You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Jeanne Boshoff<br />
Georganiseerde landbou<br />
maak sy stem dik<br />
Die omstrede uitspraak deur die landbouminister, me Thoko Didiza dat die regering<br />
wil afsien van die beginsel van “gewillige koper, gewillige verkoper”, het wye reaksie<br />
vanuit georganiseerde landbou en by politieke partye uitgelok.<br />
Die beginsel van gewillige koper en<br />
verkoper en die moontlikheid om hoë<br />
grondpryse deur staatsinmenging laer<br />
te dwing, was kernkwessies tydens die<br />
Nasionale Grondberaad wat in Augustus<br />
in Johannesburg gehou is.<br />
Didiza het dit bevraagteken of die<br />
gewilligheidsbeginsel markverwant is<br />
as die staat die enigste koper is. Sy het<br />
gevra of die beginsel die regering<br />
werklik met grondhervorming help,<br />
veral waar daar baie verkopers en net<br />
een koper is. “Die staat moet ‘n manier<br />
vind om die wyse waarop pryse bepaal<br />
word, te beïnvloed,” het sy gesê.<br />
Sy het na afloop van die beraad<br />
aan Agri TV gesê die regering is nog<br />
onseker of hulle die prysplafon-opsie<br />
gaan neem of nie.<br />
Mnr Glen Thomas, die direkteurgeneraal<br />
van grondsake, het kort voor<br />
die beraad gesê die beginsel van<br />
gewillige koper en verkoper is geneem<br />
om wit boere aan te moedig om hulle<br />
tot grondhervorming te verbind. “Na<br />
elf jaar van demokrasie is die meeste,<br />
indien nie alle swart Suid-Afrikaners<br />
nie, egter teleurgesteld omdat die<br />
boere hierin ‘n geleentheid vir selfverryking<br />
sou sien. Dit gebeur deur hulle<br />
aandrang op markverwante pryse vir<br />
hul grond wat baie keer kunsmatig<br />
verhoog word,” het hy gesê.<br />
Agri SA<br />
“Die verloop en uitkoms van die<br />
grondberaad het geen verrassings opgelewer<br />
nie”, sê mnr Lourie Bosman,<br />
voorsitter van Agri SA.<br />
“Ons sal ons standpunte oor die<br />
ononderhandelbaarheid van ‘n markgerigte<br />
bedeling verdedig,” het hy gesê.<br />
“Die gewillige koper, gewillige<br />
verkoper is die hoeksteen van ons<br />
benadering en slegs binne hierdie<br />
konteks sal ons die owerheid in die<br />
proses van ordelike grondhervorming<br />
steun. Ons sal ook na praktiese maniere<br />
kyk om dit toe te pas. Ons<br />
12 Senwester, September 2005<br />
betrokkenheid by die ontwikkeling<br />
van ‘n swart bemagtigingshandves<br />
getuig hiervan,” het Bosman gesê.<br />
Die weeklikse Agri SA Nuusbrief<br />
berig sommige van die provinsiale<br />
grondberade was swak georganiseer.<br />
Agri SA se affiliasies het ook nie oral<br />
spreekbeurte gekry nie. Radikale<br />
stellings is tydens die berade<br />
gemaak, soos dat die gewillige<br />
koper-verkoper beginsel nie werk nie<br />
en van afstand gedoen moet word,<br />
dat grondpryse te hoog is, dat daar ‘n<br />
grondbelasting ingestel moet word<br />
om pryse af te bring en die groottes<br />
van plase te beperk en dat die eiseproses<br />
weer heropen moet word.<br />
TLU SA<br />
Die Nasionale Grondberaad is die<br />
kulminasie van ’n veldtog wat in elke<br />
provinsie deur ’n mini-beraad voorafgegaan<br />
is, het mnr Willie Lewies, visepresident<br />
van TLU SA gesê. Hy sê by<br />
elkeen van dié mini-berade is daar<br />
voorbrand gemaak vir die afskaffing<br />
van die beginsel van gewillige verkoper<br />
en gewillige koper, die oopstel<br />
van die datum vir grondeise omdat<br />
die “armes” nie kan lees en skryf nie<br />
en daarom nie eise ingedien het nie,<br />
en die terugdraai van die 1913 datum<br />
tot die tydperk dat die blanke vestiging<br />
plaasgevind het.<br />
“Hoewel hierdie beginsels in ’n<br />
onderhandelde skikking bereik is en<br />
privaat eiendomsreg moet beskerm,<br />
staan dit in die pad van die sosialistiese<br />
benadering teen ’n vrye ekonomie.<br />
Dit is waarom landbouprodusente<br />
daarvan beskuldig word dat<br />
grondherverdeling nie vorder nie.<br />
“Verantwoordelike kommersiële<br />
landbou is ’n hoë risiko en klimatologies<br />
sensitiewe bedryf wat ’n impak<br />
maak op die basiese bestaan van<br />
elke persoon deur die lewering van<br />
voedsel om ondervoeding, wanvoeding<br />
en hongersnood te bekamp en<br />
gesondheid op ’n volhoubare mededingende<br />
en kommersiële grondslag<br />
in geglobaliseerde ekonomieë te verseker.<br />
Die Grondberaad moet die versekering<br />
kan gee dat kommersiële<br />
landbou sal kan voortgaan met sy<br />
verantwoordelikheid om bekostigbare<br />
en voldoende voedsel op die tafels<br />
van die Suid-Afrikaanse bevolking te<br />
bly plaas,” het mnr Lewies gesê.<br />
Graan SA<br />
Volgens Graan SA moet die beginsel<br />
van gewillige verkoper en koper, en<br />
dat geen plaas gedwonge onteien<br />
mag word nie, gerespekteer word.<br />
Dié organisasie het sy teleurstelling<br />
namens die graanbedryf uitgespreek<br />
oor die “ondeurdagte besluite” wat<br />
op die grondberaad geneem is.<br />
Volgens Graan SA sal groter toegang<br />
en deelname vir nuwe toetreders<br />
tot die graanbedryf slegs moontlik<br />
wees indien die beginsels van ‘n vryemarkekonomie<br />
in beleidsformulering<br />
deur die owerheid in stand gehou<br />
word; erkenning aan die vryemark<br />
waar vraag en aanbod pryse bepaal<br />
gegee word; en voldoende toegang<br />
tot ondersteuningsdienste, insluitend<br />
finansiering en voorligting, aan nuwe<br />
toetreders verleen word.<br />
Graan SA het ook versoek dat die<br />
volgende beginsels gerespekteer<br />
word wanneer grondhervorming en<br />
Nasionale grondeise<br />
Altesaam 822 315 ha kommersieel<br />
bewerkte grond is reeds<br />
oorgedra aan groepe eisers wie<br />
se reg op historiese grond herstel<br />
is. Nog 28 087 eise moet afgehandel<br />
word. Die mikpunt is om die<br />
uitstaande eise teen 2008/09 af te<br />
handel, en dat altesame 19 238<br />
daarvan teen die einde van<br />
2005/06 afgehandel moet wees.