You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
GRASnuus Oktober 2007<br />
Logika, rasionaliteit en bewysbaarheid<br />
deur fisiese waarneming binne ruimte en<br />
tyd is erkende maatstawwe vir<br />
wetenskaplike geldigheid vandag. Dit kan<br />
egter nie absolute norme wees nie. Dit sou<br />
ongeldig en irrasioneel wees omdat dit<br />
bekende werklikhede ignoreer.<br />
• George Ellis, bekroonde UK weten-<br />
skaplike, sê duidelik: “Overall, what<br />
we can say with any degree of<br />
certainty is strictly proscribed by<br />
observational limits…. We can say<br />
nothing about that which lies beyond<br />
RASIONALISME EN “DIE DINGE WAT ONS NIE SIEN NIE”<br />
the particle horizon. This region is unobservable<br />
by any method.”<br />
• Huidige sienings in Kwantum Fisika oorweeg die<br />
moontlikheid dat daar ‘n multi-al bestaan wat<br />
meervoudige heelalle, insluitend ons fisiese heelal,<br />
omsluit, met soveel as 11 bewese dimensies. Die<br />
hoër-orde dimensies, wat die 4 van ruimte en tyd<br />
oorskry, kan nie met ons sintuie waargeneem<br />
word nie.<br />
My vriend Barry Lessing het eenkeer gesê: Fisika<br />
bestaan blykbaar as wetenskap wat op realiteit gebou<br />
word. Maar wat van die Metafisika? Bestaan daar nie<br />
so iets nie? Met vrae soos:<br />
• Hoekom bestaan enigiets?<br />
• Wat onderlê die aard van fisiese wette (hoekom<br />
bestaan sulke wette hoegenaamd?)<br />
• Wat bepaal die aard van bogenoemde wette<br />
waaraan die heelal onderworpe is (hoekom lyk<br />
hulle soos hulle lyk?)<br />
beland fisika in die verleentheid. Fisika kan nie vrae<br />
oor sy eie bestaan beantwoord nie, rasionalisme<br />
eweneens ook nie. Rasionalisme is ‘n ideologie wat<br />
homself “boost” deur voor te gee dat dit in lyn en selfs<br />
direk ekwivalent aan Wetenskap is. Dit is onwaar. Die<br />
erkende wetenskaplike metode om groter vastigheid in<br />
kennisstelsels te ontwikkel, volg twee hoofprosesse om<br />
by antwoorde uit te kom:<br />
• Formulering van hipoteses wat deur waarneming/<br />
toetsing geëvalueer word om die mees waarskyn-<br />
deur Clem van der Walt<br />
4<br />
like/aanvaarbare veronderstelling(s) te<br />
bevestig en te konsolideer tot<br />
wetenskapsteorieë.<br />
• Fenomenologiese studie wat poog om<br />
dinge te verstaan en te definieer deur<br />
verskynsels en hulle manifestasie(s)<br />
waar te neem en te vertolk.<br />
Wetenskap bedoel dus dat hierdie<br />
ondersoekende prosesse ons tot ‘n helder,<br />
samehangende stel feitelikhede oor die aard<br />
en werking van alles in die heelal sal lei.<br />
Maar dit benut die funksie van hipoteses en<br />
metafore as interim stappe om by definisies uit te<br />
kom. Beide rasionalisme en wetenskap steun dus op<br />
rasionaliteit, feitelikheid, bewysbaarheid. Dog dit maak<br />
hulle nie ekwivalent nie, soos mense en ape beide<br />
primate is, maar dit nie ‘n mens direk=’n aap maak<br />
nie. Verder is die meeste wetenskaplike voorstellings<br />
metafore: verstaanbare uitbeeldings, nie fisiese foto’s<br />
van die werklike voorwerp nie, bv. voorstellings van<br />
die samestelling van DNA, atome ensovoorts.<br />
Rasionalisme bevraagteken die geldigheid van<br />
metafore en sien dit as bespiegelings.<br />
Rasionalisme se toepassing van wetmatige, ordelike<br />
rede, logika, feitelikheid, fisiese bewysbaarheid, is in<br />
spanning met “random/chaos theory” en ander<br />
aspekte van Kwantum Meganika<br />
Rasionalisme se stoei is met tradisionele geloof in ‘n<br />
mensagtige Superwese. Daarmee bots ek ook. Maar<br />
die Goddelikheid is nie ‘n wese nie – die ware<br />
Goddelikheid is ‘n onomskryfbare Entiteit van<br />
intelligente energie, ‘n Lewensbron waaruit die<br />
materiële heelal en lewensvorms ontstaan het. Het<br />
rasionaliste al moontlike manifestasies van so ‘n<br />
Entiteit met dieselfde ywer ondersoek as “donker<br />
materie”, “swart gate” en ander astrofiesiese<br />
verskynsels? Volgens die denke van verskeie<br />
hedendaagse wetenskaplikes maak die nuutste insigte<br />
in kwantum meganika (bv multi-al/multi-dimensionele<br />
werklikhede) die pad oop na versoening van geloof en<br />
wetenskap. Daar was onlangs ‘n dokumentêr oor<br />
wetenskaplike ontwikkeling en Einstein se bydrae<br />
daartoe. Daarin word beweer dat, as Einstein dieselfde