NUUSBRIEF - Agrisa.co.za
NUUSBRIEF - Agrisa.co.za
NUUSBRIEF - Agrisa.co.za
Create successful ePaper yourself
Turn your PDF publications into a flip-book with our unique Google optimized e-Paper software.
DIE HUISVRIEND<br />
Die maand gesels ons oor die koper en die<br />
moets en moenies waarna gekyk moet word.<br />
• Maak seker dat daar geen slegte<br />
kredietrekords teen jou naam is nie.<br />
Rekeninge wat laat betaal word,<br />
beïnvloed jou kredietwaardigheid<br />
negatief!<br />
• Vra gerus ‘n eiendomsagentskap om jou<br />
te help soek na eiendomme.<br />
• Kommunikeer duidelik jou behoeftes<br />
aan die betrokke agent sodat hy presies<br />
weet waarna om te soek en waar om te<br />
begin.<br />
Die area waar jy koop, speel altyd die<br />
grootste rol. (Hoe beter die area, hoe beter<br />
jou belegging.) Die agent sal begin deur aan<br />
jou te wys wat hy in jou prysklas beskikbaar<br />
het. Dit is baie belangrik om vir die agent<br />
goeie terugvoer te gee oor elke huis wat jy<br />
gesien het. Duidelike kommunikasie is die<br />
sleutel tot sukses en tot jou ideale huis.<br />
Sonder om té ingewikkeld te raak, is my<br />
advies: indien jy die plek gekry het waarin jy<br />
jouself kan sien, hou op soek en koop hom!<br />
Om verder te soek gaan jou net deurmekaar<br />
maak en te veel mense het al die woorde<br />
gehoor: "jammer meneer/mevrou, die<br />
eiendom is klaar verkoop". Eiendomme<br />
verkoop hulself! Volgende maand meer<br />
hieroor. Steijn eiendomme 012 331 3943<br />
IEMAND WORD VERMIS<br />
Vakansietyd kruip nader en nie alle plekke is<br />
veilig nie! Winkelsentrums, strande en<br />
rolprentteaters is vol jong mense wie se gees<br />
hoog loop met vakansiejolyt.<br />
PSARU, 'n sakevennoot van CrisisOnCall, gee<br />
ʼn paar veiligheidswenke:<br />
Weet ten alle tye waar jou<br />
kinders/geliefdes is.<br />
Vertrou geen vreemdelinge nie.<br />
Moenie jou kinders/geliefdes sonder<br />
toesig in winkelsentrums laat nie.<br />
Moenie alkohol of oopgemaakte drank<br />
of koeldrank drink nie.<br />
Wanneer jong mense saans uitgaan, bly<br />
in groepe.<br />
Moenie in die nag op onbekende plekke<br />
rondbeweeg nie.<br />
Wees voorbereid: Indien iemand vermis<br />
raak, skakel die CrisisOnCall-noodnommer en<br />
vra dat jy na PSARU deurgeskakel word.<br />
NB: Hou opgedateerde kleurfoto's van al jou<br />
geliefdes byderhand.<br />
Vir so min as R49 per maand kan jy en jou<br />
gesin nou as deel van CrisisOnCall lid word<br />
van PSARU. Stuur net ʼn e-pos met die woord<br />
PSARU na marketing@crisisoncall.<strong>co</strong>.<strong>za</strong>.<br />
VAKANSIE EN VOERTUIGBANDE<br />
Die bandevervaardiger Bridgestone het gesê<br />
motoriste wat op vakansiereis is, moet elke<br />
stilhoukans gebruik om ook seker te maak die<br />
voertuig se bande is nog in ’n goeie toestand.<br />
’n Mens se vakansie kan op talle maniere deur<br />
bandeprobleme langs die pad in die wiele gery<br />
word. Een van die grootste gevare is die<br />
geleidelike verlies aan druk weens foute soos<br />
’n lekkende klep of as gevolg van iets soos ’n<br />
spyker in die band. Die banddruk kan oor ’n<br />
afstand van ’n paar honderd kilometer só<br />
stadig verander dat die bestuurder dit nie<br />
dadelik kan voel nie, hoewel die verminderde<br />
padhouvermoë ’n groot gevaar inhou as die<br />
bestuurder in ’n noodgeval vir iets moet<br />
uitswaai.<br />
Iets wat nog gevaarliker is, is dat ’n band wat<br />
druk verloor, oormatig begin warm word. Dit is<br />
veral op lang vakansiereise ’n groot gevaar<br />
wanneer die voertuig swaar gelaai en vol<br />
passasiers en bagasie is, wat die oorverhitting<br />
weens verminderde druk al erger sal maak.<br />
Oorverhitting kan met lang afstande teen hoë<br />
snelhede uiteindelik daartoe lei dat die band se<br />
rubberlae van mekaar begin trek, wat die band<br />
kan laat bars.<br />
Moet nooit ’n warm band pomp tot dieselfde<br />
banddruk as toe dit koud was nie – jy sal die<br />
druk in werklikheid moet verminder. Indien jy<br />
een van die bande kry waarvan die banddruk<br />
minder as dié van die ander bande is,<br />
ondersoek eers die moontlike oorsaak daarvan<br />
om seker te maak jy kry nie verder probleme<br />
nie.<br />
Bandskade, soos ’n sny in die wand van die<br />
band, kan veroorsaak word deur goed wat<br />
onopgemerk verbygaan, soos ’n skerp klip of<br />
klein stukkie metaal in die pad. Sulke skade<br />
verminder die band se vermoë om die voertuig<br />
se gewig te dra, sowel as die remvermoë,<br />
draaivermoë en versnelling, wat die band kan<br />
laat bars.<br />
Dit is ook die ideale geleentheid om die band<br />
se toestand te ondersoek terwyl die banddruk<br />
nagegaan word. Ondersoek die hele wiel ook<br />
vir goed soos lekkende olie of pak-olie, wat<br />
dalk op komende meganiese probleme kan dui.<br />
Enige probleme met ’n band of ’n wiel dui op<br />
veiligheidskritieke gevare en kan selfs ’n<br />
bedreiging vir die insittendes se lewe inhou.<br />
Maak tydens ’n lang reis seker van<br />
voortgesette bandeveiligheid. Dit is dalk al wat<br />
nodig is om ’n tragedie te voorkom.<br />
Die artikel is saamgestel deur Mandy Lovell van<br />
Bridgestone Suid-Afrika en gepubliseer deur<br />
Arrive Alive Web. (www.arrivealive.<strong>co</strong>.<strong>za</strong>)