Desember

BTW-wet: Hou Senwes
se KVP enige risiko’s in?
In ‘n onlangse persverklaring van Graan SA spreek dié organisasie hul kommer uit oor
produksiekontrakte wat graanboere dié seisoen met sekere instansies gesluit het en wat
ernstige gevolge vir boere ingevolge die BTW-wet kan inhou.
Kontrakte wat boere as kontrakteurs in die
produksieproses van graangewasse sluit,
veroorsaak dat die BTW-status van sodanige
boere, as BTW-geregistreerdes van
boerdery-ondernemings, in gedrang kan
kom en selfs kan verval. Volgens Graan SA
kan sulke kontrakte ook ernstige gevolge
vir boere inhou omdat die dieselkorting
deur die BTW-stelsel geadministreer word
en dit derhalwe ook die registrasie van
graanboere, om vir die dieselkorting te
kwalifiseer, in gevaar stel.
Scenario het by Christo Morrison,
Hoofbestuurder Finansiële Dienste, kers
opgesteek oor Senwes se kontrakversekeringsproduk
(KVP) en hoe dié kontrak
Senwes klante en hul BTW-status raak.
“Klante wat ‘n KVP-kontrak met Senwes
gesluit het, kan gerus wees. Waar ander
ondernemings ‘n huurooreenkoms met die
‘n Merinoboer van Smithfield, Eddie Prinsloo, is onlangs
tydens ‘n glansryke geleentheid in Bloemfontein as die
Nasionale Landbouskrywersvereniging se Boer van die
Jaar aangewys.
boer sluit, is Senwes se KVP as ‘n geldleenooreenkoms
gestruktureer en nie as ‘n
huur-/produksieooreenkoms nie,” sê Christo.
Binne sommige instansies, wat ook kontrakversekeringspakkette
aanbied, se kontrakte
huur die instansie die grond by die boer en
produseer die boer, as kontrakteur, namens
die instansie graan. Kontrakteurs kwalifiseer
egter nie vir die dieselkorting nie.
“In Senwes se geval leen ons aan die boer
die geld om sy produksiekoste te finansier.
Aangesien BTW nie op ‘n geldleenooreenkoms
betaalbaar is nie, word die
BTW-status van Senwes se klante nie
aangetas nie. Dit kan dus geen invloed op
die kwessie van dieselkorting hê nie,” het
Christo bygevoeg.
Navrae in dié verband kan gerig word aan
Bernhard Coetzer, Bemarkingsbestuurder
Finansiering, by (018) 464-7459.
Eddie as Boer van die Jaar aangewys
Eddie het in 1975 die Heuningkrans-stoetery, een van die
oudste Merino-stoeterye in die land, by sy pa oorgeneem.
Sedert hy die stoetery oorgeneem het, het hy die teelbeleid
by veranderde omstandighede aangepas. Hy het vyf jaar
gelede met sy eie produksieveiling begin en verkoop reeds
ramme vir 22 jaar onafgebroke op die Februarie-ramveiling
in Bloemfontein. Die afgelope vier jaar het hy die
hoogste prys en hoogste gemiddeld vir veldramme op die
herfs-ramveiling in Bloemfontein behaal.
Eddie Prinsloo se vrou, Lizette, het sy vreugde saam met
hom gedeel.
Namens Senwes en die redaksie: Baie geluk, Eddie, met dié
spogprestasie.
GRAAN HANDEL FINANSIËLE DIENSTE SENWESKO VOERE
Vol 4/2003 • Inligtingsblad vir klante van Senwes • Desember 2003
BREEK NUWE GROND
inhoud
Marksituasie vir grane
Senwes halfjaarsyfers
bekend gemaak
23 Januarie 2004
New Holland demonstrasies op Tierfontein
Navrae: Flip Tait (jr) of Pieter Brink
Tel: (057) 899-2731 of 083 272 2705
31 Januarie 2004
Nagmarathon op Ottosdal
Navrae: Koos Laas
Tel: (018) 571-1389
4 - 5 Februarie 2004
Rooivleisprodusente kongres
in Bloemfontein
Navrae: Santa Ramsey
Tel: (051) 436-9449 of 082 290 7202
18 - 19 Februarie 2004
Nasionale Wolkwekersvereniging kongres
in Bloemfontein
Navrae: Amelia Hanekom
Tel: (051) 447-3023 of 082 821 9475
Wat gebeur in jou kontrei?
Boereverenigings en landbou-organisasies is
welkom om inligting vir Landbou Dagboek aan
Estie Steyn deur te gee by (018) 468-2716 of
faks dit na (018) 468-7782.
Mag u hierdie Kersgety saam met u
geliefdes geniet in die nabyheid en
liefde van ons Skepper
- ook in die jaar wat voorlê.
- Redaksie

GRAAN
Marksituasie vir grane
Christo Booyens Bestuurder Graanbemarking
Grane verhandel sedert die aanvang van die 2003/2004-seisoen op relatief gunstige vlakke (gegewe die marksituasie). Die mark het
verder strydig met algemene voorspellings daarin geslaag om die gunstige prysvlakke te behou, ondanks die onlangse verstewiging
van die rand teenoor die dollar, goeie reën in die meeste mielieproduserende gebiede en ‘n relatief klein afskaling in aanplantings.
Die algemene gevoel is egter dat die mark
die potensiaal het om vinnig ‘n korreksie
in die rigting van uitvoerpariteit te doen.
Produsente word in die lig hiervan
aangeraai om die huidige gunstige
prysvlakke te benut en ‘n “vloerprys” vas
te maak. Produsente word verder aangeraai
om kontrakte te sluit wat hulle in staat
sal stel om voordeel uit enige prysstygings
te kan benut.
Die algemene verwagting was dat die
mark, in die lig van groot oordragvoorrade,
skerp afwaarts sou reageer sodra die
eerste goeie algemene reëns voorkom, die
aanplantingsyfers bevestig word en/of die
wisselkoers sou verstewig. Al drie elemente
het sedertdien in die mark voorgekom.
• Meer as 80% van die Senwes-gebied het
in November meer as 50 mm reën
gehad. Sekere gebiede het selfs 100 mm
en meer gehad. Dieselfde situasie geld
vir gebiede in Noordwes en Suidwes se
gebied.
• Meer as 80% van die aanplantings in
die Oos-Transvaal was teen die einde
November afgehandel.
• Die wisselkoers toets gereeld die
R6,50/$ vlak.
• Die jongste aanplantingsintensie dui
slegs op ‘n geringe afskaling in aanplantings
(sien Tabel 1).
Vooruitsigte vir mielies
Uitvoersyfers is in die algemeen
teleurstellend. Slegs 534 000 ton mielies
is volgens Sagis tot op 31 Oktober 2003
uitgevoer. Sou die tendens voortduur,
impliseer dit dat daar nagenoeg
1,1 miljoen ton mielies gedurende die
2003/2004-seisoen uitgevoer sal word,
wat die land met ‘n oordragvoorraad van
nagenoeg 3,5 miljoen ton sal laat
(2,5 miljoen ton wit = 64% van volgende
jaar se verbruik en 1,03 miljoen ton geel =
35% van volgende jaar se verbruik). Dit
impliseer dat pryse selfs met ‘n relatief
klein oes in 2004/2005, rondom uitvoerpariteit
behoort te verhandel. Dit is egter
belangrik om daarop te let dat wêreldmielievoorrade
tans relatief laag is en
dat pryse as gevolg hiervan, relatief
stewig kan bly. Hierbenewens is die
Amerikaanse sojaboonoes relatief laag en
produksietoestande in die Suidelike
Halfrond (veral Argentinië) nie goed nie,
wat pryse verder op relatief hoë vlakke
kan laat verhandel.
Geelmielies
Geelmielies is tans relatief skaars. Hoewel
die meeste geelmielieverbruikers ‘n
2 Senwes Scenario [Desember 2003]
Tabel 1: Voorneme om te plant (soos op 31 Oktober 2003).
Kommoditeit Hektare in Hektare beplan Persentasie
2002/2003 2003/2004 verandering
Witmielies 2 083 350 1 754 700 - 15,8
Geelmielies 1 017 000 969 000 - 4,7
Sonneblom 628 100 572 000 - 8,9
Sorghum 84 610 110 000 + 30,0
Grondbone 50 300 88 000 + 75,0
sekere persentasie witmielies in hulle
rantsoene insluit, word ‘n sekere minimum
persentasie geelmielies steeds benodig.
Die behoefte aan geelmielies het tot gevolg
dat geelmielies tans teen invoerpariteit
(R1 050 Kaapstad) verhandel. Dit impliseer
dat geelmielies in die nabye toekoms teen
prysvlakke van nagenoeg R870/ton –
R960/ton behoort te verhandel.
Witmielies
Hoewel meer as 50% (65% volgens
berekening) van volgende jaar se witmielieverbruik
reeds in die silo’s is, is veral
twee aspekte daarvoor verantwoordelik
dat witmielies sy huidige prysvlakke
behou, naamlik:
• Die geelmielieprys. Sodra witmieliepryse
te ver onder die geelmielieprys
daal, word witmielies as substituut vir
geelmielies gebruik.
• Finansiële instellings het na bewering
heelwat witmielies opgekoop en dit in
Maart 2004 verkoop, met die doel om
rente op die “spread” te verdien. Dit
veroorsaak dat daar tans ‘n relatiewe
tekort aan witmielies in die kontantmark
is en pryse as gevolg hiervan relatief
stewig bly.
Vooruitsigte vir sonneblom
Daar is tans bykans geen sonneblom in
die kontantmark beskikbaar nie. Pryse vir
die nabye maande (Desember) het as
gevolg hiervan van R1 900/ton tot
R2 370/ton verstewig.
Die jongste voorneme om te plant dui
daarop dat produsente beplan om nagenoeg
572 000 hektaar sonneblom in die
2003/2004-seisoen aan te plant. Teen
normale opbrengste kan die land ‘n oes
van nagenoeg 700 000 ton sonneblom
verwag, wat binne die plaaslike verbruiksyfer
is en daartoe sal lei dat pryse
relatief stewig sal bly. Internasionaal is
oliepryse ook op hoë vlakke weens lae
voorraadvlakke, wat verdere ondersteuning
vir die plaaslike mark bied.
Werklike aanplantings behoort egter
noukeurig gemonitor te word, aangesien
die laat reëns en die groot hoeveelheid
koringlande wat tans braak lê, daartoe
kan lei dat aanplantings aansienlik groter
as die verwagte 572 000 hektaar kan
wees, wat op sy beurt tot ‘n skerp afname
in pryse kan lei.
Vooruitsigte vir sorghum
Sorghum verhandel, in die lig van die
relatiewe klein oes in 2002/2003, tans
steeds op invoerpariteit (R1 400/ton –
R1 500/ton). Bitter sorghum is tans
bykans onbekombaar. Volgens die
Nasionale Oesskattingskomitee se jongste
intensies om te plant, beplan produsente
om nagenoeg 110 000 hektaar
sorghum in die 2003/2004-seisoen aan te
plant. Sou aanplantings tot die hektare
beperk word, behoort daar die komende
seisoen net genoeg sorghum vir die
menslike mark beskikbaar te wees en
behoort pryse huidige vlakke te handhaaf.
Saadverkope in die formele sowel as die
informele mark (produsente wat self saad
voorberei) dui egter daarop dat aanplantings
die potensiaal het om aansienlik
groter as die 110 000 hektaar te wees.
Sorghumkopers is in die lig hiervan nie
bereid om sorghum tans teen huidige
prysvlakke aan te koop nie. Waar daar wel
aanbiedings vir sorghum gedoen word, is
dit teen nagenoeg 85% van die witmielieprys.
Vooruitsigte vir koring
Die NOK het die koringoes in sy jongste
skatting met ‘n verdere 196 000 ton tot
1,478 miljoen ton verlaag. Dit is die laagste
koringoes sedert 1992/1993 toe die
koringoes 1,27 miljoen ton was. Die verlaging
in die koringoes sal egter weinig
impak op plaaslike pryse hê, omrede die
koringmark ‘n geruime tyd reeds op
invoerpariteit verhandel. Internasionaal is
die verwagting dat koringpryse relatief hoë
vlakke sal handhaaf weens algemene hoë
prysvlakke in Europa en die VSA (weens
lae SRW voorraadvlakke en aktiewe deelname
van onder andere Egipte in die
Amerikaanse mark). Die verwagting is dat
plaaslike pryse in ‘n band van R50 – R60
rondom huidige vlakke sal verhandel.
R1 700/ton blyk tans die sielkundige
bokant vir die koringmark te wees.
BREEK NUWE GROND SENWES

GRAAN
Graan praat padlangs
Dr Anton Lubbe, Hoofbestuurder Graan,
het sy bekommernis oor die lae graanpryse
en die invloed daarvan op boere en
hul besigheid uitgespreek. Terugvoer is
ook oor die afgelope seisoen se graanhantering
gegee – ‘n heel goeie seisoen
vir Senwes.
Tydens die geleentheid het Christo
Booyens, Bestuurder Graanbemarking,
bemarkingsvooruitsigte asook bemarkingstrategieë
vir die volgende seisoen
bespreek. Hy het gewaarsku dat
wêreldproduksie en oordragvoorrade
groot prysskommelinge in die volgende
seisoen tot gevolg kan hê.
Vogaansuiweringsbasis vir
sonneblomsaad aangepas
Senwes het, nadat baie navorsing deur
die industrie gedoen is, besluit dat sonneblomsaad
voortaan teen ‘n maksimum
van 9% vog, teenoor 10% in die verlede,
uitbetaal sal word.
Volgens Jaco Botha, Bestuurder
Graanbedryf, is hierdie besluit nie ligtelik
geneem nie. “Omvattende navorsingsresultate
is gebruik om tot hierdie besluit te
kom,” sê Jaco.
Die navorsing het onder andere bevind:
• Nuwe verbeterde kultivars het ‘n hoër
olie-inhoud.
• Verhoogde olie-inhoud en vog teen 10%
versnel hittebeskadiging.
• Die hoër olie-inhoud het ‘n versnellende
effek op vogverliese.
“Silo-eienaars het besluit dat hulle die
nuwe risiko nie kan absorbeer nie,” het
Jaco bygevoeg. Droogoondkoste sal,
soos in die verlede, steeds bokant 10%
BREEK NUWE GROND SENWES
met produsente
Bemarkingstrategieë, bedryfsreëlings wat verander en terugvoer oor die stand van
sake in Senwes Graan, is enkele punte wat tydens Graan se inligtingsvergaderings
gedurende Oktober met produsente aangeraak is.
Tydens Graan se inligtingsvergadering op
Viljoenskroon het Magiel Greyling, Silobestuurder
Groenebloem en Albert Cawood, Streekbestuurder
Graan, voor die vergadering met Albert Whitfield en
Hennie Venter gesels.
“As boere nie hulle aanplantings gaan
afskaal nie, gaan Suid-Afrika homself in
‘n pryskatastrofe in plant,” het hy
gewaarsku. Christo het ook die belangrikheid
van opsiestrategieë beklemtoon.
“Bou vir jou ‘n vloerprys in die
transaksie in, maar hou die bokant
oop,” is sy raad.
Jaco Botha, Bestuurder Graanbedryf, het
oor spesifieke bedryfsreëlings en
die koringgraderingstelsel wat sedert
1 Oktober verander het, gesels. Die
sonneblomvogbasis wat gaan verander,
is ook bespreek.
Floris en Ikerd Pretorius het die jongste graanpryse met
Arnold Wessels (Graanverkryger), Bennie van der
Westhuizen en Nico van Rensburg, Silobestuurder
Viljoenskroon, bespreek.
Graan-nuus in kort
vog gehef word. Ander gewasse, soos
kanola, se vogpersentasie is reeds
afwaarts na 8% aangepas.
Ontvangspunte vir koring verander
Koringprodusente moet daarop let dat
koring nie vanjaar by Vierfontein, Attie en
Allanridge silo’s gelewer kan word nie.
Volgens Faan Schoeman, Bestuurder
Graanhantering, is die stap gedoen
omdat die nuwe koringgraderingstelsel
en die relatief lae tonnemaat koring in dié
distrikte dit onekonomies maak om koring
in die spesifieke silo’s te berg. “’n Silobuis
kan 4 500 ton koring berg. Met die nuwe
koringgraderingstelsel beteken dit dat die
verskillende grade, daar is tans vyf grade,
in verskillende buise geberg moet word.
Dit is onekonomies om byvoorbeeld
500 ton koring in ‘n buis te berg,” sê Faan.
Die alternatiewe silo’s waarby produsente
in die omgewings kan lewer, is Viljoenskroon,
Kroonstad en Odendaalsrus. Die
ander koringontvangspunte is dieselfde as
in die verlede.
Is u kontrak al
geteken?
Produsente het tot 29 Februarie 2004
geleentheid om ‘n Senwes opbergingskontrak
te onderteken. Die ooreenkoms,
wat die reëls en regulasies tussen die produsent
en Senwes bevat, kan by die
naaste silo voltooi en onderteken word.
Vir enige navrae kan Ben Kleinhans,
Bestuurder Graan Administrasie, by
(018) 464-7610 geskakel word.
Senwes Mobile
vervang 12:00
se SMS’e
Graanbemarking se daaglikse SMSboodskappe
om klante in kennis te stel
van die die dag se Safex-verhandelingspryse,
word vanaf Januarie 2004 vervang
met ‘n stelsel waar die klant op ‘n tyd van
sy keuse via Senwes Mobile toegang tot
intydse prysinligting kan kry. Klante sal
pryse, soos in die verlede, een keer per
dag gratis via die stelsel kan kry.
Die huidige SMS-diens om 12:00 bereik
produsente te laat om transaksiebesluite
te neem terwyl Senwes Mobile onmiddellike
toegang tot intydse landbou-inligting
per selfoon verskaf - inligting wanneer u
dit nodig het, enige tyd van die dag.
Hoewel een daaglikse toegang tot
markpryse gratis sal wees, is ‘n meer
gereëlde frekwensie moontlik, maar teen
‘n kosteverhalende basis. Die koste
beloop tans 30c per navraag.
Volgens Christo Booyens, Bestuurder
Graanbemarking, word die Senwes
Mobile-diens op ‘n spesifieke selnommer
en handstuk geregistreer. Indien u nie
reeds daarvoor geregistreer is nie, kontak
u naaste Graanverkryger of besoek die
Senwes webterrein by www.senwes.co.za
vir meer inligting.
SMS-boodskappe sal steeds aangewend
word vir spesiale aankondigings of kennisgewings
van Senwes Graan.
“’n Fout word nie die waarheid
omdat meer mense dit propageer
nie; so word die waarheid ook
nie ‘n leuen omdat niemand
dit raaksien nie.”
- Mohandas K. Gandhi
[Desember 2003] Senwes Scenario 3

HANDEL
Hoe werk die voorraadbestuurstelsel?
Uitvoorraad-situasies by winkels is dikwels vir klante ‘n bron van frustrasie. Scenario het
met Kevin Smit, Sr Kategoriebestuurder en Natasha de Swardt, Voorraadkontroleur by
Hoofkantoor, gaan gesels om te hoor hoe voorraadbestellings gedoen word.
“Die SAP-stelsel verwerk maandeliks ‘n
vooruitskatting wat op die afgelope drie
jaar se verkoopsgeskiedenis gebaseer is.
Desember se verkope van bv. 2000, 2001
en 2002 kan vergelyk word, asook die
verkope van die afgelope ses maande.
Sodoende kan ‘n afname of toename in
verkope vasgestel word.
“Die afgelope drie maande se werklike
verkope word teenoor die gegewe tydperk
se werklike vooruitskatting gemeet.
Items met die grootste persentasieafwykings
van verkope en vooruitskattings
word op ‘n maandelikse basis aan
die winkels deurgegee om die vooruitskattings
te kontroleer. Dit is baie belangrik
dat die verkoopsklerke en ander
winkelpersoneel deeglik bewus is van
klante se behoeftes, verandering in
seisoene, promosies en nuwe produkte
wat gelys word.
“Die vooruitskatting word daarna deur
die Dienssentrum en Hoofkantoor se
onderskeie voorraadkontroleurs nagegaan
ten einde ooglopende afwykings
te identifiseer voordat dit finaal goedgekeur
word.
“Die aantalle wat bestel moet word, word
weekliks programmaties bepaal deur die
volgende aspekte in ag te neem: vooruitskattings,
veiligheidsvoorraad (buffervoorraad),
leitye van verskaffers, verpakkingseenhede
asook die huidige
voorraad. ‘n Voorgestelde bestelling word
per winkel per verskaffer opgebou. Die
winkel kontroleer en aktiveer dan weekliks
die voorgestelde bestellings en die
Klerksdorp durf die buitelewe aan
‘n Volledige reeks mansklere is sedert Oktober vanjaar by Klerksdorp winkel beskikbaar.
Volgens Earl Smiles, Winkelbestuurder, huur die onderneming Outdoor &
Clothing uitstalruimte in die winkel.
“Klerksdorp winkel is tans besig om hul buitelewe reeks uit te brei en Outdoor &
Clothing se klere- en skoenreekse sluit van die bekendste handelsname in. Ons hou
ook ‘n verskeidenheid kampeertoerusting aan en beplan om ons reeks in die toekoms
uit te brei,” sê Earl.
Aankope kan kontant of per kredietkaart gedoen word terwyl klante van Senwes op
rekening kan koop.
• Vrae wat pla • Vrae wat pla • Vrae wat pla •
Vraag: Kan eksterne parasiete werklik
my kudde se prestasie benadeel?
Antwoord: Volgens George Cox van
Bayer is ‘n parasiet iets of iemand wat vat
sonder om terug te gee. Dit is ‘n baie
goeie beskrywing van bosluise. Nie net
steel hulle bloed nie, maar steel daardeur
produksie (groei) en veroorsaak bytwonde
wat sekondêr besmet kan word
deur bakterieë (absesse). Brommermaaiers
(spykerwurm) kan in hierdie
wonde oorleef. Boonop dra hulle siektes
(bv. hartwater en galsiekte) oor en skei
toksiene af wat sweetsiekte en paralise
kan veroorsaak.
‘n Weldeurdagte bestuursprogram is
nodig om die pes effektief te beheer.
Tradisioneel is dipstowwe as die oplossing
gesien omdat doeltreffende bosluisbeheer
die beeste nie net van ‘n las verlos
het nie, maar tersefdertyd die verspreiding
van die belangrikste siektes bekamp.
4 Senwes Scenario [Desember 2003]
Net soos ‘n entstof wat elke jaar toegedien
moet word, is dit egter nodig dat
beeste deur besmette bosluise gebyt
moet word om hul immuniteit teen siektes
wat in u area voorkom, te behou.
Bosluise moet dus beheer word en nie
uitgeroei word nie. Dip slegs wanneer
nodig – onthou egter dat daar vir elke
volgesuipte wyfie ± 140 onvolwasse,
honger volwasse en manlike bosluise op
die dier teenwoordig is. ‘n Erge besmetting
kan binne dae tot vrektes, as gevolg
van bloedarmoede, lei.
Natuurlike beheermetodes soos renostervoëltjies,
droogtes en koue moet in ‘n
aanhoudend veranderende bestuursprogram
ingebou word. Besoek gerus u
naaste Senwes winkel vir nommer een
oplossings in die beheer van bosluise.
* Lesers kan vrae wat hulle plae aan Estie Steyn by
Infoworks stuur. Stuur ‘n faks na (018) 468-7782 of
e-pos na infowrks@senwes.co.za. ‘n Deskundige sal
gevra word om die vrae te beantwoord.
bestellings word by Hoofkantoor gedruk
waarna dit na die verskaffers gefaks of
elektronies (EDI) deurgestuur word.
Aflewering geskied direk by die winkels.
“Sou ‘n klant ‘n item, wat Senwes nie
aanhou nie, wou bestel, kan die winkel
‘n bestelling direk by die verskaffer
plaas. Noodbestellings vir voorraaditems
wat buite ons normale verkoopbehoeftes
val, kan telefonies gedoen
word,” sê Natasha.
Hierdie bestuurstelsel het ten doel om
oortollige voorraad waarop rente betaal
word en waarde vernietig word, te ondervang
en terselfdertyd te verseker dat
voorraad wat gereeld verkoop geredelik
beskikbaar sal wees.
Voldoende bestuursinligting is tot die
beskikking van die winkelpersoneel om te
verseker dat kritiese voorraad altyd
beskikbaar sal wees.
Blink idees vir
Kersfees
Senwes se gewilde Kerspromosie
word vanjaar vanaf 28 November tot
20 Desember by al die Senwes winkels
gehou.
Volgens Ivan Collins, Produkbestuurder,
fokus Senwes vanjaar op produkte vir die
doen-dit-self-entoesias, sowel as produkte
spesifiek vir die boer. Die promosieprodukte
sluit in: kraggereedskap,
verkykers, messe, veemiddels, tuinmiddels,
verf, hardeware, koeldrank en
buitelewe produkte.
Kyk gerus uit vir Senwes se Warm
Waarde-plakkate in die winkels. Pamflette
met spesiale Kersfeespryse sal ook
uitgedeel word.
Kyk uit vir die Warm Waarde-plakkate in die winkels en
koop hierdie jaar ‘n handige Kersgeskenk vir jou geliefde.
BREEK NUWE GROND SENWES

HANDEL
“Senwes beperk sodoende sy risiko en beskerm aandeelhouers se belang. Verlede jaar
was Senwes se omset in tjekbesigheid byvoorbeeld R1,2 miljard gewees. Sedert die
stelsel geïmplementeer is, het die gemiddelde aantal tjeks wat as gevolg van onvoldoende
fondse deur banke teruggestuur word, afgeneem. Die verskerpte bankwette
verplig ons ook om strenger hierna te kyk.
“Klante kan by Senwes se handelswinkels aansoek doen vir ‘n CGS-kaart. Dit kan die
bedieningstyd by die verkoopspunte bespoedig,” sê hy. Kontak gerus u
Winkelbestuurder indien u vir so ‘n kaart aansoek wil doen.
SENWESKO VOERE
Senwesko Voere het vanjaar verskeie nuwe produkte aan die mark bekend gestel. Die
Nutri Lek Fosfaat-produkreeks, wat gedurende September bekend gestel is, verseker
dat diere die optimale fosfaataanvulling ontvang om hulle minerale status ná die winterseisoen
op te bou vir optimale produksie en reproduksie.
Die Nutri Melk-reeks verhoog melkproduksie en verbeter melksamestelling. Die resultaat
is ‘n hoër melkprys per liter en ‘n hoër totale melkinkomste. Scenario het van die
bekendstellingsfunksies in die gebied bygewoon.
BREEK NUWE GROND SENWES
Tjeks moet
geverifieer word
Alle klante wat kontantaankope by die handelswinkels doen en per tjek betaal se tjek
moet deur Check Guarantee Services (CGS) geverifieer word. Volgens Johan
Schoeman, Bestuurder Handel Administrasie, word dit gedoen om die verlies aan
inkomste weens nie-invorderbare tjeks minder te maak.
Nuwe produkte voer die botoon
Van die Theunissen-boere wat die Nutri Lek Fosfaat bekendstelling in Kroonstad bygewoon het, was: Theuns Wessels,
Marietjie Janse van Rensburg, David Whitfield (van Viljoenskroon), André van Zyl en Manus Janse van Rensburg.
By die Nutri Melk bekendstelling vroeër vanjaar in Klerksdorp was: Hennie Schickerling (Delareyville), Gustavo Napoli
(Cargill Animal Nutrition), Schalk Nezar, Loutjie Rootman (albei van Ottosdal) en Piet Transvaal (Wolmaransstad).
Baie geluk
Baie geluk aan die volgende klante wat
pryse in die Gud filterpromosie gewen het:
A.L.L. Piater van Heilbron: Kompressor
J.A.G. Beukes van Ottosdal: Weberbraaier
A. de Beer van Sasolburg: Cadac tent
Die promosie is gedurende Augustus by
al die winkels gehou en klante wat R100
of meer spandeer het, het ‘n kans gestaan
om ‘n prys te wen.
Handel wil
markaandeel
terugwen
Handel is tans besig met ‘n aggressiewe
veldtog om besigheid wat die afgelope
paar jaar van Senwes af weggevloei het,
terug te gaan haal. Groot klem word
daarop gelê om Senwes se verlore
markaandeel terug te wen.
Volgens Frans du Plessis, Hoofbestuurder
Handel, behoort klante
Handel se personeel reeds meer diensgedrewe
te ervaar. “Ons wil deur
dienslewering die algemene inkopieervaring
van die klant verbeter,” sê Frans.
“Ons visie is om die voorkeur verskaffer
van landbou- en insetprodukte vir produsente
te wees en om suksesvol binne
ons huidige markgrense te wees,” is sy
woorde. “Senwes is reeds besig om, met
die hulp van die Klantediensbestuurders,
die besigheid terug te vat plaas toe.”
Klante is welkom om Senwes se klantedienslyn
tolvry te skakel by 080 941 4011
met enige voorstelle, gedagtes of klagtes.
“Waaraan dink jy so diep?”
“Ek droom daarvan om
R5 miljoen per maand te
verdien – nes my pa.”
“Verdien jou pa R5 miljoen
per maand?”
Nee, hy droom ook daarvan.”
---------------------
‘n Man stap by die dokter se
spreekkamer in met ‘n
komkommer in sy neus,
‘n wortel in sy linkeroor en ‘n
piesang in sy regteroor.
“Wat’s fout met my?” vra hy.
Dokter: “Jy eet nie ordentlik nie.”
[Desember 2003] Senwes Scenario 5

FINANSIËLE DIENSTE
Aid to cattle farmers
after mortalities
Senwes and Senwesko Voere jointly donated approximately four tonnes of energy
blocks for cattle to tribes in the Northwest Province who suffered cattle mortalities
after the recent heavy rain and subsequent low temperatures.
The blocks, known as Nutritub energy
blocks, with a value of R10 000, were formally
handed over to six tribal leaders in
the trust areas of Welgevonden, Tsetse,
Mogopa, Boikhutso, Goedgevonden and
Appeldraai, in the district of Ventersdorp.
The tribes lost an estimated 250 heads of
cattle due to the harsh weather conditions.
Ina van Rensburg Inligtingsdienste
Reënvalneerslae aangeteken
Die reënval vir Augustus tot Oktober was
net 49,7% van die langtermyn gemiddeld,
met Wolwehoek die meeste teen 60,3%
en Koppies die minste teen 1,8%.
Vooruitskouing
Uittreksel uit: Mielievisie No 51 – Inligting vervat
tot 27/10/2003. Saamgestel en uitgereik
deur Enviro Vision (Johan van den Berg by
082 374 4692) in samewerking met die Instituut
vir Grond, Klimaat en Water van die Landbounavorsingsraad.
Seetemperature in die Stille Oseaan is
ietwat warmer as normaal en indien dit
nog gaan styg, kan dit as El Niño geklassifiseer
word. Indien die ontwikkeling versterk
binne die volgende maand kan dit,
as gevolg van die tyd van ontwikkeling,
reënvaltoestande baie ernstig benadeel.
6 Senwes Scenario [Desember 2003]
“In Senwes’s commitment to emerging
farmers the focus is placed on crop production,
but also on cattle farming. The
loss of cattle was a heavy blow to these
farmers and Senwes is serious about
extending a helping hand,” says Christo
Morrison, General Manager Financial
Services.
The four tonnes of energy blocks jointly donated by Senwes and Senwesko Voere is a product from the popular Nutritub
range. The product (seen in the foreground) is manufactured and marketed by Senwesko on a national level.
Also present at the handing over of the donated energy blocks, were: Theuns Wessels (Senwesko Voere), Johannes
Yelani (vice-captain of the Appeldraai tribe), Custaff Sekgala (Senwes Emerging Farmer Project Co-ordinator) and
Johan du Toit (Manager of Senwes Legal and Agricultural Services).
El Niño-verskynsel nog neutraal
Indien die El Niño-ontwikkeling sou voortduur
tot ‘n volskaalse El Niño in die volgende
maand, kan dit reënvalvooruitsigte
met 20% - 50% verlaag.
Desember 2003 en Januarie 2004: Die
kans om ten minste die normale reënval
te kry, is gemiddeld.
Februarie 2004: Dit lyk tans na die
maand wat die beste kans het om ten
minste die normale reënval te kry.
Maart en April 2004: Die kanse vir reën
lyk normaal tot ondernormaal, veral na die
weste, maar normaal tot bonormaal na
die noorde in April.
Min grondvog veroorsaak steeds dat, indien
normale reënval voorkom, dit dalk nie
genoeg kan wees vir ‘n normale oes nie,
veral in die sentrale en weste kant.
* Senwes beroep hom op ‘n vrywaring van
aanspreeklikheid.
Regering kyk na
beginnerboere
‘n Afvaardiging van die Departement van
Landbou het op Donderdag 6 November,
op uitnodiging van Senwes, die onderneming
besoek.
Tydens die besoek het Senwes ‘n aanbieding
oor hul betrokkenheid en rol by
beginnerboer-ontwikkeling en landbouhervorming
aan die departement gedoen.
Verskeie fasette van Senwes se besigheidsplan
ten opsigte van beginnerboerontwikkeling,
doelwitte en vordering
daarmee is deur die betrokke Hoofbestuurders
bespreek. Nouer samewerking
tussen die twee instansies word as
prioriteit beskou om lewensvatbare beginnerboer-projekte
maksimaal te ondersteun.
Besoek is ook aan Israel Motlhabane van
Wesselsbron, ‘n suksesvolle beginnerboer
waarby Senwes betrokke is, gebring.
Johan Dique (Besturende Direkteur), Masiphula
Mbongwa (adjunk direkteur-generaal: Landbouekonomie
en besigheidsontwikkeling) en Attie Swart
(assistent-direkteur-generaal: Handel en besigheidsontwikkeling)
gesels oor Senwes se rol in beginnerboerontwikkeling.
• In kort • In kort •
KVP nou ook vir beginnerboere
Beginnerboere kan vanjaar ook aansoek
doen vir Senwes se kontrakversekeringsplan
(KVP). Dié aankondiging is onlangs
deur Christo Morrison, Hoofbestuurder
Finansiële Dienste, gedoen nadat Senwes
‘n gesamentlike KVP-ooreenkoms met
Mutual en Federal bereik het. Aansoeke
sal op ‘n ad hoc-basis hanteer word.
Belangstellende produsente kan hul
naaste Verhoudingsbestuurder vir meer
inligting kontak.
Finansier nou ook katoen
Produsente kan vanjaar vir die eerste
keer finansiering vir katoenproduksie
onder besproeiing bekom. Volgens Gerrit
van Zyl, Bestuurder Finansiering, kan
produsente in die Vaalharts-gebied nou
hiervoor aansoek doen. “Die somerproduksielening
is teen markverwante
rentekoerse beskikbaar en die normale
finansieringsvereistes geld,” sê hy.
Vir meer inligting kan Danie de Bruin,
Verhoudingsbestuurder Vaalharts, by
083 576 6240 of (053) 474-9600 gekontak
word.
BREEK NUWE GROND SENWES

MAATSKAPPYNUUS
Direksie stel Magashula
en Kahan aan
Senwes se Direksie het op 28 Oktober vanjaar besluit om George (Oupa) Magashula
(41) aan te stel as ‘n buite-direkteur en Charles Kahan (54) aan te wys as Finansiële
Adviseur van die Direksie. Beide persone het die aanstellings reeds aanvaar.
Benewens die verkose direkteure uit aandeelhouersgeledere
en die drie uitvoerende
direkteure (Johan Dique, Francois
Strydom en Japie Gouws), bestaan die
Direksie nou uit George en twee ander
buite-direkteure – John Roberts en Johan
Alberts. Hierdie direkteure word aangestel
in ooreenstemming met Senwes se statuut
juis vanweë die kundigheid wat hul na
die Direksie bring. Peet van Zyl tree op as
Regsadviseur en Charles Kahan as
Finansiële Adviseur van die Direksie.
Oupa beskik oor ‘n BSc-graad in Chemie,
‘n Nasionale Diploma in Analitiese
Chemie asook ‘n nagraadse kwalifikasie
in besigheidsbestuur. In sy loopbaan het
hy wye ervaring opgedoen op die
gebied van menslike hulpbronbestuur
by Nampak, Sun International SA,
United Distillers & Vintners en Anglo Vaal
Industries. Hy beklee sedert 2001 die
portefeulje van groep uitvoerende
beampte: Menslike Hulpbronne by
Telkom SA.
Charles, ‘n geoktrooieerde rekenmeester
met ‘n Hoër Diploma in Belasting, het tot
en met 1999 sy eie praktyk as ouditeur/besigheidskonsultant
bedryf – in
daardie stadium die grootste alleenpraktiserende
ouditeursfirma in Suid-Afrika.
Hy tree sedertdien as konsultant op vir
LPC Manhattan (Edms) Bpk – ‘n geregistreerde
borgmakelaar vir die JSE
Sekuriteitebeurs – namens wie hy werk
doen as besigheidsmakelaar, oornames
en samesmeltings fasiliteer en klein
en medium grootte ondernemings
konsulteer.
Senwes comes out tops at awards
At a recently held PMR function Senwes
received two diamond arrow awards.
PMR Intelligence did a survey to find the
region’s business and social generators
and rewarded Senwes as the best agricultural
and tractor dealer in the North
West Province’s Business Sector.
In another independent survey conducted
on a national scale Senwes was nominated
as one of the top 300 companies in
South Africa. As part of this honour a company
profile of Senwes was included in
the Food Producers and Processors category
of an upmarket portfolio which was
published recently.
Aandeleverhandeling in Oktober
Die volgende Senwes en Senwesbel aandele
het gedurende Oktober 2003
verhandel:
Aandele Prys Aantal verhandel
Senwes 69c 16 432
Senwes 70c 17 080
Senwes 80c 18 412
Senwes 87c 55 079
Senwes 89c 10 000
Senwes R1 30 000
BREEK NUWE GROND SENWES
Senwes was rewarded as the best agricultural and tractor
dealer in the North West Province’s Business Sector.
Frans du Plessis (General Manager Trade) and
Johan Dique (Managing Director) accepted the awards.
Aandele Prys Aantal verhandel
Senwesbel 50c 43 076
Senwesbel 60c 44 072
Senwesbel 61c 54 446
Senwesbel 78c 83 142
Belangstellende kopers kan Ansa van
Vuuren by die Senwes Verhandelingskamer
skakel by (018) 464-7105. Let ook
daarop dat die Verhandelingskamer ‘n
nuwe faksnommer het: (018) 464-2228.
Suid-Afrikaners word beslis sterker.
Tien jaar gelede kon net ‘n sterk man R20,00 se kruideniersware dra.
Vandag kan ‘n graad eentjie dit lag-lag doen.
Ons wil u help
Skakel Senwes se Klantedienslyn tolvry by
080 941 4011 indien u enige Senwes vrae,
klagtes of gedagtes het.
Senwes beleef
goeie halfjaar
In die ses maande tot 31 Oktober vanjaar
het Senwes ‘n netto wins van R51 miljoen
behaal. Die verwagting is dat die Groep
se wins vir die volle jaar tot April 2004 ‘n
aanvaarbare groei sal toon teenoor die
wins van die vorige jaar.
Japie Gouws, Direkteur Finansies, sê
bevredigende resultate is in die Graan,
Finansiële Dienste en Senwesko Voere
divisies behaal. Later as normale reën en
‘n groot versigtigheid by produsente
weens die lae graanpryse, het ‘n
negatiewe impak op verkope by die
Handel divisie en Profert Kunsmis gehad.
Goeie vordering is gemaak met die uitfasering
van nie-kernbedrywighede soos
Kolosus, Country Bird en Profert.
Die verwagte laer somergraanaanplantings
sal uiteraard ‘n impak hê op die
totale omvang van die Groep se
besigheid, maar veral by die Handel en
Meganisasie divisies.
“Die Direksie is tevrede dat Senwes
se herstelproses goed verloop. Sekere
herstruktureringsmoontlikhede word tans
ondersoek en daar sal mettertyd met aandeelhouers
daarook gekommunikeer
word,” het hy gesê.
* Die volledige sesmaande verslag is in
Afrikaans en Engels beskikbaar op die Senwes
webterrein by www.senwes.co.za.
Sekretaris moet weet
van oordragte
Aandeelhouers wat Senwes aandele
verkoop en oordra óf hul boedels herstruktureer
(m.a.w bates oordra na
byvoorbeeld trusts en/of ander regspersone)
moet Senwes Sekretariaat by name
Elmarie Joynt, Groepsekretaris, of Claudi
Smit, Oordragsekretaris, onverwyld daarvan
in kennis stel. Wanneer aandele
gekoop of verkoop word, moet die
transaksie ook formeel deur die kantoor
van die Sekretaris hanteer word.
Elmarie of Claudi kan gekontak word by
(018) 464-7121, claudi.smit@senwes.co.za
of stuur ‘n faks na (018) 464-2228.
Adresverandering moet ook aan
Sekretariaat gestuur word.
[Desember 2003] Senwes Scenario 7

Wen! Wen! Wen!
Desember spel somer, son en see: daardie tyd van die jaar wat
‘n man, as die mielies al mooi op die lande staan, vir ‘n paar dae
kus toe kan wegbreek. ‘n Leser kan hierdie sonsambreel, Camp
Master kouesak en 2,5 liter waterhouer ter waarde van R420
(sien foto) wen - net reg vir u volgende seevakansie.
Beantwoord slegs die volgende vraag: Watter artikel in die
tydskrif het u die interessantste gevind?
Stuur die koepon aan:
Infoworks (Aandag: Wanda Potgieter)
Postnet Suite 32
Privaat sak X10
Flamwood, 2572
Faks: (018) 468-7782
E-pos: info.iw@mweb.co.za
Tel: (018) 468-2716
Inskrywings, hetsy telefonies, per e-pos, faks of pos, moet ons
nie later as Vrydag 16 Januarie 2004 bereik nie.
Vorige wenner
WP Viljoen van Hoopstad was die wenner van die Oktoberuitgawe
se 3-in-1 Superysterpotjie.
[8 ] Senwes Scenario [Desember 2003]
R E D A K S I O N E E L
Senwes Scenario is 'n bedryfsinligtingsblad wat ses keer per jaar in opdrag van
Senwes Korporatiewe Bemarking deur Infoworks saamgestel en uitgegee word.
REDAKSIE:
Johan Grobler (018) 464-7199 • 083 409 5229 • johan.grobler@senwes.co.za
Johan Smit (018) 468-2716 • 082 553 7806 • johan.iw@mweb.co.za
Estie Steyn (018) 468-2716 • 083 490 9449 • infowrks@mweb.co.za
BLADUITLEG EN DRUK:
Infoworks (018) 468-2716
Inskrywingsvorm
Naam en van: _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
Senwes klantnommer: _ _ _ _ _ _ _ _ _ _ _ _ _ _ _ _ _ _ _ _ _ _ _ _
Adres: _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
Poskode: _ _ _ _ _ _ _ _ _ _ _ _ Tel: _ _ _ _ _ _ _ _ _ _ _ _ _ _ _
Antwoord: _ _ _ _ _ _ _ _ _ _ _ _ _ _ _ _ _ _ _ _ _ Bl. nr. _ _ _ _ _
Reëls
Slegs klante van Senwes mag aan die kompetisie deelneem. Personeel van Senwes mag
nie deelneem nie.
Die sluitingsdatum vir die kompetisie is Vrydag, 16 Januarie 2004.
Die prys kan nie vir kontant verruil word nie.
Alle regte van die inhoud van Senwes Scenario word voorbehou ingevolge Artikel 12(7) van die Wet op Outeursreg. Die eienaar
en uitgewer aanvaar nie aanspreeklikheid vir enige uitlatings deur skrywers of medewerkers nie.
“Kamp Senwes” lewer
glo kreatiewe planne op
Die Bokke se berugte Kamp Staaldraad is deur ‘n hele paar
mense kop toe gevat (selfs die DBV oorweeg stappe omdat die
spelers hul geveerde aandete moes nekomdraai in die naam van
spangees). Van vere gepraat: ‘n voëltjie vertel my dat Senwes se
Direksie en bestuurspan hul eie kamp gehad het om strategie te
beplan en te bepraat. Klink of dit darem net ‘n paar onkreatiewe
idees is wat daar nekomgedraai is…
Die verwagting is dat Kamp Senwes beter resultate sal oplewer
as Kamp Staaldraad. Dinge lyk vir Senwes reeds goed met die
sesmaande resultate op ‘n netto wins van R51 miljoen.
Ná Senwes herstel het, bied ‘n groeistrategie groot uitdagings.
Makro faktore - wat nie buite rekening gelaat kan word nie - is ook
tydens die beplanningsessie onder die vergrootglas geplaas.
Swart ekonomiese bemagtiging skep ‘n reuse-uitdaging vir
Senwes as landboubesigheid, maar in dieselfde asem ook vir
Senwes se klante wat uiteindelik ‘n telkaart (“score card”) ten
opsigte van voldoending aan swart bemagtiging in hul eie
boerdery-onderneming sal moet invul, of die gevaar staan om
moontlik teen gediskrimineer te word deur die regering.
Die feit bly: om deel te wees van die oplossing vir kommersiële
landbou se toekoms, is veel meer werd as om uiteindelik in ‘n
keuselose knyptang, wat deur grondhonger wetgewing afgedwing
word, vasgeknel te wees. ‘n Mens kan dit in jou hart hoop,
maar dié situasie gaan homself nie oplos nie. Ons moet met vernuftigheid
aanpas, of in die woorde van Japie Grobler, in effek
van ons kinders steel.
In die gees van al hierdie dinge, is Senwes se onlangse
aanstelling van mnr George (Oupa) Magashula as buite-direkteur
‘n eerste tree in dié nuwe rigting.
Dinge ook aan’t gebeur by Handel
Dit is mos darem nie ‘n geheim dat daar besigheid is wat buite
om Senwes vloei nie. Frans du Plessis, Handel se hoofman oor
honderd, en sy span is besig met inisiatiewe om hierdie
besigheid te gaan terugwen. Klink of ons boere nou ‘n skerper
fokus op klantediens en pakketaanbiedings kan verwag.
Handel se visie (so verstaan ek) is om die voorkeur verskaffer
van landbou- en insetprodukte vir produsente te wees, om suksesvol
binne die Senwes-gebied te wees en om die besigheid
terug te bring plaas toe. (Nota: Onthou om vir vroulief te waarsku
om die koffiewater gereed te hou vir die Senwes-manne.)
‘n Somerkersfees…
‘n “White Christmas” was iets wat vir my nog nooit ‘n bekoring
ingehou het nie – en dit kan in elk geval as rassisties beskou word
as ‘n boer van só iets droom. Nou wens ek maar vir ‘n somerkersfees
– en saam met die pragtige woorde van Jannie du Toit
se lied, wens ek vir ‘n somerkersfees sommer hier in die Senwesgebied
– en vir ‘n nat Januarie en Februarie. Ek hoop jy en jou
mense ervaar ook die Skepper se liefde vir ons in hierdie tyd.
BREEK NUWE GROND SENWES