<br />
The triumph of despotism is to force the slaves to call themselves free.<br />
It may need no force; the slaves may proclaim their freedom quite<br />
sincerely; but they are none the less slaves. 72<br />
Michael Walzer se insigte werp verdere lig op die brutale dwangpolitiek<br />
waarmee ons hier te kampe het. Walzer toon aan dat filosofie<br />
(in die gedaante van rasioneel deurdagte politieke opvattings)<br />
70 Berlin (n 69 hierbo) 134.<br />
71<br />
Berlin (n 69 hierbo) 164.<br />
72 Berlin (n 69 hierbo) 165.
Staatlike identiteit die Sterflike God kry ’n gemeente van aanbidders - Die Nasie 145<br />
enersyds, en demokrasie andersyds, teenoorgesteldes is. 73 ’n<br />
Politieke filosofie wil sy rasionalistiese program deurvoer, ongeag die<br />
wil van die volk, oftewel sonder inagneming van die demokratiese<br />
keuse (wat natuurlik uiteenlopende keuses is) van diegene op wie dit<br />
van toepassing gaan wees. 74 Rousseau gee voor dat hierdie breuk nie<br />
bestaan nie, want, sal onthou word, volgens hom moet eenvoudige<br />
verstaanbare reg deur die burgers self gemaak word in plaas daarvan<br />
om uit die komplekse beredeneringe van enkele juriste te spruit. Die<br />
breuk is egter nie geheel nie, want Rousseau vereis dat die volk die<br />
algemene deug moet volg en dit sal slegs gebeur as hulle as die ware<br />
volk optree wat die gemeenskaplike algemene belang nastreef en nie<br />
meer net as ‘egoïstiese’ individue of sub-gemeenskappe optree nie.<br />
Die ware algemene wil kan op sy beurt egter slegs ingevolge ’n enkele<br />
stel objektiewe wette getrou uitgedruk word. Ander sienings wat van<br />
hierdie outentieke uitdrukking van die (gewaande) ware algemene wil<br />
afwyk, artikuleer bloot egoïstiese partikuliere voorkeure. Dit sal<br />
dikwels gebeur dat die volk fouteer deur nie die algemene wil in te<br />
sien nie. Dit is dán wanneer die filosoof — die ideoloog — wat die insig<br />
in die outentieke algemene wil het, op gesaghebbende wyse<br />
korrigerend tussenbeide moet tree en moet sê wat die algemene wil<br />
werklik behels. 75 Sodra dit gebeur het, is die ware algemene wil weer<br />
herstel en is die filosoof wat met sy rede insig in die waarheid het, in<br />
beheer van sake. Wanneer die filosoof dit doen, handel hy nie meer<br />
in sy hoedanigheid van afsydige wysgeer nie maar as die legitieme<br />
vertolker van die algemene deug. 76 Demokrasie, sê Walzer, hou in dat<br />
die volk mag besluit, ten spyte daarvan dat die besluite moontlik<br />
verkeerd mag wees. Volgens Rousseau, daarenteen, is die volk se<br />
besluitnemingsbevoegdheid beperk tot die neem van die regte<br />
besluite. Die volk mag eintlik net dit wat reeds objektief reg is,<br />
bevestig. Indien die volk fouteer, het diegene wat insig in die ware<br />
volkswil — die algemene wil — het, die bevoegdheid om die volk se<br />
dwalings te korrigeer. 77<br />
Nasiebou is ’n integrale deel van die gesketsde sindroom. Dit hou<br />
eweneens ’n ideale visie van ’n staatsnasie voor en vereis dan van alle<br />
inwoners — in die besonder die minderhede wat (nog) nie met die<br />
staatsnasie in pas is nie — om hulself te verander om die ideale visie<br />
van hierdie nasie te verwesenlik. Nasiebou is insgelyks ten minste<br />
ongemaklik, maar gewoonlik openlik vyandig teenoor pluraliteit.<br />
Nasiebou behels ’n program om die plurale en die partikuliere uit die<br />
openbare domein te weer ten gunste van ’n enkele staatlike<br />
geïnspireerde openbare identiteit, naamlik dié van die staatsnasie.<br />
73 M Walzer ‘Philosophy and Democracy’ (1981) 9 Political Theory 379 et seq.<br />
74 Walzer (n 73 hierbo) 383.<br />
75 Walzer (n 73 hierbo) 384.<br />
76 Walzer (n 73 hierbo) 385.<br />
77 Walzer (n 73 hierbo) 387-393.
146 Hoofstuk 6<br />
Die nasie word gesien as iets groter en verhewe bo etnisiteit 78 en bo<br />
partikuliere kulture, tale, historiese belewenisse, godsdienste en dies<br />
meer, wat minderheidsgemeenskappe juis kenmerk. Al hierdie<br />
partikuliere identiteite moet ter wille van hierdie vermeende<br />
verhewe nasie ontbind en daarin verdwyn. Nasiebou is dus in die<br />
woorde van Jan Gagiano:<br />
... the integration of communally diverse and/or territorially discrete<br />
units into the institutional framework of a single state and the<br />
concomitant transfer of a sense of common political identity and loyalty<br />
to the symbolic community defined by the founding ideology of such a<br />
state. 79<br />
In die lig hiervan is dit duidelik dat die begrip nasiebou klaarblyklik ’n<br />
bedrieglike (wan)benaming is vir die verskynsel waarmee ons hier te<br />
make het, want wat hierdie programme onderskraag en verskans, is<br />
nie nasies in die sin van partikuliere etniese, taal-, kultuur- en<br />
dergelike gemeenskappe nie, maar wel twee ander heg verweefde<br />
dinge: die staat en die dominante kragte — die heersende gemeenskap<br />
— in beheer daarvan. Dit is daarom pasliker om eerder van staatsbou<br />
as nasiebou te praat. Die kerndoelwit van wat nasiebouprogramme<br />
genoem word, is om die staat te beskerm teen die aansprake van<br />
gemeenskappe, elk met hulle eie historiese belewenisse, tale,<br />
identiteite en sentimente, wat in die heterogene territoriale staat<br />
gehuisves word, maar wat volgens die homogeniserende nasiebouprojek<br />
moet verdwyn. Hierdie projekte vrees die middelpuntvliedende<br />
kragte wat deur nie-konformerende minderheidsgemeenskappe<br />
ontketen kan word en waardeur die verbrokkeling of<br />
destabilisering van die staat meegebring mag word. Op die keper<br />
beskou, is die belang wat beskerm word natuurlik nie die staat self<br />
nie, maar die dominante kragte — gewoonlik die heersende<br />
meerderheids-gemeenskap binne ’n staat. Die belange van daardie<br />
dominante gemeenskap word volledig met die staat self<br />
geïdentifiseer. Wanneer daar dus van staatsbou gepraat word, is dit<br />
veral die belang van hierdie dominante gemeenskap daarbinne wat<br />
gedien word. Dit is daardie soort staat wat so oor nasiebou besorg is,<br />
wat deur nasiebouprojekte in beskerming geneem word. Dit is<br />
daarenteen juis vyandig teenoor die nie-dominante partikuliere<br />
gemeenskappe. Die nasie — in die besonder die nie-dominante<br />
gemeenskappe daarbinne — is bloot die plooibare en manipuleerbare<br />
instrumente wat die staat tot diens moet wees. Nasiebou, wat onder<br />
die aanvoering van die dominante kragte in die staat van staatsweë<br />
geïnspireer word, is bloot ’n strategie, ’n middel om die doel te<br />
verwesenlik om die staat en die dominante kragte in beheer daarvan<br />
se posisie te verskans. Dienooreenkomstig is dit nasiebou se strategie<br />
78<br />
Degenaar (n 10 hierbo) 2, 7.<br />
79 Gagiano (n 10 hierbo) 32.
Staatlike identiteit die Sterflike God kry ’n gemeente van aanbidders - Die Nasie 147<br />
om in belang van die staat en die heersende kragte daarvan deur<br />
aanmoediging, propaganda, onderwys en soms deur brute dwang<br />
partikuliere gemeenskappe te verswak en te verseker dat hierdie<br />
gemeenskappe hulle volledig met die staat vereenselwig en ’n<br />
staatlike identiteit aanneem: in Rousseau se terme dat hierdie<br />
gemeenskappe hul wederstrewigheid sal laat vaar en by die algemene<br />
wil sal inval. Nasiebou beliggaam dus ’n wesenselement van die<br />
staatlike paradigma, want die beskermde belang in diens waarvan<br />
nasiebou staan, is die staat self. 80 Nasiebou, oftewel staatsbou,<br />
beoog om almal wat toevallig binne die grense van ’n bepaalde staat<br />
verkeer, en hoe arbitrêr en outoritêr die grensvasstelling van daardie<br />
staat ook al was, te teiken vir die afdwinging van ’n staatlike<br />
identiteit aan die hand van die voorskrifte van die dominante<br />
politieke kragte in die betrokke staat. Dit dwing ’n Spaanse identiteit<br />
op Katalane en Baske af, dit forseer Kroate en Sloweniërs om teen wil<br />
en dank primêr Joegoslawiërs te wees, dit vereis van Skotte om<br />
primêr Britte te wees, dit eis dat Tamils eerstens Sri-Lankane moet<br />
wees, dat Vlaminge in die eerste plek Belge moet wees, dat Koerde<br />
hulself in ’n enkele Turkse identiteit moet oplos en dat Afrikaners in<br />
die eerste plek die staatlike identiteit van Suid-Afrikanerskap moet<br />
omhels. Hierdie logika van staatlike identiteit spruit regstreeks voort<br />
uit die staatlike paradigma, want dit is inherent aan die territoriale<br />
staat om juis identiteit te verstaatlik en plurale identiteite te ontken.<br />
Hendrik Spruyt verduidelik dit soos volg:<br />
Thus the modern state defines the human collectively in a completely<br />
novel way. It defines individuals by spatial markers, regardless of kin,<br />
tribal affiliation, or religious beliefs. Individuals are in a sense<br />
amorphous and undifferentiated entities who are given an identity<br />
simply by their location in a particular area. Thus one must make<br />
Acquitanians, Normans, and Bretons into French people. 81<br />
Jan Gagiano se verduideliking is daarom korrek wanneer hy sê:<br />
State nationalism imposes nationhood on any given subject population<br />
eventually included in the national boundaries. 82<br />
Al die gemeenskappe van wie vereis word om in die groter entiteit op<br />
te gaan, word in der waarheid aangesê om hulself te versaak en hul<br />
eie identiteit te ontbind ter wille van die ‘groter’ staatlike identiteit<br />
wat teen wil en dank in belang van die staat en sy heersende kragte<br />
verskans moet word. Juis daarom kan Walker Connor verklaar:<br />
80 Gagiano (n 10 hierbo) 23-24.<br />
81 H Spruyt (1994) The sovereign state and its competitors: An analysis of systems<br />
change Princeton University Press New Jersey 34-5.<br />
82 Gagiano (n 10 hierbo) 24.
148 Hoofstuk 6<br />
The one man’s nation building is another man’s subjugation — or one<br />
man’s nation building another’s nation disintegration. 83<br />
Dit is veral in voormalige koloniale gebiede in Afrika, met inbegrip van<br />
Suid-Afrika, waar die eertydse koloniale maghebbers staatsgrense<br />
arbitrêr sonder enige inagneming van die demografiese realiteite<br />
vasgestel het, 84 waar nasiebou die vernietiging van taal- en etniese<br />
gemeenskappe — nasievernietiging — beteken. In hierdie gebiede is<br />
groepe sonder raadpleging kunsmatig in dieselfde politieke entiteite<br />
ingedwing, bloot omdat dit op daardie oomblik die aspirasies van die<br />
koloniale heersers gedien het. Walker Connor som die somber realiteit<br />
dus korrek op wanneer hy sê:<br />
Since most of the less developed states contain a number of nations and<br />
since the transfer of primary allegiance from these nations to the state<br />
is generally considered the sine qua non of successful integration, the<br />
true goal is not ’nation building’ but ’nation destroying’. 85<br />
Die nasiebouers is derhalwe vernietigers en die intellektuele<br />
aktiwiteit wat in diens daarvan ontwikkel is dien ’n vernietigende<br />
ideaal.<br />
Nasiebouprojekte is ooglopend anti-demokraties want dit geskied<br />
sonder die instemming van sekere segmente van die staatsbevolking<br />
wat geforseerd daaraan onderwerp word. Dit is die onderneming van<br />
’n heersende politieke elite wat sentralisties gedryf en op almal<br />
afgedwing word. 86 Daarvan getuig Jakobynisme, Bolsjewisme,<br />
Nasionaal-Sosialisme, Falangisme en talle ander eietydse<br />
nasiebouprojekte.<br />
Op die keper beskou, is dit die strewe van nasiebou dat die staat<br />
en die nasie moet saamval en dat die staat die karakter van die<br />
dominante groepering binne die staat moet aanneem. Die owerheid<br />
dwing die aanvaarding van hierdie dominante karakter op niedominante<br />
groeperings — gewoonlik minderhede — af. Die teenpool<br />
van nasiebou is ’n demokratiese kultuur. Hiervolgens word ’n<br />
burgerlike gemeenskap wat deur pluraliteit gekenmerk word, in stand<br />
gehou in plaas daarvan om ’n staatsnasie op almal te probeer<br />
afforseer. 87 Die vermaarde Afrikaanse politieke filosoof, Johan<br />
Degenaar, doen dienooreenkomstig aan die hand dat Suid-Afrika nie<br />
tyd moet verspil om ’n nasie te probeer bou nie, maar eerder<br />
gesamentlike verantwoordelikheid moet aanvaar om ’n demokratiese<br />
83 W Connor ‘Nation-building or Nations-destroying’ (1971-72) 24 World Politics 336.<br />
84 Sien veral Makua wa Mutua (n 7 hierbo) 1113-1176.<br />
85 Makua wa Mutua (n 7 hierbo) 1113-1176.<br />
86 Gagiano (n 10 hierbo) 22.<br />
87 Degenaar (n 10 hierbo) 9-15.
Staatlike identiteit die Sterflike God kry ’n gemeente van aanbidders - Die Nasie 149<br />
kultuur aan te kweek. 88 Dit sal onder andere meehelp om ’n totalitêre<br />
orde en ’n dominante monolitiese staatskultuur te verhoed. 89<br />
Vanuit die denkwêreld van die liberale teorie en by name die<br />
woordvoerders van die klassieke liberalisme, soos John Stuart Mill,<br />
Alexis de Tocqueville en Lord Acton, word nasiebouprojekte met<br />
besonder toepaslike kritiek belig. Weliswaar het die begrip nasiebou<br />
nog nie in hulle tyd bestaan nie. Tog was demokratiese totalitarisme,<br />
meerderheidsdominasie en weersin in pluralisme — alles deelgenote<br />
in dieselfde genetiese poel van nasiebou — welbekend. Dit was<br />
trouens ook die onderwerp van baie van die filosofiese arbeid van die<br />
vermelde drie here.<br />
Liberalisme word gewoonlik uitsluitlik met die gedagte van<br />
individuele vryheid verbind, maar soos Chandran Kukathas 90 aandui,<br />
is liberalisme in die breedste sin wesenlik ’n teorie ten gunste van<br />
pluralisme en multikulturalisme. Liberalisme bied volgens hom die<br />
aantreklikste antwoord vir die realiteit van morele, godsdienstige en<br />
kulturele verskeidenheid. 91<br />
Mill beskou die tirannie van die meerderheid, wat soos uit die<br />
bespreking hierbo blyk aan die wortel van nasiebouprojekte en<br />
demokratiese totalitarisme lê, as ’n wesenlike bedreiging vir<br />
individuele vryheid, en verklaar:<br />
Society can and does execute its own mandates: and if it issues wrong<br />
mandates instead of right, or any mandates at all in things with which it<br />
ought not to meddle, it practices a social tyranny more formidable than<br />
many kinds of political oppression, since, though not usually upheld by<br />
such extreme penalties, it leaves fewer means of escape, penetrating<br />
much more deeply into the details of life, and enslaving the soul itself. 92<br />
Gevolglik argumenteer Mill dat, ofskoon dit noodsaaklik is om<br />
maatreëls teen politieke funksionarisse se magsmisbruik te tref, dié<br />
beskerming nie genoeg is nie. Die heersende openbare mening — die<br />
dominante mening — het ’n tirannieke uitwerking omdat dit op<br />
88<br />
Degenaar (n 10 hierbo) 15.<br />
89 I Young ‘Polity and group difference: a critique of the ideal of universal<br />
citizenship’ (1989-1990) 99 Ethics 258 argumenteer in dieselfde trant en bepleit<br />
die erkenning van ’n plurale en gedifferensieerde publiek en van heterogene<br />
burgerskap. Dit sal dien as teenvoeter teen homogene dwingelandy wat deur ’n<br />
dominante groepering op die totale staatsbevolking afgeforseer word.<br />
90<br />
C Kukathas ‘Liberalism and multiculturalism: The politics of difference’ (1998) 26<br />
Political Theory 686 et seq.<br />
91 Sien ook in die algemeen W Kymlicka Liberalism, Community and Culture (1989)<br />
wat pluralisme en die gepaardgaande beskerming van minderhede as ’n basiese<br />
bestanddeel van liberale teorie beskou, asook GB Levy ‘Equality, autonomy and<br />
cultural rights’ (1997) 25 Political Theory 215–248, wat ’n soortgelyke mening<br />
huldig.<br />
92 JS Mill On Liberty (1986) 10-11.
150 Hoofstuk 6<br />
andersdenkendes afgedwing word. Dit is daarom noodsaaklik om ook<br />
dáárteen beskerming te verleen:<br />
There is a limit to the legitimate interference of collective opinion with<br />
individual opinion and individual independence; and to find that limit<br />
and to maintain it against encroachment, is as indispensable to a good<br />
condition of human affairs as protection against political despotism. 93<br />
By lord Acton 94 is die besorgdheid oor die tirannie van die<br />
meerderheid nog meer prominent as by Mill. Hy gee ook meer as Mill<br />
blyke van ’n waardering vir pluralisme en vir die erkenning van die<br />
oortuigings van minderheidsgroepe.<br />
Die enkele groot euwel wat deur (onverfynde modelle van)<br />
demokrasie teweeg gebring kan word, is dat dit die tirannie van die<br />
meerderheid, wat in hoofstuk 7 meer breedvoerig bespreek word, in<br />
die hand werk. 95 Daarom is die beste maatstaf waarmee bepaal moet<br />
word of ’n land werklik vry is, volgens hom die graad van beskerming<br />
wat minderhede geniet, 96 wat natuurlik tegelyk ’n afkeer van<br />
staatsbouprojekte impliseer. Lord Acton vind meerderheidsdominasie<br />
selfs erger as minderheidsdominasie en beklemtoon die noodsaak vir<br />
minderheidsbeskerming wanneer hy verklaar:<br />
It is bad to be oppressed by a minority, but it is worse to be oppressed by<br />
a majority. For there is a reserve of latent power in the masses which, if<br />
it is called into play, the minority can seldom resist. But from the<br />
absolute will of the entire people there is no appeal, no redemption, no<br />
refuge but treason. 97<br />
Die skerpsinnigste kritiek teen die meerderheidswil en teen<br />
meerderheidstirannie (en teen staatsbou) en die omvattendste vroegliberale<br />
apologie vir pluralisme kom egter van die Franse liberales<br />
soos Prosper de Barante, Guizot, Royer-Collard, Madame De Stael en<br />
natuurlik van De Tocqueville. 98<br />
Die hooftema van bespreking deur die Franse liberales van die<br />
1820's was dat die Franse rewolusie uiteindelik slegs die staat aan die<br />
een kant teenoor geatomiseerde individue aan die ander kant as die<br />
interafhanklike konstituerende bestanddele van die openbare orde<br />
opgelewer het. Dit het in die besonder versuim om sinvolle erkenning<br />
93 Mill (n 92 hierbo) 11.<br />
94 Sien byvoorbeeld GP Gooch ‘Lord Acton: Apostle of liberty’ (1946-1947) 25<br />
Foreign Affairs 629.<br />
95 JN Figgis en RV Laurence (reds) ‘Sir Erskine May’s Democracy in Europe’ in lord<br />
JActon The History of Freedom and Other Essays (1907) 97. (Die werk bevat ’n<br />
samevatting van lord Acton se opstelle.)<br />
96 Figgis en Laurence (n 95 hierbo) 4.<br />
97 Figgis en Laurence (n 95 hierbo) 11.<br />
98<br />
Sien in die algemeen EK Bramsted en KJ Melhuish Western Liberalism: A History<br />
of documents from Locke to Croce (1978); L Siedentop Tocqueville (1993) 20-40.
Staatlike identiteit die Sterflike God kry ’n gemeente van aanbidders - Die Nasie 151<br />
aan tussenliggende instellings en assosiasies te gee. 99 Die<br />
kontrakteorie wat uit die sewentiende eeu geërf is, met sy klem op<br />
die natuurlike individu het uiteindelik tot ’n nuwe Leviatan gelei. In<br />
die afwesigheid van intermediêre gemeenskappe en strukture is<br />
individue toenemend op twee maniere aan hierdie nuwe Leviatan<br />
blootgestel. Eerstens is hulle regstreeks sonder die buffers van<br />
tussenliggende gemeenskappe aan die dwang van die staat<br />
uitgelewer, en tweedens is hulle ook weens die onderskraging wat<br />
lidmaatskap van tussenliggende gemeenskappe verskaf, toenemend<br />
afhanklik van die staat.<br />
Eksperimentering met plaaslike outonomie en federalisme as<br />
geneesmiddel teen die oormatig sentralistiese staat het wyd by<br />
hierdie liberales voorgekom. 100<br />
Tocqueville is die baanbreker-teoretikus op die gebied van plurale<br />
demokrasie en teen nasiebouprojekte. Hy is enersyds deur<br />
Amerikaanse federalisme geïnspireer, en andersyds terdeë bewus van<br />
die tirannie van die Franse rewolusie waardeur gelykheid en<br />
eenvormigheid op almal afgedwing is 101 en waardeur almal bloot<br />
magtelose individue teenoor die magtige staat geword het.<br />
Tocqueville redeneer dat staatsoewereiniteit soos dit deur Bodin en<br />
Hobbes voorgehou is, sy doel gedien het. Dit het middelpuntvliedende<br />
kragte in bedwang gebring en sodoende vrede en stabiliteit verseker.<br />
In sy tyd, sê hy, het dit egter, soos duidelik deur die uitspattige<br />
outoritêre sentralisme van die Franse Rewolusie gedemonstreer,<br />
disfunksioneel geraak. 102<br />
In ooreenstemming met die basiese uitgangspunte van die<br />
liberalisme, is dit ook vir Tocqueville belangrik dat die basiese<br />
onderskeid tussen die private en die openbare sfere gehandhaaf moet<br />
word. Gevolglik moet daarteen gewaak word dat die beroep op<br />
republikeinse deug, soos deur Rousseau, nie ontaard in ’n<br />
burgerskapsdissipline wat te diep in die private sfeer invreet nie. 103<br />
Tocqueville gaan egter verder as die ander liberale wat slegs die<br />
private domein teen owerheidsvergrype wil vrywaar. Hy is ook self ’n<br />
republikein wat probeer om die deugdelike elemente van Rousseau se<br />
republikanisme te red. Republikeinse burgerlike deugde kan egter<br />
slegs in ’n plurale opset beoefen word en is nie in ’n omvangryke<br />
territoriale staat — byvoorbeeld die Frankryk van sy tyd —<br />
beoefenbaar nie. 104 Die omvangryke territoriale staat met sy sterk<br />
gesentraliseerde gesag kan nooit daarin slaag om werklik ’n res<br />
99 Siedentop (n 98 hierbo) 26.<br />
100 Siedentop (n 98 hierbo) 20-40.<br />
101 Siedentop (n 98 hierbo) 58-59.<br />
102 Siedentop (n 98 hierbo) 41.<br />
103 Siedentop (n 98 hierbo) 63.<br />
104 Siedentop (n 98 hierbo) 67-68.
152 Hoofstuk 6<br />
publica te wees nie, want dit is eenvoudig so ver van die burgery<br />
verwyderd dat die burgers geen daadwerklike meelewing daarmee<br />
kan hê nie. Republikanisme vereis kleiner en hegter politieke eenhede<br />
waarmee die burgers hulle daadwerklik kan vereenselwig en waarin<br />
hulle hulle kan laat geld.<br />
Tocqueville is in hierdie opsig veel nader aan Rousseau — wat juis<br />
konsekwent die beperkte politieke eenheid as vereiste vir sy<br />
republikanisme gestel het — as die staatlike vertolkers van Rousseau<br />
soos Sieyès en Robespierre.<br />
Tocqueville se groot kommer, meegebring deur sy ervaring van die<br />
Franse Rewolusie, was dat die uitkalwe van aktiewe burgerskap kon<br />
lei tot ’n volledige privatistiese bestaanswyse en uiteindelik tot<br />
volslae individuele atomisme. Hierdie toedrag van sake bring<br />
noodwendig veral die wantoestand van oormatig sentralistiese<br />
burokrasie mee. 105 Tocqueville se kuur hiervoor is om sentralisme en<br />
privatisme gelyktydig te bekamp. Dit gebeur deur intermediêre<br />
assosiasies tussen die individu en die staat te stimuleer waarin die<br />
republikeinse deugde van burgerlike, politieke betrokkenheid en<br />
deelname aangekweek kan word. 106<br />
Die intrinsieke gebrek wat Tocqueville in demokrasie in die<br />
territoriale staat van sy tyd bemerk, is dat dit op die beginsel van<br />
burgerlike gelykheid en homogenisering gevestig is, wat geen<br />
teenvoeter teen die ontwikkeling van oormatige sentralisasie en ’n<br />
oormagtige staat en teen magsmisbruik bied nie. 107 So ’n teenvoeter<br />
kan net deur intermediêre gemeenskappe en strukture tussen die<br />
regering en die individu verskaf word. Hierdie gemeenskappe en<br />
strukture bemagtig individue omdat dit mense in groepe saamtrek wat<br />
terselfdertyd ook die uitwerking het om die oormatige mag en<br />
sentralisasie van die staat aan bande te lê.<br />
Die afwesigheid van intermediêre gemeenskappe gee aanleiding<br />
tot ’n verwante euwel wat Tocqueville by die demokrasie van sy tyd<br />
waargeneem het. 108 Dit is naamlik die onderdrukkende uitwerking<br />
van meerderheidsdemokrasie. Die feit dat ’n bepaalde standpunt wye<br />
ondersteuning geniet, laat mense sonder gronde geïntimideerd die<br />
gevolgtrekking maak dat dié standpunt reg behoort te wees. Dit<br />
ondermyn die integriteit van rasionele argument, met die gevolg dat,<br />
soos Larry Siedentop dit stel:<br />
105 Siedentop (n 98 hierbo) 139.<br />
106 Siedentop (n 98 hierbo) 139-140.<br />
107 Siedentop (n 98 hierbo) 140.<br />
108 In dié opsig het Acton duidelik by die werk van Tocqueville gebaat.
Staatlike identiteit die Sterflike God kry ’n gemeente van aanbidders - Die Nasie 153<br />
... moral and intellectual enfeeblement may result from individual<br />
judgment abdicating in the face of public opinion. 109<br />
Formele gelykheid en die afwesigheid van intermediêre assosiasies<br />
waarin mense ’n buffer teen die mag van die meerderheid kon vind,<br />
verplig andersdenkende minderhede tot onderwerping aan die<br />
openbare mening,<br />
... resulting not in independence of judgment but conformity, a<br />
pandering of opinions because they are widely shared. 110<br />
Die kuur hiervoor is weereens aldus Siedentop te vinde in pluralisme<br />
en intermediêre assosiasies:<br />
For by associating and discovering others who share an opinion,<br />
individuals acquire greater confidence in their own judgments. 111<br />
In plaaslike republikanisme en in die beoefening van burgerlike<br />
deugde op plaaslike vlak vind Tocqueville nie net ’n tegniek nie, maar<br />
ook ’n nuwe moraliteit, ’n moraliteit wat meewerk teen die<br />
tirannieke uitwerking van meerderheidsdwang en -intimidasie en teen<br />
gesentraliseerde burokratiese voorskrifte. 112<br />
Verskeidenheid is gevolglik noodsaaklik om vryheid te verseker,<br />
terwyl individuele vryheid sonder die beskerming van die integriteit<br />
van groepe eweneens onbestaanbaar is. ’n Demokratiese samelewing<br />
wat ernstig is oor die handhawing van vryheid behoort voorkeur aan<br />
die instandhouding van groepe te gee. Nasiebou wat daarenteen<br />
vyandig teenoor die instandhouding van groepe staan, is uiteindelik<br />
ook die vyand van individuele vryheid. Daarom sê Degenaar tereg:<br />
The plurality of associations should be maintained as effective<br />
structuring of freedom acted as counter-measure to any form of<br />
totalitarianism. An open and plural society is precisely one in which the<br />
existence of bargaining power of a variety of associations are accepted<br />
and protected. 113<br />
3 Sagter vorme van nasiebou<br />
Nasiebou het minder kru en meer gevarieerde vertakkings. Benewens<br />
109 Siedentop (n 98 hierbo) 81.<br />
110 Siedentop (n 98 hierbo) 82.<br />
111 Siedentop (n 98 hierbo) 82.<br />
112 Siedentop (n 98 hierbo) 64.<br />
113 JJ Degenaar ‘Pluralism’ in DJ van Vuuren en DJ Kriek (reds) Political Alternatives<br />
for Southern Africa: Principles and Perspectives (1983) 86; Sien verder in hierdie<br />
verband die deeglike bespreking van B Zylstra From Pluralism to Collectivism -<br />
The development of Harold Laski’s political thought (1970).
154 Hoofstuk 6<br />
Jakobynse nasiebou is daar ook die strategieë van konstitusionele 114<br />
asook dié van pluralistiese nasiebou. 115 Konstitusionele nasiebou is<br />
gekonstrueer op ’n gemeenskaplike lojaliteit teenoor die grondwet, in<br />
die besonder van ’n grondwet wat ook vir die beskerming van<br />
individuele regte voorsiening maak. Dit vind onder meer uitdrukking<br />
in wat gewoonlik as konstitusionele patriotisme bekend staan. Dit<br />
funksioneer onder meer op sterkte van die aanname dat etniese<br />
minderhede mettertyd wesenlik met assimilasie in die meerderheid<br />
vir lief sal neem op voorwaarde dat die howe beskerming aan enkele<br />
minderheidsregte sal verleen. 116<br />
Pluralistiese nasiebou se oogmerke is nog meer beskeie. Ofskoon<br />
dit nie die ideaal laat vaar dat daar ’n nasie vir die staat in die lewe<br />
geroep moet word nie, sien dit af van die dwingende maatreëls van<br />
nasiebou volgens die Jakobynse patroon. 117 Die strategie behou<br />
steeds die doelwit om lojaliteit teenoor die staat te bevorder, maar<br />
in plaas daarvan om dit met dwang te bewerkstellig, word dit met<br />
maatreëls wat daarop gemik is om groepe te akkommodeer,<br />
(akkommoderingsmaatreëls) aangehelp. Dit is as ’t ware ’n minsame<br />
nasieboustrategie wat die pynigende roede van die Jakobynisme vir ’n<br />
smaaklike wortel verruil. Die strategie maak onder andere vir<br />
magsdelingsmeganismes en vir minderheidsbeskerming voorsiening.<br />
118 Die toenemende erkenning van minderheidsregte oor die<br />
laaste dekades getuig grootliks van die groeiende aantreklikheid van<br />
hierdie strategie. 119<br />
Hierdie twee gesofistikeerde nasieboustrategieë vertoon<br />
duidelike verskille met hul brutale Jakobynse grootvader. Dit is<br />
eerstens nie so totalitêr soos Jakobynisme nie. Dit gryp nie so diep en<br />
so eksplisiet in die burgerlike samelewing en in mense se privaat<br />
lewens in nie. Anders as Jakobynse nasiebou forseer hierdie<br />
gesofistikeerde vorme van nasiebou ook nie staatsidentiteit eksplisiet<br />
af nie, met die gevolg dat dit ook nie ’n intiem individuele neerslag<br />
het en aktief probeer om individuele identiteit fundamenteel te<br />
verander nie.<br />
Tot sover strek die verskille tussen Jakobynse en gesofistikeerde<br />
nasiebou. Maar daar is ook wesenlike ooreenkomste. Volgens sowel<br />
Jakobynse as gesofistikeerde nasiebou word openbare (politieke)<br />
identiteit steeds vir die staat gereserveer. Ofskoon gesofistikeerde<br />
114 Giliomee (n 11 hierbo) 7-10.<br />
115 Giliomee (n 11 hierbo) 20-27.<br />
116 Giliomee (n 11 hierbo) 7.<br />
117 Giliomee (n 11 hierbo) 20.<br />
118 Giliomee (n 11 hierbo) 23.<br />
119 Sien hieroor byvoorbeeld HA Strydom ‘South African constitutionalism between<br />
unity and diversity: lessons from the new Europe’ (1997) 12 SA Public Law 373 et<br />
seq.
Staatlike identiteit die Sterflike God kry ’n gemeente van aanbidders - Die Nasie 155<br />
nasiebou private variasie toelaat en moontlik ook sal voorsiening<br />
maak vir die grondwetlike beskerming daarvan, waak dit net so<br />
jaloers oor die territoriale staat se monopolie op die openbare<br />
politieke domein. Dit is inderdaad heeltemal korrek om soos AE<br />
Galeotti te sê:<br />
... whereas citizens are free to pursue their own ideals and to practice<br />
their culture within civil society, in the public sphere they should<br />
disregard their special and particular memberships and be ‘just citizens’<br />
on an equal basis. 120<br />
Die rede hiervoor is die vrees — sedert die dae van Bodin — dat sodra<br />
’n partikuliere groepsidentiteit neerslag in die basiese karakter van<br />
die staat vind, dit opnuut ’n stryd om die aard van die staat sal<br />
ontketen. 121<br />
Nasiebou, van welke aard ook al, val binne die staatlike<br />
paradigma. Dit is die mees tipiese politiek-intellektuele denkstrategie<br />
in belang van die verskansing van die bestaande territoriale staat.<br />
Dienooreenkomstig waak nasiebou steeds oor die monopolie van<br />
staatsburgerskap as die enigste openbare identiteit. Dit sluit die<br />
aanspraak van alle ander identiteite op openbare erkenning uit en<br />
sorg dat sulke identiteite in die skadu’s van die private sfeer bly. Alle<br />
nasiebouprojekte voed staatsidentiteit: die Jakobyne doen dit met<br />
bitter dwangmaatreëls, en gesofistikeerde nasiebou doen dit met die<br />
versoete smaak van private akkommodering. Albei is outentieke<br />
staatsboustrategieë. Dit stel die staat eerste en maak individue en in<br />
die besonder gemeenskappe sekondêr aan die belange van die staat.<br />
Dit neem die staat as die vaste vertrekpunt en buig en manipuleer<br />
individue en groepe ten einde die staat dienstig te wees. Met nasiebou<br />
het Hobbes se Leviatan, die sterflike god, sy eensame en afsydige<br />
posisie wat hy altyd gehandhaaf het, verlaat. Nasiebou het die<br />
sterflike god se soektog na aanbidders bevredig. Nasiebou bevestig<br />
dat die mense daar is vir die staat, nie die staat vir die mense nie.<br />
4 Staatsbou-regsdenke<br />
Die noodsaak om die staat aan die hand van die uitgangspunte van<br />
nasiebou te verskans, vind wyd en diep in die regsteorie en in die<br />
regspraktyk neerslag. Soos in hoofstuk 5 verduidelik, is dit een van die<br />
tipiese eienskappe van die regswetenskap dat dit ’n toegepaste<br />
wetenskap is. Een van die eienskappe daarvan is om aan die hand van<br />
’n bepaalde paradigma te opereer, sonder om eers van die paradigma<br />
120 AE Galeotti ‘Citizenship and Equality: The place for toleration’ (1993) 21 Political<br />
Theory 591.<br />
121 Kukathas (n 90 hierbo) 692-693.
156 Hoofstuk 6<br />
bewus te wees. Dieselfde verskynsel geld natuurlik te meer nog vir die<br />
regspraktyk as vir regsdenke en die regswetenskap. Die gevolg hiervan<br />
is dat die regsteorie en –praktyk onnadenkend neig om aan die hand<br />
van die staatlike paradigma die bestaande staatlike orde en staatlike<br />
identiteit, soos wat dit in nasiebouprojekte uitdrukking vind, tot diens<br />
te wees. In praktiese terme beteken dit dat dié regsteorie en<br />
regspraktyk nie net streng binne dissiplines van ’n paradigma opereer<br />
nie, maar terselfdertyd ’n ideologie verdedig deur dit met die gesag<br />
van die reg te beklee. Die verskynsel kom wyd voor en ook die mees<br />
gewaardeerde eietydse denkers is die — heel onkritiese — eksponente<br />
hiervan. Om dit toe te lig word vervolgens aandag gegee aan die<br />
denke van John Rawls en Ronald Dworkin. Nader aan die regspraktyk<br />
word gefokus op nasiebou soos weerspieël in die Suid-Afrikaanse<br />
regspraak wat net so ongereflekteerd in die uitgangspunte van die<br />
staatlike paradigma geanker is.<br />
4.1 John Rawls<br />
John Rawls se magnum opus, A Theory of Justice, 122 word allerweë<br />
beskou as die voorste eietydse verwoording van die liberale staats- en<br />
regsteorie. Insgelyks, so word hier geargumenteer, is Rawls ook ’n<br />
outentieke eksponent van die staatlike paradigma. Getrou aan die<br />
uitgangspunte van die paradigma, sedert die vroegste oorsprong<br />
daarvan by Jean Bodin, reserveer Rawls die openbare politieke terrein<br />
vir die staat en die individuele burger, terwyl alle ander entiteite en<br />
groeperings streng binne die grense van die private sfeer gehou word.<br />
Sodoende tree Rawls ook op as ’n staatsbouer. Rawls konstrueer sy<br />
staatsnasie ooreenkomstig die gesofistikeerde 123 nasieboupatroon<br />
wat hierbo behandel is.<br />
Rawls is na die publikasie van sy hoofwerk aan volgehoue kritiek<br />
onderwerp, veral deur kommunitêre denkers soos Michael Sandel,<br />
Charles Taylor, Alisdair MacIntyre, Michael Walzer 124 en Vernon van<br />
Dyke. Dit het Rawls daartoe genoop om in ’n aantal artikels 125 sy<br />
uitgangspunte te verduidelik, maar ook aan te pas en verder te<br />
verfyn. Veral hierin tree die nasieboutendens in sy denke duidelik op<br />
die voorgrond.<br />
122 J Rawls A Theory of Justice (1971).<br />
123 Oftewel, soos Giliomee daarna verwys, onderskeidelik die liberaal-demokratiese<br />
en die konstitusionele patrone van nasiebou. Sien Giliomee (n 11 hierbo) 7-8.<br />
124 Vir ’n nuttige samevatting van die kritiek sien S Mulhall en A Swift Liberals and<br />
Communitarians (1992) 37-164.<br />
125 (a) Sien J Rawls ‘Justice as fairness: political not metaphysical’ (1985) 14<br />
Philosophy and Public Affairs 223-251; (b) J Rawls ‘The idea of overlapping<br />
consensus’ (1987) 7 Oxford Journal of Legal Studies 1-25; (c) J Rawls ‘The priority<br />
of the right and ideas of the good’ (1988) 17 Philosophy and Public Affairs 251-<br />
276; (d) J Rawls ‘The domain of the political and overlapping Consensus’ (1989)<br />
64 New York University Law Review 233-255.
Staatlike identiteit die Sterflike God kry ’n gemeente van aanbidders - Die Nasie 157<br />
By Rawls vind ons ’n moderne weergawe van die sosiale kontrakteorie<br />
wat gebruik word as ’n middel om ’n model van politieke<br />
geregtigheid te ontwerp. Tydens die sluit van die ooreenkoms geld<br />
wat Rawls die oorspronklike toestand (original position) noem. In<br />
hierdie toestand moet die omstandighede so daar uitsien dat dit<br />
ideaal is vir die konstruering van ’n blywende toestand van politieke<br />
geregtigheid. 126 Die toestand word verkry deur almal wat by die sluit<br />
van die ooreenkoms betrokke is, met ’n sluier van onkunde (veil of<br />
ignorance) met betrekking tot hulle eie identiteit, posisie en<br />
oortuigings tydens die sluit van die ooreenkoms, te bedek. Elkeen is<br />
geheel en al onkundig wat betref die identiteit wat hulle na die sluit<br />
van die kontrak sal hê, oor wat hulle sosiale en ekonomiese posisie in<br />
die samelewing sal wees, asook oor die standpunte wat hulle sal<br />
huldig en die oortuigings wat hulle sal koester. In die oorspronklike<br />
toestand word daar weens die werking van die sluier van onkunde ’n<br />
situasie van volledige gelykheid (en vryheid) bewerkstellig. Elkeen<br />
loop die gevaar om na die verwydering van die sluier van onkunde te<br />
vind dat hy/sy moontlik in die allerlaagste en mins vermoënde posisie<br />
mag verkeer. Elke rasionele mens — en Rawls se klaarblyklik<br />
rasionalistiese model veronderstel noodwendig dat almal rasioneel sal<br />
te werk gaan met betrekking tot die behartiging van individuele<br />
belange — sal dus so kontrakteer dat daar ook vir die heel swakstes en<br />
die mins bevoorregtes voorsiening gemaak word, eenvoudig omdat<br />
elke kontraksparty juis self die gevaar loop om na die sluiting van die<br />
ooreenkoms in die swakste posisie te verkeer. Op hierdie manier word<br />
’n rasioneel gefundeerde regsorde verseker. Die kontrak wat die<br />
grondslag van die regsorde is, word weens die werking van die sluier<br />
van onkunde op die grondslag van volledige eenstemmigheid gesluit,<br />
danksy die feit dat almal in presies dieselfde posisie verkeer het.<br />
Die kontrak maak vir slegs die mees basiese minimumregsbeginsels<br />
voorsiening. Die kontrak bevat uitdruklik geen bedinge<br />
waarin voorkeur gegee word aan ’n bepaalde godsdiens, ideologiese<br />
kode, etniese groep of enigiets dergeliks nie. Die rede hiervoor is dat<br />
die kontrakspartye, bedek met die sluier van onkunde, telkens<br />
oorweeg het dat hulle na die sluiting van die kontrak mag ontdek dat<br />
hulle ’n nie-dominante godsdiens of ideologie aanhang, of tot ’n niedominante<br />
etniese of kultuurgroep behoort. Die onkunde wat<br />
gedurende die oorspronklike toestand vaardig is, verseker gevolglik<br />
dat die staatsorde en die regsbeginsels wat daaruit voortgebring<br />
word, heeltemal neutraal is. Die oorspronklike toestand verseker ’n<br />
staat wat voorsiening maak vir basiese gelyke beregtiging van alle<br />
individue (en groepe) en wat aan geen ideologiese, godsdienstige,<br />
morele of welke ander partikuliere kode of opvatting ook al, enige<br />
amptelike erkenning verleen nie.<br />
126 Rawls (n 125a hierbo) 234-239.
158 Hoofstuk 6<br />
Die persoon wat by die oorspronklike toestand betrokke is, is die<br />
universele individu en die algemene staatsburger: die algemene<br />
Amerikaner of die algemene Suid-Afrikaner. Dit is nie ’n besondere<br />
Amerikaner, byvoorbeeld die Afro-Amerikaner, die WASP of Hispaniër<br />
nie; dit is ook nie die besondere Suid-Afrikaner, byvoorbeeld die<br />
Swartman, Zoeloe, Moslem of Afrikaner nie. Die rasionaliteit wat by<br />
die kontraksluiting in die oorspronklike toestand betrokke is, is dus ’n<br />
algemene individuele rasionaliteit, oftewel ’n algemene ’neutrale’<br />
staatsburgerlike rasionaliteit. Die staatlike regsorde is gevolglik ook<br />
die produk van daardie algemene staatsburgerlike rasionaliteit.<br />
Derhalwe is dit slegs die belange van die individuele algemene burger<br />
wat in die openbare orde vergestalt en juridies verreken word.<br />
Partikuliere identiteite en voorkeure kan nie in die openbare sfeer<br />
weerspieël word en juridiese neerslag vind nie, anders kry die staat<br />
’n partikuliere en partydige identiteit wat vyandig mag wees teenoor<br />
ander partikuliere identiteite en gevolglik die interne kohesie van die<br />
staat kan ontwrig.<br />
Rawls tref voortdurend ’n streng onderskeid tussen die private en<br />
die openbare politieke sfeer. Sy geregtigheidsmodel verreken slegs dit<br />
wat gemeenskaplik aan alle individuele staatsburgers is. Die model<br />
plaas daarenteen ’n verbod op juridiese erkenning van enige<br />
partikuliere ideologiese oortuiging, waarde, identiteit of enige ander<br />
konsep van wat goed of deugsaam is. Hierdie verbod is egter net op<br />
die openbare sfeer van toepassing. Rawls ontwikkel dus nie ’n<br />
omvattende morele leerstuk nie, maar slegs ’n politieke konsep van<br />
geregtigheid wat in die openbare sfeer geld. 127 Dit is heeltemal in<br />
orde as individue en gemeenskappe keuses maak oor wat goed, reg en<br />
van waarde is, maar daardie keuses mag slegs in die private sfeer van<br />
krag wees. Die dwang van staatsgesag kan nooit aangewend word om<br />
daardie keuses op andersoortiges en andersdenkendes af te dwing nie.<br />
Wat die staat kan afdwing is slegs die regsbeginsels waaroor daar<br />
eenstemmigheid bestaan (welke eenstemmigheid met die sluit van<br />
die kontrak gedurende die oorspronklike toestand bereik is) en wat<br />
elkeen se reg op vrye keuse-uitoefening beskerm. Die gesag van die<br />
staat kan nooit ingespan word om oortuigings oor die goeie, oor<br />
waardes en oor partikuliere identiteite af te dwing nie, want daaroor<br />
kan daar nooit eenstemmigheid wees nie. 128<br />
Buite die openbare politieke sfeer kan assosiasies gevorm word op<br />
grond van gemeenskaplike beskouings oor die goeie. Dit kan gedoen<br />
word omdat daardie assosiasies op vrye keuses berus. ’n Persoon het<br />
127 Sien Rawls (n 125a hierbo) 224-225 en Rawls (n 124d hierbo) 248.<br />
128 Rawls sien die pluraliteit van die moderne staat as ’n blywende gegewe, met die<br />
gevolg dat daar geen heil is in pogings om partikuliere beskouings oor die goeie,<br />
van staatsweë te probeer afdwing nie. Sien byvoorbeeld Rawls (n 125d hierbo)<br />
234-235.
Staatlike identiteit die Sterflike God kry ’n gemeente van aanbidders - Die Nasie 159<br />
die vryheid om hom met die dissipline van daardie assosiasies te<br />
assosieer en hom weer daarvan te disassosieer as hy dit verkies. Maar<br />
die politieke, of meer korrek, die staatsamelewing berus nie op vrye<br />
vereenselwiging nie en daarom kan dit nie op (partikuliere)<br />
afdwingbare beskouings van die goeie berus nie. Indien wel, lei dit tot<br />
onregverdigbare dwangmaatreëls gemik teen diegene wat dit nie met<br />
die dominante konsep van die goeie eens is nie:<br />
... the political power exercised within the political relationship is<br />
always coercive power backed by the state’s machinery for enforcing its<br />
laws. In a constitutional regime political power is also the power of<br />
equal citizens as a collective body. It is regularly imposed on citizens as<br />
individuals, some of whom may not accept the reasons widely thought to<br />
justify the general structure of political authority (the constitution),<br />
some of whom accept that structure, but do not regard as well grounded<br />
many of the statutes and other laws to which they are subject.<br />
Political liberalism, then, holds, that there is a special domain of the<br />
political identified by at least these features. So understood, the<br />
political is distinct from the associational, which is voluntary in ways the<br />
political is not; it is also distinct from the personal and the familial,<br />
which are affectional domains, again in ways the political is not. 129<br />
Die geregtigheidsmodel van Rawls is gevolglik net op die politieke<br />
terrein, die terrein wat hy die basic structure noem, 130 van krag.<br />
Binne die wêreld van assosiasies wat funksioneer op die grondslag van<br />
vrye vereenselwiging is dié model nie van toepassing nie. Daarom volg<br />
dit dat ons hier juis met ’n politieke geregtigheidsmodel te doen het<br />
en nie met ’n algemene morele filosofie nie. Rawls se fokus is<br />
deurlopend op die konsep van politieke geregtigheid gerig. ’n<br />
Bykomende tema wat nou met hierdie hooftema verwant is, is die<br />
modus vivendi 131 wat gevolg moet word ten einde die plurale staat se<br />
bestaan te verseker. Om dit reguit te stel, Rawls is nie net ’n<br />
geregtigheidsfilosoof nie, maar in dieselfde asem ook ’n politieke —<br />
of, meer korrek — ’n staatstrateeg. Sy belang lê by die versekering van<br />
openbare geregtigheid, maar insgelyks ook by die bewerking van die<br />
kohesie en die voortbestaan van die staat in sy bestaande vorm.<br />
Rawls is klaarblyklik goed ingegrawe in die historiese wortels van<br />
die (politieke) liberalisme en is terdeë bewus van die plurale staat se<br />
strategiese afhanklikheid van die handhawing van verdraagsaamheid.<br />
Hy sluit hom juis uitdruklik aan by hierdie tradisie wat terugdateer na<br />
129 Rawls (n 125d hierbo) 242.<br />
130 Rawls (n 125d hierbo) 240; Rawls (n 125b hierbo) 3 et seq; Rawls (n 125a hierbo)<br />
224-225.<br />
131 Modus vivendi is die frase wat Rawls gebruik vir die strategiese effek van sy teorie<br />
om die bestaande staat te bestendig en in stand te hou. Sien byvoorbeeld Rawls<br />
(n 125c hierbo); 274; Rawls (n 125b hierbo) 9; Rawls (n 125a hierbo) 247.
160 Hoofstuk 6<br />
die era van die oorspronklike vestiging van die staatlike paradigma<br />
deur Bodin en Hobbes. 132 So redeneer hy:<br />
Now one reason for focusing directly on a political conception for the<br />
basic structure is that, as a practical political matter, no general and<br />
comprehensive view can provide a publicly acceptable basis for a<br />
political conception of justice. The social and historical conditions of<br />
modern democratic regimes have their origin in the Wars of Religion<br />
following the Reformation and the subsequent development of the<br />
principle of toleration, and in the growth of constitutional government<br />
and of large industrial market economies. These conditions profoundly<br />
affect the requirements of a workable conception of justice: among<br />
other things, such a conception must allow for a diversity of general and<br />
comprehensive doctrines, and for the plurality of conflicting, and indeed<br />
incommensurable conceptions of the meaning, value and purpose of<br />
human life (or what I shall call for short, ‘conceptions of the good’)<br />
affirmed by the citizens of democratic societies. 133<br />
Rawls verklaar dat die voortbestaan van die staat wat van populêre<br />
ondersteuning afhanklik is, 134 op ’n politieke konsep van geregtigheid<br />
moet berus:<br />
Since we are concerned with securing the stability of a constitutional<br />
regime, and wish to achieve free and willing agreement on a political<br />
conception of justice that establishes at least the constitutional<br />
essentials, we must find another basis of agreement than that of a<br />
general and comprehensive doctrine. And so, as this alternative basis,<br />
we look for a political conception of justice that might be supported by<br />
an overlapping consensus. 135<br />
Rawls se konstitusionele regime is gebaseer op ’n algemene konsensus<br />
oor regsbeginsels wat bereikbaar is ten spyte van diepliggende<br />
verdelings in ’n plurale samelewing. Hierdie pluralisme word egter<br />
nooit ’n politieke twispunt nie, omdat die verskille buite die openbare<br />
politieke sfeer gehou word. Rawls se pluralisme is net soos dié van sy<br />
liberale voorgangers binne die staatlike paradigma, ’n private<br />
pluralisme. Partikuliere identiteite bly as ’t ware tuis; dit word nooit<br />
buite in die openbare sfeer toegelaat nie. In die openbare sfeer<br />
ontmoet mense mekaar nie uit hoofde van hulle partikuliere<br />
identiteite nie, maar bloot as individuele burgers. Vir doeleindes van<br />
die openbare sfeer het mense slegs een identiteit, naamlik dié van<br />
staatsburgers. Ander identiteite, oortuigings en verbintenisse, van<br />
welke wesenlike belang dit ook al vir die betrokke individue mag<br />
wees, bly streng binne die private domein:<br />
132 Sien hieroor die breedvoerige bespreking in hoofstuk 4.<br />
133 Rawls (n 125b hierbo) 4; Rawls (n 125a hierbo) 245, 249.<br />
134 Rawls (n 125a hierbo) 235.<br />
135 Rawls (n 125b hierbo) 4-5.
Staatlike identiteit die Sterflike God kry ’n gemeente van aanbidders - Die Nasie 161<br />
They may regard it as simply unthinkable to view themselves apart from<br />
certain religious, philosophical and moral convictions or from certain<br />
enduring attachments and loyalties. These convictions and attachments<br />
form part of what we may call their non-public identity ... 136<br />
Vir doeleindes van die openbare politieke sfeer kwalifiseer dus slegs<br />
die gemeenskaplike burgerskapsidentiteit. Binne hierdie sfeer word<br />
slegs die gemene deler, byvoorbeeld Amerikaanse of Suid-Afrikaanse<br />
burgers, toegelaat en nooit die partikuliere Afro-Amerikaner,<br />
Katoliek, Moslem of Afrikaner nie.<br />
Rawls se politieke konsep van geregtigheid met al die aansprake<br />
van neutraliteit wat daarmee gepaard gaan, funksioneer ook as ’n<br />
politieke strategie. Dit plaas ’n verbod op die openbare politieke<br />
manifestasie van enige partikuliere identiteit wat moontlik tot gevolg<br />
kan hê dat die bestaande orde onder druk geplaas word en wat sigself<br />
beywer vir die transformasie van die bestaande staatlike orde.<br />
Wanneer hy ons meedeel wat die taak van die politieke filosofie<br />
is, openbaar Rawls homself as ’n staatsbouer — met ander woorde, die<br />
legitimeerder, bestendiger en versterker van die bestaande orde van<br />
die territoriale staat. Die funksie van die politieke filosofie is naamlik<br />
om partikuliere menings en identiteite so te manipuleer dat die<br />
gemeenskaplike beklemtoon en die verskille genegativeer word ten<br />
einde ’n openbare konsensus te bou en dienooreenkomstig die<br />
spektrum van openbare verskille te vernou. 137<br />
Op die keper beskou, is Rawls se politieke konsep van geregtigheid<br />
gebaseer op ’n samelewing wat funksioneer op die grondslag van die<br />
eenstemmige besef dat daar ’n gebrek aan onderlinge gemeenskap in<br />
die kontemporêre territoriale staat bestaan, asook op die aanname<br />
dat die arbitrêre afbakening van die grense van territoriale state, wat<br />
uiteenlopende groeperings in een staat ingekamp het, ’n<br />
onveranderlike en permanente gegewe is; dat daar niks omtrent dié<br />
arbitrêre toedrag van sake gedoen kan en moet word nie, ten spyte<br />
van die feit dat die bestaande staatlike orde met sy besondere<br />
grensafbakening kulturele, etniese, godsdienstige, taal- en ander<br />
bande misken. Rawls het derhalwe geen kritiese sin vir die territoriale<br />
staat in sy huidige orde nie. Hy werk geheel en al onkrities daarbinne<br />
asof dit ’n onveranderlike vanselfsprekende gegewe is, byna asof dit<br />
op ’n dag bloot uit die lug geval het — in die woorde van Vernon van<br />
Dyke as a kind of happening 138 — en daarmee uit en gedaan.<br />
136 Rawls (n 125a hierbo) 241.<br />
137 Rawls (n 125a hierbo) 230.<br />
138 V Van Dyke ‘The individual the state and ethnic communities in political theory’<br />
(1976-77) 29 World Politics 348.
162 Hoofstuk 6<br />
Hierdie soort staat sonder ’n nasie, sonder ’n gemeenskap, sonder<br />
gemeenskaplike identiteit of gemeenskaplike konsep van die goeie, is<br />
die ru-materiaal van Rawls se politieke geregtigheidsmodel.<br />
Oor slegs een saak is daar in hierdie staatlike orde<br />
eenstemmigheid, naamlik oor die noodsaak van regsbeginsels wat die<br />
private belange van alle individuele burgers sal bevorder. Aangesien<br />
individuele burgers met verloop van tyd toenemend sal besef dat die<br />
liberale staat hulle ter wille is, sal hulle algaande getrouer teenoor<br />
die staat raak: 139<br />
This independent allegiance in turn leads people, to act with evident<br />
intention in accordance with liberal arrangements since they have<br />
reasonable assurance (founded on past experience) that other will also<br />
comply with them. So gradually over time, as the success of political cooperation<br />
continues, citizens come to have increasing trust and<br />
confidence in one another. 140<br />
Rawls se projek is om binne die gegewe realiteit van die territoriale<br />
staat ’n gemeenskaplike staatsburgerlike identiteit aan te kweek en<br />
te voed ten einde sodoende die onderlinge kohesie van die<br />
staatsburgers te versterk en blywende stabiliteit van die staatlike<br />
orde te bewerkstellig. Benewens ander dinge is Rawls ook die<br />
voortreflike staatsman met ’n staatsbouprojek wat daarop afgestem<br />
is om die bestaande orde tot in die verre toekoms in stand te hou:<br />
Some may think that to secure stable social unity in a constitutional<br />
regime by looking for an overlapping consensus detaches political<br />
philosophy from philosophy and makes it into politics. Yes and no: the<br />
politician, we say, looks at the next election, the statesman to the next<br />
generation, and philosophy to the indefinite future. Philosophy sees the<br />
political world as an on-going system of co-operation over time, in<br />
perpetuity practically speaking. Political philosophy is related to politics<br />
because it must be concerned, as moral philosophy need not be, with<br />
practical political possibilities. This has led us to outline for example,<br />
how it is possible for the deep divisions present in a pluralistic society to<br />
be reconciled through a political conception of justice that gradually<br />
over generations becomes the locus of an overlapping consensus.<br />
Moreover, this concern with the practical possibilities compels political<br />
philosophy to consider fundamental institutional questions and the<br />
assumptions of a reasonable moral psychology. 141<br />
Vanuit ’n kommunitêre denkraamwerk is daar toenemende aandrang<br />
op die erkenning van groepsgedifferensieerde regte en word daar<br />
oortuigend teen die verskraalde staatsburgerskaplike identiteit<br />
beswaar aangeteken. Iris Young bepleit teenoor die algemene<br />
139 Rawls (n 125b hierbo) 21-22.<br />
140 Rawls (n 125b hierbo) 23.<br />
141 Rawls (n 125b hierbo) 24.
Staatlike identiteit die Sterflike God kry ’n gemeente van aanbidders - Die Nasie 163<br />
burgerskaplike identiteit, die erkenning van ’n groepsgedifferensieerde<br />
burgerskap en van ’n heterogene publiek. 142<br />
Hiervolgens word verskille in die openbare domein erken in plaas<br />
daarvan om dit na die private terrein uit te skuif. Daar word<br />
bowendien aanvaar dat die verskille ook nie uitgeskakel kan word nie,<br />
en daar word gepoog om verskille binne die openbare domein te<br />
akkommodeer. 143 Die algemene staatsburgerskap, wat impliseer dat<br />
alle reëls op almal van toepassing is, gee voor dat dit groepe nie in<br />
ag neem nie en ook nie voorkeur aan enige partikuliere waardes of<br />
identiteite gee nie. Young verwerp hierdie aanspraak van neutraliteit<br />
en onpartydigheid. Sy verduidelik dat universele reëls nalaat om<br />
minderheidsbelewenisse en -belange te verreken en sodoende<br />
sodanige minderhede tot tweedeklasburgers reduseer. Juis met die<br />
oog daarop om hierdie ongelykhede jeens minderhede aan te spreek,<br />
word daar aangedring op die erkenning van gedifferensieerde<br />
burgerskap. Daardeur word alle ervarings en opvattings, in die<br />
besonder ook dié van nie-dominante minderhede, binne die openbare<br />
terrein geakkommodeer. 144<br />
Die politieke geregtigheidsmodel van Rawls is ondanks al die<br />
neutrale aansprake in werklikheid partydig, omdat dit die besondere<br />
identiteite en belange van minderhede ignoreer. 145 Dit vind plaas<br />
omdat die oorspronklike toestand wat sentraal in Rawls se stelsel is,<br />
epistemologies gebrekkig is. Die gebrek kom voor omdat Rawls en<br />
andere soos hy nie self tot minderhede behoort nie en derhalwe nie<br />
namens minderhede kan praat nie, en ook nie daarin kan slaag om ’n<br />
geregtigheidsmodel waarin minderheidsbelewenisse en -belange<br />
vervat is, te kan opstel nie. Minderheidsbelewenisse word dus nie in<br />
die oorspronklike toestand vervat nie en kan nie die medebepaler van<br />
sy geregtigheidsmodel wees nie. Teoretici soos Rawls kan eenvoudig,<br />
weens die feit dat hulle nie tot minderhede behoort nie, nie daarin<br />
slaag om vanuit die leefwêreld van minderhede, die besondere<br />
behoeftes en belange van minderhede te artikuleer nie. Daar vind dus<br />
’n kommunikasiekortsluiting plaas in die poging om ’n algemene<br />
teoretiese geregtigheidsmodel te probeer opstel. Die teoretikus praat<br />
namens wat hy as die universele burger sien, en poog om vanuit<br />
daardie hoek ’n standhoudende geregtigheidsmodel te ontwerp. In die<br />
proses word die konkrete identiteite en situasies van ’n klomp<br />
besondere mense vanuit agtergronde, kulture en sosiale kontekste<br />
anders as dié van die teoretikus self nooit na vore gebring nie. Die<br />
teoretikus kan daardie besondere belewenisse en situasies eenvoudig<br />
142 Young (n 89 hierbo) 257-258.<br />
143 Young (n 89 hierbo) 258.<br />
144 Young (n 89 hierbo) 250 et seq.<br />
145 Sien MS Williams ‘Justice towards groups’ (1995) 23 Political Theory 75 et seq se<br />
bespreking van die inagneming van sosiale verskille as vereiste vir geregtigheid<br />
binne ʼn politieke bestel.
164 Hoofstuk 6<br />
nie verreken en artikuleer nie en hy het dus geen konkrete<br />
verteenwoordigings-mandaat nie. Gevolglik misluk sy poging om<br />
daardie groepe in die geregtigheidsmodel te verteenwoordig: 146<br />
... we should not suppose that we as individuals toiling away in the<br />
cloistered halls of academe, can construct principles of justice that<br />
anticipate standpoints of all relevant others. 147<br />
Dit is onmoontlik om ’n prosedure vir ’n algemene geregtigheidsmodel<br />
te ontwerp sonder dat dit uiteindelik die ontwerper van die stelsel se<br />
eie identiteit en sosiale posisie weerspieël. Daarom is so ’n oefening<br />
altyd tot mislukking gedoem. Die enigste haalbare alternatief vir die<br />
instandhouding van geregtigheid is die deurlopende daadwerklike<br />
politieke deelname van almal, insluitende gemarginaliseerde<br />
minderhede. Regskepping moet dus nie buite en vóór die politiek<br />
geskied nie, maar op ’n deurlopende grondslag binne die politieke<br />
diskoers. In die diskoers moet alle belange regstreeks deur die<br />
belanghebbendes geartikuleer word 148 en nie deur ’n virtuele<br />
filosofiese verteenwoordiger wat nooit daarin kan slaag om werklik<br />
namens almal te praat nie.<br />
Rawls is die geregtigheidsfilosoof binne die staatlike paradigma.<br />
Die bestaande orde van die territoriale staat is sy vaste vertrekpunt —<br />
die vanselfsprekende happening waarvan hy uitgaan. Hy<br />
bevraagteken dit nooit. Hy oorweeg nooit die moontlikheid dat die<br />
bestaande staatlike orde moontlik in die pad van die totstandkoming<br />
van geregtigheid staan nie en gaan konsekwent van die standpunt uit<br />
dat geregtigheid binne die bestaande orde bereik moet word. Dit is sy<br />
onuitgesproke en onoorwoë vertrekpunt. Sy poging om geregtigheid te<br />
bewerkstellig misluk uiteindelik om twee redes:<br />
eerstens, sy onuitgesproke verknogtheid aan die bestaande orde van<br />
die territoriale staat en sy onvermoë of onwilligheid om die<br />
wenslikheid van die staatlike orde as vertrekpunt te bevraagteken; en<br />
tweedens, omdat hy in die laaste instansie op ’n ondemokratiese wyse<br />
te werk gaan in ’n poging om geregtigheid te bewerkstellig. Hy<br />
versuim om die belewenisse van gemarginaliseerde minderhede te<br />
laat meewerk in die vestiging van geregtigheid deurdat hy slegs die<br />
algemene rasionele mens (hyself) se belewenisse, belange en<br />
behoeftes en identiteit in die sy sosiale kontrak laat kontrakteer.<br />
146 Wiliams (n 145 hierbo) 78.<br />
147 Wiliams (n 145 hierbo) 78.<br />
148 Wiliams (n 145 hierbo) 79.
Staatlike identiteit die Sterflike God kry ’n gemeente van aanbidders - Die Nasie 165<br />
4.2 Nasiebouregspraak, Ronald Dworkin en regsbeginsels<br />
(a) Nasiebouregspraak<br />
In die Suid-Afrikaanse reg vervul die konsep van boni mores oftewel<br />
die sogenaamde objektiewe redelikheidskriterium ’n beslissende rol<br />
by die beoordeling van die onregmatigheid (of wederregtelikheid) al<br />
dan nie, van ’n handeling. As sodanig vervul die boni mores-konsep ’n<br />
belangrike funksie in die konteks van die verbintenisreg (die<br />
deliktereg en die kontraktereg), die strafreg asook die<br />
huweliksreg. 149 Daar word gesê dat die boni mores in die regskonteks<br />
nie ’n morele nie, maar bepaaldelik ’n juridiese betekenis het. 150 Dit<br />
word vereenselwig met die regsopvattings van die gemeenskap. Die<br />
voorsittende regterlike amptenaar vertolk hierdie opvattings 151 en<br />
beslis op sterkte daarvan onder meer of ’n handeling onregmatig of<br />
wederregtelik is, en of ’n potensieel poligame huwelik gesluit<br />
kragtens Islamitiese rites geoorloof (en dus regmatig) is, al dan nie. 152<br />
In die Suid-Afrikaanse regsdogmatiek asook in die regspraktyk (en<br />
verwoord in ander terme, ook in ander jurisdiksies) vervul die boni<br />
mores-konsep ’n nuttige en belangrike funksie. Dit is ’n soepel<br />
maatstaf wat in staat is om veranderende opvattings en oortuigings te<br />
verreken en sodoende tot billike regspraak by te dra. Desondanks is<br />
selfs so ’n konkrete saak soos die werking van die boni mores in die<br />
regspraktyk steeds ook ’n praktiese manifestasie van die staatlike<br />
paradigma en funksioneer dit onbewustelik as staatsboustrategie.<br />
Die probleem is dat die boni mores klakkeloos aan ’n vermeende<br />
Suid-Afrikaanse gemeenskap, dit wil sê ’n staatlike gemeenskap,<br />
toegedig word. Daar word van die veronderstelling uitgegaan dat die<br />
Suid-Afrikaanse samelewing ’n gemeenskap konstitueer en dat hierdie<br />
staatlike gemeenskap eensgesinde morele en juridiese opvattings<br />
huldig.<br />
149 Sien byvoorbeeld Clarke v Hurst NO and Others 1992 4 SA 630 (D) 650-653;<br />
Macadamia Finance Ltd en ’n Ander v De Wet en ’n Ander 1991 4.SA 273 (T) 278<br />
80; Elida Gibbs (Pty) Ltd v Colgate Palmolive (Pty) Ltd (1) 1988 2 SA 230 (W) 537;<br />
Minister van Polisie v Ewels 1975 3 SA 590 (A) 597; Ismail v Ismail 1983 1 SA 1006<br />
(A) 1026; Schultz v Butt 1986 3 SA 667 (A) 679; Marais v Richard 1981 1 SA 1157<br />
(A) 1168; Atlas Organic Fertilizers (Pty) Ltd v Pikkewyn Ghwano (Pty) Ltd and<br />
Others 1981 2 SA 173 (T) 188-189; Hawker v Life Offices Association of South<br />
Africa and Another 1987 3 SA 772 (K) 781; Coronation Brick (Pty) Ltd v Strachan<br />
Construction Co (Pty) Ltd 1982 4 SA 571 (N) 579 et seq; Administrateur, Transvaal<br />
v Van der Merwe 1994 4 SA 347 (A) 364.<br />
150 Sien in dié opsig Ismail v Ismail (n 149 hierbo) 1025-1026 waar onderskei word<br />
tussen moraal in die sedelike sin teenoor moraal in die juridiese sin.<br />
151 Die bewys van die boni mores geskied by wyse van geregtelike kennisname —<br />
dikwels stilswyend en onbewus. Sien byvoorbeeld AJ van Wyk ‘Die bewyslas van<br />
die boni mores’ (1975) 38 Tydskrif vir Hedendaagse Romeins-Hollandse Reg 386.<br />
152 Sien Ismail v Ismail (n 149 hierbo) en die regspraak daar aangehaal.
166 Hoofstuk 6<br />
In Ewels 153 word daar op sterkte van die aanname dat daar wel ’n<br />
Suid-Afrikaanse gemeenskap is, verwys na die regsopvatting van ‘die<br />
gemeenskap’. Die suggestie is dat daar inderdaad ’n enkele Suid-<br />
Afrikaanse gemeenskap is. In Clarke word eweneens verwys na ‘... the<br />
legal convictions of our society, its boni mores ...’. Weereens word<br />
sonder meer met die veronderstelling van ’n enkele Suid-Afrikaanse<br />
gemeenskap gewerk. 154 In Marais word die veronderstelling van ’n<br />
algemene Suid-Afrikaanse gemeenskap op ’n ander manier versterk.<br />
Die hof verklaar dat regsopvattings nie orals dieselfde is nie. Die hof<br />
opereer dan perfek binne die staatlike paradigma deur te verklaar dat<br />
Suid-Afrikaanse regsopvattings verskil van dié wat in Engeland en die<br />
VSA geld. 155 Die onderskeid loop langs staatsgrense en die gedagte<br />
kom nie by die hof op dat daar ook binne die staat langs die grense<br />
van kultuur- en ander gemeenskappe verskille mag bestaan nie. Daar<br />
word konsekwent met die vaste veronderstelling van ’n nasionale, of<br />
liewers ’n staatlike, eensgesindheid met betrekking tot die boni<br />
mores gewerk. In Ismail word op grond van dieselfde veronderstelling<br />
verklaar dat die opvattings met betrekking tot die sluit van ’n<br />
potensieel poligame huwelik wat volgens Islamitiese gebruike gesluit<br />
is, onaanvaarbaar is en dat dié onaanneemlikheid alle lede van ‘ons’<br />
gemeenskap bind. Die hof verklaar dat:<br />
... such a union can be regarded as contra bonos mores ... as being<br />
contrary to the accepted customs and usages which are regarded as<br />
morally binding upon all members of our society, or as Innes C.J. said in<br />
Seedat’s case at 309, as being fundamentally opposed to our principles<br />
and institutions. 156<br />
Die maatstaf van die algemene boni mores vertoon sigself as die<br />
uitdrukking van ’n breë nasionale konsensus. In werklikheid kan dit<br />
juis die teenoorgestelde uitwerking hê, naamlik om, opgetooi in<br />
neutrale retoriek, die waardes en oortuigings van slegs die dominante<br />
komponent van die staatlike samelewing te verteenwoordig. Die boni<br />
mores gee, soos hierbo gedemonstreer is, voor om ’n omvattende<br />
nasionale eenstemmigheid te weerspieël, maar funksioneer daarenteen<br />
in werklikheid as ’n hegemoniese ideologie en strategie.<br />
Seksionele voor- en afkeure doen hulself as universele opvattings<br />
voor. Vanweë die feit dat dit as algemene opvatting funksioneer,<br />
skakel dit die moontlikheid van alternatiewe opvattings by voorbaat<br />
uit. Die algemene boni mores wat alle persone bind, funksioneer as<br />
strategie waardeur ander legitieme wyses van menslike uitdrukking<br />
misken en onderdruk word. Dit is ’n meganisme wat die uitwerking het<br />
153 1975 3 SA 590 (A) op 597B.<br />
154 1992 4 SA 630 (A) op 653B.<br />
155 1981 1 SA 1157 (A) op 1168 D-E.<br />
156 1983 (1) SA 1006 (A) op 1026B.
Staatlike identiteit die Sterflike God kry ’n gemeente van aanbidders - Die Nasie 167<br />
dat die waardes van een segment van die staatsbevolking op die ander<br />
afgedwing word. 157<br />
Die grondwetlike oorgang in Suid-Afrika wat in 1994 ’n aanvang<br />
geneem het, het grondwetlik gebaseerde regspraak en in die besonder<br />
regspraak gegrond op die handves van regte ingelui. Die<br />
Konstitusionele Hof het by verskeie geleenthede, veral by monde van<br />
regter Sachs, pluraliteit, heterogeniteit en verdraagsaamheid vir<br />
verskille as grondwetlike waardes sterk onderskryf. Die hof het die<br />
mening gehuldig dat die reg om verskillend te wees, ’n aspek van die<br />
reg op gelykheid uitmaak en het die mening uitgespreek dat<br />
eenvormigheid en die standaardisering van gedrag nie met die<br />
waardes van gelykheid waarop ’n demokratiese samelewing gebaseer<br />
is, vereenselwigbaar is nie. 158 Ofskoon nie daartoe beperk nie, was dit<br />
veral in die konteks van verdraagsaamheid jeens homoseksuele en<br />
homoseksuele verhoudings dat hierdie sentimente gelug is.<br />
Daar is egter ook ’n ander lyn van regspraak waarin die<br />
Konstitusionele Hof sigself as ywerige staatsbouer onderskei en die<br />
gedagte van ’n monolitiese staatsnasie op verskeie maniere<br />
onderskryf het. Die hof het nie net die bestaan van ’n Suid-Afrikaanse<br />
nasie sonder meer aanvaar nie. Boonop is daar herhaaldelik verklaar<br />
dat die nasie gesamentlike aspirasies 159 en ideale het, 160 dat die<br />
nasie homself tot sekere dinge verbind het 161 en dat die nasie strewes<br />
het. 162 Volgens verskeie dicta van regters van die Konstitusionele Hof<br />
het die nasie ook gesamentlike waardes. 163 Die nasie het ook sy eie<br />
157 K Malan ‘Oor die hofnotuleringstaal in die lig van die grondwet en na aanleiding<br />
van onlangse regspraak’ (1998) 61 Tydskrif vir Hedendaagse Romeins-Hollandse<br />
Reg 304.<br />
158 Minister of Home Affairs and Another v Fourie and Another 2006 3 BCLR 305 (KH)<br />
para 60 379E-G para 94 391C-D; para 95 391H-392A; Christian Education South<br />
Africa v Minister of Education 2000 10 BCLR 1051 (KH) para 24 1063A-C; National<br />
Coalition for Gay and Lesbian Equality v Minister of Justice and Others 1998 12<br />
BCLR 1517 (KH) para 132 1574H-1575A; para 134 1576A-C; Doctors for Life<br />
International v Speaker of the National Assembly and Others 2006 12 BCLR 1399<br />
(KH) 1472C-D.<br />
159 Didcott r in S v Makwanyane 1995 6 BCLR 665 (KH) para 7403J; Mahomed r in<br />
Makwanyane para 262 758B-D; Ngcobo r in Kaunda and Others v President of the<br />
Republic of South Africa and Others 2004 10 BCLR 1009 (KH) para 155 1048F;<br />
Mokgoro r in Jaftha v Schoeman and Others and Van Rooyen v Stoltz and Others<br />
2005 1 BCLR 78 (KH) para 28 90 B-C; regter Sachs in Matatiele Municipality and<br />
Others v President of the RSA and Others 2006 5 BCLR 622 (KH) para 97 622I;<br />
Mokgoro r in Jaftha para 28 90D.<br />
160 Sachs r in Matatiele Municipality (n 159 hierbo) para 97 852I-853.<br />
161 Didcott r in S v Makwanyane (n 159 hierbo) para 190 740I-J; Chaskalson hr in<br />
Kaunda (n 159 hierbo) para 60 1026F; Ngcobo r ook in Kaunda (n 159 hierbo) para<br />
156 1048G-H en para 159 1049D-E; Ngcobo r in Bato Star Fishing (Pty) Ltd v<br />
Minister of Environment and Tourism 2004 7 BCLR 687 (KH) para 106 730E-F.<br />
162 Langa r in S v Makwanyane (n 159 hierbo) para 227 752F-G.<br />
163 Ngcobo r in Kaunda (n 159 hierbo) para 1551048F, Mokgoro in Jaftha (n 159) para<br />
28 90E.
168 Hoofstuk 6<br />
etos — ’n nasionale etos 164 — sowel as morele en etiese opvattings en<br />
oortuigings of, soos die hof dit stel, die nasie beweeg in ’n morele en<br />
etiese rigting. 165 Die nasie het ’n gesamentlike<br />
geregtigheidsgevoel 166 en in die finale instansie het die nasie ook ’n<br />
siel. 167<br />
Ongeag of ’n Suid-Afrikaanse nasie hoegenaamd bestaan al dan<br />
nie, het die regters van die Konstitusionele Hof met hierdie dicta die<br />
gedagte van ’n monolitiese Suid-Afrikaanse staatsnasie in bykans<br />
hartstogtelike terme onderskryf. Blykens die vermelde stellings het<br />
die staatsnasie die karakter van ’n lewende organisme en van een<br />
individuele morele agent. Juis daarom kan ’n etos aan die nasie<br />
toegeskryf word en kan hy bepaalde karaktertrekke hê, waardes,<br />
morele en etiese oortuigings en opvattings huldig en ’n<br />
geregtigheidsgevoel koester. As enkele morele agent is die<br />
staatsnasie uiteraard ook in staat tot die vorm van ’n enkele algemene<br />
wil. Daarom kan dit aspirasies, strewes en ideale hê en daarom kan<br />
dit sigself tot bepaalde doelwitte verbind en in ’n bepaalde rigting<br />
beweeg. Die verhewe aard van die nasie bring mee dat dit nie net<br />
morele karaktertrekke het en kan wil nie, maar bowendien ook ’n siel<br />
het. Van die indruk dat die nasie ’n religieuse eienskap van heiligheid<br />
vertoon, kan beswaarlik ontsnap word. Met hierdie klinkende retoriek<br />
kon die Konstitusionele Hof die saak vir die staatsnasie nouliks<br />
helderder uitbasuin het.<br />
(b) Ronald Dworkin, apologeet van staatlikheid<br />
In die werk van Ronald Dworkin vind ons ’n tipiese voorbeeld van<br />
regsdenke wat, weliswaar waarskynlik onnadenkend, dog volledig in<br />
die staatlike paradigma ingebed is. Dworkin se opvattings, onder meer<br />
oor regtelike interpretasie, word soms as ’n eiesoortige weerspieëling<br />
164 Mahomed r in S v Makwanyane (n 159 hierbo) para 262 758A-B; para 263 758I-J;<br />
Ncgobo r in Kaunda (n 159 hierbo) para 155 1048F-G; regter Sachs in Minister of<br />
Health and Another NO v New Clicks South Africa (Pty) Ltd and Others<br />
(Treatment Action Campaign and Another as Amici Curiae) 2006 1 BCLR 1 (KH)<br />
para 625 183D; regter Sachs in Doctors for Life (n 158 hierbo) para 1470A-B;<br />
Mokgoro r in Jaftha (n 159 hierbo) para 28 90D.<br />
165 Mahomed r in S v Makwanyane (n 159 hierbo) para 262 758A-B; Ngcobo r in<br />
Kaunda (n 159 hierbo) para 155 1048F-G.<br />
166 Regter Sachs in S v Makwanyane (n 159 hierbo) para 362 785A-B.<br />
167 Sachs r in Matatiele Municipality (n 159 hierbo) para 97 853A. Die stelling dat die<br />
nasie ʼn siel het, is aanvanklik deur Mahomed r, later hoofregter in die Namibiese<br />
uitspraak in S v Acheson 1991 2 SA 805 (Nm) gemaak, waarna dit later etlike kere<br />
deur Suid-Afrikaanse regters ge-eggo is. Mahomed r het onder meer op 813A-B<br />
van sy uitspraak in S v Acheson gesê: ‘The constitution of a nation is not simply a<br />
statute which mechanically defines the structures of “government and the<br />
relations between the government and the governed. It is a 'mirror reflecting the<br />
national soul”’, the identification of the ideals and aspirations of a nation; the<br />
articulation of the values bonding its people and disciplining its government.’
Staatlike identiteit die Sterflike God kry ’n gemeente van aanbidders - Die Nasie 169<br />
van die kommunitêre denkpatroon beskryf. 168 Hy lewer sy werk teen<br />
die agtergrond van die heftige kritiek wat vanuit die geledere van die<br />
Amerikaanse Realisteskool in die Regsleer en die Critical Legal<br />
Studies-beweging op die objektiwiteitsaansprake van die reg gelug is.<br />
Die twee strominge het myns insiens suksesvol aangetoon dat die reg<br />
nie beskou kan word as ’n objektiewe neutrale normkompleks nie, dat<br />
regsreëls grondliggend onbepaald is en nie ’n vaste inhoud het nie, en<br />
dat regsreëls juis weens die onbepaaldheid daarvan nooit in staat is<br />
om regsekerheid te bewerkstellig nie. Die reg is nie ’n vaste stel reëls<br />
nie, maar is bloot dit wat die hof (en administrateurs wat die reg<br />
toepas) uiteindelik van beslissing tot beslissing sê dit is. Voorts is<br />
aangetoon dat reg grondliggend deur nie-juridiese faktore beïnvloed<br />
word, met inbegrip van die besondere agtergrond en<br />
persoonlikheidsamestelling van die voorsittende regter, asook deur<br />
ekonomiese en politieke faktore. Die reg is inderdaad dikwels bloot ’n<br />
manifestasie van die politiek. Die insigte vanuit die hermeneutiek,<br />
insluitende die regshermeneutiek, het langs ’n ander weg tot<br />
soortgelyke gevolgtrekkings gekom. 169<br />
Dworkin verset hom teen die siening dat regsgeskille op grond van<br />
subjektiewe faktore soos die regter se persoonlike vooroordele en<br />
voorkeure, pragmaties op grond van beleidsoorwegings of na gelang<br />
van die wisselende dominante strominge in die politiek beslis word.<br />
Hy verwerp die siening dat regsgeskille op grond van iets anders as die<br />
regsnorme van ’n bepaalde regskultuur beslis word. 170 Dworkin is<br />
daarenteen daarvan oortuig dat alle regsgeskille bevredigend beslis<br />
kan word op grond van reëls en beginsels inherent aan die<br />
normkompleks van die regstelsel. Hy glo dat die regstelsel ryk genoeg<br />
is aan objektief vasstelbare beginsels wat deur die hele regstelsel<br />
suurdeeg, dat alle geskille aan die hand van dié beginsels bereg kan<br />
word en dat dit daarom nooit nodig is om op buite-regtelike,<br />
pragmatiese of utilitêre oorwegings terug te val of om ’n diskresie uit<br />
te oefen nie.<br />
In die vierde hoofstuk van sy Taking Rights Seriously verduidelik<br />
Dworkin hoe geskille ingevolge sy koherente rights thesis deur sy<br />
fiktiewe super-regter, Hercules, aan die hand van (regs)beginsels<br />
168 SA Gardbaum ‘Law, Politics and the Claims of Communities’ (1990) 90 Michigan<br />
Law Review 741-742 verduidelik dat Dworkin werk met ʼn meta-etiese<br />
verskyningsvorm van kommunitêre denke, aangesien hy die gemeenskap as bron<br />
van die reg beskou.<br />
169 Sien byvoorbeeld S Fish Is there a text in this class? The authority of interpretive<br />
communities (1980) veral 303-353; H-G Gadamer Truth and method (1989)<br />
(vertaling uit Duits deur J Weinsheimer en G Donald veral 267-377; H-G Gadamer<br />
‘Truth in the Human Sciences’ (vertaling uit Duits deur BR Wachetrhauser) in BR<br />
Wachetrhauser (red) Hermeneutics and Truth (1994) 25-32.<br />
170 Gardbaum (n 168 hierbo) 743.
170 Hoofstuk 6<br />
bereg word, in plaas daarvan om soos die fiktiewe Herbert toevlug in<br />
pragmatiese oorwegings te gaan soek. 171<br />
Wanneer die hof ’n geskil moet bereg, pas die regter uiteraard<br />
eers die duidelik gekristalliseerde reëls van die regstelsel toe. Dit sluit<br />
gemeenregtelike, wetgewende en konstitusionele reëls in. In baie<br />
gevalle sal egter gevind word dat daar nie duidelik omlynde reëls<br />
bestaan wat ’n klinkklare oplossing vir ’n regsgeskil kan verskaf nie.<br />
HLA Hart was hiervan bewus en het begryp dat regsgeskille soms nie<br />
op grond van regsreëls beslis kon word nie. Daarom het hy toegegee<br />
dat die regter in dergelike gevalle sy regterlike diskresie sal moet<br />
uitoefen 172 ten einde vir die tekortkominge in die reg te vergoed.<br />
Dworkin is egter heelwat meer optimisties oor die omvangryke<br />
sekerheid van die reël- en beginselkompleks van die reg. Hy<br />
verduidelik dat ofskoon dit waar is dat gedetailleerde regsreëls met<br />
die vermoë om ’n summiere oplossing vir ’n regsgeskil te bied, soms<br />
mag ontbreek, diepliggender regsbeginsels waarop die regter kan<br />
terugval tog altyd beskikbaar is. Die regsbeginsels sal in die<br />
afwesigheid van die reëls die regte van die gedingvoerende partye<br />
afbaken en die norme voorsien aan die hand waarvan die geskil beslis<br />
kan word. Hierdie beginsels word gevind in die institusionele<br />
geskiedenis van die regstelsel. Die institusionele geskiedenis word<br />
vervat in die gemenereg, wetgewing en in die grondwet van die<br />
betrokke staat en dit sluit insgelyks die gemeenskapsmoraliteit in.<br />
Hierdie institusionele geskiedenis is die bron van die normkompleks.<br />
Die regter put daaruit wanneer dit kom by die uitvoer van sy plig om<br />
sake te beslis in ’n situasie waar spesifieke regsreëls nie beskikbaar is<br />
nie. Volgens Dworkin se rights thesis:<br />
... institutional history acts not as a constraint on the political judgment<br />
of judges but as an ingredient of that judgment, because institutional<br />
history is part of the background that any plausible judgment, about the<br />
right of an individual, must accommodate. 173<br />
Dit is nou egter ook so dat wanneer Hercules tersaaklike beginsels uit<br />
die institusionele geskiedenis van die regstelsel moet aflei, daar<br />
verskeie — ook botsende — beginsels gevind mag word. Beginsels mag<br />
dus met mekaar wedywer vir aanwending in ’n bepaalde geskil. Uit die<br />
wedywerende beginsels sal Hercules daarom die regte beginsel moet<br />
selekteer. Om dit reg te kry, sal Hercules die breë politieke filosofie<br />
van die institusionele geskiedenis moet ondersoek. Die korrekte<br />
beginsel wat uit die wedywerende beginsels geselekteer moet word,<br />
is dan daardie een wat die getrouste is aan die breë politieke filosofie<br />
171 RM Dworkin Taking Rights Seriously (1977) 81-130.<br />
172 HLA Hart The Concept of Law (1961) 129, 141.<br />
173 Dworkin (n 171 hierbo) 87.
Staatlike identiteit die Sterflike God kry ’n gemeente van aanbidders - Die Nasie 171<br />
van die institusionele geskiedenis. 174 Wanneer Hercules aan die werk<br />
is, lê hy die grondbeginsels bloot waarop ’n regstelsel gebaseer is, en<br />
maak dit daarna op die onderhawige geskil van toepassing. 175<br />
Wat Hercules dus doen, is om die reëls wat in die regsbeginsels<br />
opgesluit is, te ontdek en dit daarna toe te pas. Die klem lê op die<br />
ontdekking en ontsluiting van bestaande beginsels, want Hercules<br />
maak nie nuwe uitvindings nie en skep nie self nuwe reg nie. Hy<br />
ontdek bloot dit wat reeds lankal bestaan het, maar wat tot met die<br />
ontdekking daarvan nog nie aan die lig gekom het nie.<br />
Vir doeleindes van hierdie bespreking is die kern van Dworkin se<br />
koherente regsteorie dat hy binne die matriks van die institusionele<br />
geskiedenis van sy eie regsgemeenskap regsbeginsels ontdek aan die<br />
hand waarvan enige geskil bereg kan word.<br />
Die bron van die reg in Dworkin se teorie is ’n enkele kollektiewe<br />
morele agent. Dit moet noodwendig enkel wees, anders is sy teorie<br />
inherent teenstrydig en misluk sy aanspraak op die koherensie van sy<br />
regsteorie. Dan verval reg in subjektivisme en pragmatisme, iets wat<br />
Dworkin juis tot elke prys wil verhoed. Hierdie morele agent wat ’n<br />
koherente stel waardes oplewer, is die gemeenskap as geheel. 176<br />
Dworkin se gemeenskap, die kollektiewe outeur van die reg, is ’n<br />
gemeenskap wat deur beginsels saamgebind word: ‘a community of<br />
principle.’ 177 So ’n beginsels-gemeenskap, wat regering aan die hand<br />
van beginsels moontlik maak, is die naaste wat ’n mens aan ’n ware<br />
gemeenskap kan kom.<br />
Dworkin se geloof in die potensiaal van regsbeginsels het onder fel<br />
kritiek deurgeloop. 178 Weens Dworkin se onwrikbare geloof om altyd<br />
in beginsels regsekerheid te vind, beskryf HLA Hart Dworkin heel<br />
gepas as die the most noble dreamer of them all. 179 Waarvoor<br />
Dworkin egter veral in die skyf gekry moet word, is sy klakkelose<br />
vereenselwiging van die konsepte van gemeenskap en staat. Dworkin<br />
se institusionele geskiedenis is niks anders nie as die institusionele<br />
geskiedenis van die regstelsel van die territoriale staat. Sonder om vir<br />
’n oomblik ’n sweem van twyfel te openbaar, aanvaar hy sonder meer<br />
dat die regstelsel van die staat koherent is. Hy aanvaar dat die staat<br />
per definisie ’n koherente regsgemeenskap huisves, wat deur ’n breë<br />
morele en juridiese eenstemmigheid gelei word. Dworkin beskou die<br />
staat, oftewel die staatsgemeenskap, as die bron van koherente reg<br />
174 Dworkin (n 171 hierbo)107.<br />
175 Dworkin (n 171 hierbo) 116-118.<br />
176 Gardbaum (n 168 hierbo) 743; RM Dworkin Law’s Empire (1985) 188.<br />
177 Gardbaum (n 168 hierbo) 743; Dworkin (n 171 hierbo) 190-215.<br />
178 Sien AE van Blerk Jurisprudence: An Introduction (1996) 97-102.<br />
179 HLA Hart ‘American Jurisprudence through English Eyes: The nightmare and the<br />
Noble Dream’, vervat in Essays in Jurisprudence and Philosophy (1983) 137.
172 Hoofstuk 6<br />
en spesifiek van koherente regsbeginsels. Dit is in hierdie opsig dat<br />
Dworkin se sienswyse as ’n eiesoortige vorm van kommunitêre denke<br />
gesien mag word. Dit is eiesoortig, aangesien hy sonder meer aanvaar<br />
dat die staat wel ’n gemeenskap is. Vir Dworkin staan die staat, en nie<br />
die gemeenskap nie, egter voorop. Daarom is dit meer gepas om hom<br />
eerder as ’n verdediger van die staatlike orde te tipeer, in plaas<br />
daarvan om kommunitêre sentimente en oortuigings aan hom toe te<br />
dig. Dit plaas Dworkin noodwendig in die kamp van die staatsbouers.<br />
Hy stel gemeenskap en staat sonder meer gelyk. 180 Wat hy aan sy<br />
lesers voorhou, is ’n koherente stel regsbeginsels wat uitgroei uit die<br />
staatlike orde. In die proses verswyg hy die gebrek aan koherensie, die<br />
waardeverskeidenheid en die interne konflik van botsende<br />
gemeenskappe en die dominasie van een stel waardes, oortuigings en<br />
belange en gepaardgaande onderdrukking van ander stelle niedominante<br />
waardes, oortuigings en belange, wat dikwels binne ’n<br />
staat vaardig is. Hy aanvaar sonder meer dat die staatlike orde<br />
koherent en legitiem is. Die teendeel van Dworkin se aanname is<br />
nader aan die waarheid. Die bestaande staatlike orde wat voortspruit<br />
uit ongelyke magsverhoudings van die verlede is dikwels die<br />
vergestalting van dominasie van ’n hegemoniese formasie oor<br />
onmagtige en swakker groeperings. Dit verswyg Dworkin egter, want<br />
vir hom is die stelsel koherent en legitiem. Alles is in orde. En hoe<br />
meer sake in orde is, des te sterker is die argument dat die bestaande<br />
orde gehandhaaf moet word.<br />
Ian Duncanson 181 kry Dworkin in die visier deur daarop te wys dat<br />
die soort (staats)nasiegemeenskap wat die kollektiewe bron van<br />
Dworkin se regsbeginsels is, eenvoudig nie bestaan nie. Vir sover die<br />
nasiegemeenskap wel as ʼn teoretiese konsep aanwending vind,<br />
funksioneer dit as ʼn instrument vir die juridiese magsverskansing van<br />
die hegemoniese komponent in die staat se dominasie oor die res —<br />
en die res, kan ons byvoeg, is gewoonlik die politiek onmagtige<br />
minderhede. Die regsinstellings van hierdie gewaande nasiegemeenskappe<br />
staan vreemd — dikwels vyandig — teenoor groot<br />
gedeeltes van die nie-dominante komponente van die staatsbevolking.<br />
Duncanson verklaar dat Dworkin se regsryk (Law’s Empire)<br />
inderdaad nie koherent is nie. Inteendeel, dit herinner eerder aan<br />
inkoherensie, heterogeniteit en dominasie — in die oë van Duncanson<br />
aan iets soos die erg heterogeen saamgeflansde Oostenryks-<br />
Hongaarse ryk. 182<br />
Dennis Davis het sy besorgdheid oor die implikasies van Dworkin se<br />
denke juis vir Suid-Afrika gelug. Hy beskou Dworkin se opvatting oor<br />
180 Dworkin (n 171 hierbo) 167.<br />
181 I Duncanson ‘Law, democracy and the individual’ (1988) 8 Legal Studies 304 et<br />
seq.<br />
182 Duncanson (n 181 hierbo) 310.
Staatlike identiteit die Sterflike God kry ’n gemeente van aanbidders - Die Nasie 173<br />
regskoherensie as inherent ondemokraties. Hy kritiseer Dworkin<br />
daarom vir sy opvatting van die reg as ’n koherente stelsel wat in die<br />
sogenaamde gemeenskap setel en deur die regbank geartikuleer moet<br />
word. Regskoherensie is, aldus Davis, onversoenbaar met vrye<br />
demokratiese politieke aktiwiteit wat juis op wedywering en op die<br />
handhawing van verskeidenheid gebaseer is. 183<br />
Net soos die staatlike boni mores, die nasionale aspirasies en die<br />
nasionale etos is Dworkin se regsbeginsels ook ’n onmiskenbare<br />
produk van die staatlike denkwyse. Die outeur van die regsbeginsels<br />
is die algemene staatlike gemeenskap. Die staatlike orde word sonder<br />
meer as ’n vaste en permanente gegewe aanvaar. Die vraag of die<br />
heersende staatlike orde gewens is, word nie oorweeg nie en die<br />
moontlike verandering daarvan word geensins te berde gebring nie.<br />
Die staatlike orde word dus as ’n blywende gereïfiseerde (verdinglike)<br />
gegewe, pleks van ’n tydelike historiese en dus veranderlike<br />
verskynsel beskou.<br />
Die denke van Rawls en van Dworkin, asook die algemene staatlike<br />
boni mores en die nasionale etos verskyn saam op die staatlike agenda<br />
en werk mee tot die verskansing van die heersende staatlike orde teen<br />
die uitdagings van verandering. Al drie die onderhawige<br />
denkkonstruksies funksioneer as strategieë ter versterking en<br />
bestendiging van die heersende territoriale staat en staatlike<br />
identiteit. Dit is staatsboustrategieë wat in die regsteorie en die<br />
daaglike regspraktyk funksioneer.<br />
183 DM Davis ‘Integrity and Ideology: towards a critical theory of the judicial<br />
function’ (1995) 112 SALJ 129-130. In die uitspraak van Ryland v Edros 1997(1)<br />
BCLR 77 (C) was die hof juis suksesvol in die identifisering en aan die kaak stel<br />
van dominante opvattings binne ʼn gemeenskap met demokratiese aspirasies. Sien<br />
K Malan ‘Oor gelykheid en minderheidsbeskerming van aanleiding van Ryland v<br />
Edros en Fraser v Children’s Court Pretoria North’ (1998) 61 Tydskrif vir<br />
Hedendaagse Romeins-Hollandse Reg 300 et seq vir ’n bespreking van hierdie<br />
beslissing.
HOOFSTUK<br />
7<br />
STAATLIKE DEMOKRASIE<br />
1 Staatlike demokrasie - demokrasie<br />
makgemaak deur die staatlike paradigma<br />
Demokrasie het in ons dag geen retoriese gelyke nie. Die oorredende<br />
krag van die begrip is bykans sonder weerga. Demokrasie se<br />
magnetisme is sterker as enige ander begrip in die openbare leksikon<br />
en die soektog na teenstanders en uitdagers van demokrasie is ’n<br />
vergeefse en futiele oefening.<br />
Die retoriese krag van die begrip, demokrasie, is blykbaar ook al<br />
langer met ons as wat ’n mens sou dink. Francois Guizot merk reeds<br />
in 1849 op dat die demokrasiebegrip retories so oorweldigend is dat<br />
geen regering of party sonder om trou daaraan te betuig kan<br />
voortbestaan nie. 1 In die lig van die latere uitdagings wat demokrasie<br />
in die twintigste eeu die hoof moes bied, was hierdie stelling, toe dit<br />
gemaak is, aanvegbaar. Na die Tweede Wêreldoorlog en die<br />
gepaardgaande vernietiging van die uitdaging van die Fascisme en die<br />
Nasionaal-Sosialisme, is demokrasie egter so stewig ingegrawe dat<br />
UNESCO bevind het dat daar geen amptelike afkeer meer van die<br />
demokrasie bestaan nie. Demokrasie was na dese universeel ’n<br />
onbestrede ideaal. 2<br />
Demokrasie geniet tans oral goedkeuring en ondersteuning 3 en<br />
bykans almal maak daarop aanspraak dat hulle demokrate is. 4<br />
Demokrasie het, om die waarheid te sê, bykans ’n magiese<br />
betekenis. 5 Dit word universeel gehuldig en vereer. 6 Juis vanweë die<br />
1 Aangehaal deur A De Benoist ‘Democracy Revisited’ (1993) Telos 65.<br />
2<br />
HB Mayo An Introduction to Democratic Theory (1960) 21.<br />
3 B Holden The Nature of Democracy (1974) 3; AM Faure en DJ Kriek (reds) Die<br />
moderne politieke teorie (1984) 33.<br />
4<br />
CD Lummis Radical Democracy (1984) 14.<br />
5 WP Esterhuyse ‘Wat is demokrasie?’ in Filosoof op die Markplein: Opstelle vir en<br />
deur Willie Esterhuyse (1996) 47.<br />
6<br />
G Sartori Democratic Theory (1962) 8; De Benoist (n 1 hierbo) 65; Faure & Kriek (n<br />
3 hierbo) 34.<br />
175
176 Hoofstuk 7<br />
heiligheid en lofwaardigheid daarvan, funksioneer demokrasie as ’n<br />
politieke legitimeerder. 7 Sodra ’n politieke bestel die stempel van<br />
demokrasie dra, is dit sonder meer legitiem en sodoende stewig teen<br />
enige aanslae verskans en knus teen uitdagings gevrywaar. Wie durf<br />
na alles so dapper, vermetel of dom wees om ’n demokratiese staat<br />
die stryd aan te sê? Demokrasie is immers inherent en vanselfsprekend<br />
legitiem. Dit is ’n begrip wat sy legitimiteit as ’t ware in homself dra. 8<br />
Die demokrasiebegrip het in so ’n mate getriomfeer dat dit ook in<br />
die regsteorie en die regspraktyk inslag gevind het. Daar is reeds ver<br />
gevorder op die pad na die internasionale erkenning van ’n individuele<br />
reg op basiese demokratiese prosesse (algemene stemreg, erkenning<br />
van politieke partye, vrye en regverdige verkiesings en dies meer) as<br />
minimumvoorwaarde vir legitieme regering. 9 Voorts kom die begrip<br />
demokrasie in talle nasionale grondwette, asook in internasionale en<br />
regionale menseregte-instrumente voor. Daarin funksioneer dit as ’n<br />
vereiste vir die geldige beperking van regte waarin gewoonlik vereis<br />
word dat regsbeperkings, ten einde geldig te wees, moet voldoen aan<br />
die waardes van ’n demokratiese samelewing. 10 Hierdeur word die<br />
demokrasiebegrip as ’n regsleerstuk aangewend, wat as die maatstaf<br />
en arbiter by geskille rakende wedywerende regsaansprake geld. 11<br />
Op ’n veel omvattender skaal het Francis Fukuyama aangevoer dat<br />
die eindpunt van die mensdom se ideologiese geskiedenis met die<br />
universalisering van die Westerse liberale demokrasie as die finale<br />
vorm van menslike regering bereik is. Daar kan nie op die beginsels<br />
van liberale demokrasie verbeter word nie. Al die groot ideologiese<br />
strydvrae het verval, geen noemenswaardige kwessies bly oor nie en<br />
7<br />
Esterhuyse (n 5 hierbo) 47; Faure & Kriek (n 3 hierbo) 34.<br />
8 Esterhuyse (n 5 hierbo) 47.<br />
9<br />
TM Franck ‘The emerging right to democratic governance’ (1992) 86 American<br />
Journal of International Law 49-50, 90 nota 9. Ter ondersteuning van die<br />
groeiende erkenning van die reg op demokratiese prosedures en regering, sien<br />
artikel 3 van die Eerste Protokol tot die Europese Konvensie vir die Beskerming<br />
van Menseregte en Individuele Vryhede waarin die verdragspartye hulle tot<br />
gereelde vrye verkiesings by wyse van geheime stemming verbind.<br />
10<br />
Sien in dié verband artikel 36(1) van die Grondwet van die Republiek van Suid-<br />
Afrika, 1996, asook sy voorganger artikel 33(1) van die Tussentydse Grondwet,<br />
Wet 200 van 1993. Van soortgelyke aard is die — in Suid-Afrika dikwels<br />
aangehaalde — beperkingsklousule, artikel 1 van die Kanadese Charter of Rights<br />
and Freedoms wat deel vorm van die Kanadese Grondwet, Wet 79 van 1982, wat<br />
bepaal dat regte slegs beperk kan word vir sover dit redelik en klaarblyklik<br />
regverdigbaar in ʼn vry en demokratiese samelewing is. Op die internasionale front<br />
figureer die begrip demokratiese gemeenskap as beperkingsvereiste in artikel<br />
29(2) van die Universele Deklarasie van Menseregte van die VN, Artikel 4 van die<br />
Internasionale Verbond vir Ekonomiese, Sosiale en Kulturele Regte, artikel 14 en<br />
21 van die Internasionale Verbond vir Burgerlike en Politieke Regte. Op regionale<br />
vlak kom die begrip voor in onder andere artikel 6, 8(2), 9(2) en 10(2) van die<br />
Europese Konvensie vir die Beskerming van Menseregte en Individuele Vryhede en<br />
in artikel 2(3) en 2(4) van die Vierde Opsionele Protokol tot die Konvensie.<br />
11 O Jacot-Guillarmod ‘The relationship between democracy and human rights’ in<br />
Democracy and Human Rights: Proceedings of the Colloquy organized by the<br />
Government of Greece and the Council of Europe (1987) 55.
Staatlike demokrasie 177<br />
alles wentel voortaan rondom ekonomiese bedrywighede en<br />
administrasie. Liberale demokrasie is die enigste norm en dit wat<br />
daarvan afwyk, word vir doeleindes van uitfasering geïdentifiseer. 12<br />
Demokrasie kan egter juis vanweë die universele aanhang wat dit<br />
geniet, so ’n wye variasie van betekenisse aanneem dat dit uiteindelik<br />
niksseggend word, of in ’n mite verander waarmee die politieke<br />
praktyk beswaarlik strook. Soos Giovanni Sartori aan die begin van sy<br />
groot werk oor demokratiese teorie sê:<br />
In a somewhat paradoxical vein, democracy could be defined as a high<br />
flown name for something which does not exist. 13<br />
Tog het demokrasie inderdaad in die huidige regs- en politieke<br />
diskoers (in die akademiese sfeer en as ’n tema van die daaglikse<br />
praktyk) ’n betekenis verwerf waaroor daar grootliks eenstemmigheid<br />
bestaan. Daar word ’n prosedureel-strukturele omskrywing van<br />
demokrasie gegee. Hiervolgens is daar aan demokrasie ’n betekenis<br />
verleen waarvolgens dit met groot sorg só omskryf is dat dit die<br />
moderne territoriale staat in stand hou en teen verandering beskerm<br />
en in pas met die behoeftes van die staat funksioneer.<br />
John Dunn verduidelik dat die praktiese karakter van die staat<br />
sedert die middel van die sewentiende eeu toenemend die<br />
voorwaardes vir die institusionele aanspraakmakers op legitieme<br />
politieke gesag neerlê. 14 Met ander woorde, politieke en juridiese<br />
denkmodelle moet die bestaande staatlike orde ter wille wees en<br />
bydra tot die instandhouding daarvan. Indien dit nie die geval is nie<br />
en indien ’n denkmodel dus die uitwerking kan hê om die staat in sy<br />
bestaande vorm te destabiliseer, word dit irrelevant en disfunksioneel<br />
bevind en uit die diskoers geweer. Die noodsaak vir die instandhou van<br />
die bestaande staatlike orde — ’n politieke oorweging — bepaal dus<br />
wat wetenskaplik ter sake is, en wat nie.<br />
Die territoriale staat wys as ’t ware self die instellings aan wat sy<br />
bestendigheid sal verseker en sy belange die beste sal dien. Soos Carl<br />
Friedrich 15 gesê het, die staat is die aktiewe agent wat bepaal hoe die<br />
nasie (aan die hand van die belange van die staat) daar moet uitsien.<br />
Die territoriale staat bepaal egter nie net hoe sy nasie — die dissipels<br />
van die sterflike god — daar moet uitsien nie. Dit bepaal die aard van<br />
12<br />
F Fukuyama ‘The End of History’ 1989 19 The National Interest. Fukuyama sit sy<br />
Hegeliaans gebaseerde argument in besonderhede uiteen in F Fukuyama The end<br />
of History and the Last Man (1992).<br />
13<br />
G Sartori 1962 1. Sartori haal ook Bertrand de Jouvenel aan (9) wat sê dat,<br />
aangesien ons nie weet waarvan ons praat as ons die woord, demokrasie, gebruik<br />
nie, besprekings daaroor intellektueel waardeloos is.<br />
14<br />
Dunn J (red) Democracy: The Unfinished Journey - 508 BC-AD 1993 (1993) 248.<br />
15 Sien hieroor hoofstuk 6.1.
178 Hoofstuk 7<br />
sy eie legitieme regeringsinstellings en -prosesse wat elkeen op ’n<br />
eiesoortige wyse ook hulle eie staatsdienende en staatstabiliserende<br />
funksies moet vervul. Net soos die staat vir homself ’n volk — ’n<br />
staatsnasie — na die beeld van die staat vergader, net so bepaal hy<br />
ook die regeringsinstellings na sy beeld en na gelang van sy behoeftes<br />
en belange. So het die territoriale staat ook bepaal dat die tans<br />
geheiligde demokrasie die enigste legitieme regeringsvorm sal wees,<br />
nie slegs ter uitsluiting van nie-demokratiese uitdagers nie, maar ook<br />
ter uitsluiting van vorme van demokrasie anders as staatlike<br />
demokrasie.<br />
Die punt is dat eietydse demokrasie en demokratiese teorie (soos<br />
beoefen in die politieke praktyk, politieke teorie en die staatsreg) die<br />
volbloed spruit van die staatlike paradigma is en dat talle<br />
kommentators oor dié soort demokrasie troue (en meesal onbewuste)<br />
dienaars van die staatlike paradigma is. Dit maak terselfdertyd van<br />
hulle verdedigers van die heersende orde van die territoriale staat.<br />
Staatlike demokrasie met sy kenmerkende strukturele en<br />
prosedurele eienskappe wat hieronder behandel word, is demokrasie<br />
wat vir die territoriale staat veilig gemaak is, dit wil sê, demokrasie<br />
wat so ingerig is dat dit die belange van die territoriale staat kan dien.<br />
Soos John Dunn sê:<br />
Representative democracy is democracy made safe for the modern<br />
state; democracy converted from the unruly and incoherent master to<br />
docile and defendable servant. 16<br />
Kontemporêre demokrasie is makgemaakte — gedomestiseerde —<br />
demokrasie wat sy wandeling aan die leiband van die staatlike<br />
paradigma onderneem.<br />
Wat is dan die eienskappe van moderne staatlike demokrasie? Om<br />
dié vraag te beantwoord, moet ons eers sê dat demokrasie natuurlik<br />
nie ’n geheel en al moderne verskynsel is nie. In sy klassieke vorm voer<br />
dit vanaf 508 v.C. twee honderd jaar lank, tot met die vestiging van<br />
die Masedoniese ryk, ’n lewenskragtige bestaan in Athene. 17 Dit kom<br />
ook voor in die praktyk wat tot in die twaalfde eeu in Europa gevolg<br />
is om konings te verkies, in plaas daarvan om die vorstelike<br />
ampsvulling deur oorerwing te reël. 18 Verder — en baie belangrik — is<br />
die feit dat die gewoontereg wat natuurlik nie deur die vors verorden<br />
is nie, maar vanuit die volk gekom het, lank in die Middeleeuse Europa<br />
16 Dunn (n 14 hierbo) 248 en 250.<br />
17 MI Finley Democracy Ancient and Modern (1985) 66.<br />
18 De Benoist (n 1 hierbo) 66.
Staatlike demokrasie 179<br />
en daarna gesien is as tekenend van populêre deelname aan die<br />
regering. 19 Die gewoontereg het verander na gelang die volksgebruike<br />
verander het. Sonder die tussenkoms van enige instelling soos ’n<br />
wetgewer wat die reg amptelik verorden het, het die reg derhalwe<br />
regstreeks en onmiddellik in pas met die volksgewoontes verander.<br />
Dit is daarom die suiwerste en mees ongebreidelde vorm van<br />
volksoewereiniteit denkbaar. Dan was daar ook die Yslandse<br />
demokrasie — die Nordiese Hellas — wat teen ongeveer 930 n.C. sy<br />
verskyning gemaak het. Hier is direkte demokrasie binne die<br />
volksvergadering, die thingvellier, beoefen. 20 Spore van demokrasie<br />
is ook te vind in die laat-Middeleeuse stede. 21<br />
Proto-moderne demokrasie verskyn egter die eerste maal teen die<br />
middel van die sewentiende eeu met die Levellers in Engeland op die<br />
toneel. Hulle is die eerste demokrate wat afgewyk het van die patroon<br />
van deelnemende, regstreekse demokrasie in ’n stadstaat en was die<br />
eerste eksponente van demokrasie as verteenwoordigende regering in<br />
’n territoriale staat. 22 Moderne demokrasie sien dus in dieselfde tyd<br />
die lewenslig as waarin die territoriale staat die dominante politieke<br />
ordening word. Met die opkoms van absolutisme word demokrasie<br />
egter vir ander half eeu uitgedoof. Dit kom daarna weer aan die einde<br />
van die agtiende eeu met mening terug. 23 Hierdie keer word dit deur<br />
die rewolusionêre figure van die Franse rewolusie 24 en deur die<br />
demokratiese praktyke in die Verenigde State gedryf. 25 Die terugkeer<br />
was volledig in die gewaad van verteenwoordigende demokrasie. Die<br />
konsep van verteenwoordiging word nou so volledig aan demokrasie<br />
toegedig dat die nuwe demokrasie per definisie verteenwoordigende<br />
demokrasie word, 26 en steeds bly. Waarskynlik die belangrikste figure<br />
betrokke by die vestiging van verteenwoordigende demokrasie is<br />
Immanuel Joseph Sieyès 27 en Thomas Paine.<br />
Paine is opgewonde oor die ‘verteenwoordigende stelsel.’ Die<br />
antieke Atheense demokrasie kon weens die direkte aard daarvan<br />
slegs in ’n beperkte geografiese en demografiese opset funksioneer.<br />
Direkte demokrasie kon egter nie die vergroting van die politieke orde<br />
hanteer nie en verval dan tot ’n monargie of ’n aristokrasie. ’n<br />
19<br />
20<br />
21<br />
De Benoist (n 1 hierbo) 67; Sien verder hieroor hoofstuk 2.2.<br />
De Benoist (n 1 hierbo) 67.<br />
GE Frug The city as a legal concept (1980) 93 Harvard Law Review 1069, 1083 et<br />
22<br />
seq.<br />
D Wootton ‘The Levellers’ in J Dunn (n 14 hierbo) 71. In dieselfde tyd verskyn<br />
Democraticall government ook in die grondwet van Rhode Island. Sien hieroor RL<br />
Hanson ‘Democracy’ in T Ball et al (reds) Political Innovation and Conceptual<br />
23<br />
24<br />
25<br />
26<br />
Change (1989) 72.<br />
De Benoist (n 1 hierbo) 69; Finley (n 17 hierbo) 9-10; Hanson (n 22 hierbo) 72.<br />
Finley (n 17 hierbo) 9-10.<br />
Hanson (n 22 hierbo) 72.<br />
B Fontana ‘Democracy and the French Revolution’ in J Dunn J (red) Democracy:<br />
27<br />
The Unfinished Journey - 508 BC - AD 1993 (1993) 117.<br />
B Fontana (n 26 hierbo) 117.
180 Hoofstuk 7<br />
Verteenwoordigende stelsel is egter die volkome kuur vir hierdie<br />
degenerasie, meen Paine, wanneer hy sê:<br />
Retaining, then, democracy as the ground, and rejecting the corrupt<br />
systems of Monarchy and aristocracy, the representative system<br />
naturally presents itself; remedying at once the defects of simple<br />
democracy as to form, and the incapacity of the other two with respect<br />
to knowledge. 28<br />
Paine loods ’n hewige aanval op aristokratiese regering en veral op<br />
monargie. Dis ’n tirannieke, irrasionele en bespotlike stelsel wat ter<br />
wille van die verwesenliking van die behoeftes van die vors dikwels<br />
bloedige interstaatlike konflik aanwakker waarin die gewone burgers<br />
van oorlogvoerende state die spit moet afbyt. 29 Teenoor die<br />
monargale stelsel — Paine noem dit die oorerflike stelsel — met al sy<br />
ondeugde, staan die deugsame verteenwoordigende stelsel wat<br />
danksy die inspraak, oftewel die verteenwoordiging van almal, op<br />
wysheid en rasionaliteit gebaseer is. 30 Uit wat Paine sê, is dit<br />
onteenseglik dat demokrasie tot aan die einde van die agtiende eeu<br />
grootliks met direkte demokrasie vereenselwig is. 31 Paine is baie<br />
teësinnig om verteenwoordigende demokrasie met demokrasie te<br />
vereenselwig en hou vol met die gebruik van die begrip,<br />
verteenwoordigende stelsel, pleks van verteenwoordigende<br />
demokrasie. 32 Die verteenwoordigende eienskap van demokrasie is<br />
die eerste grondliggende verstelling wat daar aan klassieke<br />
demokrasie aangebring is ten einde dit met die behoeftes van die<br />
territoriale staat in pas te bring, oftewel die eerste stap in die proses<br />
van die domestisering van demokrasie op die werf van die territoriale<br />
staat.<br />
In 1861, met die verskyning van Considerations on Representative<br />
Government van John Stuart Mill, word demokrasie per definisie as ’n<br />
verteenwoordigende stelsel, vir die eerste maal teoreties omvattend<br />
uitgewerk. Mill se vertrekpunt en sy oogmerk is die lewering van ’n<br />
apologie vir die haalbaarheid en die voortreflikheid van demokrasie —<br />
spesifiek verteenwoordigende demokrasie — in die territoriale staat.<br />
Ons kan Mill as die proto-teoretikus van demokrasie volgens die eise<br />
van die territoriale staat beskou. 33 Verteenwoordigende regering —<br />
vir Mill die ideale regeringsvorm 34 — is nie ’n regeringsvorm waar die<br />
28<br />
29<br />
30<br />
31<br />
32<br />
33<br />
34<br />
T Paine The Rights of Man (Introduction by Derek Matravers) (1996) 136.<br />
Paine (n 28 hierbo) 126-132.<br />
Paine (n 28 hierbo) 132 et seq.<br />
Holden (n 3 hierbo) 5.<br />
Paine (n 28 hierbo) 128.<br />
G Duncan en S Lukes ‘The New Democracy’ (1963) 11 Political Studies 158.<br />
JS Mill Considerations on Representative Government (geredigeer deur HB Acton)<br />
(1972) 202. Dit is opvallend dat Mill ook betreklik suinig is met die gebruik van die<br />
woord demokrasie en feitlik deurlopend volhou met die frase<br />
verteenwoordigende regering.
Staatlike demokrasie 181<br />
mense (people) self regeer nie, maar deur middel van hul periodiek<br />
verkose verteenwoordigers oor die finale kontrole-bevoegdheid<br />
beskik. 35<br />
Vir Mill beteken demokrasie dus iets anders as dit waarop die<br />
begrip demokrasie se etimologiese oorsprong dui. By Mill is<br />
demokrasie nie werklik demos-kratos, met ander woorde regering<br />
deur die volk nie, 36 maar wel beheer deur die volk se<br />
verteenwoordigers oor die eintlike maghebbers in die uitvoerende<br />
gesag.<br />
Die verteenwoordigende liggaam is heeltemal ongeskik om self te<br />
regeer. Die funksie van die verteenwoordigende liggaam is derhalwe<br />
nie om self te regeer nie, maar om die regering dop te hou en te<br />
beheer, om die soeklig op die optrede van die regering te hou, om die<br />
regering te verplig tot verduideliking en regverdiging van sy optrede,<br />
om waar nodig die regering te sensureer en om die regering in die<br />
geval van troubreuk teenoor die volk te verwyder en met ’n ander te<br />
vervang. 37 Benewens die allerbelangrike beheerfunksie van die<br />
verteenwoordigende vergadering, dien dit ook as die burgery se<br />
meningsforum. Soos Mill sê:<br />
... Parliament has an office ... to be at once the nation’s Committee of<br />
Grievances, and its Congress of opinions. 38<br />
In die Parlement moet algemene menings, maar ook die menings van<br />
elke segment van die bevolking en van elke vooraanstaande individu<br />
gehoor word.<br />
Die meningsforum sorg terselfdertyd vir ’n volgehoue<br />
meningspeiling, want binne die verteenwoordigende liggaam word<br />
menings gemonster en toenemende en afnemende standpunte in die<br />
geledere van die bevolking geregistreer. Die praatfunksie, oftewel die<br />
meningsuitingsfunksie van die verteenwoordigende liggaam, is vir Mill<br />
baie belangrik. Daar is niks meer sinvol as dat daar juis oor die groot<br />
openbare kwessies gepraat word nie en om alle belange en alle<br />
sienings te debatteer nie. 39<br />
Die verteenwoordigende liggaam is derhalwe nie soseer die<br />
regeerder en die wetgewer nie, maar ’n kontrole- en ’n meningsforum<br />
wat so saamgestel moet wees dat dit ’n betroubare monster van elke<br />
denkbare stroming en siening in die land verteenwoordig en van ’n<br />
35 Mill (n 34 hierbo) 228.<br />
36 Oor etimologiese demokrasie sien Sartori (n 6 hierbo)17-30.<br />
37 Mill (n 34 hierbo) 239.<br />
38 Mill (n 34 hierbo) 239.<br />
39 Mill (n 34 hierbo) 240.
182 Hoofstuk 7<br />
stem voorsien. 40 In Mill se verteenwoordigende regering speel<br />
stemreg en verkiesings natuurlik ’n sleutelrol. Daarsonder is<br />
verteenwoordigende demokrasie trouens ondenkbaar. Juis daarom<br />
het die uitoefening van stemreg die kern en die handelsmerk van<br />
moderne demokratiese praktyk geword. Geletterdheid is vir Mill ’n<br />
voorvereiste vir stemreg en daarom redeneer hy dat universele<br />
onderwys universele stemreg moet voorafgaan. 41 Anders as tans en in<br />
ooreenstemming met sy tyd het Mill nog nie heeltemal met gelykheid<br />
as een van die grondliggende eienskappe van demokrasie vrede<br />
gemaak nie. 42 Gevolglik argumenteer hy dat slegs belastingbetalers<br />
oor maatreëls rakende belasting mag besluit. Voorts is Mill van mening<br />
dat ofskoon eiendom ’n onvanpaste maatstaf vir die toekenning van<br />
stemreg is, meer stemme nogtans aan professionele lui,<br />
gegradueerdes, bankiers, sakelui en dies meer toegeken moet word. 43<br />
Die stemreg dien die breë oogmerk van verteenwoordigende<br />
regering. Die punt is dus dat stemreg nie soseer vereis word ten einde<br />
mense in staat te stel om self te regeer nie, maar wel om kontrole oor<br />
die regeerders uit te oefen en sodoende te sorg die volk nie wanregeer<br />
word nie. 44 Die teenkant van die kontrole-funksie wat deur die<br />
verkose verteenwoordigers uitgeoefen word, is dat die regering<br />
bevatlik en gevoelig vir die behoeftes wat in die verteenwoordigende<br />
liggaam uitgespreek word, moet wees, en nougeset daarop moet<br />
reageer. Die kenmerk van verteenwoordigende regering moet dus<br />
wees dat die regering die burgery voortdurend in ag neem en<br />
ooreenkomstig die belange en behoeftes van die burgery regeer. 45<br />
Die hedendaagse gesaghebbende uiteensetting van wat<br />
demokrasie is en behoort te wees, bou aan die een kant regstreeks<br />
voort op die grondslag wat Mill gelê het. Dit word aan die ander kant<br />
afgerond en verfyn deur sekere algemene hedendaagse strukture en<br />
prosesse wat as noodsaaklik vir demokrasie beskou word. Dit lei tot<br />
wat paslik as demokratiese ortodoksie beskryf kan word. Die<br />
potensieel ontwrigtende implikasies van demokrasie, indien ʼn ander<br />
betekenis daaraan verleen sou word, word op hierdie manier<br />
voorkom. Sodoende word demokrasie, om weer na John Dunn se<br />
woorde te verwys, ten behoewe van die ongestoorde instandhouding<br />
van die hedendaagse territoriale staat gedomestiseer. Sodoende is<br />
demokrasie getem en wandel dit getrou aan die leiband van die<br />
40 Mill (n 34 hierbo) 240-241.<br />
41 Mill (n 34 hierbo) 280.<br />
42 Volgens Sartori (n 6 hierbo) 51 wentel alle besprekings oor demokrasie rondom die<br />
samehangende en wedersyds afhanklike konsepte van populêre soewereiniteit,<br />
gelykheid en selfregering.<br />
43 Mill (n 34 hierbo) 281-285.<br />
44 Mill (n 34 hierbo) 291: ‘Men, as well as women, do not need political rights in<br />
order that they may govern, but in order that they may not be misgoverned.’<br />
45 RA Dahl Polyarchy: Participation and Opposition (1971) 1-2.
Staatlike demokrasie 183<br />
territoriale staat. ’n Nuttige uiteensetting van die inhoud en<br />
betekenis van demokrasie binne die riglyne en dissiplines van die<br />
staatlike paradigma en in ooreenstemming met huidige algemene<br />
praktyk word deur Henry Mayo verskaf. 46<br />
Die essensie van demokrasie, aldus Mayo — in pas met Mill — is<br />
openbare kontrole oor regeerders en besluitnemers. Hiervolgens is ’n<br />
stelsel demokraties indien dit aan doeltreffende openbare kontrole<br />
onderhewig is. 47 Derhalwe is demokrasie nie ’n politieke stelsel<br />
waarin mense oor hulself regeer nie, maar word die graad van<br />
demokrasie gemeet aan die hand van die mate waarin die mense as<br />
kiesers oor die vermoë beskik om hulle regeerders te kontroleer en te<br />
verwyder. 48<br />
Die tweede essentiale van demokrasie is politieke gelykheid.<br />
Hierdie beginsel is gekonstitusionaliseer in die beginsel van gelyke<br />
stemreg vir alle volwasse burgers. 49 Dit impliseer dat elke persoon<br />
slegs oor ’n enkele stem sal beskik, dat niemand die reg het om meer<br />
as een maal te stem nie en dat elke stem dieselfde gewig dra. 50 Die<br />
beginsel van algemene stemreg het in die kontemporêre<br />
demokratiese praktyk aksiomaties geword en word as ’n universele<br />
fundamentele mensereg beskou. 51 Waarskynlik van nog groter belang<br />
is dat stemreg beskou word as ’n essensiële eienskap van individuele<br />
menswaardigheid. 52 In die mate waarin dit nie erken word nie,<br />
konstitueer dit derhalwe nie net die miskenning van ’n politieke reg<br />
nie, maar ook ’n krenking van die individuele persoonlikheid. Die Suid-<br />
Afrikaanse Konstitusionele Hof gaan sover as om te verklaar dat die<br />
stem elke persoon se kenteken van waardigheid en persoonskap is:<br />
‘The vote of each and every citizen is a badge of dignity and of<br />
personhood.’ 53<br />
Sonder algemene stemreg is populêre kontrole natuurlik nie<br />
moontlik nie en vandag word demokrasie en algemene stemreg as<br />
46 Mayo (n 2 hierbo).<br />
47 Mayo (n 2 hierbo) 62.<br />
48 Mayo (n 2 hierbo) 72-73; Sartori (n 6 hierbo) 66.<br />
49 Mayo (n 2 hierbo) 62-64, 107-136. Sien ook Holden (n 3 hierbo) 9, 18.<br />
50 Mayo (n 2 hierbo) 64.<br />
51 Mayo (n 2 hierbo) 116. Dit kom voor in alle nasionale handveste van regte en<br />
figureer in artikel 21(1) en (3) van die Universele Deklarasie van Menseregte van<br />
die VN, asook in artikel 25(b) van die Internasionale Verbond vir Burgerlike en<br />
Politieke Regte.<br />
52 Mayo (n 2 hierbo) 116.<br />
53<br />
Aldus regter Sachs in August and Another v Electoral Commission and Others 1999<br />
4 BCLR 363 (KH) para 17 (372E). Sien ook die soortgelyke stelling in Democratic<br />
Alliance v Masondo 2003 2 BCLR 128 (CC) 140I (para 43). Vir verdere argumente<br />
ter ondersteuning van universele stemreg, sien Mayo (n 2 hierbo) 118-121; Duncan<br />
& Lukes (n 33 hierbo) 159.
184 Hoofstuk 7<br />
twee kante van dieselfde munt beskou. 54 Stemreg is gevolglik ’n toets<br />
vir die egtheid van ’n stelsel wat daarop aanspraak maak dat dit<br />
demokraties is: hoe algemener die stemreg, des te meer is die stelsel<br />
demokraties en hoe meer gekwalifiseerd die stemreg, des te minder<br />
is dit demokraties. 55<br />
Die derde essentiale van hedendaagse demokrasie is dat die<br />
demokrasie per definisie ’n veelparty-opset impliseer. Daarvolgens<br />
geskied politieke deelname deur partyvorming en deur partye se<br />
deelname aan vrye, regverdige en gereelde verkiesings 56 waaraan<br />
sonder dwang en vrees vir intimidasie deelgeneem kan word. 57 Die<br />
uitgangspunt is dat daar slegs vrye politieke keuses gemaak kan word<br />
indien ’n verskeidenheid politieke partye aan verkiesings kan<br />
deelneem. Dit is juis die bestaan van ’n variasie van politieke partye<br />
wat dit moontlik maak dat ’n vrye politieke keuse uitgeoefen kan<br />
word. Wanneer ’n verskeidenheid van politieke partye aan verkiesings<br />
deelneem, kry (passiewe) stemreg aktiewe betekenis. Partyvorming<br />
en deelname aan die politiek deur partye het so belangrik geword dat<br />
demokrasie sedert die einde van die negentiende eeu juis partyregering<br />
veronderstel. 58<br />
Die vierde (en laaste) essentiale van staatlike demokrasie is<br />
meerderheidsregering, 59 oftewel dat die meerderheid die reg het om<br />
die uitoefening van die regeringsfunksies op te eis. 60 Hierdie beginsel<br />
word ondersteun deur die argument dat die meerderheid waarskynlik<br />
reg is. 61 Die meerderheidsbeginsel sluit ook logies aan by een van die<br />
ander essentiale van kontemporêre demokrasie, naamlik die<br />
gelykheidsbeginsel. Indien die minderheid sou regeer, sal dit beteken<br />
dat die stemme van die individue wat die minderheid uitmaak, meer<br />
gewig dra as die stemme van diegene aan meerderheidskant. 62 Dit is<br />
ook juis hierdie argument wat tans as die mees oortuigende saak ten<br />
gunste van meerderheidsregering beskou word. 63 Sartori verduidelik<br />
dat die meerderheidsbeginsel nie op waarde-oordele berus nie maar<br />
54 Mayo (n 2 hierbo) 120; SP Huntington The Third Wave: Democratization in the<br />
late twentieth century (1993) 7; Sartori (n 6 hierbo) 73; Holden (n 3 hierbo) 32; G<br />
Tenekides ‘The relationship between democracy and human rights’ in Democracy<br />
and Human Rights: Proceedings of the Colloquy organized by the Government of<br />
Greece and the Council of Europe (1987) 19; Uitspraak van die Suid-Afrikaanse<br />
Konstitusionele Hof per Yacoob r in New National Party of South Africa v<br />
Government of the RSA and Others 1999 5 BCLR 489 (KH) para 11 (494 G-I).<br />
55 Huntington (n 54 hierbo) 7.<br />
56 Huntington (n 54 hierbo) 9; Esterhuyse (n 5 hierbo) 50.<br />
57 Mayo (n 2 hierbo) 64-66.<br />
58 CS Maier ‘Democracy since the French Revolution’ in J Dunn (red) Democracy: The<br />
Unfinished Journey - 508 BC - AD 1993 (1993) 136.<br />
59 Mayo (n 2 hierbo) 174-181.<br />
60 Esterhuyse (n 5 hierbo) 54.<br />
61 Mayo (n 2 hierbo) 174.<br />
62 Mayo (n 2 hierbo) 178; Holden (n 3 hierbo) 104-106.<br />
63 Mayo (n 2 hierbo) 182 en dergelike verdere argumente op179-181.
Staatlike demokrasie 185<br />
daarenteen ’n blote prosedurereëling is. 64 Openbare geskille moet op<br />
die een of ander stadium gefinaliseer word en die<br />
meerderheidsbeginsel bied ’n nuttige metode vir die finale<br />
afhandeling van geskille. Dit kan as ’t ware beskou word as die<br />
toepassing van die res iudicata-beginsel in die makro-staatsreg.<br />
By hierdie vier essentialia van staatlike demokrasie word ’n aantal<br />
konstitusionele meganismes gevoeg wat ook as belangrike kenmerke<br />
van staatlike demokrasie beskou word. Die erkenning van basiese<br />
menseregte, konstitusionalisme, die rule of law, trias politica en ’n<br />
onafhanklike regbank word alles as basiese kenmerke van<br />
hedendaagse demokrasie gereken. 65 ’n Vooraanstaande woordvoerder<br />
in die Suid-Afrikaanse konteks, Arthur Chaskalson, die eerste<br />
president van die Konstitusionele Hof, plaas die howe in die sentrum<br />
van wat hy as egte demokrasie beskou. 66 Die voormelde demokratiese<br />
strukture beoog almal om magskontroles op die regering te wees en<br />
om sodoende tot individuele belangebeskerming by te dra. 67 Juis<br />
daarom is moderne demokrasie liberale demokrasie. Die mag van<br />
populêre soewereiniteit en die gevaar dat dit tot die skending van<br />
basiese individuele regte kan lei, moet teëgewerk word deur die<br />
beskerming van fundamentele individuele regte. 68 Liberale<br />
demokrasie beoog nie in die eerste plek om kollektiewe deelname aan<br />
magsuitoefening te bewerkstellig nie. Dit is nie primêr gerig op<br />
deelname aan die sake van die staat nie, maar op die vryheid van —<br />
insulering teen — die staat. Dit poog om die staat op ’n afstand te<br />
hou. 69 Die erkenning van individuele regte is binne hierdie<br />
denkpatroon van kardinale belang, want, waarsku Sartori, nie-liberale<br />
demokrasie is totalitêre demokrasie, 70 wat so diep in die burgerlike<br />
en private lewe ingryp en daaraan voorskryf dat dit basiese vryhede<br />
uiteindelik heeltemal uitwis.<br />
64<br />
Sartori (n 6 hierbo) 103.<br />
65 Sien hieroor byvoorbeeld: GA Rauche ‘Die konsep demokrasie’ in AM Faure et al<br />
Suid-Afrika en die Demokrasie (1988) 5; M Wiechers ‘Herdemokratisering’ in AM<br />
Faure et al Suid-Afrika en die Demokrasie (1988) 205-206.<br />
66 A Chaskalson (1992) ‘Democracy and Law’ (1992) 2 Idasa Occasional Papers 6. In<br />
die Suid-Afrikaanse Grondwet, 1996 word menseregte as die essensie van<br />
demokrasie getipeer. Artikel 7 lui dat menseregte die hoeksteen van demokrasie<br />
in Suid-Afrika is.<br />
67 RA Dahl A preface to democratic theory 1984 4 et seq beskryf hierdie formele<br />
magskontroles as (klassieke) Madisonian Democracy.<br />
68 C Mouffe ‘Democratic Politics Today’ in Mouffe C (red) Dimensions of Radical<br />
Democracy (1992) 11.<br />
69<br />
WLJ van Vuuren ‘Sartori’ in AM Faure en DJ Kriek Die Moderne Politieke Teorie<br />
(1984) 66.<br />
70 Sartori (n 6 hierbo) 377. Sartori wys daarop (141) dat demokrasie, sonder die<br />
gelyktydige erkenning van die private domein, totalitêre implikasies inhou:<br />
... the hypothesis that a democratic state can become totalitarian,<br />
meaning that it can become an all-pervading total State, is perfectly<br />
plausible. For, in principle, no political formula can justify a totalitarian<br />
expansion of political power as easily as democracy.
186 Hoofstuk 7<br />
Die uiteensetting van die essensiële eienskappe van staatlike<br />
demokrasie (wat ook ooreenstem met mense se alledaagse ervaring<br />
van demokrasie) 71 bring mee dat demokrasie vandag ’n struktureelprosedurele<br />
definisie het. 72 Die logika van hierdie struktureelprosedurele<br />
definisie werk so: om vas te stel of daar ’n demokratiese<br />
orde in plek is, word daar nie gevra waar die mag binne die politieke<br />
orde (staat) berus nie. Daar word daarenteen sonder meer aanvaar<br />
dat sodra die strukture en prosedures wat so pas behandel is<br />
(algemene stemreg, gereelde verkiesings, politieke partye,<br />
meerderheidsregering, trias politica, ’n onafhanklike regbank, die<br />
beskerming van basiese regte) teenwoordig is, egte demokrasie<br />
inderdaad in plek is. 73 Hierdie prosedures is die beslissende<br />
maatstawwe vir demokrasie en wanneer daaraan voldoen word,<br />
verkry ’n stelsel die waarmerk van egte demokrasie. Wat baie<br />
belangrik is, is dat aangesien hierdie strukture en prosedures as die<br />
essensie van demokrasie voorgehou word, enige verdere normatiewe<br />
vrae oor die essensie van demokrasie oorbodig en irrelevant word.<br />
Moontlike normatiewe vrae oor demokrasie word derhalwe buite orde<br />
gereël omdat die heersende demokratiese praktyk ooreenkomstig die<br />
genoemde prosedures en strukture sonder meer as demokraties<br />
voorgehou word. 74 Sodoende word die demokrasie-diskoers geredelik<br />
in ’n positivistiese dwangbuis inforseer.<br />
Vir die individuele burger beteken demokrasie dienooreenkomstig<br />
nie daadwerklike magsuitoefening saam met mede-burgers nie, maar<br />
bloot ’n aantal prosedurele regte wat sporadies gedurende verkiesings<br />
uitgeoefen word. Binne die konseptuele en praktyksruimte van<br />
kontemporêre demokrasie het die individuele burger grootliks slegs<br />
die hoedanigheid van ’n kieser. 75 Hierdie hoedanigheid is trouens ’n<br />
integrale element van hedendaagse demokratiese teorie. Die rede<br />
hiervoor is dat politiek almal se belange raak en dat niemand<br />
derhalwe van die prosedurele regte wat deur ’n kieser uitgeoefen<br />
word, uitgesluit kan word nie. Dit is nie ’n persoon se besonderse<br />
bekwaamheid wat hom laat kwalifiseer of diskwalifiseer om aan die<br />
politiek deel te neem en die prosedurele regte van ’n kieser uit te<br />
71 Huntington (n 54 hierbo) 8.<br />
72 Mayo (n 2 hierbo) 33; Sartori (n 6 hierbo) 238-241; Faure & Kriek (n 3 hierbo) 68;<br />
Esterhuyse (n 5 hierbo) 49-50; G O’Donnel en PC Schmitter Transitions from<br />
authoritarian rule (1989) 8; Huntington (n 54 hierbo 7-9; Holden (n 3 hierbo) 27-<br />
28; Mouffe (n 68 hierbo) 12; J Kotze en JJ van Wyk Basiese konsepte in die<br />
politiek (1990) 34. (Talle ander voorbeelde van hierdie struktureel-prosessuele<br />
definisie kan vermeld word.)<br />
73 Esterhuyse (n 5 hierbo) 49-50; Faure & Kriek (n 3 hierbo) 68.<br />
74<br />
Sartori (n 6 hierbo) 241 lê dit veral die Engelse en die Amerikaners ten laste en sê<br />
The Anglo-American doctrine does not have to deal with questions of<br />
principle, with fundamentals, or as we may say in my country, with the<br />
conceptual issue. It suffices for it to define democracy with respect to its<br />
technical articulations and procedure.<br />
75 Sartori (n 6 hierbo) 76-80; Finley (n 17 hierbo) 36.
Staatlike demokrasie 187<br />
oefen nie. Indien dit so was, sou baie persone weens gebrekkige<br />
bekwaamheid nie as kiesers kon kwalifiseer nie. Toegang tot<br />
deelname aan die politieke proses word daarenteen verleen op grond<br />
van die aanname dat alle individue gelyke menswaardigheid geniet,<br />
en nie op grond van mense se ongelyke kennis van en on/<br />
bekwaamheid nie. Almal het dieselfde individuele menswaardigheid<br />
en daarom kwalifiseer almal as kiesers vir doeleindes van die<br />
uitoefening van die prosedurele regte wat aan die kieserhoedanigheid<br />
gekoppel is. Die demokratiese proses verskil in hierdie opsig van die<br />
professies waarin vaardigheid en bekwaamheid juis die maatstawe is<br />
waaraan voldoen moet word om vir deelname aan professionele<br />
aktiwiteit te kwalifiseer. By die demokratiese praktyk is onkunde<br />
egter geen probleem nie, inteendeel. Sartori verduidelik<br />
insiggewend:<br />
An astronomer who discusses philosophy, a chemist who speaks about<br />
music or a poet who talks about mathematics will not utter less<br />
nonsense than the average citizen interviewed by a pollster. The<br />
difference is that the astronomer, the chemist and the poet will<br />
generally avoid making fools of themselves by pleading ignorance,<br />
whereas the citizen is forced to concern himself with politics and in the<br />
midst of general incompetence that he no longer realizes that he is an<br />
ass. So the only difference is that in other zones of ignorance we are<br />
warned to mind our own business, while in the political realm we are<br />
encouraged to take the opposite attitude and thus we end up not<br />
knowing that we know nothing. 76<br />
Ons kan die pad van demokratiese onkunde nog verder bewandel<br />
deur, pleks daarvan om dit te betreur, dit as ’n outentiek<br />
demokratiese eienskap te besing. Walter Lippmann het juis gesê dat<br />
die doel van moderne regering nie is om die burger met die<br />
vraagstukke wat moontlik bo sy vuurmaakplek is, te belas nie, maar,<br />
daarenteen, om daardie las na die verantwoordelike administrateurs<br />
te verplaas. 77 ’n Werklik deugsame burger sal juis die<br />
verantwoordelikheid om oor dergelike kwessies te besluit, afwys en sy<br />
mening voorbehou totdat die uitwerking van die administrasie se<br />
besluite bekend raak. Die fokus van demokrasie verskuif heeltemal<br />
weg van aktiewe deelname na beheeruitoefening as die<br />
onderskeidende eienskap van demokratiese praktyk. As die regering<br />
daarin slaag om die burgery se behoeftes te bevredig, word die stelsel<br />
sonder meer as demokraties gewaarmerk. 78 Demokrasie word<br />
hiermee gedepolitiseer, kry ’n ekonomiese gedaante en word deel van<br />
die ekonomiese verbruikerskultuur. Die gevolg is dat die reeds erg<br />
politiek verskraalde (politieke) kieser ’n metamorfose ondergaan tot<br />
’n (ekonomiese) verbruiker. Die politieke orde wat hiermee op die<br />
76 Sartori (n 6 hierbo) 76.<br />
77 Hanson (n 22 hierbo) 82.<br />
78 Hanson (n 22 hierbo) 84.
188 Hoofstuk 7<br />
voorgrond tree, herinner aan verligte despotisme van die agtiende<br />
eeu 79 en kan paslik as verligte burokrasie beskryf word.<br />
Die kernrede waarom demokrasie so gemaklik die onkunde,<br />
ongeërgdheid en onbevoegdheid van die kieser/burger kan<br />
akkommodeer, is dat politiek — en by name demokratiese politiek —<br />
volgens die patroon wat dit in die territoriale staat aangeneem het<br />
ten dele nie meer as wesenlik ’n openbare aangeleentheid beskou<br />
word nie. Indien politiek nie bloot as ’n saak van privaat belange nie,<br />
maar van openbare belange (skeibaar en onderskeibaar van privaat<br />
belange) beskou word, sou dit onmoontlik vir die individu wees wat<br />
apaties teenoor die openbare belang staan, om inspraak te hê. So ’n<br />
persoon sou eenvoudig nie gekwalifiseer het vir deelname aan die<br />
politiek nie. As die politiek egter aan die ander kant in wese met<br />
individuele menswaardigheid vereenselwig word en met private sake<br />
en belange gemoeid is, kwalifiseer almal natuurlik vir deelname as<br />
kiesers, ongeag die graad van belangstelling, kundigheid,<br />
onnoselheid, ongeërgdheid, bevoegdheid, bekwaamheid<br />
ensovoorts. 80 Hierdie monopolisering van die politiek as die<br />
strydterrein vir die uitbaklei van private belange is aangehelp deur<br />
wat Hannah Arendt as die opkoms van die sosiale beskryf. 81 Dit<br />
impliseer onder meer ’n fenomenale toename in sosio-ekonomiese<br />
behoeftes van alle individue. Die politiek wat eens die domein vir die<br />
openbare en die gemeenskaplike was, word as gevolg hiervan dienstig<br />
gestel aan die bevrediging van individuele behoeftes en dus van die<br />
verryking van die private individuele lewenswyse. Sosiale behoeftes<br />
monopoliseer gevolglik die openbare domein en die openbare domein<br />
word ’n funksie van private individuele behoeftebevrediging. 82<br />
Dit is veral in die regswêreld met sy inherente neiging om, soos in<br />
hoofstuk 5 uitgewys, ander se agendas dienstig te wees 83 dat die<br />
struktureel-prosedurele benadering tot demokrasie dikwels sonder<br />
enige sweem van kritiese impuls ge-eggo word.<br />
79<br />
Verligte despotisme was eweneens nie op deelname nie maar op<br />
80<br />
behoeftebevrediging ingestel. Die oogmerk daarvan was om aan die hand van<br />
rasionele regering die staatsbelang ten beste te dien, maar om ook terselfdertyd<br />
die basiese behoeftes van die burgery te akkommodeer. Sien in die algemeen R<br />
Wines (red) Enlightened Despotism: Reform or Reaction? (1967).<br />
Gordon Wood verduidelik hoe die oorgang van politiek as ʼn openbare na ʼn privaat<br />
saak in 1786 in die Pennsylvania Assembly verreken en erken is. Die tradisie van<br />
politiek as ʼn openbare saak is omvergewerp en dit is uitdruklik as reg en normaal<br />
aanvaar dat die politiek as die strydterrein vir botsende private<br />
81<br />
82<br />
83<br />
behoeftebevrediging kan dien. Sien GS Wood ‘Democracy and the American<br />
Revolution’ in J Dunn (red) Democracy: The Unfinished Journey - 508 BC-AD<br />
(1993) 102-103.<br />
H Arendt The Human Condition (1958) 38 et seq.<br />
Arendt (n 81 hierbo) 69.<br />
N McCormick ‘Reconstruction after deconstruction: A Response to CLS’(1990) 10<br />
Oxford Journal of Legal Studies 537. Hierdie aspek is breedvoerig in hoofstuk 5.2<br />
uitgepluis.
Staatlike demokrasie 189<br />
Daar is reeds gemeld dat die begrip demokrasie in talle nasionale<br />
grondwette asook in internasionale en regionale menseregteinstrumente<br />
aangetref word. 84 Daarin funksioneer dit as ’n vereiste<br />
waaraan voldoen moet word vir die geldige beperking van<br />
grondwetlike regte. Die regspraak waarin die inhoud van die konsep<br />
aangeroer is, toon geen kritiese ingesteldheid oor wat demokrasie of<br />
demokratiese gemeenskap inhou nie. Inteendeel, die howe het<br />
algaande al hoe minder aandag gegee aan die belangrikheid van die<br />
teoretiese konsep of algemene standaard van demokratiese<br />
gemeenskap en het sonder meer aanvaar dat die prosedureelstrukturele<br />
stelsel wat hierbo behandel is, inderdaad die essensie van<br />
demokrasie weerspieël. In effek het die oorspronklike bedoeling van<br />
hierdie soort bepalings, naamlik om die inkorting van fundamentele<br />
regte aan bande te lê deur dit aan die standaarde van ’n demokratiese<br />
gemeenskap ondergeskik te stel, grootliks sy belang verloor. 85 Die<br />
demokrasiebegrip word nie deur die howe ontleed nie en die<br />
teenwoordigheid van die geykte prosedures en strukture wat hierbo<br />
bespreek is, word as voldoende gronde beskou om te aanvaar dat ’n<br />
demokratiese gemeenskap wel bestaan. 86 Die Suid-Afrikaanse howe<br />
het by enkele geleenthede wel aan demokrasie aandag gegee. In<br />
Democratic Alliance v Masondo het regter Sachs byvoorbeeld gesê dat<br />
die Suid-Afrikaanse grondwet ’n pluralistiese demokrasie beoog en nie<br />
’n blote stemtellery moet wees waar die wenner met alles wegloop<br />
nie. 87 Hy het bygevoeg dat deelnemende demokrasie ook beoog om<br />
wesenlik beter besluite te bewerkstellig 88 en dat die gedagte van<br />
regterlike kontrole in sigself natuurlik inhou dat demokrasie nie slegs<br />
meerderheidsregering kan beteken nie. 89 Twee ander belangrike<br />
beslissings van die Suid-Afrikaanse howe waarin demokrasie ter<br />
sprake was, is Doctors for Life International v Speaker of the National<br />
Assembly en Matatiele Municipality v President of the RSA 90 Die<br />
grondwetlike bepalings wat met die onderhawige kwessie verband<br />
hou, naamlik artikels 59(1)(a), 72(1)(a) en 118(1)(a), handel oor die<br />
grondwetlike verpligting tot raadpleging gedurende die wetgewende<br />
proses. Hierdie uitsprake kan gesien word as ’n verfyning en afronding<br />
van staatlike demokrasie — in belang van die staatlike orde en<br />
84 n 10 hierbo.<br />
85<br />
Sien AEAM Thomashausen ‘Savings clauses and the meaning of the phrase<br />
acceptable in a democratic society — a comparative study’ (1989) 30 Codicillus<br />
61-62 met betrekking tot Kanadese regspraak. Die Europese Hof vir Menseregte<br />
het problematisering oor die konsep ook vermy — 62-63.<br />
86 PW Hogg ‘Section 1 of the Canadian Charter of Rights and Freedoms’ in A de<br />
Menstral et al (reds) The limitation of rights in comparative constitutional law<br />
(1986) 17; Tenekideis (n 54 hierbo) 30-34.<br />
87 2003 2 BCLR 128 (CC) 140 G-H (para 42).<br />
88 (n 87 hierbo) para 43.<br />
89<br />
Sien ook die opmerkings van Chaskalson P in S v Makwanyane 1995 6 BCLR 665<br />
(KH) op 703 F-I (para 88).<br />
90 Onderskeidelik in Doctors for Life International v Speaker of the National<br />
Assembly 2006 12 BCLR 1399 (KH) en Matatiele Municipality v President of the<br />
RSA 2007 1 BCLR 47 (KH).
190 Hoofstuk 7<br />
uiteraard nie as iets met die uitwerking om staatlike demokrasie te<br />
ontwrig of te bevraagteken nie.<br />
Howe is egter nie in die posisie om ’n betekenis aan demokrasie<br />
of aan enige ander juridiese of politieke konsep te verleen, wat die<br />
staatlike orde in die war kan stuur nie. Die howe is per slot van<br />
rekening ’n integrale deel van die staatlike orde en juis primêr met<br />
die ewewigtige instandhouding daarvan gemoeid. Wanneer die howe,<br />
insluitend die Suid-Afrikaanse howe, met verwysing na die regspraak<br />
wat hierbo vermeld is, aan demokrasie aandag gee, is dit dus in die<br />
eerste plek daarop gemik om die staatlike orde te bestendig en juis<br />
nié om dit aan ontwrigting en fundamentele verandering bloot te stel<br />
nie.<br />
Aangesien daar in beginsel nougeset by die prosedureelstrukturele<br />
inhoud van demokrasie gehou word, word demokrasie<br />
sorgsaam aan die hand van die vereistes van die staatlike paradigma<br />
geakkommodeer. Demokrasie volgens die staatlike paradigma is in<br />
minstens drie opsigte getrou gedienstig aan die bestaande staatlike<br />
praktyk. In minstens drie opsigte verskaf dit die borswering vir die<br />
instandhou van die bestaande staatlike orde. Die soeklig val<br />
vervolgens daarop.<br />
2 Demokrasie as legitimiteitsfiksie<br />
Met die millenniumwending het demokrasie sy status volledig as<br />
maatstaf vir legitieme regering gevestig. ’n Regering wat kragtens die<br />
beginsels van prosedurele veelparty-demokrasie verkies is, word<br />
gewoonlik per definisie as legitiem beskou en verwerf die reg om te<br />
regeer. Soos HB Mayo dit stel:<br />
The election results invest representatives and decisions with<br />
legitimacy. In short, the government which is produced — almost as a byproduct<br />
— invested with legitimacy is the chief social purpose of the<br />
whole electoral process. 91<br />
Die keersy hiervan is dat die omverwerping van ’n regering wat so<br />
verkies is, per definisie illegitiem is. Hierdie realiteit is nie net in die<br />
Westerse wêreld van toepassing nie, maar word ook toenemend op die<br />
nie-Westerse wêreld ingeskerp. 92 Die rede vir die byna<br />
91 Mayo (n 2 hierbo) 73.<br />
92 Dit is kennelik geïllustreer deur die stappe wat sowel die Statebond as die<br />
Organisasie vir Afrika-Eenheid (nou die Afrika-Unie) gedoen het teen regerings<br />
wat by wyse van staatsgrepe die bewind oorgeneem het, byvoorbeeld die<br />
Statebondsanksies teen die militêre Abacha-bewind in Nigerië, asook die stappe<br />
teen die militêre regering in Pakistan wat in 1999 na ’n staatsgreep die bewind<br />
oorgeneem het.
Staatlike demokrasie 191<br />
vanselfsprekende legitimiteit van demokrasie is dat die verkose<br />
regering die ondersteuning en instemming van die mense — die<br />
staatsbevolking — geniet. Die legitimiteit van demokrasie is ten beste<br />
openbaar in Abraham Lincoln se Gettysburg-definisie van demokrasie<br />
as regering van die mense, deur die mense en vir die mense. Dit is na<br />
alle waarskynlikheid die bekendste definisie van demokrasie.<br />
Wanneer ’n leek oor demokrasie uitgevra word, is die kanse goed dat<br />
dit die soort omskrywing sal wees waarmee vorendag gekom sal word.<br />
Dit is egter nie net ’n leke-omskrywing nie. In 1983 beskryf ’n<br />
instelling met die gesag en aansien van die Parlementêre Vergadering<br />
van die Europese Raad demokrasie in baie soortgelyke terme as<br />
regering van die mense deur die mense. 93 Ook in akademiese kringe<br />
word ’n gelyksoortige betekenis aan demokrasie toegedig. Barry<br />
Holden verklaar byvoorbeeld:<br />
A democracy is ... a political system of which it can be said that the<br />
whole people, positively or negatively, make, and are entitled to make<br />
the basic determining decisions on important matters of public policy. 94<br />
Demokrasie is derhalwe legitiem omdat die volk — die mense — self<br />
regeer. Die bespreking van die teorie en praktyk van<br />
verteenwoordigende demokrasie in die eerste deel van hierdie<br />
hoofstuk toon egter duidelik die teendeel aan. Die demokratiese<br />
aanspraak dat die mense regeer, is ’n minsame en sussende<br />
wanvoorstelling, want soos Giovanni Sartori tereg sê:<br />
Actually, despite all the talk to the contrary, we are moving toward less<br />
power of the people. The obvious reason for this is that a maximum of<br />
popular power is possible only in simple societies whose leadership-tasks<br />
are relatively elementary. 95<br />
Die realiteit van hedendaagse demokrasie in die omvattende<br />
territoriale staat met sy massabevolking toon dat die beeld van ’n<br />
selfregerende demos inderwaarheid net een van twee dinge is. Dit is<br />
òf ’n deskriptiewe mite, òf ’n demagogiese slenter. 96 Dit is ’n fiksie<br />
wat kwistig en doeltreffend bydra tot die handhawing van die<br />
heersende orde. Met elkeen onder die indruk van sy deelname aan<br />
selfregering, is almal uiteraard heel tevrede en gelukkig met die<br />
heersende orde van staatlike demokrasie. Die gevolg daarvan is dat<br />
93 Aangehaal deur Jacot-Guillarmod (n 11 hierbo) 44.<br />
94 Holden (n 3 hierbo) 8.<br />
95<br />
Sartori (n 6 hierbo) 405.<br />
96 Sartori (n 6 hierbo) 128. Verskeie teoretici wat deur Sartori aangehaal word (56)<br />
soos James Burnham, Sorel, Mosca en Pareto het die aanspraak van demokrasie as<br />
selfregering as ʼn onmoontlike en onhaalbare mite afgewys. Sartori self handel<br />
egter met demokrasie nie net as gebroke realiteit nie, maar ook as ʼn ideaal. Hy<br />
beskou demokrasie as selfregering nie as ʼn vals mite nie, maar as ʼn<br />
navolgenswaardige maatstaf en ideaal. Hierdie tema kom deurlopend in Sartori se<br />
magnum opus voor.
192 Hoofstuk 7<br />
staatlike demokrasie sodoende stabiel gehou en teen die aandrang op<br />
verandering gevrywaar word. Die fiksie werk goed en almal baat<br />
daarby. Ofskoon daar dus ’n fiksie in plek mag wees, is dit ’n goeie<br />
een — ’n edele leuen, soos Mayo sê:<br />
To talk as though the people actually govern in any modern democracy is<br />
to perpetuate a fiction even though we may call it a ‘noble lie’. 97<br />
Die verskynsel van die fiksie in die juridiese sin kom voor in alle<br />
regstelsels, met inbegrip van die Suid-Afrikaanse reg, wat dit weer uit<br />
die Europese reg gekry het. 98 Ons het in die onderhawige geval egter<br />
nie streng gesproke met ’n fiksie in die juridies-tegniese sin te doen<br />
nie, maar eerder met ’n fiksie in die algemene leksikologiese sin van<br />
die woord.<br />
Juridies gesproke het ons hier met ’n vermoede te doen. ’n<br />
Vermoede in hierdie sin is ’n middel waarmee ’n feit bewys kan word,<br />
sonder dat dit nodig is om getuienis te lewer om die betrokke feit<br />
werklik te bewys. Met behulp van ’n vermoede word ’n bepaalde feit<br />
of toestand dus veronderstel, sonder dat getuienis aangebied is om<br />
die bestaan van die feit of toestand te substansieer. 99 In die<br />
onderhawige geval is dit nie nodig om absolute regsdogmatiese<br />
suiwerheid te handhaaf met betrekking tot die presiese afbakening<br />
van die regsfigure vermoede en fiksie nie. Bowendien word die twee<br />
begrippe in die onderhawige konteks as wisselterme aangewend. 100<br />
Die kern van die saak is dat staatlike demokrasie met die<br />
aanwending van hierdie fiksie van selfregering voorgee om te<br />
funksioneer as ‘n stelsel wat werklik selfregering deur die volk<br />
bewerkstellig. Hierdie pretensie is vals. Die fiksie word egter van<br />
oënskynlike substansie voorsien deur die geykte prosedures en<br />
strukture van die verteenwoordigende stelsels in die hedendaagse<br />
territoriale staat. Die fiksie is dus vals, maar vanweë die funksionering<br />
van hierdie prosedures en strukture lyk dit tog asof demokrasie se<br />
aanspraak dat dit selfregering meebring, geloofwaardig en, trouens,<br />
moeilik weerlegbaar kan wees. 101 Daarom word die boodskap wat die<br />
fiksie oordra, naamlik dat die mense self regeer, aanvaar en word<br />
daarby berus. Sodoende word die bestaande staatlike orde sonder<br />
noemenswaardige kritiek of beswaar as legitiem aanvaar soos dit is.<br />
97 Mayo (n 2 hierbo) 73-74.<br />
98 Sien in die algemeen oor regsfiksies PJJ Olivier Legal fictions in practice and legal<br />
science (1975).<br />
99 CWH Schmidt Bewysreg (1982) 145.<br />
100 Sartori (n 6 hierbo) 22-23.<br />
101 Sien Schmidt (n 99 hierbo) 146 wat die onweerlegbare regsvermoede as ʼn fiksie<br />
beskryf waardeur die noue verwantskap tussen fiksies en vermoedens weereens<br />
onderstreep word. Sartori (n 6 hierbo) 22-23, hanteer die fiksie ook as ʼn<br />
weerlegbare vermoede, naamlik ʼn praesumptio iuris et de jure, met ander<br />
woorde ʼn regsvermoede wat die bewys van die teendeel uitsluit.
Staatlike demokrasie 193<br />
Dit word weens die werking van die fiksie wat voorgee dat die mense<br />
self regeer as legitiem aanvaar en spring sodoende druk vir<br />
verandering vry. Dit laat die burgers glo dat hulle werklik vry is en<br />
gevolglik word die bestaande orde ongeskonde gehandhaaf. Ronald<br />
Dworkin 102 stel dit soos volg:<br />
We think we are free when we accept the majority’s will in place of our<br />
own, but not when we bow before the doom of a monarch or the ukase<br />
of an aristocracy of blood or faith or skill.<br />
Hierdie fiksie is natuurlik allermins meer edel wanneer dit in ’n<br />
diepverdeelde heterogene staat funksioneer waar mense, soos dit ook<br />
in ’n groot mate in Suid-Afrika die geval is, volgens hulle<br />
groepsidentiteit stem. In so ’n situasie funksioneer die stemreg en<br />
verkiesings as ’n verskoning vir meerderheidstirannie oor magtelose<br />
minderhede. In dergelike omstandighede bevestig verkiesings bloot<br />
die magteloosheid van die minderhede en die oormag van die<br />
meerderheid. Dit lewer die minderheid uit aan ’n soortgelyke situasie<br />
as wanneer ’n totale bevolking aan die despotisme van ’n outokraat<br />
uitgelewer is, maar boonop gaan dit nog verder: Weens die werking<br />
van die legitimiteitsfiksie word die bedrieglike indruk van selfregering<br />
en vryheid gewek, waardeur die wantoestand van meerderheidsdespotisme<br />
en minderheidsmagteloosheid in die waan dat dit legitiem<br />
is, in stand gehou word.<br />
3 Prekariokrasie en gelykheid<br />
Die beslissende mag van die meerderheid en gepaardgaande<br />
meerderheidsdominasie is een van die deurlopende probleme<br />
waarmee demokratiese teorie te kampe het. 103 Dit behoort ook so te<br />
wees, want hoe goed ook al die bedoelings met demokrasie, word dit<br />
konsekwent gekortwiek deur die inherente strukturele swakhede van<br />
meerderheidstirannie (meerderheidsdespotisme) en die miskenning<br />
van minderheidsbelange. Indien daar by hierdie swakhede van<br />
meerderheidsdominasie en miskenning van minderheidsbelange berus<br />
word, vertoon demokrasie nie slegs gebreke nie, maar word dit totaal<br />
verydel. Alexis de Tocqueville het reeds in die negentiende eeu met<br />
die potensieel tirannieke uitwerking van (meerderheids)demokrasie<br />
geworstel.<br />
Mill was terdeë bewus van die risiko dat meerderhede hul posisie<br />
tot die nadeel van minderhede kon misbruik. Net soos ’n monargie of<br />
’n aristokrasie tot die diens van seksionele pleks van die algemene<br />
102 RM Dworkin Freedom’s Law: The Moral Reading of the American Constitution<br />
(1996) 22.<br />
103 Sartori (n 6 hierbo) 99-100.
194 Hoofstuk 7<br />
openbare belang geplaas kan word, kan demokrasie ook tot die<br />
werktuig van seksionele belange verval. Mill verwoord sy vrese hieroor<br />
deur te vra:<br />
Suppose the majority to be whites, the minority negroes, or vice versa:<br />
is it likely that the majority will allow equal justice to the minority?<br />
Suppose the majority Catholics, the minority Protestants, or vice versa;<br />
will there not be the same danger? Or let the majority to be English, the<br />
minority Irish, or the contrary: is there not a great probability of similar<br />
evil? 104<br />
Een van die primêre gevare verbonde aan demokrasie is daarom wat<br />
Mill klasseregering deur ’n numeriese meerderheid noem. 105<br />
Teen hierdie agtergrond is daar in Mill se oë ook twee soorte<br />
demokrasie: eerstens is daar suiwer demokrasie wat regering van die<br />
geheel van die volk (people) deur die geheel van die volk (people)<br />
behels. Die tweede en afwykende vorm is regering deur die<br />
meerderheid met die doel om die meerderheid te bevoorreg. Vir alle<br />
praktiese doeleindes het slegs die meerderheid in hierdie opset<br />
seggenskap in die sake van die staat. 106 Die uitwerking van hierdie<br />
meerderheidsregering is terselfdertyd die ontkiesering van die<br />
minderheid, 107 wat meebring dat die meerderheid effektief oor die<br />
minderheid regeer en hulle gevolglik domineer. Hierdeur word<br />
diegene wat tot die minderheid behoort degraderend ongelyk in<br />
vergelyking met diegene wat tot die meerderheid behoort, behandel.<br />
Die gelykheidsbeginsel wat in die woorde van Mill die ‘root and<br />
foundation’ 108 van demokrasie is, word sodoende verontagsaam en<br />
daarmee saam word demokrasie per se misken. Vanselfsprekend kan<br />
daar weens die meerderheid wat oor die minderheid regeer en die<br />
minderheid wat dus nie self regeer nie, ook niks tereg kom van die<br />
beginsel van selfregering nie. 109<br />
Mill gaan dan voort en argumenteer dat die gelykheidsbeginsel die<br />
beste deur ’n stelsel van proporsionele verteenwoordiging gedien kan<br />
104 Mill (n 34 hierbo) 249-250.<br />
105 Mill (n 34 hierbo) 256.<br />
106 Mill (n 34 hierbo) 256-257.<br />
107 Mill (n 34 hierbo) 256-257.<br />
108 Mill (n 34 hierbo) 256-257. Sien ook Sartori (n 6 hierbo) 51 wat beklemtoon dat<br />
demokrasie altyd op gelykheid (en populêre soewereiniteit en selfregering)<br />
geskoei is.<br />
109 Sartori (n 6 hierbo) 51. Dit is belangwekkend dat die onding van<br />
meerderheidsdominasie ook reeds in die Klassieke politieke denke ingesien is.<br />
Aristoteles worstel in sy Politeia herhaaldelik met die probleem. Sien Aristoteles<br />
The politics (Vertaling uit die Grieks deur TA Sinclair) (1962) Boek III, hoofstuk 8<br />
16; Boek III, hoofstuk 10 122; Boek IV, hoofstuk 4 160; Boek IV, hoofstuk 11 173;<br />
Boek 5, hoofstuk 8 210; Boek VI, hoofstuk 2 236-240; Boek VII, hoofstuk 3 262-263.
Staatlike demokrasie 195<br />
word. Daardeur word meerderheidsbevoorregting en minderheidsbenadeling<br />
na sy mening verhoed. 110<br />
Dit strek tot Mill se krediet dat hy die euwel van<br />
meerderheidsdominasie ingesien het. Mill se kuur vir die probleem<br />
was proporsionele verteenwoordiging. Hy was daarvan oortuig dat<br />
proporsionele verteenwoordiging sal meebring dat die debat in die<br />
verteenwoordigende liggaam die algemene belang aan die lig sal bring<br />
en dat die liggaam se keuse op die dien van die algemene belang sal<br />
val. Mill se oortuiging oor sy oplossing vir die misstand van<br />
meerderheidsdominasie was egter ongegrond. By Mill was die gedagte<br />
van minderheidsregte, of ten minste die beskerming van<br />
minderheidsbelange teen die tirannie van die meerderheid, steeds<br />
latent en die gedagte van die afwenteling van gesag na minderhede<br />
om meerderheidsdominasie te verhoed en minderhede se deelname<br />
aan demokrasie daadwerklik te verwesenlik nog geheel en al afwesig.<br />
Dit is natuurlik beswaarlik denkbaar dat demokrasie sonder die<br />
meerderheidsbeginsel kan funksioneer. 111 Die kritieke vraag is dus<br />
hoe die meerderheidsbeginsel met die gelykheidsbeginsel versoen<br />
moet word, met ander woorde, hoe daar aan die<br />
meerderheidsbeginsel gevolg gegee kan word sonder om die<br />
gelykheidsbeginsel te verontagsaam. Die ideale situasie, soos<br />
ingevolge moderne demokratiese teorie betoog word, is dat<br />
meerderhede mekaar voortdurend afwissel. Rakende sekere<br />
geskilpunte kan ’n bepaalde individu hom as deel van die meerderheid<br />
bevind, en oor ander is hy weer deel van die minderheid. Die politieke<br />
orde funksioneer dan op so ’n manier dat alle individue soms wen en<br />
soms verloor. Inderwaarheid is daar dan nie iets soos die meerderheid<br />
en die minderheid nie, maar voortdurend wisselende meerderhede en<br />
minderhede met ewe wisselende samestellings. Daarmee saam moet<br />
regerings mekaar ook gereeld afwissel en word daar<br />
dienooreenkomstig in moderne demokratiese teorie vereis dat daar by<br />
ten minste elke derde algemene verkiesing ’n regeringswisseling moet<br />
plaasvind alvorens ’n politiek-grondwetlike orde werklik as<br />
demokraties bestempel kan word. Die uitwerking hiervan is dat partye<br />
(meerderhede) wat aan bewind is, kompromie-gesind is teenoor<br />
diegene wat nie aan bewind is nie, omdat hulle weet dat hulle by ’n<br />
volgende verkiesing die bewind kan verloor, waarna hulle ’n<br />
soortgelyke kompromie-oriëntasie van die nuwe regering — die nuwe<br />
meerderheid — verwag. 112 Binne so ’n scenario is alle individue basies<br />
110 Mill (n 34 hierbo) 257-260.<br />
111 Soos in 7.1 hierbo aangedui, gee die meerderheidsbeginsel uitdrukking aan die<br />
beginselvan res iudicata.<br />
112 Holden (n 3 hierbo) 104-106.
196 Hoofstuk 7<br />
in ’n gelyke situasie, danksy die aanhoudende afwisseling van<br />
meerderheids- en minderheidsposisies. 113<br />
Wanneer daar in ’n politieke orde egter ’n permanente<br />
meerderheid en minderheid is, het die meerderheidsbeginsel ’n<br />
vernietigende uitwerking op die gelykheidsbeginsel en op die beginsel<br />
van selfregering. Dit gebeur veral in etnies, linguisties, rasse, of<br />
godsdienstig diep verdeelde plurale samelewings waar die openbare<br />
diskoers wentel om die belange van die samestellende groepe. Die<br />
verkiesings in sodanige diepliggende plurale samelewings is dikwels<br />
nouliks meer as rasse- of etniese sensusse, 114 in plaas van bona fide<br />
verkiesings. In Suid-Afrika wat sedert 1994 ’n eenparty-dominante<br />
stelsel het wat deur die ANC oorheers word, is dié soort etniese<br />
sensusse aan die orde van die dag. Dié toedrag van sake wat bepaalde<br />
partye (en die groepe daarin verteenwoordig) permanente<br />
verloorders teenoor ’n permanent oorheersende meerderheid maak,<br />
verydel eweneens die demokratiese beginsels van gelykheid en<br />
selfregering. Weens die miskenning van die gelykheidsbeginsel en die<br />
beginsel van selfregering is die outentiek demokratiese kwaliteit van<br />
die stelsel onder ernstige verdenking. 115<br />
Gesien vanuit die magtelose posisie soos dit deur die permanente<br />
minderheid beleef word, is so ’n bestel van meerderheidsdominasie<br />
klaarblyklik allermins demokraties. Inteendeel, dit is ’n stelsel wat<br />
die minderheid uitlewer aan ’n onsekere bestaan op die genade en<br />
goedgunstigheid van die meerderheid; ’n stelsel wat weens die<br />
effektiewe uitsluiting en magteloosheid van die minderheid inderdaad<br />
die menswaardigheid van die lede van die minderheid krenk en die<br />
minderheid as ’n groep degradeer, vergeleke met die meerderheid.<br />
Volwasse mense — wat tot die minderheid behoort — wat in ʼn<br />
grondwetlike orde leef waarin hulle asof hulle nie behoorlik<br />
handelingsbevoeg is nie in ’n posisie geplaas word waarin hulle nie self<br />
oor aangeleenthede wat hulle intiem raak, kan beslis nie en<br />
daarenteen aan die besluitneming deur ’n meerderheid uitgelewer is,<br />
word aan sistemiese krenking van hul menswaardigheid blootgestel.<br />
Mill verwoord dit soos volg:<br />
113 Vir ’n breedvoerige behandeling van hierdie kwessie sien verder K Malan ‘Faction<br />
rule, (natural) justice and democracy’ (2006) SAPRL 142 et seq.<br />
114 Giliomee H & Simkins C (reds) The awkward embrace: One party domination and<br />
democracy (1999) xvii.<br />
115 Dienooreenkomstig word daar soms heeltemal tereg vereis dat ʼn stelsel, ten<br />
einde as ʼn geloofwaardige en outentieke demokrasie te kwalifiseer, gereelde<br />
regeringswisselings moet ondergaan. Sien A Przeworski & F Limongi<br />
‘Modernization: Theories and Facts’ (1996-1997) World Politics 178. Sien verder R<br />
Emmerson From empire to nation: the rise to self assertion of Asian and African<br />
peoples (1962) 330-331; Sartori (n 6 hierbo) 239. Dit het onder andere ook die<br />
uitwerking dat veelparty-demokrasie beduidend geskaad word en nie werklik tot<br />
sy reg kan kom nie. Vir ’n breedvoeriger bespreking hieroor sien verder K Malan<br />
‘Political blitz on a constitutional trench’ (2005) SA Public Law/Publiekreg, 397-<br />
411.
Staatlike demokrasie 197<br />
It is a great discouragement to an individual and a still greater one to a<br />
class, to be left out of the constitution; to be reduced to a plead from<br />
outside the door to the arbiters of their destiny, not taken into<br />
consideration within. 116<br />
Hy verklaar later:<br />
Every one is degraded, whether aware of it or not, when other people,<br />
without consulting him, take upon themselves unlimited power to<br />
regulate his destiny. 117<br />
’n Permanente minderheid oor wie die meerderheid gesaghebbende<br />
besluite neem, is vir alle praktiese doeleindes buite die grondwet. Die<br />
lede van die minderheid kan stemreg hê en dit uitoefen, maar as hulle<br />
telkens uitgestem word en telkens verplig word om die dominasie van<br />
die meerderheid te aanvaar, is die uitoefen van hulle prosessuele<br />
(demokratiese) regte niks meer nie as ’n ritueel waardeur<br />
geloofwaardigheid aan die legitimiteitsfiksie verleen word en<br />
waardeur die dominasie van die meerderheid dus gelegitimeer en<br />
verskans word.<br />
So ’n minderheid mag geraadpleeg word en hulle mag stemreg hê<br />
en inderdaad stem, maar die menings en behoeftes wat gedurende die<br />
raadpleging of verkiesings aan die lig kom, hoef nie in ag geneem te<br />
word nie. Daarom is so ’n minderheid niks meer nie as in die woorde<br />
van Mill a plead from outside the door.<br />
In so ’n meerderheidsoorheersde bestel is die minderheid se<br />
posisie baie soortgelyk aan die regsfiguur van die houer ter bede<br />
(holder at will) oftewel die prekaris. Die prekaris is die houer<br />
(detentor) van roerende of onroerende goedere wat hy vir sy eie<br />
gebruik op sy versoek in sy besit hou, maar sy houerskap kan te eniger<br />
tyd opgesê word na gelang van wat die eienaar besluit. 118 Sy<br />
voortgesette houerskap hang af van die genade van die eienaar. Die<br />
prekaris is geheel en al op daardie genade aangewese. Daarom dan<br />
dat ’n bestel van meerderheidsdominasie vanuit die ervaring van die<br />
minderheid paslik as ʼn prekariokrasie bestempel kan word.<br />
Prekariokrasie wat die demokratiese beginsels van gelykheid en<br />
selfregering misken, is grondliggend ondemokraties en weens die<br />
degradering waaraan dit die minderheid onderwerp, is dit klaarblyklik<br />
immoreel. Juis daarom kan saamgestem word met WA Lewis,<br />
goedkeurend aangehaal deur Arend Lijphart, wanneer hy sê:<br />
116 Mill (n 34 hierbo) 216.<br />
117 Mill (n 34 hierbo) 279.<br />
118 M Kaser Roman Private Law (Engelse vertaling deur R Dannenbring) (1984) 106.
198 Hoofstuk 7<br />
... majority rule may be acceptable in consensual societies, but in plural<br />
societies it is totally immoral, inconsistent with the primary meaning of<br />
democracy, and destructive of any prospect of building a nation in which<br />
different peoples might live together in harmony. 119<br />
Meerderheidsdominasie en prekariokrasie is klaarblyklik<br />
ondemokraties omdat dit die demos, of minstens ’n gedeelte daarvan,<br />
sonder enige kratos laat, en die minderheid strydig met die<br />
demokratiese doelwitte van selfregering en gelykheid sonder<br />
selfregering aan die dominasie van die meerderheid oorlaat.<br />
Die prekariokratiese euwel het die afgelope dekades skerp onder<br />
die soeklik gekom. Vandag word daar toenemend aanvaar dat die reg<br />
om te stem nie meer voldoende is om demokrasie te verseker nie.<br />
Minderhede eis geregverdig die reg op om binne die openbare ruimte<br />
erkenning te geniet. 120 In plaas daarvan om in ’n posisie van<br />
magteloosheid te bly, het minderhede ʼn aanspraak om met die mag<br />
beklee te word waardeur hulle in staat gestel word om oor sake wat<br />
hulle belange intiem raak te beslis. Demokrasie moet derhalwe nie<br />
bloot mag vir die meerderheid en onderhorigheid van die minderheid<br />
beteken nie. Dít is egter waartoe demokrasie verval wanneer dit<br />
uitsluitlik op die meerderheidsbeginsel geskoei is en daarenteen<br />
terselfdertyd die gelykheidsbeginsel en die beginsel van selfregering<br />
heeltemal versaak. Demokrasie, so word betoog, moet binne die<br />
raamwerk van liberale demokrasie uitgebrei word. 121<br />
Demokrasie moet verdiep en uitgebrei word sodat dit nie net in<br />
ooreenstemming met staatsbouprojekte (sien die vorige hoofstuk)<br />
voorsiening maak vir die eendimensionele staatsburger wie se<br />
identiteit na gelang van die staat se behoeftes bepaal is nie.<br />
Demokrasie moet ook die pluraliteit van die samelewing en die<br />
veelheid van identiteite wat daarin voorkom, verreken en dit die<br />
geleentheid bied om te ontwikkel, in plaas daarvan om dit aan die<br />
dominasie van die meerderheid te onderwerp. 122<br />
Daar moet aanvaar word dat nasionale homogeniteit nie langer die<br />
grondslag vir burgerskap in ’n plurale staat kan wees nie en dat ruimte<br />
geskep moet word vir die erkenning van ’n veelheid van etniese en<br />
kulturele identiteite. 123 Dan raak dit moontlik dat die integriteit van<br />
119 WA Lewis aangehaal deur A Lijphart Democracy in Plural Societies: A Comparative<br />
Exploration (1977) 145.<br />
120 CS Maier ‘Democracy since the French Revolution’ in J Dunn (red) Democracy: The<br />
Unfinished Journey - 508 BC - AD 1993 (1993) 146.<br />
121 Mouffe (n 68 hierbo) 3.<br />
122 Soos Chantalle Mouffe (n 68 hierbo) 5 sê: ‘The individual is not to be sacrificed to<br />
the citizen; and the plurality of forms of identities through which we are<br />
constituted and which correspond to our insertion in a variety of social relations,<br />
as well a their tensions, should be legitimized.’<br />
123 Mouffe (n 68 hierbo) 8.
Staatlike demokrasie 199<br />
minderheidsgemeenskappe daadwerklik erken kan word en dat<br />
minderhede gelykwaardig met die meerderheid behandel kan word en<br />
ook daadwerklik aan die uitoefening van selfregering deel kan hê.<br />
Hierdie pleidooi vir die hersiening van demokrasie is nie net gemik<br />
teen die wantoestand van meerderheidsdominasie nie, maar ook teen<br />
die staatsbou (nasiebou)-projekte wat, soos in hoofstuk 6 beskryf,<br />
poog om ’n enkele staatlike geïnstigeerde identiteit af te dwing.<br />
Gevolglik staan die demokratiese beginsel van gelykheid in die pad<br />
van meerderheidsdominasie, sowel as van staatsbouprojekte.<br />
Op ’n praktiese konstitusionele vlak word daar tans toenemend op<br />
verskeie maniere en met ’n wisselende mate van sukses gepoog om<br />
meerderheidsdominasie aan bande te lê en om gelyke demokratiese<br />
akkommodasie van almal te bewerkstellig. Een van die mees<br />
bespreekte strategieë is dié van konsosiatiewe demokrasie soos<br />
bepleit deur Arendt Lijphart. Dit veronderstel ’n grand koalisie van<br />
alle groeperings binne ’n plurale staat, verteenwoordig deur die<br />
politieke elite van elke groep. Volgens hierdie stelsel het elke groep<br />
’n vetoreg met betrekking tot aangeleenthede wat vir die besondere<br />
groep van sentrale belang is; moet daar proporsionele<br />
verteenwoordiging van elke groep in die openbare sektor wees; en<br />
moet daar ook segmentele outonomie wees met betrekking tot<br />
aangeleenthede eie aan elke groep. 124<br />
Nog ’n uitweg is die beskerming van minderheidsregte wat sedert<br />
die laaste dekade van die twintigste eeu sterk op die voorgrond getree<br />
het. 125 Laastens is daar die toenemende aantreklikheid van<br />
territoriale en funksionele federalisme, konstitusionele strategieë vir<br />
die afwenteling van staatsgesag na groepe en streke, asook die<br />
suksesvolle stigting van nuwe state deur middel van sesessie.<br />
Die verontagsaming van die demokratiese beginsels van gelykheid<br />
en selfregering is steeds een van die onopgeloste euwels van staatlik<br />
geïnspireerde demokrasie. Die euwel is lank deur die bedrieglike<br />
legitimiteitsfiksie van prosessuele demokrasie verbloem. Vir lank het<br />
die prosessuele reg om te stem die onmag, die nadelige ongelykheid<br />
en die afwesigheid van selfregering waaronder minderhede gely het,<br />
verberg en staatlike demokrasie aan kritiek laat ontkom. Die<br />
miskenning van gelykheid en die handhawing van prekariokrasie is<br />
egter nou duidelik as die dubbele euwel van demokrasie kragtens die<br />
staatlike paradigma blootgelê. Die patologie is geïdentifiseer, maar<br />
die soeke na genesing het maar pas begin.<br />
124 Lijphart (n 119 hierbo) 25-52.<br />
125 Sien byvoorbeeld HA Strydom ‘Minority rights protection: Implementing<br />
international standards’ (1998) SAJHR 375 et seq.
200 Hoofstuk 7<br />
4 Massokrasie, die demokrasie van die<br />
territoriale staat<br />
Tot dusver is uitgewys wat staatlike demokrasie behels en hoe<br />
demokrasie volgens die behoeftes en voorskrifte van die staatlike<br />
paradigma gedomestiseer is. Ook is daar verduidelik hoe moreel<br />
bedenklik hierdie demokrasie gemeet aan die eg demokratiese<br />
maatstawwe van gelykheid en selfregering is. Dit is egter nie waar die<br />
moeilikheid met staatlike demokrasie eindig nie. Wanneer ons sekere<br />
van die basiese uitgangspunte van die demokrasie neem en op die<br />
huidige staatlike demokrasie toepas, vind ons dat ons tans nie slegs<br />
met sekere dwaalweë van die demokrasie te kampe het nie, maar dat<br />
demokrasie per se skipbreuk gely het. Kortom, staatlike demokrasie<br />
is nie meer demokrasie nie.<br />
Die kritiese maatstaf wat hier aangewend word, is die begrip<br />
demos (volk/people). Dit is uiteraard die sleutel tot demokrasie,<br />
aangesien die bestaansrede en oogmerk van demokrasie juis daarin<br />
bestaan dat die demos (in plaas van die diktator, aristokrasie, militêre<br />
junta of wat anders ook al) die kratos moet beklee.<br />
Die Griekse of meer korrek, die Atheense demokrasie was binne ’n<br />
beperkte geografiese opset georganiseer. Dit het binne die<br />
volksvergadering (ekklesia) wat baie gereeld byeengekom het en<br />
waarin al die belangrike besluite rakende die Atheense polis geneem<br />
is gefunksioneer. Demokrasie binne die polis was ’n sigbare en tasbare<br />
gegewe. 126 Die ekklesia was vir alle Atheense burgers (politai)<br />
toeganklik. Hulle kon almal aan die besprekings deelneem en is<br />
dikwels ook met die uitvoering van besluite belas. Die effek hiervan<br />
was dat ’n aansienlike aantal Atheense burgers ervaring van politieke<br />
besluitneming en die uitvoering van besluite gehad het. 127 Die<br />
Atheense demokrasie was binne ’n ruimtelik beperkte opset<br />
georganiseer en die burgery het in ’n hegte gemeenskap met mekaar<br />
saamgeleef. Die polis-opset is gekenmerk deur wat beskryf word as<br />
narrowness of space. 128<br />
Vanweë die feit dat die Atheense demokrasie by uitnemendheid in<br />
die volksvergadering waarin alle burgers toegelaat is, beoefen is, was<br />
dit letterlik ’n aangesig tot aangesig-demokrasie. 129 Primêr het<br />
Atheense demokrasie die byeenkoms van Atheense burgers binne die<br />
volksvergadering beteken. 130<br />
126 Sartori (n 6 hierbo) 20.<br />
127 Finley (n 17 hierbo) 18-21.<br />
128 Finley (n 17 hierbo) 50.<br />
129 De Benoist (n 1 hierbo) 70<br />
130 De Benoist (n 1 hierbo) 71.
Staatlike demokrasie 201<br />
Binne die Atheense demokrasie het die demos nie net die<br />
teoretiese bevoegdheid gehad om besluite te neem nie; die demos het<br />
inderdaad daadwerklik die besluite geneem. 131 Atheense burgerskap<br />
was trouens nie primêr ’n juridiese status soos vandag nie, maar wel<br />
die daadwerklike deelname aan die sake van die polis.<br />
Dienooreenkomstig was die Atheense opvatting van burgerskap nie die<br />
liberale opvatting waarin die klem op individuele outonomie geplaas<br />
word nie, maar eerder van vryheid om aan die sake van die polis deel<br />
te neem. Vryheid verskaf die toegang om binne die raamwerk van die<br />
polis medeseggenskap in die sake van die polis te hê. Volgens die<br />
Atheense opvatting was vryheid buite die polis ondenkbaar. 132<br />
Die beoefening van die politiek kragtens die Atheense demokrasie<br />
was ook heeltemal verskillend van die politiek in verteenwoordigende<br />
stelsels. Alle Atheense burgers, of minstens alle burgers wat belang<br />
gestel het, kon die volksvergadering bywoon. In die lig van die uiters<br />
hoë premie wat politai op die algemene sake van die polis geplaas<br />
het, was die bywoning van die volksvergadering gewoonlik baie<br />
goed. 133 Politieke leierskap is binne die polis op meriete verdien en<br />
behou. Die betreklike sekerheid van ampsbekleding van die<br />
hedendaagse konstitusionele demokrasie was in Athene heeltemal<br />
onbekend. ’n Persoon was ’n leier uitsluitlik op grond van persoonlike<br />
kwaliteite. Die bekleding van ’n leiersposisie het volgehoue<br />
persoonlike inspanning en prestasie vereis. 134 Die behoud van<br />
leierskap was as gevolg hiervan onseker en wispelturig. Daar was geen<br />
regering (in die sin van vaste regeringsinstellings) in die moderne sin<br />
van die woord wat duidelik van die res van die burgery onderskeibaar<br />
was nie.<br />
Daar was weliswaar ’n politieke elite — ’n politieke aristokrasie —<br />
maar die samestelling daarvan het voortdurend gewissel. Dit is<br />
gekonstitueer en telkens weer herkonstitueer. ‘Lidmaatskap’ daarvan<br />
het ook van volgehoue prestasie afgehang. Geen leier is teen sy pos<br />
beskerm nie. As jy nie presteer nie, is jy dadelik uit. Daar hoef nie vir<br />
die volgende verkiesing gewag te word nie. 135<br />
In die Atheense demokrasie was debatvoering en beraadslaging in<br />
die ekklesia van kardinale belang. Juis daarom was retoriese<br />
131 Holden (n 3 hierbo) 10.<br />
132 De Benoist (n 1 hierbo) 72. Die teenoorgestelde hiervan vind ons in die negatiewe<br />
vryheid soos byvoorbeeld deur Isaiah Berlin uiteengesit. Sien hieroor die<br />
bespreking in hoofstuk 6.<br />
133 MH Hansen ‘How many Athenians attended the Ecclesia?’ (1976) 17 Greek, Roman<br />
and Byzantine Studies 130 aangehaal deur CA Van Rooy Antieke Griekse<br />
Geskiedenis: Van die Steentydperk tot die eeu van Perikles (1979) 295 raam dat<br />
rondom 6000 uit ’n moontlike totale burgertal van 35 000 in 480 vC en 33 000 in<br />
431 vC die Ekklesia bygewoon het.<br />
134 Finley (n 17 hierbo) 61.<br />
135 Finley (n 17 hierbo) 62.
202 Hoofstuk 7<br />
vermoëns ’n noodsaaklike bate en het oratore ’n sleutelrol in die<br />
politieke proses vervul. 136<br />
Hedendaagse demokrasie fokus op die individu en het in ’n hoë<br />
mate te make met die wyse waarop individue, afsonderlik of saam<br />
met ander, politieke magsmiddels in diens van die verwesenliking van<br />
private belange kan plaas. 137 Daarenteen het die Atheense<br />
demokrasie primêr gewentel om die sake van die polis as<br />
georganiseerde gemeenskap. 138 Die sin en noodsaak vir individuele<br />
inbinding in die gemeenskap van die polis-gemeenskap was ’n<br />
wesenlike eienskap van die Atheense demokrasie. Demokrasie was<br />
trouens slegs met betrekking tot die sake van die polis<br />
beoefenbaar. 139 Die Atheense konsep van gelykheid (isonomie) wat ’n<br />
voorwaarde vir demokrasie was, was ook ’n tipiese eienskap van die<br />
Atheense demokrasie en onderskei ook die Atheense demokrasie van<br />
huidige staatlike demokrasie. Dit was naamlik nie gebou op die een of<br />
ander ontologiese gelykheid of gelykheid ingevolge die natuurreg nie,<br />
maar wel op al die Atheense burgers se gelyke vereenselwiging met<br />
die polis. 140<br />
Die verskille tussen die Atheense en eietydse demokrasie is<br />
gevolglik veel meer diepliggend as die blote feit dat eersgenoemde<br />
regstreeks en laasgenoemde verteenwoordigend is. Elkeen het ’n<br />
verskillende opvatting oor die mens, die wêreld en oor sosiale bande.<br />
Atheense demokrasie was kommunitêr en holisties in teenstelling met<br />
die individualisme van hedendaagse demokrasie. Die Atheense<br />
demokrasie het burgerskap gedefinieer ingevolge die oorsprong van<br />
die burgers van die polis en voorsiening gemaak vir daadwerklike<br />
burgerlike politieke deelname aan die sake van die polis. Daarenteen<br />
gaan moderne demokrasie met staatsburgers om as geatomiseerde<br />
individue wat beskou word deur die prisma van abstrakte<br />
egalitarisme. Die Atheense demokrasie was gebou op die gedagte van<br />
’n organiese gemeenskap, teenoor moderne demokrasie wat om die<br />
realisering van individuele belange sentreer. 141<br />
Maar wie was dan die demos, die volk, van die Atheense<br />
demokrasie en tot welke mate verskil dit van die demos van die<br />
huidige demokratiese praktyk? Eerstens was nie alle individue, ook nie<br />
alle volwasse individue, politai van die Atheense polis nie.<br />
136 Finley (n 17 hierbo) 38-75. Juis om hierdie rede word demokrasie steeds primêr<br />
vereenselwig met ʼn regeringsvorm deur middel van beraadslaging en oorreding.<br />
Sien byvoorbeeld JH Hallowell The moral foundation of democracy (1954) 60;<br />
Holden (n 3 hierbo) 116.<br />
137 Sien byvoorbeeld Wood (n 80 hierbo) en Arendt (n 81 hierbo).<br />
138 De Benoist (n 1 hierbo) 71.<br />
139 De Benoist (n 1 hierbo) 73.<br />
140 De Benoist (n 1 hierbo) 73.<br />
141 De Benoist (n 1 hierbo) 74-75.
Staatlike demokrasie 203<br />
Inteendeel, slegs ’n fraksie van die polis se bevolking was politai.<br />
Vreemdelinge en vroue is uitgesluit. Slawe, van wie daar baie was,<br />
was eweneens nie vir die status van polites beskore nie. 142<br />
Meer as dit: die Atheense demos was homogeen. 143 Tot ’n sekere<br />
hoogte was demos en etnos dieselfde ding. 144 Die mees essensiële<br />
eienskap van Atheense burgerskap was ’n persoon se oorsprong en<br />
afkoms. Vanweë reëls wat op die inisiatief van Perikles deurgevoer is,<br />
is daar na 451 v.C. vir Atheense burgerskap vereis dat ’n persoon se<br />
ouers albei Atheens moes wees. 145<br />
Ateense burgerskap het sy betekenis gehad in die bevoegdhede,<br />
funksies en aktiwiteite wat daarmee gepaard gegaan het. Die funksies<br />
en aktiwiteite van burgerskap het regstreeks voortgespruit uit die<br />
status van Atheense burgerskap. Teenoor die status van die polites<br />
was daar ook die status van die nie-burger, genaamd die idiotes.<br />
Burgerskap is uitsluitlik verwerf deur geboorte en deur afkoms.<br />
Burgerskap in die volste sin van die woord het ingehou dat die burger<br />
’n gemeenskaplike vaderland en geskiedenis (historiese belewenis)<br />
gehad het. ’n Persoon is as Atheense burger gebore en, behalwe vir<br />
enkele beperkte uitsonderings, was dit nie moontlik om ’n Atheense<br />
burger te word nie. Bowendien het die Atheense tradisie huwelike<br />
tussen ’n Athener en ’n nie-Athener ontmoedig. 146 De Benoist vat dit<br />
soos volg saam:<br />
Only birth conferred individual citizenship. Democracy was rooted in the<br />
autochthonous concept of citizenship, which ultimately linked its<br />
performance to the origins of those who exercised it. Athenians of the<br />
fifth century celebrated themselves as the ‘autochthonous people of the<br />
great Athens.’ Into that founding myth they grounded their<br />
democracy. 147<br />
Om te sê dat die Atheense demokrasie ’n direkte demokrasie was, is<br />
waar, maar direktheid was nie die essensie daarvan nie. Atheense<br />
demokrasie is primêr vereenselwig met die idee van ’n grootliks<br />
homogene gemeenskap met ’n bewussyn van dit wat hulle as volk<br />
(oftewel as grootliks etniese demos) kenmerk. Die behoorlike<br />
funksionering van die Atheense demokrasie is bewerkstellig deur<br />
hegte gemeenskaplike kulturele bande en deur ’n duidelike belewenis<br />
van ’n gemeenskaplike afkoms. 148<br />
142 Holden (n 3 hierbo) 14; De Benoist (n 1 hierbo) 71.<br />
143 Finley (n 17 hierbo)) 36; De Benoist (n 1 hierbo) 71, 75.<br />
144 De Benoist (n 1 hierbo) 71.<br />
145 De Benoist (n 1 hierbo) 71; sien ook Van Rooy (n 133 hierbo) 285.<br />
146 De Benoist (n 1 hierbo) 71.<br />
147 De Benoist (n 1 hierbo) 71.<br />
148 De Benoist (n 1 hierbo) 75.
204 Hoofstuk 7<br />
Teenoor die homogeniteit, die afkomsgedrewenheid en die<br />
organiese holisme van die Atheense demos, staan die huidige demos.<br />
Tans beteken demos eenvoudig almal: ’n toenemend fluktuerende,<br />
amorfe skare van mense wat al hoe meer maatskappy (Gesselschaft)<br />
en algaande minder gemeenskap (Gemeinschaft) is. Vandag behels<br />
die demos ’n hoogs onstabiele, geatomiseerde en normlose aantal<br />
mense binne die territoriale staat. Dit is die gevolg van die groot<br />
omvang van die eietydse territoriale staat en word in die onlangse<br />
dekades natuurlik verder versterk deur die vrye vloei van kapitaal en<br />
mense oor grense heen, wat deur ekonomiese globalisering<br />
meegebring is. Dit is eenvoudig heeltemal anders as die Atheense<br />
demos en die Atheense demokrasie. 149<br />
Indien die Klassieke demokrasie as maatstaf aangelê word, is die<br />
benaming, demokrasie, dus ʼn klaarblyklik onvanpaste beskrywing vir<br />
wat vandag as demokrasie verstaan word. Demos-kratia beskryf nie<br />
meer die huidige toedrag van sake, in dit wat Sartori die omvangryke<br />
megastaat noem, nie. (Die spesifieke term wat Sartori hier gebruik, is<br />
megalopolis.) 150 Daarom is dit nodig dat die begrip opgedateer word<br />
ten einde die heersende realiteit meer getrou te beskryf. Die labiele,<br />
geatomiseerde en heterogene massa wat individuele belangeverwesenliking<br />
in die megalopolis (die omvangryke territoriale staat)<br />
najaag, het in die plek van die homogene (etnies verwante) organiesholistiese<br />
demos gekom. Daarom is massokrasie eerder as demokrasie<br />
tans ’n meer gepaste en beskrywende begrip vir ons tans sogenoemde<br />
demokratiese stelsels. 151<br />
Geoordeel aan die klassieke Atheense maatstaf van demokrasie<br />
het ons tans geen demokrasie nie maar wel ’n massokrasie. Tog doen<br />
die ironiese situasie homself voor dat die volgende onlogiese logika<br />
gevolg word: In plaas daarvan om aan die hand van die Klassieke<br />
demokrasiemaatstaf tot die slotsom te kom dat die huidige situasie<br />
nie demokraties is nie, word die kontemporêre massokrasie as<br />
demokratiese maatstaf aangewend en tot die gevolgtrekking gekom<br />
dat die klassieke Atheense demokrasie ondemokraties was. 152<br />
Allain De Benoist stel hierdie onlogiese argument behoorlik aan<br />
die kaak. 153 Hy wys daarop dat moderne politieke regimes hulself eers<br />
sedert betreklik onlangs as demokraties begin beskou het. 154 Dit is<br />
149 Sartori (n 6 hierbo) 20-21.<br />
150 Sartori (n 6 hierbo) 21.<br />
151 Sartori (n 6 hierbo) 21; Sien ook Holden (n 3 hierbo) 27.<br />
152 Holden (n 3 hierbo) 27.<br />
153 De Benoist (n 1 hierbo) 74.<br />
154 De Benoist (n 1 hierbo) 74; Die stelling word bevestig deur die algehele<br />
afwesigheid van die begrip demokrasie by teoretici soos Tom Paine en die feitlik<br />
algehele vermyding daarvan deur John Stuart Mill (n 34 hierbo). Sien die eerste<br />
gedeelte van hierdie hoofstuk.
Staatlike demokrasie 205<br />
daarom heeltemal verkeerd om, wanneer ons vind dat die Atheners,<br />
anders as ons was, die gevolgtrekking te maak dat hulle nie<br />
demokraties was nie. Presies die teenoorgestelde is waar: vir sover<br />
die huidige praktyk nie met die Atheense gebruik strook nie, is óns<br />
inderdaad ondemokraties en nie die Atheners nie. 155<br />
Die skuld vir die omkeer van die logika lê egter nie by Mill, die<br />
grondlegger van kontemporêre demokratiese teorie nie. Trouens, Mill<br />
het nog ’n aansienlike mate van homogeniteit van die demos as<br />
vereiste vir suksesvolle demokrasie gestel. Mill is veel meer getrou<br />
aan die outentieke demokratiese tradisie as baie van die huidige<br />
teoretici, wat eerder eksponente van dwaalweë van die demokrasie<br />
soos massokrasie, pleks van demokrate is. Mill filosofeer onteenseglik<br />
op die grondslag van die aanname van ’n homogene demos. Hy<br />
verklaar:<br />
But when a people are ripe for free institutions, there is a still more vital<br />
considerations. Free institutions are next to impossible in a country<br />
made up of different nationalities. Among a people without fellowfeeling,<br />
especially if they read and speak different languages, the united<br />
public opinion, necessary to the working of representative government<br />
cannot exist. 156<br />
Vrye instellings kan beswaarlik voortbestaan in ’n heterogene<br />
samelewing waarin uiteenlopende groepe een gebeurtenis verskillend<br />
ervaar en waarin een en dieselfde gebeurtenis ’n uiteenlopende<br />
uitwerking op verskillende groepe het. In die woorde van Mill:<br />
The same incidents, the same acts, the same system of government,<br />
affect them in different ways; and each fear more injury to itself from<br />
the other nationalities, than from the common arbiter, the state. 157<br />
Dienooreenkomstig verklaar Mill dat ’n staat vir elke volk ’n<br />
voorwaarde is vir die instandhouding van vrye instellings:<br />
... it is in general a necessary condition of free institutions that the<br />
boundaries of governments should coincide in the main with those of<br />
nationalities. 158<br />
In Mill vind ons dus nog baie terug van die outentieke demokraat. Die<br />
verval van demokrasie tot die huidige massokrasie van die territoriale<br />
staat, ingedwing in die raamwerk van en volgens die behoeftes van die<br />
staatlike paradigma, sou eers in die twintigste eeu volg. Ons denke is<br />
skynbaar so verwring deur die dissiplines van die staatlike paradigma<br />
155 De Benoist (n 1 hierbo) 74.<br />
156 Mill (n 34 hierbo) 361.<br />
157 Mill (n 34 hierbo) 361.<br />
158 Mill (n 34 hierbo) 362.
206 Hoofstuk 7<br />
wat ’n drogbeeld van massokrasie as demokrasie aan ons voorgehou<br />
het, dat dit ons bykans ’n eeu geneem het om die massokratiese<br />
wantoestand te sien vir wat dit is.
HOOFSTUK<br />
8<br />
1 Simbiose<br />
MENSEREGTE -<br />
DIE SORGSAME STAAT<br />
Net soos ons tydvak by uitstek een van demokrasie is, is dit ook die<br />
era van menseregte. Menseregte is die idee van ons tyd, die enigste<br />
politiek-morele ideaal — naas demokrasie — wat universele<br />
aanvaarding geniet. 1 Net soos met demokrasie is daar ook ’n bykans<br />
universele vereenselwiging met menseregte. 2<br />
Menseregte het die lewenslig op dieselfde oomblik aanskou as wat<br />
die territoriale staat sy aankoms op die historiese toneel aangekondig<br />
het. 3 Sedertdien is daar ’n onafskeidbare lotsgebondenheid tussen die<br />
staat en menseregte.<br />
Daar word algemeen aanvaar dat die individuele mens die<br />
reghebbende en bevoordeelde van menseregte is. Dit is waar, maar<br />
nie die volle waarheid nie, want die staat, wat volgens die<br />
menseregtelike verhouding met die verpligting belas is om aan<br />
menseregte uitvoering te gee, put net soveel — indien nie meer nie —<br />
voordeel uit menseregte. Juis hierdie waarheid word vervolgens in<br />
meer besonderhede toegelig.<br />
Die stelling dat die staat net soveel baat by menseregte vind en<br />
versterking daaruit put, val met die eerste lees vreemd op. ’n Regime<br />
en ’n kultuur van menseregte — so word algemeen geleer — bestaan<br />
juis om die staat tot die voordeel van individue in bedwang te hou en<br />
in diens van individue te plaas. Dit is weliswaar korrek, maar aan die<br />
ander kant is dit ook so dat menseregte altyd die staat veronderstel.<br />
Die menseregtelike verhouding is nie sonder die staat bestaanbaar<br />
nie. Die staat is altyd noodwendig ’n party daarby. Menseregte<br />
voorveronderstel ’n aantal eise teen die staat. Daarom is die staat ’n<br />
1 L Henkin The Age of Rights (1990) ix; R Dagger Rights in T Ball et al (reds)<br />
Political Innovation and Conceptual Change (1989) 292.<br />
2<br />
Editorial note (1984) 113 Daedalus ‘Human Rights Issue’ iv.<br />
3 Dagger (n 1 hierbo) 298.<br />
207
208 Hoofstuk 8<br />
absolute noodsaaklikheid in enige regsorde waarin menseregte in<br />
stand gehou word. 4 Dienooreenkomstig verklaar Karel Vasak dat ’n<br />
georganiseerde gemeenskap in die vorm van die staat ’n basiese<br />
voorvereiste vir die realisering van menseregte is 5 en voeg daaraan<br />
toe dat die mens sonder die staat nie vry kan wees nie. 6<br />
Hieruit is dit duidelik dat menseregte volledig binne die staatlike<br />
paradigma ingebind is. Menseregte bring nie die staat in gedrang nie;<br />
inteendeel, dit beklemtoon en bevestig die noodsaak van die staat as<br />
’n conditio sine qua non vir ons daaglikse bestaan. In menseregte het<br />
die staat ’n troue bondgenoot gevind vir die versterking en die<br />
verskansing van die staat.<br />
Menseregte word veral deur die regsprofessie verfyn en<br />
geadministreer. Die leke-individu vind dit gewoonlik moeilik om regte<br />
self af te dwing. Hy is daarvoor bykans altyd op die bystand van<br />
regspraktisyns, hetsy in die privaat praktyk, of verbonde aan die<br />
staatsinstellings aangewese. Hy kan nie die voordele wat menseregte<br />
bied sonder die hulp van die prokureur, die advokaat, die regter en ’n<br />
reeks ander regslui wat by die administrasie van menseregte betrokke<br />
is, benut nie. Hoe meer regte daar beskikbaar is, des te groter die<br />
moontlikheid om regte af te dwing en des te meer die afhanklikheid<br />
van die regsprofessie.<br />
Teen hierdie agtergrond val die soeklig op die staat se strategiese<br />
bondgenoot en die mede-bevoordeelde uit ’n menseregte-regime,<br />
naamlik die regsprofessie wat met die vermeerdering van regte al hoe<br />
meer funksies verwerf en wie se kliëntebasis met die toevoeging van<br />
elke nuwe reg verder groei.<br />
Individue is die eerste en opvallende bevoordeeldes van<br />
menseregte. Daaragter skuil egter ’n meer wesenlike waarheid,<br />
naamlik dat die staat en die regsprofessie minstens net soveel aan<br />
menseregte te danke het en minstens net soveel rede het om nuwe<br />
regte bloot te lê en meganismes vir die beskerming daarvan te<br />
voorsien.<br />
4<br />
F Venter ‘Menseregte, groepsregte en ’n proses na groter geregtigheid’ (1986) 1<br />
SAPR/L 206.<br />
5 K Vasak et al ‘Human Rights: As a Legal Reality’ in K Vasak et al The International<br />
Dimension of Human Rights (1982) 4.<br />
6 Vasak (n 5 hierbo) 4.
Menseregte - die sorgsame staat 209<br />
2 Op die spoor van die ontwikkeling van<br />
menseregte<br />
In hoofstuk 4 is daar verduidelik dat die individuele reg op<br />
godsdiensvryheid die prototipiese mensereg is. Dit het saam met die<br />
territoriale staat beslag gekry en het aan die staat een van sy<br />
fundamentele kenmerke, naamlik godsdienstige neutraliteit, besorg.<br />
Godsdiensvryheid en die meegaande godsdienstige neutraliteit van<br />
die staat was die voorwaarde vir die bestaan en stabiliteit van die<br />
staat. Godsdiensvryheid as ’n basiese mensereg en die sekuriteit van<br />
die staat was wedersyds van mekaar afhanklik. Op hierdie wyse is ’n<br />
simbiose geskep wat as presedent dien vir die huidige veel meer<br />
uitgebreide simbiotiese verhouding tussen die staat en menseregte,<br />
waaroor hieronder meer gesê word.<br />
Die tradisionele beskouing is egter dat menseregte hul oorsprong<br />
in die sewentiende- en agtiende-eeuse stryd teen absolutisme vind. 7<br />
Dit het neerslag gevind in ooreenkomste tussen die vorste en die<br />
bevolking — in werklikheid die aristokrasie — met die oog daarop om<br />
aan die bevolking sekere regte in die gestalte van vryhede te verleen<br />
en om die owerheid daartoe te verbind om homself te weerhou van<br />
inbreuke op daardie vryhede. 8 Die eerste menseregte was dus<br />
grootliks immuniteite teen arbitrêre owerheidsinmenging.<br />
Oorspronklik het menseregte die verhouding tussen owerheid en<br />
onderdaan op ’n manier gedefinieer wat ’n bepaalde vryheidsterrein<br />
vir die onderdaan afgebaken het waarin die owerheid nie mag inmeng<br />
nie. 9<br />
Dit was in Engeland, wat juis in die sewentiende eeu ’n uitgerekte<br />
stryd teen absolutisme beleef het, waar die eerste rudimentêre<br />
menseregte-dokumente die lig gesien het. 10 Die Petition of Right van<br />
1628 lê arbitrêre owerheidsoptrede aan bande, die Habeas Corpuswet<br />
van 1641 weerhou die owerheid van die onregmatige aanhouding<br />
van ’n persoon en die Bill of Rights van 1689 poog om ’n<br />
verskeidenheid rights and liberties van die burgery teen<br />
owerheidskending te verskans. Hier het ons egter nog nie met ’n<br />
omvattende katalogus van basiese regte te make nie. Nog ’n eeu sou<br />
verloop waartydens die middelklas eers sterker gevestig kon word en<br />
7 M Cranston ‘Are there any human rights?’ (1984) 113 Daedalus 2; DE de Villiers<br />
‘Die geskiedenis van menseregte’ in DA du Toit (red) Menseregte (1984) 22.<br />
8 I Szabo ‘Historical Foundations of Human Rights’ in K Vasak et al The<br />
International Dimension of Human Rights (1982) 13.<br />
9<br />
Szabo (n 8 hierbo) 13.<br />
10 JD van der Vyver Die Beskerming van Menseregte in Suid-Afrika (1975) 20-21.
210 Hoofstuk 8<br />
liberale politieke en ekonomiese opvattings eers posgevat het,<br />
alvorens omvattende menseregte-verklarings die lig gesien het.<br />
Die triomftog van menseregte is ingelui met die Bill of Rights van<br />
Virginia van 12 Junie 1776, opgevolg met die eerste tien<br />
amendemente van die grondwet van die Verenigde State van Amerika<br />
en die Franse Deklarasie van die Regte van die Mens en die Burger van<br />
1789. 11 Die Amerikaanse handves soos aangevul deur die<br />
Burgeroorlog-amendemente van 1868 en die Franse Deklarasie het<br />
uiteindelik ’n groot en blywende impak gehad: die Amerikaanse<br />
handves omdat dit as ’n model vir baie ander grondwetlike<br />
menseregte-handveste gedien het en deur regterlike hersiening<br />
verder uitgebou is; die Franse handves omdat dit die voorbeeld was<br />
vir die grondwette van België, Duitsland, Oostenryk, Griekeland,<br />
Roemenië, Switserland, Italië en die voormalige Franse kolonies. 12<br />
Gedurende die rewolusionêre tydperk in Frankryk en die VSA in<br />
die laaste kwart van die agtiende eeu was daar ʼn aansienlike wisseling<br />
van rewolusionêre idees tussen Engeland, die VSA en Frankryk.<br />
Vooraanstaande figure het ook by mekaar se ervaring gebaat.<br />
Lafayette, een van die opstellers van die Franse Deklarasie van die<br />
Regte van die Mens en die Burger was byvoorbeeld in die VSA toe die<br />
Amerikaanse onafhanklikheidsverklaring voorberei is. Hy was ook<br />
bevriend met Thomas Jefferson, die hoofouteur daarvan. Op sy beurt<br />
was Jefferson in 1789 die Amerikaanse ambassadeur in Frankryk en dit<br />
is bekend dat Lafayette die opstel van die Franse Deklarasie met hom<br />
bespreek het. 13<br />
Ofskoon daar uiteraard verskille tussen die twee dokumente<br />
bestaan — die Franse handves is in veel meer ideologiese terme as sy<br />
empiries geneigde Amerikaanse eweknie geformuleer — vind ons ook<br />
ʼn hoë mate van ooreenstemming.<br />
Albei dokumente poog om deur die beklemtoning van die reg op<br />
individuele vryheid, die integriteit van ʼn private individuele sfeer te<br />
vestig wat immuun teen staatsindringing moes wees. Getrou aan die<br />
common law-tradisie beskerm die Amerikaanse handves die<br />
prosessuele regte van die beskuldigde. Individuele vryheid is ook die<br />
sentrale waarde van die Franse deklarasie. Verskeie aspekte van<br />
individuele vryheid word ook daarin verskans. Die Franse deklarasie,<br />
anders as die Amerikaanse handves, plaas ook die klem op die reg op<br />
11 Daar is op ʼn stadium gedebatteer oor die vraag welke van die Virginia-handves of<br />
die Franse Deklarasie aanspraak kan maak op die status van die oorspronklike<br />
menseregte-dokument. Sien K Stern ‘The Genesis en Evolution of European-<br />
American constitutionalism’ (1985) XVIII CILSA 192.<br />
12 AP Blausten et al Human Rights Source Book (1987) 727; De Villiers (n 7 hierbo)<br />
20.<br />
13 Blaustein (n 12 hierbo) 743; De Villiers (n 7 hierbo) 19.
Menseregte - die sorgsame staat 211<br />
gelykheid en op die beskerming van eiendomsreg. (Die reg op<br />
gelykheid is eers met die invoer van die Burgeroorlog-amendemente<br />
in die Amerikaanse handves opgeneem). 14<br />
Sowel die Franse as die Amerikaanse handves weerspieël die<br />
waardes van die vroeë kapitalisme en die gepaardgaande belange van<br />
die opkomende middelklas. 15 Met die verordening van die Franse en<br />
die Amerikaanse handveste word die middelklas-rewolusie juridies<br />
vergestalt in wat algemeen as eerste-generasie (burgerlike en<br />
politieke) menseregte bekend staan en waarin die waardes en die<br />
belange van middelklas-individualisme verskans word.<br />
Die soort verpligting wat kragtens hierdie regte op die owerheid<br />
geplaas word, is nie soseer om daadwerklik te handel nie, maar<br />
eerder dat die owerheid sigself van bepaalde optrede — inbreuke op<br />
die individuele vryheidsdomein — moet weerhou.<br />
Daar word tereg verklaar dat menseregte twee oogmerke het:<br />
enersyds om deur institusionele middele mense se belange teen<br />
magsmisbruik deur die owerheid te verdedig; andersyds, die<br />
bevordering van basiese lewensomstandighede en die veelfasettige<br />
ontwikkeling van die menslike persoonlikheid. 16<br />
Die soort regte wat in die Amerikaanse en die Franse handveste<br />
ter sprake is, val onder die eerste komponent van hierdie definisie.<br />
Die eerste komponent weerspieël die gedagte van die minimum-staat<br />
oftewel die nagwag-staat. Die tweede gedeelte verteenwoordig die<br />
teenoorgestelde staatsbeskouing, naamlik dié van die ingrypende<br />
staat wat in besonderhede bemoeienis met die belange van die<br />
inwoners maak.<br />
Die noodsaak vir laasgenoemde soort staat tree eers in die<br />
negentiende eeu op die voorgrond, toe die ekonomies ontwikkelde<br />
wêreld met die maatskaplik misstandige gevolge van die<br />
nywerheidsomwenteling te kampe kry. Die probleem is aanvanklik in<br />
sosio-ekonomiese wetgewing aangespreek, maar is mettertyd<br />
verreken in die erkenning van ’n aantal sosio-ekonomiese belange as<br />
basiese menseregte.<br />
In die verstedelikte industriële staat waarin mense<br />
geïndividualiseerd leef, het elkeen se arbeid mense se enigste middel<br />
tot ekonomiese oorlewing en voortbestaan geword. Dit was anders as<br />
in ʼn vroeëre era toe bevolkings baie kleiner was, toe almal danksy<br />
regstreekse toegang tot grond daartoe in staat was om kleinskalige<br />
14 Blaustein (n 12 hierbo) 740-745.<br />
15<br />
Sien byvoorbeeld Blaustein (n 12 hierbo) 743 en De Villiers (n 7 hierbo) 22.<br />
16 Szabo (n 8 hierbo) 11.
212 Hoofstuk 8<br />
bestaansekonomieë, hetsy deur landbou of deur jag en versameling in<br />
stand te hou en sodoende voort te bestaan. In die industriële era,<br />
meer as enige tyd voor dit, kon jy vir jou eie voortbestaan net jou<br />
arbeid verkoop. Indien jy dit nie kon regkry nie of as die dienskontrak<br />
onveilig was en sonder meer beëindig kon word, was daar niks om op<br />
terug te val nie. Dan het net krepering van ellende gewag. Aan die<br />
begin van die nywerheidsera was daar juis min langtermyndienskontrakte.<br />
Arbeid is as tydelike stukwerk verkoop en het<br />
gevolglik nie blywende sekuriteit gebied nie. Die maatskaplik<br />
onveilige en uitgelewerde toestand waarin mense as werkers verkeer<br />
het, is die eerste maal in Bismarck se Duitsland aangespreek, waar<br />
daar in die 1880's wetgewing aangeneem is wat voorsiening gemaak<br />
het vir versekering teen inkomsteverlies weens siekte,<br />
nywerheidsongevalle, ouderdom en ongeskiktheid. 17<br />
Die uitwerking van die maatreëls was dat beperkings op<br />
eiendomsreg, asook op werkgewers se kontrakteervryheid geplaas is.<br />
Die rede waarom die maatreëls eerste in Duitsland getref kon word<br />
sonder dat dit oormatig sterk kapitalistiese weerstand ontlok het, was<br />
die betreklik swak posisie van die liberalisme in dié land. 18<br />
Soortgelyke maatreëls is egter kort hierna ook in Frankryk en Brittanje<br />
ingestel. 19<br />
Die eerste deurbraak vir sosiale en ekonomiese regte in die sin van<br />
die erkenning daarvan as grondwetlik verskanste menseregte naas<br />
burgerlike en politieke regte, kom in 1917 met die aanneem van die<br />
Meksikaanse grondwet, asook van die grondwet van die Weimarrepubliek<br />
in Duitsland in 1919. 20 In die Meksikaanse grondwet is daar<br />
byvoorbeeld maatreëls getref vir die beperking op, asook die<br />
verdeling van grond. Die reg om te werk asook die reg op billike<br />
weksomstandighede is ook as basiese reg erken. 21<br />
Met die erkenning van hierdie tweede-generasieregte, wat<br />
vanweë die sosialistiese aard daarvan ook rooi regte heet, word die<br />
feitelike grondslag vir die tweede gedeelte van die definisie van<br />
menseregte, wat hierbo weergegee is, verskaf. 22 Ter wille van<br />
individuele vryheid moes die owerheid daarvolgens sigself nie net van<br />
sekere optrede weerhou het nie, maar daarenteen daadwerklik ingryp<br />
ten einde beter lewensomstandighede en maatskaplike sekuriteit te<br />
verseker.<br />
17 GV Rimlinger ‘Capitalism and Human Rights’ (1984) 113 Daedalus 55.<br />
18 Rimlinger (n 17 hierbo) 55.<br />
19<br />
Rimlinger (n 17 hierbo) 57-58.<br />
20 Szabo (n 8 hierbo) 19.<br />
21 Blaustein (n 12 hierbo) 749-750.<br />
22<br />
Oor hierdie benaming, sien A Eide et al (reds) Economic, Social and Cultural<br />
Rights: A Textbook (1995) en die outeurs aldaar aangehaal.
Menseregte - die sorgsame staat 213<br />
Tweede-generasie menseregte is sedertdien in talle nasionale<br />
grondwette opgeneem, hetsy as volwaardige fundamentele regte op<br />
dieselfde grondslag as eerste-generasieregte, of as sogenaamde<br />
directive principles of state policy soos in die Ierse, Indiese en<br />
Namibiese grondwette. 23<br />
Menseregte het ook in so ʼn mate in die internasionale reg beslag<br />
gekry dat dit vandag een van die belangrikste komponente van dié<br />
dissipline geword het. Dit word onder andere geïllustreer deur die<br />
inhoud van handboeke oor die internasionale reg. As ʼn afdeling van<br />
die reg wat primêr met interstaatlike regsverhoudings handel, het die<br />
handboeke oor die internasionale reg tot in die 1970's geen of min<br />
aandag aan menseregte gewy. Tans beklee menseregte waarvoor daar<br />
in internasionale regsinstrumente voorsiening gemaak word, ʼn<br />
prominente plek in die studie en die literatuur van die internasionale<br />
reg.<br />
Voor die Tweede Wêreldoorlog was daar slegs beperkte<br />
internasionale erkenning van menseregte. Die Internasionale<br />
Arbeidsorganisasie het minimum-standaarde vir die werksplek begin<br />
ontwikkel. 24 Die enigste ander voor-Tweede Wêreldoorlogse<br />
internasionale erkenning van menseregte was die voorsiening wat vir<br />
die beskerming van etniese en godsdienstige minderhede in Sentraal-<br />
Europa gemaak is. Hierdie beskerming het gegeld kragtens<br />
internasionale verdrae wat na afloop van die Eerste Wêreldoorlog<br />
gesluit is. Die afdwinging daarvan is deur die Volkebond<br />
gewaarborg. 25 Die verdrag waardeur die Volkebond tot stand gekom<br />
het, het egter geen algemene menseregtelike bepalings bevat nie. 26<br />
Weens die werksaamhede van die Verenigde Nasies is menseregte<br />
na die Tweede Wêreldoorlog tot ʼn omvattende internasionale stelsel<br />
uitgebou. Menseregte is tot in die fynste besonderhede<br />
gestandaardiseer en ge-universaliseer. 27<br />
23 Sien hieroor onder andere B de Villiers ‘Directive Principles of State Policy and<br />
Fundamental Rights: The Indian Experience’ (1992) 8 SAJHR 29 et seq. Hierdie<br />
aanwysende beginsels (directive principles) word nie regstreeks soos (meesal)<br />
eerste-generasieregte wat in ʼn handves van regte vervat is, toegepas nie. Dit is<br />
nie regte wat mense regstreeks in die howe kan afdwing nie. Dit funksioneer<br />
egter as ʼn uitlegmetode ten gunste van die realisering van sosiale en ekonomiese<br />
regte en desnoods ook as ʼn beperking op en kwalifikasie van eerstegenerasieregte.<br />
24<br />
T Buergenthal International Human Rights: In a Nutshell (1995) 9-10; Eide (n 22<br />
hierbo) 27-28 meld die interessante feit dat tweede-generasieregte in die vorm<br />
van minimum-standaarde op die arbeidsterrein nog voor eerste-generasie<br />
burgerlike en politieke regte in die internasionale reg erken is.<br />
25 Buergenthal (n 24 hierbo) 10-13.<br />
26 Buergenthal (n 24 hierbo) 7.<br />
27<br />
Buergenthal (n 24 hierbo) 21 verklaar tereg dat moderne menseregte ʼn post-<br />
Tweede Wêreldoorlogse verskynsel is.
214 Hoofstuk 8<br />
Die Handves van die Verenigde Nasies wat dié organisasie in 1945<br />
tot stand gebring het, bevat opsigself reeds ʼn plegtige verbintenis tot<br />
die bevordering van respek vir menseregte, sonder aansien van taal,<br />
ras, geslag of godsdiens. 28 Die Handves bepaal voorts as een van die<br />
basiese verpligtinge van sowel die organisasie self, as sy lidstate dat<br />
menseregte gerespekteer moet word en dat alle lidstate gesamentlik<br />
en afsonderlik stappe moet doen om menseregte te bevorder. 29<br />
Die VN se verbintenis tot menseregte het kort hierna in 1948<br />
neerslag gevind in die aanname van die Universele Deklarasie van<br />
Menseregte deur die Algemene Vergadering. Hierdie resolusie skep as<br />
ʼn besluit van die Algemene Vergadering van die VN geen bindende<br />
verdragsreg nie. Dit is nie ʼn multilaterale verdrag nie en state is<br />
derhalwe nie kragtens die reëls van die internasionale verdragsreg<br />
daaraan gebonde nie. Nogtans is dit om minstens twee redes van groot<br />
belang vir die internasionale menseregte-stelsel.<br />
Eerstens was die invloed daarvan enorm. Dit geniet bykans<br />
universele goedkeuring en dit is beswaarlik denkbaar dat ʼn staat die<br />
inhoud daarvan openlik sal verwerp. Ofskoon resolusies van die<br />
Algemene Vergadering in beginsel slegs aanbevelende status geniet,<br />
is dit met hierdie resolusie heel anders gesteld. Die mening word<br />
gehuldig dat die inhoud daarvan as internasionale gewoontereg reeds<br />
die status van bindende reg verwerf het. 30 Ofskoon nie algemeen<br />
geldig nie, is hierdie siening minstens waar ten opsigte van sekere<br />
sleutelbeginsels van die Verklaring, wat aan die vereistes van<br />
internasionale gewoontereg voldoen. 31<br />
Die tweede rede is die omvattende aard van die Verklaring. Dit<br />
bevat al die eerste-generasievryhede, die reg op gelykheid, die reg op<br />
’n billike verhoor, die reg teen aanhouding sonder verhoor,<br />
eiendomsreg, die reg op vryheid van beweging, denke, godsdiens,<br />
oortuiging, uitdrukking en van vergadering. Daarbenewens bevat dit<br />
ook ʼn aantal tweede-generasie sosiale en ekonomiese regte: die reg<br />
op werk, billike werksomstandighede en regverdige besoldiging, die<br />
reg op ʼn basiese lewenspeil, op voeding, kleding, behuising en op<br />
mediese, maatskaplike en bejaardesorg, asook die reg op basiese<br />
onderwys. 32<br />
28 Artikel 1(3) van die Handves van die Verenigde Nasies, 1945.<br />
29 Artikel 53 en 56 (n 28 hierbo).<br />
30<br />
J Dugard International Law: A South African Perspective (2005) 315.<br />
31 Dugard (n 30 hierbo) 315. Die verklaring voldoen na alle waarskynlikheid grootliks<br />
aan die opinio iuris-vereiste vir internasionale gewoontereg, maar nie aan die<br />
usus-vereiste nie. Sien oor hierdie vereistes onder andere Dugard (n 30 hierbo)<br />
29-33; H Booysen Volkereg en sy verhouding tot die Suid-Afrikaanse reg (1989)<br />
32<br />
48-50.<br />
Artikel 24 tot 26 van die Universele Verklaring van Menseregte bevat die gemelde<br />
ekonomiese en sosiale regte.
Menseregte - die sorgsame staat 215<br />
Die Algemene Vergadering verleen dus volle erkenning aan sosiale<br />
en ekonomiese regte, bo en behalwe burgerlike en politieke regte. Op<br />
dié wyse word die beginsel van die interafhanklikheid van regte wat<br />
intussen geyk geraak het, bevestig. 33<br />
Met die aanname van die Universele Deklarasie was daar egter nog<br />
nie bindende internasionale menseregte nie. Daar was gevolglik die<br />
noodsaak om die belydenisse van die Deklarasie in bindende<br />
verdragsreg te bestendig. Aanvanklik is ʼn enkele verdrag beoog. Die<br />
destydse ideologiese spanning tussen Wes en Oos het dit egter<br />
verhoed en uiteindelik is twee konsepverdrae in 1966 deur die<br />
Algemene Vergadering goedgekeur. Die twee instrumente het in 1976,<br />
nadat die vereiste aantal lidstate dit bekragtig het, in werking<br />
getree. 34 Die Internasionale Verbond vir Burgerlike en Politieke Regte<br />
bevat al die tradisionele basiese burgerlike en politieke regte en<br />
vryhede: die reg op lewe, 35 die reg teen marteling, wrede,<br />
degraderende en onmenslike straf en behandeling, die reg teen<br />
slawerny, die reg op persoonlike vryheid en sekuriteit, die reg op ʼn<br />
billike verhoor, die reg op die legaliteitsbeginsel in die strafreg, 36 die<br />
reg op vryheid van beweging, denke, gewete, oortuiging, uitdrukking,<br />
vergadering en assosiasie, stemreg, die reg op privaatheid en die reg<br />
op gelyke regsbeskerming.<br />
Die tweede verdrag, die Internasionale Verbond vir Ekonomiese,<br />
Sosiale en Kulturele Regte, maak voorsiening vir die reg om te werk,<br />
die reg op billike werksomstandighede, wat die reg op ʼn billike loon<br />
en ʼn gesonde werksomgewing insluit, die reg op lidmaatskap van ʼn<br />
vakbond, die reg op ʼn voldoende lewenstandaard, voeding, kleding,<br />
behuising en algaande beter lewensomstandighede, die reg op die<br />
hoogste haalbare lewenspeil en op fisiese en geestesgesondheid, die<br />
reg op onderwys, met inbegrip van gratis primêre onderwys en die reg<br />
op deelname aan die kulturele lewe. 37<br />
Die sentrale belang van die twee verbonde is dat dit vir al die<br />
verdragspartye daartoe gebiedende verpligtinge kragtens die<br />
internasionale verdragsreg skep. In artikel 2 van albei die verbonde<br />
verbind staatspartye hulle tot die voldoening aan die regte en die<br />
verpligtinge daarin vervat.<br />
33 Die beginsel is in 1950 deur die Algemene Vergadering van die VN bevestig. Sien<br />
34<br />
35<br />
Eide (n 22 hierbo) 15.<br />
Dugard (n 30 hierbo) 316.<br />
Die reg is aangevul deur die Tweede Opsionele Protokol van 1989 tot die<br />
Internasionale Verbond vir Burgerlike en Politieke Regte, wat daarop gemik is om<br />
36<br />
die doodstraf af te skaf.<br />
Die beginsel van nullum crimen sine lege, oftewel dat niemand vervolgbaar is vir<br />
37<br />
‘n handeling wat nie strafbaar was toe dit gepleeg is nie.<br />
Gesamentlik staan die Universele Deklarasie en die twee 1966-verbonde as die<br />
International Bill of Rights (Internasionale Handves van Regte) bekend.
216 Hoofstuk 8<br />
Daar kan na die twee bovermelde verdrae as die algemene VNmenseregteverdrae<br />
verwys word omdat ʼn wyd uiteenlopende aantal<br />
regte daarin opgeneem is. Menseregte-standaarde is daarbenewens<br />
ook in ʼn aantal spesifieke VN-konvensies gestel. Daaronder tel die<br />
Internasionale Konvensie vir die Verwydering van alle Vorme van<br />
Rassediskriminasie (1965), die Konvensie vir die Verwydering van alle<br />
Vorme van Diskriminasie teen Vroue (1979), die Konvensie teen<br />
Marteling en ander Vorme van Wrede, Onmenslike of Degraderende<br />
Behandeling of Straf (1984), die Konvensie oor die Regte van die Kind<br />
(1989) en die Konvensie vir die Regte van Gestremdes (2004).<br />
Naas die internasionale menseregtelike stelsel wat sy beslag<br />
weens VN-werksaamhede gekry het, is daar ook ʼn aantal<br />
streekstelsels van krag:<br />
• Die Europese stelsel waarin die Europese Konvensie vir die<br />
Beskerming van Menseregte en Individuele Vryhede (1950) en die<br />
Europese Sosiale Handves (1961) die toonaangewende<br />
instrumente is en daaropvolgende uitbreidings (ʼn omvattend<br />
hersiene Sosiale Handves het in 1999 in werking getree);<br />
• Die Amerikaanse stelsel ingevolge die Amerikaanse Deklarasie van<br />
Regte en Verpligtinge van die Mens (1948) en die Amerikaanse<br />
Konvensie vir Menseregte (1969);<br />
• Die Afrika-stelsel kragtens die Afrika-Handves vir Mense- en<br />
Volksregte (1981).<br />
Teen hierdie agtergrond is dit duidelik dat ons era inderdaad bowenal<br />
een van menseregte is. Benewens die omvattende internasionale en<br />
streekstelsels oor menseregte, het daar na die Tweede Wêreldoorlog<br />
ook ʼn fenomenale toename in die erkenning van menseregte in<br />
nasionale grondwette voorgekom. Dit het meegebring dat daar vandag<br />
nouliks ʼn staat oor is sonder die een of ander goedkeurende<br />
menseregtelike verwysing.<br />
Die funksionele terrein van menseregte kom ook onversadigbaar<br />
voor. Nuwe belange wat nog nie in menseregtelike terme gedefinieer<br />
is nie, word aanhoudend geïdentifiseer en die proses van<br />
menseregtelike standaardstelling kom net nie tot stilstand nie.<br />
Minderheidsregte wat een van die eerste gebiede was, wat deur<br />
internasionale menseregte verreken is, maar daarna lank agterweë<br />
gelaat is, het veral in die 1990's sterk opgang gemaak. 38 Ook die regte<br />
van inheemse bevolkings en derde-generasieregte geniet toenemende<br />
aandag binne die menseregteveld.<br />
38 Sien byvoorbeeld F Benoit-Rohmer The majority question in Europe: towards a<br />
coherent system of protection for national minorities (1996); HA Strydom ‘South<br />
African constitutionalism between unity and diversity: lessons from the new<br />
Europe’ (1997) 12 SAPR/L 373 et seq.
Menseregte - die sorgsame staat 217<br />
Menseregte is trouens feitlik heeltemal ontslae van enige<br />
spesifieke ideologiese konnotasie en staan los van eksklusiewe<br />
ideologiese voor- of afkeure. Menseregte, net soos die natuurreg van<br />
ouds, is soos ʼn spons en blyk bykans alles wat voorkom te absorbeer,<br />
ongeag die ideologiese teenstrydighede van die belange wat as<br />
menseregte erken word. Dit is ʼn steeds verruimende begrip wat alle<br />
menslike behoeftes na gelang van veranderde sosiale omstandighede<br />
juridies verreken. 39<br />
Menseregte is omvattend. Dit omvat nie net meer die plig van die<br />
owerheid om sigself van inbreuke op politieke en burgerlike regte te<br />
weerhou nie. Dit sluit ook die verpligting in dat die owerheid<br />
daadwerklik moet optree om die sosiale en ekonomiese welsyn van<br />
die staatsbevolking te verbeter. Dit vereis dat die owerheid moet<br />
beplan, aktivisties tussenbeide moet tree en op ʼn programmatiese<br />
wyse die realisering van sosiale en ekonomiese regte moet<br />
verwesenlik. Soos Louis Henkin sê:<br />
... international human rights implied rather a conception of<br />
government as designed for all purposes and for all seasons. 40<br />
3 Die staatlik-paradigmatiese politiek van<br />
menseregte<br />
Menseregte veronderstel menslike behoeftes waaraan die staat moet<br />
voldoen. Menseregte gaan gevolglik gepaard met verpligtinge wat op<br />
die staat rus en funksies wat die staat moet vervul. Dit is juis die staat<br />
wat primêr moet sorg dat menseregte verwesenlik word. 41 Hoe meer<br />
die menslike behoeftes wat in die regte vervat is, des te meer die<br />
staatlike verpligtinge en funksies.<br />
Aanvanklik was die verpligtinge wat ingevolge eerstegenerasieregte<br />
op die staat geplaas is, van ’n negatiewe —<br />
weerhoudende — aard. Die staat moes sigself bloot van ’n bepaalde<br />
terrein — die vryheidsdomein van individue — weerhou. Met die<br />
tweede-generasie sosiale en ekonomiese regte het die staat egter<br />
toenemend as aktiewe rolspeler en pligdraer vir die doel van die<br />
realisering van regte op die voorgrond getree. Dikwels belas<br />
menseregteverdrae owerhede ook met die verpligting om gesindhede<br />
te verander en sodoende as ’t ware onderwysend en predikend op te<br />
tree. Die toenemende rol van die staat in die bewerking van<br />
39<br />
Szabo (n 8 hierbo) 19; De Villiers (n 7 hierbo) 35-36; J Donnelly ‘Human rights and<br />
human dignity: An analytical critique of the Non-Western conception of human<br />
40<br />
41<br />
rights’ (1982) 76 American Political Science Journal 315.<br />
Henkin (n 1 hierbo) 6.<br />
Donnelly (n 39 hierbo) 306.
218 Hoofstuk 8<br />
maatskaplike veiligheid deur die verwesenliking van tweedegenerasieregte<br />
het veral sedert die dae van Bismarck toenemend<br />
belangrik geword.<br />
Die veranderde funksies van die staat met die klem op die<br />
toenemende pligte in die sosio-ekonomiese sfeer vind neerslag in die<br />
sosiologiese regsleer van Rudolph von Jhering, Eugene Ehrlich en<br />
uiteindelik van Roscoe Pound. Hulle het voortgebou op die aannames<br />
van die utilistiese politiek van Jeremy Bentham.<br />
Voor die negentiende eeu was sake soos onderwys, gesondheid en<br />
welsyn vir die staat en die reg van weinig belang. Veral gestimuleer<br />
deur die werk van Jeremy Bentham (1748-1832) en natuurlik weens<br />
die groot maatskaplike veranderings wat met die nywerheidsomwenteling<br />
gepaard gegaan het, het die staat sedertdien algaande<br />
meer pligte aangaande die soort kwessies op sy skouers begin neem.<br />
Dit het weer progressief meer regsregulering genoodsaak. 42<br />
Volgens die utiliteitsbeginsel soos deur Bentham bepleit, is dit die<br />
funksie van die reg (en die staat) om die hoogste haalbare graad van<br />
menslike geluk vir elke individu te bewerkstellig ten einde sodoende<br />
optimale geluk vir almal te verseker. 43 Die utilitêre regverdiging vir<br />
die noodsaak van wetgewing is juis dat dit ’n belangrike middel is<br />
waardeur geluk vir die grootste moontlike aantal mense verseker kan<br />
word. 44 Rudolph von Jhering (1818-1892) se werk sluit hierby aan. Hy<br />
was eers ʼn aanhanger van die Duitse historiese skool, maar kom later<br />
toenemend onder die indruk van die maatskaplike funksie van die reg.<br />
Waarskynlik beïnvloed deur die veranderde sosio-ekonomiese<br />
omstandighede van sy tyd waarin die staat toenemend op die<br />
voorgrond tree as die instelling wat aan maatskaplike behoeftes van<br />
talle afhanklike verstedelikte mense moes voldoen, leer Jhering dat<br />
die reg sosiale doelwitte moet bereik en dat die reg juis op praktiese<br />
sosiale en ekonomiese probleme moet reageer. 45<br />
Roscoe Pound (1870-1964) se sosiologiese regsleer bou hierop<br />
voort. Dit was daarop gemik om te verseker dat die formulering,<br />
uitleg en toepassing van wetgewing die sosiale omgewing nougeset in<br />
ag neem en daarop reageer. Met die oog hierop moet voortdurende<br />
empiriese navorsing onderneem word om die sosiologiese gevolge van<br />
wetgewing te bepaal. Sosiale navorsing moet die aanneem van<br />
wetgewing voorafgaan en sosiale navorsing moet volgehou word om te<br />
bepaal hoe wetgewing sosiaal meer doeltreffend gemaak kan word.<br />
Kortom, ’n omvattende sosiale studie rakende wetgewing moet<br />
42 RWM Dias Jurisprudence (1976) 580.<br />
43 Dias (n 42 hierbo) 591.<br />
44<br />
Dias (n 42 hierbo) 593.<br />
45 Dias (n 42 hierbo) 585-588.
Menseregte - die sorgsame staat 219<br />
deurlopend onderneem word. By die bepaling van die behoeftes<br />
waaraan die regstelsel moet beantwoord, moet ’n volledig<br />
geklassifiseerde inventaris van menslike behoeftes bygehou word.<br />
Hierdie behoeftes moet van regsweë bevredig word en daar moet<br />
vasgestel word wat die mees optimale wyses is om juridies aan die<br />
behoeftes te voldoen. 46<br />
Pound se sosiologiese regsleer moet verstaan word teen die<br />
agtergrond van die toenemende menslike (veral sosiale en<br />
ekonomiese) behoeftes van die laat negentiende en die twintigste<br />
eeu. Sy regsleer verteenwoordig as ’t ware die regsteorie se antwoord<br />
op die sosio-ekonomiese omstandighede van daardie era. Dit verreken<br />
die vermenigvuldiging van onbeantwoorde maatskaplike behoeftes<br />
van daardie tydvak en bied die reg as ’n dinamiese en plooibare<br />
instrument aan waardeur die behoeftes bevredig kon word.<br />
Vanselfsprekend tree die staat vir hierdie doel net so prominent op<br />
die voorgrond as die reg self, want die reg is juis die instrument wat<br />
deur die staat vir behoeftebevrediging aangewend word.<br />
Pound se nuwe sosiologiese regsleer waardeur die reg as sosiale en<br />
ekonomiese behoeftebevrediger aangewend word, is vandag so<br />
alledaags en dit kom so gemeenplasig voor dat ’n mens die vraag wil<br />
vra of dit hoegenaamd enige waarde as regsteorie het. Ons leef<br />
immers in ’n era waarin die dinamiese maatskaplike rol en funksie van<br />
die staat en van die reg as vanselfsprekend en normaal aanvaar word.<br />
Bismarck se maatskaplike sekerheidswetgewing en die<br />
aanwending van soortgelyke maatreëls elders in die wêreld kan<br />
beskou word as die politiek van die sosiologiese regsleer. Wat<br />
Bismarck en ander maatskaplik geïnspireerde politici vir die politiek<br />
gedoen het, doen Jhering, Ehrlich en veral Pound vir die regsteorie.<br />
Die sosiologiese regsleer is by uitnemendheid die apologeet van<br />
tweede-generasieregte. Daarvolgens is daar geen plek vir die afsydige<br />
libertynse nagwag-staat met sy laissez faire karakter nie. Met die<br />
koms van tweede-generasieregte kom noodwendig ook die<br />
spierkragtige en alomteenwoordige staat wie se voedende,<br />
onderwysende, genesende en werkverskaffende hand daagliks op alle<br />
individue ’n uitwerking het.<br />
Menseregte het bykans ʼn inherent gunstige betekenis. Net soos<br />
demokrasie is dit ook self-legitimerend. Dit wek bykans outomaties<br />
aangename sensasies op. ʼn Mens met ʼn reg is immers ʼn bemagtigde<br />
en waardige mens. ʼn Regsverhouding impliseer altyd ʼn reghebbende<br />
en ʼn pligdraer met die reghebbende wat kragtens die regsverhouding<br />
46 Dias (n 42 hierbo) 596.
220 Hoofstuk 8<br />
in ʼn relatiewe magsposisie teenoor die pligdraer verkeer. 47 En<br />
wanneer ons met menseregte te doen het, is die staat feitlik<br />
deurlopend die pligdraer. 48 Voeg hierby die feit dat menseregte soos<br />
hierbo verduidelik geweldig in omvang uitgebrei het en die staat<br />
derhalwe ʼn magdom van verpligtinge opgedoen het, dan skyn die<br />
beeld wat voor ons opdoem besonder aantreklik en behaaglik te wees<br />
— ʼn beeld van ʼn bemagtigde en selfversekerde individu teenoor wie<br />
die staat ingevolge ʼn verskeidenheid menseregtelike bepalings ʼn<br />
groot aantal verpligtinge verskuldig is.<br />
Aan die ander kant van die glinsterende skyn word ons egter deur<br />
ʼn heel somber realiteit begroet. Die dominante sosiale en ekonomiese<br />
kragte van ons tyd, waaronder tel ekonomiese groei (sonder<br />
gepaardgaande werkskepping), verstedeliking, bevolkingstoename,<br />
modernisering, werkloosheid, globalisering met die gepaardgaande<br />
beweging van kapitaal en arbeid oor staatsgrense, ongekontroleerde<br />
misdaad, toenemende druk op skaars noodsaaklike hulpbronne,<br />
verouderende sorgbehoewende bevolkings, die soms pynigende<br />
uitwerking van (noodsaaklike) streng monetêre beleid op groot<br />
gedeeltes van die bevolking, die gaping tussen ryk en arm en andere,<br />
het individue vervreem van die geborgenheid van die klein<br />
beskermende gemeenskappe waarbinne hulle vroeër geleef het.<br />
Ekonomiese, sosiale en kulturele versteuring en ontwrigting van die<br />
tradisionele gemeenskappe, van die (uitgebreide) familie, die gesin,<br />
feodale strukture of die stam het die onderlinge ondersteuning wat<br />
hegter gemeenskapslewe vroeër voorsien het, uit die weg geruim.<br />
Namate die staat en die liberaal-kapitalistiese ekonomie ontwikkel<br />
het, het die individu die familie en ander gemeenskappe vervang as<br />
die entiteit waarmee die reg primêr gemoeid is. 49 Die ontwikkeling<br />
van die (atomisties geïnspireerde) reg het gepaard gegaan met die<br />
aanhoudende proses van vernietiging van die individu se vroeëre<br />
natuurlike bande met sy gemeenskappe en groepslidmaatskap. Dit<br />
het toenemende individuele isolasie meegebring 50 en waar individue<br />
vroeër op die beskerming van die groepe waarvan hulle deel was, kon<br />
staat maak, het die reg, soos deur die staat geadministreer,<br />
47 Donnelly (n 39 hierbo) 305.<br />
48<br />
Vasak (n 5 hierbo) 27 deel ons byvoorbeeld mee dat ingevolge internasionale<br />
menseregte die staat altyd vir die verwesenliking van menseregte aanspreeklik is.<br />
Hierdie eenvoudige waarheid is veral duidelik wanneer dit kom by sosiale en<br />
ekonomiese regte. Aangesien hierdie regte anders as eerste-generasieregte<br />
dikwels nie vir onmiddellike voldoening vatbaar is nie, word dit anders<br />
geformuleer as hulle eerste-generasie eweknieë. Tweede-generasieregte word<br />
gewoonlik gekwalifiseer deur te bepaal dat die staat die plig het om inaggenome<br />
die beskikbare hulpbronne die progressiewe realisering van die regte te<br />
bewerkstellig. Sien byvoorbeeld artikel 2(1) van die Internasionale Konvensie vir<br />
Ekonomiese, Sosiale en Kulturele Regte asook artikel 26(2) en 27(2) van die Suid-<br />
Afrikaanse Grondwet.<br />
49 S Diamond ‘The rule of law versus the order of custom’ in RP Wolff (red) The Rule<br />
of Law (1971) 124.<br />
50 Diamond (n 49 hierbo) 124.
Menseregte - die sorgsame staat 221<br />
toenemend die primêre plaasvervangende beskermingsrol vervul.<br />
Diamond vat dit mooi saam wanneer hy verduidelik:<br />
Clearly, the nuclear family in contemporary urban civilization, although<br />
bound by legal obligations, has minimal autonomy. It is a reflex of<br />
society at large. Obviously, the means of education, subsistence and<br />
self-defense are outside the family’s competence. It is in this sense that,<br />
giving the absence of mediating institutions, having a clearly defined<br />
independent authority, the historical tendency of all state structures visa-vis<br />
the individual nay be designated as totalitarian. If ‘totalitarian’ is<br />
the state process, totalitarianism cannot be confined to a particular<br />
political ideology but is, so to speak, the ideology, explicit or not, of<br />
political society. 51<br />
Menseregte wat deur die staat gewaarborg word, staan nou in vir dié<br />
verlies aan beskerming wat weens die verswakking van intermediêre<br />
sosiale strukture en gemeenskappe veroorsaak is. 52 Jack Donnelly<br />
verduidelik insiggewend:<br />
These institutions have created a largely isolated individual who is<br />
forced to go it alone against social, economic and political forces that<br />
far too often appear to be aggressive and oppressive. Society, which<br />
once protected his dignity and provided him with an important place in<br />
the world, now appears, in the form of the modern state, the modern<br />
economy, and the modern city, as an alien power that assaults his dignity<br />
and that of his family. 53<br />
In die lig hiervan is dit duidelik dat menseregte in werklikheid nie van<br />
’n bemagtigde individu getuig nie. Inteendeel, menseregte verskaf<br />
eerder die gekatalogiseerde beskrywing van die individue in die<br />
huidige staat se uiterste behoeftigheid, weerloosheid, onmag en<br />
afhanklikheid van die staat. Menseregte getuig van ʼn eensame,<br />
ontwortelde individu wat, ontdoen van die ondersteuning wat<br />
lidmaatskap van ʼn gunstige sosiale struktuur en ʼn lewendige<br />
gemeenskapslewe andersins sou verskaf het, aan die genade van ʼn<br />
hopelik alomteenwoordige en doeltreffende staat uitgelewer is. Dit<br />
getuig van ʼn individu wat maar net kan vertrou dat die staat as sy<br />
enigste toevlug, aan sy behoeftes, wat misleidend kordaat as regte<br />
uitgedruk word, sal voldoen.<br />
Teenoor die uitgelewerde individu staan die staat. Die staat se<br />
pligte en funksies neem as gevolg van die vermeerdering van<br />
individuele regte drasties toe. Vanweë die toevoeging van regte en<br />
die ooreenstemmende toename in pligte wat op die staat rus, raak<br />
individue net toenemend op die staat aangewese. Die staat raak<br />
51 Diamond (n 49 hierbo) 124.<br />
52<br />
Donnelly (n 39 hierbo) 312.<br />
53 Donnelly (n 39 hierbo) 312.
222 Hoofstuk 8<br />
gevolglik weens die toename in menseregte algaande meer onmisbaar<br />
in die daaglike bestaan van individue. Die ware verhaal van<br />
menseregte is derhalwe nie dié van ʼn selfversekerde en bemagtigde<br />
individu teenoor ʼn verswakte dog dienende staat nie, maar van ʼn<br />
behoeftige en afhanklike individu in ʼn hegte menseregtelike<br />
verhouding met ʼn kragtige en alomteenwoordige staat.<br />
Hobbes se staat was absolutisties, maar dit was ʼn tingerige<br />
Leviatan met ’n afsydige karakter. Hy het sy onderdane met rus<br />
gelaat, behalwe in die geval van ernstige vredesbreuke. Hy was<br />
absolutisties weens sy ongebondenheid aan konstitusionele reëls,<br />
maar weens sy afsydigheid was hy hoegenaamd nie totalitêr nie. Die<br />
staat — die sterflike god — (om weer Hobbes se terme te gebruik) van<br />
die hedendaagse menseregte-regime is daarenteen vanweë sy<br />
gebondenheid aan konstitusionele reëls nie meer (amptelik)<br />
absolutisties nie. Die volgroeide Leviatan het egter, ofskoon hy nie<br />
meer absolutisties is nie, sy jeugdige afsydigheid afgeskud. Leviatan<br />
is nou totalitêr: 54 hy meng elke dag op velerlei wyses in ons almal se<br />
lewens in. Hy is indringend en ingrypend in sy omsien na die welsyn<br />
van ons almal. Geen terrein is immuun teen sy moeisame, minsame<br />
sorg nie. Hierdie sterflike god — die hedendaagse staat — is weldadig<br />
totalitêr en omdat hy die enigste is op wie ons in hierdie wêreld kan<br />
staatmaak, moet ons noodwendig in hom glo. Sodoende is hy<br />
heeltemal onmisbaar.<br />
Menseregte, die vermeende bemagtiger van individue, staan<br />
gegewe hierdie agtergrond dus vierkantig binne die staatlike<br />
paradigma. Dit veronderstel die staat as kernentiteit en dit het die<br />
effek om weens volslae individuele afhanklikheid van die staat, die<br />
posisie van die staat teen enige aanvegtinge te verskans.<br />
3.1 Die besondere posisie van sosiale en ekonomiese regte<br />
Die erkenning en verskansing van tweede-generasieregte illustreer<br />
treffend hoe menseregte aangewend is om die onaantasbaarheid van<br />
die staat te verseker en sodoende die heersende staatlike orde teen<br />
omverwerping te vrywaar.<br />
In die Middeleeue was die lewenstandaard van die gewone<br />
landelike bevolking laag in vergelyking met die destydse landelike<br />
aristokrasie, maar eersgenoemde het steeds meer maatskaplike<br />
veiligheid as die labouring poor van die negentiende-eeuse industriële<br />
54<br />
Die betekenis wat hier aan totalitêr toegedig word, is in navolging van G Sartori<br />
Democratic Theory (1962) 47. Hy vereenselwig totalitarisme met die staat se<br />
volledige indringing in die private sfeer, die miskenning van die onderskeid tussen<br />
die staat en die gemeenskap en die meegaande algehele verpolitisering van die<br />
gemeenskap.
Menseregte - die sorgsame staat 223<br />
lande geniet. 55 In die Middeleeue was armoede ’n natuurlike<br />
toestand, maar die sosiale orde en die gepaardgaande ongeskrewe<br />
morele etos het middele verskaf vir die bekamping van minstens die<br />
ergste gevolge van armoede. Die uitdeel van aalmoese was ʼn<br />
gevestigde praktyk. 56 Feodalisme het sy eie nie-juridiese vorme van<br />
voldoening aan sosiale regte gebied, hetsy deur die paternalistiese<br />
pligte wat deur die feodale here nagekom is, of deur die<br />
broederskaplike reëlings van die gildes. 57 Alexis de Tocqueville het<br />
reeds gewys op die verskille tussen die maatskaplike verhoudings<br />
waarby die landelike aristokrasie van die Middeleeue aan die een<br />
kant, teenoor die industriële aristokrasie van die negentiende eeu<br />
betrokke was. Die landelike aristokrasie het baie alledaagse<br />
lewenservarings met hul lyfeienes gedeel. Hulle was op meer terreine<br />
as net op die gebied van arbeid met die lyfeienes gemoeid. Daar was<br />
ʼn aansienlike mate van gemeenskaplike lotsgebondenheid tussen<br />
hulle. Die industriële aristokrasie, daarenteen, het slegs ’n loon aan<br />
die werker betaal en het verder geen ander raakvlakke met die<br />
werkers of enigiets anders met die werkers se welstand te doen gehad<br />
nie. Daar het geen gevestigde gewoontes, gebruike en pligte bestaan<br />
wat die industrialis met sy werkers verbind het nie. Daarteenoor het<br />
die meester van die ou landelike aristokrasie sy lyfeienes bygestaan<br />
en hulp aan hulle verleen, terwyl laasgenoemde weer beskerming en<br />
diens aan die meester verskuldig was. 58<br />
Die strukturele veranderings wat met industrialisasie ingetree<br />
het, was ’n belangrike oorsaak vir die maatskaplike onveiligheid van<br />
die werkers. Produksie het van die selfgenoegsame huishouding na die<br />
fabrieksvloer en gepaardgaande loonarbeid weggeskuif. Die familie<br />
(uitgebreide gesin) was vroeër ʼn produksie-eenheid met sy eie interne<br />
distribusie-reëlings, asook reëlings vir maatskaplike sorg. Die<br />
moderne gesin (nuclear family) is daarenteen ʼn hoogs mobiele,<br />
verstedelikte struktuur wat van loonarbeid afhanklik is en wat<br />
geensins tot dieselfde maatskaplike selfsorg as sy uitgebreide<br />
voorganger in staat is nie. 59<br />
Die maatskaplik uitgelewerde en onveilige toestand waarin mense<br />
hulle toenemend in die negentiende eeu bevind het, het gelei tot<br />
groeiende ondersteuning van sosialistiese bewegings wat die<br />
onverwerping van die staatkundige orde beoog het. Die<br />
werkersbeweging het sigself sterk laat geld in die 1848-rewolusie in<br />
Europa. Teen die einde van die negentiende en die begin van die<br />
twintigste eeu het rewolusionêre sindikalisme met sy program van<br />
55<br />
TH Marshall The right to welfare and other essays (1981) 29.<br />
56 Marshall (n 55 hierbo) 30.<br />
57 Rimlinger (n 17 hierbo) 53.<br />
58<br />
W Ebenstein Great political thinkers: Plato to present (1969) 539.<br />
59 Rimlinger (n 17 hierbo) 53-54.
224 Hoofstuk 8<br />
direkte optrede, gemik op ʼn uiteindelike algemene staking wat op<br />
werkersregerings moes uitloop, in Europa en Suid-Amerika ʼn<br />
gevaarlike uitdager vir die bestaande staatlike orde geword. 60 Die<br />
heersende orde was in die gedrang en die behoud daarvan het<br />
dringende verdedigingsmaatreëls geverg. Die Duitse, en kort daarna,<br />
die Britse regering het op die probleem gereageer deur wetgewing<br />
deur te voer wat voorsiening gemaak het vir maatskaplike sekuriteit.<br />
Die hoof-dryfvere agter die maatskaplike programme was die<br />
heersende politici, ondersteun deur senior staatsamptenare, wat die<br />
maatskaplike programme geloods het met die oog daarop om die<br />
bedreiging van die sosialistiese rewolusionêre beweging, wat die<br />
bestaande orde onder druk geplaas het, die hoof te bied. 61<br />
Die grondliggende motivering vir die beskerming van die werkers<br />
deur maatskaplike sekuriteitsprogramme, in sowel Duitsland,<br />
Engeland en Frankryk, was die noodsaak vir sosiale integrasie ten<br />
einde die staat en die heersende ekonomiese orde teen rewolusionêre<br />
omverwerping te vrywaar. 62<br />
In Frankryk was die poging om die kerk uit te oorlê ’n bykomende<br />
rede waarom die staat die verpligting van maatskaplike sorg aanvaar<br />
het. Indien die staat nie die maatskaplike dienste verskaf het nie, het<br />
dit die risiko geloop dat die kerk hierdie taak sou behartig, met die<br />
gevolg dat die staat se posisie teenoor die kerk sou verswak het. 63<br />
Waar sosiale en ekonomiese regte die indruk van die individu as<br />
die begunstigde skep, blyk daar ook ʼn heel ander dimensie by die saak<br />
betrokke te wees. Dit is dat die instel en die bevordering van<br />
maatskaplike sekuriteitsprogramme van staatsweë die strategie was<br />
wat aangewend is om die heersende staatlike orde te verdedig en die<br />
mat onder die voete van sy linkse rewolusionêre uitdagers uit te pluk.<br />
Die heersende staatlike orde was dus net soseer ʼn bevoordeelde van<br />
maatskaplike sekuriteit en van sosiale en ekonomiese regte as die<br />
individue wat voordeel daaruit getrek het. Die staat het deur die<br />
aanvaarding van nuwe maatskaplike pligte nie net ʼn totalitêre<br />
weldoener geword nie, maar terselfdertyd sy rewolusionêre uitdagers<br />
gefnuik. Tweede-generasieregte was die troef.<br />
Hannah Arendt lewer hierop kommentaar deur daarop te wys dat<br />
alhoewel die vakbondbeweging as die pleitbesorger vir verbeterde<br />
maatskaplike sorg en sekuriteit geslaagd was, dit as rewolusionêre<br />
politieke beweging misluk het. 64 Die juridiese instrument van tweede-<br />
60<br />
Sien in die algemeen M van der Linden en W Thorpe W (reds) Revolutionary<br />
61<br />
62<br />
63<br />
Syndicalism: an International Perspective 1990.<br />
Van der Linden & Thorpe (n 60 hierbo) 58.<br />
Van der Linden & Thorpe (n 60 hierbo) 63.<br />
Van der Linden & Thorpe (n 60 hierbo) 58.
Menseregte - die sorgsame staat 225<br />
generasieregte het die vakbondbeweging uiteindelik oorreed om te<br />
skik op die grondslag van maatskaplike sorg wat deur die staat<br />
voorsien is, in plaas daarvan om die omverwerping van die staatlike<br />
orde as strategiese politieke oogmerk te probeer deurvoer. Met die<br />
maatskaplike behoeftes van die werkers bevredig en die weg na die<br />
verwerwing van ʼn bourgeoisie-lewensstyl gebaan, was die<br />
rewolusionêre sosialistiese ideaal van die politieke sakelys verwyder.<br />
Dáárvoor het die staat en sosiale en ekonomiese regte gesorg.<br />
Sodoende is die staatlike orde weer deur menseregte gedien.<br />
3.2 Horisontaliteit en die ideologiese ommekeer van<br />
menseregte<br />
Die oorspronklike oogmerk van grondwetlike instrumente wat basiese<br />
regte probeer beskerm het, was om die terrein wat die owerheid mag<br />
betree, te begrens om sodoende die individuele vryheidsdomein<br />
juridies te probeer beskerm. Basiese regte het dus gepoog om<br />
regeringsoptrede in bedwang te hou deur dit te onderwerp aan<br />
fundamentele reëls wat as geldigheidsmaatstaf vir regeringsoptrede<br />
aangewend is. Hierdie geldigheidsmaatstawwe gee uitdrukking aan<br />
die basiese uitgangspunte van konstitusionalisme, aangesien dit poog<br />
om regeringsoptrede deur middel van basiese standaarde te rig ten<br />
einde sodoende te verseker dat dit altyd voldoen aan minimumstandaarde.<br />
Die beskerming van basiese individuele regte probeer dus<br />
om ongebonde staatsabsolutisme te vervang met reëlmatige optrede<br />
wat voldoen aan basiese juridiese vereistes van sowel ʼn prosessuele<br />
as ʼn materiële aard.<br />
Menseregte-instrumente was aanvanklik daarop gemik om die<br />
individuele vryheid te beskerm. Dit is gedoen deur maatreëls wat<br />
moes waak teen die misstand van owerheidsindringing in, en<br />
regulering van die individuele vryheidsdomein. Staatlike absolutisme<br />
en totalitarisme was dus die klassieke antagoniste van menseregte.<br />
Intussen het die situasie heeltemal verander. Tweedegenerasieregte<br />
het die staat met ʼn magdom van verpligtinge met<br />
betrekking tot die versorging van individue belas. Gevolglik is die<br />
staat kragtens sy menseregtelike verpligtinge in fyn besonderhede by<br />
die totale daaglikse welsyn van individue betrokke. Menseregte het ʼn<br />
instrument geword vir die noodwendige vestiging van staatlike<br />
totalitarisme. Trouens, waar totalitarisme vroeër ʼn verskynsel was<br />
wat met bepaalde ideologieë vereenselwig is, is dit vandag nie meer<br />
so nie. Staatstotalitarisme het nou ʼn algemene kenmerk van bykans<br />
64 Arendt H The Human Condition (1958) 216. Sien in hierdie verband ook die<br />
kommentaar van DM Davis ‘Human rights - A re-examination’ (1980) 97 SALJ 94-<br />
102 oor die wyse waarop menseregte rewolusionêre politiek uitoorlê.
226 Hoofstuk 8<br />
die totale politieke werklikheid geword. 65 ʼn Nuwe dimensie wat<br />
verdere ingryping van die staat in die individuele vryheidsdomein<br />
meegebring het, het egter bygekom in die vorm van horisontale<br />
toepassing van menseregte. 66 Horisontale toepassing bring onder<br />
andere mee dat menseregte naas die vervulling van die klassieke<br />
funksie daarvan, naamlik die reël van die verhouding tussen owerheid<br />
en onderdaan, ook die onderlinge verhouding tussen privaat persone,<br />
insluitende individue, reguleer. Dit impliseer dat individue (asook<br />
privaat regspersone) deur menseregtelike bepalings gebind word. Dit<br />
beteken dat individue nie slegs reghebbendes is nie, maar ook<br />
pligdraers kragtens menseregtelike bepalings geword het.<br />
Dit is natuurlik so dat die staat nie die enigste instelling is wat met<br />
mag beklee is en in ʼn magsverhouding teenoor individue staan nie.<br />
Private instellings, veral in die sakewêreld, is vanweë die enorme<br />
akkumulasie van kapitaal dikwels ewe magtig of selfs magtiger as die<br />
staat en gevolglik net soos die staat in ʼn posisie om hulle aan<br />
magsmisbruik tot nadeel van individue skuldig te maak. Juis om<br />
hierdie rede word geargumenteer dat dit noodsaaklik is dat<br />
menseregtelike instrumente ook private verhoudings behoort te<br />
reël. 67 Daar bestaan egter geen noodsaak om die potensiële<br />
misstande voortspruitend uit ongelyke verhoudings in die private<br />
sfeer noodwendig by wyse van algemene grondwetlike bepalings te<br />
reguleer nie. Trouens, individuele wetgewende maatreëls wat op die<br />
hantering van besondere probleemgevalle afgestem is, blyk ʼn meer<br />
gepaste en doeltreffende middel vir die hantering van hierdie soort<br />
probleem te wees.<br />
Bowendien moet die enorme risiko’s verbonde aan algemene<br />
horisontale aanwending van grondwetlike regte deeglik in ag geneem<br />
word. 68 Horisontale aanwending bring mee dat die staat die private<br />
en burgerlike sfeer, waarbinne die integriteit van individuele keuses<br />
en burgerlike aktiwiteit beskerm behoort te word, binnedring en<br />
sodoende individuele vryheid en burgerlike interaksie vernietig.<br />
Wanneer die reg op gelykheid en teen onbillike diskriminasie<br />
horisontaal toegepas word, kan dit meebring dat individue se<br />
keusevryheid by die uitoefening van selfs die mees private en intieme<br />
65 Diamond (n 49 hierbo) 124.<br />
66<br />
Sien in die algemeen oor horisontale toepassing van menseregte IM Rautenbach<br />
Algemene bepalings van die Suid-Afrikaanse handves van regte (1994) 75-87; DM<br />
Davis Fundamental Rights in the Constitution (1997) 31; P van Dyk P en GJH van<br />
Hoof Theory and practice of the European Convention on Human Rights (1990)<br />
15.<br />
67 Davis (n 66 hierbo) 31. Presies dit het meegebring dat die sindikalisme sy<br />
rewolusionêre appèl verloor en as ʼn politieke krag na 1920 geleidelik van die<br />
toneel verdwyn het. Sien Van der Linden & Thorpe (n 60 hierbo) 18-19.<br />
68 Sien byvoorbeeld AJ Jeffery ‘The dangers of direct horizontal application: a<br />
cautionary comment on the 1996 Bill of Rights’ (1996) 1 The Human Rights<br />
Constitutional Law Journal of South Africa 10-16.
Menseregte - die sorgsame staat 227<br />
keuses met betrekking tot assosiasie met ander individue vernietig<br />
word. Daar mag geargumenteer word dat individue tog oor die reg op<br />
vrye assosiasie beskik en dat voormelde ongewensde scenario dus<br />
nooit sal opduik nie. Die argument is egter nie noodwendig geldig nie.<br />
Die kern van die saak is dat individue by die uitoefening van die keuses<br />
by ʼn juridiese geskil betrek kan word, waartydens hulle sal moet<br />
verduidelik dat die betrokke keuse tog deur die reg op vrye assosiasie<br />
beskerm word. Dit gee dus daartoe aanleiding dat vryheid van<br />
assosiasie vanweë die horisontale werking van die reg op gelykheid<br />
aan streng staatskontrole onderwerp word. In plaas daarvan dat<br />
individuele vryheid ʼn basiese reg is, word dit op dié wyse verskraal tot<br />
ʼn uitsondering vir sover dit die staat behaag.<br />
In die Suid-Afrikaanse regspraak is ʼn gevoeligheid vir hierdie<br />
totalitêre risiko getoon 69 toe regter Ackermann daarop gewys het dat<br />
die horisontale aanwending van die reg op gelykheid juis bovermelde<br />
soort ongewenste implikasies kan inhou, 70 wat sal meebring dat van<br />
die handves van regte ook ʼn kode van verpligtinge gemaak sal word. 71<br />
Regter Kriegler het in dieselfde uitspraak gefaal deur nie dieselfde<br />
insig te openbaar nie en deur die totalitêre risiko’s verbonde aan<br />
horisontale aanwending argeloos as ʼn bangmaakstorie af te maak. 72<br />
Die huidige Suid-Afrikaanse grondwet maak voorsiening vir<br />
gekwalifiseerde horisontale toepassing. 73 Daar is egter sekere<br />
bepalings, met inbegrip van die reg op gelykheid en die reg teen<br />
onbillike diskriminasie, ten aansien waarvan horisontale toepassing<br />
ongekwalifiseerd geld. 74<br />
Die Konstitusionele Hof het geen probleem hiermee ondervind nie<br />
en die bepalings is sonder verdere kommentaar in orde bevind. 75 So is<br />
die grondslag gelê dat die vrese wat regter Ackermann uitgespreek<br />
het, inderdaad bewaarheid kan word.<br />
Deur spesifiek voorsiening te maak vir ongekwalifiseerde<br />
horisontale aanwending van die reg op gelykheid, het menseregte sy<br />
aanvanklike vertrekpunt en doelwit heeltemal versaak en vir presies<br />
die teenoorgestelde verruil. Waar die oorspronklike oogmerk die<br />
69 Du Plessis and Others v D de Klerk and Another 1996 5 BCLR 658 (KH) para 100-<br />
112.<br />
70 Du Plessis v De Klerk (n 69 hierbo) para 108.<br />
71 Du Plessis v De Klerk (n 69 hierbo) para 112.<br />
72<br />
Du Plessis v De Klerk (n 69 hierbo) para 120, 122.<br />
73 Artikel 8(2) en (3) van die Grondwet van 1996.<br />
74 Artikel 9(4) plaas ʼn verpligting op privaat individue om nie onbillik teen ander<br />
individue te diskrimineer nie. Diskriminasie word ingevolge artikel 9(5) onbillik<br />
geag, tensy die verweerder die teendeel op ʼn oorwig van waarskynlikheid kan<br />
75<br />
bewys.<br />
In re Certification of the Constitution of the Republic of South Africa 1996 1996<br />
10 BCLR 1253 (KH) para 53-56.
228 Hoofstuk 8<br />
juridiese verskansing van individuele vryheid was en waar menseregte<br />
aanvanklik die bewaker oor die individuele vryheidsdomein was, geld<br />
presies die teenoorgestelde nou. Nou voorsien menseregte deur<br />
middel van horisontale aanwending die indringende staat van die<br />
konstitusionele wapenrusting téén die waardes van vryheid en is hulle<br />
gemik op die verminking van die individuele vryheidsdomein en van<br />
sosiale en burgerlike aktiwiteit.<br />
3.3 Die disharmonie en agterdog van menseregte<br />
Die menseregte-diskoers word dikwels in ʼn jubelende trant en in ʼn<br />
atmosfeer van opgewonde vreugde gevoer. Met die invoer van ʼn<br />
handves van menseregte in Suid-Afrika in 1994 is die menseregteregime<br />
deur talle met bykans kinderlike uitgelatenheid begroet.<br />
Menseregte as die vermeende geneesmiddel vir bykans alle sosiale en<br />
politieke kwale soos voorgeskryf deur die grondwet en toegepas deur<br />
die howe was vir baie ʼn bron van gemoedsrus, genoegdoening en<br />
vreugde.<br />
Die bestaansrede vir menseregte, ongeag hoe geldig dit is,<br />
regverdig egter allermins dié blydskap. Indien daar werklik ʼn hegte<br />
gemeenskap binne die staat bestaan het, wat op onderlinge<br />
individuele vertroue, respek en samewerking berus het, was daar<br />
geen rede om ʼn stelsel van menseregte te ontwikkel aan die hand<br />
waarvan menslike verhoudings van bo af gereguleer moes word nie.<br />
ʼn Stelsel van menseregte erken en bevestig die realiteit van die<br />
gemeenskaplose atomistiese tradisie wat deur Hobbes ingelui is.<br />
Hiervolgens is die staat nie die politieke manifestasie van ʼn<br />
outentieke gemeenskap van mense nie, maar bloot ʼn instansie wat<br />
deur ʼn stelsel van afgebakende individuele regte poog om<br />
antagonistiese individue se potensiële en daadwerklike konflik te<br />
bedwing en te bestuur. Menseregte is dus een van die uitvloeisels van<br />
die Hobbesiaanse tradisie. Sowel Karl Marx as Friedrich Engels het dit<br />
ingesien en lewer paslike kommentaar hierop. Marx laat hom soos volg<br />
oor die uitgangspunte van regte uit:<br />
None of these so-called rights of man goes beyond the egoist man,<br />
beyond man as a member of civil society, as man separated from life in<br />
the community and withdrawn into himself, into his private interest and<br />
his private arbitrary will. These rights are far from conceiving man as a<br />
species-being. They see rather the life of the species itself, society, as a
Menseregte - die sorgsame staat 229<br />
frame external to individuals, as a limitation of their original<br />
independence. 76<br />
Vir Friedrich Engels is die staat met sy antagonistiese individue en hul<br />
botsende doelwitte tekenend van ernstige sosiale patologie. Die<br />
staat, sê hy:<br />
is the confession that this society has become hopelessly divided against<br />
itself, has entangled itself in irreconcilable contradictions which it is<br />
powerless to banish. In order that these contradictions, these classes<br />
with conflicting interests, may not annihilate themselves and society in<br />
a useless struggle, a power becomes necessary, that stands apparently<br />
above society and has the function of keeping down the conflicts and<br />
maintaining order. And this power, the outgrowth of society, but<br />
assuming power over it and becoming more and more divorced from it, is<br />
the state. 77<br />
Dit is natuurlik nie nodig om, soos Engels, juis ekonomiese konflik te<br />
beklemtoon nie. Onderlinge ekonomiese konflik en antagonisme bly<br />
sekerlik vandag steeds ʼn belangrike faktor, maar hedendaags het<br />
konflik voortspruitend uit botsende groepsidentiteite van veral ʼn<br />
taalkundige en kulturele aard sterk op die voorgrond getree. Dit tree<br />
na vore in die aandrang op nuwe regte, bo en behalwe die bestaande<br />
individuele regte. Wat meer is, is dat die erkenning van nog meer<br />
regte juis die bestaan van verdere antagonisme in die staat aan die lig<br />
bring — nuwe antagonismes wat deur nuwe regte gereguleer word.<br />
Ofskoon die regte gedeeltelik in die bekamping en bestuur van konflik<br />
slaag, lewer die erkenning van steeds nuwe regte terselfdertyd<br />
sombere sosiale kommentaar op die samelewings waarbinne<br />
menseregte-regimes funksioneer. Robert Goldwin verklaar hieroor<br />
met verwysing na die regte-kultuur sedert John Locke:<br />
In extolling the importance of individual rights, we must realize that<br />
they stem from a political teaching based on strife and harsh<br />
competition, with pain, suffering and deprivation and misery often<br />
resulting. A nation whose political scheme is based on the primacy of<br />
individual rights is one of confusion, turmoil and ferment — and<br />
unavoidably more than a little injustice. It is not a design for calm and<br />
harmony in national life. It is a design for a stormy, tumultuous and<br />
chaotic peace, but one we can nevertheless readily consent to. 78<br />
Menseregte mag dus lof verdien, maar dan alleen as ʼn werktuig om<br />
konflik en antagonisme te probeer reguleer. Die samelewing waarvoor<br />
76 Karl Marx On the Jewish Question aangehaal deur R Dagger (n 1 hierbo) 302-303.<br />
77<br />
F Engels The origin of the family, private property and the state (vertaal deur<br />
Ernst Untermann) (1902) 206.<br />
78 RA Goldwin ‘What is a Bill of Rights and what is it good for?’ in A Licht & B de<br />
Villiers (red) South Africa’s crisis of constitutional democracy: can the U.S.<br />
constitution help? (1994) 162-163.
230 Hoofstuk 8<br />
dit ontwerp is, is egter een waarin dit jammerlik aan werklike<br />
harmonieuse menslike gemeenskap en onderlinge vertroue<br />
ontbreek. 79<br />
Menseregte-handveste word verder gewoonlik vervat in<br />
onbuigsame grondwette wat teen gemaklike wysiging deur wetgewers<br />
verskans is. Dit geniet derhalwe gewoonlik die status van hoër of<br />
fundamentele reg. Hierdie reëling bied verdere getuienis van die<br />
onderlinge wantroue waarop grondwetlik verskanste menseregte<br />
geskoei is. Individue en groepe in die staat koester diepliggende<br />
agterdog jeens mekaar. Elkeen glo dat die ander nie met die<br />
regeringsmag vertrou kan word nie. Daarom moet daar byvoorbaat ʼn<br />
vaste onveranderbare reëling getref word sodat wie ook al aan bewind<br />
kom, minimum politieke beweegruimte sal hê. Sanford Levinson<br />
verwoord dit soos volg:<br />
The very existence of written constitutions with substantive limitations<br />
of future conduct is evidence of skepticism, if not outright pessimism,<br />
about the moral caliber of future citizens; else why not simply enjoin<br />
them to ‘be good’ or ‘do what you think best’? 80<br />
Hieruit is dit duidelik dat grondwetlik verskanste menseregte nie die<br />
vergestalting van onderlinge vertroue is nie, maar die bepalings van ʼn<br />
sosiale kontrak gebou op wedersyds gekoesterde agterdog en vrees.<br />
3.4 Die staatlike orde en die prominensie van die<br />
juristeklas<br />
Saam met die groei van regte sedert die sewentiende eeu tot die<br />
sleutelwerktuig in die administrasie van die hedendaagse staatlike<br />
samelewing, het ook die regskenners — die regsprofessie in al sy<br />
vertakkings — op die voorgrond getree as die klas wat ten beste in<br />
staat is om die bestuur in die staatlike orde te behartig en populêre<br />
geloof in menseregte te versterk. Die regsprofessie het ʼn baie lang<br />
geskiedenis, maar die regte-gedrewe moderne staat — die regsregime<br />
— het die sosio-politieke infrastruktuur opgelewer wat by<br />
uitnemendheid die werksterrein van die juris is.<br />
Die Republica Christiana van ouds was godsdienstig gedrewe en<br />
die klas mees eie aan dié orde was die kerklikes wat die samelewing<br />
gedomineer het. 81 Die huidige staatlike samelewing is natuurlik meer<br />
pluralisties as sy godsdienstige voorganger, maar net soos die<br />
Republica Christiana lewer dit ook sy eie, indien nie dominante nie,<br />
79 Sien verder Diamond (n 49 hierbo) 140.<br />
80<br />
S Levinson ‘Law as Literature’ (1981-2) 60 Texas Law Review 376.<br />
81 Sien hoofstuk 2.1.
Menseregte - die sorgsame staat 231<br />
tog mees invloedryke klas op. Dit is die juristeklas wat net so behendig<br />
met die retoriese instrumente van die reg woeker as die vroeëre<br />
kerklikes met die retoriese gereedskap van die teologie. Net soos wat<br />
die Republica Christiana ʼn teologiese en geteologiseerde orde was, is<br />
die huidige staatlike samelewing ʼn juridiese en gejuridifiseerde orde.<br />
In die Middeleeue was alle vraagstukke wat die moeite werd was<br />
om aan aandag te gee, godsdienstig van aard. So het dit minstens<br />
gelyk, want ofskoon ʼn probleem moontlik vanuit ʼn nie-Middeleeuse<br />
perspektief nie godsdienstig voorgekom het nie, is dit tog in<br />
godsdienstige terme geformuleer en sodoende binne die teologiese<br />
diskoers tuisgebring. Dit het tot gevolg gehad dat die kerklikes die<br />
enigstes was wat hulle met gesag oor sodanige geteologiseerde<br />
probleme kon uitlaat. Al die ander — die nie-teoloë — wat nie die<br />
teologiese diskoers bemeester het nie, was daarvan uitgesluit.<br />
Sodoende is die hantering, beheer en oplossing van vraagstukke deur<br />
die teologiese klas gemonopoliseer. Die manipulasie van die diskoers<br />
op sodanige wyse dat die probleme in teologiese terme<br />
geherdefinieer en dus geteologiseer is, was in effek ʼn politieke<br />
strategie, want die uitwerking van herdefiniëring was dat die gesag<br />
van die kerklikes versterk is en dat almal wat buite die kerklike klas<br />
gestaan het, van enige beduidende gesag en invloed ontneem is.<br />
Dieselfde soort verskynsel kom in die staatlike orde met sy regtegedrewe<br />
samelewing voor. Talle probleme, met inbegrip van die<br />
belangrikste openbare vraagstukke, word ook gedefinieer en<br />
herdefinieer en geklassifiseer, maar dié keer nie tot teologiese<br />
probleme nie, maar tot probleme van ʼn juridiese aard en sodoende<br />
binne die operasionele sfeer en beheer van juriste gebring. Die proses<br />
van juridifisering wat hierdeur in die hand gewerk word, is trouens<br />
reeds ver gevorderd. Theo van Boven, ʼn voormalige senior VN<br />
menseregte-funksionaris, sê:<br />
The great international issues of our times can all be framed, argued and<br />
contested on the terrain of human rights — issues of war and peace, selfdetermination,<br />
colonialism, racism, apartheid, the preservation and<br />
conservation of the environment, development, population, food,<br />
poverty, the establishment of a new international economic order, a new<br />
social order and a new human order. 82<br />
Die strategie wat sigself hier voltrek, is een van disassosiatiewe<br />
definiëring. 83 Daarvolgens kan ʼn bepaalde probleem wesenlik van ʼn<br />
politieke aard wees, maar deur disassosiatiewe definiëring word dit<br />
van die politiek gedisassosieer en ontkoppel en tot ʼn juridiese<br />
82 T van Boven People Matter: Views on international human rights policy<br />
83<br />
(Saamgestel deur Hans Toolen) (1982) 16.<br />
P Goodrich ‘Rhetoric as jurisprudence: An introduction to the politics of legal<br />
language’ (1984) 4 Oxford Journal of Legal Studies 92-93.
232 Hoofstuk 8<br />
probleem herdefinieer. Die probleem word gevolglik retories<br />
gedepolitiseer en as herdefinieerde juridiese vraagstuk na die<br />
professionele terrein van die juris verplaas. Sodoende word die<br />
politieke diskoers binne die beheer- en gesagsterrein van die juris<br />
geplaas. Alle nie-juriste word van die diskoers uitgesluit en word ook<br />
van die juris wat die professionele terrein beheer, afhanklik gemaak.<br />
Dit is treffend dat die prototipiese regsretoriese strategie juis aan<br />
die begin van die staatlike era uitgevoer is. Dit was in 1610 toe sir<br />
Edward Coke in Bonham’s Case tot die onsteltenis van James I<br />
hersienings- en nietigverklaringsbevoegdhede met betrekking tot<br />
Parlementêre en vorstelike handelinge vir die hof toegeëien het. 84<br />
Coke het in sy hoedanigheid as Chief Justice of the Common Pleas in<br />
Bonham’s Case uitspraak gegee, maar hy is later, in 1613, tot<br />
hoofregter van die Kings Bench bevorder waar sy politieke invloed<br />
geringer was. 85 Hy is egter later as regter ontslaan, maar het<br />
mettertyd as parlementslid ʼn leidende rol teen die absolutistiese<br />
neigings van James I gespeel.<br />
Coke het op sterkte van betreklik onoortuigende gesag 86 vir die<br />
hof ʼn hersienings- en nietigverklaringsbevoegdheid van Parlementêre<br />
en vorstelike handelinge toegeëien, toe hy in sy uitspraak in die saak<br />
verklaar het:<br />
It appears in our books, that in many cases, the common law will control<br />
acts of Parliament, and sometimes will adjudge them to be utterly void:<br />
for when an act of Parliament is against common right and reason, or<br />
repugnant, or impossible to be performed, the common law will control<br />
it, and adjudge such an act to be void. 87<br />
Coke het soos volg geredeneer: die common law is fundamentele reg.<br />
Die regbank is die eksklusiewe bewaker oor en die vertroueling van<br />
die common law en het dienooreenkomstig oor die bevoegdheid<br />
beskik om wetgewing wat daarmee strydig was, ongeldig te<br />
verklaar. 88 Voorts was dit onmoontlik om die common law te ontsluit<br />
as jy nie grondig in die boeke van die common law en in die<br />
eiesoortige kunsmatige rede (artificial reason) van die common law<br />
geskool was nie. Kundige juriste, vaardig in die kunsmatige rede van<br />
84 Sien hieroor asook oor die invloed van Coke onder andere FT Plucknett ‘Bonham’s<br />
case and judicial review’ (1926-1927) 40 Harvard Law Review 30-70; (a) ES Corwin<br />
‘The establishment of judicial review’ (1910) 9 Michigan Law Review 102-125; (b)<br />
ES Corwin ‘The ‘higher law’ background of American Constitutional Law’ 1928-<br />
1929 42 Harvard Law Review 365-409; RA MacKay ‘Coke, Parliamentary<br />
sovereignty and the supremacy of the law’ (1924) 22 Michigan Law Review 215-<br />
247; CF Mullet ‘Coke and the American revolution’ (1932) 12 Economica 457-471<br />
85 Mullet (n 84 hierbo) 459.<br />
86 Mullet (n 84 hierbo) 460-461; 467; Plucknett (n 84 hierbo) 40.<br />
87 Aangehaal deur GH Sabine A History of Political Theory (1971) 452 uit Coke’s<br />
Reports Pt. VIII, 118a.<br />
88 Plucknett (n 84 hierbo) 50.
Menseregte - die sorgsame staat 233<br />
die common law — mense soos Coke self — kon die insigte van die<br />
common law blootlê. Ander, met inbegrip van die politici, soos selfs<br />
koning James I, beskik hoe intellektueel voortreflik hulle ook al mag<br />
wees, egter nie oor die eiesoortige toerusting van die kunsmatige rede<br />
nie. Die boodskap aan diesulkes is om liewers oor die reg te swyg en<br />
hulle by die uitsprake van hulle juridies kundige meerderes te berus.<br />
Coke rapporteer soos volg hieroor:<br />
Then the king said that he thought the law was founded upon reason,<br />
and that he and others had reason, as well as the judges: to which it was<br />
answered by me, that true it was, that God had endowed his Majesty<br />
with excellent science, and great endowments of nature; but his Majesty<br />
was not learned in the laws of his realm of England, and causes which<br />
concern the life, or inheritance, or goods, or fortunes of his subjects are<br />
not to be decided by natural reason but by the artificial reason and<br />
judgment of law, which law is an act which requires long study and<br />
experience, before that a man can attain to the cognizance of it ... with<br />
which the King was greatly offended, and said, that then he should be<br />
under the law, which was treason to affirm, as he said: to which I said,<br />
that Bracton saith, Quod rex non debet esse sub homine, sed sub Deo et<br />
lege. 89<br />
Coke se dictum in Bonham’s Case het uiteindelik die heel belangrikste<br />
stelling met betrekking tot die vestiging van grondwetlike reg en,<br />
meer in besonder, met betrekking tot die hersienings- en<br />
nietigverklaringsbevoegdheid van die howe in die VSA geword. 90 Juis<br />
op sterkte van hierdie dictum is die praktyk van regterlike kontrole<br />
reeds lank voor Marbury v Madison in pre-rewolusionêre Amerika<br />
gevestig. 91 Coke is ook by name deur een van die founding fathers,<br />
Alexander Hamilton, ingespan ten gunste van die saak vir regterlike<br />
kontrole. 92<br />
Wat betref die wyse van argumentering was Coke grotendeels nog<br />
’n Middeleeuer. Hy het fragmentaries te werk gegaan en het nie<br />
probeer om ’n omvattende filosofiese stelsel te ontwikkel nie. Daar is<br />
ook sterk aanduidings dat hy steeds die Middeleeuse oortuiging van ’n<br />
onveranderlike fundamentele reg gehuldig het. 93 Coke was egter veel<br />
meer as net ’n common law-juris. In werklikheid was hy ook ’n<br />
politieke filosoof 94 en ’n politikus. 95 Trouens, hy was ’n juris-politikus<br />
wat op behendige wyse die gesaghebbende regsdiskoers, wat moeilik<br />
deur sy opponent, James I, teengegaan kon word, aangewend het met<br />
89<br />
90<br />
91<br />
92<br />
93<br />
Aangehaal deur Sabine (n 87 hierbo) 452 uit Coke’s Reports Pt. XII, 65.<br />
Corwin (n 84b hierbo) 367; Corwin (n 84a hierbo) 105-106.<br />
Plucknett (n 84 hierbo) 62.<br />
Corwin (n 84a hierbo) 107; Mullet (n 84 hierbo) 458; Corwin (n 84b hierbo) 397.<br />
Corwin (n 84b hierbo) 366; Mullet (n 84 hierbo) 466. Sien oor die onveranderlike<br />
94<br />
95<br />
Middeleeuse fundamentele reg hoofstuk 2.2.<br />
Plucknett (n 84 hierbo) 30; 45.<br />
CF Mullet 1932 461.
234 Hoofstuk 8<br />
die oog daarop om ’n politieke doelwit te bereik, naamlik om die<br />
koning (en by implikasie ook die Parlement) se legitieme<br />
gesagsterrein te verklein en die gesagsterrein van die hof en, daarmee<br />
saam, ook sy eie gesagsterrein uit te brei. Dit was klaarblyklik politiek<br />
par excellence.<br />
Die verskynsel van regterlike kontrole deur ʼn bevoegde hof —<br />
veral konstitusionele howe — het sedertdien vernaamlik in die<br />
Westerse Wêreld ʼn algemene verskynsel geword. 96 Daarmee saam het<br />
die toenemende juridifisering van die politiek op die voorgrond<br />
getree. Sake wat vroeër as politiek beskou is en wat inderdaad<br />
wesenlik politiek is, word toenemend in regsterme herdefinieer.<br />
Sodoende word die funksionele terrein van die juris voortdurend<br />
uitgebrei en word die vermoë van nie-juriste tot sinvolle politieke<br />
deelname algaande ingekort. By die deelname aan die politieke<br />
diskoers wat in regsterme heromskryf is, word die politieke posisie en<br />
invloed van die juris versterk en die van dié nie-juris verswak. Die niejuris<br />
het deurlopend die probleem dat hy as gevolg hiervan verplig is<br />
om oor die weg te kom met taal (parlance) wat hy nooit werklik goed<br />
onder die knie het nie. Hy kom nooit behoorlik tot verhaal nie. Hy loop<br />
deurlopend die risiko om deur die juris, wat uiteraard die<br />
gejuridifiseerde diskoers goed onder die knie het, gekorrigeer te<br />
word. Die nie-juris se uitweg uit hierdie ongemak is gewoonlik om die<br />
professionele bystand van ʼn juris in te roep wat dan namens hom die<br />
woord kan voer. Met ander woorde, vermy die probleem van juridiese<br />
onkunde en word ʼn kliënt van die juris. Hier tree ʼn verdere gevolg van<br />
juridifisering op die voorgrond, naamlik dat hoe meer kwessies tot<br />
regskwessies herdefinieer kan word, des te groter word die juris se<br />
potensiële kliëntebasis. 97 Herdefiniëring brei gevolglik nie net die<br />
gesag en invloed van die juris uit nie; dit vergroot ook sy mark.<br />
Benewens die politieke implikasies van herdefiniëring, is dit gevolglik<br />
ook ekonomies voordelig.<br />
Die mees voor die hand liggende juridifiserende gevolg van<br />
regterlike hersiening is dat die howe, en dus die regters, tot (mede)nasionale<br />
beleidmakers verhef word. 98 Juridifisering gaan egter<br />
verder as hofuitsprake. Dit verander ook die handelswyse van politici<br />
en beleidmakers. Die uitsprake van ʼn konstitusionele hof (of ander<br />
howe met die vereiste jurisdiksie) het ʼn rigtinggewende uitwerking,<br />
aangesien dit perke aan toekomstige beleidsopsies stel. Bowendien<br />
bestaan daar ook die risiko van regterlike sensuur vir sover<br />
96 Sien byvoorbeeld A Stone ‘The birth and development of abstract review:<br />
constitutional courts and policy making in Western Europe’ (1991) 81 Policy<br />
Studies Journal 81-95; G Dietze ‘America and Europe — decline and emergence of<br />
judicial review’ (1959) 76 SALJ 398-434.<br />
97<br />
Z Bankowski en G Mungham Images of Law (1976) 43.<br />
98 Stone (n 96 hierbo) 88.
Menseregte - die sorgsame staat 235<br />
beleidsbesluite van wetgewers en die uitvoerende gesag nie juridies<br />
na wense is nie. 99 Dit gee daartoe aanleiding dat beleidsoorwegings<br />
noodwendig swaar met regsargumente en regsoorwegings belaai<br />
word. Konstitusionele debatvoering is dus nie net beperk tot die hof<br />
by wyse van regspraak en daadwerklike judisiële intervensie nie, maar<br />
kom trouens op ʼn deurlopende grondslag in die wetgewende proses<br />
voor. 100 Dit kring ook wyer uit na die algemene openbare diskoers,<br />
insluitende die media, waar argumente om die grondwetlikheid al dan<br />
nie van gebeure en besluite wentel. Die verskynsel het in Suid-Afrika<br />
algemeen geraak. Gejuridifiseerde politiek het deel van ons<br />
alledaagse werklikheid geword. Maar hoe veel daar ook al deur leke<br />
oor dié sake geargumenteer word, berus die finale antwoord in ʼn<br />
gejuridifiseerde diskoers by die juriste. 101 Hierdie ongelykheid in die<br />
gejuridifiseerde openbare diskoers, net soos dié van die<br />
geteologiseerde diskoers van die Republica Christiana, is<br />
onversoenbaar met gelykheid, wat juis ʼn voorwaarde vir ʼn egte<br />
demokratiese diskoers is.<br />
3.5 Menseregte, bron van ʼn ideologie van afhanklikheid<br />
Dit is ʼn inherente eienskap van die denkbeeld reg dat dit met gesag<br />
beklee en allerweë met ontsag en eerbied bejeën word. Trouens, daar<br />
lê gewoonlik ʼn element van heiligheid in die reg opgesluit. Juis<br />
daarom streef politieke maghebbers altyd daarna om politieke mag in<br />
die gestalte van die reg, deur oënskynlik neutrale wetgewing, te<br />
verwoord ten einde sodoende die brutaliteit wat dikwels met die<br />
verkryging en behoud van politieke mag gepaard gaan, te verbloem.<br />
Daarmee word die maguitoefening legitiem en ten minste in ʼn mate<br />
onaantasbaar. Reg bring (gewoonlik) gehoorsame gedrag mee en<br />
wanneer politieke mag sigself met die toga van die reg omklee, word<br />
dit bestendig en veel moeiliker uitdaagbaar. 102 Diegene wat in die<br />
99 Stone (n 96 hierbo) 87-88.<br />
100 Stone (n 96 hierbo) 89.<br />
101 Die uitwerking van die bestaande reg en van regterlike ingryping moet natuurlik<br />
terselfdertyd ook nie oorskat word nie. Howe kan korreksies aan beleid aanbring<br />
maar is natuurlik nie in staat om ʼn breë politieke program van die politieke takke<br />
van staatsgesag — die wetgewer en die uitvoerende gesag — in die war te stuur<br />
nie, veral nie wanneer hierdie programme sterk openbare ondersteuning geniet<br />
nie. Verder is die howe natuurlik inherent polities swakker as die ander takke van<br />
staatsgesag en dit moet natuurlik ook voortdurend in ag neem dat dit juis van die<br />
wetgewer en, in die besonder, van die uitvoerende gesag afhanklik is om die hof<br />
se bevele uit te voer. Ofskoon juridifisering dus ʼn sterk faktor in die moderne<br />
politiek geword het, moet howe steeds noodwendig teësinnig wees om te<br />
geredelik met die beleid van die wetgewer en die uitvoerende gesag in te meng.<br />
Sien hieroor onder andere R Dahl se insiggewende artikel ‘Decision-making in a<br />
democracy: “The Supreme Court as a national policy-maker”’ (1957) Journal of<br />
Public Law 293 et seq asook K Malan ‘The Unity of Powers and the Dependence of<br />
the Judiciary’ 2005 De Jure 2005 99-115.<br />
102 Sien in die algemeen AT Turk ‘Law as a weapon in social conflict’ (1976) 23 Social<br />
Problems.
236 Hoofstuk 8<br />
besonder hierby baat, sluit spesifiek hulle in wat met die regspleging<br />
(administrasie van die reg) gemoeid is — die regsgeleerdes.<br />
Regsgeleerdes word eweneens met ʼn mindere of meerdere mate van<br />
ontsag en agting bejeën. Hulle dank dit onder meer aan die feit dat<br />
hulle met die mag, waarmee die regspleging gewoonlik gepaard gaan,<br />
beklee is. Aan die ander kant word regsgeleerdes ook dikwels gesien<br />
as die enigste beskutting teen vryheidsberowing en anargie. 103 Kyk<br />
net na al die vryhede wat as basiese regte beskerm word, en dit is nie<br />
vreemd nie dat juriste dikwels gesien word as die priesters wat die<br />
vryheid beskerm. 104<br />
Die invloed van die regsprofessie groei ook standhoudend vanweë<br />
die toenemend breër definiëring van regskennis en regsdienste en die<br />
meegaande verbredende terrein waarop die regsprofessie werksaam<br />
is. 105 Die funksionele terrein van die regsprofessie en van regsdienste<br />
het trouens tot so ʼn mate verbreed dat dit in werklikheid heeltemal<br />
ongedefinieerd geraak het. 106 Bowendien word die definiëringsfunksie<br />
grootliks aan die juriste self oorgelaat. 107 Die uitoefening van<br />
die definiëringsaksie wat hieruit voortspruit is grootliks kommersieel<br />
gedrewe. Die terrein word al hoe breër omskryf ten einde die gebied<br />
van juridiese dienslewering te vergroot en nuwe markte vir<br />
regsdienste te verwerf. 108<br />
Uiteindelik is die regsgeleerde ʼn bykans alomteenwoordige<br />
persoon — iemand wie se hulp in talle alledaagse besluite, transaksies<br />
en handelinge behoef word. Wat hieruit voortvloei, is waarna al heel<br />
paslik as die ideologie van die hulpverlener verwys is. 109 Die gevolg<br />
hiervan is dat die posisie van die hulpbehoewende nie-juris tot<br />
voordeel van die hulpverlener (juris) verswak word. Die<br />
hulpbehoewende se vermoë tot outonome beskikking verweer<br />
progressief en ʼn patroon van opsien na, en afhanklikheid van die<br />
regsgeleerde word aangekweek. Regsdienste neem die karakter van<br />
maatskaplike werk aan 110 en die regsgeleerde verkry dienooreenkomstig<br />
ʼn hoedanigheid wat herinner aan dié van die maatskaplike<br />
werker. Dit geld veral in die geval van staatsondersteunde<br />
regsbystand en natuurlik met die talle nuwe voordele wat<br />
hulpbehoewende mense kragtens sosiale en ekonomiese regte te<br />
beurt val. Met al die menseregte (wat ook standhoudend meer word)<br />
wat individue geniet en met die talryke regsdienste wat verleen word<br />
103 J Caplan ‘Lawyers and litigants’ in I Ilich I et al Disabling Professions (1977) 94.<br />
104 Bankowski & Mungham (n 97 hierbo) 94.<br />
105 Bankowski & Mungham (n 97 hierbo) 43.<br />
106 Caplan (n 103 hierbo) 96.<br />
107 Caplan (n 103 hierbo) 96; Bankowski & Mungham (n 97 hierbo) 39.<br />
108 RL Abel ‘The Rise of Professionalism’ (1979) 9 British Journal of Law and Society<br />
82.<br />
109 Bankowski & Mungham (n 97 hierbo) 75.<br />
110 Bankowski & Mungham (n 97 hierbo) 75.
Menseregte - die sorgsame staat 237<br />
en waarby almal so mildelik baat, dra die reg en die regsprofessie by<br />
tot ʼn minsame alomversorgende totalitarisme 111 — die versorgende<br />
Leviatan.<br />
Die posisie van die regsprofessie word ondersteun deur ʼn<br />
(onbedoelde) retoriese strategie wat tussen die regsprofessie en die<br />
potensiële kliënt afspeel. Komplekse en moeilik verstaanbare<br />
regsjargon word gebruik, wat die reg vir die nie-juris ontoeganklik<br />
maak. Dit gaan gepaard met komplekse prosedures — rituele — wat<br />
die reg verder ontoeganklik maak en die nie-juris se afhanklikheid en<br />
hulpbehoewendheid van die reg en die juris verder vererger. 112 Die<br />
hof-arena dra ook by tot die verleentheid en afhanklikheid van die<br />
leke-litigant. Dit kortwiek sy selfvertoue want hy weet gewoonlik nie<br />
wat hom daar te doen staan nie. Die hofprosedure en atmosfeer is<br />
allermins bevorderlik vir die moontlikheid dat ʼn persoon sy saak self<br />
kan behartig. Die ingewikkelde voorverhoor-prosedures maak die<br />
leke-litigant nog verder op die kundige dienste van die regsgeleerde<br />
aangewese. Voeg hierby die feit dat regters in elk geval moeilik met<br />
leke-litigante kommunikeer en baie makliker oor die weg kom met<br />
regsverteenwoordigers, aangesien hulle deur dieselfde regsjargon<br />
bedien word en ewe gemaklik daarmee omgaan. Die stelsel is dus so<br />
ontwerp dat dit nouliks sonder regsverteenwoordiging kan<br />
funksioneer. 113<br />
Wanneer tale anders as dié van die partye vir hofverrigtinge<br />
gebruik word, verdiep die afhanklikheid van die leke-partye verder<br />
teenoor hulle regsraadgewers. In Suid-Afrika is daar ʼn sterk neiging<br />
om byvoorbeeld slegs Engels vir die amptelike notulering van<br />
hofverrigtinge te gebruik. 114 Alle amptelike hofstukke sal hiervolgens<br />
slegs in Engels beskikbaar wees, wat, soos gesê, die hof nog meer<br />
ontoeganklik vir die leek maak en die noodsaak vir regsbystand verder<br />
beklemtoon.<br />
Hierbenewens werk dit klaarblyklike regsongelykheid in die hand,<br />
aangesien diegene wat die notuleringstaal goed verstaan, bevoordeel<br />
word bo diegene wat dit nie behoorlik onder die knie het nie en<br />
111 Die frase benign totalitarianism word deur I Ilich I Disabling Professions (1977) 14<br />
gebruik.<br />
112 Caplan (n 103 hierbo) 93.<br />
113 Caplan (n 103 hierbo) 101-102.<br />
114 Sien byvoorbeeld S Netshitomboni ‘The use of languages in courts: the point of<br />
view of the Department of Justice and Constitutional Development’ (21 Maart<br />
2000) FAK-Konferensie:Taal in die howe (Ongepubliseerd); Mthethwa v De Bruin<br />
NO and Another 1998 3 BCLR 336 (N); S v Matomela 1998 1 BCLR 339 (Ck); S v<br />
Damoyi 2004 2 SA 564 (K). Vgl ook K Malan ‘Observations on the official use of<br />
language for the recording of court proceedings’ (2008) 23 SAPR/L 59-76.
238 Hoofstuk 8<br />
laasgenoemde derhalwe nog meer op regsverteenwoordiging<br />
aangewese maak. 115<br />
Uiteindelik kan die leek die funksionering van die reg,<br />
nieteenstaande die feit dat sy belange intens daarby betrokke is, slegs<br />
op ʼn afstand as ʼn toeskouer gadeslaan. Dit alles moet die nie-juris<br />
met ʼn gevoel van eerbied en ontsag vir die reg, die regsproses en die<br />
regsprekers aanskou. Benewens die ontoeganklikheid en onaantasbaarheid<br />
van die regspleging weens die reeds gemelde ingewikkelde<br />
regstaal en moeilik volgbare prosedure en die vreemde hofatmosfeer,<br />
is daar ook nog die eerbied wat aan die regter verskuldig<br />
is — iets wat opsigself ruim bydra tot die ontsag vir die reg waarna<br />
hierbo verwys is. Bepaalde regsreëls rond die mistiek van die hof af<br />
met die misdryf, minagting van die hof. Daardeur word minagting vir<br />
die regsprekende beamptes (en die regsproses) bestraf, terwyl ontsag<br />
en eerbied dienooreenkomstig verplig word. Dit dra by tot die<br />
veredeling van die regsproses en die verheffing van die voorsittende<br />
regter tot ʼn regskoning. 116<br />
Menseregte het steeds meer regte vir individue bygevoeg en doen<br />
dit steeds. Hoe meer regte mense het, des te meer word hulle van die<br />
dienste van die regsgeleerde afhanklik. Die staat wend die reg aan om<br />
al die gevarieerde menslike behoeftes te bevredig. Dit dien<br />
terselfdertyd as die sleutel-strategie om die staatlike orde te<br />
verskans. Wie sal dit na alles oorweeg om die rug op so ʼn weldoenende<br />
staat te keer? Individue is die behoeftige ontvangers van die voordele<br />
wat die staat via die reg verskaf. Die toevoeging van elke nuwe reg<br />
registreer ʼn verdere dimensie in menslike behoeftigheid en<br />
afhanklikheid en verdere verwering van individuele selfstandigheid.<br />
En die houvas van die minsame, genadige weldoener-Leviatan, die<br />
sterflike god, op sy kudde — die burgers van die territoriale staat —<br />
raak steeds stewiger. Die staat raak ook algaande meer sensitief vir<br />
besondere behoeftes: van byvoorbeeld vroue, kinders, inheemse<br />
bevolkings, godsdienstige, taal- en kulturele minderhede — almal<br />
ontvangers van nuwe voordele van menseregte. Maar namate al die<br />
groepe ontvangers van Leviatan se regsvoordele word, en meer<br />
afhanklik word, verweer hulle vermoë om deur politieke en dergelike<br />
handeling na hulself om te sien. Leviatan sien met al groter sorg na sy<br />
weerlose staatsburgerlike kudde om. Ongeloof in en ontrouheid aan<br />
Leviatan is bykans onmoontlik. Uitdaging van die sterflike god is<br />
115 K Malan ‘Oor die hofnotuleringstaal in die lig van die grondwet en na aanleiding<br />
van onlangse regspraak’ (1998) 61 Tydskrif vir Hedendaagse Romeins-Hollandse<br />
Reg 700-702.<br />
116 Die regter word in die Engelse wêreld so hoog geag dat buitestaanders — van<br />
buite die Engelse wêreld — soms spottenderwys na dié regters as regskonings<br />
verwys (wat terloops retories goed inpas by Dworkin se gebruik van die begrip<br />
Law’s Empire.) Sien JMT Labuschagne ‘Minagting van die hof: ʼn strafregtelike en<br />
menseregtelike evaluasie’ (1988) TSAR 330.
Menseregte - die sorgsame staat 239<br />
hoegenaamd nie ter sprake nie. Menseregte het die staat daarteen<br />
geharnas.
HOOFSTUK<br />
9<br />
1 Inleiding<br />
TWEE GREPE UIT DIE REG<br />
KRAGTENS DIE<br />
STAATLIKE PARADIGMA<br />
Sowel die huishoudelike as die internasionale reg staan bykans<br />
konsekwent in diens van die instandhouding en verdediging van die<br />
bestaande territoriaal-staatlike orde en die afdwinging van<br />
individuele identiteit volgens die voorskrifte en na die beeld van die<br />
staat. Die publiekreg, soos ons dit ken, is ʼn volbloed spruit van die<br />
staatlike paradigma en getroue dienskneg vir die inprent van ʼn<br />
staatlike identiteit by individue. Dit monopoliseer individuele<br />
identiteit vir die jaloerse sterflike god, sorg dat individue slegs een<br />
staatlik voorgeskrewe identiteit bely en waak getrou daarteen dat<br />
individue enige openbare identiteit anders as ʼn staatlike identiteit<br />
aanvaar. Die staat geniet ʼn monopolie as die enigste kollektiwiteit<br />
wat publiekregtelike erkenning en beskerming geniet. Gevolglik is dit<br />
net die staat en individue wat regserkenning geniet terwyl alle<br />
intermediêre entiteite (kultuur- en dergelike gemeenskappe) ter<br />
wille van die staat van enige regsbeskerming uitgesluit word. Vernon<br />
Van Dyke het dit by geleentheid soos volg gestel:<br />
The assumption was that rights exist at two levels, the level of the<br />
individual and the level of the nation state. Groups other than the<br />
nation or the population of the state could be ignored. 1<br />
Dienooreenkomstig is burgerskap ʼn staatlike denkbeeld. Deur jou<br />
burgerskap dra jy die amptelike merk van die staatlike identiteit<br />
terwyl deelgenootskap aan enige ander gemeenskap — hoe beslissend<br />
dit ook al vir ʼn individu mag wees — van hierdie beskerming uitgesluit<br />
word. Hiernaas is daar nog ʼn magdom van ander regsreëls en<br />
regsfigure wat die staatlike orde in stand hou. Dit is onmoontlik om<br />
alles te behandel. Daarom word daar in hierdie hoofstuk op slegs twee<br />
1 V Van Dyke ‘Human Rights and the Rights of Groups’ (1974) 18 American Journal<br />
of Political Science 726; Sien verder J Pestieau Minority Rights: ‘Caught between<br />
individual rights and peoples’ rights’ (1991) VI Canadian Journal of Law and<br />
Jurisprudence 369-370.<br />
241
242 Hoofstuk 9<br />
sprekende voorbeeld gefokus: een vanuit die huishoudelike reg — die<br />
reg rakende die misdaad hoogverraad — en een voorbeeld uit die<br />
internasionale reg — die regsposisie rakende selfbeskikking, sesessie<br />
en die instandhouding van staatsgrense.<br />
Die twee onderwerpe nomineer hulself as ’t ware as die mees<br />
gepaste en veelbeduidende, aangesien dit regsmeganismes is wat nie<br />
slegs ʼn besondere staat beskerm nie, maar die staatlike orde per se<br />
onder beskerming neem. Hoogverraad het ʼn lang Europese en Engelse<br />
geskiedenis en die regsreëls daaromtrent is vandag steeds in baie<br />
state van krag. As internasionale regsreëls is die regsposisie met<br />
betrekking tot sesessie uiteraard ook oral geldend. Dit is eweneens<br />
nie tot ʼn enkele staat beperk nie en geld vir die staatlike orde in die<br />
geheel.<br />
Dis reg rakende hoogverraad en sesessie maak voorts op ons<br />
aandag aanspraak, omdat dit treffende voorbeelde van die<br />
beoefening van die regswetenskap kragtens die staatlike paradigma is<br />
en ook omdat dit by uitstek gemik is op die bevordering van staatlike<br />
identiteit en die ooreenstemmende onderdrukking van alle niestaatlike<br />
identiteite. Die reg oor hoogverraad en sesessie funksioneer<br />
as items van die staatlike paradigma en as strategieë van staatsbou.<br />
2 Die onskendbaarheid van die staat:<br />
Hoogverraad<br />
Hoogverraad is die wederregtelike verrigting van enige handeling<br />
binne of buite die staatsgebied deur ʼn persoon wat trou aan die staat<br />
verskuldig is, met die opset om enige van die volgende doelwitte te<br />
bereik: om die voortbestaan, onafhanklikheid of veiligheid van die<br />
staat te skend of in gevaar te stel; om die grondwetlike struktuur van<br />
die staat te verander; of om die regering omver te werp of onder<br />
dwang te plaas. 2 Die unieke eienskappe van hoogverraad is dat dit<br />
teen die staat gepleeg word en dat slegs ʼn persoon wat trou aan die<br />
staat verskuldig is, dit kan pleeg.<br />
Een van die grondliggende funksies van reg is dat dit<br />
onderdrukkingsmeganismes verskaf om ʼn bepaalde politieke orde en<br />
ekonomiese bestel in stand te hou. Terselfdertyd is regsreëls,<br />
waaronder ook onderdrukkende regsreëls die produk van ʼn heersende<br />
politieke filosofie 3 en van ʼn bestaande politieke magsoorwig. Die reg<br />
ten aansien van hoogverraad is tekenend hiervan. Dit het ontwikkel<br />
2 Dit is wesenlik die definisie van CR Snyman Strafreg (2006) 315 en J Burchell et al<br />
Principle of Criminal Law (2005) 923.<br />
3 BL Ingraham Political Crime in Europe (1979) 317.
Twee grepe uit die reg kragtens die staatlike paradigma 243<br />
en is aangepas ten einde te voldoen aan die veranderende aard en<br />
behoeftes van die staat. Trouens, die ontwikkeling van die reg<br />
aangaande hoogverraad werp meer as enigiets anders lig op die<br />
ontwikkeling van die idee van die staat. 4<br />
Die trou-element van hoogverraad het ʼn Germaanse oorsprong. 5 ʼn<br />
Persoon was trou verskuldig aan die gemeenskap en die leër waartoe<br />
hy behoort het. Die misdaad is gepleeg wanneer hierdie trou verbreek<br />
is. 6 Die misdaad het dus te doen gehad met daadwerklike lojaliteite<br />
en die verbreking van hegte verhoudings van ʼn bykans persoonlike<br />
aard. Hierby aansluitend word verduidelik dat die Germaanse<br />
oorsprong van hoogverraad herleibaar is tot die gedagte van<br />
persoonlike lojaliteit teenoor die leier wat deur die troubreuk<br />
geskend is. Op sy beurt het die leier ʼn beskermingsverpligting jeens<br />
sy gemeenskap gehad, wat onder andere in vorstelike<br />
kroningseedsverklarings uitdrukking gevind het.<br />
Hoogverraad het egter ook Romeinse wortels. Die Romeinse<br />
element vloei voort uit die idee van skending van majestas (breedweg<br />
soewereiniteit) en die verontregting van die persoon — die vors — wat<br />
met majestas beklee was. 7<br />
Die Romeinse opvatting van hoogverraad het mettertyd in Europa<br />
en Engeland ten koste van die Germaanse opvatting veld gewen. Die<br />
opkoms van dinastiese state 8 (rudimentêre state wat rondom<br />
koninklike families gestruktureer was) het vrugbare teelaarde vir die<br />
verdere groei van die Romeinse opvattings gebied, aangesien dit die<br />
posisie van die vorste in die opkomende dinastiese state onderskraag<br />
het. Die Germaanse idee het nogtans gedeeltelik behoue gebly en leef<br />
vandag steeds voort in die troubreuk-element by hoogverraad.<br />
In die laat-Middeleeue toe die dinastiese state in Engeland en<br />
Europa hulle verskyning begin maak het, was hoogverraad by uitstek<br />
ʼn misdaad wat teen die persoon van die vors (en sy familie) gemik was<br />
en nie ʼn misdaad teen die staat as sodanig nie. 9 Dít blyk veral duidelik<br />
uit Edward III van Engeland se wet van 1352 waarin spesifiek met die<br />
misdaad van hoogverraad gehandel is en waaruit dit blyk dat die<br />
beskermde regsbelang by hoogverraad nie die staat nie, maar die<br />
persoon van die koning was. 10 Dit is juis aan Romeinsregtelike<br />
4 CL von Bar A History of Continental Criminal Law (Engelse vertaling deur T Bell)<br />
(1968) 281.<br />
5<br />
JMT Labuschagne ‘Menslike outonomie en staatlike majestas: opmerkinge oor die<br />
dekriminalisasie van hoogverraad’ (1992) 5 Suid-Afrikaanse Tydskrif vir<br />
Strafregspleging 125.<br />
6<br />
Von Bar (n 4 hierbo) 101.<br />
7 JG Bellamy The law of treason in England in the Middle Ages (1970) 1-4.<br />
8 Sien hieroor hoofstuk 3.5.<br />
9<br />
W Holdsworth A History of English Law (1937) Vol VIII 322.<br />
10 Holdsworth (n 9 hierbo) (1936) Vol II gee die wet op 449 voetnoot 7 weer.
244 Hoofstuk 9<br />
invloede toegeskryf dat hoogverraad die karakter aangeneem het van<br />
ʼn misdaad teen die persoon van die vors. 11<br />
Namate die konsep van die staat as ʼn abstrakte entiteit losstaande<br />
van die vors erken is en namate die koning toenemend as die blote<br />
hoof en verteenwoordiger van die staat gesien is, het die beskouing<br />
ook algaande sterker geword dat hoogverraad wesenlik ’n misdaad<br />
teen die staat self, in plaas van teen die vors is. 12<br />
In Wes-Europa, waar die ontwikkeling van die reg aan die hand van<br />
die Corpus Iuris Civilis sorgvuldig aan die universiteite ontwikkel is,<br />
anders as in Engeland waar regsontwikkeling konkreet en prakties<br />
was, 13 het die beskouing oor hoogverraad ook verander. Daar is<br />
toenemend ingesien dat, ofskoon die koning die staat<br />
verteenwoordig, die staat en die vors allermins ʼn enkele entiteit is 14<br />
en dat hoogverraad teen die staat, en nie teen die vors nie, gepleeg<br />
word.<br />
Voor 1770 het dit nog algemeen in Europa voorgekom dat misdade<br />
wat die staats- (politieke) gesag en soewereiniteit uitgedaag het, in<br />
feodale terme omskryf is. Dit het beteken dat hoogverraad nog die<br />
stempel van die persoonlike feodale verhouding tussen die vors en die<br />
onderdaan gedra het. Dit is dus gesien as die verbreking van die<br />
persoonlike lojaliteit teenoor die koning as staatshoof, in plaas van<br />
troubreuk teen die onpersoonlike, abstrakte staat self. 15 Teen die<br />
tweede helfte van die agtiende eeu is die aanpassing in Oostenryk en<br />
Pruise gemaak, waardeur hoogverraad ʼn misdaad teen die staat in<br />
plaas van die vors geword het. Sodoende het die konsep van ʼn<br />
misdaad teen die staat as eiesoortige entiteit op die voorgrond<br />
getree. 16 Die ontwikkeling van hoogverraad tot ʼn misdaad teen die<br />
staat as abstrakte entiteit is ook deur die Romeins-Hollandse<br />
regskrywers verreken. Matthaeus wie se De Criminibus in 1644<br />
verskyn het, het reeds met hoogverraad in die moderne, abstrakte sin<br />
omgegaan. Hy het met verwysing na Bodin die begrip majestas<br />
benader deur dit met die staat self, in plaas van met die vors te<br />
vereenselwig. 17 Dieselfde geld vir Van der Linden wat in 1806<br />
hoogverraad in die moderne staatlike sin omskryf het op ʼn wyse wat<br />
11 Holdsworth (n 9 hierbo) (1942) Vol III.<br />
12 Holdsworth (n 9 hierbo) 322.<br />
13<br />
Sien byvoorbeeld R David en JEC Brierly Major Legal systems in the World Today<br />
(1985) 40- 49; 338-339.<br />
14 Von Bar (n 4 hierbo) 281.<br />
15<br />
Ingraham (n 3 hierbo) 39.<br />
16 Ingraham (n 3 hierbo) 48.<br />
17 A Matthaeus On Crimes: A commentary on Books XLVII and XLVIII of the Digest<br />
(Geredigeer en in Engels vertaal deur ML Hewitt en BC Stoop) (1993) Vol II:<br />
48.2.3-4 (212-213).
Twee grepe uit die reg kragtens die staatlike paradigma 245<br />
baie soortgelyk was aan die definisie wat aan die begin van hierdie<br />
hoofstuk verstrek is. 18<br />
In Engeland is daar teen die sestiende eeu ingesien dat Edward se<br />
wetgewing van twee eeue tevore heeltemal ontoereikend was om die<br />
staat in sy veranderende vorm te beskerm. Die nuwe territoriale staat<br />
was teen daardie tyd stewig gevestig en daar is aanvaar dat trou<br />
teenoor die staat voorrang bo alle ander verhoudings moes geniet. 19<br />
Twee strategieë is gevolg om die reg oor hoogverraad as ’t ware op<br />
datum te bring ten einde dit te laat voldoen aan die<br />
beskermingsbehoeftes van die territoriale staat. Eerstens is heelwat<br />
nuwe wetgewing aanvaar wat al hoe meer handelinge binne die<br />
trefwydte van die definisie van hoogverraad geplaas het. 20<br />
Van heelwat meer belang — en tipies van die Engelse regstradisie<br />
— is egter die feit dat die bestaande verouderde wetgewing van<br />
Edward by wyse van konstruktiewe interpretasie deur die howe tot die<br />
moderne misdaad teen die staat uitgebrei is. 21 Dit was juis in die<br />
tweede helfte van die sestiende eeu, in die stadium toe die<br />
territoriale staat met sy permanente abstrakte karakter besig was om<br />
sy dinastiese voorganger te vervang, dat die strategie van<br />
konstruktiewe interpretasie ʼn beduidend andersoortige inhoud aan<br />
die misdaad besorg het. 22<br />
Die opset (bedoeling) om die koning te dood, of in die woorde van<br />
Edward III se statuut compassing or imagining the king’s death, is deur<br />
konstruktiewe interpretasie so uitgebrei dat dit uiteindelik nie net die<br />
koning nie, maar ook die voortbestaan en stabiliteit van die staat<br />
onder beskerming geneem het. 23 In die begin van die sewentiende<br />
eeu, in die tyd van Edward Coke, was die proses van konstruktiewe<br />
interpretasie reeds goed gevestig. 24 In die tweede helfte van die<br />
sewentiende eeu het dit nog meer momentum gekry. Al meer<br />
handelinge wat in werklikheid teen die staat gemik was, is as opset<br />
om die koning te dood vertolk en sodoende onder die omskrywing van<br />
die antieke Edwardiaanse hoogverraadsomskrywing tuisgebring. 25<br />
Die patroon van troubetuiging het in die proses ingrypend<br />
verander. Waar trou vroeër aan ʼn persoonlike vors verskuldig was,<br />
18<br />
J van der Linden Regtsgeleerd, Practicaal en Koopmanshandboek (1806) 228<br />
contra DG van der Keesel Lectures on Books 47 and 48 of the Digest Vol II (Latynse<br />
teks geredigeer en in Engels vertaal deur B Beinart en P van Warmelo) (1972) Vol<br />
II 641-647.<br />
19 Holdsworth (n 9 hierbo) (1937) 310.<br />
20 Holdsworth (n 9 hierbo) (1945) (Volume IV) 496-498.<br />
21<br />
Holdsworth (n 9 hierbo) (1937) 310-314; Ingraham (n 3 hierbo) 51.<br />
22 Holdsworth (n 9 hierbo) (1937) 310.<br />
23 Holdsworth (n 9 hierbo) (1937) 310.<br />
24<br />
Holdsworth (n 9 hierbo) (1937) 311.<br />
25 Holdsworth (n 9 hierbo) (1937) 314.
246 Hoofstuk 9<br />
moes dit voortaan aan die onpersoonlike staat betuig word. 26 Ofskoon<br />
die verandering ingrypend was, het dit weens die subtiliteit van<br />
konstruktiewe interpretasie geruisloos geskied — heel anders as wat<br />
opmerklike verandering van die teks van die misdaadsdefinisie sou<br />
meebring. In weerwil van die feit dat hoogverraad reeds lank ʼn<br />
misdaad teen die staat was, is dit steeds in anachronistiese terme<br />
geformuleer asof dit ʼn misdaad teen die vors is. 27 Die Engelse juris,<br />
Blackstone, het hoogverraad byvoorbeeld in die tweede helfte van die<br />
agtiende eeu op ʼn wyse voorgestel wat die voorafgaande<br />
ontwikkelings verdoesel het en die misdaad steeds na die verouderde<br />
feodale vorm daarvan laat lyk het. 28 Quentin Skinner wys daarop dat<br />
die verandering in die aard van hoogverraad nogtans nie Hobbes se<br />
aandag ontsnap het nie. Hobbes het reeds in De Cive daarop gewys dat<br />
trou nie (meer) aan diegene wat die soewereiniteit uitgeoefen het —<br />
die vors — verskuldig was nie, maar wel aan die soewereiniteit<br />
inherent aan die staat self. 29 Minstens sedert die Glorious Revolution<br />
in 1689 is dit in Engeland ʼn uitgemaakte saak dat hoogverraad ʼn<br />
misdaad teen die konstitusionele orde van die staat self is, en nie<br />
meer teen die vors nie. 30<br />
Wat opvallend uit die uiteensetting hierbo na vore tree, is dat die<br />
reg aangaande hoogverraad in sy moderne vorm saam met die<br />
territoriale staat die lig gesien het. Toe die dinastiese staat plek vir<br />
die territoriale staat gemaak het, het dinastiese hoogverraad wat die<br />
vors beskerm het, eweneens die wyk geneem ten einde plek te maak<br />
vir staatlike hoogverraad wat die voortbestaan van die abstrakte<br />
onpersoonlike staat op die hart dra.<br />
Die logika van die reg aangaande hoogverraad is dat die onderdaan<br />
trou aan die staat verskuldig is, in ruil vir die staat se<br />
beskermingsverpligting jeens die burger. 31 Ofskoon die misdaad<br />
suggereer dat die reëls daarvan in ʼn kontraktuele verhouding tussen<br />
die owerheid en onderdaan geanker is en dus ʼn kontraktuele karakter<br />
vertoon, is dit slegs die burger se troupligtigheid wat juridies<br />
afdwingbaar is (en strafregtelik gesanksioneer word), terwyl die<br />
burger se reg ingevolge die staat se verpligting daarenteen<br />
onafdwingbaar is. 32 Daar kan tans moontlik geargumenteer word dat<br />
die staat die verpligting dra om grondwetlike regte van individue<br />
26<br />
Q Skinner ‘The State’ in T Ball et al (reds) Political Innovation and Conceptual<br />
27<br />
Change (1989) 124.<br />
O Hood Phillips en P Jenkins Constitutional and Administrative Law (1978) 457;<br />
CR Snyman ‘Die trouvereiste by hoogverraad’ (1988) 1 SA Tydskrif vir<br />
28<br />
29<br />
30<br />
31<br />
Strafregspleging 6.<br />
Ingraham (n 3 hierbo) 51-52.<br />
Skinner (n 26 hierbo) 124.<br />
Ingraham (n 3 hierbo) 52.<br />
GL Williams ‘The correlation of allegiance and protection’ (1948-50) 10<br />
32<br />
Cambridge Law Journal 56.<br />
Williams (n 31 hierbo) 58.
Twee grepe uit die reg kragtens die staatlike paradigma 247<br />
gestand te doen. Die argument is nie heeltemal ongeldig nie, maar<br />
soos daar in hoofstuk 8 verduidelik is, het die regte egter die<br />
kontraproduktiewe uitwerking om individuele afhanklikheid van die<br />
staat te vererger, waardeur die individu se posisie jeens die staat<br />
verder verswak word. Bowendien, selfs indien ʼn hof die uitvoerende<br />
gesag by wyse van hofbevele sou gelas om sy verpligtinge<br />
voortspruitend uit die regte van die burgers na te kom, is die burgery<br />
in die laaste instansie op die goedgesindheid van die uitvoerende<br />
gesag aangewese om die bevele uit te voer. 33 Sou die uitvoerende<br />
gesag dergelike bevele nie wil uitvoer nie, is daar ten slotte geen<br />
juridies gesanksioneerde dwangmaatreël kragtens die positiewe reg<br />
beskikbaar wat die uitvoerende gesag tot die nakom van sy<br />
verpligtinge kan forseer nie.<br />
Die inhoud van die staat se verpligting jeens sy troupligtiges<br />
(meesal, ofskoon nie altyd nie, die burgers van die betrokke staat) 34<br />
is van sowel ʼn positiewe as ʼn negatiewe aard. Die positiewe sy van die<br />
verpligting behels in die eerste plek dat die staat sy troupligtiges deur<br />
mag, wettige geweld en oorreding teen wederregtelike optrede van<br />
ander moet beskerm. 35 Die negatiewe aspek van die verpligting hou<br />
in dat die staat in die loop van sy optrede respek aan sy troupligtiges<br />
moet betoon, deurdat die staat sy funksionarisse moet weerhou van<br />
enige onregmatige optrede. 36 Dit sluit in dat die funksionarisse van<br />
die staat kragtens die reg van die staat moet optree en dat individue<br />
op die beskerming van die huishoudelike reg van die staat kan reken.<br />
Die staat sal gevolglik nie daarop geregtig wees om ingevolge die act<br />
of state-leerstuk op die uitsluiting van die reg met betrekking tot<br />
bepaalde individue aanspraak te kan maak nie. 37 Desnieteenstaande<br />
is die kwesbaarheid van die individu se posisie kragtens die<br />
hoogverraadsreg duidelik gedurende die 1980's in Suid-Afrika<br />
gedemonstreer, toe verskeie swart aktiviste op grond van hulle<br />
bedrywighede teen die destydse blanke minderheidsregering weens<br />
hoogverraad vervolg is. 38 Die troupligtigheid van die beskuldigdes het<br />
in slegs een van die gedinge ter sprake gekom, toe daar beslis is dat<br />
33 Dit is in die onlangse verlede grafies in Suid-Afrika gedemonstreer met die staat<br />
se knaende versuim om hofbevele na te kom. Sien Nyathi v MEC for the<br />
Department of Health 2008 9 BCLR 865 (KH).<br />
34 Oor wie almal troupligtig is, sien JRL Milton South African Criminal Law and<br />
Procedure Vol II: Common Law Crimes (1996) 28-31.<br />
35 Williams (n 31 hierbo) 58. Hierdie verpligting is onder meer in artikel 12(1)(c) van<br />
die huidige Suid-Afrikaanse grondwet opgeneem. Selfs al was daar nie in<br />
uitdruklike terme so ’n grondwetlike bepaling nie, sou daar nogtans so ’n<br />
verpligting bestaan het aangesien dié soort verpligting die grondslag is waarop die<br />
staat gebaseer is. Sien hieroor K Malan ‘The inalienable right to take the law into<br />
our own hand versus the faltering state’ (2007) TSAR 642 et seq.<br />
36 Williams (n 31 hierbo) 58.<br />
37 Williams (n 31 hierbo) 63.<br />
38<br />
Sien byvoorbeeld S v Lubisi and Others 1982 3 SA 113 (A), S v Tsotsobe and Others<br />
1983 1 SA 856 (A), S v Zwane and Others (3) 1989 3 SA 254 (A).
248 Hoofstuk 9<br />
die betrokke beskuldigdes wel troupligtig was. 39 In die ander sake is<br />
die trouverpligting nie geopper nie. Ofskoon die staat op die trou van<br />
die beskuldigdes geregtig was, was al die beskuldigdes, synde swart<br />
persone, op daardie stadium van belangrike burgerlike en politieke<br />
regte in Suid-Afrika uitgesluit en kon hulle nie ingevolge die geykte<br />
reëls van staatlike demokrasie aan die politieke proses deelneem nie.<br />
Ofskoon die staat dus trou van die beskuldigdes geëis het, het die<br />
destydse posisie wat in Suid-Afrika gegeld het die uitwerking gehad<br />
dat die staat inderdaad ontrou was teenoor die beskuldigdes asook<br />
teenoor almal wat in ʼn soortgelyke posisie as die beskuldigdes was.<br />
Daar mag gesê word dat voormelde hoogverraadsake in die laaste<br />
fase van die blanke minderheidsbewind in Suid-Afrika maar net dui op<br />
die wyse waarop die reg rakende hoogverraad in die destydse orde tot<br />
voordeel van die staat aangewend is, met ander woorde, dat dit nie<br />
daarop dui dat die hoogverraadsreg die staatlike orde per se tot<br />
voordeel strek en individue mag benadeel nie. Tog was die<br />
hoogverraadsreg inderdaad nie net die tydelike en toevallige werktuig<br />
van die blanke minderheidsregering nie. Inteendeel, dit was<br />
inderdaad ʼn juridiese strategie waardeur die staat en staatlike<br />
identiteit tot nadeel van nie-staatlike formasies en nie-staatlike<br />
identiteit bevoordeel is.<br />
Gedurende die Tweede Anglo Boereoorlog van 1899 tot 1902 is<br />
talle Kaapse en Natalse Afrikaners weens beweerde hoogverraad<br />
vervolg. 40 Die sarsie hoogverraad-verhore wat hieruit voorgespruit<br />
het, bied ʼn treffende demonstrasie van die wyse waarop die<br />
hoogverraadsreg aangewend is om staatlike identiteit in te hamer en<br />
wedywerende nie-staatlike identiteite te bestraf. Baie Afrikaners van<br />
die Kaap en Natal wat onder Britse koloniale bestuur was, was<br />
eensgesindheid met hulle taal- en etniese genote (en dikwels<br />
bloedverwante) van die republikeinse Vrystaat en Transvaal. Hulle<br />
was egter Britse onderdane en as sodanig trou aan Brittanje<br />
verskuldig. Gevolglik is hulle gekonfronteer met die dilemma van<br />
dubbele identiteit en dubbele lojaliteit: enersyds was daar die reële<br />
en eksistensiële identiteit as Afrikaners waardeur hulle dit eens was<br />
met hulle volksgenote in die republikeinse noorde. Al wat hulle van<br />
mekaar geskei het, was arbitrêr afgebakende staatsgrense wat<br />
opsigself die produk van imperiale Engeland se koloniale<br />
bedrywighede was. Daarenteen was daar die abstrakte juridies<br />
afgedwonge identiteit as Britse onderdane wat trou aan Brittanje<br />
39 S v Tsotsobe (n 38 hierbo).<br />
40<br />
Sommige van die sake is gerapporteer, soos R v Prozesky 1900 (NLR) 216, R v<br />
Badenhorst 1900 (NLR) 227, R v Adendorff 1900 (NLR) 230, R v Bester 1900 (NLR)<br />
237, R v Marais 1900 (NLR) 242, R v De Jager 1901 (NLR) 65, R v Dohne 1901 (NLR)<br />
175 en R v Venter 1901 (NLR) 185. Sien ook die uitsprake in die Kaapse<br />
hoogverraadsverhore (die Colesbergse en Dordrechtse verhore).
Twee grepe uit die reg kragtens die staatlike paradigma 249<br />
vereis het. Vir baie Afrikaners in die Kaap en Natal was dit die<br />
natuurlikste ding om hulle eerder by hulle volks- en taalgenote te<br />
skaar, as om op grond van ʼn eksistensieel niksseggende, maar juridies<br />
afdwingbare, identiteit as Britse onderdane trou te wees aan ʼn<br />
vreemde oorsese moondheid met dominiums in Afrika. Hierdie<br />
sentiment is versterk deur die klaarblyklik aggressiewe aard van die<br />
Britse koloniale beleid jeens die Boererepublieke. 41<br />
Die dilemma van die koloniale Afrikaners in die Kaap en Natal was<br />
dat daadwerklike bystand aan hul republikeinse volksgenote op ʼn<br />
verbreking van die juridies opgelegde trouverpligting jeens Brittanje<br />
neergekom het, waardeur hulle, hulle aan hoogverraad sou skuldig<br />
maak. In die Colesbergse hoogverraad-uitspraak is Kaapse Afrikaners<br />
se bystand wat uit hoofde van etniese sentiment aan die Boeremagte<br />
verleen is, juis as een van die ergste vorme van hoogverraad<br />
beskryf. 42 Daarenteen was die nougesette nakoming van die<br />
trouverpligting aan Brittanje en die gelyktydige versuim om<br />
Afrikanervolksgenote te ondersteun egter moreel verraderlik. ʼn Keuse<br />
moes derhalwe tussen verraad en verraad gemaak word: verraad teen<br />
die vreemde Britse staat, of verraad teen die eie kultuurgemeenskap.<br />
Die strafregtelike reëls rakende hoogverraad is egter so ontwerp<br />
dat dit die juridies-geïnspireerde staatlike identiteit verskans. In die<br />
onderhawige geval was die uitwerking daarvan om hegte etniese en<br />
taalbande en bande wat deur ʼn gemeenskaplike historiese belewenis<br />
gesmee is, juridies te veroordeel en Afrikaners, tot voordeel van die<br />
juridiese status van Britse onderdaanskap, tot verraad (of minstens<br />
verloëning) van hulle eie volksgenote te dwing. Die immorele<br />
uitwerking van vervolging weens hoogverraad spreek vanself hieruit.<br />
Die doel waarvoor die misdaad bestaan, naamlik om trou jeens die<br />
staat af te forseer, vereis egter dié immorele middele.<br />
Leviatan — die sterflike god — is ʼn jaloerse god en duld nie die<br />
aansprake van mededingers nie. Hy bestraf ook die afdwaling van<br />
troupligtiges wat meer lojaal teenoor iets anders as Leviatan self blyk<br />
te wees.<br />
In hoofstuk 6 is uiteengesit hoe die politieke ideologie van<br />
nasiebou, oftewel staatsbou, staatlike burgerskap tot die enigste<br />
openbare identiteit verhef het en alle ander identiteite óf aktief<br />
beveg óf minstens ontmoedig.<br />
41 Sien hieroor onder meer J Marlowe Milner: Apostle of Empire (1976) 58-75 waar<br />
beskryf word hoe die Britse Hoë Kommissaris vir Suid-Afrika, Alfred Milner,<br />
ondersteun deur die Minister van Kolonies, Joseph Chamberlain, berekend ʼn<br />
Britse oorlog teen die Boererepublieke afgedwing en alle kompromiemoontlikhede<br />
wat ʼn gewapende konflik kon verhoed, berekend laat skipbreuk ly<br />
het.<br />
42 Sien die Kaapse hoogverraadverhore (n 40 hierbo).
250 Hoofstuk 9<br />
Die inhoud en werking van die trouverhouding teenoor die staat<br />
ingevolge die omskrywing van die hoogverraadsmisdaad het dieselfde<br />
uitwerking. Dit verhef die staat met behulp van die reëls van die<br />
strafreg tot die hoogste en enigste regsbeskermingswaardige entiteit.<br />
In die proses offer dit desnoods alle ander, dikwels veel hegter<br />
gemeenskapsvorme op, wat op daadwerklike eksistensiële<br />
gemeenskaplikhede van taal, kultuur, bloedverwantskap en gedeelde<br />
historiese belewenis berus.<br />
Die regsreëls aangaande gemeenregtelike misdrywe kom altyd<br />
polities neutraal voor weens die feit dat dit binne die wasige newels<br />
van die verre verlede beslag gekry het. Hoogverraad is ook so ʼn<br />
misdryf. Die hoogverraadsreg vertoon oënskynlik dieselfde politiek<br />
onpartydige karakter. Die werklikheid is egter dat die reg ten aansien<br />
van hoogverraad as ʼn staatsboutstrategie funksioneer. Dit is die<br />
manier waarop die strafreg tot diens van die staatlike paradigma en<br />
staatlike identiteit gestel word en dit werk tot nadeel van<br />
daadwerklike (nie-staatlike) gemeenskappe wat op reële<br />
gemeenskaplikhede gegrond is.<br />
3 Die onskendbaarheid van die staat:<br />
(Territoriaal-)staatlike selfbeskikking<br />
Die huidige internasionale reg en die territoriale staat is albei aspekte<br />
van staatlikheid. Hulle het albei in dieselfde tydvak — in die sestiende<br />
en sewentiende eeue — beslag gekry. Die internasionale reg was<br />
sedertdien en is steeds in ʼn hoë mate interstaatlike reg. Dit verreken<br />
en weerspieël die belange van die territoriale staat en funksioneer in<br />
die eerste plek ter instandhouding van die territoriaalstaatlike status<br />
quo. Die (territoriaal)staatlike model van die internasionale reg en<br />
internasionale betrekkinge waarna soms as die Wesfale-model verwys<br />
word, 43 werk met ʼn min of meer geslote aantal state as ʼn basiese<br />
vertrekpunt en gaan uit van drie fundamentele vertrekpunte:<br />
staatlike soewereiniteit, territoriale integriteit en ʼn verbod op die<br />
inmenging in die huishoudelike aangeleenthede van state. 44 Die drie<br />
vertrekpunte vorm ʼn logiese geheel en al drie funksioneer konsekwent<br />
ter instandhouding van die bestaande territoriale state.<br />
Dienooreenkomstig is die internasionale reg ʼn onmiskenbare produk<br />
van die staatlike paradigma.<br />
43<br />
A Cassese Self-determination of peoples: A legal reappraisal (1995) 325.<br />
44 Cassese (n 43 hierbo) 353. Soewereine gelykheid van lidstate van die VN is volgens<br />
artikel 2(1) van die Handves van die organisasie een van die basiese beginsels van<br />
die VN. Die verbod op inmenging in die binnelandse aangeleenthede van ʼn staat<br />
word vervat in artikel 2(7) van die Handves.
Twee grepe uit die reg kragtens die staatlike paradigma 251<br />
Die internasionale of, meer korrek, die interstaatlike stelsel wat<br />
na die Tweede Wêreldoorlog ontplooi het, is ʼn voortsetting van die<br />
eeue-oue Wesfaalse model. (Wesfale-model na aanleiding van die<br />
Vrede van Wesfale van 1648 na afloop van die Dertigjarige Oorlog). Dit<br />
dien steeds primêr die belange van die bestaande state wat hierdie<br />
orde konstitueer 45 en beskut die state teen drastiese verandering.<br />
Dienooreenkomstig gaan juriste op die gebied van die internasionale<br />
reg algemeen van die veronderstelling uit dat die aardoppervlakte<br />
sedert die einde van dekolonisasie met ʼn vaste aantal state bedek is<br />
en dat die geskiedenis van staatsvorming, op enkele uitsonderings na,<br />
basies ʼn eindpunt bereik het. 46 Die vorming van nuwe state<br />
voortspruitend uit die wense van eiesoortige gemeenskappe wat hulle<br />
weens arbitrêre grensafbakening toevallig in ʼn bepaalde territoriale<br />
staat bevind, word alleen met die hewigste teenstand en die grootste<br />
wroeging erken. Die belangrikste internasionale organisasies, met die<br />
VN en die Afrika-Unie (en sy voorganger, die Organisasie vir Afrika-<br />
Eenheid) op die voorpunt, waak eweneens getrou om die bestaande<br />
staatlike orde teen enige noemenswaardige verandering te beveilig en<br />
nuwe staatsvorming uit die bestaande state te verhoed. Die twee<br />
organisasies is grotendeels konsekwent in hul verset teen ʼn konsep<br />
van selfbeskikking wat kan lei tot die herafbakening van staatsgrense<br />
en die ontstaan van nuwe state. Die VN se ondersteuning van<br />
dekolonisasie was nie ʼn uitsondering hierop nie. Inteendeel, dit was<br />
juis deel van die algemene patroon om staatsgrense in stand te hou.<br />
Daarvolgens het die VN dekolonisasie ondersteun op die grondslag van<br />
die proto-territoriale state (die kolonies) wat deur die eertydse<br />
koloniale moondhede geskep is, dit wil sê op die grondslag van<br />
kunsmatige grense soos deur dié moondhede bepaal en sonder<br />
inagneming van enige demografiese faktore of die wil van die eertyds<br />
gekoloniseerde bevolkings. 47 Die state wat gevolglik met die vertrek<br />
van die koloniale heersers in Afrika agtergelaat is, is state op grond<br />
van die koloniale grense soos die koloniale heersers dit arbitrêr op die<br />
Afrika-kontinent uitgekerf en op die bevolkings van Afrika afgedwing<br />
het. 48 Deur dit te doen, is die territoriaalstaatlike orde ook in die<br />
voormalig gekoloniseerde gebiede gevestig.<br />
Die drie fundamentele postulate van die bestaande<br />
internasionaalregtelike orde, wat hierbo genoem is — staatlike<br />
soewereiniteit, territoriale integriteit en ʼn verbod op die inmenging<br />
in die interne sake van state — lewer ook ʼn eiesoortige beskouing van<br />
selfbeskikking op. Dit is ʼn staatlike (meer spesifiek territoriaal-<br />
45 A Heraclides ‘Secession, self-determination and nonintervention: in quest of a<br />
46<br />
normative symbiosis’ (1991) 45 Journal of International Affairs 4.<br />
C Tomuschat (red) ‘Self-determination in a post-colonial world’ in C Tomuschat<br />
47<br />
(red) Modern Law of Self-Determination (1993) 5.<br />
SJ Anaya ‘The capacity of international law to advance ethnic and nationality<br />
48<br />
rights claims’ in W Kymlicka (red) The Rights of Minorities (1995) 324.<br />
Sien hoofstuk 6.1.
252 Hoofstuk 9<br />
staatlike) opvatting van selfbeskikking. Daarvolgens setel die reg op<br />
selfbeskikking in die territoriale staat as kollektiewe entiteit, ongeag<br />
die uiteenlopende belange, behoeftes en politieke aspirasies van die<br />
heterogene bevolkings wat daarin gehuisves word. Dit vestig ook,<br />
ongeag die feit dat die politieke aspirasies van nie-dominante<br />
gemeenskappe deur ʼn dominante gemeenskap in sulke multinasionale<br />
territoriale state onderdruk en die kulturele identiteit van sodanige<br />
gemeenskappe grof misken mag word. Die regverdige konstitusionele<br />
akkommodasie van die aspirasies van nie-dominante gemeenskappe —<br />
in die besonder van nasionale minderhede — sal noodwendig meebring<br />
dat bestaande state se soewereiniteit in die gedrang kom en dat<br />
aanpassings aan bestaande staatsgrense gedoen sal moet word, wat<br />
meebring dat die territorium van die staat nie meer onskendbaar sal<br />
wees nie. Die bestaande staatlike orde kan dus nie gehandhaaf word,<br />
indien daar regverdig uitdrukking gegee word aan die politieke<br />
aspirasies van die nasionale gemeenskappe wat in sulke<br />
(multinasionale) territoriale state voorkom nie. Aan die hand van die<br />
staatlike paradigma en in diens van staatlike identiteit moet ʼn konsep<br />
van staatlike selfbeskikking derhalwe noodwendig aangehang word,<br />
waarvolgens selfbeskikking in die staat self, in plaas van enige<br />
partikuliere gemeenskappe setel. Hierdie konsep van staatlike<br />
selfbeskikking pas in en vorm ʼn logiese geheel met staatsbou,<br />
staatlike demokrasie en staatlike menseregte wat in hoofstuk 6, 7 en<br />
8 behandel is. Dit alles is manifestasies van die staatlike paradigma en<br />
dienaars van staatlike identiteit.<br />
Teenoor die staatlike selfbeskikking van die bestaande<br />
internasionaalregtelike orde staan ʼn alternatiewe beskouing van die<br />
beginsel van selfbeskikking. Dit is nasionale selfbeskikking<br />
waarvolgens nie die staat nie, maar nasionale gemeenskappe —<br />
volkere of kultuurgemeenskappe — die reghebbendes is in wie die reg<br />
op selfbeskikking setel. Beskou vanuit die oogpunt van die<br />
territoriaalstaatlike status quo is hierdie beginsel radikaal en<br />
ondermynend, 49 want indien uitvoering daaraan gegee word, is dit<br />
onmoontlik om die bestaande staatlike status quo ongeskonde in<br />
stand te hou. Die tradisionele beginsels van staatlike soewereiniteit,<br />
territoriale integriteit en staatlike selfbeskikking waak juis teen die<br />
radikale verandering en die ontwrigting wat op sterkte van die<br />
beginsel van nasionale selfbeskikking teweeg gebring sal word. 50 Dit<br />
is juis vanweë die druk wat nasionale selfbeskikking op die bestaande<br />
staatlike orde plaas dat die tradisionele internasionale reg afwysend<br />
daarteenoor staan. 51<br />
49 Cassese (n 43 hierbo) 340.<br />
50<br />
Cassese (n 43 hierbo) 317-317, 325; Anaya (n 47 hierbo) 327.<br />
51 Anaya (n 47 hierbo) 327.
Twee grepe uit die reg kragtens die staatlike paradigma 253<br />
Binne die internasionale reg vind ons dus ʼn botsing tussen<br />
behoudende tradisionele staatsoewereiniteit, wat uitdrukking vind in<br />
die beginsel van territoriaalstaatlike selfbeskikking, wat die<br />
ongeskonde behoud van die bestaande territoriale staat vooropstel<br />
teenoor nasionale selfbeskikking, 52 wat ʼn menseregtelike karakter<br />
het en die gelyke demokratiese grondwetlike akkommodasie van<br />
nasionale gemeenskappe eerste stel en met die oog daarop dikwels<br />
juis op die verandering van die bestaande staatlike orde aandring.<br />
3.1 Geskiedenis<br />
Die moderne idee van nasionale selfbeskikking het sy verskyning na<br />
die Eerste Wêreldoorlog gemaak toe die destydse president van die<br />
VSA, Woodrow Wilson, en die Bolsjewistiese leier, Vladimir Lenin, die<br />
selfbeskikkingsidee probeer gebruik het as die sleutel tot die<br />
herskikking van die toentertydse wêreldorde. 53<br />
Wilson se oortuiging van nasionale selfbeskikking het ingrypende<br />
implikasies vir die destydse wêreldorde ingehou. Die wil en aspirasies<br />
van volkere was vir Wilson die beslissende maatstaf vir die herskikking<br />
van staatsgrense, veral in die destyds verslane multinasionale Turkse<br />
en Oostenryk-Hongaarse ryke. 54 Teen die einde van die oorlog op 11<br />
Februarie 1918, verklaar Wilson:<br />
... every territorial settlement in this war must be made in the interest<br />
and for the benefit of the populations concerned, and not as a part of<br />
any mere adjustment or compromise of claims among rival States. 55<br />
Wilson se ideaal was dus om die staat in die vorm van die volk te giet 56<br />
en dus volkstate uit die verslane konglomeraat-ryke te bou. Indien<br />
hierdie beginsel universele aanwending sou vind, sou dit klaarblyklik<br />
die bestaande staatlike orde met sy groot hoeveelheid kultureel en<br />
etnies heterogene multinasionale territoriale state ernstig ontwrig<br />
het en tot staatsverbrokkeling gelei het. Indien nasionale<br />
selfbeskikking aan die hand van Wilson se denkwyse deurgevoer sou<br />
word, sou dit inderdaad, om Vernon Van Dyke te parafraseer, volkere<br />
maak en state breek. 57<br />
52<br />
Cassese (n 43 hierbo) 316-335; sien ook WM Reisman ‘Sovereignty and human<br />
rights in contemporary international law (1990) American Journal of<br />
53<br />
International Law 866 et seq.<br />
Cassese (n 43 hierbo) 14-23; GN Barrie ‘Self-determination in modern<br />
54<br />
55<br />
56<br />
international law’ (1995) Konrad Adenhauer Stiftung Occasional Papers 3.<br />
Cassese (n 43 hierbo) 20.<br />
Aangehaal Cassese (n 43 hierbo) 20.<br />
HA Strydom ‘Die volkeregtelike integreringsfunksie van die VVO’ ongepubliseerde<br />
LLD-proefskrif, Universiteit van Suid-Afrika (1989) 158, R Emerson From empire to<br />
57<br />
nation: the rise to self assertion of Asian and African peoples (1971) 463.<br />
Strydom (n 56 hierbo) 158.
254 Hoofstuk 9<br />
Wilson se selfbeskikkingsidee wyk grotendeels van die staatlike<br />
paradigma af. In hoofstuk 6 is verduidelik dat die staatlike paradigma<br />
die staat tot die aktiewe agent in die bepaling van politieke en<br />
regsreëlings verhef. Die tradisionele internasionale reg waarin<br />
staatlike soewereiniteit en territoriale onveranderlikheid van<br />
sleutelbelang is, vestig die staat ook in die internasionale sfeer as die<br />
aktiewe agent en primêre bevoordeelde. By Wilson word die logika<br />
omgekeer: die volk in plaas van die staat word die aktiewe agent en<br />
die primêre begunstigde.<br />
Die beginsel van nasionale selfbeskikking het egter, ondanks<br />
Wilson se pogings, uiteindelik grotendeels in die verdrae wat na<br />
afloop van die Eerste Wêreldoorlog gesluit is, 58 skipbreuk gely. 59 In<br />
die afwesigheid van selfbeskikking is daar in sommige gevalle vir die<br />
beskerming van nasionale minderhede voorsiening gemaak. 60<br />
Selfbeskikking sou gepaard gegaan het met die opbreek van<br />
bestaande en die totstandkoming van nuwe state. Selfbeskikking<br />
veronderstel dus dat daar aan elke volk politieke mag binne ʼn<br />
soewereine staat toegeken word. Die toeken van minderheidsregte<br />
hou egter nie dié radikale gevolge in nie. Dit hou steeds die bestaande<br />
state in stand en ken ook geen politieke mag aan die minderhede<br />
binne ʼn heterogene staat toe nie. Dit beskerm in ʼn bepaalde mate wel<br />
die minderhede se kulturele en linguistieke bates teen die<br />
meerderheidswil.<br />
Minderheidsregte kan dus gesien word as ʼn strategie om die meer<br />
verreikende implikasies van selfbeskikking, wat die hervasstelling van<br />
staatsgrense sou meebring, te verhoed. Minderheidsregte staan as ’t<br />
ware in vir die gebrek aan selfbeskikking. Dit staan ook in vir situasies<br />
waar gemeenskappe so geïntegreerd woon dat ʼn sinvolle territoriale<br />
reëling waardeur aan nasionale selfbeskikking uitdrukking gegee kan<br />
word, nie moontlik is nie.<br />
Ondanks die invloed van Wilson het die beginsel van nasionale<br />
selfbeskikking tot die politiek beperk gebly en kon dit nie daarin slaag<br />
om as regsbeginsel erkenning te kry nie. Staatsoewereiniteit en<br />
territoriale onskendbaarheid het steeds voorkeur bly geniet. 61<br />
Die ander groot krag agter selfbeskikking was Lenin. Anders as<br />
Wilson was sy fokus uitsluitlik op die vrywording van die koloniale<br />
gebiede gerig en nie op ʼn algemene reg op nasionale selfbeskikking<br />
58<br />
Sien oor die verdrae T van Wyk & M Boucher (reds) Europe 1848-1980 (1986) 249-<br />
59<br />
60<br />
61<br />
252.<br />
Cassese (n 43 hierbo) 25; Barrie (n 53 hierbo) 4.<br />
Cassese (n 43 hierbo) 26-30.<br />
Cassese (n 43 hierbo) 33.
Twee grepe uit die reg kragtens die staatlike paradigma 255<br />
nie. 62 Lenin se denkwyse oor selfbeskikking was daarop gemik om die<br />
verarmde koloniale bevolkings as deel van die proletariese kragte vir<br />
die deurvoer van die internasionale Bolsjewistiese rewolusie in te<br />
span. Dit was deel van ʼn strategie binne ʼn Bolsjewistiese raamwerk.<br />
Anders as by Wilson was dit nie ʼn algemene politieke beginsel (en<br />
aspirerende regsbeginsel) waarvolgens ʼn nuwe wêreldorde ingerig<br />
moes word nie.<br />
Toe Lenin sy selfbeskikkingsidee die eerste maal geopper het, het<br />
dit ook radikale implikasies ingehou. Koloniale ontvoogding is op<br />
daardie stadium nog nouliks in die vooruitsig gestel. Die koloniale idee<br />
van selfbeskikking was egter van veel geringer omvang as Wilson se<br />
(nasionale) selfbeskikkingskonsep. Lenin se opvattings — gerig deur<br />
die sosialistiese wêreldpolitiek van die Bolsjewisme — was tot die<br />
koloniale gebiede beperk. Gevolglik was die idee met die voltrekking<br />
van die dekolonisasieproses uitgespeel. Daarenteen was Wilson se<br />
selfbeskikkingsbeskouing van algemene belang. Dit was van<br />
toepassing op alle volkere, koloniaal sowel as nie-koloniaal. Dit sou<br />
dus relevant bly en trouens van groter belang word, selfs na afloop<br />
van dekolonisasie.<br />
Vanuit die staanspoor was daar dus twee opvattings oor<br />
selfbeskikkings: ʼn beperkte koloniale opvatting en ʼn algemene<br />
universele opvatting. Die spanning tussen die twee sou na die Tweede<br />
Wêreldoorlog en veral na die afloop van dekolonisasie hewiger word.<br />
Die koloniale opvatting het, soos aanstons aangetoon sal word, die<br />
konserwatiewe opvatting geword wat die internasionale orde soos dit<br />
onmiddellik na dekolonisasie daar uitgesien het, onveranderd wou<br />
behou. Die opvatting van nasionale selfbeskikking streef daarenteen<br />
na die verdere hervorming van die wêreldorde aan die hand van die<br />
noodsaak van staatsvorming volgens volksverskeidenheid.<br />
Die selfbeskikkingsidee het na die Tweede Wêreldoorlog sy<br />
herverskyning gemaak in ʼn kwalitatief nuwe gedaante, naamlik nie<br />
slegs as ʼn politieke leerstuk soos tevore nie, maar in die vorm van ʼn<br />
regsbeginsel.<br />
Artikel 1(2) van die Handves van die Verenigde Nasies bepaal<br />
naamlik dat dit een van die oogmerke van die VN is:<br />
to develop friendly relations among nations based on respect for the<br />
principle of equal rights and self-determination of peoples, and to take<br />
other appropriate measures to strengthen peace.<br />
Die verwysing na selfbeskikking in hierdie bepaling hou weliswaar nie<br />
veel praktiese implikasies in nie, maar is nogtans betekenisvol<br />
62 Cassese (n 43 hierbo) 14-19; Barrie (n 53 hierbo) 3-4.
256 Hoofstuk 9<br />
aangesien die selfbeskikkingsbegrip nou juridiese status verwerf het<br />
en boonop in die belangrikste multilaterale konvensie tot dusver<br />
vervat is. 63 Die potensiële konkrete belang van nasionale<br />
selfbeskikking (self-determination of peoples) word verder versterk<br />
deurdat die verwesenliking daarvan ook gestel word as een van die<br />
oogmerke van internasionale ekonomiese en maatskaplike<br />
samewerking. 64<br />
Nasionale selfbeskikking het sowat twee dekades hierna verdere<br />
juridiese erkenning gekry toe dit as eendersluidende bepalings in<br />
artikel 1 van die twee belangrikste VN-menseregte-verdrae, naamlik<br />
die Internasionale Verbond vir Burgerlike en Politieke Regte en die<br />
Internasionale Verbond vir Ekonomiese, Sosiale en Kulturele Regte,<br />
opgeneem is.<br />
Subartikel 1 van die twee bepalings lui:<br />
All peoples have the right to self-determination. By virtue of that right<br />
they freely determine their political status and freely pursue their<br />
economic, social and cultural development.<br />
Benewens in die multilaterale verdragsreg het die selfbeskikkingsbeginsel<br />
ook in van die mees toonaangewende VN-resolusies<br />
weerklank gevind.<br />
Artikel 2 van die Algemene Vergadering se Deklarasie oor die<br />
Verlening van Onafhanklikheid aan Koloniale Gebiede en Volkere 65<br />
gee aan nasionale selfbeskikking in presies dieselfde terme erkenning<br />
as die pas vermelde bepaling van die 1966-verbonde. Ofskoon ʼn<br />
Algemene Vergadering-resolusie nie regskeppend is nie, is die<br />
onderhawige resolusie nogtans veelbeduidend. In die voormalige<br />
gekoloniseerde gebiede en veral in Afrika is dit as een van die<br />
belangrikste — indien nie die belangrikste resolusie nie — beskou wat<br />
ooit deur die Algemene Vergadering aangeneem is. Die aanvaarding<br />
van hierdie resolusies het voorts gepaard gegaan met die<br />
onafhanklikwording van talle state in die Derde Wêreld. Die standpunt<br />
wat in die Deklarasie vervat is, kan gevolglik as die opinio iuriselement<br />
van bindende internasionale gewoontereg met betrekking tot<br />
selfbeskikking beskou word. 66<br />
Die reg op selfbeskikking word ook erken in die Algemene<br />
Vergadering se Deklarasie oor die Beginsels van die Internasionale Reg<br />
63<br />
64<br />
Cassese (n 43 hierbo) 43.<br />
Artikel 55 van die VN-Handves. Sien ook artikel 76 van die Handves waarin<br />
selfbeskikking, weliswaar in ander terme, as een van die uiteindelike doelwitte<br />
65<br />
66<br />
van die Trusteeskap-stelsel gestel word.<br />
Algemene Vergadering Resolusie 1514 (XV) van 14 Desember 1960.<br />
Sien byvoorbeeld Emerson (n 56 hierbo) 460-461.
Twee grepe uit die reg kragtens die staatlike paradigma 257<br />
rakende Vriendskaplike Betrekkinge en Samewerking tussen State<br />
ooreenkomstig die Handves van die VN. 67 Hierdie resolusie is<br />
eweneens een van die Algemene Vergadering se belangrikste<br />
standpuntinnames. 68<br />
Die selfbeskikkingsbeginsel het ook in regionale konvensies<br />
neerslag gevind. In Europa het die (op daardie stadium) 35 state van<br />
die Konferensie vir Veiligheid en Samewerking in Europa op 2 Augustus<br />
1975 die Helsinki Finale Verklaring aanvaar 69 waarin daar vir ʼn baie<br />
wyd omskrewe nasionale selfbeskikkingsreg voorsiening gemaak word.<br />
Dit lui:<br />
By virtue of the principle of equal rights and self-determination of<br />
peoples all peoples always have the right in full freedom to determine<br />
when as they wish, their internal and external political status, without<br />
external interference, and to pursue as they wish their political,<br />
economic and cultural development.<br />
Die verklaring stel nie opsigself bindende reg daar nie, maar is nogtans<br />
ʼn belangrike aanduiding van groeiende opinio iuris ten gunste van<br />
nasionale selfbeskikking as afdwingbare reg.<br />
3.2 Ontleding<br />
Die indruk wat deur die talle gevalle van erkenning van nasionale<br />
selfbeskikking gewek word, is dat die tradisionele beginsels van<br />
staatlike soewereiniteit en territoriale integriteit bes gegee het. Dit<br />
is bykans vanselfsprekend dat aanvaar moet word dat die bestaande<br />
staatsgrense noodwendig hersien sal moet word ten einde na behore<br />
uitdrukking te gee aan die beginsel van nasionale selfbeskikking. Dit<br />
wil dus lyk asof die bestaande internasionale reg tekens toon dat dit<br />
mag meegee onder die druk van nasionale selfbeskikking.<br />
Dit is weliswaar korrek dat die hoekstene van die tradisionele<br />
internasionale reg onder druk verkeer. Nogtans is regsmaatreëls<br />
noukeurig getref om te sorg dat die geykte beginsels van staatlikheid<br />
teen die aanvegting van nasionale selfbeskikking stand hou om<br />
sodoende die bestaande internasionale orde se stabiliteit te beskerm<br />
teen staatsverdeling en sesessie wat dikwels deur nasionale<br />
selfbeskikking meegebring sal word. 70 Op hierdie manier word die<br />
67<br />
Algemene Vergadering Resolusie 2625 (XXV) van 15 Desember 1970.<br />
68 Barrie (n 53 hierbo) 8; I Brownlie Basic documents of international law (1972) 32.<br />
69 Cassese (n 43 hierbo) 284.<br />
70<br />
Die ontstaan van nuwe state, die vrye assosiasie van ʼn volksgroep wat binne ʼn<br />
gebied in staat A woon met staat B, of die integrasie van ʼn gebied in ʼn bestaande<br />
staat met ʼn ander een is alles moontlikhede wat deur sesessie meegebring kan<br />
word. Sien R McCorquondale ‘South Africa and the right of self-determination’<br />
(1994) 10 SAJHR 7. Oor die onderskeid tussen eksterne en interne selfbeskikking,
258 Hoofstuk 9<br />
wedywering tussen die tradisionele beginsel van territoriale<br />
integriteit en nasionale selfbeskikking wat tot sesessie kan lei, 71<br />
konsekwent ten gunste van die tradisionele beginsel besleg. 72 In elk<br />
van die pasvermelde instrumente, waarin daar vir selfbeskikking<br />
voorsiening gemaak word, word ook bepalings aangetref wat die<br />
konkrete implikasies van selfbeskikking beperk. Waar die instrumente<br />
dus met die eerste lees progressief mag voorkom, blyk hulle by<br />
verdere oorweging grootliks slegs verfynde skakerings van die<br />
staatlike paradigma te wees. 73 Sodoende behou staatlike identiteit<br />
ook sy voorkeurposisie bo nasionale identiteit, of enige ander<br />
identiteit wat moontlik vir staatlike identiteit ʼn bedreiging kan inhou.<br />
(a) Artikel 1 van die 1966-verbonde<br />
Toe die voorbereidende werk vir die aanname van artikel 1 van die<br />
1966-verbonde voltooi is, is algemeen aanvaar dat selfbeskikking ʼn<br />
algemene regsaanspraak is, wat alle volkere toekom en dus nie tot<br />
koloniale bevolkings beperk is nie. 74 Die bewoording van die bepalings<br />
waarin na alle volkere verwys word, laat dan ook geen twyfel oor die<br />
universele trefwydte van die selfbeskikkingsaanspraak nie. So<br />
eenvoudig was dit egter nie. Die voorbereidingswerk aan die bepaling<br />
wat as uitleg-hulpmiddel gebruik mag word, 75 dui daarop dat ʼn<br />
afskeidingsreg nie met die bepaling beoog is nie en dat daar juis<br />
gevrees is dat die bepaling vir dié doel aangewend kan word. 76<br />
Artikel 1 moet voorts in samehang met artikel 27 van die<br />
Internasionale Verbond vir Burgerlike en Politieke Regte gelees word<br />
wat vir minderheidsregte voorsiening maak. Dit bepaal:<br />
In those States in which ethnic, religious or linguistic minorities exist,<br />
persons belonging to such minorities shall not be denied the right, in<br />
community with the other members of their group, to enjoy their own<br />
culture, to profess and practice their own religion, or to use their own<br />
language.<br />
Op sterkte hiervan word oortuigend geargumenteer dat die prima<br />
facie algemene werking van artikel 1 wesenlik deur artikel 27<br />
gekwalifiseer word. Die effek hiervan is dat etniese groepe nie<br />
70<br />
sien P Thornberry ‘The democratic and internal aspect of self-determination with<br />
some remarks on federalism’ in C Tomuschat (red) Modern Law of Self-<br />
71<br />
72<br />
Determination (1993) 101-102.<br />
Barrie (n 53 hierbo) 27.<br />
GN Barrie Uti possidetis versus self-determination and modern international law:<br />
73<br />
In Africa the chickens are coming home to roost (1988) TSAR 451.<br />
Die Helsinki-Verklaring is, soos blyk uit die bespreking verder in hierdie hoofstuk<br />
74<br />
75<br />
76<br />
moontlik ‘n uitsondering hierop.<br />
Cassese (n 43 hierbo) 51.<br />
Artikel 32 van die Weense Konvensie oor Verdragsreg van 1969.<br />
Cassese (n 43 hierbo) 51.
Twee grepe uit die reg kragtens die staatlike paradigma 259<br />
selfbeskikkingsaansprake op artikel 1 kan baseer nie. Lede van<br />
etniese, taal- en godsdienstige minderhede is binne die konteks van<br />
die onderhawige verbond op die individuele regte waarvoor daar in<br />
artikel 27 voorsiening gemaak word, aangewese. 77 In die lig van<br />
artikel 27 blyk artikel 1 dus nie vir gemelde minderheidsgroepe<br />
enigsins relevant te wees nie.<br />
Artikel 1 blyk nie heeltemal te bedoel wat dit sê nie. Dit beoog nie<br />
om ʼn betekenisvolle selfbeskikkingsreg vir alle volkere in die lewe te<br />
roep nie. VN-optrede wat grotendeels veroordelend teenoor<br />
afskeidingsbewegings was, bevestig ook dat die bepaling nie letterlik<br />
opgeneem moet word nie. 78 Die bepaling skep nie ʼn<br />
selfbeskikkingsreg vir alle volkere nie, allermins ’n eksterne<br />
selfbeskikkingsreg wat op staatsvorming kan uitloop.<br />
(b) Algemene Vergadering Resolusie 1514 (XV) van 14<br />
Desember 1960<br />
Alhoewel Resolusie 1514(XV) vir nasionale selfbeskikking voorsiening<br />
maak, word hierdie reg wesenlik in paragraaf 6 gekwalifiseer.<br />
Paragraaf 6 lui:<br />
Any attempt aimed at the partial or total disruption of the national unity<br />
and territorial integrity of a country is incompatible with the purposes<br />
and principles of the Charter of the United Nations.<br />
Wanneer paragrawe 2 en 6 van die Resolusie saam oorweeg word, blyk<br />
dit dat selfbeskikking inderdaad nie deur ’n volk wat ’n segment van<br />
die staatsbevolking is, uitgeoefen kan word nie, maar slegs deur die<br />
staatsbevolking as geheel. Die arbitrêr vasgestelde grense van die<br />
voormalige kolonies word derhalwe as ’n vaste vertrekpunt geneem<br />
en selfbeskikking kan slegs binne die vaste fisiese bakens van daardie<br />
grense uitgeoefen word. Die wyse waarop selfbeskikking volgens<br />
hierdie resolusie uitgeoefen kan word, is dus so gereël dat verseker<br />
word dat die koloniaal vasgestelde geopolitieke kaart nougeset<br />
gehandhaaf word.<br />
Die effek hiervan is dat selfbeskikkingsaansprake van nasionale en<br />
etniese groepe ter wille van die handhawing van die ou koloniale<br />
grense misken word. Die voorrang wat die handhawing van koloniale<br />
grense geniet, bring mee dat etniese groepe wat arbitrêr in ’n<br />
koloniale ‘people’ ingeforseer is, die reg misgun word om vrye<br />
staatsregtelike keuses uit te oefen. 79<br />
77 Cassese (n 43 hierbo) 59-62.<br />
78<br />
Emerson (n 56 hierbo) 462-463.<br />
79 Cassese (n 43 hierbo) 73-74.
260 Hoofstuk 9<br />
Die verheffing van die geheel van die koloniale bevolking tot die<br />
reghebbende in wie die bevoegdheid setel om ’n selfbeskikkingskeuse<br />
uit te oefen, val logies en strategies saam met die verskynsel van<br />
staatsbou (nasiebou) wat in hoofstuk 6 bespreek is. Staatsbou werk<br />
met die geheel van die staatsbevolking as ’n blywende en<br />
onskendbare entiteit ongeag die feit dat hierdie staatsbevolking deur<br />
arbitrêr afgebakende staatsgrense kunsmatig tot stand gebring is.<br />
Selfbeskikking binne die konteks van die onderhawige resolusie gaan<br />
van dieselfde vertrekpunt uit. Staatsbou stuur af op die vestiging van<br />
’n homogene staatsnasie wat die uiteenlopende aansprake en<br />
sentimente van variërende etniese, kultuur- en taalgroepe as<br />
struikelblok sien vir die vestiging van die staatsnasie. Staatsbou sien<br />
volkere dus as ’n antagonistiese middelpuntvliedende krag wat die<br />
oogmerk van die realisering van die staatsnasie kan verydel. Volgens<br />
staatsboustrategieë word dan gepoog om hierdie middelpuntvliedende<br />
krag te neutraliseer. Selfbeskikking van die aard van die<br />
onderhawige resolusie streef dieselfde oogmerk as staatsbou na. Dit<br />
hanteer die verskeidenheid van nasionale, volks- en taalgroepe<br />
eweneens as antagoniste. Dienooreenkomstig word volkere-, taal- en<br />
etniese groepe die status van reghebbendes vir die doel van die<br />
uitoefening van die reg op selfbeskikking ontsê. Staatsbou en staatlike<br />
selfbeskikking is dus twee aspekte van dieselfde wedersyds<br />
komplementêre strategie. Die een funksioneer intern en die ander<br />
internasionaal. Albei is substrategieë binne dieselfde staatlike<br />
paradigma en albei dra by tot die instandhouding van staatlike<br />
identiteit en probeer om enige nie-staatlike aansprake op<br />
selfbeskikking te vernietig. Albei werk mee tot die eenheid van die<br />
getroue en onverdeelde volk vir Leviatan — die sterflike god.<br />
(c) Algemene Vergadering Resolusie 2625 (XXV) van 15<br />
Desember 1970<br />
Ofskoon die reg op selfbeskikking ook in hierdie resolusie voorkom,<br />
word dit net soos in die 1960-resolusie dermate gekwalifiseer dat dit<br />
uiteindelik min konkrete implikasies inhou. Selfbeskikking word<br />
uiteindelik wesenlik ten gunste van die territoriale integriteit en<br />
politieke eenheid van die bestaande state ingekort aangesien die<br />
resolusie onder meer soos volg bepaal:<br />
Nothing in the foregoing paragraphs shall be construed as authorizing or<br />
encouraging any action which would dismember or impair, totally or in<br />
part, the territorial integrity or political unity of sovereign and<br />
independent States conducting themselves in compliance with the<br />
principle of equal rights and self-determination of peoples as described<br />
above and thus possessed of a government representing the whole<br />
people belonging to the territory without distinction as to race, creed or<br />
colour.
Twee grepe uit die reg kragtens die staatlike paradigma 261<br />
Die bepaling is enigsins vreemd geformuleer. Dit beteken in<br />
werklikheid dat indien die regering in ’n soewereine staat<br />
verteenwoordigend van die hele bevolking is, en daar geen<br />
diskriminasie met betrekking tot die uitoefening van politieke regte is<br />
nie, die beginsel van selfbeskikking geag word eerbiedig te wees.<br />
Indien almal in die staat dus gelyke toegang tot die politieke<br />
besluitnemingsprosesse het en aan alle groepe gelyke toegang tot<br />
politieke instellings verleen word, word aanvaar dat die regering van<br />
so ’n staat aan die beginsel van selfbeskikking voldoen. ’n Groep binne<br />
’n staat sal dus slegs daarop geregtig wees om op die reg op<br />
selfbeskikking as groep aanspraak te maak indien toegang tot<br />
regeringsinstellings op ’n rasse-, kulturele of godsdienstige grondslag<br />
geweier word. 80<br />
Die Algemene Vergadering werk inderdaad baie suinig met die<br />
verlening van regte aan nasionale en dergelike gemeenskappe. Die reg<br />
op selfbeskikking in die vorm van sesessie ontstaan slegs wanneer ’n<br />
groep se prosessuele reg op deelname aan die politieke<br />
besluitnemingsproses ontsê word. In hoofstuk 7 is uitvoerig<br />
verduidelik dat sodanige prosessuele regte (veral die reg om te stem)<br />
dikwels slegs die skyn van demokrasie wek, waaragter<br />
meerderheidsdominasie in ’n heterogene staat gerieflik kan skuil.<br />
Ofskoon prosessuele regte dus dikwels nie demokrasie bewerkstellig<br />
nie, is die Algemene Vergadering in hierdie resolusie tevrede dat dit<br />
ʼn genoegsame waarborg vir ’n demokratiese orde is. Dit is hierdie<br />
soort demokrasie waarin die meerderheid binne die staatlike<br />
bevolking altyd voorkeur kry en daar argeloos met die belange van<br />
minderhede gewerk word. Dit is dan die rede waarom na hierdie soort<br />
demokrasie as staatlike demokrasie verwys word. Wat die Algemene<br />
Vergadering met hierdie resolusie gedoen het, was om die kru en<br />
onverfynde denkbeeld van staatlike demokrasie met sy dikwels<br />
onderdrukkende implikasies vir nie-dominante gemeenskappe te<br />
onderskryf en te poog om dit as ’n beginsel van die internasionale reg<br />
te verskans. 81 Ten spyte van die ernstige gebreke van hierdie vorm<br />
van demokrasie is die Algemene Vergadering tevrede dat voldoening<br />
hieraan genoegsaam is om ’n volk se aanspraak op selfbeskikking te<br />
bevredig. In effek word die aanspraak op selfbeskikking nie hierdeur<br />
bevredig nie, maar verydel. Die resolusie laat uiters beperkte ruimte<br />
vir eksterne selfbeskikking en vir sesessie. Trouens, die aangehaalde<br />
passasie is al as ’n formele waarskuwing teen die bedreiging van<br />
sesessie beskryf. 82<br />
Die oorwig van akademiese kommentaar op hierdie resolusie is dat<br />
dit sesessie as ’n laaste opsie erken, slegs in daardie gevalle waar<br />
80 Cassese (n 43 hierbo) 112.<br />
81 McCorquondale (n 70 hierbo) 20.<br />
82 Tomuschat (n 46 hierbo) 5.
262 Hoofstuk 9<br />
geen ander remediërende maatreël teen diskriminasie meer<br />
beskikbaar is nie. Die beskikbaarheid van die reg op sesessie is egter<br />
selfs binne hierdie beperkte ruimte ’n omstrede saak. 83<br />
Die Sekretaris-Generaal van die VN op die stadium toe die<br />
resolusie aangeneem is, U Thant, het dit ook duidelik gestel dat die<br />
resolusie geensins as ’n regverdiging vir sesessie vertolk moet word<br />
nie. Só het hy dit gestel:<br />
As far as the question of secession of a particular section of a Member<br />
State is concerned, the United Nations position is unquestionable. As an<br />
international organization the United Nations has never accepted and<br />
does not accept and I do not believe it will ever accept a principle of<br />
secession of a part of a member State. 84<br />
(d) Uti possidetis en selfbeskikking volgens die AU en OAE<br />
Die leerstuk van uti possidetis iuris het in die eerste kwart van die<br />
negentiende eeu met die onafhanklikwording van die voormalige<br />
Spaanse kolonies in Suid-Amerika ontstaan. 85<br />
Die oogmerk van die reël is om, wat betref die vasstelling van die<br />
staatsgrense van die voormalige koloniale gebiede, die horlosie te<br />
laat stilstaan op die oomblik van onafhanklikwording. 86 Die beginsel<br />
bevestig dus die permanensie van die staatsgrense wat uit die<br />
koloniale era geërf is. 87 Die klaarblyklike oogmerk van die reël is om<br />
te verhoed dat state wat pas onafhanklik geraak het, se territoriale<br />
bedeling deur interne middelpuntvliedende kragte versteur word. 88<br />
Uti possidetis gee voorkeur aan die regstitel wat met kolonialisme oor<br />
arbitrêr afgebakende gebiede verkry is, bo die menslike feite soos die<br />
besetting en vestigingspatrone van gebiede deur bepaalde mense en<br />
gemeenskappe. 89 Dit laat toe dat die koloniaal afgebakende gebiede<br />
oor die lot van mense beslis, in plaas van die omgekeerde naamlik om<br />
die mense oor die territorium te laat beslis. Net soos by staatsbou is<br />
die staat — in die sin van die afgebakende territorium — die aktiewe<br />
agent waarby die mense moet inval en in belang waarvan nasies<br />
geskep en kultuur-, taal- en etniese groepe desnoods omvorm moet<br />
word.<br />
83 D Murswiek ‘The Issue of a Right to Secession reconsidered’ in C Tomuschat (red)<br />
84<br />
85<br />
86<br />
87<br />
88<br />
Modern Law of Self-Determination (1993) 27.<br />
Aangehaal deur Murswiek (n 83 hierbo) 24.<br />
Casesse (n 43 hierbo) 190; Barrie (n 72 hierbo) 452.<br />
Cassese (n 43 hierbo) 192.<br />
Barrie (n 72 hierbo) 452.<br />
Barrie (n 72 hierbo) 453; D Manganye ‘The application of uti possidetis and South<br />
89<br />
Africa’s internal border’ (1994) 35 Codicillus 51.<br />
Barrie (n 72 hierbo) 453.
Twee grepe uit die reg kragtens die staatlike paradigma 263<br />
Die uti possidetis-beginsel is aanvanklik in ’n aantal nasionale<br />
konstitusies en bilaterale verdrae in Suid-Amerika opgeneem. 90 Die<br />
beginsel het mettertyd uitgebrei en geniet tans erkenning as ’n<br />
universele beginsel van die internasionale reg. Die Internasionale<br />
Geregshof het beslis dat uti possidetis nie slegs tot ʼn bepaalde streek<br />
beperk is nie en het die volgende gevolgtrekking oor die beginsel<br />
bereik:<br />
Nevertheless the principle is not a special rule which pertains solely to<br />
one specific system of international law. It is a general principle which is<br />
logically connected with the phenomenon of the obtaining of<br />
independence, wherever it occurs. Its obvious purpose is to prevent the<br />
independence and stability of new States being endangered by fractional<br />
struggles provoked by the challenging of frontiers following the<br />
withdrawal of the administering power. 91<br />
Die uti possidetis-beginsel strook bowendien met die benadering wat<br />
in die resolusies van die Algemene Vergadering van die VN gevolg<br />
word. 92 Dit was egter in Afrika waar die beginsel die reikhalsendste<br />
ontvangs gehad het en waar dit tans die sterkste ondersteuning<br />
geniet. 93 Met die dekolonisasie van die voormalige kolonies in Afrika<br />
het ’n situasie soortgelyk aan dié in Suid-Amerika ’n anderhalfeeu<br />
tevore geheers. Daar is ook gevrees dat etniese, kulturele en<br />
godsdienstige bande wat met die aanvanklike afbakening van<br />
koloniale grense misken is, die arbitrêre grense dermate kon<br />
herdefinieer dat dit die politieke geografie in Afrika heeltemal sou<br />
ontwrig en onhoudbare politieke onstabiliteit sou afgee. Die nuwe<br />
Afrikastate het geen moeite ondervind met die maak van ’n keuse<br />
tussen nasionale selfbeskikking, teenoor die behoud van die<br />
voormalige koloniale heersers se arbitrêre streeptrekkery oor die<br />
Afrika-kontinent nie. Die keuse was sonder meer ten gunste van<br />
laasgenoemde. Hierdie keuse is treffend ironies: die geëmansipeerdes<br />
wat gesmag het na die afwerp van die koloniale juk het sonder meer<br />
een van die mees blatante dade van die koloniale metropole omhels<br />
en koester vandag steeds hierdie koloniale erfenis.<br />
By die stigting-spitsberaad van die Organisasie vir Afrika Eenheid<br />
in 1963 is die beginsel van die behoud van die bestaande grense tot<br />
een van die beginsels van die organisasie verhef. In artikel III(3) van<br />
die handves van die OAE verbind ledestate hulle tot die neerlê van die<br />
beginsel om die nasionale soewereiniteit en territoriale integriteit<br />
van elke lidstaat te eerbiedig en alle state se onvervreembare reg op<br />
90 Casesse (n 43 hierbo) 190.<br />
91 Frontier Dispute Case Burkina Faso v Mali ICJ Reports 1986 554 para 29.<br />
92<br />
Casesse (n 43 hierbo) 191; McCorquondale (n 70 hierbo) 9.<br />
93 Barrie (n 72 hierbo) 456.
264 Hoofstuk 9<br />
onafhanklike bestaan te respekteer. In artikel VI verbind ledestate<br />
hulle plegtig tot die nakom van hierdie beginsel. 94<br />
Op die eerste spitsberaad van die OAE in Kaïro in 1964 vind Afrikaleiers<br />
dit nodig om spesifiek met die grenskwessie te handel. Die<br />
produk van hul beraadslagings is die Resolusie Oor Die<br />
Onaantasbaarheid van Grense. Hierin verklaar die Afrikastaatshoofde<br />
onder meer dat die staatsgrense in Afrika op die oomblik<br />
van onafhanklikwording ʼn onveranderlike realiteit geword het en<br />
verbind hulle daartoe om grense soos dit met onafhanklikwording daar<br />
uitgesien het, te eerbiedig. 95 Die stigtingsverdrag van die Afrika-Unie<br />
van 11 Julie 2000 wat in 2001 in werking getree het, het die beginsel<br />
opnuut bevestig. 96<br />
Hiermee is die beginsel van uti possidetis in Afrika verskans en<br />
daarmee saam is ’n juridiese taboe op die uitoefening van nasionale<br />
selfbeskikking geplaas.<br />
(e) Die Helsinki Final Act<br />
Die mees liberale en vergunnende omskrywing van nasionale<br />
selfbeskikking kom in hierdie instrument voor. Volgens die<br />
omskrywing van die Helsinki Final Act kom die reg op selfbeskikking<br />
alle volkere toe en nie slegs die bevolkings van koloniale gebiede nie.<br />
Boonop word dit as ’n ius continuum — ’n voortdurende reg —<br />
gedefinieer, wat sodoende ’n dinamika aan selfbeskikking verleen in<br />
teenstelling met koloniale selfbeskikking wat slegs eenmalig<br />
uitgeoefen kan word en derhalwe van ’n inherent statiese aard is. 97<br />
Dit beteken dat die wyse waarop selfbeskikking uitgeoefen word,<br />
kan verskil na gelang van die variërende meningsuitings van elke<br />
besondere volk. So gesien, is selfbeskikking bloot ʼn element van egte<br />
demokratiese politiek.<br />
Desondanks is daar ook in hierdie instrument nog steeds sekere<br />
tradisionele elemente waarin daar gepoog word om die<br />
onskendbaarheid van staatlike grense te beskerm. In beginsel III word<br />
daar soos volg met die integriteit van staatlike grense gehandel:<br />
94 Handves van die Organisasie vir Afrika Eenheid van 1963 vervat in GJ Naldi (red)<br />
95<br />
Documents of the Organization of African Unity (1992) 4.<br />
Resolusie AGH/RES 16(1): ‘Resolution on the Intangibility of Frontiers’ vervat in<br />
96<br />
97<br />
Naldi (n 94 hierbo) 49.<br />
Artikel 4(c) van die Stigtingsverdrag (Constitutive Act) van die Afrika-Unie (AU).<br />
Casesse (n 43 hierbo) 285.
Twee grepe uit die reg kragtens die staatlike paradigma 265<br />
III. Inviolability of frontiers<br />
The participating States regard as inviolable all one another’s frontiers<br />
as well as the frontiers of all States in Europe and therefore they will<br />
refrain now and in the future from assaulting these frontiers.<br />
Accordingly, they will also refrain from any demand for, or act of,<br />
seizure and usurpation of part or all of the territory of any participating<br />
State.<br />
Hierby moet gevoeg word dat daar binne die konteks van die<br />
Konferensie vir Veiligheid en Samewerking in Europa uitvoerig vir<br />
minderheidsregte voorsiening gemaak word. Vanweë die voorsiening<br />
vir minderheidsregte het die aandrang op die erkenning van<br />
selfbeskikking in die vorm van eie soewereine state merkbaar<br />
verswak. Vir sover daar dus wel vir selfbeskikking voorsiening gemaak<br />
word, word daar terselfdertyd gewaak teen sesessie. In plaas daarvan<br />
dat daar dus tot die meer drastiese stap oorgegaan hoef te word om<br />
by wyse van sesessie ’n keuse vir eksterne selfbeskikking te maak,<br />
word selfbeskikking inderwaarheid binne die bestaande state<br />
uitgeoefen deur die voorsiening van minderheidsregte.<br />
Dit doen egter nie afbreuk aan die vordering wat daar wel met<br />
selfbeskikking gemaak is nie. Die uitgebreide en voortdurende reg op<br />
selfbeskikking, tesame met die gedetailleerde voorsiening vir<br />
minderheidsregte, het die houvas van die staat beduidend laat<br />
verslap. Staatlike identiteit is vanweë die erkenning van hierdie regte<br />
ongetwyfeld aan die retireer.<br />
Belangrik soos die Helsinki-reëling en die daaropvolgende<br />
bevestigings daarvan is, het dit egter slegs werking binne die 35 state<br />
wat daarby betrokke is. Die invloed wat dit uiteindelik mag uitoefen,<br />
kan egter baie wyer uitkring.<br />
3.3 Staatlike versus nasionale selfbeskikking: die<br />
domestiserende konsep van selfbeskikking<br />
Die beginsel van en aanspraak op nasionale selfbeskikking het sonder<br />
twyfel sedert die Tweede Wêreldoorlog ten koste van staatlike<br />
soewereiniteit en territoriale integriteit van state vordering<br />
gemaak. 98 Die handhawing van die uti possidetis-beginsel het erg in<br />
die gedrang gekom as gevolg van die skouspelagtige verbrokkeling van<br />
die totalitêre ryk van die Sowjet-Unie en van state soos Joego-Slawië<br />
en Tsjeggo-Slowakye in die laaste gedeelte van die twintigste eeu 99<br />
asook met die onafhanklikwording van Eritrea in 1991 en Kosovo in<br />
2008. Waar sesessie tot betreklik onlangs hanteer is as ’n verskynsel<br />
98<br />
Casesse (n 43 hierbo) 334-335.<br />
99 Barrie (n 72 hierbo) 456.
266 Hoofstuk 9<br />
wat tot die verlede behoort, het dit nou kragtig tot die kontemporêre<br />
politiek teruggekeer. 100 Die verswakking van sentrale beheer binne<br />
eertyds sterk unitêre state en die gepaardgaande neiging tot die<br />
federalisme in plaas van unitarisme, asook die afwenteling van<br />
politieke gesag na kleiner en meer homogene politieke eenhede<br />
kragtens aangepaste grondwetlike reëlings, getuig ook van die<br />
vordering van nasionale selfbeskikking.<br />
Selfbeskikking (staatlike selfbeskikking vroeër en nasionale<br />
selfbeskikking op die oomblik) funksioneer konsekwent as ’n sterk<br />
progressiewe krag in die politiek, die internasionale reg en die<br />
staatsreg. Dit werk mee tot die omvorming van die bestaande orde en<br />
die likwidasie van die koloniale ryke. Dit het meegewerk aan<br />
dekolonisering en is tans ’n krag wat die gesentraliseerde mag van<br />
multi-etniese state ter wille van die bemagtiging van die groot<br />
variasie van etniese, kulturele en taalgemeenskappe wat in sodanige<br />
state gehuisves word, bedreig. Dit is derhalwe ’n sterk<br />
demokratiserende krag. Juis om hierdie rede is selfbeskikking, soos<br />
hierbo verduidelik, in ’n antagonistiese verhouding met die<br />
tradisionele behoudende leerstelling van staatlike soewereiniteit en<br />
die territoriale integriteit van bestaande state. Nasionale<br />
selfbeskikking was ook reeds deels suksesvol om die tradisionele<br />
staatlike oriëntasie van die internasionale reg te ondergrawe. 101 Soos<br />
daar egter reeds aangedui is, is selfbeskikking nie ’n logies<br />
samehangende konsep nie en duur die stryd tussen territoriaalstaatlike<br />
en nasionale selfbeskikking steeds voort. 102<br />
Territoriaalstaatlike selfbeskikking word vereenselwig met die naoorlogse<br />
dekolonisering van voormalige koloniale gebiede, 103 teenoor<br />
nasionale selfbeskikking wat sy oorsprong in die Wilsoniaanse<br />
opvatting het. By laasgenoemde gaan dit oor die selfbeskikking van<br />
etniese gemeenskappe, volkere en nasionaliteite wat primêr<br />
ooreenkomstig taal en kultuur gedefinieer word. By<br />
territoriaalstaatlike selfbeskikking gaan dit oor selfbeskikking van ’n<br />
territoriaal gedefinieerde politieke entiteit in die vorm van ’n<br />
koloniale gebied waarin die taal-, etniese en kulturele element<br />
irrelevant is. 104 Hiervolgens word daar nie ag geslaan op die<br />
variërende aspirasies van gemeenskappe wat teen hulle wil weens die<br />
eertydse magsverhoudings binne bepaalde staatsgrense ingehok is<br />
nie. Dit gaan hiervolgens primêr oor die bestaande territoriale staat<br />
100 Heraclides (n 45 hierbo) 1.<br />
101 Casesse (n 43 hierbo) 165.<br />
102 M Moore ‘On national self-determination’ (1997) 45 Political Studies 900.<br />
103 Emerson (n 56 hierbo) 463; Strydom (n 56 hierbo) 172.<br />
104 Emerson (n 56 hierbo) 463.
Twee grepe uit die reg kragtens die staatlike paradigma 267<br />
se sug na onaangetaste soewereiniteit. 105 Die gelyke regte van<br />
individue en gemeenskappe is hiervolgens van minder belang. 106<br />
Staatlike selfbeskikking wat in die positiewe reg nog die botoon<br />
voer, verteenwoordig die konserwatiewe stroming in die<br />
selfbeskikkingsdiskoers. Hiervolgens is die reg op selfbeskikking reeds<br />
finaal in die verlede met die tenietgaan van die oorsese koloniale ryke<br />
uitgeoefen en die selfbeskikkingsdiskoers dus terselfdertyd aan die<br />
verlede toevertrou. Daar word ook koppig verseg om kennis te neem<br />
van die onaanvaarbare dominasie waarin baie nasionale<br />
gemeenskappe steeds verkeer, en selfs getalryke volkere soos die<br />
Koerde se onderdrukte posisie word sonder meer aanvaar. 107 Teenoor<br />
hierdie konserwatiewe staatlike opvatting van selfbeskikking staan<br />
die progressiewe opvatting met ’n gevoeligheid vir en afkeer van die<br />
onderdrukking van nasionale gemeenskappe binne die staatlike orde.<br />
Hiervolgens moet die gebrek aan politieke vryheid en gelyke<br />
behandeling van gedomineerde volkere aangespreek word, hetsy deur<br />
die meer radikale weg van sesessie in te slaan, of minstens deur die<br />
afskaling van sentralistiese staatsbeheer, gepaard met die<br />
afwenteling van politieke gesag na nasionale gemeenskappe.<br />
Alternatiewelik kan nasionale selfbeskikking ooreenkomstig ’n<br />
menseregtelike benadering hanteer word. Hiervolgens word die reg<br />
op kulturele voortbestaan en integriteit van nasionale gemeenskappe<br />
as ’n basiese mensereg beskou en teen die staat afgedwing. 108 So ’n<br />
reg sal weliswaar nie ’n effek op die internasionale reg hê nie, maar<br />
baan die weg vir aangepaste grondwetlike reëlings binne ʼn staat,<br />
waardeur interne selfbeskikking uitgeoefen word. Dit dien ook as ’n<br />
verweer teen nasiebouprojekte ingevolge waarvan partikuliere tale<br />
en kulture ter wille van die staatlike Leviatan opgeoffer moet word.<br />
Volgens staatlike selfbeskikking word die reg van nasionale<br />
gemeenskappe om oor hul eie sake te beskik óf misken óf beperkend<br />
vertolk. Ingevolge nasionale selfbeskikking word die reg van nasionale<br />
gemeenskappe om oor hulle eie sake te beskik, vergunnend hanteer.<br />
Hiervolgens word ook daarop aangedring dat die staatlike orde —<br />
vaste grense, sentrale staatsbeheer ensovoorts — desnoods moet<br />
besgee ten einde nasionale selfbeskikking te akkommodeer. Vir<br />
staatlike selfbeskikking gaan dit oor die integriteit en die belange van<br />
die territoriale staat, asook die instandhouding van die bestaande<br />
staatlike orde. Die variërende wil van die nasionale gemeenskappe —<br />
105 Soms word na territoriale selfbeskikking as die nasionale aspek van selfbeskikking<br />
verwys en na nasionale selfbeskikking as die demokratiese aspek van<br />
selfbeskikking. Sien Thornberry (n 70 hierbo) 120. Ofskoon die laaste vergelyking<br />
sin maak, is die eerste een onvanpas omdat dit die begrippe nasie en staat<br />
gelykstel.<br />
106 P Malanczuk Akehurst’s Modern Introduction to International Law (1997) 326.<br />
107 Barrie (n 53 hierbo) 28.<br />
108 Anaya (n 47 hierbo) 325.
268 Hoofstuk 9<br />
die demokratiese element inherent aan nasionale selfbeskikking — is<br />
ooreenkomstig staatlike selfbeskikking irrelevant. Nasionale<br />
selfbeskikking gee daarenteen voorkeur aan die demokratiese<br />
element, dit wil sê aan die reg van gemeenskappe om nie deur sterker<br />
en getalryker groepe oorheers te word nie, maar in plaas daarvan self<br />
oor hulle belange te beskik en die staatlike orde dienooreenkomstig,<br />
onder andere by wyse van sesessie te verander. 109<br />
Wanneer ’n mens met die twee konsepte van selfbeskikking<br />
gekonfronteer word, tree die domestiserende werking van die<br />
staatlike paradigma treffend op die voorgrond. Die saak staan so:<br />
Selfbeskikking het as ’n progressiewe, maar ondermynende<br />
konsep wat bedreigend vir die bestande staatlike orde is, tot die<br />
politiek en die reg toegetree 110 toe dit aangewend is om die<br />
vrywording — staatswording — van gebiede wat vroeër onder koloniale<br />
beheer was, te help bewerkstellig. Die breë raamwerk van die<br />
staatlike paradigma en, in die besonder, die grense van die kolonies<br />
wat reeds deur die koloniale moondhede afgebaken is, is ingespan om<br />
’n aantal nuwe territoriale state tot stand te help bring. Weens al die<br />
voorbehoude wat in die vermelde internasionale regsinstrumente en<br />
in die uti possidetis-beginsel vervat is, waardeur vereis word dat die<br />
staatlike grense gehandhaaf moet word, word die moontlike verdere<br />
aanwending van die konsep in belang van die selfbeskikking van<br />
nasionale gemeenskappe deur die skep van nuwe state tans egter<br />
gekortwiek. Waar selfbeskikking dus as ’n progressiewe krag<br />
weggespring het, het dit hierdie karakter grootliks prysgegee. In die<br />
gedaante van staatlike selfbeskikking is dit nou eerder ’n<br />
konserwatiewe krag wat die bestaande staatlike orde moet help<br />
verskans. Sodoende is selfbeskikking mak gemaak om uiteindelik as ’n<br />
instrument van die staatlike paradigma te waak oor die veiligheid van<br />
die staatlike orde. Net soos demokrasie is dit deur die staatlike<br />
paradigma geabsorbeer en in belang van die staatlike orde<br />
gedomestiseer. Alexis Heraclides merk tereg op:<br />
The original revolutionary principle of self-determination, spawned by<br />
another epoch, threatened to wreak havoc with the world system and<br />
was therefore domesticated, or so it seemed until recently. 111<br />
109 Sesessie is dan die wyse waarop gelyke beregtiging vir oorheerste gemeenskappe<br />
bewerkstellig kan word. Dit stel die verontregting wat deur oorheersing van niedominante<br />
gemeenskappe in multinasionale territoriale state bestaan, reg en kan<br />
soos A Addis ‘Individualism, communitarianism and the rights of ethnic minorities’<br />
(1992) 67 Notre Dame Law Review 624 en NB Buchanan ‘Towards a theory of<br />
secession’ (1991) 101 Ethics 233 dit beskryf tereg as ’n vorm van regstellende<br />
geregtigheid (rectificatory justice) beskryf word.<br />
110 Casesse (n 43 hierbo) 340.<br />
111 Heraclides (n 45 hierbo) 7.
Twee grepe uit die reg kragtens die staatlike paradigma 269<br />
Selfbeskikking is gedomestiseer net soos demokrasie<br />
gedomestiseer is. 112 Soos verduidelik is sowel demokrasie as nasionale<br />
selfbeskikking egter wantrouig en antagonisties teenoor die staatlike<br />
heer, Leviatan.<br />
Staatlike selfbeskikking gaan inderwaarheid van die<br />
veronderstelling uit dat staat en volk (kultuurgemeenskap) bykans<br />
uitruilbare begrippe is 113 — dat staatsbevolkings inderdaad die beeld<br />
van die staat dra. Dienooreenkomstig is staatlike selfbeskikking<br />
gegrond op die aanname dat staats- en volkgrense saamval, 114 wat<br />
natuurlik nie so is nie. Volgens hierdie aannames is kulturele en<br />
nasionale identiteit heeltemal irrelevant vir die doeleindes van<br />
selfbeskikking. Met hierdie staatlike selfbeskikking skep die<br />
internasionale reg ’n statiese juridiese raamwerk waarbinne<br />
staatsbouprojekte in die naam van nasiebou (wat in hoofstuk 6<br />
behandel is) deurgevoer kan word. Dit is ook binne hierdie vaste<br />
staatlike opset dat staatlike geregtigheidsmodelle (wat eweneens in<br />
hoofstuk 6 behandel is) gekonstrueer is. Margaret Moore wys dan ook<br />
op die logiese en ideologiese koherensie tussen staatlike<br />
selfbeskikking en die geregtigheidsmodel van iemand soos John<br />
Rawls. 115 Rawls wys juis aan die begin van sy A Theory of Justice uit<br />
dat dit vir hom gaan oor geregtigheid binne ʼn enkele gemeenskap of<br />
staat en laat die geregverdigdheid van bestaande staatsgrense<br />
heeltemal buite die diskoers. Die politieke betekenis van kulturele en<br />
veral nasionale identiteit word heeltemal geïgnoreer aangesien hy<br />
hom besig hou met die kwessie van sogenaamde fundamenteel<br />
menslike belange waarop hy liberale regte en reëls konstrueer. 116<br />
Staatlike selfbeskikking, gedomestiseerde demokrasie en<br />
(gedomestiseerde) nasiebou, oftewel staatsbou, hang dus saam as<br />
wedersyds aanvullende aspekte van dieselfde breë staatlike<br />
paradigma en vul mekaar aan ter bereiking van dieselfde<br />
gemeenskaplike oogmerk, te wete die afdwing van staatlike<br />
identiteit. Die vervulling van die behoeftes van Leviatan is die<br />
dryfkrag agter die funksionering van al drie hierdie strategieë.<br />
Staatlike selfbeskikking is nie slegs konserwatief nie; dit is ook<br />
moreel onhoudbaar. Dit dien die belange van die soewereine staat<br />
wat besorg is oor die onveranderde behoud van staatsgrense, maar dit<br />
verdring die belange van verontregte en oorheerste nasionale groepe<br />
wat die legitimiteit van so ’n onderdrukkende staat bevraagteken. 117<br />
112 Sien hoofstuk 7.<br />
113 R Falk ‘The rights of peoples (in particular indigenous peoples) in J Crawford The<br />
rights of peoples (1988) 26.<br />
114 Falf (n 113 hierbo) 26.<br />
115 Sien verder oor Rawls se geregtigheidsmodel hoofstuk 6.4.1<br />
116 Moore (n 102 hierbo) 903.<br />
117 Moore (n 102 hierbo) 902.
270 Hoofstuk 9<br />
Hierdie soort selfbeskikking skep juis die moontlikheid vir<br />
onderdrukking. Een deel van die bevolking — gewoonlik ’n etniese-,<br />
kulturele, rasse- of godsdienstige meerderheidsgroep — maak van<br />
staatlike selfbeskikking gebruik om die basiese menseregte van die res<br />
te misken 118 en om ’n dominante staatlike kultuur op almal af te<br />
dwing.<br />
Wat hom hier voordoen, is ’n vorm van interne imperialisme.<br />
Imperialisme moet nie net gesien word as beperk tot die soutwaterkolonialisme<br />
van weleer, waar ’n oorsese moondheid ’n plaaslike<br />
gebied en bevolking oorheers het nie. Dié ou vorm van kolonialisme is<br />
klaarblyklik nie die enigste manier waarop die immoraliteit van<br />
kolonialisme voltrek kan word nie. Wanneer die oorheersende<br />
maghebbers binne ’n staat hulle dominante staatskultuur blatant of<br />
subtiel op almal wil afdwing, is hulle eweneens skuldig aan die<br />
imperialistiese euwel. Margaret Moore sê daarom tereg:<br />
It might be politically correct to describe only Western powers<br />
controlling overseas territories as imperialists, but it is not factually<br />
correct: the term ‘imperialism’ can be coherently and persuasively<br />
applied to any attempt by one people to dominate politically another<br />
people, especially if the latter perceive the rule to be hostile to their<br />
national identity. 119<br />
ʼn Bykomstige immorele element van staatlike selfbeskikking is dat dit<br />
slegs die sterk meerderheid se selfbeskikkingsreg erken: meerderhede<br />
kan ingevolge die reëls van staatlike demokrasie die staat se<br />
amptelike magsapparatuur monopoliseer en na goeddunke (staatlike)<br />
selfbeskikking uitoefen. Sonder enige morele gronde daarvoor maak<br />
staatlike selfbeskikking dit egter onmoontlik dat minderhede ook<br />
hierdie selfbeskikkingsreg kan uitoefen. 120 Staatlike selfbeskikking<br />
vervul dus die bedenklike rol om meerderheidsdominasie te stut, net<br />
soos staatlike demokrasie dit doen.<br />
Staatlike selfbeskikking keer die rug op die outentiek<br />
demokratiese — dog staatsondermynende — impulse van die<br />
oorspronklike selfbeskikkingsidee. Dit het imperialisme wat die<br />
oorspronklike euwel waarteen selfbeskikking gerig was, omhels en die<br />
bondgenoot, in plaas van die teenstander daarvan, soos dit vroeër<br />
was, geword.<br />
In die lig van die kritiek en die morele aanklag teen staatlike<br />
selfbeskikking het die tyd ryp geword vir die grondige heroorweging<br />
van die konsep. ʼn Mens kan met Moore saamstem wanneer sy verklaar:<br />
118 Falk (n 113 hierbo) 26.<br />
119 Moore (n 102 hierbo) 903.<br />
120 Moore (n 102 hierbo) 902-903.
Twee grepe uit die reg kragtens die staatlike paradigma 271<br />
The increasing recognition, then, of the difficulties, philosophical and<br />
political, facing the territorial understanding of peoples on which the<br />
prevailing idea of self-determination in international law is based, points<br />
to the need to reconsider whether the principle of national selfdetermination<br />
might not be an appropriate starting point for the<br />
resolution of national conflicts. 121<br />
Die effek daarvan sal uiteindelik wees, soos regter Dillard dit in ’n<br />
individuele mening in die Wes-Sahara-saak gestel het, dat:<br />
It is for the people to determine the destiny of the territory and not for<br />
the territory the destiny of the people. 122<br />
121 Moore (n 102 hierbo) 905.<br />
122 Wes-Sahara-saak: Western Sahara 1975 ICJ-Reports 12.
HOOFSTUK<br />
10<br />
1 Inleiding<br />
273<br />
POLITOKRASIE<br />
Die territoriale staat is reeds meer as drie eeue die meesterbegrip van<br />
ons dink en doen in die politiek en die reg. Dit baken die grense af van<br />
dit wat doenbaar, denkbaar, haalbaar en toelaatbaar is in die<br />
openbare sfeer. Dit het terselfdertyd ’n grondige impak op die<br />
burgerlike sfeer en die private domein. Soos daar in die voorafgaande<br />
hoofstukke verduidelik is, het die behoefte aan die instandhou van die<br />
staatlike orde gelei tot die vestiging van ʼn staatlike paradigma.<br />
Daarvolgens is wetenskaplike arbeid gerig op die beskerming en<br />
instandhouding van die staatlike orde. Een van die basiese<br />
uitgangspunte van die staatlike paradigma is dat die staat nie ʼn<br />
daadwerklike gemeenskap van mense veronderstel nie, maar dat dit<br />
bloot ʼn bevolking van enige aantal mense (any number of persons)<br />
huisves, ongeag of daar enige bande van taal, kultuur, etnisiteit,<br />
godsdiens, afkoms, of enigiets dergeliks tussen hulle hoef te bestaan.<br />
Die enigste twee gemeenskaplike faktore tussen individue wat die<br />
staatsbevolking uitmaak, is eerstens hulle teenwoordigheid in<br />
dieselfde territorium waarvan hulle gebruik maak om private belange<br />
te bevorder en, tweedens, dat hulle aan dieselfde regsorde<br />
onderworpe is. Dit is die wesenlike elemente van die<br />
staatsgemeenskap. Hulle is losstaande individue wat ʼn atomistiese<br />
bestaan ter bevrediging van private behoeftes en ter bevordering van<br />
private belange en voorkeure voer. Vir sover individue moontlik wel<br />
in ʼn taal-, godsdienstige, etniese, kulturele of dergelike groep<br />
ingebind is, is dit blote toeval en vir die inrig van die openbare orde<br />
juridies en polities irrelevant. Sodanige groeperinge is slegs van<br />
private betekenis en mag nie as openbare realiteit hanteer word om<br />
sodoende die aard van die staat te bepaal nie. In die openbare orde<br />
— die reg en die politiek — is slegs twee entiteite relevant: die<br />
individu en die staat. Weens die inhok van die vermelde soort<br />
groeperinge binne die private domein, is die staat neutraal, of gee die<br />
staat minstens voor om groepsneutraliteit te handhaaf.
274 Hoofstuk 10<br />
Wetenskapsbeoefening aan die hand van die staatlike paradigma<br />
poog op talle maniere om in dissiplines van die reg, die staatkunde en<br />
verwante terreine die ongeskonde voortsetting van die bestaande<br />
staatlike orde te waarborg. Soos in voorafgaande hoofstukke beskryf<br />
is, baken dit sleutelkonsepte van die politiek op sodanige wyse af dat<br />
dit die staatlike orde teen uitdaging en ontwrigting moet help<br />
vrywaar. Sodoende is demokrasie aan die hand van die staatlike<br />
paradigma tot ʼn dienaar van die staatlike orde gedissiplineer, wat die<br />
staatlike status quo teen verandering moet beveilig. In die proses is<br />
die demokratiese ideaal van maksimale regstreekse selfregering en<br />
individuele en gemeenskapsbemagtiging in die war gestuur. Verder<br />
het staatlike demokrasie veral in multi-etniese en multikulturele<br />
state meegehelp tot die verval van demokrasie tot prekariokrasie<br />
(sien hoofstuk 7.3) en tot die dominasie van hegemoniese groeperinge<br />
oor nie-hegemoniese groeperings in die territoriale staat. Die<br />
legitimiteitsfiksie wat deur staatlike demokrasie in stand gehou word,<br />
vervul die bedrieglike rol om die illegitieme en immorele<br />
prekariokrasie misleidend as legitieme demokrasie voor te hou en<br />
sodoende die staat van eg demokratiese kragte te vrywaar. Dieselfde<br />
geld vir selfbeskikking wat in die gedaante van staatlike<br />
selfbeskikking, net soos staatlike demokrasie, ook ʼn hand van<br />
beskerming oor die territoriaalstaatlike orde hou en minderhede in<br />
heterogene state benadeel.<br />
As Leviatan het die territoriale staat ook die karakter en die<br />
aanskyn van ’n goddelike wese — die sterflike god. Dit is ʼn jaloerse<br />
sterflike god wat ʼn gelowige volk vir homself versamel — ʼn volk wat<br />
sy beeld weerspieël en sy stem eggo. Dit is ʼn volk — ʼn staatsvolk —<br />
wat met staatsbouprogramme tot een nasie versmelt moet word,<br />
(sien hoofstuk 6). Die nasie is van dwaalweë bekeer, dit wil sê van die<br />
partikuliere identiteite, kulture en tale. Die eerste en hoogste<br />
lojaliteit moet by Leviatan lê. Kulturele en taalgemeenskappe mag<br />
binne perke dalk nog hul eie tale en kulture beoefen. Onder druk mag<br />
Leviatan dalk toegee dat hierdie gemeenskappe as minderhede<br />
bepaalde kultuur- en taalregte kan uitoefen, maar in die laaste<br />
instansie is almal steeds die hoogste trou aan Leviatan verskuldig;<br />
moet almal steeds kinders van die sterflike god — en van niemand<br />
anders nie — wees. Lede van minderhede mag dalk regte hê, maar<br />
politieke mag en bevoegdhede vir die geheel van<br />
minderheidsgemeenskappe staan Leviatan nie aan nie. Staatsbou<br />
bekeer individue van die dwalinge van nie-staatlike identiteite en<br />
herskep hulle tot staatlike mense vir wie hulle staatlike identiteit<br />
voorrang moet geniet.<br />
Leviatan is egter ook ʼn versorgende god. Meer nog, hy gee selfs<br />
voor om ʼn bemagtigende wese te wees. Hy beklee sy burgers — sy<br />
onderdane — met ’n toenemende aantal regte — menseregte —<br />
waardeur hulle al hoe meer eise teen die staat verwerf en die staat
Politokrasie 275<br />
derhalwe toenemend verpligtinge jeens sy burgers opdoen (sien<br />
hoofstuk 8). Met hierdie regte tree die staat al hoe sterker op die<br />
voorgrond as hoeder, versorger en onderwyser. Die afsydige Leviatan<br />
van die sewentiende eeu, in die dae van Thomas Hobbes, het sy<br />
eertydse skugterheid afgeskud. Onder die indruk van die behoeftes<br />
van sy burgers het hy al meer menseregte aan hulle toegestaan. Hy<br />
word al hoe meer die aktiewe voorsiener aan behoeftes wat vroeër<br />
buite sy verantwoordelikhede geval het. Daarvoor betaal die<br />
staatsnasie egter ʼn hoë prys: dié van groeiende afhanklikheid van die<br />
staat. Leviatan het weliswaar baie pligte opgedoen en dié word<br />
trouens al hoe meer namate al hoe meer menseregte toegeken word.<br />
Daardeur word die staat egter begunstig, want só uitgebreid het sy<br />
pligte geword en so omvattend die ooreenstemmende individuele<br />
afhanklikheid van die staat dat die lewe sonder Leviatan beswaarlik<br />
denkbaar is. Danksy menseregte het die sterflike god homself<br />
onmisbaar gemaak.<br />
Die regsmaatreëls wat aan die hand van die staatlike paradigma<br />
ontwerp is, voorsien die staat van ’n finale buffer van beskerming.<br />
Indien staatsbou nie werk nie en as dele van die staatsnasie aan die<br />
sterflike god begin twyfel omdat hy sukkel om sy menseregtelike<br />
verpligtinge na te kom, indien die staatlike orde bevraagteken word<br />
en die staat onder die druk van nasionale selfbeskikking, plaaslike of<br />
dergelike middelpuntvliedende kragte kom, tree die staat se juridiese<br />
beskermingsbuffer in werking. Deur reëls van die strafreg, soos vervat<br />
in die reg rakende die misdaad, hoogverraad, en deur die<br />
internasionale regsreëls ten aansien van selfbeskikking en sesessie<br />
(sien hoofstuk 9) word lojaliteit aan die staat afgedwing, eis die staat<br />
trou en lojaliteit op, bestraf hy verontagsaming van die eis van<br />
getrouheid aan hom en waak hy jaloers oor die onskendbare<br />
integriteit van sy staatsgrense, hoe onagsaam die grensvasstellings<br />
ook al mag wees teenoor die bevolkings wat in die territoriale state<br />
opgehok is.<br />
Is die eeue-oue sterflike god op sy sterfbed? Word hy so deur die<br />
kragte van globalisering en deur die aansprake van partikuliere<br />
gemeenskappe (kultureel, taal- en etnies) uitgedaag, het hy so uit pas<br />
met laat-moderniteit se veelheid van identiteite geraak dat hy besig<br />
is om mee te gee? Kan ons ons ʼn bedeling anderkant die afhanklikheid<br />
van Leviatan voorstel en maak ʼn sin vir persoonlike selfstandigheid en<br />
gemeenskapsoutonomie, selfsorg, aktiewe burgerskap en ʼn politieke<br />
lewe vanuit partikuliere gemeenskappe ʼn sinvolle bestaan anderkant<br />
Leviatan moontlik? Kan ons onself in plaas van die verarmde staatlike<br />
demokrasie waaraan Leviatan ons ter wille van sy voortbestaan<br />
uitgelewer het, die genoegdoening van egte demokratiese<br />
selfregering voorstel? Verwerp ons die onverskoonbare immoraliteit<br />
van prekariokrasie waarin staatlikheid minderheidsgemeenskappe<br />
dikwels dompel? Open die koestering van persoonlike eiewaarde en ʼn
276 Hoofstuk 10<br />
sin vir selfrespekterende en selfregerende gemeenskappe die weg na<br />
ʼn ryker en meer egte demokratiese bestel?<br />
Kan ons ons van Leviatan emansipeer? Kan ons die sterflike god<br />
blymoedig ter ruste lê en ʼn sinvolle politieke lewe daarná tegemoet<br />
gaan? Die wyse waarop die staatlike paradigma sleutelkonsepte van<br />
die politiek, wat in die voorafgaande hoofstukke uitgepluis is, verarm<br />
met die gevolglike neerdrukkende uitwerking daarvan, noodsaak ʼn<br />
bevestigende antwoord op hierdie vrae. Onderliggend aan die<br />
bespreking in hierdie hoofstukke was daar deurgaans ʼn suggestie van<br />
ʼn bedeling anderkant staatlikheid. Dit is ʼn politokratiese bedeling. Dit<br />
is politokrasie, waarvan die hoofeienskappe vervolgens geskets word.<br />
2 Politokrasie<br />
2.1 Basiese grondslag<br />
Politokrasie omskryf ʼn omvattende politiek-konstitusionele orde —<br />
veelsferige regering deur die burgers (politai) van elke politieke<br />
gemeenskap oor die besondere res publica — die gemenebes — van die<br />
betrokke gemeenskap.<br />
Die bespreking wat nou volg beskryf die hoofbakens en kerneienskappe<br />
van politokrasie. Dit bied ʼn antwoord op die territoriaalstaatlike<br />
bedeling. Met die bespreking word egter nie iets soos ʼn<br />
konstitusie, met al die tegniese besonderhede daaraan verbonde,<br />
geskryf nie. Dit sal wel elders en aan die hand van die arbeid van<br />
ander mense volg. Die bespreking skets wel die buitelyne, die basiese<br />
vertrekpunte, beginsels en bepaalde ideale van politokrasie. Dit stel<br />
die kernkonsepte van politokrasie aan die orde en pluis dit uit. Waar<br />
fyner en meer praktiese besonderhede wel ter sprake kom, soos by die<br />
optimale omvang van die tuistelike politieke gemeenskap teen die<br />
einde van hierdie hoofstuk, is dit by uitsondering en net om die<br />
algemene vertrekpunte te verduidelik en af te rond.<br />
Die begrip politokrasie is ontleen aan die Klasieke Griekse begrip<br />
polis — die stadstaat. Die politai — die burgers — was burgers van die<br />
polis en was as sodanig daadwerklik vir die regering van die polis<br />
verantwoordelik. Politokrasie wil nie die polis-stelsel van destyds laat<br />
herleef nie en wil ook nie die politieke denke van daardie tyd (wat in<br />
elk geval uiteenlopend is) op die huidige situasie probeer inent nie.<br />
Nogtans neem dit kennis van die denke van die Klassieke Griekse<br />
politiek en heg dit besondere waarde aan aspekte van veral<br />
Aristoteles se politieke denke. Die beperkte en hegte politieke<br />
eenhede van die Griekse stadstate is ook vir politokrasie van<br />
grondliggende belang. So ook die aktiewe burgers — die politai — en<br />
die hegte gemeenskappe, wat die basis van die politiek was. Die keuse
Politokrasie 277<br />
vir die term politokrasie is ook uit ʼn ander bron gemotiveer. Soos<br />
weldra sal blyk, is een van die sentrale eienskappe van politokrasie<br />
dat dit erkenning wil verleen en konstitusionele uitdrukking wil gee<br />
aan meervoudige identiteite, meervoudige gemeenskappe en<br />
meervoudige setels van regering. Politokrasie is in vele opsigte juis<br />
nie unitêr nie, maar in werklikheid politêr. Die klem op<br />
veelvoudigheid weerklink in die poli in poli-tokrasie.<br />
Politokrasie gee konstitusionele uitdrukking aan die<br />
menswaardigheid van handelingsbevoegde volwassenes. Dit word<br />
gedoen met die klem, nie in die eerste plek op individuele regte nie,<br />
maar op die bevoegdheid en mag om individueel en as deelgenote van<br />
verskeie gemeenskappe outonoom oor die res publicae — die<br />
gemenebes (die openbare sake wat gemeenskaplik aan die lede van<br />
elke gemeenskap is) — te beskik. Hierdie regeringsbevoegdheid het in<br />
die eerste plek betrekking op wat tuistelike gemeenskappe genoem<br />
word, maar ook op meer omvattende gemeenskappe. Tuistelike<br />
gemeenskappe is een van die wesenskonsepte van politokrasie. Dit is<br />
so belangrik dat dit by die behandeling van politokrasie deurentyd<br />
voorop staan. Met tuistelike gemeenskappe word bedoel die kulturele<br />
en/of plaaslike gemeenskap waarbinne mense woon en hulle<br />
daaglikse lewens lei. Die uiteensetting hieronder brei breedvoerig<br />
hierop uit.<br />
Behalwe dat ons deel uitmaak van tuistelike gemeenskappe,<br />
behoort ons ook tot meer omvattende gemeenskappe en in bepaalde<br />
opsigte ook tot ʼn — weliswaar ietwat newelagtige — globale<br />
gemeenskap. Politokrasie wil dat ons gedeelde identiteit as<br />
deelgenote van hierdie groter gemeenskappe ook erken word en wil<br />
terselfdertyd ook ons burgerskap van hierdie groter gemeenskappe<br />
konstitusioneel verreken. Dit beteken dat met betrekking tot die<br />
openbare sake wat gemeenskaplik aan daardie groter gemeenskappe<br />
is, net soos wat tuistelike gemeenskappe betref, ons medebesluitnemers<br />
en mede-beskikkers sal wees. Politokrasie verpolitiseer<br />
tuistelike gemeenskappe. Dit verleen aan tuistelike gemeenskappe ʼn<br />
politieke karakter, aangesien dit aan die lede daarvan die geleentheid<br />
bied om as burgers gesaghebbend oor die res publicae van daardie<br />
gemeenskappe te regeer. In plaas daarvan dat slegs die territoriale<br />
staat op grond van staatlikheid as politieke gemeenskap as die<br />
substraat van burgerskap en locus van politieke gesagsuitoefening<br />
erken word, maak politokrasie van tuistelike gemeenskappe juis<br />
politieke gemeenskappe. Dit beteken dat lede van tuistelike<br />
gemeenskappe burgers daarvan kan word en dat tuistelike<br />
gemeenskappe dienooreenkomstig ook die loci van politieke<br />
gesagsuitoefening word.<br />
Politokrasie erken en verreken die individuele vryhede en<br />
immuniteite wat modern-liberale opvattings die afgelope eeue
278 Hoofstuk 10<br />
toenemend opgelewer het as ʼn kosbare wins. Die territoriale staat is<br />
weens die afdwinging van staatlike identiteit deur<br />
staatsbouprogramme, staatlike demokrasie en staatsgewaarborgde<br />
menseregte in belangrike opsigte juis ʼn bedreiging vir en<br />
inbreukmaker op hierdie winste. Meer nog, soos in hoofstuk 6<br />
verduidelik is, is Leviatan deurlopend die vernietiger van<br />
gemeenskappe. Vir politokrasie is tuistelike gemeenskappe, in die<br />
besonder kulturele gemeenskappe, inherent goed. Dit is sonder meer<br />
deugsaam. Dit is die lewensbron van daadwerklike demokratiese<br />
politiek. Dit voldoen gevolglik aan mense se behoefte om as volwasse<br />
persone daadwerklik hulle eie wêreld vry van voorskrif in te rig. Dit<br />
gee uitdrukking aan ʼn sin vir persoonlike selfstandigheid wat heg<br />
verweef is met, in die besonder, volwasse handelingsbevoegde<br />
persone se sin vir menswaardigheid. Die lewensbron hiervoor, naamlik<br />
tuistelike gemeenskappe, is egter die voorwaarde vir dit alles.<br />
Daarom is die tuistelike gemeenskap in samehang met individuele<br />
waardigheid die hoekstene vir ʼn politokratiese bestel.<br />
In ʼn politokratiese orde is daar nie slegs ʼn enkele gesentraliseerde<br />
locus van regering volgens die eise en ter wille van die ongeskonde<br />
instandhouding en verering van die territoriale staat nie. Daar is ook<br />
nie slegs ʼn enkele staatlik voorgeskrewe openbare identiteit na die<br />
beeld van die sterflike god nie en ook nie ʼn eksklusiewe trou aan die<br />
territoriale staat nie. Demokrasie is nie verarm tot die massokrasie<br />
(sien hoofstuk 7.4) nie. Demokrasie verval ook nie in die onreg van<br />
prekariokrasie teenoor minderhede soos dit dikwels in die<br />
(multinasionale) territoriale staat gebeur nie. Dit is daarop ingestel<br />
om dit juis te verhoed.<br />
In ʼn politokratiese bestel is die territoriale staat nie die sentrale<br />
struktuur van regeringsbevoegdheid nie. Regeringbevoegdheid is<br />
versprei en daar is ʼn verskeidenheid van openbare identiteite wat<br />
almal juridiese erkenning geniet. Daar heers maksimale mederegering.<br />
Daar is voorsiening vir regeringsmag (kratos) vanaf die<br />
beperkte gemeenskap tot die mees omvattende gemeenskap, dit wil<br />
sê regeringsmag vir en deur die mees tuistelike en plaaslike demos tot<br />
by globale regering vir ʼn globale demos. In ʼn politokratiese bestel is<br />
openbare politieke identiteit meervoudig. Openbare politieke trou<br />
wat tans uitsluitlik aan die staat verskuldig is, is opgedeel en<br />
gerelativeer. Dit gaan in die eerste plek aan die mees tuistelike en<br />
daarna tot aan die mees omvattende politieke gemeenskap.<br />
Demokrasie is geradikaliseer. Regering — besluitneming, insluitende<br />
fiskale bevoegdheid en uitvoering van besluite — oor tuistelike<br />
kwessies geskied op tuistelike regeringsvlak. Dit word nie van elders<br />
gedikteer nie. Oor meer omvattende kwessies word daar op ʼn meer<br />
omvattende vlak geregeer. Oor die enkele globale kwessies wat daar<br />
mag wees, is regering globaal.
Politokrasie 279<br />
In ʼn politokratiese bestel kan burgerskap en die beskikking oor en<br />
uitleef van alle res publicae werklik tot hul reg kom. Burgerskap en<br />
res publica is die twee sentrale konsepte van politokrasie. Dit word<br />
weldra in hierdie hoofstuk breedvoerig uitgepluis. Juis omdat dit so<br />
belangrik is, word hulle hier voorlopig reeds kortliks saamgevat.<br />
Res publica (Gemenebes)<br />
Die res publica is die gemenebes (commonwealth), oftewel openbare<br />
sake wat gemeenskaplik aan die geheel van die betrokke politieke<br />
gemeenskap is. Dit is die sake waaroor burgers gesamentlik beskik en<br />
regeer. Politokrasie veronderstel ʼn ryk republikanisme, dit wil sê ʼn<br />
omvattende gemenebes waaroor die politiek — gesamentlike regering<br />
deur die burgery — handel.<br />
Burgers (politai)<br />
In ʼn politokrasie word daar demokraties deur die burgery — die politai<br />
— oor die res publica regeer. Die burgerskap van die politokrasie is nie<br />
die verarmde burgerskap van die territoriale staat, wat beswaarlik<br />
meer as ʼn juridiese status is nie. Burgerskap dui mede-regering van<br />
die res publicae aan. Burgerskap beteken die daadwerklike<br />
selfstandige en deurlopende deelname aan, en verantwoordelikheid<br />
neem vir, die res publicae. In plaas van ʼn blote passiewe juridiese<br />
status het burgerskap in die politokratiese sin ʼn veel ryker inhoud. Dit<br />
verwys eerder na die bekleding van ʼn amp, waarvolgens burgers deur<br />
aktiewe handeling daadwerklik vir die res publicae<br />
verantwoordelikheid aanvaar en daaroor beskik. Dit is juis daarom dat<br />
die Klassiek Griekse begrip vir die burger, naamlik die politai, hier<br />
ingespan word. Ons moet twee verdere sake oor burgerskap hier<br />
uitklaar.<br />
Eerstens gee politokrasie voorkeur aan eenstemmige — konsensus<br />
— regering. Saaklike debattering en kompromie, wat belangrike<br />
elemente van politokrasie is, moet hiertoe bydra. Dit is bo stemmery<br />
te verkies. In tuistelike gemeenskappe, veral as hulle homogeen (sien<br />
die bespreking van tuistelike gemeenskappe hieronder) en van<br />
beperkte omvang is, is kompromie en eenstemmigheid sekerlik meer<br />
haalbaar as in die omvattende heterogene territoriale staat. Ofskoon<br />
politokrasie ʼn hoë premie op kompromie en eenstemmigheid plaas,<br />
staan of val mede-regering nie hierby nie. Daar kan ook verloormenings<br />
wees wat nie in bindende regeringsbesluite vervat word nie.<br />
In die tuistelike gemeenskap lei dit ten minste nie tot prekariokrasie<br />
waaraan magtelose minderhede in die territoriale staat dikwels<br />
uitgelewer word nie.
280 Hoofstuk 10<br />
Tweedens word hier ʼn onderskeid tussen lede en die burgers van<br />
ʼn gemeenskap getref. Die onderskeid is doelbewus en belangrik, want<br />
nie alle lede, selfs al is hulle handelingsbevoegde volwassenes, is<br />
burgers nie. Nogtans maak dit politokrasie nie minder demokraties<br />
nie. Inteendeel, dit maak dit juis meer demokraties, omdat dit<br />
meebring dat regering by ʼn politiek relevante maar oop (toeganklike)<br />
kategorie van persone — die burgers — berus. Dié aspek word<br />
hieronder in 10.4 in besonderhede uitgepluis.<br />
2.2 Uiteensetting<br />
2.2.1 Die sentrale belang van gemeenskappe<br />
In hoofstuk 4 is daar verduidelik dat die radikale gebrek aan<br />
daadwerklike menslike gemeenskap sedert die dae van Bodin en veral<br />
sedert Hobbes een van die basiese aannames van die staatlike<br />
paradigma is. Hiervolgens is die staat nouliks meer as ʼn instrument om<br />
individuele konflik van wedersyds vyandige of minstens afsydige<br />
individue in toom te hou. Die staat is nie ʼn res publicae, oftewel die<br />
gemenebes waarin alle burgers deel nie, maar bloot ʼn afsydige en<br />
potensieel gevaarlike Leviatan wat as ʼn noodsaaklike euwel geduld<br />
moet word om in te gryp wanneer konflik Leviatan se onderdane binne<br />
die atomistiese samelewing bedreig. Daar is geen burgerlike<br />
deelgenootskap nie. Rousseau wou, soos in hoofstuk 6 verduidelik is,<br />
burgerskap weer rehabiliteer en hegte bande tussen die staat en die<br />
burgery smee. Die poging wanfunksioneer sedert die Franse Rewolusie<br />
met allerlei staatsbouprogramme, waarvan die doel is om burgers na<br />
die beeld van die staat te herskep, met vernietigende gevolge vir<br />
partikuliere gemeenskappe.<br />
Politokrasie verwerp die uitgangspunt dat daar ʼn radikale gebrek<br />
aan gemeenskap is as ʼn fundamenteel foutiewe vertolking van die<br />
menslike toestand en lewenswyse. Individuele bestaan, identiteit,<br />
waardes en prestasies is alles in gemeenskappe geanker. Individuele<br />
bestaan sonder gemeenskappe is onmoontlik. Politokrasie is dus op ʼn<br />
kommunitêre uitgangspunt gebou. Politokrasie verwerp terselfdertyd<br />
staatsbouprogramme vanweë die dwang waaraan dit individue en, in<br />
die besonder, nie-staatlike kultuurgemeenskappe onderwerp om hulle<br />
identiteite, waardes, lojaliteite en politieke handelswyse te<br />
verander. Vanuit ʼn politokratiese oogpunt is die dwanglogika van<br />
staatsbou ʼn onverskoonbare vergryp teen individuele vryheid en<br />
menswaardigheid en die integriteit van kulturele, taal- en dergelike<br />
nie-staatlike gemeenskappe.<br />
Mense is weens ʼn magdom gemene delers deel van verskeie<br />
gemeenskappe — kultuur- taal-, godsdienstige, plaaslike, beroeps-,<br />
ekonomiese en dergelike gemeenskappe. Weens wat ons algemeen as
Politokrasie 281<br />
modernisering kan beskryf, het mense weliswaar meer<br />
geïndividualiseerd geraak. Daar is baie meer ruimte vir die<br />
uitoefening van persoonlike keuses en daar is ʼn magdom van dinge<br />
waaruit persoonlike genoegdoening en bevrediging geput kan word.<br />
Mense het hul tradisionele verbande van stam, dorp en dergelike<br />
parogiale gemeenskappe verlaat en in ander gemeenskapsverbande<br />
opgegaan. Die versnelde globalisering van die onlangse dekades — die<br />
vinnige verskuiwing van goedere, dienste, kapitaal en mense — is ʼn<br />
enorme stimulus vir ʼn enkele globale mark. Die ontwikkeling en<br />
verfyning van die Wêreldwye Web en die Internet verhaas steeds die<br />
eenwording van aspekte van die ekonomie. Die stimulering van die<br />
drang na die bevrediging van al hoe meer verbruikersbehoeftes,<br />
gepaard met verengelsing is sterk homogeniserende kragte. Dit maak<br />
mense eenderse, beperk gedefinieerde verbruikers — individue vir wie<br />
verbruik voorop staan en wat met die oog op die bevrediging van<br />
verbruiksbehoeftes werk. Geen kultuur- of dergelike gemeenskap is<br />
hierdeur onaangeraak nie. Hierdie soort gemeenskappe word<br />
ingrypend aan homogeniserende sosiale kragte blootgestel. Trouens,<br />
dié kragte in medewerking met staatsbouprogramme het reeds tot die<br />
verdwyning en ontwrigting van talle sodanige gemeenskappe gelei.<br />
Nogtans is daar steeds nie iets soos ʼn soewereine individu, los van<br />
enige gemeenskap nie. Individue het weliswaar fisies, sosiaal en<br />
ekonomies baie meer mobiel geraak en hul lewenswyses skep dikwels<br />
die indruk van ʼn suiwer individuele bestaan, los van enige<br />
gemeenskap. Wanneer individue beweeg, is dit nogtans nie beweging<br />
heeltemal buite enige gemeenskapsverband nie. Wanneer daar<br />
beweeg word, is dit steeds beweging — geheel of gedeeltelik — vanuit<br />
een gemeenskap na ʼn ander. Ofskoon ons beweeg en ons ons (deels)<br />
van bestaande gemeenskappe losmaak, bly ons altyd aan<br />
gemeenskappe verbonde. Ons identiteit is gemeenskapsbepaald en<br />
ons opvattings en oortuigings word deur ons betrokkenheid by<br />
gemeenskappe gevorm. Wat meer is, hoe mobiel ons ook al mag wees,<br />
is ʼn sinvolle bestaan sonder betrokkenheid by gemeenskappe en<br />
sonder wisselwerking met ander mense binne gemeenskapsverband<br />
volkome onmoontlik.<br />
Dit wat ons individuele regte noem, is, hoe individueel dit met die<br />
eerste oogopslag mag voorkom, nie moontlik om uit te oefen anders<br />
as binne ʼn gemeenskapskonteks nie. Die reg op vryheid van<br />
uitdrukking verloor alle betekenis indien die uitdrukking nie gerig is<br />
aan ʼn gehoor — ʼn gemeenskap — waarvan die bekleër van die reg op<br />
uitdrukking ook deel is nie. Die reg op godsdiens, onderwys, taal,<br />
ekonomiese regte en dies meer is net so onbestaanbaar of wesenlik<br />
verarm indien dit nie gelyktydig saam met ander mense van dieselfde<br />
gemeenskap, wat dieselfde regte wil benut, uitgeoefen word nie. 1<br />
Gemeenskappe is dus absoluut sentraal vir ʼn sinvolle individuele<br />
lewe. Van ʼn soewereine individu — ʼn vrydrywende enkeling wat maak<br />
soos hy wil — is daar klaarblyklik geen sprake nie. ʼn Individu kan net
282 Hoofstuk 10<br />
wil en verstaan, glo en doen in terme van die gemeenskap/pe<br />
waarbinne hy hom bevind.<br />
Ook politieke deelname is van ʼn verbintenis met gemeenskappe<br />
afhanklik. By politieke deelname bedoel ek die vermoë van ʼn persoon<br />
om saam met ander mense (burgers om presies te wees) oor openbare<br />
sake wat gemeenskaplik aan hulle is by wyse van inspraak daadwerklik<br />
ʼn impak te maak — daadwerklik die inhoud van besluite oor dié sake<br />
mede te bepaal. Soos hieronder in 10.4 verduidelik word, is dit eers<br />
met deelname en die maak van daadwerklike impak dat mense<br />
werklik die amp van burgerskap opneem en as burgers handel.<br />
Enkelinge en klein gemeenskappe kan, behalwe by hoogste<br />
uitsondering, nie ʼn impak maak op kwessies van globale omvang nie.<br />
Ten aansien van globale aangeleenthede verdwyn hulle in die niet en<br />
is hulle gewoonlik magteloos en gemarginaliseerd. Hulle is ten aansien<br />
daarvan bloot individuele toeskouers en kan nie die bevoegdhede wat<br />
met burgerskap gepaard gaan, opneem nie. Individue wat (voorgee<br />
om) alle gemeenskappe (te) verlaat en bloot deel van ʼn universele<br />
mark wil wees, kan hulle individuele soewereiniteit en prestasies<br />
kordaat verklaar, maar dit is ʼn ironiese soewereiniteit van ʼn<br />
magtelose individuele toeskouerskap wat geen openbare impak het<br />
nie. So ʼn soewereine individu het met die beperkings waarbinne hy<br />
homself boonop ook bevind alleen impak op sy private mikrowêreldjie.<br />
Dieselfde geld, soos in hoofstuk 7 verduidelik is, in die<br />
omvangryke territoriale staat, waarin demokrasie tot massokrasie<br />
gedegenereer het. Individue kan nie werklik in so ʼn opset enige<br />
noemenswaardige mag uitoefen en impak hê nie. Die periodieke<br />
uitoefening van stemreg beteken nie politieke impak nie en is nouliks<br />
meer as ʼn funksie van die legitimiteitsfiksie (sien hoofstuk 7.2)<br />
waardeur die magsuitoefening van klein elites wat werklik aan stuur<br />
van sake is as demokraties gelegitimeer word. Hierdie leemte word<br />
toenemend erken en daar is pogings om dit deur<br />
gemeenskapsdeelname aan die wetgewende proses te probeer<br />
aanspreek. 2 Die probleem kan egter beswaarlik omvattend deur<br />
hierdie soort meganismes opgelos word.<br />
Minderheidsgemeenskappe in etnies en kultureel diep verdeelde<br />
heterogene samelewings word veral nadelig in ʼn massokratiese opset<br />
getref. Hulle mag, soos daar in hoofstuk 7 verduidelik is, periodiek<br />
stem, maar kan nooit daadwerklik mag uitoefen nie. Stemreg vervul<br />
by minderhede bloot die funksie van ʼn legitimiteitsfiksie wat die<br />
1 Vgl. K Malan ‘The deficiency of individual rights and the need for community<br />
protection’ (2008) 71 Tydskrif vir Hedendaagse Romeins-Hollandse Reg 415 et<br />
seq.<br />
2 Byvoorbeeld artikels 59(1)(a), 72(1)(a) en 118(1)(a) van die Suid-Afrikaanse<br />
grondwet. Sien ook die volgende beslissings hieroor: Doctors for Life<br />
International v Speaker of the National Assembly 2006 (12) BCLR 1399 (KH) en<br />
Matatiele Municipality v President of the RSA 2007 (1) BCLR 47 (KH).
Politokrasie 283<br />
politieke gesagsposisie van elites wat uit die meerderheid kom,<br />
regverdig. Dit degenereer tot prekariokrasie, waardeur minderhede in<br />
die naam van demokrasie aan die genade van politiek magtige<br />
meerderhede (meer korrek, die regerende elite uit die meerderheid)<br />
oorgelaat word. Vir die kiesers wat tot minderhede behoort, is hulle<br />
periodieke deelname aan verkiesings beswaarlik meer as ʼn ritueel<br />
waardeur hulle, heel ironies, hul eie prekariokratiese magteloosheid<br />
as demokrasie vier. Die moderne staatsreg en internasionale reg is<br />
natuurlik toenemend van hierdie probleem bewus en probeer dit soos<br />
in hoofstuk 9 verduidelik is, by wyse van minderheidsregte ondervang.<br />
Die pogings is lofwaardig, ofskoon dit natuurlik nie altyd suksesvol is<br />
nie, veral omdat dit soms teen staatsbouprogramme stuit. Bowendien<br />
geskied dit binne die raamwerk van die staatlike paradigma en dus<br />
met die oog op die instandhouding van die bestaande staatlike orde.<br />
Dit ken ook bloot regte toe in plaas daarvan om, soos politokrasie in<br />
die vooruitsig stel, gemeenskappe met magte te beklee.<br />
Daar word ook geargumenteer dat minderhede se belange deur ʼn<br />
onafhanklike regbank beskerm kan word, wat individuele regte bereg<br />
en toepas. Dit is slegs in ʼn baie geringe mate waar. Origens is die<br />
argument ondeurdag en onoortuigend. Dit begryp glad nie die<br />
beperkings van die regbank met betrekking tot politiek-verwante<br />
aangeleenthede nie. Ofskoon in grondwetlike terme onafhanklik en<br />
onpartydig, verteenwoordig die regbank nie ʼn politieke stroming,<br />
verwyderd en onafhanklik van heersende politieke elite nie. Die<br />
regbank is trouens deel van een en dieselfde regerende elite en deel<br />
die uitgangspunte en doelwitte daarvan. Die howe vertolk die reg, die<br />
grondwet en individuele regte aan die hand van die uitgangspunte van<br />
die regerende elite waarvan hulle deel vorm. Dit is die geval met alle<br />
regbanke. Howe kan klein verstellings aan die werkswyse van die<br />
wetgewende en uitvoerende gesag aanbring, maar kan en wil nie die<br />
algemene denkwyse en doelwitte van die regerende elite ontwrig nie.<br />
Dit is gevolglik onrealistiese onsin om voor te gee dat ʼn regbank deur<br />
sy beslissings die belange van minderhede wat nie deel van die<br />
regerende elite is nie sal vooropstel en die politieke projekte van die<br />
regerende elite ter wille van minderhede in die war sal stuur. 3 Boonop<br />
kan die regbank dit nie doen nie, omdat dit van die uitvoerende gesag<br />
afhanklik is vir die uitvoering van sy hofbevele. Dit kan die<br />
wetgewende en uitvoerende gesag nie antagoniseer nie en moet as<br />
gevolg daarvan deurlopend regterlike terughoudendheid aan die dag<br />
lê. Dít is ʼn algemene kenmerk van regbanke.<br />
3 Sien hieroor K Malan ‘The unity of powers and the dependence of the judiciary’<br />
(2006) 39 De Jure 149 et seq en in besonder die insigte van R Dahl, wat in hierdie<br />
artikel behandel is.
284 Hoofstuk 10<br />
2.2.2 Meervoudige openbare identiteite en regeringsfere<br />
Hierdie dinge beteken egter nie ʼn finale afskeid van burgerskap nie.<br />
Sinvolle politieke deelname — deelname wat ʼn impak het — en die<br />
opneem van die amp van burgerskap is wel moontlik. Dit is moontlik<br />
in gemeenskappe van beperkte geografiese en demografiese omvang<br />
waarin daar gemeenskaplike bande van ʼn kulturele of dergelike aard<br />
tussen mense bestaan, dit wil sê in tuistelike gemeenskappe. Dit is<br />
moontlik omdat individue dáár werklik gehoor kan word, ʼn impak het<br />
en sodoende die tuistelike gemeenskappe waarin hulle leef<br />
daadwerklik mede-regeer. Dit is daar en gewoonlik slegs daar dat<br />
mense in staat is om in praktiese terme die hoedanigheid van<br />
burgerskap te kan uitoefen. Dit is daarom juis dáár, op tuistelike vlak,<br />
dat regering behoort te setel. Besluite moet daar geneem en<br />
uitgevoer word en die fiskale vermoë om dit te doen moet daar setel.<br />
Daar kan algemeen gesproke drie soorte tuistelike gemeenskappe<br />
wees.<br />
Eerstens kan ʼn gemeenskap tegelyk plaaslik en kultureel wees, dit<br />
wil sê ʼn homogene kultuurgemeenskap wat terselfdertyd op dieselfde<br />
plek gekonsentreer is. Dit is ʼn plaaslike kultuurgemeenskap. Dit is die<br />
gemeenskap met die mees omvattende gemenebes waaroor beskik en<br />
regeer kan word en met die omvattendste bande tussen burgers (die<br />
rykste res publicae).<br />
Tweedens kan ʼn tuistelike gemeenskap ʼn plaaslike gemeenskap<br />
wees waar ʼn kultureel heterogene gemeenskap wat dieselfde<br />
grondgebied deel in weerwil van hulle kulturele heterogeniteit deur<br />
ander — plaaslike — bande heg verbind word.<br />
Derdens kan ʼn tuistelike gemeenskap ʼn kultureel homogene<br />
gemeenskap wees, wat anders as die eerste een, nie plaaslike<br />
gekonsentreer is nie, maar hegte kulturele bande het in weerwil van<br />
die feit dat hulle nie op dieselfde plek saamgetrek is nie. Dit is ʼn<br />
transplaaslike kultuurgemeenskap.<br />
Ongeag die aard van die tuistelike gemeenskap beoog politokrasie<br />
om maksimale selfregering aan al hierdie gemeenskappe toe te ken.<br />
Elkeen van hierdie tuistelike gemeenskappe beskik oor sy eie soort res<br />
publicae — openbare sake gemeenskaplik aan die burgery van die<br />
betrokke gemeenskap — waaroor die burgers van daardie gemeenskap<br />
gesamentlik beskik. By die bespreking hieronder van die res publicae<br />
en burgerskap word al drie hierdie tuistelike gemeenskappe in<br />
gedagte gehou, maar dit is veral die eerste gemeenskap waarop die<br />
klem val.
Politokrasie 285<br />
Ons is egter natuurlik nie net deel van tuistelike gemeenskappe<br />
nie, maar ook van veel meer, asook omvattender gemeenskappe —<br />
geografies, demografies en kultureel. Dit is gemeenskappe wat gebind<br />
word deur gemeenskaplike openbare belange en kwessies, anders as<br />
dit wat tuistelike gemeenskappe bind. Die meer omvattende<br />
gemeenskappe beskik na gelang van hul aard elk oor sy eie res<br />
publicae. Die dinge (die res publicae) wat sodanige omvattende<br />
(subkontinentale en dergelike) gemeenskappe bind, mag handel oor<br />
die bekamping van aansteeklike siektes, watervoorsiening,<br />
besoedeling, ekonomiese belange, kubermisdaad, of watter ander<br />
omvattende kwessie ook al. In die laaste instansie is daar ook ʼn<br />
globale gemeenskap, want daar is sake wat inderdaad globaal is en<br />
wat nie net tuistelik hanteer kan word nie. Trouens, ons is al lank nie<br />
meer net deelgenote van ons onmiddellike kultuurgemeenskap nie,<br />
maar ook van ʼn wêreldkultuur. Die letterkunde en die wetenskap het<br />
dit reeds lank gelede teweeg gebring en onlangse globalisering het<br />
hierdie realiteit prominent onderstreep. Bowendien is daar ook ʼn diep<br />
menslike behoefte om as deel van die omvattende mensdom erken en<br />
gerespekteer te word. Ons openbare identiteit behoort bepaal te<br />
word deur die feit dat ons gelyktydig tot al hierdie gemeenskappe<br />
behoort en regeringsgesag — bindende besluitneming en die<br />
uitvoering van besluite — behoort, afhangende van die soort kwessie<br />
wat ter sake is, in al hierdie vlakke te setel.<br />
Daar is sake wat as tipies tuistelike, regionale, subkontinentale of<br />
globale kwessies uitgewys kan word, met ander woorde daar is<br />
verskeie tipies tuistelike, regionale, subkontinentale of globale res<br />
publicae. Maar daar is baie aangeleenthede wat gelyktydig in verskeie<br />
van hierdie sfere van belang is. Daar moet telkens uitgeklaar word op<br />
watter regeringvlak daar met die betrokke saak gehandel moet word.<br />
Gesamentlike regering op meerdere vlakke sal dikwels noodsaaklik<br />
wees. Die kern van die saak is dat daar geen enkele soewereine<br />
regering is nie. Daar bestaan nie net ʼn enkele soewereine staatlike<br />
regering waarop die staatlike paradigma (in sy mees ontoegeeflike<br />
vorm) aandring nie.<br />
2.2.3 Subsidiariteit en Korreksie<br />
Daar is twee beginsels wat volgens ʼn politokratiese sienswyse die<br />
toedeling van regeringsgesag reël. Eerstens is daar die beginsel van<br />
subsidiariteit en selfregering, en tweedens, die beginsel van<br />
korreksie. Subsidiariteit en selfregering is heg verweef en impliseer<br />
mekaar. Hieronder word eers na subsidiariteit (wat selfregering<br />
impliseer) verwys. Later volg opmerkings meer bepaald oor<br />
selfregering.
286 Hoofstuk 10<br />
Subsidiariteit<br />
Volgens die beginsel van subsidiariteit moet regering so ver moontlik<br />
tuistelike selfregering wees. Regeringsfunksies moet gevolglik op die<br />
mees tuistelike vlak, so na as moontlik aan diegene wat regstreeks<br />
deur die uitvoer van daardie funksies geraak word, uitgeoefen word.<br />
Dit geld nie net vir regeringsfunksies wat gewoonlik met plaaslike of<br />
provinsiale regering vereenselwig word nie, maar in beginsel vir alle<br />
ander funksies. Meer verwyderde regering, wat verder weg geleë is<br />
van diegene wat daardeur geraak word, mag nie inmeng in die sake<br />
van meer tuistelike regerings nie.<br />
• Indien ʼn tuistelike gemeenskap ʼn plaaslike kultuurgemeenskap is<br />
(die eerste soort wat hierbo beskryf is) en dus ʼn homogene<br />
kultuurgemeenskap gekonsentreer op ʼn bepaalde plek is, moet<br />
maksimale regering dáár geskied. Die locus van regering word<br />
derhalwe gelyktydig deur domisilie en personaliteit (wie die<br />
betrokke mense kultureel gesproke is) bepaal.<br />
• Indien ʼn tuistelike gemeenskap ʼn plaaslike gemeenskap is (die<br />
tweede soort wat hierbo beskryf is) en dus ʼn kultureel heterogene<br />
plaaslike gemeenskap is met ʼn gemeenskaplike wil om in<br />
dieselfde territorium regeringsfunksies te behartig, moet dit<br />
inderdaad dáár gedoen word. Die locus van regering word in<br />
hierdie geval deur domisilie bepaal. Soos blyk uit die bespreking<br />
van die derde soort plaaslike gemeenskap onmiddellik hierna, is<br />
die sake waaroor die regering van hierdie tweede soort<br />
gemeenskap (plaaslike tuistelike gemeenskap) mag regeer egter<br />
beperk. Dit is beperk tot die res publicae van die betrokke<br />
plaaslike gemeenskap. Dit handel dus oor die sake wat<br />
daadwerklik gemeenskaplik aan daardie gemeenskap is, maar<br />
sluit nie die sake van transplaaslike tuistelike<br />
kultuurgemeenskappe in nie. Laasgenoemde word nie ingesluit by<br />
die res publicae van die plaaslike gemeenskap nie.<br />
• Derdens is daar dan die transplaaslike tuistelike<br />
kultuurgemeenskap. Dit is ʼn tuistelike, kultureel hegte,<br />
homogene gemeenskap wat nie plaaslik gekonsentreer is nie. Die<br />
regeringsfunksies in en vir so ʼn gemeenskap moet deur die<br />
betrokke gemeenskap uitgeoefen word. Net soos die<br />
regeringsfunksies van plaaslike tuistelike gemeenskappe, is die<br />
regeringsfunksies van transplaaslike tuistelike gemeenskappe ook<br />
beperk. Dit is beperk tot die res publicae van daardie<br />
gemeenskap, dit wil sê tot sake wat op die kulturele welweë van<br />
die betrokke gemeenskap betrekking het. Lede van so ʼn<br />
gemeenskap sal dus in verskeie heterogene plaaslike<br />
gemeenskappe woon. Volgens ʼn politokratiese sienswyse sal<br />
elkeen van hierdie plaaslike gemeenskappe maksimale<br />
selfregering hê. Dié regering sluit egter nie regering oor die sake
Politokrasie 287<br />
van die betrokke hegte maar geografies verspreide<br />
kultuurgemeenskappe (transplaaslike kultuurgemeen-skap) in wat<br />
in verskeie plaaslike gemeenskappe woonagtig is nie. In sulke<br />
plaaslike gemeenskappe word die locus van regering gelyktydig<br />
deur domisilie, sowel as personaliteit bepaal. Die domisiliebeginsel<br />
bepaal die locus van regering oor die dinge wat<br />
gemeenskaplik in so ʼn plaaslike gemeenskap is. Daarenteen<br />
bepaal die personaliteitsbeginsel die locus van regering oor die<br />
sake wat besonders aan die betrokke persone (die lede) is wat aan<br />
die betrokke transplaaslike kultuurgemeenskap behoort.<br />
Nie een van hierdie tuistelike vorme van regering sit die huidige<br />
territoriale staat voort nie. Dit geld ook vir die eerste soort tuistelike<br />
gemeenskap en regering (die plaaslike kultuurgemeenskap). Dit is ook<br />
nie ʼn kontinuering van die territoriale staat in kultureel homogene<br />
vorm nie. Dit is om twee redes die geval.<br />
Die eerste is omdat nie een van hierdie politieke gemeenskappe<br />
soewerein is nie. Hulle is nie mikro-soewereine territoriale staatjies<br />
nie, want daar is verskeie sake (res publicae) wat buite hulle<br />
regeringsjurisdiksie val en deur meer omvattende politieke eenhede,<br />
waarvan die tuistelike politieke eenhede deel uitmaak, behartig<br />
word. Gevolglik voorsien politokrasie nie die voortsetting van ʼn<br />
soewereine territoriale staat, hetsy in sy huidige gedaante, of in die<br />
vorm van ʼn klomp mikro soewereine staatjies nie. Dit herinner eerder<br />
aan ʼn losse federasie waarin regeringsfunksies tussen verskeie<br />
gemeenskappe verdeel na gelang van die soort res publicae wat eie is<br />
aan elke gemeenskap — vanaf tuistelike tot meer omvattende<br />
gemeenskappe.<br />
Tweedens is tuistelike gemeenskappe (en regerings) geografies en<br />
demografies te klein en beperk om werklik territoriale (of nasionale)<br />
state te wees. Politokrasie stel in die vooruitsig dat daar ʼn ryk<br />
gemenebes sal wees waaroor regeer moet word. Verder beteken<br />
burgerskap vanuit ʼn politokratiese oogpunt ook die daadwerklike<br />
behartig van regeringsfunksies. Dit is iets wat beswaarlik in ʼn<br />
omvangryke territoriale staat moontlik is. Die beperkte omvang van<br />
tuistelike gemeenskappe (en regerings) is wesenlik noodsaaklik vir ʼn<br />
politokratiese bedeling. Sodra dit te groot raak, ly dit juis skipbreuk.<br />
Daarom is dit nie vereenselwigbaar met die territoriale staat nie.<br />
Omvang, veral wat betref die getal inwoners (lede) en burgers, maar<br />
ook wat betref geografiese omvang, is dus ʼn kritiese kwessie vir<br />
politokrasie. Dié aspekte kom aan die einde van hierdie hoofstuk ter<br />
sprake<br />
Wanneer tuistelike regerings dit moeilik vind om ʼn<br />
regeringsfunksie uit te oefen, neem meer verwyderde regerings nie<br />
sonder meer hierdie funksies oor nie. Inteendeel, meer verwyderde
288 Hoofstuk 10<br />
regering se eerste verantwoordelikheid kragtens die subsidiariteitsbeginsel<br />
is juis om te help toesien dat die betrokke funksie wel deur<br />
die mees tuistelike regering uitgeoefen kan word. Dit is alleen<br />
wanneer dit klaarblyklik onmoontlik blyk te wees vir ʼn meer tuistelike<br />
regering om ʼn funksie te behartig dat dit na ʼn regering wat wel by<br />
magte is om die betrokke funksie uit te voer ‘opgewentel’ mag word.<br />
As uitgangspunt setel regeringsfunksies egter altyd op die mees<br />
tuistelike vlak. Volgens die politokratiese sienswyse is die tuistelike<br />
vlak die natuurlike locus — die vertrekpunt en verstekposisie — van<br />
regeringsmag. Dit setel daar, tensy en totdat dit blyk dat dit<br />
noodsaaklik is om die betrokke mag op te wentel. Opwenteling is in<br />
beginsel tydelik: regeringsgesag bly opgewentel alleen vir sover dit<br />
noodsaaklik is en solank dit nie afgewentel kan word nie. Sodra dit<br />
weer tuistelik uitgevoer kan word, moet afwenteling weer plaasvind.<br />
Die vertolking van die subsidiariteitsbeginsel wat hier voorgehou<br />
word, verskil beduidend van die wyse waarop regeringsfunksies<br />
gewoonlik deur konstitusionele reëlings in die huidige territoriale<br />
staat aan federerende eenhede, munisipaliteite, provinsies en<br />
deelstate toegedeel word. Die eenhede van ʼn bepaalde vlak sal<br />
gewoonlik presies dieselfde magte hê. Alle provinsies het aan die een<br />
kant presies dieselfde regeringsmagte, terwyl die magte van alle<br />
munisipale regerings ook gelyk is. Aan die hand van die beginsel van<br />
subsidiariteit sien sake heel anders daaruit, want daarvolgens kan ʼn<br />
tuistelike regering maksimale regeringsfunksies uitoefen, met<br />
inbegrip van die soort funksies wat gewoonlik met nasionale regering<br />
vereenselwig word. Al vereiste daarvoor is dat die betrokke owerheid<br />
daadwerklik daartoe in staat moet wees. Dit is in hierdie opsig dat<br />
tuistelike gemeenskappe en tuistelike regering juis van plaaslike<br />
(munisipale) regering kragtens geykte grondwetlike reëlings verskil.<br />
Waar plaaslike regeringsfunksies inherent beperk is, is dié van<br />
tuistelike regering, al is dit plaaslik gebaseer, nie aan dieselfde<br />
beperkings onderhewig nie.<br />
Subsidiariteit en selfregering is heg verweef. Dit impliseer dat<br />
mense outonoom moet kan beslis oor die openbare sake wat hulle<br />
raak. Selfregering is op sy beurt weer heg verbind met die beginsel<br />
van menswaardigheid. ʼn Menswaardige handelswyse vereis dat<br />
volwasse handelingsbevoegde mense in beginsel nie aan voorskrifte<br />
onderworpe moet wees nie. Dwang en voorskrifte wat mense se<br />
outonome vermoë om self oor hul sake te besluit, beperk, is ʼn<br />
kwetsende objektivering van mense en krenk hul menswaardigheid.<br />
Dit kan verhoed word indien mense oor die bevoegdheid beskik om<br />
self oor hulle sake te besluit. Basiese menswaardigheid, selfregering<br />
en subsidiariteit is gevolglik drie heg verbonde en wedersyds<br />
aanvullende beginsels.
Korreksie<br />
Politokrasie 289<br />
Tuistelike regering, soos trouens enige regering, kan skeefloop. So<br />
kan daar in die private belang van slegs sekere mense in plaas van in<br />
die algemene tuistelike belang regeer word, of kan ʼn tuistelike<br />
regering sy mag tot nadeel van ʼn sektor in die betrokke tuistelike<br />
gemeenskap misbruik. Tuistelike regering kan in ʼn geslotenheid, ʼn<br />
oormaat parogialiteit of sektarisme verval, wat die tuistelike<br />
gemeenskap in moralistiese bekrompenheid, godsdienstige<br />
fundamentalisme, of dergelike totalitarisme kan verstik. Parogialiteit<br />
en geslotenheid is niks vreemds nie. Binne perke is dit trouens ook nie<br />
noodwendig sleg nie. Trouens, daar is hoogs gemoderniseerde en<br />
omvattende gemeenskappe wat hulself juis weens hul eiesoortigheid,<br />
eienaardigheid en oorvereenvoudigde sienswyses van ander<br />
onderskei. Dit is juis dié soort dinge wat gemeenskappe konstitueer,<br />
afbaken en kenmerk. Die probleem lê nie by parogialiteit as sodanig<br />
nie, maar by parogialiteit wat tot klaarblyklike nadeel en<br />
onderdrukking van mense binne daardie gemeenskap lei, of waar dit<br />
in daadwerklike gevaar vir ander gemeenskappe ontaard. Dit is in<br />
hierdie konteks dat korreksie ter sprake kom.<br />
Aangesien soewereiniteit ingevolge ʼn politokratiese sienswyse<br />
nêrens uitsluitlik op een plek setel nie — ook nie in ʼn tuistelike<br />
regering nie — kan ʼn tuistelike regering van buite gekorrigeer word.<br />
Verder kan tuistelike gemeenskappe en regerings as deel van en in<br />
wisselwerking met regionale en subkontinentale gemeenskappe en<br />
die globale gemeenskap ook gerig en gekorrigeer word om te verhoed<br />
dat tuistelike regering in chauvinisme, eiegeregtigheid of<br />
onderdrukking van eie gemeenskappe verval. Dit is natuurlik iets wat<br />
weens die opkoms van internasionale en regionale menseregtestandaarde<br />
sedert die Tweede Wêreldoorlog inderdaad reeds<br />
bestaan. Hierdie standaardisering poog juis om so ʼn korrigerende<br />
uitwerking te hê en is ook deels suksesvol.<br />
Subsidiariteit en selfregering aan die een kant en korreksie aan<br />
die ander kant is natuurlik potensieel teenstrydig. Korreksie hou in<br />
dat sekere besluite wat gemaklik op tuistelike regeringsvlak geneem<br />
en uitgevoer kan word, nogtans ontoelaatbaar is omdat dit individuele<br />
immuniteit en vryheid inkort en dus tot ʼn totalitêre ingryping in die<br />
privaat aangeleenthede van individue mag lei. Aan die ander kant mag<br />
die private aansprake van individue nie so ver strek dat dit die<br />
tuistelike regering se gesag inkort om die integriteit van die tuistelike<br />
gemeenskap te beskerm nie. Daar is nie ʼn klinkklare formule aan die<br />
hand waarvan hierdie spanning besleg kan word nie. Dit is iets wat<br />
telkens deur goeie politieke oordeel beslis moet word. Drie<br />
hulpmiddels kan egter vir die bewaring van hierdie ewewig aan die<br />
hand gedoen word.
290 Hoofstuk 10<br />
Die eerste is dat politieke besluitneming, ook deur tuistelike<br />
regerings, deurlopend op grond van ʼn oop politieke<br />
besluitnemingsproses moet geskied. Wanneer bepaalde individue in<br />
die besonder deur so ʼn besluit geraak kan word, moet hul menings oor<br />
die betrokke aangeleentheid in ag geneem word en in die besluit<br />
neerslag vind. Dit kom neer op ʼn toepassing van die geykte beginsel<br />
van natuurlike geregtigheid, naamlik dié van audi alteram partem.<br />
Die tweede brei die ander beginsel van natuurlike geregtigheid,<br />
die nemo iudex in sua causa-beginsel wat gewoonlik net vir regterlike<br />
en administratiewe beslissings geld, na die terrein van politieke<br />
besluitneming uit. Daarvolgens is politieke besluite deur dominante<br />
politieke besluitnemers in hul eie partydige belang ontoelaatbaar.<br />
Derdens moet daar ʼn jurisdiksionele vermoede ten gunste van die<br />
gesag van die tuistelike regerings geld, om sodoende die integriteit<br />
van tuistelike gemeenskappe te beskerm. Dit is noodsaaklik om<br />
tuistelike gemeenskappe teen homogeniserende druk van<br />
kapitaalkragte markkragte en die homogeniserende impak van veral<br />
die internasionale elektroniese media te beskerm.<br />
Soos reeds gesê, is tuistelike gemeenskappe en regering die<br />
hoeksteen van politokrasie. Teen hierdie agtergrond word die<br />
sleutelkonsep van res publica en daarna dié van polites (burger)<br />
vanuit ʼn politokratiese perspektief toegelig. Die res publicae en die<br />
polites is so heg met mekaar verweef dat hulle mekaar in werklikheid<br />
impliseer. Hulle vorm deel van een logiese geheel. Ofskoon die twee<br />
konsepte afsonderlik behandel word, bly hulle onderling afhanklik.<br />
Hierdie konsepte hang nou saam met die probleem van die paslike<br />
omvang van die tuistelike gemeenskap, want sowel ʼn te groot as ʼn te<br />
klein tuistelike gemeenskap is onherbergsaam vir ʼn lewendige res<br />
publica en versmoor die uitoefening van burgerskap. Die omvang of<br />
die grootte van die tuistelike gemeenskap is dus van kardinale belang.<br />
Dit word ter afsluiting bespreek.<br />
3 Res publica / Gemenebes<br />
3.1 Eienskappe van ʼn res publica 4<br />
Volgens ʼn politokratiese siening soos tot dusver hierin uiteengesit, is<br />
daar verskeie gemeenskappe: vanaf die mees tuistelike tot die mees<br />
4<br />
Daar word hier ruim van die begrip res publica, soos dit uit die Romeinse sakereg<br />
stam, gebruik gemaak. Ofskoon daar ooreenkomste is, het dit hier nie dieselfde<br />
betekenis as wat dit in die sakereg het nie. Res publica binne die konteks van<br />
republikeins het egter nog altyd ’n ietwat ander betekenis as wat dit in die<br />
sakereg het.
Politokrasie 291<br />
omvattende wêreldgemeenskap. Elkeen het sy eie res publicae. Daar<br />
is min sake wat werklik gemeenskaplik aan alle mense is. Daarom is ʼn<br />
wêreldgemeenskap die dunste — die vaagste en as ’t ware die mees<br />
verbeelde — gemeenskap. Nogtans is daar gemeenskaplike sake wat<br />
eie aan almal is, selfs al is dit net van tyd tot tyd of al is dit van ʼn<br />
meer abstrakte aard. Vir sover daar tog sodanige sake is, is daar wel<br />
ʼn wêreldgemeenskap. In die bespreking hieronder van res publicae,<br />
val die klem egter hoofsaaklik op die res publicae van tuistelike<br />
gemeenskappe omdat dit die grondslag van ʼn politokratiese orde is en<br />
omdat dit juis in tuistelike gemeenskappe en tuistelike regering is dat<br />
menswaardige demokratiese politiek en die uitleef van burgerskap tot<br />
sy reg kan kom.<br />
Die res publicae is die gemenebes — openbare sake van algemene<br />
belang vir alle burgers. Dit is die gemenebes van sake waaroor die<br />
politiek handel — waaroor burgers politieke besluite neem en die sake<br />
met betrekking waartoe regeer word. Daar bestaan dus ʼn logiese<br />
verband tussen die res publicae aan die een kant en burgerskap aan<br />
die ander kant, want burgerskap word met betrekking tot die res<br />
publicae uitgeoefen. Sonder die res publicae is daar niks waaroor daar<br />
gesamentlik beskik en regeer kan word nie. Daarsonder is alles privaat<br />
en is burgerskap, wat juis van die bestaan van ʼn gemenebes afhanklik<br />
is, onbestaanbaar. Vanuit ʼn politokratiese oogpunt word burgers<br />
(politai) se aktiewe deelname en hul beskikking oor die res publicae<br />
as ʼn inherente deug beskou. Dit stel mense in staat om daadwerklik<br />
menswaardig oor die openbare sake wat hulle in gemeen het, te<br />
beskik in plaas daarvan om inherent mensonwaardig deur voorskrifte<br />
geobjektiveer te word, of blote toeskouers te wees van die lotgevalle<br />
van die sake wat hulle gemeenskaplik raak. Burgers se<br />
gemeenskaplike deelname aan regering oor die gemenebes is ook<br />
inherent deugsaam omdat dit mense in staat stel om uit die private<br />
domein te beweeg. Deur deelname aan regering word burgers in die<br />
posisie geplaas om hulle oor die gemeenskaplike res publicae<br />
rasioneel aan mekaar te verantwoord, om medeburgers aan te hoor<br />
en deur hulle beïnvloed te word en tegelyk om aangehoor te word en<br />
te beïnvloed — om ʼn impak te hê. So ʼn republikeinse handelswyse is<br />
volgens ʼn politokratiese sienswyse per se deugsaam.<br />
ʼn Res publica is egter nouliks in ʼn geografies uitgestrekte en<br />
bevolkingsryke territoriale staat bestaanbaar. Daarom is<br />
daadwerklike burgerskap, wat nie sonder behoorlike res publicae<br />
moontlik is nie, beswaarlik in die territoriale staat bereikbaar. Dit is<br />
veral so wanneer die bevolking van die territoriale staat ʼn hoë mate<br />
van heterogeniteit vertoon. Die staat is in so ʼn groot opset eenvoudig<br />
te ver van die meeste inwoners verwyderd en die inwoners te veel en<br />
dikwels te heterogeen, wat meebring dat werklik gemeenskaplike<br />
openbare sake, wat as gemeenskaplik beleef word, ontbreek. Anders<br />
gestel, daar is in werklikheid gewoon geen sinvolle res publicae nie.
292 Hoofstuk 10<br />
In die afwesigheid van so ʼn gemenebes verdwyn die moontlikheid van<br />
daadwerklike burgerskap en raak mense bloot individue wat hulle met<br />
hul private sake besig hou. Vir sover daar ʼn gemenebes bestaan, is dit<br />
bloot ʼn abstraksie. ʼn Daadwerklike stel res publicae kan eers<br />
teenwoordig wees wanneer die politieke gemeenskap geografies en<br />
demografies beduidend meer beperk — en heg — is. Eers dan raak dit<br />
moontlik vir individue om die amp van burgerskap op te meen en saam<br />
met medeburgers oor hulle res publicae te beskik. Voordat daar<br />
werklike res publicae kan wees, moet daar dus daadwerklike menslike<br />
gemeenskap wees. Vir die doel van die tuistelike gemeenskap en<br />
tuistelike regering vereis dit minstens ʼn minimum-graad van<br />
homogeniteit en menslike betrokkenheid met mekaar. Die res<br />
publicae reflekteer daadwerklike gemeenskap. Hierin kan die politiek<br />
— die vrye deelname aan openbare sake van die gemenebes, dit wil sê<br />
die daadwerklike praktisering van burgerskap — gedy.<br />
Die hegste gemeenskappe beskik oor die mees omvattende res<br />
publicae. Daarom beskik tuistelike gemeenskappe oor ʼn meer<br />
omvattende gemenebes as meer omvangryke gemeenskappe; en<br />
daarom beskik tuistelike gemeenskappe van die eerste soort wat<br />
hierbo beskryf is, naamlik ʼn tuistelike homogene kultuurgemeenskap<br />
wat op dieselfde plek gekonsentreer is, oor die omvattendste res<br />
publicae en oor die mees omvattende geleentheid vir burgerskap.<br />
Die res publicae vertoon die volgende onderskeidende<br />
eienskappe:<br />
• Dit kan nie soos privaat eiendom in individue, ter uitsluiting van<br />
ander individue setel nie. Dit is dus nie vir die eksklusiewe beheer<br />
van ʼn individu vatbaar nie. Dit veronderstel altyd gesamentlike en<br />
gemeenskaplike belange daarin en beheer daaróór, saam met<br />
andere wat ʼn gelyke of soortgelyke belang daarin het. Daar kan<br />
nie op dieselfde wyse as bates in commercio (in die<br />
handelesverkeer) daaroor beskik word nie en die privaatregtelike<br />
verskynsels van (individuele) eiendomsreg, beswaring of<br />
vervreemding na gelang van die wilsbesluit van die individuele<br />
reghebbende kan nie ten opsigte van res publicae voorkom nie.<br />
Die res publicae oorskry gewoonlik die individu se lewensduurte.<br />
ʼn Individu word as ’t ware daarin gebore en by afsterwe laat hy/<br />
sy dit gewoonlik — weliswaar moontlik ietwat verander — agter;<br />
• Die res publicae veronderstel altyd ʼn gemeenskaplike belang met<br />
andere. Dit is nooit te bedink sonder andere wat nie ook ʼn belang<br />
in dieselfde res publica het nie. Besluite oor die res publicae kring<br />
altyd uit na almal wat ʼn belang in die res publicae deel. Net soos<br />
die res publicae dus nie in ʼn enkele individu kan setel nie, is die<br />
lotgevalle daarvan ook nooit tot slegs enkeles beperk nie. As een<br />
daardeur bevoordeel word, beteken dit gelyktydig ook voordeel<br />
vir ander en as een deur ʼn inbreuk op die gemenebes benadeel
Politokrasie 293<br />
word, volg daar terselfdertyd nadeel vir ander burgers. Aangesien<br />
die res publicae altyd gemeenskaplike belange is en nooit<br />
eksklusief in ʼn enkele individu kan setel nie, bring die beskikking<br />
daaroor noodwendig altyd alle ander persone (burgers) met ʼn<br />
gedeelde belang in die res publicae op die voorgrond. Beskikking<br />
oor die sake van die gemenebes veronderstel derhalwe altyd<br />
interaksie met ander burgers oor die gemenebes. Die res publicae<br />
impliseer dus dat mense as burgers op mekaar aangewese is.<br />
Daarom is dit wat as res publicae gehou (gedeel) word, ook die<br />
sement vir die (burgerlike) gemeenskap. Ofskoon burgers oor die<br />
res publicae kan verskil en kan twis, word die res publicae in die<br />
finale instansie as hul gemenebes gesamentlik deur alle burgers<br />
gehou en is dit dus juis die grondslag vir ʼn daadwerklike<br />
gemeenskap. 5<br />
Wat is dan die gemenebes — die res publicae — van die tuistelike<br />
gemeenskap? Met ander woorde, watter sake en watter bates is die<br />
gemenebes van die burgers van die tuistelike gemeenskap — die<br />
openbare sake wat burgers met mekaar in gemeen het en waaroor<br />
hulle saam beskik? 6<br />
3.2 Die res van die res publicae<br />
In die omvattende territoriale staat wat op ʼn liberale grondslag<br />
bedryf word, kan die res publicae skraal raak, omdat soveel dinge<br />
binne die private sfeer en dus buite die terrein van politieke<br />
besluitneming geplaas word. Daarteenoor kan sake wat werklik<br />
individueel en intiem is en dus in die private domein tuishoort,<br />
verkeerdelik as res publicae getipeer word. Dit baan die weg vir ʼn<br />
totalitêre staat, waardeur regeringsingryping individuele vryheid en<br />
sosiale verkeer met onbehoorlike voorskrifte beperk. Vanuit ʼn<br />
politokratiese oogpunt is die winste van individuele vryheid wat deur<br />
die moderne era teweeg gebring is, kosbaar. Totalitêre ingryping is<br />
daarom verwerplik. Om dit te verhoed, mag wesenlik private<br />
aangeleenthede nie as res publicae behandel word nie.<br />
5 Sien hieroor Malan (n 1 hierbo) asook M Berent ‘Collective rights and the Ancient<br />
Community’ (1991) IV Canadian Journal of Law and Jurisprudence 394.<br />
6<br />
Helderheid oor die res van die res publicae lê in ʼn onderskeid wat getref word<br />
tussen sake binne die handelsverkeer (res in commerrcium) in teenstelling met<br />
sake buite die handelsverkeer, oftewel die res extra commercium, waaronder die<br />
res publicae tel. Individue as deelnemers aan die ekonomiese verkeer staan in<br />
verhouding teenoor die res in commercio, terwyl burgers (politai) weer in<br />
verhouding tot die res publicae staan. ʼn Innoverende hervertolking en uitbreiding<br />
van die res publicae is sentraal belangrik vir die politokratiese bedeling. Die<br />
konsep van res publicae as belange wat volgens die Romeinsregtelike indeling in<br />
beginsel buite die handelsverkeer val, is waardevol omdat dit die gereedskap<br />
verskaf vir die ontwikkeling van bates (res in die breedste sin van die woord) vry<br />
van die dissiplines van die ekonomiese kategorieë.
294 Hoofstuk 10<br />
ʼn Groot aantal werklike algemene openbare sake is denkbaar. 7<br />
Wat hier volg is dus nie ʼn katalogus van alle res publicae nie, maar<br />
wel ’n bespreking van die wesenlikste res publicae, naamlik taal,<br />
patria, gemeenskap en openbare instellings. Dit is die res publicae<br />
waarsonder burgerskap en ʼn politieke lewe nie moontlik is nie.<br />
Taal<br />
Taal is ʼn belangrike merker van individuele identiteit. Dit is en word<br />
ook as sodanig deur baie mense beleef. Dit is voorts die<br />
gemeenskaplike middel wat burgers in staat stel om gesamentlik oor<br />
die res publicae is te beskik. Sonder ʼn gemeenskaplike taal is dit<br />
onmoontlik vir burgers om met mekaar interaksie te hê en om oor die<br />
res publicae te beskik. ʼn Gemeenskaplike taal is dus die grondslag vir<br />
al die ander res publicae. Sonder ʼn gemeenskaplike taal, is alle ander<br />
res publicae prakties ondenkbaar omdat dit dan onmoontlik is om<br />
daaroor te beskik — gesamentlik daaroor te regeer.<br />
Taal(gemeenskaplikheid) is dus nie net die primêre res publica nie,<br />
maar terselfdertyd die noodsaaklike voorvereiste vir die sinvolle<br />
bestaan van alle ander res publicae. As ʼn persoon nie deel van die<br />
taalgemeenskap is nie, beteken dit dat hy/sy nie in staat is om deel<br />
te neem aan die beskikking oor enige van die (ander) res publicae nie<br />
en derhalwe ook nie by magte is om ʼn burger te wees nie. Daar mag<br />
veeltalige tuistelike (en dergelike) gemeenskappe en veeltalige<br />
regering wees. Om regering in ʼn veeltalige opset moontlik te maak,<br />
vereis egter fasiliteite om almal, ongeag die taalverskeidenheid,<br />
deurlopend volwaardig en gelykwaardig deel van die politieke<br />
diskoers oor die gesamentlike beskikking oor die gemenebes te maak.<br />
Vir sover die diskoers oor die beskikking van die res publicae in ʼn taal<br />
of tale gevoer word wat nie almal verstaan nie, word diegene wat nie<br />
verstaan nie van burgerskap uitgesluit, want dit bring mee dat hulle<br />
nie saam daaroor kan beskik nie. Net so moet almal in ʼn veeltalige<br />
opset in staat gestel word om (as burgers) sonder inhibisies weens<br />
gebrekkige taalvaardigheid in die taal wat nie sy/haar moedertaal is<br />
nie, op gelyke grondslag met alle ander burgers aan die politieke<br />
diskoers en mede-regering deel te neem.<br />
Sommiges is van nature meer skugter en terughoudend, of hulle<br />
wil hulle eenvoudig nie met die wel en weë van die res publicae<br />
bemoei nie. Hulle sal om dié redes dus ook geïnhibeer voel om aan die<br />
politieke besluitnemingsproses deel te neem, of hulle uit vrye wil<br />
daarvan weerhou. As dit die geval is, is hulle persoonlike<br />
temperament, persoonlikheidseienskappe of vrye wilsbesluit vir<br />
uitsluiting van die politieke besluitnemingsproses verantwoordelik.<br />
7<br />
Die leemte van sekere eietydse moderne denke wat sigself republikeins noem, is<br />
dat dit juis sonder ’n daadwerklike res publicae te werk gaan.
Politokrasie 295<br />
Dit is nie die skuld van ʼn bedenklike konstitusionele reëling nie. As<br />
onderdrukking en inhibering van deelname aan mede-regering,<br />
oftewel die onvermoë om die amp van burgerskap op te neem, egter<br />
die gevolg is van ʼn taal-konstitusionele reëling wat deelname vir<br />
sommiges moontlik maak, maar dit vir ander bemoeilik of ontsê, moet<br />
dit natuurlik aan die betrokke onbillike konstitusionele reëling gewyt<br />
word. So ʼn reëling verskaf taal as basiese res publica aan sekere dele<br />
van die bevolking, maar sluit ander daarvan uit; dit maak van diegene<br />
wie se moedertaal vir politieke besluitneming gebruik word burgers,<br />
maar sluit alle ander in ʼn meerdere of mindere mate van die amp van<br />
burgerskap uit; dit bring seksionele regering mee vir diegene wat die<br />
betrokke taal ken en verkies oor diegene wat dit nie verkies of<br />
behoorlik magtig is nie. So ʼn konstitusionele reëling is klaarblyklik<br />
onbillik en ondemokraties. Nog meer laakbaar is die feit dat dit<br />
bowendien die basiese menswaardigheid skend van diegene wat<br />
weens die konstitusionele taalreëling gemarginaliseer word. Dit<br />
verkleineer hulle tot iets gelykstaande aan handelingsonbevoegde<br />
persone, want, asof hulle kinders is, word dit aan ander oorgelaat om<br />
oor hulle belange te beskik.<br />
Die mees ekstreme staatlike antwoord op ʼn veeltalige opset is in<br />
hoofstuk 6 uitgepluis. Daarvolgens kry een taal as staatlike taal<br />
voorkeur om aan die hand van ʼn staatsbouprojek ʼn staatlike identiteit<br />
na die beeld — en klank — van die sterflike god af te dwing. Mense<br />
moet daarvolgens hul eie taal en dergelike partikuliere eienskappe en<br />
waardes prysgee om in ooreenstemming met die politieke diskoers in<br />
die staatlike orde deel te neem en aan die identiteit van die staatlike<br />
orde te konformeer. Vanuit ʼn politokratiese oogpunt is dit ʼn<br />
onverskoonbare miskenning van mense se identiteit ter wille van die<br />
staat. Gesien vanuit ʼn politokratiese perspektief word die res<br />
publicae gekonstrueer aan die hand van die verskeidenheid van<br />
eienskappe van die bevolking en nie vanuit die belange van die<br />
territoriale staat nie. Gevolglik is die taal van elke taalgemeenskap<br />
ewe belangrik en kwalifiseer elke taal as fundamentele res publica<br />
van die betrokke gemeenskap en dus as taal wat as die medium dien<br />
vir beskikking oor die gemenebes van die betrokke gemeenskap.<br />
Vanuit ʼn politokratiese oogpunt is ʼn taal van beperkte omvang nie<br />
ʼn struikelblok in die beoefening van burgerskap en mede-regering oor<br />
die res publicae nie. Inteendeel, dit is juis ʼn middel wat die<br />
beoefening van burgerskap en daadwerklike mede-regering moontlik<br />
maak. Dit is veral moontlik binne die beperkte omvang van die<br />
tuistelike gemeenskap. Soos verduidelik, is dit juis in die konteks van<br />
tuistelike gemeenskappe en regerings dat mense as burgers in<br />
medewerking en interaksie met ander burgers impak kan hê — mede<br />
kan regeer. Omdat dit binne die beperkte tuistelike konteks is, is<br />
burgerskap en mede-regering derhalwe juis moontlik in die<br />
(moeder)taal van die betrokke gemeenskap. Juis daarom is ʼn meer
296 Hoofstuk 10<br />
omvattende of ʼn wêreldtaal hoegenaamd nie nodig nie. Dit is in die<br />
beperkte eie taal dat mense in staat gestel word om vry van inhibisie<br />
en ongemarginaliseerd impak in die politieke diskoers te hê — burgers<br />
te wees en sodoende mede te regeer.<br />
Die hantering van taal as ʼn basis-res publica sal verskil na gelang<br />
van die soort tuistelike gemeenskap waarmee ʼn mens te doen het. By<br />
die eerste en derde soort tuistelike gemeenskappe soos hierbo<br />
verduidelik (plaaslike kultuurgemeenskappe en transplaaslike<br />
kultuurgemeenskappe) sal daar juis weens hul kulturele homogeniteit<br />
net ʼn enkele taal as res publica wees. Met betrekking tot alle ander<br />
gemeenskaplike openbare belange van die betrokke gemeenskappe<br />
kan daardie enkele taal aangewend word as die voor die hand liggende<br />
medium waarin die sake van die betrokke gemeenskap bestuur word.<br />
By die tweede soort tuistelike gemeenskap, naamlik plaaslike<br />
kultureel heterogene dog heg verbonde gemeenskappe, sal daar juis<br />
weer taal-heterogeniteit (ʼn veeltalige opset) wees. Taal bly natuurlik<br />
steeds in hierdie geval ʼn res publica, met dien verstande dat dit<br />
verskeie tale in plaas van ʼn enkele taal is. In dié soort gemeenskappe<br />
behoort fasiliteite beskikbaar te wees om burgers van daardie<br />
gemeenskappe in staat te stel dat elkeen sy/haar taal van keuse met<br />
betrekking tot die bestuur van die gemeenskaplike sake van die<br />
betrokke plaaslike gemeenskap kan gebruik.<br />
Patria (en ander gemeenskaplike waardes van grond)<br />
Grond is vanuit ʼn ekonomiese oogpunt ʼn produksiefaktor. So gesien is<br />
grond afgebakende eenhede wat die basis is van produksie, industrie,<br />
handel en bewoning, en dit is natuurlik vatbaar vir private<br />
eiendomsreg, beswaring en vervreemding en dergelike beskikking<br />
kragtens die beginsels van die privaatreg. Dit is egter nie die enigste<br />
beskouing en funksie van grond nie. Grond is tegelyk ook die<br />
gemeenskaplike fisiese, psigiese (en simboliese) bate van ʼn<br />
gemeenskap. Dit is die land, die patria 8 van ʼn gemeenskap in die<br />
geheel. Dit is die landstreek/stad/gebied waar ʼn bepaalde tuistelike<br />
(of meer omvattende gemeenskap) woon. Die patria sal afhangende<br />
van die betrokke tuistelike gemeenskap bepaalde kulturele<br />
eienskappe vertoon. In die geval van die eerste soort tuistelike<br />
gemeenskap, waar ʼn kultureel homogene gemeenskap op ʼn bepaalde<br />
plek saamgetrek is, is daardie plek juis die patria wat terselfdertyd<br />
die homogene kulturele eienskappe van die mense wat daar woon,<br />
vertoon. In die geval van die tweede — die hegte kultureel heterogene<br />
8 Alternatiewe wat gebruik kan word is ‘vaderland’ en ‘heimat’. Patria word hierbo<br />
verkies, aangesien dit die gemaklikste resoneer met die beperkte omvang van die<br />
tuistelike gemeenskap van politokrasie.
Politokrasie 297<br />
plaaslike gemeenskap wat op een plek versamel is — sal die bewoners<br />
van die patria natuurlik weer heterogene kulturele eienskappe<br />
vertoon. 9<br />
Die patria is die gemeenskaplike gemenebes van alle burgers. Dit<br />
is die gemeenskaplike openbare bate van alle burgers van die<br />
betrokke gemeenskap en burgers beskik gesamentlik daaroor.<br />
Gevolglik is burgers bevoeg om oor die fisiese integriteit daarvan te<br />
waak. Waar plaaslike gemeenskappe ʼn bepaalde kulturele karakter<br />
het en dus deur mense van ʼn bepaalde kultuur bewoon word (die<br />
eerste en tweede soort tuistelike gemeenskappe), is dit binne die<br />
politieke bevoegdheid van die betrokke regering om die kulturele<br />
karakter van die betrokke plaaslike gemeenskap in stand te hou deur<br />
immigrasie daarheen te beheer. Dit impliseer beperkings wat op die<br />
individuele beskikking van grond (in die privaatregtelike sin) geplaas<br />
mag word. Grond mag derhalwe nie so ongebreideld vervreem word<br />
en die bewoningspatroon dus nie so ingrypend verander word dat dit<br />
die kulturele karakter van die tuistelike gemeenskap, wat onder die<br />
res publicae van so ʼn gemeenskap tuishoort, ontwrig nie.<br />
Politokraties gesien word daar dus ʼn ewewig gehandhaaf tussen<br />
grond as ʼn privaatregtelike ekonomiese bate wat as deel van die<br />
ekonomiese verkeer vir individuele beskikking (deur eienaars) vatbaar<br />
is, teenoor grond as deel van die gemeenskaplike patria. Vanuit die<br />
privaatregtelike hoek beskou, is grond verdeelbaar van ander grond<br />
en van ander titelhouers. Vanuit ʼn politokratiese oogpunt beskou, is<br />
dit onverdeelbaar deel van die gemeenskaplike patria en setel dit nie<br />
in private titelhouers nie, maar in die gemeenskap as geheel. Vanuit<br />
ʼn privaatregtelike hoek, is dit res in commercio en dus bemarkbaar;<br />
vanuit ʼn politokratiese hoek, daarenteen, is dit res publica, wat<br />
beteken dat dit buite die handelsverkeer val — dit is res extra<br />
commercium en derhalwe nie bemarkbaar nie. 10<br />
Grond is ook in ten minste twee verdere opsigte — die een<br />
ekologies en die ander ekonomies — deel van die gemeenskaplike res<br />
publicae van die gemeenskap. Eerstens maak dit deel uit van die<br />
fisiese omgewing wat noodwendig skoon en gesond moet wees ten<br />
einde ʼn gesonde en sinvolle menslike bestaan moontlik te maak.<br />
Tweedens is die geheel van die grond waarop ʼn gemeenskap woon die<br />
gemeenskaplike bate (res publica) waaruit die gemeenskap sy<br />
ekonomiese welstand moet verseker. Dit beteken natuurlik nie dat die<br />
eiendomsreg van individuele grondeienaars ontken word nie.<br />
9 Die derde soort gemeenskap, wat nie plekgebonde is nie, beskik natuurlik nie oor<br />
die res publica van patria nie.<br />
10 Hierdie onderskeid is natuurlik nie aan die reg onbekend nie. Tewens, dit sluit juis<br />
by ’n geykte onderskeid met betrekking tot grond aan, waarvolgens die owerheid<br />
oor die nasionale grondgebied regeer maar natuurlik nie die eienaar daarvan is<br />
nie.
298 Hoofstuk 10<br />
Allermins. Dit beteken egter wel dat grond benewens die feit dat dit<br />
as deelbare eenhede deur individuele eienaars gehou word, as geheel<br />
ook as ʼn res publica van ʼn ekonomiese aard vir die hele gemeenskap<br />
bestaan. In albei hierdie opsigte van grond as res publica — ekologies<br />
en ekonomies — beskik die gemeenskap as geheel oor grond. In<br />
daardie opsigte val die beskikking oor grond as gemenebes binne die<br />
regeringsbevoegdheid van die betrokke regering. Regerings het dus<br />
die bevoegdheid om in die belang van die gemeenskap as geheel oor<br />
die ekologiese en ekonomiese welsyn van grond te beskik. Dit<br />
impliseer weereens beperkings op die individuele regte van die<br />
betrokke eienaar om daaroor te beskik. Hy/sy kan byvoorbeeld nie die<br />
grond onbenut laat nie, omdat dit die gemeenskap van die<br />
ekonomiese voordeel (wat betref voedsel, ensovoorts) wat benutting<br />
van grond meebring, ontneem. Net so mag hy ook nie die grond<br />
ekologies tot die gesondsheids- en dergelike nadeel van die<br />
gemeenskap in die geheel misbruik nie. Wat geld vir die individuele<br />
eienaars geld natuurlik eweneens vir korporatiewe eienaars van<br />
grond.<br />
Gemeenskap<br />
In 2.2.1 hierbo is die sentrale belang van gemeenskappe vir ʼn<br />
politokratiese bestel reeds verduidelik. Gemeenskappe is ʼn<br />
omvattende konsep met kulturele, historiese, sosiale en ekonomiese<br />
eienskappe. Gemeenskappe is die bron van individuele identiteit,<br />
waardes, fisiese en psigiese sekuriteit, ʼn sinvolle sosiale, ekonomiese<br />
en kulturele lewe, die uitoefening van individuele regte en politieke<br />
deelname waardeur individue as burgers saam met ander burgers die<br />
gang van hul gemeenskaplike sake kan bepaal. Ingesluit by die<br />
gemeenskap is ook die tradisie — die versamelde wysheid en ervaring<br />
van nie net die huidige nie, maar ook van vorige geslagte, waarby ons<br />
baat.<br />
Met gemeenskappe so wesenlik belangrik in ons bestaan, spreek<br />
dit vanself dat die gemeenskappe waartoe ons behoort ʼn primêre res<br />
publica is. Dit word gesamentlik bewaak en daar word gesamentlik<br />
daaroor beskik en regeer. Lede van ʼn gemeenskap wat gesamentlik<br />
daardie gemeenskap uitmaak, is elkeen wedersyds vir die ander van<br />
belang, omdat die instandhouding en welstand van die gemeenskap as<br />
geheel daarvan afhang.<br />
Hierdie klem op die gemeenskap as wesenlike res publica volgens<br />
ʼn politokratiese sienswyse doen weg met die staatlike orde se<br />
uitgangspunt dat die staat in die eerste plek bloot ʼn territoriale<br />
ordening onder ʼn gemeenskaplike regsorde oor enige aantal mense<br />
(any number of men) is (sien hoofstuk 4 en 5). Hierdie staatlike<br />
siening verreken nie die belang van gemeenskap as hoeksteen en
Politokrasie 299<br />
voorwaarde vir die openbare (staatlike) orde nie. Weens die belang<br />
van ʼn gemeenskap van mense tussen wie daar daadwerklike<br />
gemeenskaplike bande bestaan, vind politokrasie aansluiting by<br />
Aristoteles, wat in teenstelling met die staatlike orde juis ʼn<br />
daadwerklike gemeenskap as ʼn wesenlike voorwaarde vir die polis<br />
beskou. Vir Aristoteles is die polis ‘... a community of like persons<br />
whose end or aim is the best life possible’. 11 Die polis is dus<br />
kwalitatief iets heel anders as ʼn pakt van wedersydse beskerming of<br />
ʼn handelsooreenkoms tussen mense wat (per toeval) op dieselfde plek<br />
woon en waar die regering bloot die handelsverkeer fasiliteer,<br />
inwoners verbied om onregmatig jeens mekaar op te tree en<br />
onderlinge konflik reguleer. 12<br />
Een van die mees tipiese eienskappe van eietydse gemeenskappe<br />
is dat hulle by uitstek spesialisasie moontlik maak. Dit maak<br />
werksverdeling moontlik, wat elkeen in staat stel om sy besondere<br />
vermoëns maksimaal te ontwikkel. Individuele lede van<br />
gemeenskappe bevind hulle weens spesialisasie dus in ʼn netwerk van<br />
interafhanklikheid, waarin elkeen wedersyds deur die spesialisasie<br />
van al die ander bevoordeel word. So ʼn gemeenskapsopset stel elkeen<br />
in staat om sy besondere individuele talente, vaardighede en<br />
prestasies te maksimaliseer. Dit strek tot voordeel van die betrokke<br />
hardwerkende spesialiserende individue, maar terselfdertyd ook tot<br />
voordeel van die gemeenskappe waartoe elkeen behoort. Die<br />
voordele sluit ekonomiese welvaart in, wat noodwendig spruit uit die<br />
optimale prestasie van ywerige spesialiserende individue.<br />
Spesialisasie van die individu wat uitblink, skep die indruk van ʼn<br />
individu wat oënskynlik soewerein op sy eie presteer. Natuurlik is<br />
prestasie nie sonder persoonlike ywer, talent en energie van die<br />
betrokke individu moontlik nie. Bowendien vind ander individue — die<br />
gemeenskap/pe waartoe presterende individue behoort — ook groot<br />
baat by sodanige prestasies. Prestasies van uitblinkers kan derhalwe<br />
tereg besing word. Nogtans is sulke prestasies nooit suiwer individueel<br />
nie. Inteendeel, dit is juis ook deels te danke aan die gemeenskap/pe<br />
waartoe die suksesvolle individue behoort dat hulle in staat gestel<br />
word om te presteer.<br />
Eerstens verskaf gemeenskappe deur instellings en deur ander<br />
mense wat tot daardie gemeenskappe behoort opleiding, fasiliteite,<br />
voorbeelde en standaarde van prestasie. Sodoende baan dit die weg<br />
vir potensieel presterende individue. Dit plaas individue in die posisie<br />
om potensiaal wat anders waarskynlik latent sou gebly het<br />
daadwerklik te verwesenlik.<br />
11 Aristoteles (1962) The politics (Vertaling uit die Grieks deur TA Sinclair) Penguin<br />
Books Boek VII, hoofstuk 8 271.<br />
12 Aristoteles (n 11 hierbo) Boek III, hoofstuk 9 119-120.
300 Hoofstuk 10<br />
Tweedens stel spesialisasie mense in staat om hul energie te<br />
konsentreer op die aspekte met betrekking waartoe hulle maksimaal<br />
kan presteer. Sonder spesialisasie moet individue hul aandag bestee<br />
aan basiese oorlewing en in die besonder aan sake waarvoor hulle nie<br />
aangelê is nie. Hulle besondere vermoëns bly sodoende altyd blote<br />
potensiaal en kan moeilik manifesteer. Spesialisasie is dus bevrydend.<br />
Dit bevry individue om hulle potensiaal te ontdek, te slyp en vrye<br />
teuels daaraan te gee — om maksimaal te presteer, erkenning<br />
daarvoor te kry en sodoende ook geluk te vind. Dit is by uitstek die<br />
produk van ʼn gemeenskap waar take, bedrywighede en ekonomiese<br />
aktiwiteit in fyn besonderhede verdeel kan word, met ander woorde<br />
van ʼn gedifferensieerde welvarende ekonomie, wat as<br />
gemeenskaplike res publica individuele prestasie moontlik maak. Die<br />
gemeenskap waarin (interafhanklike) individue danksy spesialisasie<br />
die vryheid het om volgens hul gekose nerings, beroepe, ambagte, of<br />
professies te presteer, is, soos dit aan die einde van die bespreking<br />
van politokrasie sal blyk, ook die aanknopingspunt vir die vraag wat<br />
die aangewese omvang van tuistelike gemeenskappe behoort te wees.<br />
Buite hierdie gemeenskapsverband is spesialisasie onmoontlik. Die<br />
presterende individu het dus sy prestasie in wesenlike sin ook te<br />
danke aan sy verbondenheid aan sy gemeenskap/pe. Sy prestasie is,<br />
behalwe aan persoonlike ywer, ook dááraan te danke. Hierdie<br />
waarheid bring aan die lig dat die gemeenskappe waaraan ons behoort<br />
en die mense wat deel daarvan uitmaak, die onmisbare<br />
gemeenskaplike bate van ons almal is — een van ons kosbaarste res<br />
publicae, waarsonder geen sinvolle lewensbestaan en individuele<br />
prestasie moontlik is nie.<br />
ʼn Gemeenskap is dus ook die poel van die groot verskeidenheid<br />
van konstruktiewe vaardighede, talente, ywer, ambagte,<br />
professionele en sakebedrywighede en dies meer, wat in die<br />
somtotaal van alle individuele lede van gemeenskappe versamel is.<br />
Dit is hierdie rykdom van vaardighede en bedrywighede wat individue<br />
in staat stel om hul individuele behoeftes te bevredig en terselfdertyd<br />
te spesialiseer en te presteer. Elke individuele lid van ʼn gemeenskap<br />
het sy behoeftebevrediging en prestasie dus in wesenlike mate aan<br />
die ander — die gemeenskap as geheel — te danke. Hulle is op mekaar<br />
se ekonomiese bedrywighede aangewese en van wedersydse bystand<br />
wat uiteenlopende ekonomiese bedrywighede meebring, afhanklik.<br />
Hierdie siening van gemeenskap onderstreep die kortsigtigheid van<br />
oortuigings oor individuele ongelykheid en klassestratifikasie<br />
waarvolgens daar op ander neergesien word weens die vermeende<br />
mindere ekonomiese bedrywighede (byvoorbeeld die vermeende<br />
ondergeskikte handewerk en fisiese arbeid) waarmee hulle hulle<br />
besighou, want dit is juis weens die netwerk van interafhanklikheid<br />
van alle konstruktiewe ekonomiese bedrywighede dat elke besondere<br />
aktiwiteit — en prestasie — moontlik gemaak word. ʼn Realistiese
Politokrasie 301<br />
siening van die werking van ʼn gemeenskap met die spesialisasie wat<br />
dit meebring, onderstreep juis dat daar gelyke respek vir alle<br />
konstruktiewe bedrywighede behoort te wees, aangesien elkeen<br />
noodsaaklik is vir die instandhouding van die ander en van die<br />
gemeenskap as geheel. In plaas van ʼn rangorde moet die klem eerder<br />
wees dat elke konstruktiewe bedrywigheid so goed en deugdelik<br />
moontlik gedoen moet word. Sodoende word nie net aan elke individu<br />
erkenning verleen nie, maar word die algemene geluk van die<br />
gemeenskap terselfdertyd bevorder.<br />
Elke individu het derhalwe ʼn wesenlike belang by die<br />
instandhouding van die grootste moontlike en uiteenlopende rykdom<br />
van vaardighede en bedrywighede waarby ander mense betrokke is.<br />
Individue het ʼn gemeenskaplike belang dat elke ander individu se<br />
vaardighede en deugde maksimaal verwesenlik word, aangesien dit<br />
tot almal se voordeel strek. Die deugde en prestasies van ʼn bepaalde<br />
individu is derhalwe nooit net tot daardie individu herleibaar en aan<br />
hom te danke nie. Daardie individu is nooit die uitsluitlike individuele<br />
outeur van sy prestasies nie en ook nooit die uitsluitlike bevoordeelde<br />
daarvan nie. Die (gespesialiseerde) gemeenskap is deels die<br />
kollektiewe outeur van die prestasies en ook die bevoordeelde<br />
daarvan. (Gelyke wedersydse respek is ook ʼn wesenlike eienskap van<br />
burgerskap en word by die bespreking van politai hieronder verder<br />
uitgepluis.)<br />
Openbare instellings, fasiliteite en prosesse<br />
Gemeenskappe kan net werklik deur middel van openbare instellings,<br />
fasiliteite en ooreengekome prosesse optimaal funksioneer. Daar<br />
bestaan ʼn enorme hoeveelheid instellings en fasiliteite van hierdie<br />
aard: skole, universiteite en kolleges, instellings van (demokratiese)<br />
openbare (politieke en ekonomiese) besluitneming en uitvoering,<br />
howe en dergelike instellings en prosesse vir geskilbeslegting,<br />
polisiedienste, paaie en dergelike verbindingsweë, biblioteke,<br />
teaters, openbare media, openbare pleine van sosiale byeenkoms,<br />
instellings wat openbare dienste lewer, mediese en maatskaplike<br />
instellings en talle meer. Hierdie instellings, fasiliteite en prosesse is<br />
die gemeenskaplike bates van almal — van alle lede van die<br />
gemeenskap/pe wat daaraan deelneem en daardeur bevoordeel<br />
word. Dit is die instrumente wat gemeenskappe bestendig en<br />
waardeur ʼn sinvolle en gelukkige bestaan moontlik gemaak word. Dit<br />
is openbare bates van algemene belang. Dit bestaan nooit slegs vir<br />
een persoon ter uitsluiting van ander nie; dit kan nie deur een individu<br />
ter uitsluiting van ander benut word nie. Sodanige instellings,<br />
fasiliteite en prosesse is openbare bates. Wanneer dit skade ly en nie<br />
behoorlik funksioneer nie, ly almal daaronder en wanneer dit gesond<br />
is en glad funksioneer strek dit tegelyk tot almal se voordeel.
302 Hoofstuk 10<br />
Sommige hiervan, byvoorbeeld die wetgewende, uitvoerende en<br />
regsprekende instellings, is volbloed res publicae. Dit is gesamentlike<br />
openbare ondernemings en private inisiatief speel geen rol nie. Daar<br />
is egter ook ander wat weliswaar private ondernemings is, maar tog<br />
tegelyk gedeeltelik res publicae is. Dit is instellings wat die produk<br />
van private inisiatief is, maar openbare diens lewer en die<br />
gemeenskap in die breë dien. Die integriteit van die private inisiatief<br />
wat agter sulke ondernemings lê, verdien beskerming. Hierdie<br />
instellings is per slot van sake die produk van ʼn goedfunksionerende,<br />
gespesialiseerde gemeenskap, waarop hierbo gewys is. Die<br />
gemeenskap het as ʼn geheel ʼn belang by sodanige instellings. Ofskoon<br />
die gemeenskap uiteraard nie volskaalse besluitnemingsbevoegdheid<br />
daaroor het nie, het dit ten minste inspraak daaroor.<br />
Die res publicae wat hier ter sprake gebring is, is natuurlik nie ʼn<br />
volledige uiteensetting van die geheel van die gemenebes nie. Verder<br />
was die fokus ook in die eerste plek op die gemenebes van die<br />
tuistelike gemeenskap wat soos verduidelik is, natuurlik nie die<br />
enigste gemeenskap is nie. Die fokus verskuif nou na die politai. Wie<br />
is dan diegene wat oor die res publicae beslis? Dit is natuurlik die<br />
burgers — die politai. Wie is egter die politai, gesien vanuit ʼn<br />
politokratiese perspektief? Is dit bloot alle lede van ʼn gemeenskap, of<br />
is daar bykomende kwalifikasies vir burgerskap — vir deelname aan<br />
mede-regering? By die bespreking hiervan moet ons weer in gedagte<br />
hou dat burgerskap ʼn veelsferige begrip is. ʼn Persoon is potensieel die<br />
burger van verskeie gemeenskappe — vanaf tuistelike tot meer<br />
omvattende gemeenskappe en uiteindelik van ʼn wêreldgemeenskap.<br />
Ofskoon dit die geval is, val die klem in die bespreking van politai wat<br />
nou hieronder volg, weer op burgerskap van die mees wesenlike<br />
boustene van ʼn politokratiese orde, naamlik van die tuistelike<br />
gemeenskap.<br />
4 Burgers - politai<br />
Die konsep polites verskil wesenlik van die konsep individu. Ook nie<br />
alle volwasse individue is volgens ʼn politokratiese sienswyse politai<br />
nie. Die territoriaalstaatlike beskouing van burgerskap erken<br />
weliswaar die onderskeid tussen die twee, maar volgens die<br />
politokratiese siening is die verskil wesenlik.<br />
4.1 Burgers teenoor individue; res publicae teenoor die<br />
private domein<br />
Wanneer van individue gepraat word, word daar verwys na mense in<br />
hulle private hoedanigheid — mense wat hulle besig hou met die<br />
najaag van private en persoonlike belange, behoeftes, belang-
Politokrasie 303<br />
stellings, doelwitte, voorkeure, liefdes, smake, vreugde, plesier en<br />
geluk, mense betrokke by verhoudings van ʼn private en dikwels van ʼn<br />
intieme aard, dit wil sê by gesins-, familie, liefdes-, erotiese,<br />
vriendskaps-, asook werks-, sake- en dergelike verhoudings. Hierdie<br />
verhoudings hoort almal tot die private domein. Individue is op baie<br />
plekke met hierdie soort dinge besig: in die privaatheid van hulle<br />
wonings maar ook daarbuite. Wanneer mense in ʼn ekonomiese<br />
hoedanigheid optree en saketransaksies aangaan, ʼn diens-, koop-, of<br />
huurkontrak sluit wat uiteindelik ʼn effek op private boedels het, tree<br />
hulle weliswaar nie binne die intieme private ruimte op nie. Tog is die<br />
soort belang waarmee hulle hul besig hou, steeds individueel. Ofskoon<br />
daar van regsweë maatreëls bestaan om hierdie verhoudings deels te<br />
reël en vergrype en uitbuiting te verhoed, te bestraf ensovoorts, is<br />
hierdie verhoudings inherent privaat. Hoe meer privaat die<br />
verhoudings is, des te minder behoort dit aan openbare regulering<br />
onderworpe te wees. Ons is almal individue en ons almal stig<br />
verhoudings van private aard en is daarby betrokke. Dit doen ons by<br />
uitstek op grond van private voorkeure. Hierdie verhoudings spruit<br />
voort uit die persoonlike samestelling, geskiedenis en agtergrond van<br />
elke individu. Dis gewoonlik so uniek en persoonlik dat mense die<br />
betrokke persoonlike strewes, smake, voorkeure, eienaardighede en<br />
behoeftes nie werklik aan ander kan kommunikeer en rasioneel kan<br />
verduidelik nie. Ander individue kan hierdie dinge weens die<br />
persoonlike en dikwels intieme aard daarvan gewoonlik nie<br />
daadwerklik meeleef nie. Ons kan nouliks meer doen as om te aanvaar<br />
dat smaak verskil. Hierdie verhoudings val binne die uitsluitlike<br />
belewenisterrein van die betrokke individue. As ʼn individu deur<br />
hierdie individuele dinge bevoordeel word en vreugde ervaar, is dit<br />
eintlik net syne wat hy hoogstens deels met ʼn klein klompie mense<br />
met wie hy in ʼn hegte privaat verhouding verkeer, kan deel. En as hy<br />
skade ly, ly hy eintlik alleen. Ander kan nie werklik meevoel en saam<br />
ly nie, al betuig hulle opregte medelye en meegevoel.<br />
Terwyl alle mense individue is, is almal egter nie burgers nie.<br />
Burgerskap dui mede-regering aan en mense is burgers wanneer hulle<br />
mede-regeerders van die res publicae is en in wisselwerking met<br />
ander burgers oor die gemenebes — die openbare sake van algemene<br />
belang vir almal — beskik en regeer. Wanneer hier na burgers en<br />
burgerskap verwys word, dra dit die politokratiese betekenis van die<br />
amp van mede-regering oor die gemenebes. 13<br />
13<br />
Hierdie siening van burgerskap put onder andere uit Aristoteles se siening van<br />
burgerskap en van burgerlike deug. ’n Burger verklaar Aristoteles (n 11 hierbo)<br />
Boek III, hoofstuk 13 131 ‘... has a share both in ruling and in being ruled.’ In Boek<br />
III, hoofstuk 1 103 verklaar Aristoteles dat dit duidelik is dat ’n burger iemand is
304 Hoofstuk 10<br />
Die onderskeid tussen die burger en die individu val saam met die<br />
onderskeid tussen private sake en die res publicae. In ʼn politokratiese<br />
bestel is die res publicae die terrein van politieke besluitneming<br />
teenoor private sake wat buite die politiek — buite die res publicae —<br />
val en aan individue oorgelaat word om in hulle private hoedanigheid<br />
daaroor te besluit. Toegegee, die onderskeid is nie klinkklaar nie. Dit<br />
beteken egter nie dat dit nie steeds van belang is nie. Onderskeide in<br />
sosiale en politieke sake is per slot van sake nooit klinkklaar nie. Die<br />
onderskeid moet daarom deurlopend aangewend word om te help<br />
verseker dat die integriteit van sowel die res publicae as die private<br />
sfeer in stand gehou word.<br />
Wanneer dinge van die private sfeer verkeerdelik vir ʼn res publica<br />
aangesien word en dus die onderwerp van politieke besluitneming<br />
word, raak die politieke orde voorskriftelik en totalitêr. Bemoeisieke<br />
individue kry dan die bevoegdheid om in die private sake en<br />
lewensstyle van ander in te meng en aan hulle voor te skryf hoe hulle<br />
hul private lewens moet inrig. Regsvoorskrifte word as dwangmiddel<br />
misbruik om individuele konformering in die private sfeer te<br />
bewerkstellig oor sake wat niks met die gemenebes en met ander<br />
individue te doen het nie. Individuele outonomie en keuses oor<br />
private sake word sodoende ontneem en die private sfeer sonder<br />
regverdiging ingekort. Dit kom neer op ʼn onverskoonbare skending<br />
van die individuele menswaardigheid, vryheid en privaatheid van<br />
mense wat aan hierdie voorskrifte onderwerp word. Die private sfeer<br />
word in die res publicae geabsorbeer, wat meebring dat die openbare<br />
diskoers oor die res publicae verkeerdelik in beslag geneem word deur<br />
mense se privaat sake. Die politiek wat oor res publicae moet gaan,<br />
word gevolglik in ʼn slegte lig gestel en benadeel omdat dit vir<br />
vergrype in die private domein misbruik word. Die beskerming van<br />
individue teen politieke ingryping en voorskrif en die<br />
ooreenstemmende beskerming van individuele regte is deel van die<br />
winste van die moderne era. Dit bied juis ʼn skans teen vergrype teen<br />
individue in die private domein. Dit is ook belangrik vir die<br />
instandhouding van politieke gemeenskappe en is daarom ook<br />
ooreenkomstig ʼn politokratiese sienswyse van groot waarde.<br />
Die misbruik van die politiek om individuele keusevryheid te skend<br />
en sodoende die private sfeer te skend, is egter nie net nadelig vir<br />
13 wat daarop geregtig is om aan die uitoefening van gesag, sowel raadplegend as<br />
regsprekend deel te neem. Sien ook Boek 3, hoofstuk 5 112. In ooreenstemming<br />
met Aristoteles se siening van burgerskap is sy siening van burgerlike deug soos hy<br />
dit in Boek III, hoofstuk 4 109 beskryf: ‘But is it surely a good thing how to obey as<br />
well as how to command, and I think we might say that the goodness of the<br />
citizen is just this — to know well how to rule and be ruled.’ Sien ook 110 in<br />
dieselfde hoofstuk waar Aristoteles in dieselfde trant uitbrei. Die duidelike<br />
onderskeid tussen die burger en die individu bring mee dat die maatstawwe vir ’n<br />
goeie burger en ʼn goeie individu ook verskil. (Boek III, hoofstuk 4 107).
Politokrasie 305<br />
individuele menswaardigheid, vryheid en privaatheid nie. Meer nog,<br />
dit is boonop nadelig vir die politieke gemeenskap en vir burgerskap.<br />
Dit misbruik die res publicae vir optrede teen individue in hulle<br />
private domein. Sodoende word die integriteit van die gemenebes wat<br />
slegs openbaar is, geskend met optrede wat nie daarby hoort nie en<br />
word die res publicae se reputasie tot nadeel van politieke deelname<br />
aangetas. Dit bring mee dat burgers op grond van private<br />
aangeleenthede en voorkeure wat met die res publicae en die amp<br />
van burgerskap niks te make het nie, uit die sfeer van openbare<br />
deelname gehou word. Die miskenning van individuele vryheid, wat op<br />
die individu in die private sfeer inbreuk maak, is derhalwe tegelyk ook<br />
vir die uitoefening van burgerskap en vir die politieke deelname<br />
nadelig, want in die openbare sfeer word individue se private keuses<br />
teen hulle gehou, wat meebring dat die uitoefening van hul<br />
burgerskap bemoeilik word. Vir die res publicae en die politiek bring<br />
dit ʼn dubbele nadeel mee. Aan die een kant word daar teen<br />
(individuele) burgers in hul hoedanigheid as burgers gediskrimineer<br />
oor sake wat nie op burgerskap en die gemenebes betrekking het nie.<br />
Terselfdertyd strek dit tot nadeel van die politieke gemeenskap — een<br />
van die belangrike res van die res publicae — as geheel, omdat die<br />
politieke bydrae wat hierdie burgers tot die politieke gemeenskap as<br />
geheel kan lewer, verbeur word.<br />
Op die terrein van politieke deelname oor die sake van die<br />
gemenebes behoort mense met mekaar as burgers te doen te kry.<br />
Binne hierdie sfeer moet mense mekaar beoordeel op grond van hul<br />
menings, insigte en oordele oor openbare sake en nie ingevolge hulle<br />
psigiese opset, persoonlikhede en private lewenstyl en keuses nie. Die<br />
punt is dat die maatstawwe vir goeie burgerskap teenoor ʼn goeie<br />
individu uiteenlopend is. ʼn Persoon kan ʼn voortreflike burger wees<br />
sonder om noodwendig ʼn besonder voorbeeldige individu te wees.<br />
Daarenteen kan ʼn deugsame individu bes moontlik nie aan die<br />
maatstawwe van burgerskap voldoen nie. Die maatstawwe verskil. 14<br />
Indien hierdie onderskeid tussen die goeie individu en die goeie<br />
burger nie ingesien word nie en die maatstawwe van die private op die<br />
openbare toegepas word en omgekeerd, word sowel die burger as die<br />
individu te na gekom en word die integriteit van die private sfeer én<br />
die openbare sfeer, waarbinne die politiek moet afspeel, geskend.<br />
Hierdie probleem kan in enige politieke gemeenskap — groot of klein<br />
— voorkom, maar dit is veral in klein nie-getalryke tuistelike<br />
gemeenskappe waar dit op sy ergste kan raak en sodoende ʼn<br />
14 Aristoteles (n 11 hierbo) Boek III, hoofstuk 4 107 maak ’n punt daarvan om dit te<br />
verduidelik en kom tot die gevolgtrekking:<br />
Clearly then it is possible to be a good and serious citizen without having<br />
that goodness which makes a good man good.<br />
Sien ook verder Boek III, hoofstuk 13 129.
306 Hoofstuk 10<br />
gemeenskap kan vernietig. In ʼn beperkte politieke gemeenskap is dit<br />
makliker vir ʼn klein groepie puriteine om beheer te verkry en in naam<br />
van die gemenebes hul puriteinse oortuigings van hoe mense hul<br />
privaat lewens moet inrig, individue se privaat lewens te reguleer.<br />
Sodoende verval die politieke gemeenskap tot ʼn benoude, puriteinse,<br />
totalitêre orde wat individuele menswaardigheid en vryheid sowel as<br />
die politieke gemeenskap met een slag nekomdraai. Dit is onder<br />
andere om hierdie rede dat tuistelike politieke gemeenskappe,<br />
ofskoon hulle die grondslag van ʼn politokratiese orde moet wees, aan<br />
die korreksie van groter politieke gemeenskappe moet blootstaan.<br />
(sien 2.2.2 hierbo). Dit is ook om hierdie rede dat die optimale grootte<br />
van tuistelike gemeenskappe, wat hieronder in 4.4 behandel word, so<br />
belangrik is.<br />
4.2 Burgerskap<br />
Uit die onderskeid wat hierbo tussen die individu en die burger getref<br />
is, blyk dit reeds duidelik dat alle mense in ʼn politieke gemeenskap<br />
nie noodwendig burgers is nie. Hierdie punt is een van die grondslae<br />
van politokrasie. Dit baken die onderskeid af tussen staatlike<br />
burgerskap en burgerskap in die politokratiese sin. Dit is ook die<br />
grondslag vir die onderskeid tussen massokrasie — die demokrasie van<br />
die territoriale staat (sien hoofstuk 7.4) — en politokratiese<br />
demokrasie. Dit word vervolgens toegelig.<br />
Burgerskap in die politokratiese sin het, soos burgerskap in die<br />
staatlike sin, natuurlik ook ʼn juridiese betekenis. Daar is per slot van<br />
sake aan die begin van die bespreking van politokrasie in hierdie<br />
hoofstuk aangedui dat politokrasie ʼn politiek-konstitusionele orde<br />
beskryf, wat noodwendig beteken dat sentrale konsepte van die<br />
politiek ook juridies verreken moet word. By die bespreking van<br />
burgerskap is die vertrekpunt egter polities eerder as juridies.<br />
In die territoriale staat is burgerskap wesenlik ʼn bepaalde status<br />
wat vir alle praktiese doeleindes permanent en staties is. As jy een<br />
maal ʼn burger is, bly jy ʼn burger totdat jy die territoriale staat<br />
waarvan jy ʼn burger is, verlaat en aan die vereistes vir burgerskap van<br />
ʼn nuwe staat voldoen. Soos verduidelik, is burgerskap (politeia)<br />
primêr ʼn politieke amp en hoedanigheid — die hoedanigheid<br />
waarvolgens ʼn persoon saam met sy mede-burgers die sake van die<br />
politieke gemeenskap behartig en daaroor regeer. Hierdie burgerskap<br />
is egter tydelik, wisselvallig en dinamies. Jy word en bly burger vir<br />
solank jy jou met die res publicae bemoei en aan die mede-regering<br />
van die gemenebes deelneem. Jy hou op om burger te wees sodra jy<br />
jou bemoeienis met en deelname aan die mede-regering van die<br />
gemenebes staak en word weer burger sodra jy dit hervat. Toegang<br />
tot burgerskap bly egter altyd oop vir alle (handelingsbevoegde) lede
Politokrasie 307<br />
van die betrokke politieke gemeenskap. Dit hang van die vrye besluit<br />
van elke lid van die politieke gemeenskap af. Indien ʼn persoon verkies<br />
om sy energie uitsluitlik aan sy private sake te bestee, is dit sy saak.<br />
Daarmee verkies hy om nie ʼn burger te wees nie en dat diegene wat<br />
dit wel wil wees sonder hom oor die gemenebes kan regeer. Sy<br />
burgerskap is dus potensieel en nie daadwerklik nie. Hy kan die amp<br />
van burgerskap egter opneem (of herwin), bloot deur weer by die<br />
bedrywighede van die gemenebes betrokke te raak en daadwerklik<br />
aan mede-regering te begin deelneem. Baie mense toon nooit enige<br />
belangstelling in openbare aangeleenthede nie en vind volledige<br />
bevrediging en genoegdoening in die private domein. Hulle beklee dus<br />
nooit die amp van polites nie. Hulle het geen erg aan die gemenebes<br />
nie en ontwikkel ook nie die kennis, insig en oordeel wat met die<br />
regering daaroor gepaard gaan nie. Politokrasie plaas ʼn hoë waarde<br />
op burgerskap. Daarom is dit jammer dat so-iets gebeur. Nog meer<br />
jammerlik as dit, is egter om aan hierdie ongeërgdes en onkundiges<br />
seggenskap of medeseggenskap oor die gemenebes toe te ken.<br />
Daardeur word die klaaglike teenoorgestelde van politokrasie — ʼn<br />
idiotokrasie 15 — in die hand gewerk: Diegene wat nie in die<br />
gemenebes geïnteresseerd is nie, in plaas van diegene wat juis in die<br />
res publicae belangstel, hulle daarmee bemoei en in interaksie met<br />
ander burgers hulle kennis en oordeel daaroor slyp en ontwikkel, word<br />
die mede-regeerders van die politieke gemeenskap. Politokrasie<br />
verwerp die idiotokrasie van die onkundiges en ongeërgdes (die niepolitai)<br />
en wil in plaas daarvan regering deur daadwerkliklike burgers<br />
— politai — bewerkstellig.<br />
Die sentrale konsep van demokrasie in die territoriale staat is die<br />
van stemgeregtigde kieser. Politieke deelname gaan hiervolgens<br />
wesenlik daaroor om te stem. Binne hierdie opset is mense se<br />
politieke belangstelling, kennis, insig en oordeel oor die res publicae<br />
irrelevant. Net soos burgerskap dui kieserskap ook ʼn permanente<br />
status (en die meegaande kompetensie om te stem) aan. ʼn Persoon<br />
word stemgeregtig op grond van die formele maatstawwe dat hy ʼn<br />
burger van ʼn bepaalde staat is en ʼn voorgeskrewe ouderdom bereik<br />
het. Die versweë veronderstelling is dat wanneer ʼn individu ʼn<br />
vasgestelde ouderdom bereik het, dit hom in staat stel om met ʼn<br />
voldoende oordeel aan openbare sake deel te neem. Vroeër — voordat<br />
algemene volwasse stemreg die wesenselement van (staatlike)<br />
demokrasie geword het — is daar met allerlei ander maatstawwe soos<br />
eiendoms-, klasse-, geletterdheids- of geslagsmaatstawwe gewerk om<br />
die toegang tot politieke deelname en uitoefening van stemreg te<br />
reguleer (en ook om mense daarvan te weerhou). Daar mag aangevoer<br />
word dat ten minste sommige van hierdie maatstawwe aanduidend is<br />
15<br />
Idiotokrasie is afgelei van idiotos, die Griekse woord vir ’n persoon wat nie in die<br />
sake van die polis geïnteresseerd is nie.
308 Hoofstuk 10<br />
van mense se bevoegdheid om aan prosesse van openbare<br />
besluitneming deel te neem. So kon aangevoer word dat eiendomsreg<br />
oor grond of die generering van inkomste op ʼn groter belang by die<br />
funksionering van die politieke gemeenskap dui en meer<br />
verantwoordelike politieke deelname en besluitneming in die hand<br />
werk.<br />
Hierdie maatstawwe deel egter dieselfde wesenlike gebrek,<br />
naamlik dat dit die onderskeid tussen enersyds die gemenebes en<br />
burgerskap en andersyds die private domein en die individu ignoreer.<br />
Al hierdie maatstawwe wat aangewend word, is basies maatstawwe<br />
van ʼn private aard en geeneen is relevant vir die politiek en dus vir<br />
mede-regering oor die gemenebes nie. Wat het private kwessies soos<br />
ʼn persoon se geslag, geletterdheid, inkomste of ouderdom per slot<br />
van rekening met sy vermoë tot oordeelkundige deelname aan sake<br />
van die gemenebes te doen? Ongeag hierdie kwessies mag ʼn persoon<br />
op ʼn glyskaal óf uiters geskik óf uiters ongeskik wees vir deelname aan<br />
en beskikking oor die res publicae — of iewers daartussen lê. Hierdie<br />
faktore werp insigself egter geen lig op geskiktheid om aan die<br />
politiek deel te neem en mede te regeer nie.<br />
Die toegang tot deelname aan die politiek (die daadwerklike<br />
uitoefening van burgerskap) moet bepaal word deur polities relevante<br />
maatstawwe. Dit is nie eiendom, inkomste, akademiese kwalifikasies,<br />
of die blote juridiese status van burgerskap wat aangewend moet<br />
word as maatstaf om te bepaal of ʼn persoon aan die politiek mag<br />
deelneem nie. Al hierdie maatstawwe versuim om die onderskeid<br />
tussen die individu en die burger te verreken. Dit maak private<br />
maatstawwe wat vir die hantering van die gemenebes irrelevant is, op<br />
die terrein van die politiek van toepassing. Hierteenoor is die kritiesrelevante<br />
faktor die vraag of ʼn persoon na vore tree om die amp van<br />
burger op te neem om sodoende aan die beskikking oor die res<br />
publicae deel te neem. Dit gebeur wanneer ʼn persoon as burger van<br />
ʼn politieke gemeenskap belangstelling toon en hom daadwerklik<br />
toewy aan sake van die res publicae en mede daaroor regeer.<br />
Die toeken van algemene volwasse stemreg bloot op grond van die<br />
bereiking van bepaalde minimum-ouderdom is teen hierdie<br />
agtergrond onvanpas. Die geskiktheid om oordeelkundig aan die sake<br />
van die gemenebes mee te doen, hang per slot van sake nie af van ʼn<br />
faktor wat in die eerste plek van ʼn private aard is, soos ouderdom nie.<br />
Uiteraard moet ons ʼn minimum-ouderdom vir politieke deelname<br />
vasstel, bloot omdat menslike ervaring leer dat goeie oordeel<br />
gewoonlik iets is wat eers met volwassenheid ontwikkel. Dit beteken<br />
egter nie dat die blote bereiking van dié ouderdom (gelyke) politieke<br />
seggenskap moet meebring nie. Inteendeel, soos reeds uit die<br />
bespreking hierbo blyk, behoort die deurslaggewende faktor te wees<br />
of ʼn persoon as burger daadwerklik sy burgerskapsamp opneem en
Politokrasie 309<br />
mede-regeer. Aan die een kant mag dit op ouderdom twintig gebeur,<br />
maar aan die ander kant mag ʼn sestigjarige geen belangstelling hierin<br />
toon nie en gevolglik nie ʼn burger wees nie. Die uitoefening van die<br />
amp van burgerskap is vanuit ʼn politokratiese raamwerk, anders as<br />
volgens staatlike demokrasie, nie in die eerste plek geleë in die<br />
vlietende uitoefening van stemreg, een maal in ʼn paar jaar nie, maar<br />
wel in deelname aan die bespreking van, besluitneming en waak oor<br />
die res publicae. Veral in die lig van die feit dat die tuistelike<br />
gemeenskap van veel beperkter omvang as die territoriale staat is, is<br />
die faktor van daadwerklike openbare bespreking, besluitneming en<br />
administrasie van die gemenebes deur die burgery veel meer haalbaar<br />
as in die massokrasie van die territoriale staat.<br />
Inaggenome hoe burgerskap in ʼn politokratiese sin beskou word,<br />
vertoon demokrasie, politokraties beskou, veral twee wesenlike<br />
verskille met staatlike massokrasie.<br />
Eerstens is die konstituerende elemente van die politokrasie nie<br />
alle stemgeregtigde kiesers nie, maar ʼn getal-beperkte korps van<br />
politai. In ʼn politokratiese bestel voer ʼn polities-relevante korps van<br />
burgers die politieke diskoers en regeer hulle oor die gemenebes.<br />
Regering is derhalwe in die beheer van ʼn elite. Dit is egter ʼn polities<br />
relevante elite van burgers wat hulle eliteskap dank aan hulle polities<br />
tersaaklike belang by en toewyding aan die res publicae. Hulle<br />
kwalifiseer vir regering op grond van polities-relevante maatstawwe.<br />
Dit is egter ʼn oop — ʼn toeganklike — elite en nie ʼn geslote aristokrasie<br />
nie, want, soos verduidelik is, is die amp van burgerskap dinamies van<br />
aard en kan enige lid van die betrokke politieke gemeenskap<br />
burgerskap verwerf en verbeur, of as hulle verkies om hul lewens<br />
uitsluitlik in die private sfeer te lei, die amp nooit opneem nie. Die<br />
punt is dat regering in die territoriale staat, hoe demokraties dit ook<br />
al mag voorgee om te wees, altyd tot uitdrukking kom in die een of<br />
ander vorm van elite-regering. Die bespreking van die demokratiese<br />
legitimiteitsfiksie in hoofstuk 7 het dit duidelik aan die lig gebring.<br />
Politokrasie erken die realiteit van elite-regering, maar wil verseker<br />
dat dit ʼn politiek tersaaklike en gekwalifiseerde oop elite is; nie ʼn<br />
plutokratiese elite van die rykstes of ʼn party-elite van die besgeorganiseerdes<br />
of iets dergeliks nie.<br />
Tweedens is die fokus van demokrasie, politokraties beskou, in die<br />
eerste plek die deurlopende voer van die politieke diskoers tussen ʼn<br />
oop politokratiese elite bestaande uit ʼn politiek-belangstellende en<br />
toegewyde korps burgers en die deurlopende waak en regeer oor die<br />
gemenebes. Daarenteen is die kern van die politiek van staatlike<br />
demokrasie die periodiek vlietende uitoefening van stemreg deur<br />
dikwels apatiese en onkundige individue wat periodiek gemobiliseer<br />
word om ʼn dikwels net so oningeligte en onoorwoë stem uit te bring<br />
uit hoofde van persoonlike voordeel, partylojaliteite, doeltreffende
310 Hoofstuk 10<br />
party-organisasie, stereotipes, finansieel ondersteunde mediamanipulasie<br />
en dergelike irrelevante oorwegings en faktore.<br />
4.3 Burgerskaplike gelykheid<br />
In die res publica ontmoet burgers mekaar as gelykes omdat hulle die<br />
gemeenskaplike en gelyke status van burgerskap (politeia) deel. Hulle<br />
deel in die gelyke bemoeienis met en regering oor die gemenebes.<br />
Hierin tel private statusse, hoedanighede en bedrywighede soos<br />
geslag, professie, ambag, rykdom en dies meer, wat andersins<br />
moontlik ongelykhede mag meebring, nie meer nie. 16 Dit is heeltemal<br />
irrelevant. ʼn Persoon se prestasies of wanprestasies in die privaat<br />
domein is geen aanduiding van sy geskiktheid as burger nie. ʼn Swak<br />
presteerder in die private domein mag heel moontlik ʼn uitstekende<br />
burger wees, goeie oordeel oor die sake van die gemenebes aan die<br />
dag lê en dus op die gebied van mede-regering oor die gemenebes<br />
uitblink. Daarenteen mag ʼn briljante wetenskaplike, akademikus,<br />
regsgeleerde, predikant, ambagsman of dergelike spesialis vanweë<br />
die feit dat sy aandag deur sy werk in beslag geneem word, ʼn swak<br />
burger met ʼn treurige oordeel oor die sake van die gemenebes wees.<br />
Die punt is dat die sake van die gemenebes ʼn eiesoortige kundigheid,<br />
oordeel en vaardigheid, los van private hoedanighede en<br />
bedrywighede, verg. Dit is die vermoë om in wisselwerking met medeburgers<br />
oordeelkundig oor die gemenebes te regeer. Hierdie vermoë<br />
word primêr bevorder wanneer daar voortdurend met die gemenebes<br />
gehandel word. Spesialisasie in die professies, die handel en die<br />
tegnologie ensovoorts slyp die vermoë om doeltreffendheid binne die<br />
betrokke gespesialiseerde terrein op te tree. Hierdie ingeoefende<br />
fokus op ʼn bepaalde terrein beteken egter gewoonlik dat die<br />
ingeoefende uit sy diepte is in ander gespesialiseerde terreine<br />
behalwe sy eie. Daar is per slot van sake nouliks tyd om aan iets<br />
anders aandag te gee. Net so neig die spesialis om ook uit sy diepte te<br />
wees op die (politieke) terrein van die res publicae, aangesien dit ook<br />
buite sy terrein val. Ofskoon spesialisasie ekonomies noodsaaklik is,<br />
neig dit terselfdertyd om ʼn sin vir en vaardigheid en oordeel oor die<br />
res publicae af te leer en af te stomp. Natuurlik kan ʼn spesialis ʼn groot<br />
16 Dit is ook reeds deur Aristoteles ingesien en toegelig. Sien byvoorbeeld Aristoteles<br />
(n 11 hierbo) Boek III, hoofstuk 4 119-110. Veel later, in 1790, sluit Edmund Burke<br />
in sy Reflections on the Revolution in France (1968) 133 hierby aan. Hy verklaar<br />
oor professionele mense: ‘Their very excellence in their particular functions may<br />
be far from a qualification for others. It cannot escape observation, that when<br />
men are too much confined to professional and faculty habits, and, as it were,<br />
inveterate in the recurrent employment of that narrow circle, they are rather<br />
disabled than qualified for whatever depends on the knowledge of mankind, on<br />
experience in mixed affairs, on a comprehensive connected view of the various<br />
complicated external and internal interests which go to the formation of that<br />
multifarious thing called a state.’ Op 138-9 van sy werk brei Burke verder hierop<br />
uit.
Politokrasie 311<br />
bydrae tot die politiek lewer. Indien hy daarin slaag, is die sukses<br />
egter nie te danke aan sy buite-politieke spesialisasie nie, maar juis<br />
aan die feit dat hy naas sy gespesialiseerde vermoëns ʼn vaardigheid<br />
en oordeel met betrekking tot die res publicae ontwikkel het. 17<br />
In ooreenstemming met hulle gelyke status as burgers oor die sake<br />
van die gemenebes, behoort die politieke diskoers ook op ʼn grondslag<br />
van gelykheid af te speel. Die sake van die res publicae is per slot van<br />
rekening almal se gemeenskaplike openbare saak en daarom behoort<br />
geen burger deur ʼn ontoeganklike vaktaal van die politieke diskoers<br />
uitgesluit of afgeskrik te word nie. Die vrae na die res publicae wentel<br />
om die saaklike hantering van die openbare sake van algemene<br />
belang. Die bespreking word nie gevoer in vakwetenskaplike jargon<br />
van byvoorbeeld die morele filosoof, ekonoom, teoloog, fisikus,<br />
politikoloog, ingenieur, juris, chemikus, en dies meer nie. Wanneer ʼn<br />
teoloog byvoorbeeld die sake van die gemenebes in teologiese terme<br />
sou voer, is daar vanuit die staanspoor ongelykheid in die bespreking<br />
wat slegs vir sekere ingewydes toeganklik is, maar alle ander uitsluit.<br />
Dit verongeluk burgerskaplike gelykheid en plaas teoloë in die<br />
voorgestoeltes van die politieke diskoers oor die gemenebes. Dit is<br />
onaanvaarbaar, want hoe godsdienstig ter sake die teologiese diskoers<br />
ook al mag wees, is dit vir die beslissing oor die res publicae<br />
irrelevant. En omdat dit ongelykheid tussen burgers meebring en die<br />
diskoers oor die gemenebes aan bande lê, is dit boonop nadelig vir die<br />
gemenebes. Wanneer morele kwessies ter sprake is, wat vir die<br />
gemenebes van belang mag wees, moet die diskoers daaroor<br />
eweneens gevoer word in politieke taal waartoe almal gelyke toegang<br />
het. Juridifisering van die res publicae hou dieselfde nadeel in dat<br />
openbare sake wat almal raak deur ʼn juridiese elite aan die hand van<br />
juridiese terme vir ʼn regselite ingepalm word en dat die burgery aan<br />
ʼn oënskynlik beterwetende juridiese elite uitgelewer word. Met die<br />
opkoms van die territoriale staat en, in die besonder, weens die<br />
belang van menseregte is hierdie probleem tans juis besonder ter sake<br />
(sien hoofstuk 8.3.4). Daar is natuurlik niks fout daarmee om deur<br />
deskundiges voorgelig te word nie. Trouens, veral voorligting oor<br />
ekonomiese kwessies is hier van belang omdat dit per slot van sake<br />
heg met die algemene welstand van die gemenebes verweef is. Dié<br />
advies soos enige ander professionele advies moet egter in<br />
verstaanbare taal aan alle burgers oorgedra word, sodat die besluite<br />
uiteindelik behoorlik voorgeligte besluite van die burgers self kan<br />
wees. Dit moet nie afstanddoening van die regeerplig deur die burgers<br />
self meebring nie.<br />
17<br />
Dit hang saam met die onderskeid tussen die deugsame burger en die goeie<br />
individu, waarop reeds onder andere met verwysing na Aristoteles gewys is.
312 Hoofstuk 10<br />
4.4 Omvang<br />
Politokrasie doen weg met burgerskap se uitsluitlike vereenselwiging<br />
met die territoriale staat en verbind dit daarenteen primêr met<br />
beperkter en hegter tuistelike gemeenskappe waar ʼn res publica in<br />
reële terme bestaan en meer regstreeks en intiem deur die burgery<br />
beleef word. Burgerskap is per slot van sake afhanklik van die bestaan<br />
van ʼn ryk gemenebes wat alleen in tuistelike gemeenskappe<br />
teenwoordig is. Hierdie siening van burgerskap steun onder andere op<br />
ʼn ryk tradisie wat burgerskap van ʼn klein en hegte politieke eenheid<br />
afhanklik stel en dit daarmee vereenselwig. Dit blyk reeds uit die<br />
Griekse verbintenis tussen die burger en die stadstaat (polites en<br />
polis), maar gaan verder as dit. Die Nederlandse burger, Engelse<br />
citizen en burgher, Duitse Bürger en Franse citoyen het dit in gemeen<br />
dat hulle almal verbind word met die geografies en demografies<br />
beperkte, homogene en outonome burcht (burg), borough, city en<br />
cité. Die burg (en sy sinonieme begrippe) verwys na ʼn militêre<br />
vesting, ʼn fort, te wete ʼn verskanste, ommuurde of versterkte plek.<br />
Burgers, wat hiervan afgelei is, is die bewoners van die burg en, meer<br />
in besonder, diegene wat die burg mede-regeer en saam met ander<br />
burgers die verdediging, beveiliging en algemene welsyn van die burg<br />
behartig. 18 Hierdie siening van burgerskap strook met die<br />
politokratiese beskouing daarvan en weerklink ook in Aristoteles se<br />
burgerskap-siening in ʼn demokrasie.<br />
Juis hierdie vereenselwiging van burgerskap met in die eerste plek<br />
die kleiner en hegter politieke gemeenskap, plaas die vraag op die<br />
voorgrond: wat behoort dan die optimale omvang van die tuistelike<br />
gemeenskap te wees? Hoe groot moet dit wees om ʼn politieke<br />
gemeenskap met beduidende res publicae en burgerskap te huisves?<br />
Waar lê die kritiese ewewig tussen ʼn te klein en ʼn te groot<br />
gemeenskap om ʼn tuistelike politieke gemeenskap moontlik uit te<br />
maak? 19<br />
18 Vir die etimologies verbintenis tussen burg en burger, vergelyk byvoorbeeld:<br />
Nederlands: JW Muller en A Kluyver Woordenboek der Nederlandsche Taal (1902)<br />
(Derde Deel) Martinus Nijhof, AW Sijthoff Gent kolom 1895-1908; N van Wijk<br />
Franck’s Etymologisch Woordendoek der Nederlandsche Taal Matinus Nijhof<br />
(1912) 100; Engels: W Little et al Shorter Oxford Dictionary: On historical<br />
principles (voorberei, hersien en geredigeer deur CT Onions; derde uitgawe<br />
herorganiseer deur GWS Friedrichsen Vol 1 Clarendon Press Oxford (1978) 253;<br />
351; Duits: W Pfeifer et al Etymologisches Wörterbuch des Deutschen: A-G<br />
Akademie-Verlag Berlyn (1989) 232-233; E Seehold Etymologisch Wörterbuch der<br />
Deutschen Sprache Walter de Greuyter Berlyn (1989) 114-115; Frans: A Dauzat et<br />
al Nouveau Dictionnaire Étymologique et Historique Librairie Larousse Paris<br />
(1987) 169.<br />
19 Hierdie vraagstuk is sedert die Klassieke Griekse politieke filosofie ter sake en<br />
word onder andere deur Aristoteles (n 11 hierbo) Boek VII, hoofstuk 4, veral op<br />
266 behandel.
Politokrasie 313<br />
Daar bestaan nie ʼn enkele antwoord hierop nie, maar daar is wel<br />
aanduidings wat ʼn antwoord hierop help verstrek — aanduidings wat<br />
almal reeds geïmpliseer word in die politokratiese sienswyse, soos tot<br />
dusver uiteengesit. By die bespreking van optimale grootte of omvang<br />
het ons al drie die tuistelike gemeenskappe wat hierbo onderskei is,<br />
in gedagte, maar die klem val veral op die eerste — die plaaslike<br />
kultuurgemeenskap waar ʼn homogene kultuurgemeenskap dieselfde<br />
plek deel.<br />
Die territoriale staat, so is geargumenteer, is gewoon te<br />
omvattend om ʼn politieke gemeenskap, burgerskap en demokrasie in<br />
stand te hou. Burgerskap, wat impak en mede-regering veronderstel,<br />
is moeilik haalbaar en demokrasie degenereer tot massokrasie. Dié<br />
dinge is reeds breedvoerig bespreek. Aan die ander kant kan ʼn<br />
gemeenskap egter ook te klein wees om ʼn politieke gemeenskap<br />
moontlik te maak omdat burgerskap, ʼn gemenebes en demokrasie,<br />
net soos in ʼn te omvattende opset verydel kan word. Politokrasie mik<br />
per slot van sake op lewendige politieke gemeenskappe, waarin die<br />
beoefening van burgerskap as openbare saak voorop staan. Juis<br />
daarom is dit noodwendig veel meer omvattend as enige private<br />
gemeenskap. Dit kan dus nooit te klein wees nie, want dan verdwyn<br />
die openbare karakter van die politiek te maklik ten gunste van die<br />
private hoedanighede, verhoudings en kwessies.<br />
By die behandeling van die vraag rakende die omvang van die<br />
tuistelike gemeenskap is die eerste punt van belang dat ʼn politieke<br />
gemeenskap natuurlik steeds ʼn gemeenskap moet wees. Dit beteken<br />
dat mense met mekaar te doen moet hê. Hulle moet met mekaar in<br />
kontak wees en in interaksie met mekaar verkeer. In die besonder<br />
moet burgers regstreeks en deurlopend behoorlik met mekaar kan<br />
kommunikeer om beskikking oor die res publicae moontlik te maak.<br />
Dit impliseer dat hulle fisies nie te ver van mekaar verwyderd kan<br />
wees nie, aangesien dit besluitneming en regering onmoontlik sal<br />
maak of beduidend sal bemoeilik. Vinnige elektroniese kommunikasie<br />
kan weliswaar help om interaksie te vergemaklik maar vervang nie die<br />
noodsaak om in mekaar se teenwoordigheid te wees nie. Die<br />
gemenebes waaroor besluit moet word, moet verkieslik konkreet<br />
ervaar word in plaas van bloot abstrak bedink word. Daarom is die<br />
verkieslike tuistelike gemeenskap een wat fisies ook beperk in<br />
omvang is — ʼn stad met ʼn klein hinterland, eerder as ʼn uitgestrekte<br />
stuk aarde. Indien fisies te omvangryk, raak die res publica van<br />
patria, gemeenskap en openbare instellings buitendien gewoon net<br />
iets wat te veel verbeel word, eerder as dat dit daadwerklik bestaan<br />
en beleef word.<br />
Verder is ’n politieke gemeenskap natuurlik nie bloot die<br />
samekoms van individue (any number of men) in hul private<br />
hoedanigheid nie. Vir ʼn politieke gemeenskap moet daar ʼn
314 Hoofstuk 10<br />
gemenebes — ʼn res publica — van openbare sake van algemene belang<br />
vir die betrokke gemeenskap wees. Daarsonder is die gemeenskap nie<br />
polities nie, maar bloot ʼn privaat versameling waar interaksie bloot<br />
tussen individue bestaan, in plaas van tussen burgers wat oor ʼn<br />
gemenebes regeer. Dit vereis twee dinge.<br />
Die eerste is ʼn politokratiese ingesteldheid. Dit beteken ʼn<br />
diskoers tussen burgers oor die gemenebes, met ander woorde<br />
saaklike, openbare interaksie oor die gemenebes; nie persoonlike,<br />
private en intieme betrokkenheid nie. Natuurlik is daar ruimte vir<br />
laasgenoemde, maar nie in die konteks van die politiek nie, en nie as<br />
onderwerp van die politieke diskoers en besluitneming nie. Hierdie<br />
private dinge kan nie temas van die politiek word nie. Indien wel,<br />
word die eg openbare karakter — die gemenebes-karakter van die<br />
politiek — prysgegee en geprivatiseer. Dan word die politiek in die<br />
privaat wêreld van gesins-, familie-, vriendskaps- en die persoonlike<br />
vyandskapsverhouding geabsorbeer, waarmee die politiek vernietig<br />
word. Wat hiermee bedoel word is dit: burgerskap het ’n<br />
onpersoonlike karakter. Dit beteken dat die (burgerskaplike)<br />
verhoudings tussen burgers juis buite-om gesins-, familie-,<br />
vriendskaps- en dergelike private en persoonlike verhoudings van<br />
affiniteit of persoonlike afkeer, voltrek word. Natuurlik leer burgers<br />
mekaar ook as individue ken en is die verskynsels van persoonlike<br />
afkeur of affiniteit sekerlik teenwoordig. Dit bly egter ʼn privaat<br />
aangeleentheid. Dit is nie insidenteel tot burgerskap nie. Die saaklike<br />
verhoudings tussen burgers wat om die hantering van die res publicae<br />
wentel, is wesenlik onpersoonlik en juis verwyderd van die individuele<br />
interaksie van die private domein.<br />
ʼn Politieke ingesteldheid, wat die onderskeid tussen die private<br />
en die politieke terreine eerbiedig, wat skeidslyne tussen individue en<br />
burgers volg en wat die hantering van die gemenebes nie deur privaat<br />
sake en voorkeure laat bepaal nie, kan baie doen om die besondere<br />
politieke karakter van ʼn tuistelike gemeenskap in stand te hou. Maar<br />
as die hoeveelheid mense en burgers in ʼn gemeenskap min is, voer ʼn<br />
politieke ingesteldheid ʼn opdraande stryd om die politieke diskoers op<br />
die gemenebes te fokus en om burgerskap van private hoedanighede<br />
en interaksie te onderskei. Hoe minder die mense en burgers en hoe<br />
kleiner die gemeenskap, des te groter die risiko dat die gemeenskap<br />
privaat raak in plaas daarvan om die karakter van ʼn politieke<br />
gemeenskap te behou, wat rondom die behartiging van die res<br />
publicae wentel. Dit raak ook moeiliker om te verhoed dat burgerskap<br />
in privaat verhoudings geabsorbeer word. Hoe minder mense die<br />
gemeenskap uitmaak, hoe groter is die risiko dat die onpersoonlike<br />
karakter van burgerskap in die slag bly en die politiek in die dryfsand<br />
van oormatige parogialiteit verval en dat ʼn klein groepie die<br />
gemeenskap totalitêr bestuur op grond van private voorkeure, in plaas<br />
van met die oog op die bewaking oor die (openbare) res publicae.
Politokrasie 315<br />
Politokrasie maak wel voorsiening vir korreksie (sien 2.2.2<br />
hierbo), wat dergelike vergrype kan help regstel. Vergrype moet egter<br />
liefs voorkom word deur vanuit die staanspoor te sorg dat die<br />
gemeenskap groot genoeg is om parogialiteit vanuit die gemeenskap<br />
self teë te werk. Dit is waar die optimale omvang in terme van die<br />
getalsterkte van die tuistelike gemeenskap in die prentjie kom.<br />
Die bespreking van gemeenskap as ʼn res van die res publicae (3.2<br />
hierbo) bied die aanknopingpunt vir die gepaste grootte van die<br />
tuistelike gemeenskap. Daardie bespreking het aangetoon hoe<br />
bevrydend gemeenskappe vir individue is. Dit stel mense in staat om<br />
te spesialiseer en sodoende hul energie te wy aan die dinge waarin<br />
hulle belangstel en die beste kan presteer in plaas daarvan om dit te<br />
moet versprei na sake waarvoor hulle nie aangelê is nie. Dit maak<br />
gevolglik individuele genoegdoening oor die wydste moontlike<br />
spektrum van behoeftes, belangstelling, aanleg en smake moontlik en<br />
stel mense in staat om eweneens die wydste moontlike spektrum van<br />
beroepe te beoefen. Dit is presies hierdie dinge wat ʼn aanduiding<br />
verskaf van die gepaste omvang van die tuistelike gemeenskap. Die<br />
saak staan so: Gemeenskappe bring differensiasie mee en stel<br />
individue in staat om te spesialiseer. Gemeenskappe bring dus ʼn<br />
interafhanklike netwerk van spesialiserende individue mee. Individue<br />
baat ruimskoots by die wye verskeidenheid van vaardighede, talente,<br />
ywer, ambagte, professionele en sakebedrywighede ensovoorts wat<br />
die produk van hierdie interafhanklike netwerk is. Dit is egter nie net<br />
individue wat in hulle privaat hoedanigheid by hierdie differensiasie<br />
en spesialisasie baat nie. Hierdie verskeidenheid en spesialisasie is<br />
ook die voedingsbron vir die politieke gemeenskap. Die<br />
verskeidenheid beskerm die politieke gemeenskap teen oormatige<br />
parogialiteit. Dit lewer aan die politieke gemeenskap ʼn burgery wat,<br />
danksy hulle versamelde ryk agtergrond van uiteenlopende ervaring,<br />
opleiding, ekonomiese bedrywighede en dies meer die politieke<br />
gemeenskap voorsien van ʼn groot verskeidenheid van gesigspunte,<br />
insigte en sienswysses en sodoende die politokratiese ingesteldeheid<br />
help waarborg. Met so ʼn verskeidenheid verminder die kanse dat die<br />
politieke gemeenskap sy politieke aard kan verloor en in privatisme<br />
en ideologiese, moralistiese, godsdienstige of dergelike benepenheid<br />
of fundamentalisme kan versink. Opvoedkundige instellings speel<br />
hierin ʼn sentrale rol, want dit is juis sodanige instellings wat ʼn oop en<br />
vry ingesteldheid jeens die wêreld kan stimuleer. Voorts is dit<br />
opvoedkundige instellings wat differensiasie bevorder en ʼn breë<br />
spektrum van gespesialiseerde menslike aktiwiteit verreken en<br />
stimuleer, mense daarin oplei en help afrond. Gevolglik het<br />
opvoedkundige instellings ook die besondere praktiese nut dat hulle<br />
die optimale getalsterkte van die tuistelike gemeenskap help bepaal.<br />
ʼn Politieke gemeenskap moet getalryk genoeg wees om ’n universiteit<br />
met ʼn breë kurrikulum, ʼn tegniese universiteit (technikon) en ʼn<br />
instellings vir opleiding in alle ambagte, vaardighede en kunste aan
316 Hoofstuk 10<br />
studente en vakleerlinge vanuit daardie gemeenskap te verskaf. 20<br />
Sodanige instellings behoort natuurlik self by uitstek ʼn politokratiese<br />
ingesteldheid te bevorder om instellings vir die hele politieke<br />
gemeenskap te wees, in plaas van disfunksionele dienaars van<br />
seksionele belange van net sekere sektore, oortuigings, ideologieë, of<br />
denominasies. Op grond hiervan bereik ʼn tuistelike politieke<br />
gemeenskap (spesifiek ʼn plaaslike kultuurgemeenskap) myns insiens<br />
in die orde van ʼn kwart miljoen mense sy optimale omvang. Die getal<br />
mag beduidend groter wees, maar behoort nooit so getalryk te raak<br />
dat dit weer verval in die verarmde burgerskap, in staatlike<br />
demokrasie se massokrasie en dergelike defekte van die territoriale<br />
staat nie. Daar kan geargumenteer word dat wanneer dit een miljoen<br />
oorskry, die waarskuwingsligte hiervoor weer begin flikker.<br />
Daar moet deurlopend in gedagte gehou word dat tuistelike<br />
gemeenskappe, van watter aard ook al, nie geïsoleerd of soewerein is<br />
nie. Tuistelike gemeenskappe is weliswaar die onvervangbare<br />
elemente vir politokrasie maar politokrasie eindig nie daar nie. Dit<br />
begin daar. Politokrasie stel in die vooruitsig dat ons anderkant die<br />
territoriale staat gelyktydig deel is van meer omvattende politieke<br />
gemeenskappe en groter wêrelde, waaraan ons as individue sowel as<br />
burgers meedoen. Politieke mag en besluitneming is verspreid en<br />
verdeel. Dit is nêrens op net een plek nie. Dit sentreer nêrens nie. Die<br />
fondamente van politokrasie is egter geleë in die gesonde tuistelike<br />
gemeenskappe juis as politieke gemeenskappe. Dit is waar ons in die<br />
eerste plek leef en waar ons as burgers in staat gestel word om ons<br />
gemeenskaplike gemenebes daadwerklik saam met mede-burgers self<br />
te regeer. Ofskoon ons openbare identiteit voorts nie volledig deur die<br />
tuistelike gemeenskap in beslag geneem word nie en ook mede-bepaal<br />
word deur die feit dat ons deel is van meer omvattende politieke<br />
gemeenskappe, word ons openbare identiteit veral ook nie bepaal en<br />
gedissiplineer aan die hand van die behoeftes van die Leviatan van die<br />
territoriale staat nie.<br />
20 ʼn Bevolking van ʼn kwart miljoen behoort reeds groot genoeg te wees om hierdie<br />
instellings te kan dra en sodoende ʼn omvattende kompleks van spesialisasie<br />
moontlik te maak om gevolglik ook te verseker dat die tuistelike gemeenskap<br />
grootliks selfvoorsienend is.
BIBLIOGRAFIE<br />
Abel, RL ‘The rise of professionalism’ (1979) 9 British Journal of Law<br />
and Society 82-98<br />
Addis, A ‘Individualism, communitarianism and the rights of ethnic<br />
minorities’ (1992) 67 Notre Dame Law Review 615-676<br />
Allen, JW A history of political thought in the sixteenth century<br />
(1928) Methuen Londen<br />
Anaya, SJ ‘The capacity of international law to advance ethnic and<br />
nationality rights claims’ in Kymlicka, W (red) (1995) The rights of<br />
minorities Oxford University Press Oxford 321-330<br />
Anderson, B (1983) Imagined communities: Reflections on the origins<br />
and spread of nationalism Verso Londen<br />
Anderson, J & Hall, S ’Absolutism and other ancestors’ in Anderson, J<br />
(red) (1986) The rise of the modern state Wheatleaf Books Ltd 21-<br />
40<br />
Antonites, AJ ‘Die filosofie van die konsiliebeweging’ in Faure, AM et<br />
al (reds) (1981) Die Westerse politieke tradisie Academica<br />
Pretoria 136-147<br />
Arendt, H (1958) The human Condition University of Chicago Press:<br />
Chicago<br />
Aristoteles (1962) The politics (Vertaling uit Grieks deur TA Sinclair)<br />
Penguin Books Middlesex<br />
Artz, FB (1980) The mind of the Middle Ages: An historical survey<br />
University of Chicago Press: Chicago<br />
Ashcraft, R ‘Hobbes’ Natural Man: A study in ideology formation’<br />
(1971) 33 Journal of Politics 1076-1117<br />
Ashcraft, R & Goldsmith, MM ‘Locke, revolution and principles, and<br />
the formation of Whig ideology’ (1983) 26 Historical Journal 773-<br />
800<br />
Bankowski, Z & Mungham, G (1976) Images of law Routledge & Kegan<br />
Paul: Londen<br />
Barrie, GN ‘Die betekenis van De Groot vir die internasionale reg’<br />
(1983) 46 THRHR 172-184<br />
317
318 Bibliografie<br />
Barrie, GN ‘Uti possidetis versus self-determination and modern<br />
international law: In Africa the chickens are coming home to roost’<br />
(1988) TSAR 451-456<br />
Barrie, GN ‘Self-determination in modern international law’ (1995)<br />
Konrad Adenhauer Stiftung Occasional Papers<br />
Barrow, RH (1949) The Romans Penguin Books Harmondsworth<br />
Middlesex<br />
Basson, DA & Viljoen, HP (1988) Suid-Afrikaanse staatsreg Juta<br />
Kaapstad<br />
Baxter, LG ‘The state and other basic terms in public law’ (1982) 99<br />
SALJ 212-236<br />
Beerling, RF et al (1970) Inleiding tot de wetenschapsleer Bijleveld<br />
Utrect<br />
Bellamy, JG (1970) The law of treason in England in the Middle Ages<br />
Cambridge University Press Cambridge<br />
Bennet, TW ‘Elemente van die Staat’ in Wiechers, M & Bredenkamp,<br />
F (1996) Die staat: Teorie en praktyk JL van Schaik 71-96<br />
Benoit-Rohmer, F (1996) The majority question in Europe:Towards a<br />
coherent system of protection for national minorities Council of<br />
Europe Publishing: Strasbourg<br />
Berent, M ‘Collective rights and the Ancient Community’ (1991) IV<br />
Canadian Journal of Law and Jurisprudence 387-399<br />
Berki, RN (1977) The history of political thought: A short introduction<br />
Rowman and Littlefield Totowa New Jersey<br />
Berlin, I (1969) Four Essays on Liberty (Two Concepts of Liberty)<br />
Oxford University Press Londen<br />
Berman, HJ (1983) Law and revolution: The formation of the Western<br />
legal tradition Harvard University Press Cambridge, Massachusetts<br />
Blaustein, AP et al (1987) Human rights source book Paragon House:<br />
New York<br />
Blum, WT (1984) Theories of the political system Prentice Hall:<br />
Englewood Cliffs, New Jersey<br />
Böckenförde, E-W (1981) State, society and liberty (Vertaling vanuit<br />
Duits deur JA Underwood) Berg New York
Bibliografie 319<br />
Bodenheimer, E (1962) Jurisprudence: The philosophy and method of<br />
law Harvard University Press Massachusetts<br />
Booysen, H (1989) Volkereg en sy verhouding tot die Suid-Afrikaanse<br />
reg Juta Kaapstad<br />
Bozeman, AB (1976) Conflict in Africa Princeton University Press<br />
Princeton<br />
Bramsted, EK & Melhuish, KJ (1978) Western liberalism: A history of<br />
documents from Locke to Croce Longman Londen<br />
Braudel, F (1993) A History of civilizations (Vertaal uit Frans deur R<br />
Mayne) Penguin Books: Londen<br />
Brierly, JL (1963) The law of nations: An Introduction to the<br />
international law of peace (onder redaksie van H Wadlock)<br />
Clarendon: Oxford<br />
Brocchieri, MFB ’The Intellectual’ in Le Goff, J et al (reds) (1990) The<br />
Medieval World (Engelse vertaling deur LG Cochrane) Parkgate<br />
Books: Londen 181-210<br />
Brooke, C (1987) Europe in the Central Middle Ages 962-1124<br />
Longman: Londen<br />
Brownlie, I (1972) Basic documents of international law Oxford<br />
Brownlie, I (1979) Principles of international law Clarendon Press<br />
Oxford<br />
Brownlie, I (1979) African boundaries: A legal and diplomatic<br />
encyclopaedia University of California Press for the Royal Institute<br />
of International Affairs<br />
Buchanan, A ‘Towards a theory of secession’ (1991) 101 Ethics 322 -<br />
342<br />
Buckland, WW (1968) A Textbook of Roman Law: From Augustus to<br />
Justinian Cambridge University Press: Cambridge<br />
Burchell, J et al (2005) Principle of criminal Law Juta<br />
Burgenthal, T (1992) International human rights: In a nutshell West<br />
Publishing Co St. Paul<br />
Cable, V ‘The diminished nation state: A study in the loss of economic<br />
power’ (1995) 125 Daedalus 23-54
320 Bibliografie<br />
Caplan, J ‘Lawyers and litigants’ in Ilich I et al (1977) Disabling<br />
professions Marion Boyers Publishers Ltd Londen 93-109<br />
Carlyle, AJ (1928) A history of Medieval political theory in the West<br />
Vol III, IV, V, VI William Blankwood & Sons Ltd: Londen<br />
Carpenter, G (1987) Introduction to South African constitutional law<br />
Butterworths Durban<br />
Cassese, A (1995) Self-determination of peoples: A legal reappraisal<br />
Cambridge University Press Cambridge<br />
Chaskalson, A ‘Democracy and law’ (1992) 2 Idasa Occasional Papers<br />
Chabod, F ‘Was there a Renaissance State’ in Lubasz, H (red) (1964)<br />
The development of the Modern state Macmillan Co New York 26-<br />
42<br />
Chew, HM ‘King James I’ in Hearnshaw, FJC (1967) The social and<br />
political ideas of some great thinkers of the sixteenth and<br />
seventeenth centuries Dawsons: Londen 105-129<br />
Clarke, PB (1996) Deep citizenship Pluto Press: Londen<br />
Connor, W ‘Nation-building or nations-destroying’ (1971-2) 24 World<br />
Politics 319-355<br />
Connor, W ‘The politics of ethnonationalism’ (1973) 27 Journal of<br />
International Affairs 1-21<br />
Copleston, FC (1975) History of Medieval philosophy Methuen & Co<br />
Ltd Londen<br />
Corwin, ES ‘The ‘higher law’ background of American constitutional<br />
law’ (1928-9) 42 Harvard Law Review 365-409<br />
Corwin, ES ‘The establishment of judicial review’ (1910) 9 Michigan<br />
Law Review 102-25<br />
Cranston, M ‘Are there any human rights?’ (1984) 113 Daedalus 1-17<br />
Dagger, R ‘Rights’ in Ball, T et al (reds) (1989) Political innovation<br />
and conceptual change Cambridge University Press Cambridge 292-<br />
308<br />
Dahl, RA ‘Decision-making in a democracy: The Supreme Court as a<br />
national policy-maker’ (1957) 6 Journal of Public Law 293 et seq
Bibliografie 321<br />
Dahl, RA (1984) A preface to democratic theory The University of<br />
Chicago Press: Chicago<br />
Dahl, RA (1971) Polyarchy: Participation and opposition Yale<br />
University Press: New Haven<br />
Daly, J ‘The Idea of absolute monarchy in seventeenth century<br />
England’ (1978) 21 The Historical Review 227-250<br />
Dauzat, A et al (1987) Nouveau Dictionnaire Étymologique et<br />
Historique Librairie Larousse Paris<br />
David, R & Brierly, JEC (1985) Major legal systems in the world today<br />
Stevens Londen<br />
Davis, DM ‘Integrity and ideology: towards a critical theory of the<br />
judicial function’ (1995) 112 SALJ 104-130<br />
Davis, DM ‘Human rights – a re-examination’ (1980) 97 SALJ 94-102<br />
Davis, DM (1997) Fundamental rights in the constitution Juta<br />
Kaapstad<br />
De Benoist, A ‘Democracy revisited’ (1993) 95 Telos 65-75<br />
Degenaar, JJ ‘Nationalism’ in Van Vuuren, DJ & Kriek, DJ (reds) (1983)<br />
Political alternatives for Southern Africa: Principles and<br />
perspectives Butterworths: Durban 69-83<br />
Degenaar, JJ ‘Pluralism’ in Van Vuuren, DJ & Kriek, DJ (reds) (1983)<br />
Political alternatives for Southern Africa: Principles and<br />
perspectives Butterworths: Durban 84-96<br />
Degenaar, JJ ‘Nations and nationalism: The myth of a South African<br />
Nation’ (1993) 40 Idasa Occasional Paper<br />
De Klerk, P et al (1977) Die opkoms van Europa Butterworths: Durban<br />
D’Entrèves, AP (1970) Natural Law Hutchinson Ltd Londen<br />
De Villiers, B ‘Directive principles of state policy and fundamental<br />
rights: The Indian experience’ (1992) 8 SAJHR 29-49<br />
De Villiers, DE ‘Die geskiedenis van menseregte’ in Du Toit, DA (red)<br />
(1984) Menseregte Tafelberg: Kaapstad 3-38<br />
De Vos, W (1992) Regsgeskiedenis Juta: Kaapstad
322 Bibliografie<br />
Diamond, S ‘The rule of law versus the order of custom’ in Wolff, RP<br />
(red) (1971) The rule of law Simon and Schuster: New York 115-144<br />
Dias, RWM (1976) Jurisprudence Butterworths: Londen<br />
Dietze, G ‘America and Europe - decline and emergence of judicial<br />
review’ (1959) 76 SALJ 398-434<br />
Digesta uit die Corpus Iuris Civilis van Justinianus Vol 1 (Latynse teks<br />
geredigeer deur Mommsen, T & Krueger, P en in Engels vertaal<br />
deur A Watson) (1990) University Press of Pennsylvania<br />
Philadelphia, Pennsylvania<br />
Dixon, MA (1990) Textbook on international law Blackstone Press Ltd<br />
Donnelly, J ‘Human rights and human dignity: An analytical critique<br />
of the Non-Western conception of human rights’ (1982) 76<br />
American Political Science Journal 303-316<br />
Dugard, J (2005) International law: A South African perspective Juta<br />
Kaapstad<br />
Duncan, G & Lukes, S ‘The new democracy’ (1963) 11 Political Studies<br />
156-177<br />
Duncanson, I ‘Law, democracy and the individual’ (1988) 8 Legal<br />
Studies 303-316<br />
Dunn, J (1984) Locke (Past Masters-reeks onder redaksie van Keith<br />
Thomas) Oxford University Press: Oxford<br />
Dunn, J ‘Conclusion’ in Dunn, J (red) (1993) Democracy: The<br />
unfinished journey - 508 BC-AD 1993 Oxford University Press<br />
Oxford 239-266<br />
Dunn, RS (1970) The Age of Religious Wars 1559-1689 WW Norton &<br />
Co: New York<br />
Du Toit, ZB (1999) Die Nuwe toekoms: ‘n Prespektief op die Afrikaner<br />
by die eeuwisseling JP Van der Walt Pretoria<br />
Dworkin, RM (1977) Taking rights seriously Duckworth: Londen<br />
Dworkin, RM (1985) Law’s Empire Harvard University Press:<br />
Massachusetts<br />
Dworkin, RM (1996) Freedom’s law: The moral reading of the<br />
American constitution Oxford University Press
Bibliografie 323<br />
Dyson, KHF (1980) The state tradition in Western Europe Martin<br />
Robertson Oxford<br />
Ebenstein, W (1969) Great political thinkers: Plato to present Dryden<br />
Press: Hinsdale Illinois<br />
Eide, A et al (reds) (1995) Economic, social and cultural rights: A<br />
textbook Martinus Nijhoff Dordrect<br />
Eisenach, EJ ‘Hobbes on church, state and religion’ (1982) 3 History<br />
of political thought 215-241<br />
Elton, GR (1963 Reformation Europe 1517 - 1559 Fontana/Collins<br />
Glasgow<br />
Emerson, R (1962) From empire to nation: the rise to self assertion<br />
of Asian and African peoples Harvard University Press<br />
Massachusetts<br />
Emerson, R ‘Self-determination’ (1991) 65 American Journal of<br />
International Law 459-475<br />
Engels, F (1902) The origin of the family, private property and the<br />
state (vertaal deur E Untermann) Charles H Kerr; Chicago<br />
Esterhuyse, WP ‘Wat is demokrasie?’ in Van Niekerk, A (samesteller en<br />
inleier) (1996) Filosoof op die markplein: Opstelle vir en deur<br />
Willie Esterhuyse Tafelberg Kaapstad<br />
Falk, R ‘The rights of peoples (In particular indigenous peoples)’ in<br />
Crawford, J (1988) The rights of peoples Clarendon Press Oxford<br />
17-38<br />
Faure, AM & Kriek, DJ (reds) (1984) Die moderne politieke teorie<br />
Butterworth Durban<br />
Faure, AM (1981)‘n Ondersoek na die kenteoretiese grondslae van die<br />
vergelykende politiek (1991) Ongepubliseerde doktorale<br />
proefskrif, Universiteit van Suid-Afrika<br />
Field, FC (1963) Political theory Methuen Londen<br />
Figgis, JN (1896) The theory of the divine right of kings Cambridge<br />
University Press Cambridge<br />
Figgis, JN (1960) Political thought from Gerson to Grotius, 1414-1625<br />
New York Harper New York
324 Bibliografie<br />
Figgis, JN (1963) The political aspects of St Augustine’s ‘City of God’<br />
Peter Smith: Gloucester Massachusetts<br />
Figgis, JN & Laurence, RV (reds) Sir Erskine May’s democracy in<br />
Europe in Acton, Lord JEED (1907) The history of freedom and<br />
other essays Macmillan Londen 61-100<br />
Finley, MI (1985) Democracy Ancient and Modern Hogarth Press:<br />
Londen<br />
Fish, S (1980) Is there a text in this class? The authority of<br />
interpretive communities Harvard University Press Cambridge,<br />
Massachusetts<br />
Fontana, B ‘Democracy and the French Revolution’ in Dunn J (red)<br />
Democracy: The unfinished journey - 508 BC-AD 1993 Oxford<br />
University Press: Oxford 107-124<br />
Franco, J ‘The nation as imagined community’ in Veeser, HA (red)<br />
(1989) The new historicism Routledge: New York<br />
Franck, TM ‘The emerging right to democratic governance’ (1992) 86<br />
American Journal of International Law<br />
Frankel, J (1969) International relations Oxford University Press<br />
Londen<br />
Friedrich, CJ (1963) Man and his government: An empirical theory of<br />
politics Mc Graw-Hill Inc New York<br />
Friedman, TL (2005) The world is flat: The globalized world in the<br />
twenty first century Penguin Books Londen<br />
Frug, GE ‘The city as a legal concept’ (1980) 93 Harvard Law Review<br />
1957-1154<br />
Fukuyama, F ‘The end of history’ (1989) 16 The National Interest 3-18<br />
Fukuyama, F (1992) The end of history and the Last Man Penguin<br />
Books New York<br />
Gadamer, H-G (1989) Truth and method (vertaling deur J<br />
Weinsheimer en DG Marshall) Sheet & Ward London<br />
Gadamer, H-G ‘Truth in the human sciences’ (Vertaal deur BR<br />
Wachetrhauser) in Wachetrhauser BR (red) (1994) Hermeneutics<br />
and truth North Western University Press: Evanston, Illinois 25-32
Bibliografie 325<br />
Gadamer, H-G ‘What is truth?’ (Vertaal deur BR Wachetrhauser) in<br />
Wachetrhauser, BR (red) Hermeneutics and truth North Western<br />
University Press: Evanston, Illinois 33-46<br />
Gagiano, J ‘The contenders’ in Esterhuyse, WP & Du Toit, P (reds)<br />
(1990) The myth makers: The elusive bargain for South Africa’s<br />
future Southern Books Half Way House 10-35<br />
Gardbaum, SA ‘Law, politics and the claims of communities’ (1990) 90<br />
Michigan Law Review 686-760<br />
Galeotti, AE ‘Citizenship and equality: The place for toleration’<br />
(1993) 21 Political Theory 585-605<br />
Gierke, O (1938) Political theories of the Middle Ages (Engelse<br />
vertaling deur RW Maitland) Cambridge University Press Cambridge<br />
Gilchrist, RN (1952) Principles of political science Orient Longmans<br />
Ltd Mumbai<br />
Giliomee, H (1990) Nation-building: liberal, libertarian and pluralist<br />
approaches Ongepubliseerde lesing<br />
Giliomee, H ‘Nation-building in South Africa: White perspectives’<br />
in Swilling, M (red) (1990) Views on the South African State HSRC<br />
Pretoria<br />
Giliomee, H & Schlemmer, L (1993) From apartheid to nation building<br />
Oxford University Press<br />
Giliomee, H & Simkins, C (reds) (1999) The awkward embrace: One<br />
party domination and democracy Tafelberg: Kaapstad<br />
Glassner, MI (1980) Systematic political geography John Wiley & Sons<br />
New York<br />
Goldwin, RA ‘What is a bill of rights and what is it good for?’ in Licht,<br />
A & De Villiers, B (1994) South Africa’s crisis of constitutional<br />
democracy: can the U.S. constitution help? Juta Kaapstad en AEI<br />
Press Washington 143-165<br />
Gooch, G P ‘Lord Acton: apostle of liberty’ (1946-7) 25 Foreign Affairs<br />
629-642<br />
Goodrich, P ‘Rhetoric as jurisprudence: An introduction to the politics<br />
of legal language’ (1984) 4 Oxford Journal of Legal Studies 88-122<br />
Gough, JW (1955) Fundamental law in English constitutional history<br />
Clarendon: Oxford
326 Bibliografie<br />
Greenleaf, WH ‘Filmer’s patriarchal history’ (1966) 9 The Historical<br />
Journal 157-171<br />
Greig, DW (1976) International law Butterworths Londen<br />
Habermas, J ‘Law and morality’ in McCurrin, SM (red) The Tanner<br />
Lectures on Human Values Vol VIII Cambridge University Press<br />
Cambridge 260<br />
Hallowell, JH (1954) The moral foundation of democracy University of<br />
Chicago Press Chicago<br />
Hampshire, S (1956) The age of Reason: The seventeenth century<br />
philosophers Mentor Londen<br />
Hansen, MH ‘How many Athenians attended the Ecclesia?’ (1976) 17<br />
Greek, Roman and Byzantine Studies 115-134<br />
Hanson, RL ‘Democracy’ in Ball T et al (red) (1989) Political<br />
innovation and conceptual Change Cambridge University Press<br />
Cambridge 68-89<br />
Hart, HLA (1961) The concept of law Clarendon Press: Oxford<br />
Hart, HLA ‘American jurisprudence through English eyes: The<br />
nightmare and the noble dream’ in Hart, HLA (1983) Essays in<br />
jurisprudence and philosophy Clarendon Press: Oxford<br />
Hearnshaw, FJC ‘Hugo Grotius’ in Hearnshaw, FJC (red) (1967) The<br />
social and political ideas of some great thinkers of the sixteenth<br />
and seventeenth centuries 130-152<br />
Heaton, H (1948) Economic history of Europe Harper & Row: New York<br />
Hersiene uitgawe<br />
Held, D et al (red) (1985) States and societies Basil Blackwell: Oxford<br />
Henkin, L (1990) The age of rights Columbia University Press New York<br />
Heraclides, A ‘Secession, self-determination and nonintervention: in<br />
quest of a normative symbiosis’ (1991) 45 Journal of International<br />
Affairs 399-420<br />
Hobbes, T (1985) Leviathan Penguin Books Londen<br />
Hobbes, T (1969) The elements of law: natural and political (onder<br />
redaksie van Ferdinand Tönnies) Frank Cass & Co: Londen
Bibliografie 327<br />
Hogg, PW ‘Section 1 of the Canadian Charter of Rights and Freedoms’<br />
in De Menstral, A et al (reds) (1986) The limitation of rights in<br />
comparative constitutional law Yvon Blais Inc Coeansville,<br />
Quebeque 1-22<br />
Holden, B (1974) The nature of democracy Nelson Londen<br />
Holdsworth, W A History of English law 1936 (Volume II); 1937<br />
(Volume VIII); 1942 (Volume III); 1945 (Volume IV) Sweet & Maxwell<br />
Londen<br />
Hood-Phillips, O & Jenkins, P (1978) Constitutional and<br />
administrative law Sweet & Maxwell Ltd Londen<br />
Huntington, SP (1993) The third wave: Democratization in the late<br />
twentieth century University of Oklahoma Press Norman<br />
Huntington, SP (1996) The clash of civilizations and the remaking of<br />
world order Touchstone Books Londen<br />
Ilich, I ‘Disabling professions’ Ilich, I et al (1977) Disabling professions<br />
Marion Boyers Publishers Ltd Londen 11-39<br />
Ingraham, BL (1979) Political crime in Europe University of California<br />
Press Berkeley<br />
Jacot-Guillarmod, O ‘The relationship between democracy and<br />
human rights’ in Engel, NP (1987) Democracy and human rights:<br />
Proceedings of the colloquy organized by the government of<br />
Greece and the Council of Europe 9-42<br />
Jeffery, AJ ‘The dangers of direct horizontal application: a cautionary<br />
comment on the 1996 Bill of Rights’ (1996) 1 The Human Rights<br />
Constitutional Law Journal of South Africa 10-16<br />
Jolowicz, HF (1963) Lectures on jurisprudence Athlone Press Londen<br />
Joubert, CP ‘Die gebondenheid van die soewereine wetgewer aan die<br />
reg’ (1942) 5 THRHR 7-59<br />
Kaser, M (1984) Roman private law (Engelse vertaling deur R<br />
Dannenbring) Universiteit van Suid-Afrika Pretoria<br />
Kelsen, H ‘The pure theory of law and analytical jurisprudence (1942)<br />
55 Harvard Law Review 44-70<br />
Kennedy, D ‘The political significance of the structure of the law<br />
school curriculum’ (1983) 14 Seton Hall Review 1-16
328 Bibliografie<br />
King, P (1974) The ideology of order: A comparative analysis of Jean<br />
Bodin and Thomas Hobbes George Allen & Unwin Londen<br />
Kohn, H (1944) The idea of nationalism Macmillan:Toronto, Canada<br />
Koenigsberger, HC & Mosse, GL (1968) A general history of Europe in<br />
the sixteenth century Longman Londen<br />
Kotze, HJ & Van Wyk, JJ (1990) Basiese konsepte in die politiek Mc<br />
Graw-Hill: Johannesburg<br />
Kuhn, TS (1970) The structure of scientific revolutions University of<br />
Chicago Press: Londen<br />
Kukathas, C ‘Liberalism and multiculturalism: The politics of<br />
difference (1998) 26 Political Theory 686-699<br />
Kunkel, W (1973) An introduction to Roman legal and constitutional<br />
history (Engelse vertaling deur JM Kelly) Clarendon Press Oxford<br />
Kymlicka, W (1989) Liberalism, community and culture Clarendon<br />
Press Oxford<br />
Labuschagne, JMT ‘Minagting van die hof: ‘n Strafregtelike en<br />
menseregtelike evaluasie (1988) TSAR 329-324<br />
Labuschagne, JMT ‘Menslike outonomie en staatlike majestas:<br />
Opmerkinge oor die dekriminalisasie van hoogverraad’ (1992) 5<br />
Suid-Afrikaanse Tydskrif vir Strafregspleging 117-131<br />
Laski, HJ (1981) An introduction to politics George Allen & Unwin Ltd<br />
Londen<br />
Leca, J ‘Questions of citizenship’ in Mouffe, C (red) (1992) Dimensions<br />
of radical democracy Verso: Londen 17-32<br />
Lee, SJ (1982) Aspects of European History 1494-1789 Methuen<br />
Londen<br />
Le Goff, J ‘Introduction: Medieval Man’ in Le Goff, J et al (reds)<br />
(1990) The Medieval world (Engelse vertaling deur LG Cochrane)<br />
Parkgate Books: Londen 1-35<br />
Levinson, S Law as literature (1981-2) 60 Texas Law Review 373-403<br />
Levy, GB ‘Equality, autonomy and cultural rights’ (1997) 25 Political<br />
Theory 215-248
Bibliografie 329<br />
Lewis, JU ‘Jean Bodin’s logic of sovereignty’ (1968) 16 Political<br />
Studies 206-202<br />
Lijphart, A (1977) Democracy in plural societies: A comparative<br />
exploration Yale University Press New Haven<br />
Lijphart, A ‘Majority rule versus democracy in deeply divided<br />
societies’ (1977) 4 Politikon 113-126<br />
Little, W et al (1978) Shorter Oxford Dictionary: On historical<br />
principles (voorberei, hersien en geredigeer deur CT Onions; derde<br />
uitgawe geherorganiseer deur GWS Friedrichsen Vol 1 Clarendon<br />
Press Oxford<br />
Locke, J (1992) Of civil government (second treatise) Regnery/<br />
Gateway Inc. South Bend Indiana<br />
Locke, J (1991) A letter concerning toleration (onder redaksie van J<br />
Norton & S Mendes) Routledge Londen<br />
Lousse, E ‘Absolutism’ in Lubasz, H (red) (1964) The development of<br />
the modern state Macmillan Co New York 43-48<br />
Louw, AduP ‘Hugo de Groot of Grotius (1583 - 1645)’ in Faure, AM et<br />
al (reds) (1981) Die Westerse politieke tradisie Academica<br />
Pretoria 204-212<br />
Lummis, CD (1984) Radical democracy Cornell University Press Inhaca<br />
Londen<br />
Macpherson, CB (1955) Introduction to Thomas Hobbes’ Leviathan<br />
Penguin<br />
Mac Kay RA ‘Coke, parliamentary sovereignty and the supremacy of<br />
the law’ (1924) 22 Michigan Law Review 215-247<br />
Maier, CS ‘Democracy since the French Revolution’ in Dunn J (red)<br />
(1993) Democracy: The unfinished journey - 508 BC-AD 1993<br />
Oxford University Press: Oxford 125-154<br />
Maitland, FW (1993) The constitutional history of England WH Gaunt<br />
and Sons Inc Londen<br />
Makua wa Mutua ‘Why redraw the map of Africa: A moral and legal<br />
inquiry’ (1995) 16 Michigan Jnl of International Law 1113-1176<br />
Malan, K ‘Oor gelykheid en minderheidsbeskerming van aanleiding van<br />
Ryland v Edros en Fraser v Children’s Court Pretoria North’ (1998)<br />
61 THRHR 300-312
330 Bibliografie<br />
Malan, K ‘Oor die hofnotuleringstaal in die lig van die grondwet en na<br />
aanteling van onlangse regspraak’ (1998) 61 THRHR 696-705<br />
Malan, K ‘Faction rule, (natural) justice and democracy’ (2006) 21<br />
SAPR/L 142-160<br />
Malan, K ‘Political blitz on a constitutional trench’ (2005) 20 SAPR/L<br />
397-411<br />
Malan, K ‘The unity of powers and the dependence of the judiciary’<br />
(2006) 39 De Jure149-162<br />
Malan, K ‘Geregtigheid, billikheid en demokrasie – ‘n oorweging van<br />
onderskeidinge en onderliggende beginsels’ (2005) 20 SAPR/L 68-<br />
85<br />
Malan, K ‘The inalienable right to take the law into our own hand<br />
versus the faltering state’ (2007) TSAR 642–654<br />
Malan, K ‘The deficiency of individual rights and the need for<br />
community protection’ (2008) 71 THRHR 415-437<br />
Malan, K ‘Observations on the official use of language for the<br />
recording of court proceedings’ (2008) 23 SAPR/L 2008 59-76<br />
Malanczuk, P (1997) Akehurst’s Modern Introduction to International<br />
Law Routledge Londen<br />
Manganye, D ‘The application of uti possidetis and South Africa’s<br />
internal border’ (1994) 35 Codicillus 49-60<br />
Marlowe, J (1976) Milner: Apostle of empire Hamish Hamilton:<br />
Londen<br />
Marshall, TH (1981) The right to welfare and other essays Heinemann<br />
Educational Books Londen<br />
Matthaeus, Antonius (1993) On crimes: A commentary on Books XLVII<br />
and XLVIII of the Digest (Geredigeer en in Engels vertaal deur ML<br />
Hewitt & BC Stoop) Universiteit van Suid-Afrika Pretoria<br />
Mayo, HB (1960) An introduction to democratic theory Oxford<br />
University Press: New York<br />
Mbeki, Thabo ‘Statement of deputy president Thabo Mbeki at the<br />
opening of the debate in the National Assembly, on reconciliation<br />
and nation building (29 Mei 1998) Government Communications<br />
(GCIS)
Bibliografie 331<br />
McCormick, N ‘Reconstruction after deconstruction: A response to<br />
CLS’ (1990) 10 Oxford Journal of Legal Studies 539-558<br />
McCorquondale, R ‘South Africa and the right of self-determination’<br />
(1994) 10 SAJHR 4-30<br />
McIlwain, CH (1947) Constitutionalism: ancient and modern Hersiene<br />
uitgawe ,Cornell University Press: New York<br />
Mekkes, JPA (1940) Ontwikkeling der humanistische<br />
rechstaatsreorieën<br />
Miccoli, G ‘Monks’in Le Goff, J et al (reds) (Engelse vertaling deur LG<br />
Cochrane) (1999) The Medieval World Parkgate Books: Londen 37-<br />
74<br />
Mill, JS (1986) On liberty Prometheus Books: New York<br />
Mill, JS (1972) Considerations on representative government<br />
(Geredigeer deur HB Acton) TM Dent & Sons Londen<br />
Milton, JRL (1996) South African criminal law and procedure Vol II:<br />
Common Law Crimes Juta Kaapstad<br />
Missner, M ‘Skepticism and Hobbes’ political philosophy’ (1983) 44<br />
Journal of the History of Ideas 407-427<br />
Moore, M ‘On national self-determination’ (1977) 45 Political Studies<br />
900-913<br />
Morral, JR (1958) Political thought in Medieval times Hutchinson<br />
Londen<br />
Mouffe, C ‘Democratic politics today’ in Mouffe, C (red) (1992)<br />
Dimensions of Radical Democracy Verso Londen 1-16<br />
Mouton, J ‘Thomas S Kuhn’ in Snyman, S (red) (1995)<br />
Wetenskapsbeelde in die geesteswetenskappe RGN Pretoria 65-92<br />
Mullall, S & Swift, A (1992) Liberals and communitarians Blackwell<br />
Oxford<br />
Muller, FCJ (red) (1985) 500 Jaar Suid-Afrikaanse geskiedenis<br />
Academica Pretoria<br />
Muller, JW & Kluyver, A (1902) Woordenboek der Nederlandsche Taal<br />
(Derde Deel) Martinus Nijhof, AW Sijthoff Gent
332 Bibliografie<br />
Mullet, CF ‘Coke and the American revolution’ (1932) 12 Economica<br />
457-471<br />
Mundy, JH (1973) Europe in the High Middle Ages Longman Londen<br />
Murray, AH ‘Natuurreg en die plurale staat’ in Faure, AM et al (reds)<br />
(1981) Die Westerse politieke tradisie Academica Pretoria 453-469<br />
Murswiek, D ‘The issue of a right to secession reconsidered’ in<br />
Tomuschat, C (red) (1993) Modern law of self-determination<br />
Marthinus Nijhof Dordrect 21-39<br />
Nagel, T ‘Hobbes’ concept of obligation (1959) 68 The Philosophical<br />
Review 68-83<br />
Naldi, GJ (red) (1992) Documents of the Organization of African Unity<br />
Maxwell Londen<br />
Neethling, J et al (2006) Deliktereg Butterworth Durban<br />
Nelson, JM ‘Unlocking Locke’s legacy: A comment’ (1978) 26 Political<br />
Studies 101-108<br />
Netshitomboni, S ‘The use of languages in courts: the point of view of<br />
the department of justice and constitutional development’ (21<br />
Maart 2000) FAK-Konferensie: Taal in die howe Centurion<br />
(Ongepubliseerde lesing)<br />
Oakeshott, M (1962) Rationalism in politics and other essays Methuen<br />
Londen<br />
O’Donnel, G & Schmitter, PC (1989) Transitions from authoritarian<br />
rule Johns Hopkins University Press Baltimore<br />
Olivier, PJJ (1975) Legal fictions in practice and legal science<br />
Rotterdam University Press Rotterdam<br />
Oppenheim, L (1974) International Law: A Treatise (onder redaksie<br />
van A Lauterpacht) Vol I Tenth impression Longman Londen<br />
Pakenham, T (1993) The Boer War Jonathan Ball Publishers<br />
Johannesburg; Weidenfeld and Nicolson Londen<br />
Paine, T (1996) The rights of man (Introduction by D Matravers)<br />
Wordsworth Hertfordshire<br />
Painter, S (1951) The rise of the feudal monarchies Cornell University<br />
Press
Bibliografie 333<br />
Parekh, B (2000) Rethinking multiculturalism: cultural diversity and<br />
political theory (2000) Harvard University Press<br />
Pennington, DH (1970) Seventeenth Century Europe Longman Londen<br />
Pestieau, J ‘Minority rights: Caught between individual rights and<br />
peoples’ rights (Julie 1991) VI Canadian Journal of Law and<br />
Jurisprudence 369-370<br />
Pfeifer, W et al (1989) Etymologisches Wörterbuch des Deutschen: A<br />
- G Akademie-Verlag Berlyn<br />
Plucknett, FT ‘Bonham’s case and judicial review’ (1927-27) 40<br />
Harvard Law Review 30-70<br />
Pocock, JGA (1957) The ancient constitution and the feudal law<br />
Cambridge University Press Cambridge<br />
Pocock, JGA (1975) The Machiavellian moment: Florentine political<br />
thought and the Atlantic republican tradition Princeton University<br />
Press Princeton, New Jersey<br />
Pound, R ‘Theories of the law (1912-13) 22 Yale Law Journal 114-150<br />
Przeworski, A & Limongi, F ‘Modernization: Theories and facts’ (1996-<br />
97) 49 World Politics 155-183<br />
Rabb, T (red) (1972) The Thirty Years’ War DC Heath & Co Lexington<br />
Massachusetts<br />
Rauche, GA ‘Die konsep “demokrasie”’ in Faure, AM et al (1988) Suid-<br />
Afrika en die demokrasie Owen Burgess Uitgewers Pinetown<br />
Rautenbach, IM (1994) Algemene bepalings van die Suid-Afrikaanse<br />
handves van regte Butterworth Durban<br />
Rawls, J (1971) A theory of justice Oxford University Press Oxford<br />
Rawls, J ‘Justice as fairness: Political not metaphysical’ (1985) 14<br />
Philosophy and Public Affairs 223-251<br />
Rawls, J ‘The idea of overlapping consensus’ (1987) 7 Oxford Journal<br />
of Legal Studies 1-25<br />
Rawls, J ‘The priority of the right and ideas of the good’ (1988) 17<br />
Philosophy and Public Affairs 251-276<br />
Rawls, J ‘The domain of the political and overlapping consensus’<br />
(1989) 64 New York University Law Review 233-255
334 Bibliografie<br />
Reisman, WM ‘Sovereignty and human rights in contemporary<br />
international law (1990) 89 American Journal of International Law<br />
866-876<br />
Rice, EF (1971) The foundations of Early Modern Europe 1460-1559<br />
Weidenfeld and Nicolson Londen<br />
Rimlinger, GV ‘Capitalism and human rights’ (1984) 113 Daedalus 51-<br />
80<br />
Ritter, G ‘Origins of the modern state’ in Lubasz, H (red) (1964) The<br />
development of the modern state Macmillan Co New York 13-25<br />
Roberts, JM (1996) The Penguin history of Europe Penguin Books<br />
Londen<br />
Rose, PL ‘The Politique and the Prophet: Bodin and the Catholic<br />
League 1589-1594’ (1978) 2 Historical Journal 783-808<br />
Rousseau, Jean Jacques (1968) The Social Contract (Engelse vertaling<br />
en inleiding deur M Cranston) Penguin Books Londen<br />
Rousseau, Jean Jacques (1953) Considerations on the government of<br />
Poland and on its proposed reformation (Engelse vertaling en<br />
redigering deur F Watkins) Thomas Nelson and Son Ltd Edinburgh<br />
Rousseau, Jean Jacques (1953) Constitutional project for Corsica<br />
(Engelse vertaling en redigering deur F Watkins) Thomas Nelson<br />
and Son Ltd Edinburgh<br />
Rousseau, Jean Jacques (1963) A Discourse: What is the origin of<br />
inequality among men and is it authorized by natural law (Engelse<br />
vertaling en inleiding deur GDH Cole) JM Dent & Sons Ltd Londen<br />
Runkle, G (1968) A history of Western political theory Ronald Press<br />
Co. New York<br />
Sabine, GH (1971) A history of political theory George G Harrap & Co<br />
Ltd Londen<br />
Salmon, JHM (1979) The French religious wars in English political<br />
thought Clarendon Press Oxford<br />
Sartori, G (1962) Democratic theory Wayne State University Press<br />
Detroit<br />
Schmidt, CWH (1982) Bewysreg Butterworth Durban
Bibliografie 335<br />
Schmidt, HD ‘The establishment of Europe as a political expression<br />
(1966) 9 The Historical Journal 171-178<br />
Schmidt, VA ‘The new world order incorporated’ (1995) 125 Daedalus<br />
75-106<br />
Schmitt, C (1996) The concept of the political (Vertaling, inleiding en<br />
notas deur G Schaab) University of Chicago Press Chicago<br />
Seehold, E (1989) Etymologisch Wörterbuch der Deutschen Sprache<br />
Walter de Greuyter Berlyn<br />
Seton-Watson, H (1977) Nations and states Methuen Londen<br />
Sheppard, MA ‘Sovereignty at the crossroads’ (1930) 45 Political<br />
Science Quarterly 580-603<br />
Siedentop, L (1993) Tocqueville (Past Masters-reeks) Oxford<br />
University Press Oxford<br />
Siedentop, L ‘Political theory and ideology: The case of the state’ in<br />
Miller, D & Siedentop, L (reds) (1983) The Nature of Political<br />
Theory Clarendon Press Oxford<br />
Skinner, Q ‘The ideological context of Hobbes’ political thought’<br />
(1966) 17 Historical Journal 286-318<br />
Skinner, Q (1978) The foundations of modern political thought<br />
Volume I, II Cambridge University Press Cambridge<br />
Skinner, Q (1981) Machiavelli Oxford University Press Oxford<br />
Skinner, Q ‘The state’ in Ball, T et al (reds) (1989) Political Innovation<br />
and Conceptual Change Cambridge University Press Cambridge 90-<br />
131<br />
Smith, P (1962) The Reformation in Europe Collier-Macmillan New<br />
York<br />
Snyman, CR ‘Die trouvereiste by hoogverraad’ (1988) 1 SA Tydskrif vir<br />
Strafregspleging 1-17<br />
Snyman, CR (2006) Strafreg Butterworth Durban<br />
Spruyt, H (1994) The sovereign state and its competitors: An analysis<br />
of systems change Princeton University Press New Jersey<br />
Stark, JG (1989) Introduction to international law Butterworth<br />
Londen
336 Bibliografie<br />
Stern, K ‘The genesis and evolution of European-American<br />
constitutionalism’ (1985) XVIII CILSA 186-200<br />
Stone, A ‘The birth and development of abstract review:<br />
Constitutional courts and policy-making in Western Europe’ (1981)<br />
19 Policy Studies Journal 81-95<br />
Störig, H-J (1979) Geshiedenis van de filosofie Vol I Spectrum Utrecht<br />
Strange, S ‘The defective state’ (1995) 125 Daedalus 55-74<br />
Strayer, JR (1970) On the medieval origins of the modern state<br />
Princeton New Jersey<br />
Strydom, HA Die volkeregtelike integreringsfunksie van die VVO<br />
(1989) Ongepubliseerde doktorale proefskrif, Universiteit van<br />
Suid-Afrika<br />
Strydom, HA ‘South African constitutionalism between unity and<br />
diversity: lessons from the new Europe’ (1997) 12 SA Public Law<br />
373-403<br />
Strydom, HA ‘Minority rights protection: Implementing international<br />
standards’ (1998) 14 SAJHR 373-387<br />
Szabo, I ‘Historical foundations of human rights’ in Vasak, K et al<br />
(1982) The international dimension of human rights Greenwood<br />
Press Westport Connecticut 11-40<br />
Tacitus, (1970) The Agricola and the Germania (Vertaling deur E<br />
Hattingly) Penguin Books Londen<br />
Talmon, JL (1970) The origins of totalitarian democracy Sphere Books<br />
Tarlton, CD ‘The creation and maintenance of government: A<br />
neglected dimension of Hobbes’ Leviathan (1978) 26 Political<br />
Studies 307-327<br />
Tarn, WW (1952) Hellenistic civilization Arnold Londen<br />
Tenekides, G ‘The relationship between democracy and human rights’<br />
in Engel, NP (1987) Democracy and human rights: Proceedings of<br />
the colloquy organized by the government of Greece and the<br />
Council of Europe 43-66<br />
Thomas, JAC (1975) The Institutes of Justinian text: Translation and<br />
commentary Juta Kaapstad
Bibliografie 337<br />
Thomas, PhJ ‘Wetenskapsfilosofie in die regswetenskap’ (1995) 58<br />
THRHR 31-44<br />
Thomashausen, AEAM ‘Savings clauses and the meaning of the phrase<br />
“acceptable in a democratic society”- a comparative study’ (1989)<br />
30 Codicilis 50-58<br />
Thompson, MP ‘The reception of Locke’s Two Treatises of<br />
Government 1690-1705’ (1976) 24 Political Studies 184-191<br />
Thompson, MP ‘Reception and influence: A reply to Nelson on Locke’s<br />
Two Treatises of Government’ (1980) 28 Political Studies 100-108<br />
Thornberry, P ‘The democratic and internal aspect of selfdetermination<br />
with some remarks on federalism’ in Tomuschat, C<br />
(red) (1993) Modern law of self-determination Marthinus Nijhof<br />
Dordrect 101-138<br />
Tierney, B ‘Medieval canon law and Western constitutionalism’ (1966)<br />
52 The Catholic historical review 1-17<br />
Tierney, B ‘Religious rights: an historical perspective’ in Witte, J &<br />
Van der Vyver, JD (reds) (1977) Religious rights in global<br />
perspective Marthinus Nijhof Dordrecht 1-22<br />
Tomuschat, C ‘Self-determination in a post-colonial world’ in<br />
Tomuschat C (red) (1993) Modern Law of Self-Determination<br />
Marthinus Nijhof Dordrecht 1-20<br />
Toulmin, S (1990) Cosmopolis: The hidden agenda of modernity Free<br />
Press, Macmillan Inc New York<br />
Trevor-Roper, H (1966) The rise of Christian Europe Tames and<br />
Hudson Londen<br />
Tuck, R (1989) Hobbes (Past Masters-reeks) Oxford University Press<br />
Oxford<br />
Turner, B ‘Outline of a theory of citizenship’ in Mouffe C (red) (1992)<br />
Dimensions of Radical Democracy Verso Londen 33-62<br />
Turk, AT ‘Law as a weapon in social conflict’ (1976) 23 Social<br />
Problems 276-291<br />
Ullmann, W (1965) Medieval political thought Penguin Books Londen<br />
Ulph, O ‘Jean Bodin and the Estates-General of 1576’ (1947) XIX The<br />
Journal of Modern History 289-296
338 Bibliografie<br />
Van Blerk, AE (1996) Jurisprudence: An introduction Butterworth<br />
Durban<br />
Van Boven, T (1982) People matter: Views on international human<br />
rights policy (Saamgestel deur H Toolen) Neulenhof Amsterdam<br />
Van der Keesel, DG (1972) Lectures on Books 47 and 48 of the Digerst<br />
Vol II (Latynse teks geredigeer en in Engels vertaal deur P Beinart<br />
& B van Warmelo) Juta Wynberg<br />
Van der Linden, J (1806) Regtsgeleerd, practicaal en<br />
koopmanshandboek Johannes Allant Amsterdam<br />
Van der Linden, M & Thorpe, W (reds) (1990) Revolutionary<br />
syndicalism: An international perspective Scolar Spel Press<br />
Aldershot<br />
Van der Merwe, NJ & Olivier, PJJ (1989) Die onregmatige daad in die<br />
Suid-Afrikaanse reg Van der Walt Pretoria<br />
Van der Vyver, JD (1975) Die beskerming van menseregte in Suid-<br />
Afrika Juta Kaapstad<br />
Van der Walt, AJ ‘Marginal notes on powerful legends: Critical<br />
perspectives on proprietary theory’ (1995) THRHR 396-420<br />
Van der Walt, NGS (1969) Die republikeinse strewe Pro rege pers<br />
Potchefstroom<br />
Van Dyk, P & Van Hoof, GJH (1990) Theory and practice of the<br />
European Convention on Human Rights Kluver Deventer<br />
Van Dyke, V ‘The individual the state and ethnic communities in<br />
political theory’ 1976-77 29 World Politics 343-369<br />
Van Dyke, V ‘Human rights and the rights of groups’ (1974) 18<br />
American Journal of Political Science 725-741<br />
Van Rensburg, APJ (1976) Afrika-verskeidenheid HAUM Pretoria<br />
Van Rooy, CA (1979) Antieke Griekse geskiedenis: Van die<br />
steentydperk tot die eeu van Perikles Butterworth Durban<br />
Van Vuuren, WLJ ‘Sartori’ in Faure, AM & Kriek, DJ (1984) Die<br />
Moderne Politieke Teorie Butterworth Durban 57-73<br />
Van Warmelo, P (1976) An introduction to the principles of Roman<br />
civil law Juta Kaapstad
Bibliografie 339<br />
Van Wijk, N (1912) Franck’s Etymologisch Woordendoek der<br />
Nederlandsche Taal Matinus Nijhof<br />
Van Wyk, AJ ‘Die bewyslas van die boni mores’ (1975) 38 THRHR 383-<br />
387<br />
Van Wyk, T & Boucher, M (reds) (1986) Europe 1848-1980 Academica<br />
Pretoria<br />
Van Wyk, T & Spies, SB (reds) (1985) Western Europe from the decline<br />
of Rome to the Reformation Academica Pretoria<br />
Van Zyl, DH (1977) Geskiedenis en beginsels van die Romeinse reg<br />
Butterworth Durban<br />
Van Zyl, DH (1983) Geskiedenis van die Romeins-Hollandse reg<br />
Butterworth Durban<br />
Vasak, K Human rights: As a legal reality in Vasak, K et al (1982) The<br />
international dimension of human rights Greenwood Press<br />
Westport Connecticut 1-10<br />
Venter, AJ ‘Questions of national identity in post-apartheid South<br />
Africa’ (1998) Konrad Adenhauer Stiftung Occasional Papers<br />
Johannesburg<br />
Venter, F ‘Menseregte, groepsregte en ’n proses na groter<br />
geregtigheid’ (1986) 1 SA Publiekreg 202-229<br />
Venter, TD ‘Die begrip “staat”: ’n Staatkundige en staatsregtelike<br />
beskouing’ (1974) De Jure 128-140<br />
Verloren van Themaat, JP (1956) Staatsreg Butterworth Durban<br />
Viljoen, S (1974) Economic systems in world history Longman New<br />
York<br />
Vinogradoff, P ‘Law’ in Crump, CG & Jacob, EF (1926) The legacy of<br />
the Middle Ages Clarendon Press Oxford<br />
Vincent, A (1987) Theories of the state Blackwell Oxford<br />
Von Bar, CL (1968) A history of continental criminal law (Engelse<br />
vertaling deur T Bell) Rothman Reprints Inc. South Hachensack<br />
New Jersey<br />
Vorländer, K (1955) Gechiedenis van de wijsbegeerte Volume II Aula<br />
Utrecht
340 Bibliografie<br />
Wahl, JA ‘Baldus de Ubaldis and the foundations of the nation state’<br />
(1977) XXI Manuscripta 80-96<br />
Wallback, W et al (1981) Civilization Past and Present Vol VI Scott,<br />
Roreman & Co Glenview Illinois<br />
Walker, JA (1999) A History of the Law of Nations Vol I Cambridge<br />
University Press Cambridge<br />
Walzer, M (1966) The revolution of the saints: A study in the origin of<br />
radical politics Weidenfeld and Nicolson Londen<br />
Walzer, M ‘Philosophy and democracy’ 1981 9 Political Theory 379-<br />
400<br />
Walzer, M ‘Pluralism: A political perspective’ in Kymlicka, W (1985)<br />
The rights of minorities Oxford University Press 139-154<br />
Wanlass, LC (1953) Gettel’s history of political thought George Allen<br />
& Unwin Ltd<br />
Wiechers, M (1981) Verloren van Themaat Staatsreg Butterworth<br />
Durban<br />
Wiechers, M & Bredenkamp, F (reds) (1996) Die staat: teorie en<br />
praktyk JL van Schaik Pretoria<br />
Wiechers, M ‘Herdemokratisering’ in Faure, AM et al (1988) Suid-<br />
Afrika en die Demokrasie Owen BurgessUitgewers Pinetown<br />
Williams, GL ‘The correlation of allegiance and protection’ (1948-50)<br />
10 Cambridge Law Journal 54-76<br />
Williams, MS ‘Justice towards groups’ (1995) 23 Political Theory 67-91<br />
Wines, R (red) (1967) Enlightened despotism: Reform or reaction? DC<br />
Heath and Co. Boston<br />
Wolfe, M ‘Jean Bodin on taxes’ (1968) 83 Political Science Quarterly<br />
268-284<br />
Wolin, SS ‘Paradigms and political theories’ in King, P & Parekh, BC<br />
(reds) (1968) Politics and experience: essays presented to<br />
professor Michael Oakeshott on the occasion of his retirement<br />
Cambridge University Press Cambridge 125-152<br />
Wolin, SS ‘Political theory as a vocation’ (1969) 63 American Political<br />
Science Review 1062-1082
Bibliografie 341<br />
Wolker, R (1995) Rousseau (Past Masters-reeks) Oxford University<br />
Press Oxford<br />
Wood, GS ‘Democracy and the American Revolution’ in Dunn J (red)<br />
(1993) Democracy: The Unfinished Journey - 508 BC-AD 1993<br />
Oxford University Press Oxford 91-106<br />
Wootton, D ‘The Levellers’ in Dunn, J (red) (1993) Democracy: The<br />
unfinished journey - 508 BC - AD 1993 Oxford University Press<br />
Oxford 71-90<br />
Wright, Q (1955) The study of international relations Appleton-<br />
Century-Crofts Inc. New York<br />
Yolton, JW ‘Locke on the law of nature’ (1958) 67 The Philosophical<br />
Review 477-498<br />
Young, I ‘Polity and group difference: a critique of the ideal of<br />
universal citizenship’ (1989 - 1990) 99 Ethics 250-274<br />
Zylstra, B (1970) From pluralism to collectivism - The development of<br />
Harold Laski’s political thought Van Gorcum Assen
GERAPPORTEERDE REGSPRAAK<br />
Suid-Afrika<br />
Administrateur, Transvaal v Van der Merwe 1994 (4) SA 347 (A)<br />
Atlas Organic Fertilizers (Pty) Ltd v Pikkewyn Gwano (Pty) Ltd and<br />
Others 1981 (2) SA 173 (T)<br />
August and Another v Electoral Commission and Others 1999 (4) BCLR<br />
363 (CC)<br />
Bato Star Fishing (Pty) Ltd v Minister of Environment and Tourism<br />
2004 (7) BCLR 687 (CC)<br />
Christian Education South Africa v Minister of Education 2000 (10)<br />
BCLR 1051 (CC)<br />
Clarke v Hirst NO and Others 1992 (4) SA 630 (D)<br />
Coronation Brick (Pty) Ltd v Strachan Construction Co (Pty) Ltd 1982<br />
(4) SA 571 (N)<br />
Doctors for Life International v Speaker of the National Assembly and<br />
Others 2006 (12) BCLR 1399 (CC)<br />
Du Plessis and Others v De Klerk and Another 1996 (4) BCLR 658 (CC)<br />
Elida Gibs (Pty) Ltd v Colgate Palmolive (Pty) Ltd (1) 1988 (2) SA 230<br />
(W)<br />
Hawker v Life Offices Association of South African and Another 1987<br />
(3) SA 772 (C)<br />
In re Certification of the Constitution of the Republic of South Africa<br />
1996 (10) BCLR 1253 (CC)<br />
Ismail v Ismail 1983 (1) SA 1006 (A) 1026<br />
Jaftha v Schoeman and Others and Van Rooyen v Stoltz and Others<br />
2005 (1) BCLR 78 (CC)<br />
Kaapse hoogverraadsverhore (die Colesbergse en Dordrechtse<br />
verhore) vervat in SALJ 1901 164-176<br />
Kaunda and Others v President of the Republic of South Africa and<br />
Others 2004 (10) BCLR 1009 (CC)<br />
Macadamia Finance Ltd en ‘n Ander v De Wet en ‘n Ander 1991 (4) SA<br />
273 (T)<br />
Marais v Richard 1981 (1) SA 1157 (A)<br />
Matatiele Municipality and Others v President of the RSA and Others<br />
2006 (5) BCLR 622 (CC)<br />
Minister of Health and Another NO v New Clicks South Africa (Pty) Ltd<br />
and Others (Treatment Action Campaign and Another as Amici<br />
Curiae) 2006 (1) BCLR 1 (CC)<br />
342
Gerapporteerde regspraak 343<br />
Minister of Home Affairs and Another v Fourie and Another 2006 (3)<br />
BCLR 305 (CC)<br />
Minister van Polisie v Ewels 1975 (3) SA 590 (A)<br />
Mthethwa v De Bruin NO and Another 1998 (3) BCLR 336 (N)<br />
National Coalition for Gay and Lesbian Equality v Minister of Justice<br />
and Others 1998 (12) BCLR 1517 (CC)<br />
New National Party of South Africa v Government of the RSA and<br />
Others 1999 (5) BCLR 489 (CC)<br />
Nyathi v MEC for the Department of Health, Gauteng 2008 (9) BCLR<br />
865 (CC)<br />
R v Adendorff 1900 (NLR) 230<br />
R v Badernhorst 1900 (NLR) 227<br />
R v Bester 1900 (NLR) 237<br />
R v De Jager 1901 (NLR) 65<br />
R v Dohne 1901 (NLR) 175<br />
R v Marais 1900 (NLR) 242<br />
R v Prozesky 1900 (NLR) 216<br />
R v Venter 1901 (NLR) 185<br />
Ryland v Edros 1992 1997(1) BCLR 77 (C)<br />
S v Acheson 1991 (2) SA 805 (Nm)<br />
S v Damoyi 2004 (2) SA 564 (C)<br />
S v Lubisi and Others 1982 (3) SA 113 (A)<br />
S v Makwanyane 1995 (6) BCLR 665 (CC)<br />
S v Matomela 1998 (1) BCLR 339 (CK)<br />
S v Tsotsobe and Others 1983 (1) SA 856 (A)<br />
S v Zwane and Others (3) 1989 (3) SA 254 (A)<br />
Schultz v Butt 1986 (3) SA 667 (A)<br />
Internasionale Geregshof<br />
Frontier Dispute Case Burkina Faso v Mali ICJ Reports 1986<br />
Western Sahara Case ICJ Reports 1975
INTERNASIONALE EN REGIONALE<br />
REGSINSTRUMENTE<br />
Verdrae, Konvensies en Resolusies<br />
Afrika-Handves vir Mense- en Volksregte (1981)<br />
Algemene Vergadering Resolusie 1514 (XV) van 14 Desember 1960<br />
(Deklarasie Oor Die Verlening Van Onafhanklikheid Aan Koloniale<br />
Gebiede En Volkere)<br />
Algemene Vergadering Resolusie 2625 (XXV) van 15 Desember 1970<br />
(Deklarasie Oor die Beginsels van die Internasionale Reg Rakende<br />
Vriendskaplike Betrekkinge en Samewerking Tussen State<br />
Ooreenkomstig die Handves van die VN)<br />
Amerikaanse Deklarasie van Regte en Verpligtinge van die Mens (1948)<br />
Amerikaanse Konvensie vir Menseregte (1969)<br />
Europese Konvensie vir die Beskerming van Menseregte en Individuele<br />
Vryhede (1950)<br />
Eerste Protokol tot die Europese Konvensie vir die Beskerming van<br />
Menseregte en Individuele Vryhede (1952)<br />
Vierde Opsionele Protokol tot die Europese Konvensie vir die<br />
Beskerming van Menseregte en Individuele Vryhede (1963)<br />
Europese Sosiale Handves (1965)<br />
Handves van die Verenigde Nasies Organisasie (1945)<br />
Handves van die Organisasie vir Afrika Eenheid (1963)<br />
Helsinki Finale Verklaring 2 Augustus1975 (Verdrag van die<br />
Konferensie Vir Veiligheid En Samewerking In Europa)<br />
Internasionale Konvensie vir die Verwydering van alle Vorme van<br />
Rassediskriminasie (1965)<br />
Internasionale Verbond vir Burgerlike en Politieke Regte (1966)<br />
Tweede Opsionele Protokol tot die Verbond gemik is op die<br />
afskaffing van die doodstraf (1989)<br />
Internasionale Verbond vir Ekonomiese, Sosiale en Kulturele Regte<br />
(1966)<br />
Konvensie teen Marteling en ander Vorme van Wrede, Onmenslike of<br />
Degraderende Behandeling of Straf (1984)<br />
Konvensie vir die Verwydering van alle Vorme van Diskriminasie teen<br />
Vroue (1979)<br />
Konvensie oor die Regte van die Kind (1989)<br />
Montevideo Konvensie oor die Regte en Verpligtinge van State (1933)<br />
344
Internasionale en regionale regsinstrumente 345<br />
Organisasie vir Afrika-Eenheid-Resolusie: Resolusie AGH/RES 6(1):<br />
Resolusie oor die Onskendbaarheid van Grense<br />
Stigtingsverdrag van die Afrika-Unie (2000)<br />
Universele Deklarasie van Menseregte van die Verenigde Nasies (1948)<br />
GRONDWETTE<br />
Suid-Afrika<br />
Grondwet van die Republiek van Suid-Afrika, 1996<br />
Grondwet van die Republiek van Suid-Afrika, Wet 200 van 1993<br />
(Tussentydse Grondwet)<br />
Kanada<br />
Kanadese Charter of Rights and Freedoms vervat in die Kanadese<br />
Grondwet, Wet 79 van 1982
A<br />
INDEKS<br />
Absolutisme .. 22, 24, 27, 29, 39-43, 51, 54, 75-77, 83, 85, 88, 179, 209, 225<br />
Ackermann, regter (van die Konstitusionele Hof)..............................227<br />
Act of state-leerstuk ...............................................................247<br />
Acton, Lord............................................................... 149-150, 152<br />
Afrika Unie .............................................................. 190, 251, 264<br />
Afwenteling van staatsgesag/politieke gesag...................................199<br />
Aguesseau, Francois d’ ....................................................... 130-131<br />
Aglulf (Lombardiese koning)........................................................ 16<br />
Ailly, Pierre d’ ........................................................................ 39<br />
Alarik................................................................................... 13<br />
Alexander die Grote ................................................................. 11<br />
Algemene Vergadering ......................82, 214-215, 256-257, 259-261, 263<br />
Amerikaanse Indiane................................................................. 78<br />
Amerikaanse Realiste...............................................................169<br />
Anglo-Boere-oorlog .................................................................106<br />
Aristokrasie................................. 179, 193, 200-201, 209, 222-223, 309<br />
Aristoteles........................... 36-37, 74, 194, 276, 299, 304-305, 310-313<br />
Augsburg (Vrede van)....................................................... 45, 60-61<br />
Augustinus ......................................................................... 13-15<br />
Austin, John....................................................................... 68-69<br />
B<br />
Baldus de Ubaldis ................................................................ 41-42<br />
Bartolus de Saxoferrato ........................................................ 38, 41<br />
Bacon, Francis ......................................................................... 7<br />
Barante, Prosper de.................................................................150<br />
Barclay, William ...................................................................... 76<br />
Bartholomeusnag ..................................................................... 59<br />
Belasting (Middeleeuse beskouing oor en ontwikkeling van) ......48-49, 68-69<br />
Bellum omnia contra omnes................................................... 81, 91<br />
Bentham, Jeremy ...................................................................218<br />
Bill of Rights (1689) ............................................................ 59, 209<br />
Bill of Rights van (die staat) Virginia.............................................210<br />
Bismarck .................................................................. 212, 218-219<br />
Blackstone..................................................................... 100, 246<br />
Boucher, Jean .................................................................. 63, 254<br />
Bodin, Jean....7, 9, 65-71, 74-77, 84, 87, 94, 96-97, 113-114, 116, 119, 137,<br />
........................................ 141-142, 151, 155-156, 160, 244, 280<br />
Boererepublieke.....................................................................249<br />
Bolsjewisme................................................................... 148, 255<br />
Bonifacius VIII (Pous) ........................................................... 32, 36<br />
Boni mores ............................................................... 165-166, 173<br />
Bracton, Henry ........................................................ 26-28, 49, 233<br />
347
348 Indeks<br />
Bryce (Lord) ........................................................................... 13<br />
Burgerlike godsdiens.................................................... 130, 135-136<br />
Bul Unam Sanctum .................................................................. 32<br />
Burger/s Burgerskap<br />
Atheense (opvatting van) burgerskap ............................... 200-205<br />
Polis-burger (burgerskap in die polis)...................................... 11<br />
Staatsburgers/Staatsburgerskap ...... 65, 72-73, 75, 134, 139-140, 144,<br />
....................................................155, 158, 160, 162-163, 202<br />
(Sien ook polites)<br />
Burgerlike en politieke regte............176, 183, 212-213, 215, 248, 256, 258<br />
Burgerstaat............................................................................. 9<br />
C<br />
Calvinisme........................................................................ 59, 62<br />
Calvinistiese radikalisme...........................................................130<br />
Calvyn, Jean ................................................................. 39, 61-62<br />
Caracalla (Keiser) .................................................................... 12<br />
Charles I (Koning van Engeland) ................................................... 77<br />
Christelike gemenebes (Sien ook Republica Christiana) ..............11, 18, 20<br />
Cicero .................................................................................. 96<br />
Coke, Edward .......................................... 22, 27-28, 76, 232-233, 245<br />
Colbert, Jean Baptiste .............................................................. 49<br />
Constitatio Antoniana ............................................................... 12<br />
Corpus christianum .................................................................. 14<br />
Corpus Iuris Civilis sien ook Justiniaanse kodifikasie<br />
Digesta ...................................................................... 40-41<br />
Institutiones.................................................................... 41<br />
Court of Common Pleas ............................................................. 49<br />
Critical Legal Studies ...............................................................169<br />
Cuius regio eius religio.............................................................. 60<br />
D<br />
Dante, Alighieri.............................................................. 36-37, 56<br />
De Groot, Hugo (Grotius) .......................................9, 94-97, 114, 119<br />
Demokrasie<br />
Atheense demokrasie ............................................ 179, 200-204<br />
Direkte demokrasie ........................................ 133, 179-180, 203<br />
Domestisering van demokrasie .............................................180<br />
Klassieke demokrasie ................................................. 180, 204<br />
Konsosiatiewe demokrasie ..................................................199<br />
Konstitusionele demokrasie.................................................201<br />
Liberale demokrasie ....................................... 176-177, 185, 198<br />
Meerderheidsdemokrasie....................................................152<br />
Plurale demokrasie...........................................................151<br />
Prosedureel-strukturele/Struktureel-prosedurele (omskrywing van)<br />
Demokrasie/Prosessuele demokratiese............................... 177, 188<br />
Proto-moderne demokrasie .................................................179<br />
Staatlike demokrasie ......... 175, 177-178, 184-186, 189-192, 199-202,<br />
............................ 248, 252, 261, 270, 274-275, 278, 309-310, 316
Indeks 349<br />
Verteenwoordigende demokrasie ........................ 179-180, 182, 191<br />
Totalitêre demokrasie ........................................... 142-143, 185<br />
Yslandse demokrasie.........................................................179<br />
(Sien ook Gelykheidsbeginsel, Legitimiteitsfiksie, Massokrasie en<br />
Verteenwoordigende liggaam, Verteenwoordigende stelsel)<br />
Demokratiese onkunde .............................................................187<br />
Denominasie-pluraliteit ............................................................. 72<br />
Demos<br />
Atheense demos ........................................................ 203-204<br />
Homogene demos.............................................................205<br />
Huidige demos ................................................................204<br />
Selfregerende demos ........................................................191<br />
Dertigjarige Oorlog (1618 - 1648)...............................58-60, 78, 95, 251<br />
Descartes, René ...................................................................... 78<br />
De Stael, Mme. ......................................................................150<br />
Dillard, regter (van die Internasionale Geregshof).............................271<br />
Dinastiese staat............................................................ 34, 45, 246<br />
Directive principles of state policy ..............................................213<br />
Duitse Historiese Skool .............................................................218<br />
Durandus............................................................................... 39<br />
Dworkin, Ronald .......................................156, 165, 168-173, 193, 238<br />
E<br />
Edward III (Koning van Engeland) .......................................... 243, 245<br />
Ehrlich, Eugene ................................................................ 218-219<br />
Eiendomsreg ............................ 68-69, 211-212, 214, 292, 296, 298, 308<br />
Ekklesia ......................................................................... 200-201<br />
Engels, Friedrich .............................................................. 228-229<br />
Engelse burgeroorlog ................................................................ 78<br />
Engelse konstitusionele stryd ...................................................... 22<br />
Europese Raad .................................................................. 82, 191<br />
F<br />
Falangisme ...........................................................................148<br />
Fascisme ..............................................................................175<br />
Feodalisme ........................................................... 22, 34, 130, 223<br />
Federalisme<br />
Amerikaanse federalisme ...................................................151<br />
Ferdinand II (Keiser) ............................................................. 58-59<br />
Fillip II (Keiser) ....................................................................... 58<br />
Filmer, Robert ................................................................... 77, 85<br />
Fish, Stanley ............................................................. 117-118, 169<br />
Fortescue, John .................................................................. 27-28<br />
Francis I (Koning van Frankryk) ........................................... 45, 48-50<br />
Franse Deklarasie van die Regte van die Mens en die Burger ................210<br />
Franse Rewolusie ......................................130, 141, 150-152, 179, 280<br />
Fundamentele reg................21-22, 28, 69, 72, 81, 189, 213, 230, 232-233
350 Indeks<br />
G<br />
Gelykheidsbeginsel................................................ 184, 194-196, 198<br />
Gemeenskap (as res publica)..........................73, 92, 108, 277, 284, 286<br />
Gemenebes (Sien ook Res publica) ........... 276-280, 284, 290-295, 297-298,<br />
............................................................................ 302-316<br />
Gentili, Alberico (Gentilis).......................................................... 95<br />
Gerson, Johannes ........................................................ 9, 38-39, 71<br />
Glanville ............................................................................... 49<br />
Globalisering ......................................3-4, 10, 204, 220, 275, 281, 285<br />
Glorious Revolution .................................................. 59, 77, 86, 246<br />
Glossatore ........................................................................ 24, 41<br />
Goddelike reg van konings ................................24, 29, 43, 56-57, 76-77<br />
Godsdiensoorloë...........................................50, 57-59, 63, 65, 74, 97<br />
Godsdienstige identiteit........................................... 11, 15, 20-21, 75<br />
Godsdienstige verdraagsaamheid ................................ 60-61, 67, 71, 74<br />
Godsdienstige vervolging............................................................ 71<br />
Godsdiensvryheid.................................. 6, 66-67, 70-72, 76, 87-88, 209<br />
Gratianus .............................................................................. 31<br />
Gregorius die Grote (Pous) ......................................................... 16<br />
Gregorius VII (Hildebrand) (Pous).............................................. 30-31<br />
Grensafbakening (van staatsgrense) ................................ 105, 161, 251<br />
Griekse stadstaat (Sien ook Polis) ................................................133<br />
Groepsidentiteit/e ......................................... 139, 141, 155, 193, 229<br />
Grondwetlike patriotisme..........................................................129<br />
Grundnorm (Sen Suiwere regsteorie) ...................................... 102-103<br />
Guizot, Francois .............................................................. 150, 175<br />
Gustavus, Adolphus (Koning van Swede).......................................... 59<br />
H<br />
Habeas Corpus-Wet .................................................................209<br />
Hamilton, Alexander................................................................233<br />
Handves van Leon .................................................................... 26<br />
Heilige Romeinse ryk ....................................... 5, 13-14, 50, 55, 58-60<br />
Hendrik II (Koning van Engeland) .................................................. 44<br />
Hendrik IV (Keiser) ................................................................... 30<br />
Henri II (Koning van Frankryk)...................................................... 48<br />
Henri IV (van Navarre) (Koning van Frankryk) ..........................70, 76, 78<br />
Hercules (Sien Dworkin Ronald)............................................. 169-171<br />
Hobbes, Thomas ........ 1, 7, 9, 66, 68-70, 74-97, 107-108, 113-114, 116, 119<br />
127, 130, 136, 139141-142, 144, 151, 155, 160, 222, 228, 246, 275, 280<br />
Hongaarse Goue Bul.................................................................. 26<br />
Hoogverraad ......................................... 10, 20, 29, 126, 242-250, 275<br />
Hooker, Richard ........................................................27-28, 51, 86<br />
Hugenote (Calvinistiese) party (in Frankryk) ........................... 61-63, 65<br />
Humanisme................................................................... 33-35, 56<br />
Huss, Johannes ..............................................................36, 39, 56
I<br />
Indeks 351<br />
Idiotes.................................................................................203<br />
Imperialisme .........................................................................270<br />
Individuele isolasie..................................................................220<br />
Individuele vryheid...........74, 88, 149, 153210-212, 225-228, 208, 293, 305<br />
Individualisering ...................................................................... 33<br />
Innocentius III (Pous) ............................................................ 31-32<br />
Instellings (as res publica) ............................294, 299, 301-302, 314-316<br />
Intermediêre assosiasies / gemeenskappe ............................... 151-153,<br />
Internasionale Geregshof ..........................................................263<br />
Internasionale reg.............. 10, 18, 94, 96-97, 100-101, 104, 114-115, 213,<br />
..................241-242, 250-254, 256-257, 261, 263, 266-269, 275, 283<br />
Internasionale Arbeidsorganisasie ................................................213<br />
Ius continuum........................................................................264<br />
Ius emirgandi ......................................................................... 60<br />
Ius reformandi ........................................................................ 60<br />
J<br />
Jakobynse totalitarisme............................................................130<br />
Jakobynisme .................................................................. 148, 154<br />
James I (Koning van Engeland)................................ 22, 58, 76, 232-233<br />
James II (Koning van Engeland) ............................................... 59, 86<br />
Jean van Parys........................................................................ 38<br />
Jefferson, Thomas ..................................................................210<br />
Jhering, Rudolph von ......................................................... 218-219<br />
Joyeusse, Entrée ..................................................................... 26<br />
Juridifisering ....................................................... 231, 234-235, 311<br />
Juristeklas ...................................................................... 230-231<br />
Justinianus (Keiser) ............................................................. 24, 41<br />
K<br />
Karel die Grote ......................................................... 11, 13, 22, 43<br />
Karel V (Keiser sowel as koning van die Habsburgse gebiede) ........... 50, 58<br />
Kelsen Hans (Sien ook Suiwere regsteorie).................... 102-104, 106, 116<br />
Kerkhervorming/Reformasie/Hervorming/Lutherse Hervorming/ Protestantse<br />
rewolusie .................................................6, 9, 21, 39, 50, 57, 94<br />
Kerklike skisma .................................................................. 36, 53<br />
Kettery...............................................15, 19-20, 50,57-58, 62-63, 73<br />
King’s Bench .......................................................................... 49<br />
Klassieke liberalisme ...............................................................149<br />
Koloniale gebiede .......................................................................<br />
Koloniale grense........................................................ 251, 259, 263<br />
Kommentatore (van die Corpus Iuris)................................25, 38, 40-41<br />
Kommunitêre (politiek) ........................ 85, 113, 156, 162, 169, 172, 280<br />
Konferensie vir Veiligheid en Samewerking in Europa.................. 257, 265<br />
Koninklike burokrasie............................................................ 46-47<br />
Konkordaat van Worms .......................................................... 30-31
352 Indeks<br />
Konsiliebeweging ................................................................. 38-40<br />
Konstitusionele Hof ....................................167-167, 183-185, 227, 234<br />
Konstitusionele patriotisme .......................................................154<br />
Konstitusionele regering ............................................................ 88<br />
Konstitusionalisme<br />
Ancient constitution .................................................22, 25, 77<br />
Middeleeuse (konsep van) konstitusionalisme ..... 21-22, 25, 28, 38, 86<br />
Korreksie ............................................................... 285, 289<br />
Kratos .............................................................. 181, 198, 200, 278<br />
Kriegler, regter (van die Konstitusionele Hof)..................................227<br />
Kulmer Handveste ................................................................... 26<br />
Kulturele identiteit ............................................................. 3, 252<br />
L<br />
Lafayette .............................................................................210<br />
Legitimiteitsfiksie .............................. 190, 193, 197, 199, 274, 282, 309<br />
Lenin, Vladimir ................................................................ 253-255<br />
Leo III (Pous) .......................................................................... 11<br />
Leviatan (Sien ook Sterflike god) ............ 1, 7, 75, 77, 81-84, 94, 127, 136,<br />
....151, 155, 222, 237-238, 249, 260, 267, 269, 274-276, 278, 280, 316<br />
Levellers ..............................................................................179<br />
L’Hôpital, Michel de ............................................................. 65-67<br />
Liberalisme....................................................72, 149, 151, 159, 212<br />
Lippmann, Walter ...................................................................187<br />
Locke, John ....... 9, 75, 85-94, 96-97, 107-108, 113-114, 116, 119, 150, 229<br />
Louis XIV (Koning van Frankryk)..............................................51, 131<br />
Luther, Martin ............................................................... 36, 51-56<br />
Lutheranisme ......................................................................... 52<br />
M<br />
Machiavelli .......................................................... 47, 66-67, 71, 97<br />
Maatskaplike sekuriteit...................................................... 212, 224<br />
Magna Carta...................................................................... 26, 29<br />
Mahomed, regter (van die Konstitusionele Hof).......................... 167-168<br />
Marx, Karl ...................................................................... 228-229<br />
Marsilius van Padua .................................................................. 37<br />
Masedoniese ryk ................................................................ 11, 178<br />
Massokrasie...........................200, 204-206, 278, 282, 306, 309, 313, 316<br />
Meerderheidsregering ........................................... 184, 186, 189, 194<br />
Meerderheidsdominasie ..............................149-150, 193-199, 261, 270<br />
(Sien ook Tirannie van die meerderheid en Meerderheidsdespotisme)<br />
Meerderheidsbevoorregting........................................................195<br />
Megalopolis ..........................................................................204<br />
Meksikaanse grondwet..............................................................212<br />
Mensereg/te<br />
Derde generasieregte........................................................216<br />
Eerste generasie (mense)regte/vryhede................ 211, 213-214, 220<br />
Internasionale menseregte...................................... 214-216, 220<br />
Horisontale toepassing/aanwending/werking van menseregte . 226-228
Indeks 353<br />
Ontwikkeling van menseregte ..............................................209<br />
Politiek van menseregte.....................................................217<br />
Tweede generasie (mense)regte........212-214, 217, 219-220, 222, 224<br />
Menswaardigheid ......... 183, 187-188, 196, 277-278, 280, 288, 295, 304-306<br />
Merkanitilisme ........................................................................ 33<br />
Middeleeuse filosofie/denke ....................................................... 17<br />
Middeleeuse globale politiek ....................................................... 18<br />
Middeleeuse (konsep van) konstitusionalisme ............ 21-22, 25, 28, 38, 86<br />
(Sien Konstitusionalisme)<br />
Middeleeuse sosiale piramide/orde ............................................... 16<br />
Mill, John Stuart............................. 149-150, 180-183, 193-197, 204-205<br />
Milner, (lord) Alfred ......................................................... 106, 249<br />
Minderhede..................2, 145, 148-150, 153-154, 163-164, 172, 193, 195,<br />
..... 198-199, 213, 238, 252-254, 259, 261, 270, 274, 278-279, 282-283<br />
Minderheid<br />
Ontkiesering van..............................................................194<br />
Permanente minderheid............................................... 196-197<br />
Minderheidsbenadeling .............................................................195<br />
Minderheidsgemeenskappe ................................ 146, 199, 274-275, 282<br />
Minderheidsregte.........................154, 195, 199, 216, 254, 258, 265, 283<br />
Monargie ......................................................6, 78, 86, 179-180, 193<br />
Multi-nasiestaat ....................................................................... 8<br />
N<br />
Nagwag-staat ................................................................. 211, 219<br />
Nasiebou (Sien ook Staatsbou)<br />
Jakobynse nasiebou ..........................................................154<br />
Konstitusionele nasiebou....................................................154<br />
Pluralistiese nasiebou........................................................154<br />
Nasiestaat ...................................................................... 8-9, 104<br />
Nasionaal-sosialisme ......................................................... 148, 175<br />
Nasionale eenheid...................................................................141<br />
Nasionale gemeenskappe ......................................... 252-253, 267-268<br />
Nasionale soewereiniteit.................................................... 104, 263<br />
Nasionalisme .................................................................3, 18, 127<br />
Natuurstaat .................................................78, 80-82, 85, 88-91, 93<br />
Natuurstaatlike regte................................................................ 81<br />
Nicolas de Cusa ....................................................................... 39<br />
O<br />
Oostenryk-Hongaarse ryk ..........................................................253<br />
Openbare (politieke) identiteit ...................................................154<br />
Original position (Sien Rawls John) ..............................................157<br />
Ortodokse Kerk ....................................................................... 30<br />
P<br />
Paine, Thomas ........................................................... 179-180, 204
354 Indeks<br />
Papinianus ............................................................................. 41<br />
Partikuliere gemeenskappe.....................143-144, 146-147, 252, 275, 280<br />
Partikuliere identiteit/e ...............4, 18, 132, 141, 146, 158, 160-161, 274<br />
Patria (as res publicae) ............................................... 294, 296, 313<br />
Patriotiese deugde ..................................................................133<br />
Pax Romana ........................................................................... 13<br />
Perikles ........................................................................ 201, 203<br />
Personaliteitsbeginsel ..............................................................287<br />
Philip Augustus (Koning van Frankryk) ............................................ 44<br />
Philip V (Koning van Frankryk) ..................................................... 36<br />
Plaaslike outonomie ................................................................151<br />
Plaaslike republikanisme...........................................................153<br />
Polis ..........................11, 74, 78, 131, 133, 135, 200-204, 276, 299, 312<br />
(Sien ook Stadstaat)<br />
Politai........................... 200-203, 276, 279, 291, 293, 301-302, 307, 309<br />
(Sien ook burger/s en burgerskap)<br />
Politiek van identiteit ................................................................ 4<br />
Politieke elite..................................................... 148, 199, 201, 283<br />
Politieke geregtigheidsmodel (Sien Rawls John) ................... 159, 162-163<br />
Politokrasie......... 10, 126, 273, 276-280, 283-284, 287, 290, 296, 299, 300,<br />
...............................................306, 307, 309, 312-313, 315-316<br />
Politokratiese orde......................................................................<br />
Politique/s ........................................................... 65-66, 69-74, 84<br />
Populêre soewereiniteit ..................................... 36, 62, 182, 185, 194<br />
(Sien ook Volksoewereiniteit)<br />
Pound, Roscoe .............................................................96, 218-219<br />
Pouslike rewolusie ................................................. 20, 30-31, 33, 38<br />
Prekariokrasie .............................. 193, 197-199, 274-275, 278-279, 283<br />
Princeps legibus solutus est ................................................... 24, 45<br />
Private domein ..........75, 115, 141, 151, 160, 185, 273, 291, 293, 302-305,<br />
................................................................ 307-308, 310, 314<br />
Pufendorf, Samuel ......................................................76, 86, 95-96<br />
Putatiewe nasionale staat ........................................................... 8<br />
Q<br />
Quod principi placuit, legis habet vigorem ...................................... 28<br />
R<br />
Rawls, John ................................................... 93, 156-164, 173, 269<br />
Renaissance .....................................7, 33-36, 40, 45-46, 52-53, 56, 97<br />
Regsprofessie ...................................................... 208, 230, 236-237<br />
Regsrealisme .........................................................................102<br />
Regsoewereiniteit .......................................................22, 25-29, 43<br />
Regswetenskap<br />
Ideologie / ideologiese voorkeure ......... 3, 66, 100, 106-107, 109, 112<br />
Regsakademiese kurrikulum ................................................112<br />
Regsdogma ............................................................. 113, 192<br />
Regstaal............................................................ 110-112, 238<br />
Toegepaste wetenskap(pe) ..........................113-114, 124-125, 155
Indeks 355<br />
Republica Christiana ...........5-6, 9, 11, 18, 21, 31, 33, 45, 52, 94, 97, 130,<br />
................................................................ 134, 230-231, 235<br />
(Sien ook Christelike gemenebes; Middeleeuse universum)<br />
Republikanisme............................................... 75, 133, 151-153, 279<br />
Republikeinse deug .......................................................14, 151-152<br />
Res iudicata ................................................................... 185, 195<br />
Res publicae (Sien ook Gemenebes)<br />
Eienskappe van die res publica ................................................<br />
Res van die res publicae ........................................................<br />
Richelieu............................................................................... 59<br />
Rights thesis (Sien Dworkin Ronald)........................................ 169-170<br />
Robespierre ..............................................................................<br />
Roger II (Koning van Sicilië en Suid-Italië) ....................................... 44<br />
Romeinse reg ..............................................12, 24, 34, 40-41, 56, 96<br />
Romeinse ryk.............................................................................<br />
(Rooms) Katolieke Bond /Party (in Frankryk).......................62-63, 65, 70<br />
(Rooms) Katolieke Kerk ..................................................... 5, 59, 65<br />
Rousseau, Jean Jacques............... 75, 93, 127, 130-145, 147, 151-152, 280<br />
Royer-Collard ........................................................................150<br />
Rykskerklike wêreldgeheel ......................................................5, 57<br />
S<br />
Sachs, regter (van die Konstitusionele Hof)................... 167-168, 183, 189<br />
Sachsenspiegel........................................................................ 26<br />
Saint-Just................................................................. 130, 141-142<br />
Sekularisasie ................................................................. 21, 33-35<br />
Selfbeskikking<br />
Domestiserende konsep van ................................................265<br />
Nasionale selfbeskikking .............................252-259, 263-269, 275<br />
Staatlike selfbeskikking ..................250, 252-253, 260, 266-270, 274<br />
Selfregering .................182, 191-194, 196-200, 274-275, 284-286, 288-289<br />
Sesessie ......... 10, 103, 126, 199, 242, 257-258, 261-262, 265, 267-268, 275<br />
Sieyès, Immanuel Joseph .................................. 130, 141-142, 152, 179<br />
Sindikalisme................................................................... 223, 226<br />
Smith, sir Thomas ........................................................... 27-28, 76<br />
Soewereiniteit ..................3-5, 8, 24-29, 36, 41, 43-44, 60, 62, 67-69, 75,<br />
..........101-102, 104, 108, 137, 185, 194, 243-244, 246, 250-254, 257,<br />
.......................................................... 263, 265-267, 282, 289<br />
Solfidianisme...................................................................... 53-54<br />
Sosiale kontrak ................................ 80-82, 88, 131, 135, 157, 164, 230<br />
Sosiale en ekonomiese regte ............ 212-215, 217, 220, 222, 224-225, 236<br />
Sosiologiese regsleer.................................................... 102, 218-219<br />
Sosialistiese bewegings.............................................................223<br />
Staatlike identiteit...................1-3, 7, 10, 56, 75, 97, 125, 127, 139, 142,<br />
....147, 156, 173, 241-242, 248-252, 258, 260, 265, 269, 274, 278, 295<br />
Staatlike orde................ 2, 5, 10, 69, 73, 87, 119, 125-126, 156, 161-162,<br />
................ 164, 172-173, 177, 189, 190, 192, 222, 224-225, 230-231,<br />
............238, 241-242, 248, 251-253, 267-268, 273-275, 283, 295, 298<br />
Staatlike paradigma ............. 2-3, 5, 7, 9-10, 90-91, 97, 99, 114, 116, 118,<br />
121, 125, 133, 142, 147, 155-156, 160, 164-166, 168, 175, 178, 183, 190,<br />
....199-200, 205, 208, 222, 241-242, 250, 252, 254, 258, 260, 268-269,
356 Indeks<br />
.......................................................... 273-276, 280, 283, 285<br />
Staatlike soewereiniteit / Staatsoewereiniteit..... 3-4, 69, 75, 250-252, 254,<br />
...................................................................... 257, 265-266<br />
Staatlikheid ............. 1-3, 5-6, 9, 21, 33-35, 37, 94, 97, 114, 116, 125-126,<br />
.......................................................... 168, 250, 257, 275-277<br />
Staatkunde / Politieke wetenskap / Politilogie ..... 2, 99, 101, 104, 106, 274<br />
Staatsbou<br />
Staatsbou-regsdenke.........................................................155<br />
(Staats)bevolking........... 9, 92, 104-105, 108, 115, 129, 148-149, 167, 172,<br />
....................................................191, 217, 259-260, 269, 273<br />
(Sien ook Staatsdefinisie / Staatsomskrywing)<br />
(Staats)gebied ................................................................ 104, 242<br />
Staatsdefinisie / Staatsomskrywing<br />
Bevolkingselement (van die definisie) ............................. 107, 114<br />
Staatsgrense .............92, 105, 128, 148, 166, 220, 242, 248, 251-254, 257,<br />
................................................... 260, 262, 264, 266, 269, 275<br />
Staatsbeskouing .................................................... 74, 107-108, 211<br />
Staatsnasie ...........................139, 145, 148, 156, 167-168, 178, 260, 275<br />
Staatsreg............... 23, 28, 100-104, 113-114, 121, 125, 178, 185, 266, 283<br />
Stadstaat/stadstate ............................ 11, 131, 133, 142, 179, 276, 312<br />
(Sien ook Polis)<br />
Starkey, Thomas....................................................................... 7<br />
Stemreg......................... 176, 182-184, 186, 193, 197, 215, 282, 307-309<br />
Stoïsyne................................................................................ 96<br />
Stoïsynse universalisme ............................................................. 12<br />
Stuart-monargie ...................................................................... 78<br />
Subsidiariteit........................................................285-286, 288-289<br />
Suid-Afrika.......... 2, 106, 109, 121, 129, 148, 167, 172, 176, 185, 193, 196,<br />
....................................................228, 235, 237, 247-249, 253<br />
Suid-Afrikaanse gemeenskap ................................................ 165-166<br />
Suid-Afrikaanse nasie ................................................... 129, 167-168<br />
Suid-Afrikaanse staat ........................................................ 106, 142<br />
Suiwere regsteorie (Sien ook Kelsen Hans)<br />
Grundnorm .............................................................. 102-103<br />
T<br />
Taal (as res publica) .......................................................... 294-296<br />
Tacitus ................................................................................. 23<br />
Territoriale integriteit ..............10, 104, 115, 126, 250-252, 257-258, 260,<br />
...................................................................... 263, 265-266<br />
(Sien ook (staats)gebied)<br />
Territoriale staat<br />
Multinasionale territoriale staat/state.................. 252-253, 268, 278<br />
Tirannie van die meerderheid ........................................ 149-150, 195<br />
(Sien ook Meerderheidsdominasie en Meerderheidsdespotisme)<br />
Tocqueville, Alexis de ........................................... 149-153, 193, 223<br />
(Staats)totalitarisme/Totalitêre (politiek)..................................83,225<br />
Tuistelike gemeenskap/pe...... 277-279, 284-297, 300, 302306, 309, 312-316<br />
Tuistelike (vorm van) regering .................................. 278, 284, 286-294<br />
Turkse ryk ............................................................................253<br />
Tyrell, James ......................................................................... 86
Indeks 357<br />
Twee swaarde (leerstuk van die) .................................................. 31<br />
U<br />
Ulpianus............................................................................ 40-41<br />
Uti possidetis ...................................................... 258, 262-265, 268<br />
V<br />
Van Bynkershoek, Cornelius ........................................................ 95<br />
Vasal en die leenheer (verhouding tussen)....................................... 29<br />
Vattel, Emerich de ................................................................... 95<br />
Veil of ignorance (Sien Rawls John)..............................................157<br />
Verenigde Nasies ................................................ 3, 82, 213-214, 255<br />
Verenigde State van Amerika<br />
Amendemente van die grondwet van die.................................210<br />
Burgeroorlog-amendemente .......................................... 210-211<br />
Verkiesing/s..................... 26, 176, 182, 184, 186, 193, 195-197, 201, 283<br />
Verligte despotisme............................................................ 83, 188<br />
Verteenwoordiging<br />
Proporsionele verteenwoordiging.............................. 194-195, 199<br />
Verteenwoordigende liggaam ......................................... 181-182, 195<br />
Verteenwoordigende stelsel ..................................... 179-180, 192, 201<br />
Vitoria, Francisco de................................................................. 95<br />
Volente generale/Algemene wil (by Rousseau) ................................137<br />
Volkebond ............................................................................213<br />
Volksoewereiniteit .......................................... 22-25, 36, 43, 62, 179<br />
(Sien ook Populêre soewereiniteit)<br />
Vrye, regverdige en gereelde verkiesings .......................................184<br />
W<br />
Wêreldgemeenskap .......................................................... 291, 302<br />
Wesfale (Vrede van) ......................................................95, 250-251<br />
Wesgote................................................................................ 13<br />
Wetenskapsbeoefening (Sien ook Staatlike paradigma)<br />
Interpretasiegemeenskap/pe...................................................<br />
Normale wetenskap .............................................. 117-122, 125<br />
Politiekwetenskaplike paradigmas.........................................125<br />
Wetenskaplike handboeke ..................................................118<br />
Wetenskaplike krisis / Paradigma-krisis ..................................122<br />
Wetenskaplike rewolusies...................................................117<br />
Wetenskapsfilosofie........................................................... 116-117<br />
William van Ockham ................................................................. 38<br />
Wilson Woodrow......................................................... 253-255, 266<br />
Wyclife................................................................... 36, 39, 51, 56
358 Indeks<br />
Z<br />
Zabarella .............................................................................. 39<br />
Zwingli Ulrich ......................................................................... 51<br />
Zouche Richard ....................................................................... 95