5 - Grasnuus

Recommendations

Info

GRASnuus Oktober 2007 Logika, rasionaliteit en bewysbaarheid deur fisiese waarneming binne ruimte en tyd is erkende maatstawwe vir wetenskaplike geldigheid vandag. Dit kan egter nie absolute norme wees nie. Dit sou ongeldig en irrasioneel wees omdat dit bekende werklikhede ignoreer. • George Ellis, bekroonde UK wetenskaplike, sê duidelik: “Overall, what we can say with any degree of certainty is strictly proscribed by observational limits…. We can say nothing about that which lies beyond RASIONALISME EN “DIE DINGE WAT ONS NIE SIEN NIE” the particle horizon. This region is unobservable by any method.” • Huidige sienings in Kwantum Fisika oorweeg die moontlikheid dat daar ‘n multi-al bestaan wat meervoudige heelalle, insluitend ons fisiese heelal, omsluit, met soveel as 11 bewese dimensies. Die hoër-orde dimensies, wat die 4 van ruimte en tyd oorskry, kan nie met ons sintuie waargeneem word nie. My vriend Barry Lessing het eenkeer gesê: Fisika bestaan blykbaar as wetenskap wat op realiteit gebou word. Maar wat van die Metafisika? Bestaan daar nie so iets nie? Met vrae soos: • Hoekom bestaan enigiets? • Wat onderlê die aard van fisiese wette (hoekom bestaan sulke wette hoegenaamd?) • Wat bepaal die aard van bogenoemde wette waaraan die heelal onderworpe is (hoekom lyk hulle soos hulle lyk?) beland fisika in die verleentheid. Fisika kan nie vrae oor sy eie bestaan beantwoord nie, rasionalisme eweneens ook nie. Rasionalisme is ‘n ideologie wat homself “boost” deur voor te gee dat dit in lyn en selfs direk ekwivalent aan Wetenskap is. Dit is onwaar. Die erkende wetenskaplike metode om groter vastigheid in kennisstelsels te ontwikkel, volg twee hoofprosesse om by antwoorde uit te kom: • Formulering van hipoteses wat deur waarneming/ toetsing geëvalueer word om die mees waarskyn- deur Clem van der Walt 4 like/aanvaarbare veronderstelling(s) te bevestig en te konsolideer tot wetenskapsteorieë. • Fenomenologiese studie wat poog om dinge te verstaan en te definieer deur verskynsels en hulle manifestasie(s) waar te neem en te vertolk. Wetenskap bedoel dus dat hierdie ondersoekende prosesse ons tot ‘n helder, samehangende stel feitelikhede oor die aard en werking van alles in die heelal sal lei. Maar dit benut die funksie van hipoteses en metafore as interim stappe om by definisies uit te kom. Beide rasionalisme en wetenskap steun dus op rasionaliteit, feitelikheid, bewysbaarheid. Dog dit maak hulle nie ekwivalent nie, soos mense en ape beide primate is, maar dit nie ‘n mens direk=’n aap maak nie. Verder is die meeste wetenskaplike voorstellings metafore: verstaanbare uitbeeldings, nie fisiese foto’s van die werklike voorwerp nie, bv. voorstellings van die samestelling van DNA, atome ensovoorts. Rasionalisme bevraagteken die geldigheid van metafore en sien dit as bespiegelings. Rasionalisme se toepassing van wetmatige, ordelike rede, logika, feitelikheid, fisiese bewysbaarheid, is in spanning met “random/chaos theory” en ander aspekte van Kwantum Meganika Rasionalisme se stoei is met tradisionele geloof in ‘n mensagtige Superwese. Daarmee bots ek ook. Maar die Goddelikheid is nie ‘n wese nie – die ware Goddelikheid is ‘n onomskryfbare Entiteit van intelligente energie, ‘n Lewensbron waaruit die materiële heelal en lewensvorms ontstaan het. Het rasionaliste al moontlike manifestasies van so ‘n Entiteit met dieselfde ywer ondersoek as “donker materie”, “swart gate” en ander astrofiesiese verskynsels? Volgens die denke van verskeie hedendaagse wetenskaplikes maak die nuutste insigte in kwantum meganika (bv multi-al/multi-dimensionele werklikhede) die pad oop na versoening van geloof en wetenskap. Daar was onlangs ‘n dokumentêr oor wetenskaplike ontwikkeling en Einstein se bydrae daartoe. Daarin word beweer dat, as Einstein dieselfde
GRASnuus Oktober 2007 toewyding en energie in oorweging van kwantum meganika gesit het as in sy bevegting daarvan, hy dalk ‘n deurbraak sou gemaak het na die werklikheidsbestaan van die goddelikheid. Hy het die laaste deel van sy lewe verkwis op ‘n futiele soeke na ‘n totale teorie vir alle dinge, en sy beeld groot skade berokken. Menslike rasionaliteit is beperk: ons kan nie eens die oorbevolking van olifante en ander ekologiese probleme oplos nie. Ons breinvermoë is te klein om die komplekse heelal holisties te begryp en te hanteer. Elke rasionele menslike ingryping versteur onbedoeld ander terreine van die ekologie, en die samehang van alle dinge in balans met mekaar. Kwantumnavorsing SINODE 5 se vordering op enige gebied was nog altyd op intuïsie en hipoteses gebaseer – bv. Einstein se teorieë. Rasionalisme ontken die werklikheid van die mens se ingeboude intuïtiewe kapasiteit. Wete deur intuïsie is nie irrasioneel en gelyk aan `n plat aarde mentaliteit nie. Dit is ‘n bewese weg om by geldige antwoorde uit te kom - mens moet net nie blindelings daarop handel met uitsluiting van rasionele prosesse en beoordeling van die effektiwiteit van resultate nie. Kwantum meganika bewys dat onvoorspelbaarheid en onsekerheid deel is van die werklikheid, en hierdie beginsel geld bepaald ook in die nadenke oor godsdiens en geloof. Van heinde en verre kom profete en oudstes byeen te vergader, met heenwoord en weerwoord in hete debat die Waarheid al verder te nader. Ons frivoleer en frolikeer, ons konstipeer en abdikeer tot ons, kompleet met hoog opskop, ons skamel eerbaarheid voor die wêreld paradeer. O wye, droewe God, vergewe, as dit kan, die dood in hierdie pot. P van Staden
Page 1 and 2: GRASnuus GRASnuus Volume 7, No. 5 D
Page 3: GRASnuus Oktober 2007 Die negentien
Page 7 and 8: GRASnuus Oktober 2007 Die volgende
Page 9 and 10: GRASnuus Oktober 2007 Sysies by die

5 - Grasnuus

You also want an ePaper? Increase the reach of your titles

Delete template?

Save as template?