Leseenheid 2 - Christelike Biblioteek

Leseenheid 2
Aktiwiteit 1: Kom ons luister
Luister aandagtig na die voorgelese advertensie(sien addendum, bl. 67). Beantwoord
dan die volgende vrae:
1. Watter produk word geadverteer?
2. Wie kan die geadverteerde produk gebruik?
3. Noem drie eienskappe van die produk wat dit so wonderlik maak.
4. In hoeveel geure is die produk verkrygbaar?
5. Waar kan jy die produk koop?
6. Waarvoor gebruik ‘n mens die produk wat geadverteer word? (Noem twee
gebruike.)
7. Waarvan word hierdie produk vervaardig?
Aktiwiteit 2: Kom ons praat
Groepopdrag
Gebruik ‘n bandmasjien en maak in jou groep ‘n soortgelyke advertensie. Stel dan
vyf vrae met die antwoorde oor julle advertensie op. Lees dit in op die bandmasjien.
Ruil met ander groepe en luister na hul advertensies. Beantwoord dan hulle vrae in
groepverband.
Aktiwiteit 3: Kom ons lees hardop
Gedeelde lees: luidlees
Goggas en goeters
Insekte is gewoonlik baie klein “diertjies”. Sprinkane, motte, skoenlappers, bye,
kewers, naaldekokers, vlieë en miere is insekte. Insekte het ses bene, een paar
voelers en gewoonlik een of twee pare vlerke. Die liggaam van ‘n insek bestaan
uit drie dele - kop, middellyf en agterlyf. Hulle haal asem deur hulle velle wat na
lugbuisies toe lei.
Bye en miere lewe saam in groot families. Hulle is wat ‘n mens sal noem “sosiale” insekte.
Sommige insekte is skadelik vir die mens en ander help die mens. Insekte dra stuifmeel van
die een blom na die ander. Huisvlieë versprei kieme.
24

Die skoenlapper, onder andere, het
saamgestelde oë - elkeen van die twee
groot oë bestaan uit honderde klein
ogies. Skoenlappers lê hulle eiertjies op
plante. Ruspers kom uit die eiertjies uit.
Die ruspers gooi verskeie kere hulle velle
af (vervel). Die rusper verander later in
’n papie. Die vel van die papie bars oop
en ‘n skoenlapper kom weer uit.
Miskruiers doen ‘n baie belangrike werk terwyl hulle hul bolletjie mis met hul
agterpote aanrol. Hulle verwyder opgehoopte mis, vernietig eiers van vlieë en
parasiete in die mis en keer dus dat siektes versprei. Hulle breek ook verrottende
materiaal af, help so om die grond te bemes en stel saadjies uit die mis vry om te
ontkiem. Die tonneltjies wat hulle in die grond maak om eiers te lê en voedsel te
berg, vorm ondergrondse waterkanaaltjies vir beter dreinering.
‘n Mamma-miskruier lê op ’n slag vyf eiers aan die punt van ‘n diep tonnel wat sy self
ondergronds grawe. Die eiers word in mis ingebed, wat hulle warm hou en ook as voedsel
dien vir die larwes sodra hulle uitgebroei het. Na ‘n hele paar dae van harde werk gaan sy
en Pa Miskruier in die boonste kamer rus. Na ses dae broei die eiertjies uit en word vet
larwes, wat soos wurms lyk en die mis waarin hulle gelê het, begin eet.
Vier maande later word die larwes papies. Na nog ‘n maand kom daar volwasse
miskruiers uit die papies. Die eerste goeie reën is vir die groot miskruiers die
teken om onder die grond uit te kruip en dadelik te begin rondvlieg, op soek na
vars mis ... ‘n Nuwe lewensiklus het begin.
25

Kyk na woordherkenning en tempowisseling.
Opdrag
Beantwoord nou die volgende vrae mondeling:
1. Watter soort insek het jy al in julle tuin gesien?
2. Watter kenmerke het ‘n insek?
3. Kon jy sien dat die insekte deur hulle velle asemhaal?
4. Is daar af en toe vlieë in julle huis?
5. Wat doen julle om hulle te bestry?
6. Waarom moet ons hulle bestry?
7. Waarom word bye en miere “sosiale” insekte genoem?
8. Watter kleure skoenlappers is volop in ons omgewing?
9. Hoe plant skoenlappers voort?
10. Het jy geweet ’n mens kan skoenlappers versamel?
11. Hoe gaan mens te werk om dit te doen?
12. Waarom is hier in die stad so min miskruiers?
13. Het jy al gesien hoe werk ‘n miskruier?
14. Watter belangrike rol speel miskruiers in die grond?
15. Waarmee dink jy grawe miskruiers die tonnels?
16. Watter gogga ken jy wat baie soos ‘n miskruier lyk?
17. Van watter ander kruier het jy al gehoor?
18. Wat noem ons die seisoen wanneer die eerste reëntjie val?
19. Dink jy die miskruier sien uit na hierdie seisoen? Waarom?
20. Wat is ‘n lewensiklus?
Aktiwiteit 4: Ons skerp leestegnieke in
Stilleesvaardighede
Opdrag: Begripsoefening en kernwoordherkenning:
a. Lees weer die teks oor goggas en goeters by Aktiwiteit 2 en beantwoord dan die
volgende vrae deeglik in vol sinne:
1. Waarom sê die skrywer insekte is gewoonlik klein?
2. Hoe verskil insekte se asemhaling van die mens s’n?
3. Wat beteken die woord “sosiale”?
4. Noem 2 maniere hoe insekte die mens help?
5. Hoe is die skoenlapper se oë saamgestel?
6. Is ‘n rusper ‘n eier of ‘n wurm?
7. Kies die regte volgorde vir die skoenlapper se lewensloop?
• eier rusper papie skoenlapper
• papie eier skoenlapper rusper
26

8. Noem drie goeie dade wat miskruiers doen.
9. Waarin lê miskruiers hul eiers?
10. Hoe lank neem ‘n miskruier se eier om uit te broei?
11. Lyk larwes en wurms eenders?
12. Die eerste goeie reën gee vir die miskruiers ‘n opdrag. Sê in een goeie sin wat
die opdrag is.
b. Sluitingslees: Vul die korrekte woorde in die spasie in: Jy mag jou antwoorde uit
die volgende woordbank kies:
troepemag gaan stilstand heilig
leër soldate mis miskruier
bevel leier strate optog
doodstil troepemag staan pad
stad
Miskruiers
Het jy geweet dat miskruiers vir die Egiptenare ______________ was? Ja, ‘n klein
miskruiertjie kon ‘n groot ___________ tot stilstand bring. Daar word vertel dat ‘n
Egiptiese ____________ deur die ____________ van ‘n groot ____________ ‘n ______
gehou het. Skielik het die ___________ die leër tot _____________ geroep.
Die agterste ____________ kon nie sien waarom nie, maar het _______________ bly
_________. Voor het ‘n _________________ ewe rustig sy bolletjie ______________oor
die _____________ gerol! Eers toe hy verby is, het die __________ die _____________
gekry om voort te ___________________!
(Dink ‘n oorspronklike naam uit vir die leesstukkie.)
Aktiwiteit 5: Ons lees verskillende tekste - fabels
Opdrag
Lees die fabel wat aan jou uitgedeel word en beantwoord dan die vrae daaroor:
1. Het die fabel mense- of dierekarakters?
2. Is daar verskille, botsing of rusies (stryd) tussen party karakters?
3. Watter les wou die fabel vir ons leer?
4. Het die les vir jouself, ons klas of skool waarde? Waarom?
5. Uit watter land of kultuurgroep kom hierdie fabel?
6. Het julle van die fabel gehou? Gee soveel moontlik redes vir jou antwoord.
7. Gebruik nou een paragraaf van jou fabel en haal ‘n aantal kernwoorde uit die
teks.
8. Ruil nou jou paragraaf met iemand anders s’n en vul mekaar se kernwoorde in.
Ruil terug en merk dit volgens die oorspronklike teks.
27

Aktiwiteit 6: Ons lees fabels
Opdrag:
Gedifferensieerde lees in vaardigheidsgroepe
1. Lees die fabel wat aan jou uitgedeel is stil en met aandag deur.
2. Lees ook hierdie sappige brokkie miskruiernuus uit Japan vir jou plesier.
My dierbare diertjie - ‘n miskruier
In die woonstelle van hul
oorvol stede is katte en
honde taboe. Pleks daarvan
hou talle Japanners
miskruiers aan!
Suid-Afrikaners steur hulle nie
veel aan miskruiers nie. Vir
ons is hulle maar net die goggas
wat yslike bolle mis - meestal veel
groter as hulself - aanrol.
Maar in Japan is dit ‘n gans
ander storie. Daar is die nederige
miskruier ‘n gerekende insek en
word dit behoorlik vertroetel.
In Japan se oorvol stede mag die
meeste mense wat in woonstelle
bly nie katte of honde aanhou nie.
Pleks daarvan hou hulle insekte
aan. En onder die insekte is die
miskruier loshande die gewildste.
Hulle kry spesiale kos en vitamiene
om hulle vetter en blinker te
maak en die Janpaners skroom nie
om duisende rande vir ‘n miskruier
te betaal nie.
Telers deurkruis die platteland,
grawe gate in die grond, krap
blare weg en soek onder die bas
van bome na die gesogte insekte.
Miskruiers wat in die natuur
gevang word, is gewilder en dus
ook duurder as dié wat geteel
word.
Tokio en ander groot stede het
almal markte waar jy miskruiers
kan koop. Ryk versamelaars sal
ver reis op soek na die regte miskruier.
Hulle is so gewild dat
Japannese kinders soms maande
lank hul sakgeld sal spaar om ‘n
larwe te koop wat hulle dan in
deursigtige houers laat uitbroei sodat
hulle behoorlik ‘n dagboek van
hul troeteldier se lewe kan hou.
Kinders speel ure lank met die
miskruiers en laat hulle op hul
arms en gesigte rondkruip.
Die insekte is beslis nie goedkoop
nie. Een wat so groot soos
‘n R5-muntstuk is, kan tot R3 000
kos. Vir ‘n werklik reusagtige
miskruier sal ‘n ryk versamelaar
tot R50 000 betaal.
Omdat daar so ‘n groot aanvraag
vir die goggas is, koop baie mense
kleinjies goedkoop, voer hulle dan
vet en verkoop hulle weer teen ‘n
yslike wins.
Daar is geen tekort aan kopers
nie. Soos een Japannese kewerhandelaar
sê: “Dit lyk asof almal
miskruierkoors het.”
Die kewers is beslis nie mooi nie.
Hulle het harde vet lywe, horings
aan hulle koppe, dun beentjies wat
‘n skuurgeluid maak wanneer hulle
loop en hulle ruik nie juis aangenaam
nie.
Mense wat maklik gril, kan die
goggas nie verdra nie, maar vir die
Japanners is hulle amper so dierbaar
as wat hondjies vir ons is.
Kiosji, ‘n 31-jarige uitvoerende
amptenaar van ‘n groot firma in
Tokio, teel al tien jaak lank miskruiers.
Hy gaan elke aand na
werk na ‘n gebou naby sy huis
waar hy sy versameling van
duisende kosbare kewer huisves.
Hulle word in ‘n spesiale vertrek
gehou waar die temperatuur altyd
tussen 21 en 24 grade is - die
ideale temperatuur as jy miskruiers
wil teel.
‘n Klant bekyk ‘n gogga voordat hy besluit of die “troeteldier” hom geval
28

Aktiwiteit 7: Ons lees in ons vaardigheidsgroepe
Opdrag
1. Julle werk in julle leesgroepe en lees julle verskillende fabels aan mekaar voor.
2. Kies die gewildste fabel.
3. Stel ‘n sluitingsleesopdrag vir ‘n ander groep met hierdie fabel op en ruil dit met
hulle opdrag. Lees mekaar se fabels en vul betekenisvolle woorde in.
Aktiwiteit 8: Ons lees gedigte
Opdrag
Elke leerling lees die gedig selfstandig
Joekie Jakkals en Wim Wolf
kuier saam by Donkie Dolf,
sit en grootpraat heelnag lank
op ou Dolf se riempiesbank.
“Wie is bang vir Barend By!”
spot Wolf, en blaas die rook opsy.
“net die ding wat ek na soek,”
sê Joekie Jakkals: “’n heuningkoek”.
Wim Wolf en die bye
-Karl Schmidt-
Emmer aan sy arm en met stomp knipmes
werskaf Wolf in die byenes.
Maar, oe! Dit kriewel in sy broek
waar Barend en sy maters steekplek soek.
Bo van die leer tuimel Wim Wolf af
as die by hom steek en die honde blaf.
En gwarr! Klink Boer se haelgeweer.
O, eina! O, eina sy lyf is so seer.
29

Op die bed kreun Wolf van pyn,
Donkie Dolf dokter met asyn
Op die bank in die ander hoek
lê Joekie en eet sy heuningkoek -
Die enigste wat Wim uitgehaal het
en soveel lyfpyn voor betaal het.
Opdrag
1. Sê in een sin wat die hoofgedagte van die gedig is.
2. Luister wanneer Juffrou die gedig lees en beantwoord daarna die vrae:
Vrae:
1. Vertel die gedig ‘n storie?
2. Sê die titel vir jou waaroor die gedig handel?
3. Watter tyd gebeur hierdie dinge en waar?
4. Het Joekie Jakkals vir Wim Wolf ‘n poets gebak? Hoe?
5. Noem die karakters in die gedig se name.
6. Kyk mooi na die strofes. Watter een verskil van die ander en hoe?
7. Klink Wolf en Dolf dieselfde?
8. Soek nog woorde in die gedig wat dieselfde klink. Ons sê dit rym.
9. Watter woord verduidelik ‘n klank van ‘n geweer?
10. Waarmee het Wim Wolf vir die heerlike heuningkoek betaal?
Lees ook die volgende gediggie:
Miskruier
-Piet Swanepoel-
Miskruier, arrie jy’s vroeg op die been
En kastig so haastig en hard aan die hol.
Miskruier, sê my, waar draf jy tog heen
met daardie klein bolletjie wat jy so rol?
Luister, Chris Meyer, as jy dan moet weet,
die misbol so geurig, so bruin en so rond,
Dit is die kos wat my kinders moet eet
Die dag as hul uitbroei diep onder die grond..
30

Miskruier, miskruier, sê my nog net,
En rêrig waar Oompie, ek soek nou nie skoor,
Trouens, dit lyk my na baie groot pret,
Maar waarom stoot jy dit dan agterstevoor?
Luister, Chris Meyer, kom buk hier en ruik
En dan sal jy weet dis nie sommer ‘ n nuk.
Ek moet my hande vir vastrap gebruik
En dus het ek niks om mee neus toe te druk.
Aktiwiteit 9: Ons leer ons taal
Opdrag
1. Kyk na die gedig “Miskruier”.
2. Skryf al die klinkers in versreël twee neer. (Ons noem dit ook vokale.)
3. Kan jy sien watter klinkers word lank gesê en watter kort?
4. Woorde bestaan meestal nie net uit klinkers nie. Skryf nou al die medeklinkers
van dieselfde versreël neer. (Ons noem dit ook konsonante.)
5. In strofe twee se eerste versreël (versreël vyf), is daar klanke soos ui en y. Luister
mooi wanneer jy die klanke sê. ‘n Mens hoor twee klanke, maar as hulle saam in
een lettergreep staan, hoort hulle saam. Sulke klanke word tweeklanke of diftonge
genoem.
6. Soek nou nog diftonge in hierdie gedig en skryf dit neer
7. Klinkers kan in drie klinkergroepe verdeel word. Klinkergroepe is daar om ons
te help om reg te spel. Trek drie kolomme in jou boek en skryf elke keer die woord
onder die regte klinkergroep:
mot mier by vlieg sprinkaan
31

Aktiwiteit 10: Ons ken ons taal
Opdrag
1. Kyk na die twee gedigte by Aktiwiteit 8.
2. Skryf alle woorde neer wat die naam van iets of iemand is.
3. Kyk na die woorde wat dinge se name is en kyk hoeveel van hulle se meervoud en
verkleining jy kan sê.
Het jy geweet?
• Die name van mense, diere, dinge, lande, riviere, berge, dorpe ens. noem ons
selfstandige naamwoorde.
• Ons kan toets of dit ‘n selfstandige naamwoord is deur:
• ‘n “’n” of ‘n “die” reg voor die woord te gebruik.
• van die woord ‘n meervoud of verkleining te maak
• te toets of ons dit met ons sintuie kan waarneem
• te toets of dit dalk ‘n manlike of vroulike vorm kan kry.
4. Kyk nou weer na die leesstuk by Aktiwiteit 3 , “Goggas en goeters” en skryf al die
selfstandige naamwoorde neer:
Aktiwiteit 11: Ek verstaan my taal
Opdrag:
1. Lees die onderstaande gedeelte deur en skryf al die selfstandige naamwoorde
(woorde wat iets of iemand benoem - ‘n naam gee) neer.
2. Skryf nou al die woorde wat iets of iemand beskryf neer.
Anansi
My naam is Anansi en ek is ‘n spinnekop. Dit kan jy
sien, want ek het agt lang pote. Party mense sê ek is
slinks, maar ek is nogal slim. Ek het ‘n goeie vriend.
Sy naam is Moeli.
Storieverteller
Moeli was ‘n klein, wollerige bruin muisie. Sy stert was lank en het gekrul en hy
het twee klein, klein pienk oortjies gehad. Die lang, wit hare van sy snorbaard het
liggies gebewe as hy bang word.
32

Het jy geweet?
• Woorde wat vir ons dinge beskryf van iets of iemand noem ons byvoeglike
naamwoorde. Byvoorbeeld: die growwe dikstertskerpioen is die gevaarlikste
spesie.
• Hierdie woorde maak ons taal ryk en dit is belangrik dat ons baie van hulle ken
en dit gereeld gebruik.
• Baie van hierdie woorde kan trappe van vergelyking kry. Byvoorbeeld: grof >
growwer > grofste
3. Lees die gedeelte oor skerpioene. Skryf vyf woordjies neer wat die skerpioen
beskryf.
4. Sê ook watter spesie is die gevaarlikste en waarom?
Goggamanewales
Skerpioene
Die Richtersveld Nasionale Park is ‘n absolute paradys vir
skerpioene. Die growwe dikstertskerpioen is die gevaarlikste
spesie. Dit is vir ‘n paar ure na sononder aktief en ‘n hele paar
mense het al van sy steek gesterf. Die vaalbeengraafskerpioen is
die grootste spesie en word tussen 11 en 14 cm lank. Hulle is baie
sterk, maar hoewel hulle ook steek is hul gif nie gevaarlik nie.
Spinnekoppe
Die wit dame, wat in die Richtersveld Nasionale Park aangetref word, is ‘n baie
interessante spinnekop. Wanneer hy bedreig word, tree hy baie aggressief op. Hy
lig sy lyf tot op die punt van sy tone en voer ‘n soort “dans” uit. Tog is hy nie
gevaarlik nie. Hierdie spinnekop is pienkerig van kleur in gebiede waar die sand
rooi of oranje is, maar op vaalwit sand is hierdie kalant so te sê spierwit. Die
horingbobbejaanspinnekop is nog ‘n voorbeeld van ‘n woestynspinnekop. Hy is
betreklik groot en het ‘n opvallende swart horing op sy rug. Hierdie spinnekoppe
is gesogte “troeteldiere” in sekere oorsese lande en weens hierdie handel het hulle
getalle sorgwekkend gedaal.
5. Lees die stukkie oor spinnekoppe en skryf ses woorde neer wat spinnekoppe
beskryf.
6. Maak nou met drie van hierdie woorde jou eie spogsinne.
33

Aktiwiteit 12:
Ek praat my taal
Opdrag
Gaan soek in ‘n tydskrif na ‘n prent oor enige insek. Berei voor en kom beskryf die
insek aan jou maats deur sinne met beskrywende woorde (byvoeglike naamwoorde)
te gebruik.
Aktiwiteit 13:
Ek kommunikeer in my taal
Opdrag
Lees die volgende inhoud:
SWEM IS IN HAAR BLOED
Jean-Marie Neethling, kleinsus van die Olimpiese sweheld, Ryk
Neethling, is vanjaar in matriek, maar sy is klaar besig om die
swemwêreld te verower. Verlede jaar het sy aan die Statebondspele
deelgeneem , in Italië drie medaljes verower in die San Marino-uitdaagbyeenkoms
en sy is deur die tydskrif Seventeen aangewys as
die sportiefste tiener in Suid-Afrika.
HOE LYK ‘N GEMIDDELDE DAG IN JOU LEWE?
Tydens ‘n skoolkwartaal swem ek in die oggend van agtuur vir 90
minute (4,5 km) en woon dan skool by om werk in te handig of toetse
te skryf. My skool, Hoërskool Sentraal in Bloemfontein, is baie
behulpsaam met my swemskedule en laat toe dat ek in die oggend
oefen soos dit my program pas. Daarna oefen ek ‘n uur in die gym
tot twalfuur. Dan woon ek die res van die skooldag by tot tweeuur,
gaan vinnig huis toe om te eet en dan volg my tweede swemsessie
(6 km). Die res van die middag sal ek skoolwerk klaarmaak en rus.
WAAROM HET JY SWEM AS SPOTSOORT GEKIES?
Ek het al van ‘n jong ouderdom asma en ek het albei my bene ook
gebreek; so dit maak dit vir my baie moeilik om te hardloop. En
die meeste sportsoorte behels hardloop. Ek het ook vir ‘n paar
jaar dans, trompoppies en gimnastiek gedoen. My broer het my al
aangemoedig om te begin swem toe ek nege jaar oud was en van
daar het swem voorkeur gekry. Dit is vir my ‘n wonderlike sport.
Ek is mal oor die water en om net in die water te wees, is vir my
ongelooflik.
WATTER ROL SPEEL JOU BROER IN JOU SWEMLOOP-
BAAN?
‘n Baie groot rol. Hy en my ma is albei my afrigters, hoewel hy in
Pretoria woon. Hy stuur daagliks vir my swemprogramme en hoor
agterna hoe ek voel. Hy is ook altyd daar om vir my advies te gee
wanneer ek in moeilike situasies is - hy was al soveel keer deur
dieselfde situasies en weet hoe om dit te hanteer. Ek is ongelooflik
bevoorreg om hon as my broer te hê.
VOEL DIT NIE SOMS VREEMD OM EEN VAN DIE
BEROEMDSTE BROERS IN DIE LAND TE Hê NIE?
Dit voel soms vreemd om my broer se lyf of gesig op vriende se
selfone te sien of selfs wanneer ou tannies benoud vir sy handtekening
vra in winkelsentrums of eetplekke. Maar ten spyte van
als... bly hy my broer, Rykie van Bloemfontein.
WAT WAS TOT DUSVER DIE HOOGTEPUNT VAN JOU
SWEMLOOPBAAN?
Die Statebondspele in Melbourne in Maart 2006. Ek was die
jongste spanlid, ek het twee finale gehaal in die 200 m- individuele
wisselslag die senior SA-rekord verbeter en ‘n sesde plek behaal.
HOE LYK JOU PLANNE VIR NA SKOOL?
Ek gaan in 2008 na Tucson, Arizona (Amerika) se universiteit om
te swem en studeer. Ek wil graag sportfisiologie en sportsielkunde
studeer.
34

Groepopdrag
• Kyk in julle groepe na ‘n video van ‘n onderhoud.
• Bespreek hoe daar te werk gegaan word om ‘n onderhoud te voer.
• Dink watter tipe vrae gestel word.
Opdrag
1. Voer nou ‘n onderhoud met jou maat. Dink aan ander vrae wat jy kan vra om die
persoon beter te leer ken. Byvoorbeeld:
• Is jy nuuskierig?
• Wat is jou grootste uitdaging?
• Wat maak jou hartseer?
• Wat is jou grootste wens?
• Jou grootste kosvoorliefde?
• Hoe ontspan jy?
• Wat maak jou baie gelukkig?
2. Soek in jou tydskrif na nog ‘n voorbeeld van ‘n onderhoud. Skryf nou drie sinne
oor die persoon met wie daar ‘n onderhoud gevoer is.
3. Voer ‘n onderhoud met een van jou onderwysers om hom/haar beter te leer ken.
Skryf die onderhoud (vrae en antwoorde) in jou skrif neer.
Aktiwiteit 14: Ons skryf ons taal
Opdrag
1. Dit is kort voor ‘n lang naweek, die paaie gaan weer baie besig wees. Skryf ’n
verkeersverslag (vir die radio) vanuit die helikopter om padveiligheid te bevorder.
Jy kan van die volgende woorde gebruik maak:
verkeerspolisie vloei sy brandstof het opgeraak
verkeer ontwrig verkeersknoop
oplos verbysteek verkeersbeampte
voort verkeerslig waarsku
beweeg spoed jaag
snelstrik spitstyd buffer
haas teen sentrale
dagtaak eienaar saamryklub
behoort bespaar dikwels
pendelaars buurdorpe verkeersreëls
oortree rookmis hang
swaar aftrek snelheidsgrens
beboude gebied rybewys dagvaarding
35

2. Skryf kort aanwysings om na die naaste kafee te gaan.
3. Jy het ‘n nuwe klasmaat. Skryf aanwysings om vir hom/haar te verduidelik waar
jy woon.
Aktiwiteit 15:
Ons skryf skematies
Groepopdrag
Kyk in julle groep na die weerkaart en bespreek al die inligting wat jy daarop kan
sien.
WEERVOORSPELLING
5 Februarie 2007
Kaapse Skiereiland, die Boland en die Overberg
Bewolk en matig met motreën, maar later miskolle wat opklaar oor die Skiereiland. Wind
matig tot taamlik sterk suidwes tot suid. Die maksimum temperatuur by Kaapstad
internasionale lughawe sal sowat 24 grade C wees.
Gauteng
Gedeeltelik bewolk en baie warm met enkele donderbuie.
Vrystaat
Bewolk en baie warm en verspreide donderbuie.
KwaZulu-Natal
Warm en bedompig.
36

Die weer in Beeld
Windhoek
08/27 S
Walvisbaai
10/20 S,M
15
15
40
Keetmanshoop
08/27 S
Springbok
07/17 Gb, M
Calvinin
06/16 Gb
Kaapstad
11/18 B, Lr
Upington
04/24 S
Worcester
11/19 B, Lr
Kimberley
03/23 S
20
Beaufort-Wes
08/20 Gb
George
09/18 B
Klerksdorp
06/27 S
0-10°C 11-15°C 16-20°C 21-25°C 26-30°C 31-35°C 36-40°C Bo 40°C
30
25
Welkom
06/23 S
Ellisras
09/33 S
Bloemfontein
02/20 S
Cradock
05/21 Gb
25
10
Vereeniging
08/28 S
Bethlehem
03/21 S
Pietersburg
09/30 S
Pretoria
09/30 S
Jhb
07/27 S
Umtata
08/22 Gb
35
Oos-Londen
12/21 B
Port Elizabeth
11/29 B
Messina
10/34 S
20
Phalaborwa
03/32 S
Ermelo
08/23 S
Ladysmith
09/21 S
Pmb
12/21 Gb
Durban
15/22 B
S
Gb
B
Lr
D
R
M
Sn
Nelspruit
11/30 S
son
ged.bewolk
bewolk
ligte reën
donderbuie
reën
mis
sneeu
Opdrag
1. Stel jou eie weerskema vir môre se weer op. Gebruik van die volgende woorde:
matig motreën later
miskolle opklaar matig
taamlik sowat grade
gedeeltelik enkele bedompig
bewolk
maksimum temperatuur
verspreide donderbuie
2. Skryf kort aanwysings vir een van die volgende:
Hoe om:
• ‘n wegloopvoertuig tot stilstand te bring
• ‘n reuse toebroodjie te maak
• ‘n druif af te skil
• spaghetti te eet
• vir ‘n dag lank gelukkig te wees.
37