notule van die twintigste vergadering (sinodesitting ... - Kerkweb.org

NOTULE VAN DIE TWINTIGSTE VERGADERING (SINODESITTING)
VAN DIE SINODE HOËVELD VAN DIE
NEDERDUITSE GEREFORMEERDE KERK
GEHOU IN DIE BURGERSENTRUM ALBERTON
HANDELINGE DAG 2 WOENSDAG 18 APRIL 2012
1. SAMESANG EN OPENING. Ds. Corneil du Plessis lees uit Judas 3-4, 17-25.
Geleentheid word daarna gegee vir wandel in die Woord en geleentheid vir gebede
om die tafels.
2. TAFELGESPREK. NR 2 Grondwaarhede van geloofsekerhede.
Die volgende punte is vir bespreking op die tafel gesit:
i. Daar is debatte binne die kerklike gemeenskap wat ons lidmate verontrus,
waarom verontrus dit hulle?
ii. Oor watter spesifieke sake gaan hierdie debatte wat ons lidmate verontrus?
iii. Watter van hierdie sake is so belangrik dat die Sinode of die kerk in breër
verband dringend daaroor beleid sal moet formuleer en/of leiding gee aan
lidmate?
3. VERKIESINGS
Die Moderator kondig die verkiesings aan en vra nominasies vir ‘n
3.1 Portefeuljeleier: Ontwikkeling van ‘n missionêre kerk en
3.2 Ouderling/diaken: Primarius en Sekundus.
4. VERSLAG PORTEFEULJELEIER: Ontwikkeling van ‘n missionêre kerk (Derde deel
van verslag)
Die Moderator versoek dr HH van der Linde om voort te gaan met sy verslag:
4.1 ANDER DIENSGROEPE SE VERSLAE
Dr Dolf de Beer en dr Howard du Toit en ds Willie Badenhorst word deur Dr
Hugo van der Linde verwelkom op die verhoog.
4.1.1 Verslag aan die Sinode Hoëveld oor die Brugbediening (Dolf de
Beer & Howard du Toit)
Dr Dolf de Beer spreek die vergadering toe oor waarom
Brugbediening nodig is. Hy bedank die Sinode vir hul ondersteuning.
Ds Willie Badenhorst spreek die vergadering toe oor Brugbediening
en verskaf verdere toeligting oor die vordering van Brugbediening in
die Wes-Kaap.
BESLUIT 22/SS/04/2012: Dat
(1) Die Sinode die betrokke diensgroep versoek om oorbruggingskonsultante
aan te wys om die noodsaaklike gesprekke met
1

Kerkrade saam met ringsverteenwoordigers te voer, ten einde
helderheid te probeer kry oor die beste besluite tov die toekoms
van die betrokke gemeente. Tydens elke predikantsvakature
word die gesprek gevoer en die konsultante neem die inisiatief
vir die gesprek.
(2) Die Sinode NEEM KENNIS van die Reglement vir
Brugbediening soos vervat in die Agenda en beveel aan dat
gemeentes dit deeglik sal benut wanneer van die dienste van ‘n
Brugpredikant gebruik gemaak word.
(3) Die Sinode weer eens ‘n oproep doen op Kerkrade en Ringe om
in die geval van predikantsvakatures dit ernstig te oorweeg om
eers die dienste van ‘n Brugpredikant te benut, alvorens die
vakature gevul word, want daar is soveel waardetoevoeging wat
die Brugbediening in gemeentes kan meebring.
4.2 GEMEENTES SE AGENDAPUNTE VERWYS NA DIE PORTEFEULJE
Die Sinode NEEM KENNIS van die verslag.
5. KONTEKSTUELE BEDIENING
5.1 OPSOMMENDE VERSLAG TEN OPSIGTE VAN DIE STRATEGIESE PLAN
Die Assesor neem die voorsitterstoel oor en Ds Du Plessis word verwelkom.
Ds. André Kloppers van die Taakspan Predikantekring en Wegbreke spreek die
vergadering toe.
Ds. Kobus Sandenbergh van die Taakspan Spirituele Ontwikkeling en Retreats
spreek die vergadering toe.
Die Sinode NEEM KENNIS van die verslag.
5.2 SINODE 2010 OPDRAGTE
Die Sinode NEEM KENNIS van die verslag.
Verslagdoening van hierdie portefeulje se werksaamhede sal voortgaan in ‘n volgende
sessie.
Nominasies ontvang vir Portefeuljeleier Ontwikkeling van ‘n Missionëre kerk:
i. Gideon Kok
ii. Dirk Human
iii. Kobus Sandenbergh
iv. Elise Klut
v. Mario Weyers
vi. Chris Du Preez
vii. Morné Steenkamp
viii. AP Roux
ix. Fourie Rossouw
x. Hannes Windell
xi. Rudolph vd Westhuizen
Eerste stemming vind plaas.
Afkondigings – Ds Gerrit Visser
Voordrag deur Debra Swanepoel.
Prof CJP (Nelus) Niemandt word verwelkom
VERDAGING VIR OGGENDTEE EN -KOFFIE
2

6. SAMESANG
Die Moderator versoek die musiekgroep om die vergadering te lei in lofprysing onder
leiding van Ds. Heini Berner.
Tweede verkiesing, Portefeuljeleier Ontwikkeling van ‘n Missionëre kerk:
i. Gideon Kok
ii. Hannes Windell
iii. Elise Klut
iv. Kobus Sandenberg.
Dr André Bartlett verwelkom verteenwoordigers (Assessor, Skriba en ‘n leraar) van die
VGKSA. Ds Makoena bring ‘n kort groeteboodskap.
7. TERUGVOERING LUISTERSPAN: RONDETAFELGESPREK 1 Strategiese
Prioriteite
Ds Evert Bergh gee terugvoer oor Tafelgesprek 1: Refleksie oor strategiese plan
Strategiese prioriteite (Rangorde)
1. Kultuur van gestuurdheid en vestiging van nuwe geloofsgemeenskappe (10,84)
2. Bemagtiging van lidmate (9,40)
3. Ekumeniese skakeling op plaaslike vlak (8,86)
4. Versoening in gemeenskappe (8,68)
5. Misdaad, korrupsie armoede (8,61)
6. Bemagtiging van kerkraadslede (8,50)
7. Kommunikasie na/van ringe/gemeentes (6,24)
8. Studentebediening/Mes (6,00)
9. Ekologie (5,19)
10. Gevangenisbediening (4,40)
11. Swaziland sending (3,05)
12. Massa-geleentheid (2,79)
Nuwe prioriteite
• Die vind van eenheid oor basiese geloofswaarhede
• Prioretisering van armoede (skei van misdaad en korrupsie)
• Bediening aan senior lidmate volgens behoeftes
• Gesinwees (bemagtiging van ouers en kinders/ jeug)
• Fokus op jeugbedieninge en jeugringsaksies (bemarkingsaksie)
• Aanwasbedeling (Afrikaners sterf uit)
• Bemagtiging van leraars tov hermeneutiek en Skrifgebruik (bedieningsteun en
ondersteuning aan leraars) – sodat leraars leiding kan gee tov samelewingskwessies
• Migrasie van NG Lidmate
• Skakeling met NG Emigrante.
Opmerkings
• By punt 4, vervang ekumeniese skakeling met ekumeniese samewerking
• Wat punt 5 aanbetref, skei korrupsie en armoede
• Gebruik ander woord vir Ekologie – eerder deel van versorging en genesing
(bewaring?)
• Maak die kerk aanvaarbaar vir die jeug
• Kinder- en jeugbediening moet deel wees van studentebediening
3

• Daar moet ‘n groter fokus wees op jongmense, nie net studente nie, maar alle
jongmense/ skoolverlaters – of jy studeer of nie
• Punt 11 moet as volg aangevul word: Kommunikasie van kernsake na en van
ringe en gemeentes
• Skei MES en studentebediening, beide so belangrik dat dit afsonderlike aandag
verg
• Maak gebruik van kategorieë: Na binne (6, 9, 10, 11); Na buite (1, 3, 5, 7) In
sommige gevalle is beide aspekte vermeng (12, 2, 4 en 8); Bemagtig na binne
ter wille van strategiese doelwitte na buite.
• Daar bestaan ‘n skeptisisme oor die impak wat die SDK sal hê op grondvlak.
Beskou die plaaslike gemeentes as die uiteindelike agente van hierdie
prioriteite.
• Onduidelikheid oor wat met alles bedoel word.
Tweede verkiesing Portefeuljeleier: Ontwikkeling van ‘n Missionêre kerk:
i. Elise Klut
ii. Gideon Kok.
8. BESKRYWINGSPUNT 1: Twyfel saai oor geloofswaarhede
(NG Gemeente Springs-Oos)
Prof Nelus Niemandt Moderator van die Algemene Sinode lewer verslag in verband
met die saak aan die vergadering. Lang gesprek oor die saak volg.
Daar is toestemming gegee dat Prof Kobus Kok, Dr André Bartlett en Mnr Sarel van
der Merwe aan die gesprek mag deelneem.
Die Aktuarius verskaf verdere toeligting en versoek dat daar by die voorstel op die
tafel gehou moet word en tot stemming gebring kan word.
Hierdie beskrywingspunt sal na middagete verder hanteer word.
Dr Gideon Kok is verkies as Portefeuljeleier: Ontwikkeling van ‘n Missionêre kerk. Die
Moderator wens dr Kok geluk.
Afkondigings – Ds. Gerrit Visser.
VERDAGING VIR MIDDAGETE
Tafelgebed deur Oudl Piet Klut
9. BESKRYWINGSPUNT 1: Twyfel saai oor geloofswaarhede
Die Moderator stel die amendament op aanbeveling 64 van die Beskrywingspunt
(Voorstellers Di CC (Louis) Scheepers; BF Gouws; JD Louw en sekondant FP
Pieterse) waarmee die NG Gemeente Springs-Oos tevrede is:
BESLUIT 23/SS/04/2012: Dat
(1) Die Sinode daarvan kennis neem dat uitsprake in die Media deur Teoloë van
die NG Kerk lidmate verwar en selfs laat twyfel oor geloofswaarhede.
(2) Om hierdie saak daadwerklik as volg aan te spreek:
2.1 Deur gemeentes: Die Sinode gemeentes daaraan herinner dat dit die
opdrag van die Ouderling is om te waak oor die suiwerheid van die
leer (Kerkorde Artikel 16.1.5) asook die uitoefening van opsig en tug
(Kerkorde Artikel 16.1.4). Indien daar predikante of teologiese dosente
4

is wat onder die toesig van ouderlinge ander geloofswaarhede
verkondig wat in stryd is met die Woord en Belydenisskrifte, daar teen
hulle opgetree moet word.
2.2 Deur die SDK: Die Sinode die SDK versoek om die kwessie van
vermeende dwalings in die NG Kerk wat ontevredenheid onder lidmate
veroorsaak, ‘n saak van prioriteit te maak en ‘n paneel van leraars en
ouderlinge saam te stel om:
i. In die lig van ons seisoen van luister, aandag te gee aan die
stemme van ‘n aantal persone wat die afgelope paar jaar al
op verskeie maniere probeer het om gevaarlike leerdwalings
binne die kerk onder ons aandag te bring. Waar prakties
moontlik, moet die paneel die persone persoonlik te woord
staan bv. Sarel van der Merwe en sy DVD, Nuwe strome in
die Teologie, Dr Adrio König met sy boek: Die Evangelie is op
die spel, Ferdi Mulder met sy boek: Opgestaan, Besorgde
lidmate en leraars se boek: Die Trojaanse Perd in die NG
Kerk, asook kerkrade wat beskrywingspunte oor leerdwaling
by die Sinode ingedien het. Die paneel moet verslag lewer
aan die SDK en aan die Sinode.
ii. Die SDK word versoek om voor die einde van die jaar nog, ‘n
ope byeenkoms te reël waar hierdie probleem indringend
bespreek kan word.
2.3 Deur die Algemene Sinode: Die Algemene Sinode versoek word om
duidelik aan lidmate van die Ned. Geref. Kerk. te verklaar waar die
teologiese toekoms van dié kerk lê, tov:
i. die gesag van die Woord van God;
ii. ons belydenisskrifte;
iii. verskillende teologiese strominge in die kerk.
Ds Johan Conradie versoek dat sy teenstem teen hierdie besluit genotuleer moet word.
[Die voorstel van Dr DJ Malan (sekondant Fanie Rudolph (SH)) is ‘n afsonderlike voorstel en
sal as sodanig hanteer word]
10. GROETEBOODSKAP: PROF CJP NIEMANDT
Die groeteboodskap van Prof Nelus Niemandt, Moderator van die Algemene Sinode,
is volledig opgeneem word in die notule as BYLAAG A.
Die Moderator, dr Neels Du Randt, dra Prof Nelus Niemandt in gebed op.
Nominasies vir ouderling op die SDK word versoek.
11. VOORSTEL (Dr DJ Malan en sekondant M Weyers)
Die Moderator stel die voorstel.
BESLUIT 24/SS/04/2012: Dat
Streeksbyeenkomste gehou word waar teologiese dosente met leraars en lidmate in
gesprek sal tree oor die inhoud en styl van opleiding van jong leraars om sodoende
onderlinge oop kommunikasie en vertroue te versterk.
12. BEVORDERING VAN EENHEID EN SAMEWERKING TUSSEN CHRISTELIKE
KERKE
Die Moderator verwelkom die portefeulejleier, dr André Bartlett, en versoek hom om
sy verslag te behandel.
5

12.1 OPSOMMENDE VERSLAG TEN OPSIGTE VAN DIE STRATEGIESE PLAN
Die Sinode NEEM KENNIS van die verslag.
12.2 SINODE 2010 OPDRAGTE
Die Sinode NEEM KENNIS van die verslag.
12.3 GEMEENTES SE AGENDAPUNTE VERWYS NA PORTEFEULJELEIER
Die Sinode NEEM KENNIS van die verslag.
Die Moderator bedank Dr André Bartlett vir sy werk
Dr. André Bartlett verskaf verder ‘n oorsig oor die werksaamhede van Excelsus
(Bedieningsontwikkeling: Kerkeie Opleiding en Voortgesette Bedieningsopleiding).
Die moderator versoek die Assessor om as voorsitter op te tree.
Drr Gerrit Cloete en Gustav Claasen van die Noordelike Sinode word verwelkom.
13. GENESING VAN DIE LAND
Die portefeuljeleier, dr Johan Gouws, word versoek om sy verslag te behandel.
13.1 MES
Ds. Johan Krige van MES spreek die vergadering toe.
Die Sinode NEEM KENNIS van die verslag.
Dr van der Linde bedank Ds Krige.
BESLUIT 25/SS/04/2012: Dat
Die Sinode sy verhouding met MES voortsit en steeds finansieel bydra vir
die pos van ds. Setshedi.
13.2 ABRAHAM KRIEL KINDERSORG
Me Hilda Du Toit lewer verslag namens Abraham Kriel Kindersorg.
Dr Gouws bedank Me Du Toit vir die verslag.
Die Sinode NEEM KENNIS van die verslag.
MES en Abraham Kriel Kindersorg word in gebed deur Dr Gouws opgedra.
Dr Ferdie Claasen en Ds Henry van der Schyff van Oostelike Sinode word verwelkom.
13.3 VERSLAG VAN LEER EN AKTUELE SAKE.
Dr Danie Malan lewer verslag.
BESLUIT 26/SS/04/2012: Dat
(1) Die Sinode indringend besin oor die waarde van doop en nagmaal vir
ons geloofslewe in die lig van God se liefde en verbintenis aan
gesinne en aan sy verbondsvolk oor geslagte heen.
(2) Diegene wat belangstel om op die werkgroep vir Leer en Aktuele
Sake van Hoëveld Sinode te dien, kom bymekaar tydens die Sinode
en wys ‘n sameroeper aan. Naamlys sal deurgegee word.
6

(3) Daar een maal per kwartaal ‘n gesprekstema in die Sinode deur die
leraars in ‘n informele gespreksforum gehanteer word o.l.v. die
werkgroep.
(4) Op die Sinode se webtuiste ‘n “blog” geopen word waar aktuele sake
deurlopend bespreek kan word.
BESLUIT 27/SS/04/2012: Dat
Mense wat belangstel om die gebedsbediening van die Sinode as
lewenswyse van gehoorsaamheid en dankbaarheid uit te bou op praktiese
en relevante maniere, tydens die Sinode byeen kom (by Antonie
Badenhorst) en ‘n sameroeper aanwys.
Die vergadering NEEM KENNIS dat die volgende alreeds gedoen word:
Tydens die Sinode word gereelde geleenthede geskep vir gebed,
aanbidding en danksegging omdat God die lewende God is en Hy ons lewe
is, die Hoorder van elke gebed – woordryk of stamelend.
13.4 OPSOMMENDE VERSLAG TEN OPSIGTE VAN DIE STRATEGIESE
PLAN
Die Sinode NEEM KENNIS van die verslag.
13.5 SINODE 2010 OPDRAGTE
Die Sinode NEEM KENNIS van die verslag.
13.6 VERSLAG VANAF DIE SKDB
Dr Gouws stel Me Amanda Pretorius en ander voor.
Ds Marais Strydom lê die aanbevelings voor.
Die Sinode NEEM KENNIS van die verslag.
BESLUIT 28/SS/04/2012: Dat
(1) Die Sinode aan die SKDB opdrag gee om in die termyn tot by die
volgende Sinode sitting, voortgesette prioriteit te verleen aan die
werksaamhede soos in hierdie verslag uiteengesit.
(2) Die Sinode die SKF versoek om die SKDB te ondersteun met die
befondsing van die verskillende bedieninge.
Ds Strydom verwelkom Mnr Frans Swanepoel. Dank word uitgespreek vir sy
diens van 30 jaar aan die Diens van Barmhartigheid. Die vergadering sing
hom “Laat Heer U seën op hom daal” toe.
Me Amanda Pretorius doen verslag oor bejaardesorg. ‘n Vraelys word
uitgedeel om behoeftes van ouer lidmate vas te stel.
13.7 GEMEENTES SE AGENDAPUNTE VERWYS NA PORTEFEULJE
Die Sinode NEEM KENNIS van die verslag.
Eerste verkiesing Ouderling/Diaken uit nominasies ontvang:
i. Wilhelm Crous ii. Francois Lambrechts
iii. Sarel de Beer iv. Eric Poalses
v. Flip Froneman vi. Alida van Deventer.
7

14. SPREEKBEURT BYBELGENOOTSKAP
Ds Johan Peyper van Bybelgenootskap van Suid-Afrika kom lewer verslag.
Daar word voorbidding gevra vir die werk van die Bybelgenootskap.
Afkondigings – Ds Gerrit Visser.
Verkiesing twee vir ouderling/diaken op die SDK:
i. Sarel de Beer
ii. Flip Froneman
iii. Eric Poales
15. TAFELGESPREK 3 Sosiale Realiteite.
Vergadering verdaag vir tee/koffie.
1) Hoe kan die Kerk (Kerk = lidmate, gemeentes, ringe en Sinode) haar
verantwoordelikheid ten opsigte van haar ouer lidmate aanspreek – hetsy deur
bystand en/of voorkoming?
2) In ag genome dat 74% gevangenes na vrylating weer ‘n terugval beleef en
misdaad pleeg, wat kan die Kerk (soos in 1 hierbo) doen ten opsigte van
bekamping van misdaad?
3) Hoe kan ‘n suksesvolle Gevangenisbediening deur die Kerk die probleem
verder kom aanspreek?
4) Hoe kan die Kerk die slagoffers van misdaad bystaan en begelei?
Oudl Sarel De Beer is verkies as primariuslid vir ouderling op die SDK en mnr E Poalses as
sekundus.
16. DIENSGROEP: JEUGWERK - VERSLAG VAN FUTURE/NOW
Ds. Dirk Human kom aan die woord.
Dr. Dirkie de Wet lewer verslag in verband met Netwerk-taakspan in die Diensgroep.
Die Diensgroep gee ‘n uitvoering in ‘n uitvoering.
Ds. Gerrit Visser lewer terugvoer in verband met die Tienertaakspan.
‘n Videogreep word gewys vir bemarking van die TienerSinode 11 -13 Mei 2012.
‘n Videogreep word gewys in verband met die werksaamhede van die Jongvolwasse
taakspan.
Ds. Gert van der Merwe van die taakspan Gesinsbediening lewer verslag.
Ds. Waldemar Stümpfe van Bybelmedia neem ‘n behoeftelys by die vergadering in.
Daar word ‘n tafelgesprek deur die Diensgroep gehou.
Daar word 15 minute vir die gesprek toegelaat.
16.1 TAFELGESPREK 4
i. Waar in die volgende 4 areas in julle gemeente is daar energie en wat
doen julle om die energie te kry, aan te wakker en te hou? Die areas:
Gesinne, Kinders, Tieners en Jong volwassenes.
ii. In watter van die areas is daar behoefte om te groei en te verbeter in jul
gemeente? Wat is die behoeftes? Hoe kan die diensgroep jeug help?
iii. As julle ‘n werkswinkel, seminaar of kursus in die 4 areas kan bywoon
wat sal die tema wees waaraan jul behoefte het?
iv. In watter mate is daar samewerking tussen gemeentes in die ring in die 4
areas? Wat belemmer die samewerking? Wat kan dit bevorder?
17. VOORSTEL - voorstel ingedien deur: Tydelike Regskommissie.
Die Aktuarius, in oorleg met die TRK en dr AS Koorts, hanteer ‘n voorstel oor die
stemreg van ‘n verkose betaalde amptenaar op die SDK en versoek die vergadering
8

om daaroor ‘n besluit te neem. Ds Danzfuss verskaf verdere toeligting oor die
tegniese punt.
BESLUIT 29/SS/04/2012: Dat
Indien ‘n verkose lid van die SDK gelyktydig ook ‘n betaalde amptenaar van die
Sinode is, is sy/haar sittingsreg op die SDK adviserend (na analogie van Bepaling
35.2.1.1).
18. BESKRYWINGSPUNT 3
Die vergadering NEEM KENNIS dat Beskrywingspunt 3 onttrek is.
19. BESKRYWINGSPUNT 4
BESLUIT 30/SS/04/2012: Dat
Beskrywingspunt 4 aan die Algemene Sinode deurgestuur word.
20. GOEDKEURING KONSEPNOTULE HANDELINGE DAG 1
BESLUIT 31/SS/04/2012: Dat
Die Konsenotule van Dag 1 goedgekeur word – redaksionele wysigings sal
aangebring word.
21. VERLOF EN PERSONEELWYSIGINGS – 18 APRIL 2012
Gemeente Persoon
Datum
verlof
Tyd
Rede
Edleen MA Visser (ds.) 18 April 15:00 – 18:00 Familieverpligtinge
Birchleigh-Noord John Hillocks 18 April 16:00 – 18:00 Werksverpligtinge
Delmas-Wes GJ Snyman 18 April Hele dag Dogter se mangels word
uitgehaal
Springs Lukas Steenkamp 18 April 09:00 – 14:00 Persoonlike sake
Strubenvale NJ Prinsloo 18 April Hele dag Afspraak by spesialis in
Pretoria
Springs-Noord Liesl Nickols 18 April Hele dag Familieverpligtinge
Klipriviersberg Johan Heyns 18 April Hele dag Begrafnis
Kiblerpark Gert de Beer 18 April 09:00 – 13:00 Ma hospitaal toe neem
Brakpan C Spies 18 April 09:00 – 13:00 Kleinkind op 17de
Mondeor Gideon Kok 18 April 09:00 – 13:00 Siekte in gemeente
Sunwardpark Kokkie Herman 18 April Hele dag Werksomstandighede
Strubenvale Pieter Jacobs 18 April Hele dag
Brackenhurst Martin Reid 18 April Hele dag Moet in Vanderbijlpark wees
Standerton MC Roux 18 April 11:30 – 18:00 Gradeplegtigheid van dogter
UJ
Heidelberg George Booker 18 April 11:30 – 18:00 Gradeplegtigheid by UJ
Klipkerk
Greymont Gert Kotze 18 April 13:00 – 18:00 Persoonlik
Greymont Phil van der Merwe 18 April 13:00 – 18:00 Persoonlik
Rynfield Charl Oosthuizen 18 April 13:00 – 18:00 Afspraak by mediese
spesialis
Kempton-Kruin Schalk Basson 18 April 13:00 – 18:00 Lidmaat ernstig in ICU
Parkkruin E.C. du Preez 18 April 16:00 – 18:00 Gemeentelike verpligting
Standerton-Wes JH Boshoff 18 April 16:00 – 18:00 Blomme vir gasvrou
Standerton-Wes J Grobler 18 April 16:00 – 18:00 Blomme vir gasvrou
Hoogland Rico ? 18 April 16:00 – 18:00 Persoonlike verpligting
Brakpan Cobie Spies 18 April 16:00 – 18:00 Koster krities siek
Alberton-Suid Pieter-Ben Pienaar 18 April 17:00 – 18:00 Verpligting
Edleen Hennie Nieuwoudt 18 April 16:00 - 18:00 Werksverpligting
Brackendal Robert Rotteveel 18 April 16:30 – 18:00 Sterfte in gemeente
9

21.1 Personeelwysigings – 18 April 2012
Gemeente Persoon
Verskyn in plaas
van
Tyd Rede
Elspark Schalk van der Merwe Izak du Toit 08:00 – 14:00 Werk
Weltevreden R Steenekamp X Scholtz Hele dag
21. DAGSLUITING
Ds. Heini Berner sluit die vergadering af.
22. VERDAGING
Die vergadering verdaag om 18:05.
Konsepnotule goedgekeur op derde Sittingsdag 19 April 2012.
_____________
MODERATOR
_______________
SCRIBA SYNODI
10

BYLAAG A
Groeteboodskap van Prof Nelus Niemandt op 2011-04-18 aan Sinode Hoëveld
Groete in die Naam van die Drie-enige God, Vader, Seun en Heilige Gees.
Groete namens u broers en susters in die NG Kerk in baie lande.
Ons geloof in die Drie-enige God herinner ons hoe belangrik eenheid in die Here is. Dit is
hoekom ons, in ons gereformeerde verstaan van kerkverband, bymekaar kom en saam soek
om die Here se wil te onderskei – omdat ons oortuig is die kerk se lewe is ‘n lewe in die
Triniteit. Die kerk moet nie net die eenheid wat daar in die Drie-enige God is, weerspieël nie,
die kerk se lewensruimte is die Drie-enige God.
Mag u wysheid ontvang, die tekens van die tye reg lees en God se wil vir die sinode,
gemeentes en gemeenskappe onderskei. Dit is slegs deur geloofsonderskeiding dat ons ons
plek – as gelowige volgelinge en as gemeentes – op hierdie reis saam met die lewende,
Drie-enige God kan verstaan. Dit is ook die eerste en mees beslissende stap op ‘n reis van
missionale vernuwing en gestuurdheid – wat een van die sinode Hoëveld en ook die
Algemene Sinode, se fokuspunte is. Die AS vat graag hande met streeksinodes en sal graag
saam met u sinode wil meedoen aan die roeping om God se toekoms en Koninkryk ‘n
werklikheid te maak. Die Wêreldraad van Kerke se beleidsdokument oor Sending en
Evangelisasie stel dit helder: ‘Die winde van verandering wat dwarsoor die wêreld waai,
daag die kerk uit om ‘n wind van verandering vir ‘n beter wêreld te wees deur gehoorsaam te
wees aan die leiding van die Gees.’ Dit verg nuwe verbeelding oor die kerk – die soort
drome wat moontlik is wanneer die kerk telkens op ‘n nuwe en vars manier tuiskom in die
wêreld – veral daar waar mense smag na God se genadige teenwoordigheid wat vryheid en
menswaardigheid bring.
Die kerk is ‘n gemeenskap wat oop is om altyd deur die Gees nuutgemaak te word en om te
onderskei waar die Gees aan die werk is. Mag u sinode gekenmerk word deur so ‘n oop,
transformerende spiritualiteit. Die Gees wat op Pinksterdag uitgestort is, is ‘n Asem van Vuur
wat nie net op ‘n misterieuse en charismatiese manier werk nie, maar ook in die alledaagse
van die lewe. Die Gees bring oral lewe en dus verandering. Juis daarom is ‘n
transformerende spiritualiteit belangrik. Dit is ‘n heilige geskenk van die Skepper self en gee
krag en energie om lewe te bring en te sorg vir lewe. Dit is die soort geestelike lewe wat in
staat is om, deur die genade van God, die ganse alledaagse wêreld te verander.
Ek gee ook graag terugvoering oor die prosesse wat vloei uit die Algemene Sinode se
onderskeidingsproses. Die Moderamen het in die lig van die besluite van die Algemene
Sinode, en na aanleiding van ‘n proses van onderskeiding, juis besluit om op die volgende
sake te fokus:
Die oorkoepelende saak kan waarksynlik ten beste beskryf word as ‘n fokus op lewe self. Ek
is so dankbaar dat die voorsitter van die sinode in die beskrywing van Hoëveld se visie, dit
ook verduidelik het as ‘n fontein van lewe wat na mense vloei. In die diepste sin is dit die
soort lewe wat die Evangelie bring. Jesus Christus se sending was om die ‘lewe in oorvloed’
(Joh. 10:10) te bring. Die lewende God is die Een wat lewe gee, dit in stand hou en die bron
van alle krag is wat die hele skepping nuut maak. Dit lê ook in die hart van waarmee die kerk
besig behoort te wees: om die lewe te vier, lewe te bring en deur die krag van die Heilige
Gees weerstand te bied teen alles wat lewe wil vernietig. Daarom sal u ook verstaan dat die
breë kerkverband na aanleding van besluite van die AS, baie besig is met nadenke oor en
praktiese leiding aan sinodes oor volhoubare lewe en die Godgegewe waardigheid van
menslike lewe. In ons besluite oor ons gereformeerde identiteit is duidelik gestel dat
11

gereformeerdes eintlik ‘n baie positiewe en realistiese mensbeeld het. ‘Jy moet jouself sien
soos God jou sien. Dit bring jou by ‘n goeie en realistiese selfbeeld’. In die lig van die manier
waarop armoede hierdie menswaardigheid aftakel en lewe beroof, verstaan u sekerlik die
AS se besorgdheid oor armoede en dus ook die skerp fokus om die kerkverband te
mobiliseer om, deur die krag van die Gees, ‘n verskil te maak.
Die NG Kerk deel baie sterk oortuigings oor die eenheid onder gelowiges. Ek het reeds in
die begin van hierdie groeteboodskap verwys na die oortuiging dat ons eenheid ingebed is in
die eenheid en lewe in die Triniteit. Ons soeke na eenheid begin in die die hart van die Drieenige
God. Dit is niks minder as die liefde wat die Drie-eenheid vorm en saambind wat nou
na alle mense en die ganse skepping stroom nie en ons ook meesleur om eenheid na te
streef. Soos wat die Drie-enige God in verhouding bestaan, kan daar nie aan die kerk en
vergaderings in die kerk gedink word sonder om aan verhoudings te dink nie. Daarom is die
AS so sterk verbind tot eenheid in die NG Kerkfamilie, en ook tot die soeke na groter en
dieper eenheid met die ander Gereformeerde kerke in ons lande. Dit onderstreep ook die
belang van verhoudings: verhoudings is waardevol. Dit bepaal ons menslikheid.
Die AS is oortuig dat die Belydenis van Belhar op verskillende maniere woorde gee aan
omtrent al hierdie oortuigings. Die Ou-Testament teoloog, Walter Brueggemann, verduidelik
dat ons taal en stories gebruik om ‘n ‘huis van taal’ te bou. Ons almal leef in hierdie
komplekse taalhuise. Dit is deur taal wat die wêreld oopgaan en verstaanbaar word. Dit is
deur taal wat ons aan ons werklikheid – ons ‘taalhuis’ bou. Die ‘taalhuis’ bestaan uit ‘n groot
klomp stories. Ons kan nie onsself en ons menslikheid sonder stories verstaan nie. Dit is juis
ons verhale wat ons identiteit bepaal. Daarom dat ons so lief is vir stories – vir Dana
Snyman s’n, Blouwillem se humoristiese uitkyk op die lewe en sepies op TV. Die einste
stories wat die lewe moontlik maak, speel net so ‘n belangrike rol om mense te help om deur
hierdie tye van verandering sin van die lewe te maak. Ons het nuwe stories nodig. Nuwe
stories skep nuwe lewe. Ons moet lewe gee deur nuwe lewensverhale in die lig van die
Bybelse narratiewe te deel. Die Algemene Sinode van die NG Kerk sien in die belydenis van
Belhar die hooflyne van ‘n nuwe verhaal wat ons kan help om ‘n nuwe begin te maak.
Die storielyn van Belhar is duidelik. God is ‘n God van geregtigheid. In hierdie wêreld waar
ryk bankiers reuse bonusse kry en korrupte politici arm mense se geld steel, kan ons verhale
van mededeelsaamheid, sorgsaamheid en moeite om armes te help, vertel. In hierdie wêreld
waar globalisering tot gevolg het dat meer en meer verskillende mense in dieselfde plekke
saam ‘n lewe moet maak, kan ons praat oor nuwe lewe en eenheid in Jesus Christus. Ons
kan in die naam van die Here protesteer waar minderhede onderdruk word en mense (ook
Afrikaanses) se identeit en reg vertrap word. In ‘n wêreld waar ‘n harde verbruikerskultuur
selfsug laat gedy, kan ons vertel van versoening.
In hierdie nuwe globale wêreld en midde-in al die veranderings wat die kerk moet hanteer, is
die transformerende krag van die Gees die grootste bron van hoop. Hierdie vars Wind kan
ook die NG Kerk vol hoop maak sodat ons nuwe lewe kan bring.
Prof Nelus Niemandt
12