TOELATINGSBELEID VAN DIE HOëRSKOOL OUTENIQUA VIR ...

TOELATINGSBELEID VAN DIE HOëRSKOOL OUTENIQUA VIR LEERDERS VAN GRAAD 8 TOT 12
BY DIE SKOOL
1. AGTERGROND
1.1 Die Hoërskool Outeniqua (“die Skool”) is ’n openbare skool met ‘n regspersoonlikheid kragtens
die bepalings van artikels 15 en 52 van die Suid-Afrikaanse Skolewet nr. 84 van 1996, soos
gewysig (“die SASW”), saamgelees met artikel 9(1) van die Wes-Kaap Skoolonderwyswet en
waarvan die beheer toevertrou is aan die Beheerliggaam genoem in artikel 16 van die SASW.
1.2 Die Beheerliggaam is kragtens die bepalings van artikel 5 van die SASW gemagtig om die Skool
se beleid rakende die toelating van leerders tot die skool en tot grade by die skool te bepaal,
onderworpe aan die bepalings van die SASW en die Wes-Kaap Onderwyswet.
1.3 Die Beheerliggaam neem deeglik kennis van die volgende statutêre bepalings wat verband hou
met die toelating van leerders tot die Skool of tot verskillende grade by die Skool (“die
bepalings”):
1.3.1 die Grondwet van die Republiek van Suid-Afrika vervat in Wet nr. 108 van 1996 (“die
Grondwet”), in die besonder artikel 28(2) wat as volg bepaal: “'n Kind se beste belang is van
deurslaggewende belang in elke aangeleentheid wat die kind raak”.;
1.3.2 artikels 3 (3), 3 (4) (i) en 5 van die Wet op Nasionale Onderwysbeleid nr. 27 van 1996 (“die
WNOB”);
1.3.3 die Toelatingsbeleid vir Gewone Openbare Skole, gepubliseer deur die Minister van
Opvoeding in Staatskoerant nr 19377, gedateer 19 Oktober 1998 (Kennisgewing nr. 2432/98)
(“die Ministeriële Beleid”);
1.3.4 die Ouderdomsvereistes vir Toelating tot ’n Gewone Openbare Skool, gepubliseer deur die
Minister van Opvoeding in Staatskoerant nr 19377, gedateer 19 Oktober 1998 (Kennisgewing
nr. 2433/98)
1.3.5 Wes Kaap Provinsiale Onderwyswet Wet 7 van 2000.
Bogenoemde artikels van wette is ter insae by die skool en ander opvoedkundige instansies.
1.4 Die Skool en sy Beheerliggaam verwys na die tersaaklike gedeeltes van die bepalings tot die
mate waartoe dit geldig en bindend op hulle is en voorrang mag geniet bo die Beheerliggaam se
bevoegdheid om die toelatingsbeleid van die Skool te bepaal, en is vas van voorneme om die
Skool se toelatingsbeleid ten volle te implementeer binne die raamwerk van die bepalings en
enige ander toepaslike bepalings wat van tyd tot tyd mag geld.
Die Beheerliggaam, namens die Skool, verklaar hiermee dat die Skool se Beleid vir die Toelating
van Leerders tot die Skool of tot die verskillende grade by die Skool (“hierdie Beleid”), die
volgende is:
H S O U T E N I Q U A 2 5 M e i 2 0 1 2
Bl 1

2. AANSOEKE OM TOELATING TOT DIE SKOOL EN KOSHUISE
2.1 Alle aansoeke om toelating tot die skool en koshuise moet namens die leerder deur sy/haar
natuurlike ouer/s of ander wettige voog/de of die persoon in wie se bewaring die leerder kragtens
hofbevel geplaas is, of ’n persoon deur eersgemelde persoon/persone skriftelik daartoe
gemagtig, gedoen word.
2.2 Aansoeke moet op die voorgeskrewe aansoekvorm gedoen word. Die vorms word deur die skool
verskaf. Aansoekvorms van die Hoërskool Outeniqua en koshuise (BTH en OMK) is by die skool
beskikbaar.
2.3 Die skoolhoof moet verseker dat ouers die nodige bystand verleen word om die aansoekvorms te
voltooi, en moet die ouers meedeel dat dit ’n oortreding is om ’n vals verklaring oor die leerder se
ouderdom te maak.
2.4 Benewens die aansoekvorm moet die volgende dokumente en/of inligting aan die prinsipaal as
verteenwoordiger van die Beheerliggaam voorsien word:
2.4.1 die oorspronklike dokument of ’n gesertifiseerde afskrif van die geboortesertifikaat of
identiteitsdokument van die leerder. Indien dit nie beskikbaar is nie, sal die leerder slegs
toegelaat word, hangende die verkryging van ’n afskrif vanaf die Departement Binnelandse
Sake binne DRIE MAANDE;
2.4.2 ’n gesertifiseerde afskrif van die identiteitsdokument, asook die naam, woonadres, werksadres
en alle telefoon-, faks- of posbesonderhede van elke persoon wat val binne die omskrywing
van “ouer” van die betrokke leerder in terme van die SASW;
2.4.3 ’n gesertifiseerde afskrif van die Hofbevel ter bewys van die voogdyskap of bewaring of enige
soortgelyke reg van die persoon (“ouer” soos in 2.1.) wat daarop aanspraak maak;
2.4.4 ‘n Bewys van woonadres
2.4.5 besonderhede van enige aanmeldbare siekte waaraan die leerder ly;
‘n Lys van aanmeldbare siektes aanheg. Adendum 1
2.4.6 Die volgende dokumente word ook vereis:
2.4.6.1 leerders wat van ander skole in die Wes-Kaap kom, moet ‘n SOBIS-sertifikaat inlewer;
2.4.6.2 leerders van ander provinsies moet ‘n oorspronklike oorplasingsertifikaat van die vorige
skool inlewer en ‘n SOBIS-registrasievorm voltooi wat deur die skool verskaf word;.
2.4.6.3 die jongste oorspronklike skoolrapport van die vorige skool;
2.4.6.4 ander soortgelyke dokumentasie van die vorige skool;
2.4.6.5 Indien ‘n leerder deur die loop van die jaar inskryf, moet portefeuljes en werkboeke van alle
vakke ingelewer word.
2.4.7 besonderhede van enige ernstige oortreding waaraan die leerder skuldig bevind was deur ’n
hof of ’n beheerliggaam van ’n vorige skool deur die leerder bygewoon;
H S O U T E N I Q U A 2 5 M e i 2 0 1 2
Bl 2

2.4.8 besonderhede van enige spesiale behoeftes wat die leerder mag hê ten einde sinvolle
onderrig by die Skool te kan ontvang. Indien ons nie aan die behoeftes kan voldoen nie, kan
die leerder nie geakkommodeer word nie;
2.4.9 besonderhede van enige toestand of omstandighede waarvan die Skool bewus moet wees ten
einde die beste belange van die leerder en/of die ander leerders van die Skool te verseker.
2.4.10 Waar die voornemende leerder drie of meer jaar ouer is as die normale ouderdom wat deur
die Wet of Regulasie voorgeskryf word, sal sodanige leerder nie aanvaar word nie. Leerders
sal nie toegelaat word nie as hulle ouderdom soos volg is nie: Gr. 8 – 17 jaar, gr. 9 – 18 jaar,
gr. 10 –19, gr.11 – 20 jaar en gr.12 –21 jaar.
2.4.11 Indien ‘n leerder toelating tot een van die koshuise wil verkry en daar is nie plek in die
koshuise nie, sal die leerder nie tot die skool toegelaat word nie.
3. TOELATING VAN NIE-BURGERS
3.1 Die SASW en hierdie Beleid is ook van toepassing op leerders wat nie burgers van die Republiek
van Suid-Afrika is nie en wie se ouers in besit is van ’n tydelike of permanente verblyfpermit,
uitgereik deur die Departement Binnelandse Sake.
3.2 ’n Leerder wat kragtens ’n studiepermit in die land is, moet die studiepermit tydens sy/haar
aansoek om toelating tot die skool voorlê.
3.3 Persone, geklassifiseer as onwettige vreemdelinge, moet, wanneer hulle aansoek doen om
toelating vir hul kind of kinders tot die Skool, bewys lewer dat hulle aansoek gedoen het by die
Departement Binnelandse Sake om hulle verblyf in die land te wettig ingevolge die Wet op
Vreemdelinge-Beheer nr. 96 van 1991.
4. VOORKEURORDE VAN TOEPASSING OP AANSOEKE OM TOELATING
4.1 As die Hoërskool Outeniqua die naaste skool is, word die leerder aanvaar indien hy/sy
skoolpligtend is. Indien ‘n leerder nader aan ‘n ander skool bly en nog steeds aansoek doen,
word daar na die leerder se akademie, sport, kultuur en gedrag gekyk. Die leerders wat egter
aansoek doen om tot die koshuis toegelaat word, moet eers deur die skool aanvaar word voordat
hy/sy in ‘n koshuis toegelaat word.
4.2 Die Hoërskool Outeniqua is ’n Afrikaansmedium skool waar Afrikaans die taal van onderrig is,
toegerus met ’n personeel om primêr te voorsien in die behoeftes van leerders wie se moedertaal
of onderrigtaal van keuse Afrikaans is.
4.3 Terwyl die Hoërskool Outeniqua en die Beheerliggaam daarvan bewus is dat hulle nie
onregverdig mag diskrimineer teen ’n leerder namens wie aansoek om toelating gedoen word
nie, en geensins van voorneme is om sodanig te diskrimineer nie, en terwyl hulle begerig is om ’n
rol te speel in die opvoeding van leerders in vennootskap met die Staat, aanvaar hulle dat die
Hoërskool Outeniqua nie alle leerders kan akkommodeer nie en dat een of ander proses van
geregverdigde onderskeid betreffende die toelating van leerders onvermydelik is. Derhalwe, in
die lig van bogenoemde, is dit die Hoërskool Outeniqua se beleid om die volgende voorkeure met
betrekking tot aansoeke om toelating tot die Hoërskool Outeniqua toe te pas:
4.3.1 Eerstens, broers en susters van leerders wat reeds by die Hoërskool Outeniqua ingeskryf is.
H S O U T E N I Q U A 2 5 M e i 2 0 1 2
Bl 3

4.3.2 Tweedens, leerders wat permanent by hul ouer(s) (soos omskryf in die SASW) binne die
Hoërskool Outeniqua se natuurlike voedingsbron woon en wie se moedertaal Afrikaans is.
4.3.3 Derdens, leerders wat permanent by hul ouer(s) (soos omskryf in die SASW) binne die Skool
se natuurlike voedingsbron woon en wie se gekose medium van onderrig (welke keuse deur
die ouer(s) uitgeoefen is in die aansoek om toelating), Afrikaans is.
5. REG VAN APPèL
Enige leerder of die ouer van enige leerder wat toelating tot die Hoërskool Outeniqua geweier is, mag na
die voorsitter van die beheerliggaam appélleer en as die aansoek dan nog nie aanvaar word nie, kan ‘n
ouer in terme van artikel 5(9) van die SASW na die LUK vir Onderwys in die Wes Kaap appélleer
6. LEERDERS MET SPESIALE ONDERWYSBEHOEFTES
6.1 Leerders met spesiale onderwysbehoeftes sal tot die Hoërskool Outeniqua toegelaat word mits
dit prakties uitvoerbaar is met verwysing na die Hoërskool Outeniqua se fasiliteite en indien dit
ook in die beste belang van die betrokke leerder asook ander leerders van die Hoërskool
Outeniqua is.
6.2 Waar die nodige fasiliteite om in die behoeftes van die betrokke leerder te voorsien nie
beskikbaar is nie, moet die prinsipaal die aansoek na die Hoof van Onderwys verwys ten einde
die leerder tot ’n gepaste openbare skool toe te laat.
7. TOELATINGSREGISTER
7.1 Die skoolhoof moet ’n toelatingsregister aanhou waarin alle toelatings van leerders tot die Skool
aangeteken word. Die register moet die naam, geboortedatum, ouderdom, identiteitsnommer
(indien van toepassing) en adres van die leerder sowel as die name, adresse en telefoonnommers
(indien van toepassing) van die leerder se ouers, soos gedefinieer in die SASW, bevat.
7.2 Inskrywings in die toelatingsregister moet gekontroleer word teen die geboortesertifikaat of
identiteitsdokument van die leerder.
7.3 Amptenare van die Wes-Kaapse Onderwysdepartement het insae in die toelatingsregister.
8. REGTE EN VERPLIGTINGE VAN OUERS
8.1 Die ouer(s) moet deur middel van hierdie Beleid kennis neem dat verpligte skoolgelde by die
Hoërskool Outeniqua betaalbaar is, deurdat die ouers die vorige jaar op ’n behoorlik
saamgestelde ouervergadering (waarvan ten minste 30 dae vooraf kennis gegee is) die
Beheerliggaam se voorgestelde begroting goedgekeur het en die bedrag van die skoolgelde
vasgestel het.
8.2 Die ouer(s) moet verder kennis neem dat die bogemelde ouervergadering ook maatstawwe en
prosedures goedgekeur het betreffende die algehele of gedeeltelike vrystelling van die betaling
van skoolgelde deur ouers wat nie finansieël in staat is om die skoolgelde ten volle te betaal nie.
Ouer(s) moet daarop let dat die gesamentlike bruto inkomste van almal wat binne die
omskrywing van “ouer” in die SASW val, by die oorweging van kwytskelding in ag geneem moet
word. Verdere besonderhede van gemelde maatstawwe en prosedures, asook die nodige
aansoekvorm, is by die skool beskikbaar.
H S O U T E N I Q U A 2 5 M e i 2 0 1 2
Bl 4

8.3 Afskrifte van die Skool se Gedragskode vir Leerders, asook hierdie Beleid, moet by die aansoek
om toelating op aanvraag aan die ouer(s) beskikbaar gestel word, en die ouer(s) moet deur
middel van hierdie daarop gewys word dat die leerder onderworpe is aan die Gedragskode,
ongeag of hy/sy of die ouer(s) dit onderskryf, kragtens artikel 8(4) van die SASW en artikel 32(3)
van die VSOW. Die ouers se aandag word daarop gevestig dat die Gedragskode ook ’n “Kode
van Regte en Pligte” bevat, waarin al die belanghebbendes van die Hoërskool Outeniqua se
regte en pligte uiteengesit word. Die gedragskode word jaarliks aan die einde van Februarie aan
elke ouerhuis gestuur.
9. DIE BEHEERLIGGAAM EN DIE LEERDERS VAN DIE SKOOL
9.1 Alle leerders is geregtig op die uitoefening van hul regte en onderworpe aan die nakoming van
hul pligte soos uiteengesit in die Hoërskool Outeniqua se Gedragskode vir Leerders.
9.2 Die Beheerliggaam beskou dit as sy plig om die opvoeders, leerders, ouers en nieopvoederpersoneel
van die Hoërskool Outeniqua teen fisiese en geestelike geweld te beskerm
met die volle magte tot sy beskikking, en om die fisiese, geestelike en morele welstand van
leerders te ontwikkel. Ten einde hierdie doelstelling te bereik, behou die Beheerliggaam die reg
voor om:
9.2.1 die dissiplinêre rekord van enige voornemende leerder van die Hoërskool Outeniqua te
bestudeer en om alle stappe binne sy bevoegdhede te neem om die toelating tot die
Hoërskool Outeniqua van ’n leerder wie se optrede of gedrag die bogemelde belange mag
bedreig, te voorkom;
9.2.2 teenstand te bied teen en die wysheid te bevraagteken van die plasing van ’n leerder in ’n
bepaalde graad in die Hoërskool Outeniqua indien die leerder ernstig benadeel sal word
weens sy/haar onvermoë om sinvol te kommunikeer of mee gekommunikeer te word op die
vlak wat nodig is vir behoorlike onderrig in die betrokke graad;
9.2.3 sodanige maatreëls as wat prakties moontlik is te tref, in ag genome die bepaalde
omstandighede by die Hoërskool Outeniqua , om ’n gestremde voornemende leerder tot die
Skool toe te laat;
9.2.4 van enige lid van die personeel, leerder of ouer te verwag om enige miskenning van daardie
regte en belange wat die Beheerliggaam poog om te beskerm, aan die Beheerliggaam te
rapporteer.
10. DIE OUERS EN DIE SKOOL/BEHEERLIGGAAM
10.1 Die ouer(s)/voog(de) van die leerder word versoek om die aangehegte toestemming te
onderteken, waardeur die personeel van die Hoërskool Outeniqua gemagtig word om in enige
noodgeval in die beste belang van die leerder op te tree of om die leerder se pyn of ongerief te
verlig, totdat die ouer(s)/voog(de) kan oorneem.
10.2 Die ouers van leerders van die Hoërskool Outeniqua beskik oor verskeie regte, en word in hierdie
verband verwys na die Kode van Regte en Pligte synde deel van die Gedragskode vir Leerders.
Onder andere het hulle die reg om geraadpleeg te word in die formulering van die Hoërskool
Outeniqua se taal- en godsdiensbeleid en Gedragskode, of enige wysiging daarvan.
10.3 Ouers word aangemoedig om betrokke te raak by al die werksaamhede van die skool, om
leerders by te staan met hul huiswerk en om toe te sien dat hul kind behoorlik toegerus is om ten
H S O U T E N I Q U A 2 5 M e i 2 0 1 2
Bl 5

volle in die leerproses te kan deelneem en om die Hoërskool Outeniqua stiptelik en gereeld by te
woon.
11. WYSIGING VAN BELEID
Hierdie Beleid kan van tyd tot tyd deur die Beheerliggaam gewysig of aangevul word.
GOEDGEKEUR DEUR
_____________________________ ________________________
CP VORSTER MNR. S. BRUWER
SKOOLHOOF VOORSITTER: BEHEERLIGGAAM
Datum
H S O U T E N I Q U A 2 5 M e i 2 0 1 2
Bl 6

ADENDUM A
AANMELDBARE SIEKTES
Akute flaksiede (slap) verlamming
Miltsiekte (Anthrax)
Maltakoors (brusellose)
Maagkoors (Cholera)
Oorerflike sifilis (vuilsiekte)
Krimse bloeiende Kongokoors of ander bloeiende koorse vanuit Arika
Witseerkeel
Voedselvergiftiging
B-tipe griep
Loodvergiftiging
Legioenkoors
Melaatsheid
Malaria
Masels
Meningitis (breinvliesontsteking)
Paratifoïedkoors
Pes
Vergiftiging deur landbougeneesmiddels - ek dink soos DDT bv.)
Polio
Hondsdolheid
Rumatiekkoors
Klem in die kaak (Tetanus)
Klem in die kaak van die pasgeborene
Bindvliesontsteking (tragoom)
Tering (Tuberkulosis – alle vorm daarvan)
Ingewandskoors (Tifoïedkoors)
Tifuskoors – besmetlike siekte veroorsaak deur luise,rotte vlooie
Geelsug (Hepatitis – tipe A en -B
Kinkhoes
Geelkoors
H S O U T E N I Q U A 2 5 M e i 2 0 1 2
Bl 7