Begrotingsrede 2011-2012 Afr 23-02-2011 - Swartland Municipality

Daar kan dan ook met reg gesê word “Julle verstaan nie” soos uit
duidelike voorbeelde in die skrywe aan NERSA voortvloei.
(SLIDE 72)
Wat hier van belang is mnr. Die Speaker, is dat, indien Eskom die
verkoop tariewe met 26.71% en Swartland die verspreiding, onderhoud
en wins met slegs 6% aanpas, terwyl die salarisse van die personeel 2%
meer as inflasie aangepas word, hierdie diens ook binne afsienbare tyd
in ‘n verlies sal omswaai.
Swartland sal dus genoodsaak wees om die tariewe met 22% te moet
aanpas om sodoende nie ‘n verlies aan inkomste in die gesig te staar
nie.
Vir die eerste keer sal Swartland ook te doen kry met ‘n “inclaining” blok
tarief tariewe 1, 2, 7 en 12. Die tariewe se blokke is as volg: 1e tot 50
kWh, 2e tot 350 kWh, 3e tot 600 kWh en die 4e meer as 600 kWh.
Waar vooruitskattings van aan- en verkope reeds baie moeilik is raak dit
met hierdie bloktariewe bykans onmoontlik.
Ons elektrotegnies ingenieur Roelof du Toit slaag egter al die jare
wonderbaarlik met sy berekeninge om so binne 2 % reg te voorspel.
Maar ek vrees dat dit met die blok tariewe vrywel onmoontlik is om dit
weer so in die kol te voorspel. Die tyd sal leer.
Die tariewe van voorafbetaalde meters in deernishuishoudings asook
met ‘n 20 Amp aansluiting, word egter met net 7.41% vir die eerste 50
kWh aangepas. Hier is egter ook ‘n bloktarief van toepassing wat in 4
groepe opgestel is. 1e tot 50 kWh, 2e tot 350 kWh, 3e tot 600 kWh en
die 4e meer as 600 kWh.
3.3 Water
(SLIDE 73)
Mnr. Die Speaker: Die Weskus Distriksmunisipaliteit het die verkoopprys
van water verhoog met 9.79%.
Nietemin, vir dieselfde redes waarom die WDM hul tariewe verhoog het,
is die Raad verplig om dieselfde te doen.
(SLIDE 74)
Ek beveel aan dat die verhoging op die verkoop van water tot 11.00%
beperk word. Dit hou in dat die volgende tariewe van toepassing sal
wees:
Huishoudelike verbruikers:
0 - 6 kl gratis
7 - 30 kl R 7.28
31 - 60 kl R 10.02
24