NUUSBRIEF - Agrisa.co.za

More documents

Recommendations

Info

MAN KRY HARTAANVAL Ek wil net van hierdie geleentheid gebruik maak om dankie te sê vir die puik diens wat jul gelewer het. My man het 'n hartaanval op 'n plot naby die Wahlmansdal-afrit gekry. Ek het die nommer op my bandjie geskakel vir 'n ambulans. Hulle het onmiddellik 'n persoon gestuur wat solank my man gestabiliseer het tot die ambulans gearriveer het. Hy het die geval met soveel deernis hanteer en so mooi en kalm met my man gepraat en ons almal gekalmeer. Ek wil net baie dankie sê vir die hulp, anders sou my man dit seker nie betyds gemaak het nie. Ek wil ook die persoon bedank wat hom drie keer in die Intensiewesorgeenheid besoek het. Ons is baie dankbaar dat ons besluit het om by CrisisOnCall aan te sluit. – Annatjie (Sy het ook op 7 November haar verhaal op Radio Pretoria vertel.) Dankie aan Wynand Pretorius, paramedikus van Netcare911, wat Annatjie se man behandel het en ook gereeld in die hospitaal besoek het. – CrisisOnCall-bestuur. (CrisisOnCall beskik nie oor sy eie ambulanse nie. Die naaste geakkrediteerde beskikbare ambulansdiens word altyd gebruik om seker te maak dat waardevolle tyd nie verlore gaan nie.) VERDWAAL EN GEHELP Die omroeper Karen Zeelie beland tydens 'n vertoning langs een van CrisisOnCall se lede en deur hul CrisisOnCall bandjies, het hulle onmiddellik ŉ aanknopingspunt. Delien Vosloo vertel hoe sy altyd op Woensdae na die gesprek tussen Karen en CrisisOnCall luister. Delien het later die volgende e-pos aan Karen gestuur: “Ek het Paasnaweek na Kimberley gereis. By Kimberley se Ultra City besef ek dat my eindbestemming eintlik op die Douglas-pad is. As gevolg van pad- en straatveranderings, was ek nie seker hoe om te ry nie. (My padkaart verdeel ook net daar waarheen ek moet gaan.) Ek besluit om CrisisOnCall te skakel. Die persoon vra toe of ek ŉ “Blue Tooth” konneksie het. Ek bevestig, en hy vra dat ek my foon aanhou. Robot vir robot en draai vir draai lei hy my tot op die Douglas-pad! Daarna het ek weer geweet waarheen om te ry. Dankie CrisisOnCall!” ONS WAS EERSTE OP DIE TONEEL! Die volgende e-pos is van Tarien Cooks, BLS paramedikus ontvang. (Verwys na die artikel "Man kry hartaanval".) Graag vertel ek wat Vrydagaand (2 Nov) gebeur het. Ek en my man was tuis toe een van ons gemeenskapslede skakel en vertel dat daar by 'n perseel in ons omgewing ŉ persoon is wat ŉ hartaanval gekry het. In dieselfde asem sê hy die persoon het ŉ CrisisOnCall-bandjie aan. Ons vra vir die unieke nommer op die agterkant en laat spaander na die pasiënt. Op pad skakel ek CrisisOnCall en praat met Aileen by die oproepsentrum. Ek vra dat ŉ ambulans uitgestuur word en versoek mediese inligting van die pasiënt. (My eerste keer dat ek in dié verband skakel, wonderlike diens en terugvoer!) Aileen skakel terug met die nuus dat ŉ ambulans en paramedici van Netcare911 reeds op pad is. Iemand anders op die toneel (Annatjie) het vroeër geskakel. Wynand Pretorius (Gevorderde Lewensondersteuningsparamedikus) was kort na ons op die toneel en het onmiddellik met behandeling begin. Wynand het my gevra of ek by CrisisOnCall kon vasstel of die Zuid-Afrikaanse Hospitaal, waar die pasiënt se kardioloog is, ŉ landingsarea vir ŉ helikopter het sodat die pasiënt daarheen gevlieg kon word. CrisisOnCall het uitgevind en ook vasgestel waar die naaste beskikbare kardioloog was, aangesien die hospitaal nie ŉ landingsarea het nie. ŉ Kardioloog was by Montana Hospitaal beskikbaar wat ook baie naby aan die insident was - inligting wat ook deur CrisisOnCall verskaf is. KLEINIGHEDE MAAK 'N GROOT VERSKIL CrisisOnCall werk orals vir my! Ek het op 'n Saterdag by Metro in die Menlyn Retailpark gordyne gaan koop. My foon het gelui. Ek het my beursie op my motor se dak gesit, gordyne in die motor gelaai en skoon van die beursie vergeet. Na 15 min het CrisisOnCall my geskakel. 'n Man by die motorafslaers het my beursie sien val en opgetel. My geel CrisisOnCall kaartjie was daarin. Hy het julle gekontak en ek kon my beursie terugkry. My Koopkragkaart, kredietkaart, bankkaarte en heelwat kontant was in die beursie. Ek het alles teruggekry. Dit was naweek en ek sou gestrand wees tot Maandag. - Tilla Nel (Rippel 90.5 luisteraar)
DIT IS VAKANSIETYD! Desember is tradisioneel vakansietyd in Suid-Afrika. Almal is opgewonde en lus om ŉ jaar af te sluit met ŉ lekker vakansie, of dalk kom die kinders en/of kleinkinders kuier. Water is tog so aanloklik. Ons deel graag die volgende wenke om te verseker dat die vakansie nie in ŉ nagmerrie ontaard nie: • Wanneer jy in die see swem, swem altyd waar lewensredders is. Bly ook in afgebakende gebiede. • Maak seker dat kinders wat nie kan swem nie, nie maklik toegang tot die swembad kan kry nie. Hou ook enige kleurvolle items soos speelgoed uit die water – dit trek hulle aandag. • Gebruik altyd ŉ waterdigte sonbrandmiddel. Onthou, al is dit bewolk is daar steeds sonstrale wat jou vel bereik. • Vlakke van damme en riviere kan baie bedrieglik wees. Dit reën elders en skielik is die rivier in vloed. Handhaaf ŉ veilige afstand van die water. • Indien jy op die water roei of in ŉ boot ry, dra altyd ŉ veiligheidsbaadjie. Algemene wenke: • Bye kan baie maklik en ongesiens in 'n koeldrankblikkie klim. Probeer om nie uit 'n blikkie te drink wat buite gestaan het nie. • Maak altyd seker dat die omgewing waarin jy kuier veilig is. • Dra altyd jou CrisisOnCall bandjie. • Moet nooit kinders sonder toesig laat nie. Kinders verdrink in waterbakke, visdammetjies, fonteintjies, borrelbaddens, emmers, ens. • Maak seker dat almal (insluitende die huiswerker) ŉ noodhulpkursus bywoon. • Hou CrisisOnCall se nommer altyd byderhand sou die noodlot toeslaan. POSKANTOORSTAKINGS Die afgelope paar maande was gekenmerk deur stakings deur poskantoorwerkers. Hierdie stakings het ook die lewering van dokumentasie vanaf die CrisisOnCall administratiewe kantoor direk geraak. Die beleid by CrisisOnCall is om alle dokumentasie binne twee werksdae nadat die aansoekvorm of ander versoeke ontvang is, te pos. Indien u nie u bandjies en ander items binne tien werksdae ontvang het nie, word u versoek om dit asseblief by die volgende e-pos aan te meld: rsn@netactive.<strong>co</strong>.<strong>za</strong>. Hierdie is ook die amptelike e-pos adres van die administratiewe maatskappy, RSN, wat CrisisOnCall se administrasie hanteer. SAPAESA EN CRISISONCALL SAPAESA (South African Private Ambulance & Emergency Services Association) en CrisisOnCall het hande gevat ten einde te verseker dat privaat ambulansdienste ‘n goeie diens aan CrisisOnCall-lede verskaf. Hierdie organisasie bestaan reeds sedert 1994. Dit is hulle passie om seker te maak dat ambulansdienste nie onprofessioneel is wanneer dit by dienslewering kom nie. Die Hoof Uitvoerende Beampte, Oliver Wright is ook ŉ lid van CrisisOnCall. Volgens Oliver is daar as gevolg van verskeie redes ŉ gebrek aan die beskikbaarheid en vloei van kritiese pasiëntinligting tydens ŉ nood mediese situasie. Volgens hom moet elke landsburger toesien dat hulle maklik identifiseerbaar is en dat lewensbelangrike mediese inligting soos mediese fonds detail, kroniese medikasie, allergieë, ens. beskikbaar is wanneer dit deur medici benodig word. Die CrisisOnCall-bandjie, soos ontwikkel deur die gebruiker (paramedici) is die antwoord! Die CrisisOnCall-bandjie is een van die suksesvolste metodes om vir hierdie doel te gebruik aangesien dit vinnig en effektief namens die pasiënt praat wanneer hy/sy self nie kan nie. DIABETES EN CRISISONCALL Diabete se kans om in ŉ koma te verval, is baie hoër as nie-diabete. Daarom moet hulle lid van CrisisOnCall wees. Die bandjie aan die arm praat wanneer jy self nie kan nie. Nie net speel die feit dat die pasiënt ŉ diabeet is vir paramedici ŉ belangrike rol in hul behandeling nie, maar is kennis van die medikasie wat die pasiënt gebruik van kardinale belang. (Paramedici kan baie inligting oor ŉ pasiënt bekom deur net na die medikasie wat hul gebruik, te kyk.) Navorsing deur CrisisOnCall het bewys dat die CrisisOnCall-bandjie ŉ baie veilige opsie is aangesien dit deur paramedici onderskryf word en nie deur omstanders gesteel word nie.
Page 1: REG: 2002/0249 66/07 REISMONITERING

NUUSBRIEF - Agrisa.co.za

Create successful ePaper yourself

Delete template?

Save as template?