Kennisgewing van AJV - Afgri

Kennisgewing van algemene jaarvergadering
bladsy 104
KENNIS geskied hiermee dat die Twaalfde Algemene
Jaarvergadering van aandeelhouers van AFGRI op Dinsdag,
26 Junie 2006 om 10:00 te AFGRI, Blok B2, Knightsbridge
Manor, Sloanestraat 33, Bryanston, gehou sal word om die
volgende aangeleenthede af te handel:
1 Om die Groep se fi nansiële jaarstate vir die jaar geëindig
28 Februarie 2007 te ontvang, aan te neem en goed te keur.
2 Om die interim kontantdividend van 10,05 sent per aandeel
wat in Desember 2006 betaal is, te bevestig.
3 Om die fi nale kontantdividend van 19,85 sent per aandeel
wat op 25 Junie 2007 betaalbaar is, te bevestig.
4 Om die volgende vier Direkteure wat ingevolge die
Maatskappy se Statute uittree, maar hulself herverkiesbaar
stel, deur ’n enkele besluit, aan te stel:
4.1 DD de Beer
4.2 JPR Mbau
4.3 MM Moloele
4.4 KL Thoka
Verkorte CV’s verskyn op bladsy 4 van die jaarverslag en die
heraanstelling van hierdie direkteure word deur die direksie
aanbeveel.
Aandeelhouers het die geleentheid om tot sewe (7)
tussenliggende dae voor die vergadering, nominasies vir
Direkteure in terme van die Statute in te dien. Volmagvorms
vir hierdie doel sal by die maatskappy se hoofkantoor,
Sloanestraat 33, Bryanston, op aanvraag verkrygbaar wees
vanaf 1 Junie 2006.
5 Om die vergoeding betaalbaar aan nie-uitvoerende
direkteure soos hieronder uiteengesit, goed te keur:
Direksie/ Komitee
Lid
Rand
Voorsitter
Rand
Direksie voorsitter 369 000
Direksie adjunk-voorsitter 322 875
Direksielid 123 000
Ouditkomitee 61 500 184 500
Vergoedingskomitee 49 200 73 800
Krediet-/Ander komitees 49 200 73 800
6 Om PricewaterhouseCoopers Ing as die ouditeure van die
maatskappy her aan te stel.
7 BESLUIT DAT die gemagtigde, maar onuitgereikte
aandelekapitaal van die Maatskappy onder die beheer van
die Direkteure geplaas is en word, wat hiermee gemagtig
word om sodanige aandele ingevolge en onderworpe aan
sodanige bepalings en voorwaardes, na goeddunke toe te
ken en uit te reik, maar spesifi ek beperk tot die toekenning
AFGRI Beperk Jaarverslag 2007
en uitreiking van aandele wat gedurende die jaar ingevolge
die aandele-aansporingskema vir werknemers aan sekere
werknemers en Uitvoerende Direkteure toegewys kan word
tot hoogstens 10% van die uitgereikte aandelekapitaal, soos
vantevore deur die aandeelhoeurs goedgekeur, maar altyd
onderworpe aan die volgende:
1. die maatskappy se Statute;
2. die bepalings van die Wet;
3. die Noteringsvereistes van die JSE; en
4. die bepalings en voorwaardes van die maatskappy
se aandele-aansporingskema, soos vantevore deur die
aandeelhouers goedgekeur.
Aandeelhouers word hiermee in kennis gestel dat die
werknemer aandele-aansporingskema tans 6,8% besit van
die uitgereikte aandeelkapitaal besit en by wyse van ‘n
vorige besluit, gemagtig is om tot ‘n maksimum van 15% van
die Maatskappy se uitgereikte aandeelkapitaal op enige
gegewe tyd te besit.
8 SPESIALE BESLUIT 1
“BESLUIT DAT die Direksie van die maatskappy deur
middel van ‘n algemene magtiging gemagtig word om
die verkryging deur die maatskappy of ‘n fi liaal van die
maatskappy van die uitgereikte gewone aandele van die
maatskappy, volgens sodanige bepalings en voorwaardes
en in sodanige bedrae wat die direkteure van tyd tot tyd
mag bepaal (“die Terugkoop”), maar onderworpe aan die
Statute van die maatskappy, die bepalings van die Wet en
die Noteringsvereistes van die JSE, wanneer toepaslik, te
vergemaklik, en met dien verstande dat:
• die terugkoop van sekuriteite deur middel van die
bestelboek wat deur die JSE-handelstelsel bedryf word,
ten uitvoer gebring sal word en sonder enige vooraf
verstandhouding of reëling tussen die maatskappy en die
teenparty gedoen sal word;
• hierdie algemene magtiging slegs tot die maatskappy
se volgende algemene jaarvergadering geld, met dien
verstande dat dit nie langer as 15 (vyftien) maande vanaf
die datum waarop hierdie spesiale besluit aangeneem
word, uitgestel mag word nie;
• by bepaling van die prys waarteen die maatskappy se
gewone aandele ingevolge hierdie algemene magtiging
deur die maatskappy verkry word, die maksimum premie
waarteen sodanige gewone aandele verkry mag
word, 10% (tien persent) sal wees van die geweegde
gemiddelde van die markprys waarteen sodanige
gewone aandele op die JSE verhandel word, soos oor
die 5 (vyf) besigheidsdae onmiddellik voor die datum van
die terugkoop van sodanige gewone aandele deur die
maatskappy bepaal;

• die verkrygings van gewone aandele in totaal in enige
enkele fi nansiële jaar nie 20% (twintig persent) van die
maatskappy se uitgereikte gewone aandelekapitaal vanaf
die datum waarop hierdie algemene magtiging verleen
word, oorskry nie;
• die maatskappy en die Groep in staat is om hulle skuld in
die gewone gang van sake vir die volgende 12 maande
terug te betaal;
• die gekonsolideerde bates van die maatskappy en die
Groep, synde billik gewaardeer, in ooreenstemming met
Internasionale Finansiële Verslagdoeningstandaarde, die
gekonsolideerde laste van die maatskappy en die Groep
vir die volgende 12 maande oorskry;
• die gewone kapitaal en reserwes van die maatskappy en
die Groep toereikend vir die volgende twaalf maande is;
• die beskikbare bedryfskapitaal toereikend is om die
bedrywighede van die maatskappy en die Groep vir die
volgende jaar voort te sit;
• by betreding van die mark om met die terugkoop te
begin, die maatskappy se borg die toereikendheid van
die maatskappy se bedryfskapitaal vir die doeleindes om
‘n terugkoop van aandele te onderneem, skriftelik teenoor
die JSE bevestig het;
• na sodanige Terugkoop, die maatskappy steeds aan
die Noteringsvereistes van die JSE met betrekking
tot die vereistes ten opsigte van die verspreiding van
aandeelhouers, sal voldoen;
• die maatskappy of sy fi liaal nie sekuriteite gedurende ‘n
verbode tydperk, soos in die Noteringsvereistes van die
JSE gedefi nieer word, sal terugkoop nie;
• wanneer die maatskappy kumulatief 3% van die
aanvanklike getal van die betrokke klas sekuriteite
teruggekoop het, en vir elke 3% in totaal van die
aanvanklike getal van dié klas wat daarna verkry word, ‘n
aankondiging gedoen sal word; en
• die maatskappy slegs een agent aanstel om enige
terugkoop/terugkope namens hom te doen.”
Die rede vir hierdie spesiale besluit is om aan die
maatskappy ‘n algemene toestemming te verleen sodat
hy/sy eie aandele kan bekom. Die algemene toestemming
sal geldig wees tot die vroegste van die volgende algemene
vergadering van die maatskappy en die verandering of
herroeping deur ‘n spesiale besluit op enige latere algemene
vergadering van die maatskappy, met die voorbehoud dat
dit nie later as 15 (vyftien) maande na die datum van hierdie
algemene vergadering is nie.
9 SPESIALE BESLUIT 2
“Dat die bewoording van die Artikels 44.1, 111, 112 en 113
van die maatskappy se Statute in totaliteit geskrap word en
met die volgende bewoording vervang word:
44.1 Onderhewig aan die voorsienings van die
Maatskappywet 61, van 1973, soos gewysig, sal ‘n
volmag skriftelik wees, of ingesluit per elektroniese
media, sonder voorbehoud, elektroniese aanlynstem,
elektroniese pos of faksimilee, deur die hand van die
persoon wat sodanige aanstelling doen of sy/haar
agent, wat ten volle bemagtig is.
111 Kennisgewings sal deur die maatskappy op elke
lid persoonlik bestel word of per pos gestuur word
in ‘n voorafbetaalde brief, koevert of verpakking
geaddresseer aan sodanige lid by sy/haar
geregistreerde adres of gestuur deur elektroniese pos
of faksimilee na sodanige geregistreerde adres.
112 Enige lid mag die maatskappy skriftelik in kennis stel
van ‘n adres, elektroniese posadres of faksimilee-
nommer. Sodanige adres sal geag sy/haar
geregistreerde plek of adres te wees en indien hy/sy
versuim om kennis te gee van sodanige adres, sal
hy/sy geag te wees sy/haar reg om kennisgewings te
ontvang, prys te gee.
113 Enige kennisgewings wat deur die maatskappy per pos
gestuur word, sal geag bedien te wees op die dag wat
die brief, koevert of verpakking wat die kennisgewing
bevat gepos is en deur hierdie diens te lewer, sal dit
genoegsame bewys wees indien die brief, koevert
of verpakking wat die kennisgewing bevat behoorlik
geaddresseer en gepos is. Enige kennisgewing wat
deur die maatskappy gestuur is deur elektroniese
kommunikasie of publikasie op ‘n webblad sal geag
bedien te wees op die dag nadat dit gestuur is. Bewys
dat die kennisgewing ingesluit is in ‘n elektroniese
kommunikasie uitgestuur ingevolge die riglyne van tyd
tot tyd vasgestel deur die direksie, sal behoorlike bewys
wees dat die kennisgewing bedien is.”
Die effek van hierdie resolusie is om die aandeelhouers die
geleentheid te bied om die maatskappy se kennisgewings
en kommunikasie elektronies te ontvang, indien hulle dit so
verkies asook om elektroniese stemming toe te laat in die
toekoms.
AFGRI Beperk Jaarverslag 2007 bladsy 105

Kennisgewing van algemene jaarvergadering (vervolg)
bladsy 106
Die JSE Noteringsvereistes vereis die volgende
openbaarmakings, waarvan sommige reeds elders in
hierdie jaarverslag getoon word, en waarvan hierdie
kennisgewingsvorm, soos hieronder uiteengesit, deel
vorm:
Direkteure en bestuur
Hoofaandeelhouers van die
bladsye 10 en 18
maatskappy bladsy 103
Direkteursbelange in sekuriteite
Aandelekapitaal van die
bladsye 42, 46 en 47
maatskappy bladsye 77 en 101
Litigasieverklaring
Ingevolge afdeling 11.26 van die Noteringsvereistes van
die JSE, is die Direkteure, wie se name op bladsy 10
van die jaarverslag, waarvan hierdie kennisgewing deel
uitmaak, verskyn, nie bewus van enige geregtelike stappe
of arbitrasieverrrigtinge, insluitend verrigtinge wat hangend
of dreigend is, wat ‘n wesenlike uitwerking op die Groep se
fi nansiële posisie kan hê of in die onlangse verlede, synde
minstens die afgelope 12 maande, gehad het nie.
Verklaring van direkteursverantwoordelikheid
Die Direkteure, wie se name op bladsy 10 van die
jaarverslag verskyn, aanvaar gesamentlik en afsonderlik
volle verantwoordelikheid vir die juistheid van die inligting
wat op hierdie besluit betrekking het en sertifi seer dat, na
hulle beste wete en oortuiging, daar geen feite bestaan wat
weggelaat is waarvan die weglating enige verklaring vals of
misleidend sou maak nie en dat alle redelike navrae gedoen
is om sodanige feite te bevestig en dat hierdie besluit alle
inligting bevat soos vereis word deur die Wet en die JSE
Noteringsvereistes.
Wesenlike verandering
Behalwe vir die feite en ontwikkelings waaroor in die jaarverslag
verslag gedoen word, was daar geen veranderings in die
bedryfs- of fi nansiële posisie van die maatskappy en sy fi liale
sedert die datum van ondertekening van die ouditverslag en die
datum van heirdie kennisgewing nie.
Die rede vir en uitwerking van hierdie spesiale besluit is om
‘n algemene magtiging aan die Maatskappy te verleen
om sy eie aandele te verkry, welke magtiging tot die
volgende algemene jaarvergadering van die Maatskappy
of die verandering of herroeping van sodanige algemene
magtiging deur spesiale besluit deur enige latere algemene
vergadering van die Maatskappy, wat ook al die vroegste
plaasvind, geld, met dien verstande dat dit nie langer
as 15 maande vanaf die datum van hierdie algemene
vergadering uitgestel word nie.
AFGRI Beperk Jaarverslag 2007
10 Om enige sodanige ander aangeleenthede af te handel wat
by ‘n Algemene Jaarvergadering afgehandel mag word.
“Aandeelhouers wat nie hulle aandele gedematerialiseer
het nie of wat hulle aandele met “eie naam”-registrasie
gedematerialiseer het, is geregtig om die vergadering by te
woon en daarop te stem en is geregtig om ‘n gevolmagtigde
of gevolmagtigdes aan te stel om dit by te woon, daarop te
praat en in hulle plek te stem. Die persoon wat so aangestel
word, hoef nie ‘n aandeelhouer te wees nie. Volmagvorms
moet ingedien word by Computershare Investor Services
2004 (Pty) Ltd, Marshallstraat 70, Johannesburg 2001,
Posbus 61051, Marshalltown, 2107, om hulle teen nie later
nie as om 10:00 op Vrydag, 22 Junie 2007, te bereik.
Volmagvorms moet slegs ingevul word deur aandeelhouers
wat nie hulle aandele gedematerialiseer het nie of wat hulle
aandele met “eie naam”-registrasie gedematerialiseer het.
By die opsteking van hande het elke aandeelhouer van die
Maatskappy wat persoonlik teenwoordig is, of by wyse van
volmag verteenwoordig word, slegs een stem. By ‘n stemming
met stembriefi es, het elke aandeelhouer van die Maatskappy
een stem vir elke aandeel wat sodanige aandeelhouer in die
Maatskappy hou.
Aandeelhouers wat hulle aandele gedematerialiseer het,
behalwe dié aandeelhouers wat hulle aandele met “eie
naam”-registrasie gedematerialiseer het, moet met hulle SSBD
of makelaar in verbinding tree op dié wyse en tydstip wat in
hulle ooreenkoms bepaal word:
• Om hulle stemopdragte aan hulle te verstrek; en
• Indien hulle die vergadering wil bywoon, om die nodige
magtiging te verkry om dit te doen.”
Op las van die Direksie van die maatskappy.
SL REYNOLDS (Me)
Groep Maatskappysekretaris
JOHANNESBURG
15 Mei 2007

Registrasienommer1995/004030/06
ISIN-kode ZAE 000040549
Aandeelkode AFR (“die maatskappy”)
AFGRI Beperk Jaarverslag 2007
Volmagvorm
Slegs vir gebruik deur aandeelhouers wat nie hulle aandele gedematerialiseer het nie of aandeelhouers wat hulle aandele met
“eie naam”- registrasie gedematerialiseer het. Alle ander aandeelhouers met gedematerialiseerde aandele moet met hulle SSBD of
makelaar in verbinding tree om die toepaslike reëlings met betrekking tot stemming en/of bywoning op die vergadering te tref.
Ek/Ons (drukskrif)
(Naam van aandeelhouer)
van (adres)
synde ‘n lid/lede van die Maatskappy, wat aantal aandele besit, stel hiermee
(naam van gevolmagtigde)
van (adres)
of by ontstentenis van hom, die Voorsitter van die vergadering as my/ons gevolmagtigde aan om my/ons op die Algemene Jaarvergadering van
die Maatskappy wat op Dinsdag , 26 Junie 2007 te AFGRI, Blok B2, Knightsbridge Manor, Sloanestraat 33, Bryanston, Sandton, om 10:00
gehou staan te word, of enige verdagings daarvan, te verteenwoordig, daarop te praat, en soos volg daarop te stem:
1 Om die fi nansiële jaarstate vir die jaar geëindig 28 Februarie 2007 aan te neem en goed te keur.
2 Om die betaling van die interim kontantdividend van 10,15 sent per aandeel te bevestig.
3 Om die betaling van die fi nale kontantdividend of 19,85 sent per aandeel te bevestig.
4 Om, deur middel van ‘n enkelbesluit, die onderstaande direkteure wat ingevolge die
maatskappy se Statute uittree, maar hulleself weer herverkiesbaar stel, her aan te stel:
4.1 DD de Beer
4.2 JPR Mbau
4.3 MM Moloele
4.4 KL Thoka
5 Om die vergoeding betaalbaar aan nie-uitvoerende direkteure goed te keur.
6 Om PricewaterhouseCoopers Ing as ouditeure her aan te stel.
7 Om die gewone besluit wat die onuitgereikte aandelekapitaal, vir aansporingskema-
doeleindes, onder beheer van die direkteure plaas, aan te neem en goed te keur.
8 Om spesiale besluit nr. 1 vir die algemene magtiging vir die terugkoop van aandele, te
magtig en goed te keur.
9 Om spesiale besluit nr. 2 om die Statute te verander, te magtig en goed te keur.
Ten gunste
van besluit
Dui asseblief by wyse van ‘n kruisie in die toepaslike spasie aan hoe daar namens u gestem moet word.
Teen
besluit
Buite
stemming
Geteken te op 2007
Handtekening

Aantekeninge by die volmagvorm
1 ‘n Aandeelhouer wat geregtig is om die Algemene
Jaarvergadering by te woon en daarop te stem, is geregtig
om een of meer gevolmagtigdes aan te stel om dit by
te woon, daarop te praat en in sy/haar plek te stem.
‘n Gevolmagtigde hoef nie ‘n aandeelhouer van die
maatskappy te wees nie.
2 Elke aandeelhouer wat persoonlik of by volmag teenwoordig
is en geregtig is om op die Algemene Jaarvergadering
van die maatskappy te stem, het by handopsteking slegs
een stem, ongeag die aantal aandele wat sodanige
aandeelhouer hou, maar in geval van ‘n stemming met
stembriefi es het elke gewone aandeel in die maatskappy een
stem.
3 Gedematerialiseerde aandeelhouers wat in hulle eie
name geregistreer is, is aandeelhouers wat Computershare
Custodial Services as hulle Sentralesekuriteitsbewaarplekdeelnemer
(SSBD) aangestel het met die uitdruklike opdrag
dat hulle aandele sonder sertifi kate in die elektroniese
subregister van aandeelhouers in hulle eie name geregistreer
moet word.
Instruksies vir die ondertekening en indiening van die
volmagvorm
1 ‘n Aandeelhouer mag die naam van ‘n gevolmagtigde of
die name van twee alternatiewe gevolmagtigdes van die
aandeelhouer se keuse invul in die ruimte/s wat voorsien
word, deur of sonder om “die Voorsitter van die Algemene
Jaarvergadering” te skrap, maar enige sodanige skrapping
moet deur die aandeelhouer geparafeer word. Indien dié
ruimte oopgelaat word, sal die Voorsitter van die Algemene
Jaarvergadering die volmag uitoefen. Die persoon wie
se naam eerste op die volmagvorm staan en wat op die
Algemene Jaarvergadering teenwoordig is, sal geregtig
wees om as gevolmagtigde op te tree met uitsluiting van
diegene wie se name volg.
2 ‘n Aandeelhouer se stemopdragte aan die gevolmagtigde
moet aangedui word deur die getal stemme wat deur die
aandeelhouer uitgeoefen kan word, in te voeg in die gepaste
ruimtes wat voorsien word. Versuim om dit te doen word
geag die gevolmagtigde te magtig om op die Algemene
Jaarvergadering na goeddunke te stem of buite stemming
te bly ten opsigte van al die aandeelhouer se stemme wat
uitgeoefen kan word.
AFGRI Beperk Jaarverslag 2007
‘n Aandeelhouer of sy/haar gevolmagtigde is nie verplig om
al die stemme wat deur sy/haar gevolmagtigde uitgeoefen
kan word, te gebruik nie, maar die totale getal stemme wat
uitgebring word en ten opsigte waarvan daar buite stemming
gebly word, mag nie die totale getal stemme wat deur die
aandeelhouer of deur sy/haar gevolmagtigde uitgeoefen
kan word, oorskry nie.
3 ‘n Minderjarige moet deur sy/haar ouer of voog bygestaan
word tensy die toepaslike dokumente ter stawing van
sy/haar regsbevoegdheid voorgelê word of reeds deur die
oordragsekretaris opgeteken is.
4 Om geldig te wees, moet volmagvorms by die
oordragsekretaris van die Maatskappy by Computershare
Investor Services 2004 (Pty) Ltd, Marshallstraat 70,
Johannesburg 2001, Posbus 61051, Marshalltown 2107,
ingedien word om hom teen nie later nie as om 10:00 op
Vrydag, 22 Junie 2007, te bereik.
5 Dokumentêre bewys ter stawing van die magtinging van ‘n
persoon wat hierdie volmagvorm in ‘n verteenwoordigende
hoedanigheid onderteken, moet by hierdie volmagvorm
aangeheg word tensy dit reeds deur die oordragsekretaris
opgeteken is of die Voorsitter van die Algemene
Jaarvergadering daarvan afsien.
6 Die invul en indiening van hierdie volmagvorm sal nie
die betrokke aandeelhouer daarvan weerhou om die
Algemene Jaarvergadering by te woon en daarop te praat
en persoonlik daarop te stem met uitsluiting van enige
gevolmagtigde wat ingevolge hierdie volmagvorm aangestel
word, indien sodanige aandeelhouer dit wil doen nie.
7 Die invul van enige oop ruimtes hoef nie geparafeer te
word nie. Enige veranderings of verbeterings aan hierdie
volmagvorm moet deur die ondertekenaar(s) geparafeer
word.
8 Die Voorsitter van die Algemene Jaarvergadering mag enige
volmagvorm wat anders as in ooreenstemming met hierdie
opdragte ingevul word, van die hand wys of aanvaar, mits hy
hom vergewis het van die wyse waarop ‘n aandeelhouer wil
stem.