Begrotingsrede 2011-2012 Afr 23-02-2011 - Swartland Municipality

handves waarin Swartland munisipaliteit sekere beloftes maak aan sy
klante oor die diens wat die gemeenskap kan verwag.
• Die instel en bestuur van ‘n ontwikkelingsbeleid en die meegaande
kapitalebydraes wat deur voornemende ontwikkelaars betaal moet word
om te help om die grootmaatdienste en paaie op te gradeer.
• Enige nuwe uitbreidings deur ontwikkelaars in die Swartland gebied mag
geen ekstra kostes meebring vir die huidige inwoners nie.
• Die instel van die afronding tot die naaste 5 sent is sonder probleme in
die afgelope jaar ingestel.
• Swartland was die eerste munisipaliteit in Suid-Afrika wat ‘n Artikel 53
roluitklaring tussen die Raadslede en Amptenare ingestel het en wat
deur alle partye verteenwoordig in die Swartland munisipale raad
onderteken is.
• Die aanstel van bekwame personeel vanaf posvlak 8, met raadslede se
deelname (Maar geen inmenging op politieke vlak word geduld nie) is
een van die grootste suksesverhale in die amper 10 jaar van die
Swartland Munisipaliteit. Vanaf die munisipale bestuurders, direkteure,
bestuurders tot die personeel op grondvlak.
• Die Burgemeesterskantoor word hanteer deur net een dame (Michelle
Morris) wat deur die munisipale bestuurder beskikbaar gemaak is vanaf
2008. Voorheen was daar geen kantoorpersoneel in die Burgemeesterskantoor
nie. Baie dankie vir die varse bries en lag wat jy elke dag
meebring en wat aansteeklik werk.
• Dankie aan alle personeel van die Swartland Munisipaliteit, met alle
suksesse het u ons as Raad, kollegas en die gemeenskap trots gemaak.
• Mnr die Speaker, soos u en die Raad sal weet, gaan dit nie te goed in
terme van finansiële volhoubaarheid nie. En die veranderings in die
GRAP finansiële stelsel om die bates wat reeds afgeskryf is se waarde
te bepaal en dit in die boeke terug te plaas maak dat geen enkele
munisipaliteit sy boeke met ‘n gelykbreek of wins kan afsluit.
Dit hou dus in dat alle munisipaliteite teoreties bankrot is.
Volgens my sou dit meer sin gemaak het om die reeds betaalde bates se
waarde oor ‘n aantal jare in te faseer. Swartland se herstelplan was
opgestel om die munisipaliteit in 2016 op ‘n gesonde voet te plaas.
Daardie hoop is verydel en sal die gesonde finansiële posisie eers na
2022 bereik kan word. Wat dus meer as 6 jaar later gaan wees.
20